အေးအေးသာသာ ပြုမူဆောင်ရွက် အပိုင်း ၃- Creativity - OSHO
ပထမဦးဆုံး လုပ်ငန်းဆောင်တာတွေ(activity)ရဲ့ သဘောသဘာဝနဲ့ အဲဒီအပြုအမူတွေရဲ့ နောက်ကွယ်မှာရှိတဲ့ ရေစီးကြောင်းတွေကို နားလည်ထားရလိမ့်မယ်။ အဲဒီလိုမှမဟုတ်ရင် ခင်ဗျား သက်သက်သာသာနေရတယ်ဆိုတာ မဖြစ်နိုင်တော့ဘူုး။ ခင်ဗျားအနားယူချင်တယ်ဆိုရင်တောင် ခင်ဗျားက လုပ်ငန်းဆောင်တာတွေရဲ့ သဘောသဘာဝကို သတိထားစောင့်ကြည့်မနေရင်၊သဘောမပေါက်ရင် တကယ်နားနေတယ်ဆိုတာမဖြစ်နိုင်ဘူး။ အဲဒါဘာလို့လည်းဆိုတော့ တစ်ခုခုလုပ်တယ်ဆိုတာ ရိုးရှင်းတဲ့ကိစ္စမဟုတ်ဘူး။ လူအများစုဟာ သက်သောင့်သက်သာနေလိုကြပါတယ်။ ဒါပေမယ့် သူတို့အဲဒီလိုနေလို့မရဘူး။ အနားနေအပန်းဖြေခြင်းဆိုတာ ပန်းပွင့်ခြင်းဖြစ်စဉ်လိုပဲ။ အတင်းအကြပ်သွားလုပ်လို့မရဘူး။ အဲဒီဖြစ်စဉ်တစ်ခုလုံးကို ခင်ဗျားသေသေချာချာနားလည်မှရမယ်။ ခင်ဗျားဘာကြောင့် တက်ကြွလှုပ်ရှားနေသလဲ။ ဘာကြောင့် တစ်ခုခုလုပ်ဖို့ပဲ အာရုံရနေလဲ။ ဘာလို့အဲဒါကိုပဲ စိတ်စွဲနေတာလဲ။
စကားလုံးနှစ်လုံးကိုမှတ်ထားပါ။ တစ်ခုက ပြုမူလုပ်ကိုင်ခြင်း(action) နဲ့ နောက်တစ်ခုက လုပ်ငန်းဆောင်တာ(activity)။ ပြုမူလုပ်ကိုင်တာဟာ လုပ်ငန်းဆောင်တာမဟုတ်ဘူး။ အပြန်အလှန်အားဖြင့် လုပ်ငန်းဆောင်တာဟာ ပြုမူလုပ်ကိုင်ခြင်းမဟုတ်ပြန်ဘူး။ သူတို့တွေရဲ့ သဘောသဘာဝဟာ အင်မတန်ခြားနားတယ်။ ပြုမူလုပ်ကိုင်တယ်ဆိုတာ အခြေအနေပေါ်မူတည်ပြီး လုပ်လိုက်တာမျိုးပဲ။ အခြေအနေကတောင်းဆိုတယ်။ ခင်ဗျားက တုန့်ပြန်တယ်။ လုပ်ငန်းဆောင်တာကတော့ အခြေအနေပေါ်မမူတည်ဘူး။ ဒါတုန့်ပြန်မှုမဟုတ်ဘူး။ ခင်ဗျားဟာ ခင်ဗျား ဂနာမငြိမ်နိုင်လို့ တက်ကြွလှုပ်ရှားဖို့ အခြေအနေတစ်ခုကို ဆင်ခြေပေးဖို့လုပ်ထားတာပဲ။
