မနေ့က သူငယ်ချင်းတစ်ယောက် မြန်မာပြန်တုန်း ၀ယ်လာပေးတဲ့ ဆရာမဂျူးရဲ့ .. သူမင်းကို ဘယ်တော့မှ (ဖရဲသီးမကျွေးဘူး) ဖတ်ဖြစ်တယ်။ စာအုပ်နာမည်က သူမင်းကို ဘယ်တော့မှ ပါပဲ ...။ ဒါပေမယ့် ပုံထဲက ကလေးလေး ဖရဲသီးစားနေပုံက အဲဒီလိုဖြစ်နေပါတယ်။ ကိုယ်တစ်ယောက်တည်း ဒီလိုထင်တာမဟုတ်ပါဘူး ...။ ဝေမှုးသွင်ရေးတဲ့ စာအုပ်တစ်အုပ်မှာလည်း သူမင်းကို ဘယ်တော့မှ ဖရဲသီးမကျွေးဘူးလို့ ရေးထားပါတယ်...။ ပုံရဲ့ဆွဲဆောင်မှုကြောင့် ဖြစ်ပါလိမ့်မယ်။ :)
ဆရာမဂျူးဟာ .... မြန်မာနိုင်ငံကို Living Together ဆိုတဲ့ စာပေကို မိတ်ဆက်ပေးခဲ့တယ်လို့ ပြောရပါမယ်။ ဆရာမဂျူး ပထမဆုံးရေးခဲ့တဲ့ အမှတ်တရ ဆိုတဲ့ လုံးချင်းဝတ္ထုမှာ ဂစ်တာတီးတဲ့ ဆရာဝန်မလေးနဲ့ ဖဲရိုက်တဲ့ ဆရာဝန်လေး တို့ ...(အော် ဆရာဝန်တွေ ..ဆရာဝန်တွေ ...) အိမ်ပိစိလေးမှာ နေကြရတဲ့အကြောင်း၊ ဆရာဝန်မလေးက ကျွန်တော်လည်းတီးတတ်တဲ့ သီချင်း( တစ်ချို့တွေနေနိုင်လွန်းတယ် ဆိုတဲ့သီချင်း)ကို ဂစ်တာလေးတီးပြီးဆိုနေတတ်တဲ့အကြောင်း ... ။ ... အစပိုင်းမှာ သိပ်လှတဲ့ ဇာတ်လမ်းလေးတစ်ခုပါ ...။ နောက်တော့ .... ဂျူးစတိုင်အတိုင်း .... ပြတ်ပြတ်သားသား ဖြစ်အောင် ဖဲရိုက်တဲ့ဆရာဝန်လေးက ခပ်တုံးတုံးကောင်မလေး (...ပိုချောသည်ဟုယူဆပါ) ... ကို ယူလိုက် ....။ ... သိပ်တော်လွန်းလို့ လက်မထပ်နိုင်ဘူးဆိုတဲ့ ခပ်ဆန်းဆန်းအယူအဆကို တင်ပြ ....။ နောက်ဆုံးခန်းက ရင်နာစရာအကောင်းသား ....။ အတိတ်တွေကို မမေ့နိုင်တဲ့ဆရာဝန်မလေးနဲ့ အတိတ်တွေကို မေ့နိုင်တဲ့ ဆရာဝန်လေးတို့ ...အတိတ်က အိမ်ငယ်လေး တစ်လုံးဆီမှာ ....။ အဲဒါက သင်္ကေတ ၀ါဒီတစ်ယောက်အတွက်ဆိုရင်တော့ ကီးပွိုင့်က အိမ်လေးပဲ ...။ အိမ်လေးမှာ .. ချစ်သူတွေရှိခဲ့ကြတယ် ...။ အိမ်လေးမှာ ချစ်သူတွေ လမ်းခွဲခဲ့ကြတယ် ...။ အိမ်လေးမှာ ... နာကျင်နေတဲ့စိတ်တွေနဲ့ နောက်ထပ်တစ်ခါ ပြန်ဆုံတွေ့ကြတယ် ....။ အထားအသိုမှားတာလား ....။ အယူအဆကွဲပြားတာလား ...တစ်ခုခုပေါ့ လေ ...