ဖတ်မိတဲ့ကဗျာ

ကျွန်တော်ဒီ တစ်ပတ် စာအုပ်တစ်ချို့ဖတ်ဖြစ်ပါတယ်။ ဟိုက္ကု ကဗျာစာအုပ်တစ်အုပ်လည်းဖတ်ဖြစ်ပါတယ်။

မနေ့က စာကြည့်တိုက်မှာ ကဗျာစာအုပ်ကို မငှားချင်ငှားချင်နဲ့ဖြစ်နေလို့ စာနည်းနည်းမြည်းကြည့်ပါတယ်။ ဖတ်မိတဲ့ ကဗျာက ...

I envy the tom cat:

how easily he lets go of

love's pain and longing!

(ETSUJIN)

... အငိုက်မိသွားတုန်း ဖြောင့်လက်သီး မိသွားသလို..... ကြယ်တွေလတွေမြင်သလို ဖြစ်သွားတယ် ...။ ကဗျာက အားကောင်းလွန်းနေတယ် ....။

ဒါနဲ့ပဲ အဲဒီစာအုပ်ကိုငှားဖြစ်သွားတယ် ...။

ပထမဆုံး ဖတ်မိတဲ့ကဗျာလေးကို နည်းနည်း အကျယ်ချဲ့ပြီး ခံစားကြတာပေါ့ ...။

ဟိုက္ကုတွေရဲ့ထုံးစံအတိုင်း စာကြောင်းသုံးကြောင်းပဲပါတယ် .... သူ့ပုံစံ ၅-၇-၅ စနစ်ကို ဘာသာပြန်တဲ့အခါတော့ မလိုက်နာကြတာများပါတယ်။ လိုက်နာလိုက်ရင်စကားလုံးအားနည်းသွားတဲ့အတွက်ပါ။ စုစုပေါင်း စကားလုံး ၁၇ လုံးပါတယ်။ များသောအားဖြင့် သဘာဝတရားထဲကို နက်နက်ရှိုင်းရှိုင်း တိုးဝင် ရှုမြင်နိုင်တဲ့သူတွေရေးလေ့ရှိတယ်။ တရား ဓမ္မနဲ့ပတ်သက်ပြီးနားလည်သိမြင်တာတွေလည်းရေးလေ့ရှိတယ်။ ဒီကဗျာလေးကတော့ ရိုးရိုးလေးနဲ့ သိပ်အားကောင်းနေတယ်။

ကဗျာရေးတဲ့သူကပြောတဲ့ပုံစံနဲ့ရေးထားတယ်။

ကြောင်ထီးလေးကို ကဗျာရေးသူက မနာလိုဖြစ်မိတယ်တဲ့။

ဒီစာကြောင်းကတော့ဘာမှမထူးဆန်းဘူး။ ကြောင်လေးက ဘာဖြစ်လို့ မနာလိုချင်စရာကောင်းတာလဲဆိုတာကို ပြောချင်လို့ စကားစလိုက်တာမှန်း သိသာပါတယ်။ မြန်မာကားတွေမှာ အတင်းပြောချင်တဲ့ မိန်းမကြီးက ငါမပြောချင်ပါဘူးအေရယ် ဆိုပြီး မပြောချင်တာကို ပြောဖို့ ဟန်ပြင်နေတာမျိုးပေါ့ ....။ ကဗျာရေးသူကလည်း မနာလိုဖြစ်မိလောက်အောင် တစ်ခုခု ကိုယ့်ထက်သာနေတဲ့ ကြောင်ထီးလေးကို ...အစချီလိုက်တယ်။

သူ ဘာလို့ ပေါ့ပေါ့ပါးပါး ထားသွာနိုင်တာလဲ

ကြောင်ကလေးက တစ်ခုခုကို ပေါ့ပေါ့ပါးပါးထားသွားနိုင်တယ် ...။ အဲဒါကို ကဗျာဆရာက မနာလိုဖြစ်နေတာကိုး ..။ ဘာကိုထားသွားနိုင်တာလဲ .. လိုက်စဉ်းစားမိတယ် ...။ ကဗျာဆရာ မထားသွားနိုင်တဲ့တစ်ခုခုကို ကြောင်ကလေးက ပေါ့ပေါ့ပါးပါး ထားသွားနိုင်ခဲ့တယ် ....။ ကဗျာဆရာက မနာလိုတောင်ဖြစ်မိတယ် ...။ ကြောင်ကလေးလို သူမလုပ်နိုင်ဘူး။ မလုပ်တတ်ဘူး။ မလုပ်ရက်ဘူး ...။ ကဗျာဆရာက အဲဒီသဘောကို ချစ်စနိုးနဲ့ မနာလိုဖြစ်မိတယ်လို့ ပြောတယ်။ အခုအချိန်မှာ ကဗျာဆရာဟာ အဝေးမြင်မှုအားကောင်းလာပြီ။ အရာရာကို သုံးသပ်နိုင်လာပြီ။ ဒါပေမယ့်ကြောင်ကလေးကိုတွေ့မှ သူအံ့အားသင့်တယ် ...။ ဘာလို့လဲ.. ဘာလို့လဲ လို့ ထပ်ခါ ထပ်ခါတွေးပြီး ... သူ့အတွက် ခက်ခဲခဲ့တာကို ကြောင်ကလေးက ဘယ်လိုနှလုံးသွင်းပြီး လွယ်ကူလိုက်တာလဲ ....။ မနာလိုဖြစ်မိတယ်လို့ ပြောမိတယ် ....။ ကြောင်ကလေးကို တွေ့တော့ ပြုံးမိတယ် ....။ သူ့လိုနားလည်ဖို့ ကဗျာရေးသူဟာ အချိန်နှစ်နဲ့ချီယူခဲ့ရတာများလား ....။ ကြောင်ကလေးလို ချက်ချင်းပေါ့ပေါ့ပါးပါး မထားသွားနိုင်လို့ .. ကဗျာဆရာက နှစ်နဲ့ချီလေးလံခဲ့လေသလား ....။ ကြောင်ကလေးကို မနာလိုဖြစ်စရာကောင်းတာဘာလဲ .... ။ သူတည်ဆောက်ထားတဲ့မေးခွန်းကို ကဗျာဆရာက ဖြေရလိမ့််မယ်။ ... မဖြေချင်လည်းရတယ် ...။ ကဗျာဆရာက မေးခွန်းထုတ်ပြီးဖြေချင်လည်းရတယ်...၊ မဖြေချင်လည်းရတယ် .....။ ကဗျာဆရာကဖြေမှာလား ...၊ ကဗျာဆရာက မေးခွန်းပဲထားခဲ့မှာလား ...မသိသေးဘူး ... ဆက်ဖတ်ကြည့်လိုက်တယ် ....။

အချစ်ဟာ နာကျင်စရာကောင်းတယ်၊ တမ်းတစရာပဲပေါ့။

ကဗျာဆရာက တည့်တည့်မဖြေဘူး။ သက်ပြင်းကို ရှူတုန်းက နှာခေါင်းနဲ့ဖြည်းဖြည်းချင်းရှူပြီး ထုတ်တော့မှ ပါးစပ်က မှုတ်ထုတ်လိုက်သလို ... သွယ်ဝိုက်ပြီးပြောတယ်။ သူမေးတာနဲ့ ဆိုင်သလို မဆိုင်သလိုဖြစ်နေတဲ့ အဖြေအရ သတိထားမိတာက ကြောင်ကလေးက တစ်ခုခုကို ထားခဲ့နိုင်ပြီး ...အဲဒီအရာက နောက်ဆုံးတစ်ကြောင်းမှာပါတဲ့ အချစ်၊နာကျင်စရာ၊ တမ်းတခြင်းတွေနဲ့ ပတ်သက်နေတယ် ...။ ကြောင်ကလေးက အချစ်ကို ပေါ့ပေါ့ပါးပါးထားခဲ့နိုင်ပြီး ကဗျာဆရာကမထားခဲ့နိုင်တာလား။ ကြောင်ကလေးက နာကျင်မှုတွေကို ထားခဲ့နိုင်သလို၊ ကဗျာဆရာက မထားခဲ့နိုင်တာလား၊ ကြောင်ကလေးက တမ်းတစရာတွေကို ပေါ့ပေါ့ပါးပါး မေ့ပစ်လိုက်သလို ကဗျာဆရာကပေါ့ပေါ့ပါးပါး မမေ့နိုင်တာလား။ .... ကြောင်ကလေးက မနာလိုစရာကောင်တဲ့ ကြောင်ကလေးပဲ .....။ အချစ်ဟာ နာကျင်စရာကောင်းတဲ့ တမ်းတမှုဆိုတာကို ထားခဲ့တဲ့ကြောင်ကလေး....။