ပြုမူလုပ်ကိုင်ခြင်းဟာ ငြိမ်သက်တဲ့စိတ်ကနေ ထွက်ပေါ်လာတယ်။ ကမ္ဘာမှာအလှဆုံး အရာပဲ။ လုပ်ငန်းဆောင်တာကတော့ ဂနာမငြိမ်တဲ့စိတ်ကနေလာတယ်။ အရုပ်ဆိုးအကျည်းတန်ဆုံးပဲ။ ပြုမူလုပ်ကိုင်တယ်ဆိုတာ ပြုမူဆောင်ရွက်ဖို့လိုမှလုပ်ရတာမျိုး။ လုပ်ငန်းဆောင်တာကတော့ လုပ်စရာမလိုဘဲ လျှောက်လုပ်နေတာ။ မဆီလျော်တဲ့ကိစ္စမျိုးတွေ။ ပြုမူလုပ်ကိုင်ခြင်းတွေဟာ တဒင်္ဂကနေ တဒင်္ဂ ဆက်စပ်သွားတယ်။ လုပ်ငန်းဆောင်တာကတော့ အတိတ်နဲ့ရောထွေးပတ်သက်နေတယ်၊ လက်ရှိပစ္စုပ္ပန်တည့်တည့် တုန့်ပြန်နေတာမျိုးမဟုတ်ဘူး။ အတိတ်ကသယ်လာတဲ့ ခင်ဗျားရဲ့ ဂနာမငြိမ်မှုတွေကို ပစ္စုပ္ပန်ထဲ လောင်းချနေတာမျိုးပဲ။ ပြုမူလုပ်ကိုင်ခြင်းဟာ တီတီထွင်ထွင်ရှိတယ်လို့ဆိုရင် လုပ်ငန်းဆောင်တာဟာ အင်မတန်အဖျက်စွမ်းအင်ထုတ်တာမျိုးပဲ။ ခင်ဗျားကိုပါ အဲဒီလုပ်ငန်းဆောင်တာက ဖျက်ဆီးပစ်နေတာ။ တစ်ခြားသူတွေကိုလည်း ဖျက်ဆီးပစ်တာပဲ။ ဒီနှစ်ခုကို ကောင်းကောင်းခွဲပြဖို့ ဥပမာတစ်ခုပေးရရင်၊ ခင်ဗျားဗိုက်ဆာတယ်။ တစ်ခုခုစားတယ်။ အဲဒါ ပြုမူလုပ်ကိုင်ခြင်းပဲ။ ခင်ဗျားက ဆာတော့မဆာဘူး။ ဆာလောင်မွတ်သိပ်မှုကို လုံးလုံးမခံစားရဘူး။ ဒါပေမယ့်စားတော့စားနေတယ်ဆိုရင် လုပ်ငန်းဆောင်တာဆန်သွားပြီ။ မဆာဘဲစားသောက်ခြင်းဟာ အကြမ်းဖက်မှုလေးတစ်ခုပဲ။ အစာတွေကို ချေဖျက်ဖို့ သွားနဲ့ကြိတ်ဝါးနေတာဟာ ခင်ဗျားစိတ်ထဲမှာရှိနေတဲ့ ဂနာမငြိမ်မှုသက်သာအောင်လုပ်နေတာပဲ။ ခင်ဗျားဆာလို့စားနေတာမဟုတ်ဘူး။ အတွင်းစိတ်ကလိုအပ်လို့ ခင်ဗျားအကြမ်းဖက်မှုလေးတစ်ခုကို လုပ်နေတာ။
တိရစ္ဆာန်လောကမှာဆိုရင် အကြမ်းဖက်မှုဟာ ပါးစပ်နဲ့လက်ရဲ့ကိစ္စပဲ။ လက်သည်းနဲ့သွားတွေရဲ့ကိစ္စလို့လည်းဆိုနိုင်တယ်။ ဒီနှစ်ခုဟာ တိရစ္ဆာန်လောကရဲ့ အကြမ်းဖက်မှုပဲ။ ခင်ဗျားတစ်ခုခုကိုစားတယ်ဆိုတာ ဒီနှစ်ခုနဲ့ပတ်သက်တာပဲ။ အစာကိုယူတယ်။ စားပစ်တယ်။ အကြမ်းဖက်မှုပဲ။ မဆာဘဲစားရင် အဲဒါပြုမူလုပ်ကိုင်ခြင်းမဟုတ်တော့ဘူး။ ရောဂါဖြစ်သွားပြီ။ အဲဒီလုပ်ရပ်ဟာ စိတ်စွဲပြီးလုပ်မိလုပ်ရာလုပ်နေတာမျိုးပဲ။ ခင်ဗျား