။ .... ဇာတ်လမ်းလေးက ခပ်ညံ့ညံ့ယောကျာ်းတွေ ရှိတယ်ဆိုတာကို မီးမောင်းထိုးပြသလို ခပ်ထက်ထက် အမျိုးသမီးတွေရှိကြောင်းကိုလည်း တပ်လှန့်လိုက်သလိုဖြစ်စေတယ် ....။အဲဒီစာအုပ်က စင်ကာပူမှာတစ်အုပ်၊ မြန်မာပြည်မှာတစ်အုပ်ရှိနေလို့ .. ဂျူး ခရေဇီများရှိရင် အလကား ငှားပေးနိုင်ပါတယ်။ မြန်မာပြည်မှာကတော့ ဖိုတို ကူးထားတဲ့စာအုပ်ပါ။ အခုစာအုပ်ကတော့ နောက်တစ်ကြိမ်ပြန်ထုတ်တာပါ ....။ အသိအကျွမ်းတွေဆို အလကားပေးမလို့ အခုအထိ သိမ်းထားဖြစ်ပါတယ်။
ဂျူး စာအုပ်တွေကို သိပ်ကြိုက်ပါတယ်။
အများကြီးလည်းဝယ်စုထားပါတယ်။ အိမ်မှာ ကျန်ခဲ့တဲ့ စာအုပ်ပုံးထဲမှာ တော်တော်လေးကို သစ်သစ်လွင်လွင်ရှိနေဦးမှာပါ။ ဂျူးရဲ့ မောင်နဲ့ကျွန်မ ဆိုတဲ့အသုံးအနှုန်းဟာ ..ယခု အသက် ၃၄ နှစ်အရွယ်တွေအပေါ်မှာ အများကြီးသက်ရောက်မှုရှိခဲ့တယ်လို့ သိရပါတယ်။
ဝိဇ္ဇာကာတွန်းရေးတဲ့ ဗျူးဆိုတဲ့ လူကလည်း ဂျူးရဲ့ စတိုင်ကို ခိုးပြီး ရေးရာကနေ တော်တော်လေး အဆင်ပြေသွားတာတွေ့ရပါတယ်။
ဂျူးရဲ့ အစဉ်အလာတွေကို အားလုံးသိကြပါတယ်။ ဂျူးဟာ စာရေးတဲ့အခါ အကြောင်းအရာရော၊ တင်ပြပုံကိုပါ .. သိပ်အလေးအနက်ထားပါတယ်။ အခုနောက်ဆုံးဖတ်ခဲ့တဲ့စာအုပ်နဲ့ပတ်သက်ပြီးပဲနည်းနည်းပြောချင်ပါတယ်။
ဒီစာအုပ် (သူမင်းကို ဘယ်တော့မှ ...) ကို တစ်ချို့လည်းမကြိုက်ကြပါဘူး ...။ NGO စော်နံတယ်တဲ့ ....။ ဟဲဟဲ ... NGO စော်နံတယ်ဆိုတာက ကျွန်တော်ပြင်ပေးထားတာပါ ...။ သူတို့ပြောတာက ၀တ္ထုမဆန်ဘူးတဲ့ ....။ အ၀တ္ထုဆန်တယ်လို့ပြောတယ်ထင်ပါတယ်။ တစ်ချို့ငနဲတွေက တကယ်တော့ ဂျူးတို့ လုပ်နေတဲ့ စီးပွားရေးမှာ အလုပ်သမားလုပ်ပြီး ဘလော့ခ်မှာတော့ ဂျူးဟာ ဘာဖြစ်တယ် ..ညာဖြစ်တယ် ... ဒီလိုရေးတာ ပရိတ်သတ်ကို စော်ကားလိုက်တာ (ဟိုက်ရှားဘား ....) စသဖြင့် ပြောပါတယ်။ ဒီနေရာမှာတော့ ပြောစရာရှိသွားပါပြီ ...။ ဂျူးစာအုပ်ကို ဖတ်လာတာ ဆယ်နှစ်ကျော်ပါပြီ ...