တကယ်တော့.... ကဗျာဆရာကလည်း မနာလိုစရာကောင်းတဲ့ကဗျာဆရာပါ ....။ သူ့အတွက်မလိုအပ်တော့တဲ့ အသိတရားကို ကဗျာနဲ့ရေးထားပြီး .. ပေါ့ပေါ့ပါးပါး ထွက်သွားခဲ့ပြီမဟုတ်လား .....။

နှလုံးသွင်းမှားတဲ့သဘာဝကိုရေးပြထားတယ်လို့ခံစားရတယ်။ ဒီကဗျာမှာ ကြောင်ကလေးတွေတောင်မှ သူ့ဘာသာသူ ပေါ့ပါးနိုင်တဲ့ကိစ္စကို လူတွေလုပ်ပြီး လေးလံခံစားမနေပါနဲ့ဆိုတဲ့သဘောမျိုးနဲ့ရေးထားတာမျိုးမပါပါဘူး။ သူပြောချင်တာက ဒီလိုအခြေအနေမျိုးမှာရှိနေတဲ့သူ (၀ါ) အသည်းကွဲသမား ဆိုလားဘာလား .. အဲဒီလိုလူတွေဟာ ကြောင်ကလေးကို မနာလိုဖြစ်ရလိမ့်မယ်တဲ့ ....။ ကဗျာလေးက ရိုးရိုးလေးနဲ့လှပါတယ်။ စကားလုံးအသစ်အဆန်းမပါပေမယ့်အားကောင်းပါတယ်။...

ကြောင်ကလေးထားသွားနိုင်တာ မသိမှုကြောင့်ဖြစ်ပြီး ... ကဗျာဆရာမထားသွားနိုင်ဘူးဆိုတာက မှားယွင်းတဲ့သိမှုကြောင့်ဖြစ်ပါလိမ့်မယ်။ ကဗျာဆရာပေါ့ပေါ့ပါးပါးထားလိုက်နိုင်တဲ့အချိန်မှာ ... ဒီကဗျာဟာ လက်ဆင့်ကမ်းနိုင်တဲ့ အသိတရားဖြစ်လာပြီး ... ကဗျာထဲကကြောင်ကလေး လက်ဆင့်မကမ်းနိုင်တဲ့အတွက် နောက်ထပ် ကြောင်လေးတစ်ကောင် ဆက်ပြီး အသည်းကွဲနေပါလိမ့်မယ်။ ။

ခင်မင်စွာဖြင့်

Zephyr

Notes:

ကျွန်တော်ကခွေးချစ်တဲ့သူဖြစ်လို့ ကြောင်တွေအကြောင်းသိပ်မသိပါဘူး....။ ကြောင်တွေအကြောင်း You Tube မှာရှာပြီးကြည့်တော့ သူတို့ဟာခွေးတွေလိုပဲ အသိဉာဏ်မြင့်တယ်ဆိုတာသိရပါတယ်။

ကျွန်တော် မသိမှုနဲ့၊ မှားယွင်းတဲ့သိမှုဆိုပြီး နှစ်ခုရေးထားပါတယ်။ ပါဠိလို အ၀ိဇ္ဖာ ဆိုတဲ့စကားကို နှစ်ခြမ်းခွဲပြီးရေးထားတာပါ။ မသိဘူးဆိုတာက လုံးဝမသိတာပါ။ မေးခွန်း ၁ ရဲ့ အဖြေက ဘာလဲဆိုရင် မသိလို့ ကွပ်လပ်ချန်ထားသလိုမသိတာပါ။ မှားယွင်းတဲ့သိမှုဆိုတာကတော့ မေးခွန်း(၁)ရဲ့ အဖြေကို သစ်ပင်လို့ဖြေတယ်ဆိုပါတော့ တကယ့် အဖြေမှန်က တောင်တန်း ဖြစ်နေတာမျိုးပါ။ သစ်ပင်လို့သိတော့သိတယ်။ သိနေတာက မှားနေတာမျိုးပါ။

Tag ... Tag & Tag

Tag ထားသည်များကို စာရင်းပေါင်းရှင်းပါမယ် ....။

1. What is your name : Zephyr
(:!!!!!Pls be careful ...!!!!! Your bad pronunciation can be hazardous to my pen name)
2. A four Letter Word : Zero (That Zero is what I got for this life and afterlife or beyond that ....)
3. A boy's Name : Zephyr (Correct? I think I am still a boy, if you watched hell boy, you will see that old guy also is a boy ... I am younger than HELL BOY)
4. A girl's Name : Zeus (Sure .. the Old God has been t-girl now (can say MTF(Male to Female) transsexual or transgender girl now ... If you don't know about Zeus' latest situation, please wait, my book will come out soon ... :P ))
5. An occupation : Zookeeper (Another one is Zoologist, this is an value added answer for my sweet customer ... ask one get one free ....promo !!! Yee-Haw!!!)




6. A color : Zaffre - (a deep blue and orange pigment)
7. Something you'll wear : zucchetto (This one is for high rank clergy in christianity)
8. A food : Zingers (snack cakes like Twinkies) (Frankly I don't know what's that but it is a question, so I don't wanna leave a blank. And fortunately, it is not an exam with negative points system ... )
9. Something found in the bathroom : z Z Z Z ....(The snoring rhyme of the shampoo, shower foam, and facial foam, of course, you can find by your mind only ...)
10. A place : Zephyr's bed
11. A reason for being late : Zephyr is Zephyr ...(This is my bad habit to go somewhere in time ... It seems to be quite boring and even for going to office, I come late and work late and go back home late and sleep late and woke up late)
12. Something you'd shout : Zip မပါလာရင် ဘာကို ကုတ်ပြီး နတ်ပြည်ပို့မလဲ။
13. A movie title : Zoom (Just found in web, I didn't watch this movie)
14. Something you drink : Zip (soft drink in Israel) (I don't know what's that .. but I chose one of the non-alcoholic beverages)





15. A musical group : Zombie Zephyr ....(Yeah you will not know this group yet, we are still finding correct players for our band, for me, I will paly Wah_Lat_Khoke)
16. An animal : Zephyr Ant. This is my name when I was an animal long time ago. May be I bit your neck and you squeezed my head and ended my life. Who knows!
17. A street name : Zephyr Street. Very clear ... I gave the name to the street in front of my house. No one called this street Zephyr Street though, it is OK.
18. A type of car : - (I don't know. I am an environmentalist and I will not buy a car in my life. Not interested in it.)
19. The title of a song : - Zig Zag Stories (Vanilla Ice )
20. A verb : Zonk out (Fall asleep)

ဒီ Tag ကို ရေးပေးတဲ့အတွက် စာမူခလိုချင်ပါတယ်။

Tag တဲ့အတွက် ပို့စ်တစ်ခုကို 5 ကျပ်ယူပါတယ်။ ဘာတာစနစ်အရဆိုရင် ညနေစာ တစ်နပ်နဲ့လဲလို့ရပါတယ်။(အသီးအရွက်စားသုံးသူများ၏ ညနေစာကို လက်မခံပါ။)

ကျန်တဲ့ Tag တွေကို အကုန်ရှင်းပါမယ် ...။ Bio မှာ လက်ကျန်ရှင်းသွေးကြောကို Azygos လို့ ခေါ်တယ်ထင်ပါတယ်။ အဲဒီ လို လက်ကျန်ရှင်းတဲ့ post မလို့ ဒီပို့စ်ကိုလည်း Azygos post လို့ခေါ်ရမယ်ထင်ပါတယ်။ :P