စားချည်းပဲစားနေလို့ဘယ်ဖြစ်မလဲ။ ပေါက်ထွက်သွားမှာပေါ့။ အဲဒီတော့လူတွေက လှည့်ကွက်လေးတွေသုံးတယ်။ ဆေးရွက်ကြီးဝါးမယ်။ ပီကေဝါးမယ်။ စီးကရက်သောက်မယ်။ ဒါတွေက အစားအစာအတုတွေပေါ့။ အဟာရတော့မဖြစ်ဘူး။ ဒါပေမယ့် အကြမ်းဖက်မှုကိစ္စအတွက်တော့ အသုံးတဲ့တယ်။
ပီကေစားနေတဲ့ တစ်ယောက်ကိုကြည့်။ သူဘာလုပ်နေတာတုန်း။ တစ်ယောက်ယောက်ကို သတ်နေတာပဲ။ သူ့စိတ်သူ သတိထားကြည့်ရင် စိတ်ထဲမှာ သတ်ချင်ဖြတ်ချင်စိတ် ရှိနေတာ တွေ့ရမယ်။ ဒါပေမယ့် သတ်မယ့်ဖြတ်မယ့်အစား ပီကေကိုပဲ ဝါးနေလိုက်တယ်။ အင်မတန် အပြစ်ကင်းတဲ့ ကိစ္စလေးပေါ့။ ခင်ဗျားဟာ ဘယ်သူ့ကိုမှ အန္တရာယ်ပေးမနေတော့ဘူး။ ဒါပေမယ့် အဲဒါ ခင်ဗျားအတွက် သိပ်အန္တရာယ်ကြီးတယ်။ ဘာလုပ်လို့လုပ်နေမှန်း မသိဘဲ လုံးဝ သတိလက်လွတ်ကြီး မောဟဖြစ်နေတာ။ ဆေးလိပ်သောက်နေတဲ့သူ တစ်ယောက်ကရော ဘာများလုပ်နေသလဲ။ သိပ်အပြစ်ကင်းတဲ့ ကိစ္စပဲ ဆေးငွေ့ကို ရှူသွင်းပြီး ပြန်ထုတ်တယ်။ ရှူသွင်း၊ ရှူထုတ် လုပ်နေတာပဲ။ ဝင်သက်ထွက်သက် ရှည်ရှည်ရှူတဲ့ ပရာနာရာမ ကျင့်စဉ်တော် ကျင့်နေသလိုမျိုးပဲ။ သူက မန္ဒလာ(စက်ဝိုင်း)လုပ်နေတာပဲ။ ရှူသွင်းတယ်၊ ရှူထုတ်တယ်။ ပြီးတော့ ပြန်ရှူသွင်းတယ်။ စက်ဝိုင်းတစ်ပတ် လည်သွားသလိုမျိုးပဲ။ ဆေးလိပ်သောက်နေခြင်းအားဖြင့် သူက မန္တန်တစ်ခုခုကို ရွတ်နေသလိုမျိုး လုပ်နေတာပဲ။ အဲဒါလေးက စိတ်ကို နူးညံ့သွားစေတယ်။ အတွင်းစိတ်မှာရှိတဲ့ ဂနာမငြိမ်မှု နည်းနည်းသက်သာသွားတယ်။
ခင်ဗျား တစ်ယောက်ယောက်နဲ့စကားပြောနေရင် သူဆေးလိပ်ကို ကောက်ကိုင်လိုက်သလားဆိုတာ သတိထားကြည့်ကြည့်ပါ။ အဲဒါဟာ သူငြီးငွေ့သွားပြီဆိုတာကို ဖော်ပြတဲ့ ရာနှုန်းပြည့် အမှန်တရားပဲ။ ဖြစ်နိုင်ရင် ခင်ဗျားကို သူလွှင့်ပစ်လိုက်ချင်ပြီ။ ဒါပေမယ့် ဒီလိုမယဉ်ကျေးတဲ့အပြုအမူကို သူလုပ်လို့မဖြစ်ဘူး။ သူ့ဆေးလိပ်ကိုသူပြောမယ်။ တော်လောက်ပါပြီ။ ငါလည်းနားလျှံလောက်ပြီ။ တိရစ္ဆာန်လောကမှာဆို ခင်ဗျားကို သူခုန်အုပ်လိုက်ပြီ။ လူသားတစ်ယောက်အနေနဲ့တော့ သူ့စီးကရက်ကိုပဲ သူခုန်အုပ်လိုက်တယ်။ သူကယဉ်ကျေးတဲ့လူသားမဟုတ်လား။ သူဆေးလိပ်စသောက်ပြီ။ ခင်ဗျားအကြောင်းပူစရာမလိုတော့ဘူး။ သူဟာ သူ့ဆေးလိပ်ငွေ့တွေရဲ့ မန္တန်နဲ့ပိတ်ထားလိုက်ပြီ။ အဲဒါလေးက သက်သာရာရစေတယ်။
ဒီလုပ်ငန်းဆောင်တာတွေက ဘာကိုပြနေသလဲဆိုရင် ခင်ဗျားက စွဲနေပြီဆိုတာပဲ။ ခင်ဗျားဟာ ခင်ဗျားမနေနိုင်တော့ဘူး။ ဆိတ်ငြိမ်စွာ မနေနိုင်တော့ဘူး။ ဘာမှ လှုပ်ရှားတက်ကြွမနေဘဲ အသာလေးငြိမ်မနေနိုင်တော့ဘူး။ လုပ်ငန်းဆောင်တာတွေကနေတစ်ဆင့် ခင်ဗျားဟာ ခင်ဗျားရဲ့ ရူးမိုက်မှု၊ရူးသွပ်မှုတွေကို လွှင့်ပစ်နေတာ။
ပြုမူလုပ်ကိုင်ခြင်း(action) ကတော့ လှပတယ်။ ပြုမူလုပ်ကိုင်တယ်ဆိုတာ တစ်ဆက်တည်း တုန့်ပြန်လိုက်တာပဲ။ ဘဝဟာတုန့်ပြန်မှုလိုတယ်။ ခဏငယ်လေးတိုင်း၊ တဒင်္ဂတိုင်း ခင်ဗျားဟာ ပြုမူလုပ်ကိုင်နေရမယ်။ ပြုမူလုပ်ကိုင်ခြင်းဟာ ပစ္စုပ္ပန်မှာပဲရှိတယ်။ (မူရင်းစာအုပ်မှာ action ရေးတာ activity ဖြစ်နေတာတွေ့တယ်။) ဗိုက်ဆာတယ်၊ အစာရှာမယ်။ ရေဆာတယ်၊ ရေတွင်းမှာရေရှာမယ်။ အိပ်ငိုက်တယ်။ အိပ်မယ်။ ဒါက အခြေအနေပေါ် လုံးဝဥဿုံတည်မီနေတာ။ ပြုမူလုပ်ကိုင်ခြင်းဟာ တစ်ဆက်တစ်စပ်တည်းဖြစ်သလို၊ ပြည့်ဝတဲ့လုပ်ကိုင်မှုတစ်ခုလည်းဖြစ်တယ်။
လုပ်ငန်းဆောင်တာဆိုတာတော့ ဘယ်တော့မှ တစ်ဆက်တစ်စပ်တည်းမရှိဘူး။ သူက လာကတည်းက အတိတ်ကနေလာတယ်။ အတိတ်မှာ စုဆောင်းသိုမှီးထားပြီး ပစ္စုပ္ပန်ကြမှ ထပေါက်ကွဲတာမျိုးပဲ။ အဲဒါ မဆီလျော်တဲ့ကိစ္စပဲ။ ဒါပေမယ့် စိတ်က ဉာဏ်အလွန်များတယ်။ စိတ်က လုပ်ငန်းဆောင်တာအတွက် အခြေအမြစ်ရှိတဲ့ အကြောင်းပြချက်တွေ အမြဲရှာတယ်။ စိတ်ကအမြဲတမ်း ဒါဟာ လုပ်ငန်းဆောင်တာမဟုတ်ဘူး။ ပြုမူဆောင်ရွက်မှုသာဖြစ်တယ်။ လုပ်သင့်လို့လုပ်လိုက်ရတာမျိုးဖြစ်အောင် လှည့်စားပေးမယ်။ အဲဒီလိုလုပ်ပေးဖို့လည်းလိုအပ်တာကိုး။ ခင်ဗျားဟာ ဒေါသတကြီး ထပေါက်ကွဲပြီဆိုပါတော့။ က်ျနတဲ့သူတွေအားလုံးက ဒီလောက်ဖြစ်စရာမလိုပါဘူးလို့သိတယ်။ အခြေအနေကလည်း ဒီလိုပြုမူဖို့မလိုဘူး။ ဆီလည်းမဆီလျော်ဘူး။ ခင်ဗျားဟာခင်ဗျားသာ မသိတာ။ ကျန်တဲ့သူတွေအားလုံးသိတယ်။ "ဟ ဒီကောင် ဘယ့်နှာဖြစ်နေတုန်း၊ ဒီလိုဖြစ်ဖို့လည်းမလိုပါဘူး၊ ဘာလို့ဒီလောက်တောင်စိတ်ဆိုးနေလဲ " ဆိုတာမျိုး သူတို့ ခံစားနားလည်ကြတယ်။ ခင်ဗျားအတွက်တော့ ဒီဒေါသဟာထွက်သင့်လို့ထွက်တာဆိုတဲ့ အမြင်မျိုးရနေလိမ့်မယ်။ အကြောင်းပြချက်ကောင်းကောင်းနဲ့ ဒေါသထွက်ဖို့လိုတယ်ဆိုတာမျိုး ခင်ဗျားလုပ်လိုက်လိမ့်မယ်။
အဲဒီလို ကိုယ့်အမှားကို ဖုံးဖိပေးတဲ့အကြောင်းပြချက်တွေဟာ ခင်ဗျားရဲ့ မိုက်မဲမှုကို ဆက်ပြီးမေ့ထားနိုင်အောင် ကူညီပေးတာပေါ့။ အဲဒါကို ဂျော့ခ်ျ ဂါဂျစ်ဖ်က အခုအခံတွေလို့ဆိုတယ်။ အခုနပြောတဲ့ ကိုယ့်အမှားကိုယ်ဖုံးပေးထားတဲ့ အကြောင်းပြချက်တွေဆိုတဲ့ အခုအခံတွေကို ခင်ဗျားပတ်လည်မှာထားလိုက်ရင် အခြေအနေမှန်ကို ခင်ဗျားမသိတော့ဘူး။ ဒီလိုအခုအခံတွေကို ရထားမှာတွဲဆက်တွေမှာ သုံးသဗျ။ တကယ်လို့ရုတ်တရတ် ရထားရပ်လိုက်ရရင် ခရီးသည်တွေ ရထားဆောင့်တာ သက်သာသွားစေတာပေါ့။ အခုအခံတွေက ရထားဆောင့်တာကို ကြားခံပေးထားလိုက်တာပဲ။ ခင်ဗျားရဲ့ လုပ်ငန်းဆောင်တာတွေဟာ ဆက်တိုက်ကြီးမဆီလျော်တော့ဘူး။ ဒါပေမယ့် အခုအခံတွေက ဖြစ်ရပ်မှန်ကို နားမလည်အောင်ဖုံးထားတော့ ခင်ဗျားသေချာမသိတော့ဘူး။ အခုအခံတွေက ခင်ဗျားကို ကန်းသွားစေတယ်။ အဲဒီတော့ ခင်ဗျားက ခင်ဗျားကိုယ်ခင်ဗျားဟုတ်လှပြီထင်ပြီး လုပ်ငန်းဆောင်တာတွေ ဆက်လုပ်နေရော။ ဒေါသထွက်စရာကိစ္စလို့ထင်ရင် ခြေခြေမြစ်မြစ်နားလည်ဖို့မကြိုးစားဘဲ ဒေါသဆက်ထွက်နေရော။