။ အမာခံပရိတ်သတ်စစ်စစ် တစ်ယောက်အနေနဲ့ ... မဖတ်ရသေးတဲ့စာအုပ်နဲ့ပတ်သက်ပြီး ၀င်မငြင်းဖြစ်ခဲ့ပေမယ့် အဲဒီတုန်းကတော့ ဂျူးဟာ ဒီလောက်ညံ့တဲ့စာတော့မရေးဘူးလို့ယုံကြည်ပါတယ်။ တကယ်ဖတ်ကြည့်တဲ့အခါမှ ... ဆရာ့ဆရာကြီးတွေ စာမဖတ်တတ်ပါလားလို့ သိသွားပါတယ်။ ဒီစာအုပ်ကို ဖတ်တဲ့သူဟာ ... အနည်းဆုံး လူသားချင်းစာနာတဲ့စိတ်ထားရှိမယ်ဆိုရင်တောင် ...အဲဒီလိုတောပြောတောင်ပြော ...မပြောလောက်ဘူးလို့ယူဆပါတယ်။ တိုင်းပြည်တစ်ပြည်အတွက်လည်း အကျိုးရှိတဲ့စာတစ်အုပ်ကို ... ပြောချင်ရာပြောလိုက်တာကို အံ့သြမဆုံးပါဘူး ...။ တကယ်ဆို နိုင်ငံမှာ ကြုံနေရတဲ့ လူမှုရေး ..စီးပွားရေး ပြဿနာတွေကိုဝတ္ထုဖတ်ရုံနဲ့သိလိုက်ရတာ .. တန်ဖိုးသိပ်ရှိပါတယ်။ ဒါတွေဟာ လူတစ်ယောက်ကို ပြောင်းလဲပစ်နိုင်တဲ့ စာပေမျိုးပါ ...။ လူတစ်ယောက်ရဲ့ ဘ၀ကို တစ်ယောက်က ကူညီမြှင့်တင်လိုက်ရုံနဲ့ ဘယ်လောက် ထိရောက်သွားသလဲဆိုတာကို လှလှပပပြောပြသွားတဲ့ ရသမျိုးကို ခံစားတတ်ဖို့ သူတို့ နှလုံးသားတွေ အသင့်မဖြစ်သေးတာများလားလို့လည်း တွေးမိပါတယ်။
ရယ်စရာကောင်းတာတော့ အဲဒီမှာ ဘ၀ပျက်သွားတဲ့အမျိုးသမီးနာမည်က တင်တင်ဝင်းဆိုလို့ပါ ...။ ဂျူးရဲ့နာမည်ရင်းက တင်တင်ဝင်း မို့လို့ပါ ...။ တင်တင်ဝင်းလို ပညာမတတ်တဲ့မိန်းကလေးတွေဆိုလို့ ပြုံးမိတာပါ ....။ ဘာကို သတိရသလဲဆိုရင် ရန်းဘရန့်ဟာ ခရစ်တော်ကို ကားတိုင်တင်သတ်ပါလို့အော်နေတဲ့ပုံကို ဆွဲတုန်းက အဲဒီလူအုပ်ထဲကလူတစ်ယောက်ပုံမှာ သူ့ပုံသူဆွဲလိုက်တာကို သတိရပါတယ်။ အဲဒါကလည်းရသတန်ဖိုးတစ်ခုပါပဲ ....။ အဲဒီနေရာမှာရောက်နေတဲ့လူဟာ သူမဟုတ်ဘဲ ငါဖြစ်နေရင် ဆိုတဲ့ ခံစားချက်မျိုးရှိတဲ့သူတွေအတွက် ... အဲဒီတင်ပြပုံလေးကိုလည်း သဘောကျပါတယ်။
ဇာတ်လမ်းအရ ကမ္ဘာအေးမှာ ကားမှောက်သွားပြီး အင်တာဗျူးဖြေဖို့သွားတဲ့ကောင်မလေးဟာ ... ကောင်မလေးတစ်ယောက်လိုရော .... စာရေးသူလိုပါ ... အများကြီးပြောသွားတာပါ ...။ အဲဒီကောင်မလေးလောက် English စာတော်ရင် သေပျော်ပါပြီလို့တောင် တွေးမိသွားတယ် ....။ ဂျူးမြန်မာလိုရေးထားသမျှဟာ ကောင်မလေး English လိုပြောထားတာကိုး။ အားကျမခံ English လို စကားလုံးတွေ လိုက်စဉ်းစားရင်း ဦးအောင်ကျော်ရဲ့ မြန်မာမှု အင်္ဂလိပ်စာ နှစ်အုပ်၊ ဒေါ်ခင်မျိုးချစ်ရဲ့ colorful myanmar ...