ခါလီဂျီဘရမ်နှင့် လမ်းလျှောက်ထွက်ခြင်း

ခါလီဂျီဘရမ်နှင့် လမ်းလျှောက်ထွက်ခြင်း

ကျွန်တော်ငယ်တုန်းက မြန်မာငွေ ၁၀၀ နဲ့ အောင်မြင်စွာဝယ်ခဲ့ဖူးတဲ့ စာအုပ်လေးတွေကို မှတ်မိနေပါတယ်။ ဂုဏ်ထူးစာပေက ထုတ်တဲ့ ဆရာ မြသန်းတင့် ဘာသာပြန်တဲ့ တဂိုး ကဗျာစာအုပ်လေးတွေ တစ်အုပ်ကို ၁၀၀ စီနဲ့ တော်တော်များများရလိုက်ပါတယ်။ နောက်ထပ်ရှားရှားပါးပါးရလိုက်တဲ့ တစ်ရာတန်စာအုပ်လေးကတော့ နှုတ်ကောင်းခွန်းမြိန် သုခမိန် ဆိုတဲ့စာအုပ်လေးကိုလည်းမှတ်မိပါတယ်။ (ဓမ္မိက) ဘသန်းရဲ့ စာအုပ်လေးပါပဲ။ ယောနသံစင်ရော်စာအုပ်လို လူကြိုက်များလွန်းတဲ့ စာအုပ်တော့မဟုတ်ပါဘူး။ ဒါပေမယ့် စကားပြေ ပြေပြစ်ကျစ်လျစ် လှပစွာနဲ့ ပရောဖတ်တစ်ယောက် မြို့သားတွေကို သင်ပေးနေတာ ဖတ်ရတော့ သဘောကျပါတယ်။ မြို့သားတွေရဲ့ ပညာကိုလိုလားတာတွေ၊ ပရောဖတ်ပြောတဲ့ ဒဿနတွေကို နားလည်လို့မဟုတ်ပါဘူး။ စကားပြေ ချောမွေ့တဲ့စာကို ဇာတ်လမ်းတစ်ခုလိုဖတ်လိုက်ရတဲ့အခါ သဘောကျသလို သဘောကျတာမျိုးပါ။ စာအတူတူဖတ်ခဲ့ကြတဲ့ ငယ်သူငယ်ချင်းတွေနဲ့ပြန်ဆုံတဲ့အခါ ငယ်တုန်းက ဖတ်ဖြစ်တဲ့စာတွေကို ကြီးလာတော့ ပြန်ဖတ်တဲ့အခါ ဘယ်လိုကွာသွားသလဲဆိုတာပြောဖြစ်ပါတယ်။ ဒီ စာအုပ်ကို ပြန်ဖတ်ရတဲ့အခါမှာ ၁၀ နှစ်ကွာသွားပါပြီ။ ၁၉၉၉ က ဖတ်ခဲ့တဲ့စာအုပ်ကို အခု ၂၀၀၉ မှာပြန်ဖတ်ဖြစ်ပါတယ်။ အခုတစ်ခေါက်ဖတ်တာက မူရင်းစာအုပ်ဖြစ်ပြီး အရသာမတူတော့တာကို သတိပြုမိပါတယ်။ ငယ်တုန်းက သဘောကျခဲ့တာနဲ့မတူတဲ့ နောက်ထပ် သဘောကျမှု တစ်မျိုးနဲ့ သဘောကျမိပါတယ်။ အထူးသဖြင့် ရသတန်ဖိုး ပါဝင်မှုကို ဂရုစိုက်ဖြစ်ပါတယ်။ အသိပညာကြီးမားတဲ့ ပရောဖတ် တစ်ယောက်နဲ့ လမ်းလျှောက်ထွက်ရင်း သူပြောတာလေးတွေ နားထောင် ဖြစ်ပါတယ်။ ကျွန်တော် ဒီစာအုပ်ကို ဖတ်ခဲ့တာမဟုတ်ပါဘူး။ ပရောဖတ်နဲ့အတူ လမ်းလျှောက်ထွက်ခဲ့တာသာ ဖြစ်ပါတယ်။ ... လမ်းလျှောက်ရင်းပြောဖြစ်တဲ့စကားလေးတွေကို ပြန်ဝေငှလိုက်ပါတယ်။

1.On Children - ကျွန်တော်တို့ လျှောက်ရမယ့်လမ်း ....။

ကလေးတွေကို မေတ္တာတွေပေးလိုက်ပါ။

ဒါပေမယ့် သင့်အတွေးတွေကိုတော့မပေးလိုက်ပါနဲ့။

သူတို့မှာ သူတို့ အတွေးနဲ့သူတို့ရှိနေနှင့်ပြီးသားမို့လို့ပါ။

သူတွေရဲ့ ကိုယ်ခန္ဓာအတွက် အိမ်တစ်အိမ် သင့်ဆောက်ပေးရပေမယ့် သူတို့ရဲ့စိတ်ဝိညာဉ်အတွက် သင် တည်ဆောက်ပေးနိုင်မှာမဟုတ်ဘူး။ သူတို့ရဲ့ စိတ်ဝိညာဉ်ဟာ အနာဂတ်ဆိုတဲ့ အိမ်မှာနေထိုင်တဲ့အတွက် သင်သွားရောက်လည်ပတ်နိုင်မှာမဟုတ်ဘူး။ သင့်အိမ်မက်ထဲမှာတောင်မှ သွားလည်နိုင်မှာမဟုတ်ဘူး ....။

သူတို့ကို နှစ်သက်ဖို့သင်ကြိုးစားပါ။

သူတို့က သင့်ကို နှစ်သက်ဖို့ မကြိုးစားပါနဲ့။

ဘ၀ဆိုတာ နောက်ပြန်သွားနေတဲ့ ခရီးမဟုတ်သလို .. မနေ့က တွေနဲ့ ရေတွက်ထားတဲ့ အရပ်ဒေသတစ်ခုမဟုတ်ဘူး .....။

မိဘတွေဟာ လေးကိုင်းတွေပဲ .... သင့်ရင်သွေးတွေဟာ သင့်ကို အမီပြုပြီး ပျံသန်းသွားမယ့် သက်ရှိမြားတံတွေပေါ့ ....။

........ မိဘတွေ လေးသည်တော်ကို ယုံကြည်လိုက်ပါ ...သင့်ကိုကွေးညွတ်စေတဲ့ လေးသည်တော်ဟာ ပစ်မှတ်ကို ချိန်ရွယ်ထားပြီးသားပါ ....။ မြားတံ လျင်မြန်စွာ ပျံသန်းသွားဖို့ သင့်ကိုကွေးညွတ်စေတာပါ။ လေးသည်တော်ရဲ့ ရည်ရွယ်ချက်ကို ၀မ်းမြောက်ဝမ်းသာ ဖြည့်စွမ်းရင်း ကွေးညွတ်ပျော့ပြောင်းလိုက်ပါ .....။

လေးသည်တော်ဟာ လျင်မြန်စွာပျံသန်းသွားတဲ့ မြားတံတွေကို ချစ်သလို .. တည်ငြိမ်စွာ ရပ်တန့်နေမယ့် လေးကိုင်းကိုလည်း ချစ်တယ်။ ။

ဒီစကားသံဟာ နာကျင်စွန်းထင်းနေတဲ့ ဂီတတစ်ခုလို ရင်ထဲကို စူးနစ်ဝင်ရောက်လာတယ် ....။ မြားတံထွက်ခွာ အသွားမှာ တုန်လှုပ်ကျုန်ရစ် တိတ်ဆိတ်သွားတဲ့ လေးကိုင်းရဲ့စိတ်ထဲက သောက အဖြူတွေ သင်ကြားရ ရဲ့လား ....။ မိဘတွေ နဲ့ ဘယ်လောက်ဝေးဝေး သင်ပျံသန်းထွက်လာခဲ့ပြီလဲ ....။ လေထဲမှာ သင်ပျော်ရွှင်နေတာလား ... ပစ်မှတ်ကို ဒေါက်ခနဲ စိုက်သွားတဲ့အချိန်မှာ သင်ပျော်ရွှင်နေတာလား ....။ လေးကိုင်းနဲ့ ဘယ်လောက်ဝေးဝေးမှာ သင်ပျော်ရွှင် နိုင်နေမလဲ ..... သင့်စိတ်ထဲမှာကျတဲ့ မျက်ရည် သမုဒ္ဒရာ ခုနစ်စင်းစာအောင်မြင်မှုဆိုတာ ... နာကျင်စရာ တံလျှပ်တစ်ခုပဲမဟုတ်လား.....။ လေးကိုင်းဆီဆောင်းခိုပျံသန်းခြင်းကို မတတ်မြောက်တော့တဲ့ မြားတံတွေအတွက် လေးသည်တော်မှာတာဝန်ရှိနေမလား ....။ မြားတံတွေကို ချစ်သလို လေးကိုင်းကို ချစ်တဲ့လေးသည်တော်က မြားတံက လေးကိုင်းကို ချစ်တဲ့ အချစ်ကို အသိအမှတ်ပြုခဲ့ဖို့ကောင်းတယ် ....။ ကျေးဇူးပြု၍ပါ လေးသည်တော် ... သင့်ပျော်ရွှင်မှုတစ်ခုအတွက်နဲ့တော့ မြားတံတွေကို ပစ်မှတ်တွေဆီမပစ်လွှတ်လိုက်ပါနဲ့ .....။ ကျေးဇူးပြု၍ပါ လေးသည်တော် ... သင့်ပစ်မှတ်ဟာ မြားတံတွေရဲ့ ပစ်မှတ်ဆိုတာ သေချာမှ ပစ်လွှတ်လိုက်ပါ ...........။