အဲဒီလို လုပ်ငန်းဆောင်တာမျိုးရှိနေရင် ခင်ဗျားဘယ်လို အနားရမလဲ။ နားလို့ကိုမရနိုင်ဘူး။ အဲဒါဟာ စွဲမိနေတဲ့လိုအပ်ချက်ဖြစ်သွားပြီ။ အဲဒီတစ်ခုဟာဘာပဲဖြစ်ဖြစ် ခင်ဗျားလုပ်ချင်နေပြီ။ ကမ္ဘာပေါ်မှာ ဘာမှမလုပ်ဘဲမနေနဲ့ တစ်ခုခုသာလုပ်နေဆိုပြီး ပြောပြောနေတဲ့ အရူးတွေအများကြီးရှိတယ်။ ဒါတင်မကဘူး ပြီးပြည့်စုံတဲ့ အရူးတွေဆို ကမ္ဘာသုံး စကားပုံတွေတောင်ထွင်လိုက်ကြသေးတယ်။ ဗလာကျင်းနေတဲ့စိတ်ဟာ နတ်ဆိုးရဲ့အလုပ်ရုံတဲ့။ အဲဒါမဟုတ်မှမဟုတ်ဘဲ။ ဖြစ်ချင်းဖြစ် ဗလာကျင်းနေတဲ့စိတ်ဟာ ဘုရားရှင်ရဲ့ အလုပ်ရုံပဲဖြစ်မှာပေါ့။ ဒီလောက်လှတဲ့စိတ်ဟာ နတ်ဆိုးရဲ့ အလုပ်ရုံ ဘယ့်နှယ်ဖြစ်နိုင်ပါ့မလဲ။ ဒီစိတ်ဟာ အလှဆုံးနဲ့အသန့်စင်ဆုံးစိတ်ပဲ။ နတ်ဆိုးဟာ ဗလာကျင်းနေတဲ့စိတ်ထဲ ဘယ်လို ဝင်လာနိုင်ပါ့မလဲ။ နတ်ဆိုးဟာ ခင်ဗျား လုပ်ငန်းဆောင်တာတွေကို သွားစွဲငြိနေမှ ဝင်လာနိုင်မှာပေါ့။ ပြီးတော့ သူက ဆရာလုပ်ပြီး ခင်ဗျားကို ပိုပြီတက်ကြွနေအောင် နည်းတွေလမ်းတွေ မီးတွေယမ်းတွေ ပြမှာပေါ့။ နတ်ဆိုးက ခင်ဗျားကို အေးအေးလူလူနေစမ်းပါကွာလို့ ဘယ်ပြောမလဲ။ ဟရောင်ကြီး ဘာလို့အချိန်တွေဖြုန်းနေလဲ၊ တစ်ခုခုလုပ်နေစမ်းကွာ။ ရွေ့နေပစေ။ ဘဝက ကုန်နေတာ။ တစ်ခုခုလုပ်၊တစ်ခုခုလုပ် ဆိုပြီးပြောမှာပေါ့။ လောကရဲ့ အမှန်တရားကို သိမြင်သွားတဲ့ ဆရာသမားတွေကတော့ ဗလာကျင်းနေတဲ့စိတ်ဟာ မြင့်မြတ်ခြင်းတရား ဝင်ရောက်လာနိုင်ဖို့ နေရာလွတ်ရှိတယ်ဆိုတာ နားလည်လာကြတယ်။
With Regards,
Z
စာမျက်နှာ ခုနစ်အထိပဲရောက်သေးသဗျ။ ဒီနေ့တော့ လည်သွားပြီ။ မီးပိတ်လိုက်ရင် ဆက်ရေးလို့ရအောင် ပီဒီအက်ဖ်ပါရှာထားတယ်။ ၁၉၁ အထိဆိုတော့ သိပ်မကျန်လှတော့ပါဘူး။ စိတ်ရဲ့သဘာဝကို နားမလည်ရင် စိတ်ကနှိပ်စက်လိမ့်မယ်။ ကိုယ့်ကို တကယ်နှိပ်စက်နိုင်တာ ကိုယ့်ရဲ့စိတ်ပဲ။ အဲဒီတစ်ခု တော်တော်အရေးကြီးတယ်။ ကျန်တာတွေမေ့ထားလိုက်လို့ရတယ်။ သတိမထားရင် စိတ်က ကိုယ့်ကို ဒုက္ခပေးမယ်ဆိုတာလေးတော့ မမေ့ကြစေနဲ့။
Peace B with U.