2.On Pain - ကျွန်တော်တို့လဲကျချိန်....။

သင့် နာကျင်မှုတွေဟာ သင့်ရဲ့ရွေးချယ်ပိုင်ခွင့်ပါပဲ ။ စိတ်ထဲမှာရှိတဲ့သမားတော်က ပျောက်ကင်းအောင် မကုသမီအထိ ခါးသီးနာကျင်နေမယ့် သောကဒဏ်ရာပါပဲ။ စိတ်ထဲက သမားတော်ကို ယုံကြည်လိုက်ပါ။ တိတ်ဆိတ်ငြိမ်းချမ်းမှုမှာ နေထိုင်ပြီး သူပေးတဲ့ဆေးကို သောက်သုံးလိုက်ပါ ......။ ။

ဒါဖြင့်လည်း မြန်မြန်ကုလိုက်ပါ သမားတော်ရယ် ...။ လူနာတစ်ချို့သေသွားပါပြီ ....။ အချိန်မဆွဲပါနဲ့တော့ ...။ လက်ကိုအကြာကြီးဆေးမနေပါနဲ့။ လက်အိတ်ကိုသာ နှစ်ထပ်ဝတ်လိုက်ပါ။ ဘာတွေမလုပ်သင့်ဘူးလို့မပြောပါနဲ့တော့ .....။ အကြောင်းပြချက်ထက်ပိုပြီး လက်တွေ့ဆန်တဲ့ ဆေးတစ်ခွက်ပေးပါ။ ရွေးချယ်မှုဆိုလည်း မှားယွင်းရွေးချယ်မိစေတဲ့ အကြောင်းကိုပြောပါ။ နာကျင်မှုဆိုလည်း သက်သာမယ့်ဆေးကိုပေးပါ။ သောကမီးဆိုလည်း မီးသတ်သမားတွေလွှတ်ပေးပါ ....။ ကြားရာအရပ်က အကြောင်းပြန်ပါ ... လူနာတွေ သေခါနီးပြီ သမားတော် .. မုတ်ဆိတ်ကို နောက်မှ ပွတ်သပ်ပါ .... အိမ်းဆိုပြီး အသံရှည်ဆွဲပြီး စဉ်းစားမနေပါနဲ့ .. ရော့ဆိုပြီး လိုအပ်သလောက်ဆေးကိုသာပေးလိုက်ပါ .....။ ကျေးဇူးမမေ့ပါဘူး ....။

3.On Marriage - သတိလက်လွတ် ငှက်တောင်ကျွတ်ချိန်....။

(ဘာသာပြန်လွဲမှားမှုအတွက်တော့နည်းနည်းမှ တာဝန်ယူမည်မဟုတ်ပါ။ :P ... ကိုယ့်ဘာသာကိုယ်သာနည်းနည်းပြင်ဖတ်လိုက်ပါ ...။ ဆိုပါတော့ သတိလက်လွတ်ငှက်တောင်ကျွတ်ချိန်ဆိုတာကိုမကြိုက်ရင် ပိုပြီးလှတပတရှိတာတစ်ခုခု အစားထိုးခံစားလိုက်ပါ ... ပို့စ်မော်ဒန်မှာ စာရေးသူက တစ်ခြမ်းလောက်ပဲရေးပြီး .. အဲဒီတစ်ခြမ်းကိုတောင် ပြီးအောင်မရေးထားဘူးဆိုတာကိုး .. နည်းနည်းဖြည့်ဖတ်လိုက်ပါ ... အခုလို ကြားဖြတ်ပြောတာလဲ .. သီအိုရီတစ်ခုအရပါ ....။ အာရုံတွေကို တစ်နရာထဲမှာ စု ဖို့ အဲဒီ စုကို စာလုံးအကြီးနဲ့ မည်းမည်းကြီးလုပ်ပြထားပါတယ် ...။ နာမည်ကြီးချင်ရင် အဲဒီလို မည်းမည်းကြီးလုပ်ပါ ...။နာမည်ကို လူသိများလာနိုင်ပါတယ် ....။ အနုပညာ ဆိုတာ လူကြားထဲ ရံဖန်ရံခါ အူပြခြင်း၊ ဟောင်ခြင်း၊ ခြေသလုံးဝင်ဟပ်ခြင်းများ ဖြစ်နေနိုင်သလို ... ဟပ်မိသည်မှာ ခြေတုကြီးတစ်ဖက်ဖြစ်နေတတ်ပါတယ် ....။ အရည်အချင်းရှိရှိ မတိုးတက်နိုင်ဘူးလို့ယူဆရင်တော့ လွတ်လပ်စွာ ဟပ်ပါ။ဟောင်ပါ ..အူပါ ...။ခတ်ပါ။ ပုဆိုးခြုံထဲမှ လက်သီးပုန်းပြပါ။ ယောကျာ်းကြီးတန်မဲ့ အမျိုးသမီးတွေကို လိုက်လံဆဲရေးပါ။ တန်းညှိပါ ။ ပရိတ်သတ်ရှာပါ ...ရှောက်သီးဆေးပြားရောင်းပါ ...။)

သင်တို့နှစ်ယောက်ဟာ အတူတူမွေးဖွားလာသလို တစ်သက်ပတ်လုံးအတူတူ ရှိနေကြလိမ့်မယ် ....။ သေခြင်းတရားရဲ့ တောင်ပံဖြူတွေက သင့်နေ့ရက်တွေကို ကွဲအက်အောင် ရိုက်ခတ်ပစ်တဲ့ အချိန်တွေအထိ သူရှိနေလိမ့်မယ် ....။ ဘုရားသခင်ရဲ့ တိတ်ဆိတ် ငြိမ်းငြိမ်နေတဲ့ မှတ်ဉာဏ်ထဲမှာ သင်တို့ဟာ အတူရှိနေလိမ့်မယ် ....။ ဒါပေမယ့် သင်တို့ နှစ်ဦးရဲ့ အတူတကွဖြစ်မှု ထဲမှာ နေရာလွတ်လေးတွေထားပေးပါ ..... ကောင်းကင်ဘုံရဲ့လေညင်းတွေ ကခုန်စီးမျောရုံနေရာလေးတွေလှပ်ထားပေးပါ။

တစ်ယောက်ကို တစ်ယောက်ချစ်ပါ။

ချစ်ခြင်းနဲ့တော့ မချည်နှောင်ပါနဲ့။

ချစ်ခြင်းတရားပင်လယ်ဟာ သင်တို့ဝိညာဉ် နှစ်ခုကြားမှာ ဖြတ်သန်းစီးဆင်းနေသလိုဖြစ်နေပါစေ။

တစ်ယောက်ခွက်ကို တစ်ယောက်ဖြည့်ပါ။

ဒါပေမယ့် တစ်ခွက်တည်းကို နှစ်ယောက် မသောက်ပါနဲ့။

တစ်ယောက်ကို တစ်ယောက် ပေါင်မုန့်ဖဲ့ပေးပါ။

ဒါပေမယ့် ပေါင်မုန့်တစ်လုံးထဲက ဖဲ့မပေးလိုက်နဲ့။

အတူတကွ သီဆိုပြီး ကခုန်ပါ။ ပျော်မြူးပါ။

ဒါပေမယ့် တစ်ယောက်စီ ကနေတာသာဖြစ်ပါစေ။

ကြိုးတပ်တူရိယာ တစ်ခုဟာ သံစဉ်တေးသွားတစ်ခုကို တူညီစွာ တုန်ခါမြည်ဟည်းနေပေမယ့် ကြိုးလေးတွေဟာ သီးခြားဖြစ်နေသလိုမျိုးပေါ့ ...။

တစ်ယောက် နှလုံးသားကို တစ်ယောက်ကိုပေးပါ။

ဒါပေမယ့် နှလုံးသားတွေကို တစ်နေရာတည်းမှာ သိမ်းဆည်းမထားပါနဲ့။

ဘ၀ရဲ့ လက်ကသာ သင်တို့နှလုံးသားတွေကို ထိန်းသိမ်းဆုပ်ကိုင်ထားနိုင်လိမ့်မယ်။

အတူတကွရပ်တည်ပါ။ ဒါပေမယ့် သိပ်မနီးကပ်ပါစေနဲ့။

ဝတ်ကျောင်းတော်ရဲ့တိုင်လုံးတွေဟာ သီးခြားရပ်တည်ကြသလိုပေါ့။

ဝက်သစ်ချပင်နဲ့ ဆိုက်ပရက်စ် ပင်တွေဟာ တစ်ယောက်အရိပ်မှာ တစ်ယောက် ရှင်သန်ပေါက်ရောက်လေ့မရှိသလိုပေါ့ ......။

။ ။

အလွယ်ဆုံးနည်းက ဒီလိုလည်းဖြစ်ချင်ဖြစ်လိမ့်မယ် ....။ ဒီကိစ္စကတော့ဉာဏ်မမီတာနဲ့ ပရောဖတ် ကို သိပ်ပြီးခွန်းတုံ့မပြန်နိုင်ဘူး ...ဟုတ်ချင်လည်းဟုတ်ပေါ့ လို့ ခပ်ပေါ့ပေါ့ပြောရင်း ပရောဖတ် Almustafa ကိုပြောလိုက်တယ် ...။ ပရောဖတ်ကြီး ရှေ့နားမှာ အောဖလိရွာရောက်ပြီ ....။ သူတို့မေးတာတွေကို ကောင်းကောင်းဖြေလိုက်ပါ...။ တစ်နေ့နေ့မှာ .... ဒီအကြောင်းကို လူတစ်ယောက်ကရေးလိမ့်မယ် ...။ အဲဒီအခါကြမှ.... ပြန်ဆုံကြတာပေါ့ ....။

နှုတ်ဆက်ပါတယ် ....။ လှေပေါ်မှာ လမ်းလျှောက်ခဲ့တာလေးကို မှတ်မိနေဦးမှာပါ .... ပရောဖတ်ကြီး ....။

သတိထားသွားပါ ... ရှေ့ကိုက် တရာမှာ အောဖလိရွာသားတွေရှိတယ် .....။

အမေးအမြန်းထူတဲ့ ရွာသားတွေရှိတယ် .....။

သူတို့နားမလည်တာကို ခပ်တည်တည်ပြောပြလိုက်ရုံနဲ့ သုခမိန် ဖြစ်ခွင့်လည်းရှိတယ် ....။

ရှေ့ကိုက်တရာမှာပါ ...

ကျွန်တော်နဲ့ပြန်တွေ့ချင်ရင် blogspot ရွာကိုလိုက်ခဲ့ပါ ...။

တစ်ခါတစ်လေ ခွေးဆွဲခံရမယ် ...။ တုတ်တစ်ချောင်းနဲ့လာပါ ....

အမေးအမြန်းမထူဘူး ... လစ်ရင် ဟပ်တာတစ်ခုပဲ ပေါပါတယ် ......။

အချင်းချင်းလား...သိပ်ချစ်ခင်ပါတယ် ...။ တစ်ယောက်နဲ့တစ်ယောက် ငတုံးဖြစ်အောင် ရေးကြတာကလွဲရင် ယဉ်ကျေးပါတယ်။

မလိုပါဘူး .. မှတ်ပုံတင်မလိုပါဘူး ..

ဆဲချင်ရင် Annonymous လုပ်လိုက်ရုံပဲ ....။

ရိုင်းတာမဟုတ်ပါဘူး .. လူရာဝင်ချင်တဲ့ စိတ္တဇပါ ...။

ဘယ်လိုမှ နားလည်ပေးစရာမလိုပါဘူး .... မွန်းတည့်ချိန်တစ်ခုစာလောက်ပဲနှောင့်ယှက်တာပါ။

ရွာသားတွေဘယ်လိုနေကြလဲဟုတ်လား ...။

ဒီလိုပါပဲ .. သူခိုးပေါတဲ့အခါ အိမ်တံခါးလေးသော့ပိတ်ထားရတယ် ...။

သူတို့ အနုပညာ အဆင့်အတန်းလား ...

ဝထကလသပါ ...

ဝါးလုံးထဲက လသာ သလောက် ၀ထကလသပါ ... ရေးတတ်ဖတ်တတ်ရှိပါတယ် ...။ အခြေခံငုပ်ဗီဇက အားကောင်းပါတယ်။

ဘာလို့ ဟပ်တာလဲ ဆိုတာလား...

ဒီကိစ္စက အခုအထိ စူးစမ်းလေ့လာရင်း နောက်ဆုံးသိရတာတော့ သွားယားလို့လို့ဆိုပါတယ် ...။

ဘယ်အချိန်မှာ လူဖြစ်လာမလဲလား ... ဒီကိစ္စကို ပညာရှင်တွေ စဉ်းစားနေပါတယ် ....။ ပြောရင်းဆိုရင်းအောဖလိရောက်ပြီ ပရောဖတ်ကြီး ..နောက်များမှ တွေ့တာပေါ့ .. blogspot ကိုလာခဲ့ပါ ...။ လူတွေလည်းရှိပါတယ် ....။ ဖော်ရွေပါတယ် ...။ လာဖြစ်အောင်လာခဲ့ပါ ...။

ခင်မင်စွာဖြင့်

Zephyr

ကျွန်တော်နှင့် မော်ဒန်

Modern ဆိုတာ လက်တင်ဘာသာစကား (ပြောခါနီးမှာ လက်တင်ပြီးပြောရတဲ့ဘာသာစကား) modo ဆိုတဲ့ စကားလုံးက ဆင်းသက်လာတာပါ။ အဓိပ္ပာယ်ကတော့ just now ပါ။ အခုလေးတင်ဖြစ်တယ်တယ်ပေါ့။ ဆိုလိုတာကတော့မော်ဒန်ပါဆိုပြီး အဟောင်းကြီးတွေကို ကော်ပတ်စားပြီး အင်လုပ်လို့မရဘူးလို့ ဆိုလိုတာပါ။ မော်ဒန်ဆိုပြီး စပြောလိုက်တယ်လို့ထင်ရတာက Abbot Suger ဖြစ်ပါတယ်။ သူက ဗိသုကာလက်ရာတစ်ခုကို အရင်ကပုံစံတွေနဲ့မတူဘဲ ဖန်တီးပြီးတဲ့အခါမှာ ဘာပုံစံမှန်းမပြောတတ်တာနဲ့ opus modernum လို့လျှောက်ပြောလိုက်ပါတယ်။ ဗျစ်တသျှလိုတော့ A modern Work လို့ ဆိုလိုတယ်တဲ့။

ဆိုလိုတာကတော့ မော်ဒန်ဆိုတာ ဘာမှမဟုတ်ဘူး ... မသိလို့ပြောလိုက်ရာက ဖြစ်လာတယ်လို့ပြောချင်တာပါ။ ကျွန်တော်ဟာမသိလို့ဖြစ်လာခဲ့တဲ့ လူသတ္တ၀ါပါ .. ဆိုလိုတာကတော့ ကျွန်တော်ဟာ ၃၁ ဘုံရဲ့ opus modernum ပါ။

Picasso's Big Bang

ပီကာဆိုတာ ဘယ်သူလဲဟင်လို့ မေးရင်တော့ ပီကာဆိုဆိုတာ ဆိုင်းဘုတ်မရေးတဲ့ပန်းချီဆရာလို့ပြောရလိမ့်မယ်။ အဲဒီလူကြီးက ဘာပုံမှန်းမသဲကွဲတဲ့ မိန်းမတွေပုံကို ဆွဲလိုက်တယ်။ ကားနာမည်က Les Demoiselles d' Avirgnon ပါ။ ၁၉၀၇ မှာဆွဲတာပါ။ အာဖရိက မျက်နှာဖုံးတွေအပေါ်မှာ အင်စပီရေးရှင်း (inspiration) ယူပြီးဆွဲထားတဲ့ကားဖြစ်ပါတယ်။ ဒီကားဟာ မော်ဒန်အနုပညာမှာအရေးပါတဲ့လက်ရာဖြစ်ပါတယ်။ ဆိုလိုတာက မော်ဒန်က မျက်နှာဖုံးတွေနဲ့ပတ်သက်ခဲ့တယ် ....။ ကျွန်တော့်ဘ၀မှာ မျက်နှာဖုံးတစ်ခုရှိတယ်။ အ၀ိဇ္ဇာ ပစ္စယာ သင်္ခါရာ ဆိုတဲ့မျက်နှာဖုံးပါ။ ဒီမျက်နှာဖုံးကို ကျွန်တော်ချွတ်လို့မရဘဲ မော်ဒန်ဆန်ဖြစ်ခဲ့တယ်။

Ce'zanne: The View Contains The Viewer

(1839-1906) အထိ သက်ရှိထင်ရှားသွားတဲ့ စေးဇန်းဆိုတဲ့ ပန်းချီဆရာဟာ မသေချာမှု(uncertainty) ကို ပန်းချီထဲကိုပေါင်းစပ်အသက်သွင်းခဲ့ပါတယ်။ တကယ်တော့ မသေချာမှု နိယာမဟာ ရူပဗေဒ ပညာရှင် (Hiesenberg) ဟိုင်းဇင်းဘဂ်ရှာဖွေတွေ့ရှိတာဖြစ်ပါတယ်။ ဒါပေမယ့် မော်ဒန်လောကထဲကို ဟင်းချိုမှုန့်လို ခတ်လိုက်တာကတော့ ဆေးဇန်းပါပဲ။ ၁၉၁၀ မှာ ပီကာဆိုဆွဲခဲ့တဲ့ ကျူးဗစ်ဇင် ပန်းချီကားမှာ ဆေးဇန်းရဲ့ အပြောင်းအလဲ နဲ့ တည်ငြိမ်မှုတွေကို ယုတ္တိကျတဲ့အဆုံးသတ်တစ်ခုကိုပို့ပေးနိုင်ခဲ့ပါတယ်။ အဲဒီ ကျူးဗစ်ဆင်ပန်းချီကားကတော့ "Girl With A Mandolin" ဖြစ်ပါတယ်။ မသေချာတဲ့လောကမှာကျွန်တော်ဟာလည်းမသေချာတဲ့သက်ရှိ(ရေးနေတဲ့အချိန်အတောအတွင်း သက်ရှိဟု ယူဆရ) တစ်ဦး၊တစ်ကောင်၊တစ်ယောက်ဖြစ်ပါတယ်။ ဟိုင်းဇင်းဘဂ်မသေချာသလို၊ ဆေးဇန်းမသေချာသလို၊ မသေချာတဲ့ လူတွေနဲ့အတူ မသေမချာနေနေရတဲ့ သူလိုကိုယ်လို သက်ရှိဖြစ်တယ်။

Genealogy of a Modernist tree

Piet Modrian(1872-1944) ဆိုတဲ့ ပန်းချီဆရာက မော်ဒန်သစ်ပင်ကို အဆင့်ဆင့် Evolution ဖြစ်လာတဲ့ ပုံတွေကို ဆွဲပြခဲ့ပါတယ်။ Abstract Art အမျိုးအစားဖြစ်ပါတယ်။ သေချာတာကတော့ သစ်ပင်တစ်ပင်ရဲ့သင်္ကေတဟာ သစ်ပင်တစ်ပင်ဖြစ်နေတုန်းပါပဲ ...။ ကျွန်တော်ရဲ့ abstract art ဆန်တဲ့နေ့ရက်တွေဘယ်လောက်ပြောင်းသွားပြောင်းသွား ... လောကဓံတရား အနုအရင့်လိုင်းတွေ နွားခြေရာနောက်ကို လှည်းဘီးလိုက်သလို ပါနေဦးမယ်။ လူနောက်ကို အရိပ်လိုက်သလို ပါနေဦးမယ် ....။

Jackson Pollock & Action Painting

Jackson Pollock (1912-1956) ပန်းချီဆွဲတာ မြင်ဖူးပါသလား။ အောက်ကပုံစံအတိုင်းပေါ့။

သူဆွဲတဲ့နည်းကို အမျိုးမျိုးအမည်တပ်ပါတယ်။ အစက်ချပန်းချီဆွဲနည်းလို့လည်း အလွယ်ပြောကြပါတယ်။ ဆေးကို အဲဒီလို ရေပန်းနဲ့လောင်းသလိုလောင်းနေတာကို ပန်းချီဆွဲတယ်တဲ့တော်လို့ပြောတဲ့ အဒေါ်ကြီးတွေကိုသာ ပန်းချီဆရာတွေက မမှတ်မိတော့တာ။ ပေါ့လော့ခ်ကိုတော့ အားလုံးမှတ်မိကြတယ်။ သိပ္ပံပညာထွန်းကားလာတဲ့အခါ ပေါ့လော့ခ်ပန်းချီတွေကို စူးစမ်းလေ့လာကြည့်တဲ့အခါ Fractal မြင့်တာတွေ့ရတယ်။ ရမ်းဆွဲထားတာမဟုတ်ဘူးဆိုတ့အဓိပ္ပာယ်ပေါ့။ သူ့အမြင်အာရုံဟာ တစ်ခြားသူတွေထက် အများကြီးပိုထက်မြက်တယ်ဆိုတာ သိနိုင်ပါတယ်။ ဆေးစက်ချရုံနဲ့ ဆွဲထားတဲ့ ပန်းချီတစ်ချပ်ရဲ့ ရှင်သန်မှုဟာ ဘယ်လိုများနေမလဲ ...။ မတော်တဆလိုလိုနဲ့ ခမ်းနားကြီးကျယ်မြင့်မြတ်နေမယ်ထင်တယ်။ ဘယ်သူမှမသိခဲ့ကြပေမယ့် ပေါ့လော့ခ်ဟာ ပန်းချီမဟုတ်ဘူးဆိုတာတွေကိုပဲ ပန်းချီဆွဲခဲ့တယ်။ သူ့လိုလူတွေကို အနုပညာခေါင်းစဉ်တစ်ခုအောက်ကို ပို့လိုက်တဲ့အခါ Abstract Expressionism ထဲရောက်လာခဲ့တယ်။ ကျွန်တော့်ကို ဘယ်သူအစက်ချလိုက်လဲ ... ကျွန်တော့်ဘ၀ဟာ ဘာပုံရှိမလဲ ... အစက်ချလို့မပြီးသေးဘူးလား .. ကျွန်တော်မသိဘူး .. ကြွေအံမကစားတဲ့ ဘုရားသခင် ပန်းချီဆွဲမယ်ဆိုရင်တော့ Abstract Expressionist ဖြစ်လာနိုင်တယ် ...။ ကျေးဇူးပြုပြီး နောက်ထပ် အနှစ်နှစ်ဆယ်မှ ဒီဘ၀ကြီးကို ဈေးကြီးကြီးပေးဝယ်လိုက်ပါ။ .................ကျွန်တော်ကတော့ ရှိချင်မှရှိတော့မယ်လေ။

Marcel Duchamp & Installation art

Marcel Duchamp (1887-1968) ဟာ ready-made ပစ္စည်းတွေနဲ့ installation လုပ်ပြီး အနုပညာပစ္စည်းဆိုတာ ဘာလဲ ဆိုတာကိုဖောက်ထွက်တွေးပစ်ခဲ့ပါတယ်။ သူ့ရဲ့ အထင်ရှားဆုံး လက်ရာနှစ်ခုက 1914 မှာ ပြသတဲ့ Bottlerack နဲ့ 1917 မှာ ပြသတဲ့ R.Mutt လို့ဆိုင်းထိုးထားတဲ့ porcelain Urinal ပါ။ သူကတော့ သေချာကိုနာမည်ပေးလိုက်ပါသေးတယ် Fountain (ရေပန်း ဆိုပဲ)။ သူ့ကိုလည်းအပြစ်မတင်သာပါဘူး သူပြောထားတဲ့ စကားအရတော့ ဟုတ်နေတာပါပဲ။

The creative act is not performed by the artist alone; the spectator brings the work in contact with the external world by deciphering and interpreting its inner qualifications and thus adds his contribution to the creative act.

ကျွန်တော်ဟာ ဘုရားသခင်ဖြုတ်လဲထားတဲ့ မီးသီးတွေနဲ့အတူ တစ်စားပွဲထဲထိုင်နေတဲ့ သက်ရှိ installation material တစ်ခုပါ။ မတော်တဆ သေသေချာချာကြည့်မိတဲ့အခါ ဘုရားသခင် လက်မှတ် ကျွန်တော့်ရင်ဘတ်မှာ ရှိတာကိုတွေ့လိမ့်မယ်။

ခင်မင်စွာဖြင့်

Zephyr

Notes:

အမှန်က အင်ဒီဝါးဟိုး အထိ ရေးမလို့ပါ။ ပုံတင်တာမရတော့တာနဲ့ ဒူးရွှန့်မှာတင်ရပ်လိုက်ပါတယ်။ အပျော်ဖတ်လေးပါ။ အပျင်းပြေအောင်ရေးလိုက်ပါတယ်။ မူရင်းစာအုပ်မှာပါတဲ့ ပုံတွေကိုလည်း ရှာပြီးထပ်ပေးလိုက်ပါတယ်။ ရေးထားတဲ့စာတွေမပျင်းမရိလာဖတ်တဲ့သူတွေကို ကျေးဇူးတင်ပါတယ်။ အထူးသဖြင့် စာရေးဖို့ မပျင်းမရိ တိုက်တွန်းတဲ့ အမေ့ကိုကျေးဇူးတင်ပါတယ်။

လူနှင့် ကြီးမြတ်ခြင်း ၀ိသေသ

အခုအချိန်မှာ အကြိုက်ဆုံး Quotation တစ်ခုက

The only difference between you and God is that you have forgotten you are divine.

ဘုရားသခင် နဲ့ သင်နဲ့ ကြားမှာ တစ်ခုတည်းသော ကွာခြားချက်က သင်က သင်ရဲ့ ကြီးမြတ်မှုကို မေ့ပစ်လိုက်တာ။

ဒီ အဆိုအမိန့်ကို The Lost Symbol စာအုပ်ကနေ တွေ့တာပါ။ Peter Solomon က Langdon ကို ပြောခဲ့တဲ့စကားပါ။

“A wise man once told me,” Peter said, his voice faint now, “the only difference between you and God is that you have forgotten you are divine.”

... လူတစ်ယောက်စီမှာ ရှိတဲ့ ပင်ကိုယ် စွမ်းအင်တွေအကြောင်းကို တွေးမိပါတယ်။ အဓိက တရားခံကတော့ Dan Brown စာအုပ်ဖြစ်ပါလိမ့်မယ်။ Dan Brown က နောက်ဆုံး ၁၅ မျက်နှာလောက်မှာ (သူ့ဗီလိန်ကို သတ်ပြီးတဲ့နောက်မှာ) သူပြောချင်တာတွေကို လူသုံးယောက်နေရာကနေမရပ်မနား မောစရာကောင်းလောက်အောင် ပြောသွားပါတယ်။ အဓိကပြောသွားတဲ့ အချက်က သိပ်စိတ်ဝင်စားစရာကောင်းပါတယ်။ လူတွေရဲ့ စိတ်စွမ်းအင်ကို အပြည့်အ၀ အသုံးချပြီး လူတွေဟာ ကိုယ့်ပင်ကိုယ် ကြီးမြတ်မှုကို ပြန်ရှာဖွေကြဖို့ဖြစ်ပါတယ်။ ကျမ်းစာကို OPV(Other Point of View) ကနေ သုံးသပ်ထားတာမျိုးကို တွေ့ရပါတယ်။ သမထအကြောင်းကို နည်းနည်း တို့ထားပါတယ်။.... တို့ထားတာမှန်းလည်း သိသာပါတယ်။ သေချာတာကတော့ နောက်ဆုံး ရှစ်မျက်နှာလောက်က ခရစ်ဝင်ကျမ်းတွေကို တီးမိခေါက်မိရင် တော်တော်လေးကို အသေးစိတ်ရေးထားတာကိုတွေ့ရပါလိမ့်မယ်။ ဇာတ်သိမ်းခန်းက ဒါဗင်ချီကုတ်ထ်ရဲ့ ဇာတ်သိမ်းခန်းနဲ့ တော်တော်လေးတူပါတယ်။ ဇာတ်လမ်းတစ်လျှောက်လုံး သူပြောချင်တာမပြောလိုက်ရတဲ့ ဒန်ဘရောင်းဟာ ဇာတ်သိမ်းမှာတော့ မြန်မာကားတွေ အကယ်ဒမီမှန်းထားတဲ့ ဒိုင်ယာလော့ခ်ဆန်ဆန်ပြောသွားပါတယ်။(နမူနာပြရရင်တော့ ငါ၊သူတပါး၊ယောကျာ်း၊ မိန်းမ ဆိုတဲ့ ကားမှာ ခင်ဇာခြည်ကျော်ကဆေးရုံမှာ သေလုမျောပါး မယ်သီလရှင်(ဆရာလေး) အဖြစ်သရုပ်ဆောင်ရင်း မရပ်မနား စကား မိနစ် ၂၀ လောက်ပြောသွားသလိုမျိုးလို့ အကြမ်းဖျင်းနားလည်စေချင်ပါတယ်။)

ကျမ်းစာမှာပါဝင်တဲ့ Temple ဆိုတဲ့ စကားလုံးဟာ ခန္ဓာအိမ်လို့ အဓိပ္ပါယ်ဖွင့်လိုက်တာကတော့ သေချာပါတယ်။ အရှေ့တိုင်း အယူအဆပါ။ ပြောမယ့်သာပြောရတယ်။ အနောက်တိုင်းကသူတွေက သိပ်သနားစရာကောင်းပါတယ်။ ရှိသမျှ ဘာသာကြီးတွေက ဘုရားတွေ(ဘုရားကြီးတွေ) ဟာ အရှေ့တိုင်းသားတွေပါပဲ။ ဒီကိစ္စက လူဖြူကလေးတွေကို အရှေ့တိုင်းသားတွေအနေနဲ့ ဘုရားမဖြစ်နိုင်တဲ့ လူတွေလို့ နှိမ်ချင်စရာကောင်းတဲ့ အချက်ဖြစ်ကောင်းဖြစ်နိုင်ပါတယ်။ အရှေ့တိုင်းဒဿနတွေကို လှလှပပ ဆက်စပ်ပြလိုက်တာကတော့ ယုတ္တိဗေဒကို ကျကျနနတတ်မြောက်ထားတဲ့ သိပ္ပံသမားစစ်စစ်ဖြစ်တယ်ဆိုတာကို သက်သေထူလိုက်ရာရောက်ပါတယ်။ Dan Brown ရဲ့ စာအုပ်တစ်အုပ်စာ ဗဟုသုတအတွက် သူ အနည်းဆုံး အချိန် တစ်နှစ်ကျော်လောက် စုဆောင်းရလိမ့်မယ်လို့ တွေးကြည့်မိတယ်။ သူ့အဆိုအရ GOD ဆိုတဲ့ စကားရဲ့ရင်းမြစ်က ဘုရားသခင်လို့ တစ်ဆူတည်းကို မရည်ညွှန်းဘူး။ ဘုရားများလို့အဓိပ္ပာယ်ရတယ်လို့ဆိုပါတယ်။ သူက ဘယ်လို တွေးသလဲဆိုတော့ ဘုရားက လူကိုဖန်ဆင်းတယ်ဆိုရင်တောင် လူကောင်ကြီးကို ဖန်ဆင်းလိုက်တာမျိုးမဟုတ်ဘဲ စိတ်ကိုဖန်ဆင်းခဲ့တာလို့ဆိုတယ်။ လူတွေရဲ့စိတ်ဟာ ရုပ်ဝတ္ထုတွေကို ဆက်လက်ဖန်ဆင်းသွားတာလို့ ဆိုတယ်။ လူတွေရဲ့စိတ်တွေဟာ ဘုရားရဲ့ စိတ်နဲ့ထပ်တူပဲ ဆိုတဲ့ အယူအဆမျိုးကိုထောက်ပြပါတယ်။ သဘောထားကွဲလွဲနိုင်စရာတွေရှိကောင်းရှိနိုင်ပေမယ့် ဒီအမြင်မျိုးကိုလည်း သေချာတွေးကြည့်ဖို့ကောင်းပါတယ်။ ဒီအယူအဆက ပြင်ပမှာရှိတာတွေအပေါ် စိတ်က လွှမ်းမိုးတယ်ဆိုတဲ့ အယူအဆကို ဖြစ်စေပါတယ်။ ပြီးတော့ ဘုရားနဲ့လူတွေဟာ အဆင့်တူတွေဖြစ်လာစေပါတယ်။ ဆိုလိုတာက လူ့စိတ်ဟာ ဘုရားအဖြစ် အထိ မြင့်မားနိုင်တဲ့ အစွမ်းတွေရှိရက်နဲ့ လူဆန်ဆန်ပဲ ကိုယ့်တက်လမ်းကိုယ်ပိတ်လိုက်တယ်လို့ သူကဆိုလိုချင်ပါတယ်။ ခရစ်ဝင်ကျမ်းတွေမှာလည်း ဘုရားက လူဟာ သူနဲ့ထပ်တူဖန်ဆင်းတယ်ဆိုတာမျိုးပါတယ်လို့ဆိုပါတယ်။ လူက အဖန်ဆင်းခံနေရာမှာသွားနေလိုက်ရာကနေ သူ့မှာ ဖန်ဆင်းနိုင်တဲ့ တန်ခိုးတွေ ပျောက်ဆုံးလာတယ်လို့ စာရေးဆရာကဆိုလိုချင်ပုံရပါတယ်။ အထူးသဖြင့် လူရဲ့ အခန်းကဏ္ဍကို ပိုပြီးမြှင့်တင်လိုက်တာကိုသဘောကျပါတယ်။

ဘုရားဖြစ်တာမဖြစ်တာ အပထား၊ လူဆိုတာ မြင့်မြတ်တဲ့စိတ်နဲ့မွေးကတည်းက for granted ဘုရားဖြစ်ခွင့်ရနေတာဆိုတာကိုက တော်တော်ကျေနပ် စရာကောင်းပါတယ်။ လုတစ်ယောက်စီဟာ တွေးနိုင်သလောက်၊ စိတ်ကူးနိုင်သလောက် ဖြစ်လာနိုင်တယ်ဆိုတာကို သဘောကျပါတယ်။ လူတွေရဲ့ ဖြစ်နိုင်စွမ်းကို စာရေးဆရာက အများကြီးပြောချင်ပုံရပါတယ်။ သူ့ ဇာတ်လမ်းအရ သူ့ဗီလိန်ကို မသတ်ချင်သတ်ချင်သတ်လိုက်ရတဲ့နောက်ပိုင်းမှာ စာရေးဆရာဟာ သူ့ အဓိက ဒဿနကို ဆက်ပြီး ပြောသွားပုံက ရုတ်တရတ် ချိုးကွေ့သွားသလိုမျိုး ... Order တွေထဲမှာ ရုတ်တရတ် Chaos ၀င်လာသလိုဖြစ်နေနိုင်ပါတယ်။ ဒါကလည်း သူတကယ်ပြောချင်တဲ့အချက်ပါ။ ခရစ်ယာန်တွေအတွက်တော့ နားလည်ရတာမခက်လောက်ဘူး ထင်ပါတယ်။ ခရစ်ယာန်မဟုတ်တဲ့ သူတွေအတွက်တော့ နောက်ဆုံး ၁၇ မျက်နှာက အကောက်အယူလွဲစရာ တရားဟောချက်လိုလိုဖြစ်နေနိုင်ပါတယ်။ Dan Brown ဟာ သေချာတာကတော့ ဘာသာတရားကို အမြင်သစ်တစ်ခုကနေ လေ့လာနေတဲ့သူတစ်ယောက်လို့ သူ့စာတွေအရသိနိုင်မှာပါ ။ သူက သေချာတဲ့ သိပံ္ပနယ်မြေမှာ ခြေတစ်လှမ်းအခိုင်ထားပြီး နောက်တစ်လှမ်းကို ဘာသာရေးဘက်ကို လှမ်းကြည့်နေတဲ့သူပါ။ ဒီစာအုပ်မှာဆိုရင်လည်း သမထကြောင့် ဦးနှောက်မှာ ဓာတ် တစ်မျိုးဖြစ်ပေါ်လာပြီး အဲဒီဓာတ်ဟာ ရောဂါတွေကို ပျောက်ကင်းစေတယ်ဆိုတာကို ထည့်ရေးထားပါတယ်။ ဒါကိုကြည့်ရင် သူက သူသိသလောက် အထောက်အထားအရပဲ ယုံနိုင်တယ်လို့ ယူဆစရာရှိပါတယ်။

ဒီတစ်အုပ်အရ Dan Brown ကို ခရစ်ယာန်တော်တော်များများ အမြင်ပြန်ကြည်လာစရာရှိပြီး Free Masons တွေကတော့ နည်းနည်းစိတ်ခုစရာရှိပါလိမ့်မယ်။ လူတစ်ယောက်ဟာ ကိုယ့်ကိုယ်ကို ဘုရားအဖြစ်ကိုမေ့လျော့ပြီး အသနားခံနေတဲ့ သိမ်ငယ်တဲ့သူ၊ တစ်ခုခုလိုချင်လို ဆုတောင်းနေတတ်ရုံလောက်လူ သာမန်မဟုတ်ဘူး ဆိုတဲ့အချက်ကိုတော့ သေချာတွေးချင်ပါသေးတယ်။

လူတွေဟာ မွေးလာတုန်းက ဘာမှမဟုတ်တာချင်းတူပေမယ့် သေဆုံးသွားတဲ့အခါ လူတစ်ချို့က သိပ်ကြီးမြတ် ခမ်းနားတာတွေ အများအပြား လုပ်ဆောင်ခဲ့ပြီး တစ်ချို့ကတော့ ဘာမှမလုပ်သွားဘဲသေသွားတယ်။ လူတွေက သူတို့အရည်အချင်းကို တကယ်သိပြီဆိုပါတော့ … စိတ်တွေဟာ ရုပ်ဝတ္ထုတွေကို လွှမ်းမိုးနိုင်တာကို နားလည်လာပြီဆိုပါတော့ … အဲဒီအချိန်ကြရင်တော့ လူတွေဟာ စိတ်ကို ပိုတန်ဖိုးထားလာမှာပါ။

ရုပ်ဝတ္ထုတွေကို သိပ်အသားပေးလာတဲ့ ခေတ်ထဲမှာ စိတ်ဟာ အရေးကြီးတယ်လို့ ဘယ်သူရေးရေး သဘောကျနေဦးမှာပါ။ ဘုရားလို တန်ခိုးကြီးလာမှာ မကြီးလာမှာ ခဏထားလိုက်ကြအောင်၊ အနည်းဆုံး ကိုယ့်စိတ်ကို ဂရုပြုတဲ့သူဟာ စိတ်ချမ်းသာလိမ့်မယ်။ ဂရုတစိုက်လမ်းလျှောက်တဲ့သူဟာ ချော်မလဲသလို၊ စိတ်ကို ဂရုပြုတဲ့သူဟာ လွန်ကဲတဲ့ ဒေါသ၊မောဟ၊လောဘ မဖြစ်နိုင်ဘူး။ လွန်ကဲတဲ့ ဒေါသ၊မောဟ၊လောဘ မရှိတဲ့သူဟာ ပိုမြင့်မြတ်တဲ့ အသိဥာဏ်နဲ့ထိုက်တန်လာမှာပါ။ စိတ်ကို စောင့်ရှောက်တာဟာ လူတစ်ယောက်ရဲ့ ယဉ်ကျေးမှုတွေထဲမှာ အမြင့်မားဆုံးယဉ်ကျေးမှုလည်းဖြစ်ပါတယ်။ ကိုယ့်စိတ်ကို စောင့်ရှောက်တဲ့သူတွေဟာ တခြားသူရဲ့စိတ်ကိုလည်း ဒုက္ခမပေးပါဘူး။ အားလုံး စိတ်ချမ်းသာအောင်နေတတ်သွားတဲ့အခါမှာ ကမ္ဘာကြီးဟာ နိဗ္ဗာန်ပိုဆန်လာမှာပါ။ ဘယ်သူက မှ တစ်ခြားတစ်ယောက်ကို ဒုက္ခမပေးဘူး ဆိုတဲ့ခေတ်တစ်ခေတ်မှာနေထိုင်တဲ့ လူတစ်ယောက်ရဲ့ ကြီးမြင့်မှုမျိုးဟာ ဘုရားဆန်တဲ့ မြင့်မြတ်မှုမျိုးဖြစ်ပါလိမ့်မယ်။

ခေတ်အဆက်ဆက်မေ့လာတာတွေထဲမှာ ကိုယ့်ရဲ့ ကြီးမြတ်မှုပါသွားတာကို စိတ်မကောင်းပါဘူး။ တစ်ချိန်တုန်းကတော့ ကျွန်တော်တို့တွေဟာ သိပ်ကို ကြီးမြတ်တဲ့ လူသားမျိုးနွယ်တွေ ဖြစ်ခဲ့မလား။ .. ကျွန်တော်တို့ မသေချာပါဘူး …။ ဆက်ပြီးတွေးမိတော့ သေချာနေသေးတာတစ်ခုကိုတွေ့တယ် …။

လူတိုင်းမှာ အခြေခံအကျဆုံး လွတ်လပ်ခွင့်တစ်ခုအခုအထိရှိပါတယ်။

ကိုယ့်ဘာသာကိုယ် စိတ်ချမ်းသာအောင် လူတိုင်းနေနိုင်တယ်။

ဒီတစ်ခုလောက်ကို ပြန်သတိရတာကိုပဲ ဒီဘ၀အတွက် ကျေနပ်စရာ တစ်ခုတည်းသော အချက်လို့ပဲ သတ်မှတ်လိုက်ကြရအောင်ဗျာ …။ ။

ခင်မင်စွာဖြင့်

Zephyr