တွေမှာတောင် မပါတဲ့ စကားလုံးတွေကို ကောင်မလေး ဘယ်လိုပြောသလဲဆိုတာတော့ နည်းနည်းအံ့သြရတာပေါ့ ...။ ကိုယ်တိုင်ကလည်း English စာ မကောင်းတဲ့ အန်ချင်စရာ(Engineer ကို တိုက်ရိုက် အသံဖလှယ်ထားပါသည်)
မမမြတ်ရဲ့ character က အားပျော့သွားလိုက် ထက်မြတ်သွားလိုက်ဖြစ်နေတာလည်း လူဆန်ပါတယ်။ ဘယ်သူမှ ကျောက်ခဲမျက်နှာ ..သံမျက်နှာနဲ့ တစ်သက်လုံးနေသွားပါ့မလဲ ...။ ပုဒ်မ 417 အတွက် ထောင်ခြောက်လအစား ထောင် ခြောက်နှစ်လောက်ပြောင်းဖို့ကောင်းတယ်လို့တွေးမိပါတယ်။
ထောင်ခြောက်လဆိုတာ ခြိမ်းခြောက်နိုင်လောက်တဲ့ ပမာဏလို့မတွေးမိပါဘူး ...။ စလင်းမှာ တစ်လကို အနည်းဆုံး ၄၁၇ တစ်မှုဆိုတာသာသေချာရင် ပြစ်ဒဏ် ကို သေချာပြင်ဆင်ဖို့လိုပြီလို့ ခံစားရပါတယ်။
အဲဒီစာအုပ်မှာ ကလေးနားကပ်ဖြုတ်သွားတဲ့ အဒေါ်ကြီးကို တော်တော်လေး သတိထားမိပါတယ်။
သူခိုးတစ်ယောက်အနေနဲ့ ဘ၀ကို ရင်ဆိုင်သွားရတယ်။ မတတ်သာလို့ခိုးရတဲ့သူတွေအတွက် ..မတတ်သာတဲ့ အခြေအနေကို ၀ိုင်းဝန်းတိုက်ဖျက်ဖို့လိုပါတယ်။ မတတ်သာတဲ့အခြေအနေဟာ ဆင်းရဲမွဲတေမှုဆိုရင် ...ဒီပြဿနာဟာ အားလုံးနဲ့ဆိုင်ပါတယ်။ ပညာမတတ်လို့ဆင်းရဲတယ် ....။ ဆင်းရဲလို့ပညာမတတ်ဘူး ...အဲဒီ vicious cycle (မြန်မာလို ဘယ်လိုခေါ်မှန်းမသိပါ ...အဆိုးသံသရာလို့ ထားလိုက်ပါ ...။) ကို ထောက်ပြသွားတာ ပညာသားပါပါတယ်။
အင်တာနက်ဆိုင်မှာ Gmail သုံးတဲ့ကိစ္စလောက်ဟာ Software Engineer တွေ၊ System Analyst တွေ အတွက် ဘာမှမဟုတ်ပေမယ့် ကျေးရွာသူတစ်ယောက်အတွက်တော့ အဟုတ်ကြီးတွေဖြစ်နေနိုင်ပါတယ်။ ဂျူးကိုသဘောကျတာတစ်ခုက false hope မပေးတာပါ။ အရင်ခေတ်က စာရေးဆရာတွေဆိုရင် ... ဒီလို ပစ္စည်းမဲ့လူတန်းစား (ဘာပစ္စည်းမဲ့နေမှန်းကိုမသိဘူး ....အခုအချိန်မှာ အဲဒီပစ္စည်းဆိုတာက စကားရိုင်း ဖြစ်ပြီး ပြည့်တန်ဆာလို့ အဓိပ္ပာယ်ရနေပါပြီ ...) တစ်ယောက်ဟာ သူဌေးတစ်ယောက်နဲ့ရရင်ရ ...မရရင် သူဌေးထက် ကြီးပွားသွားရပါမယ် ...။ သိပ်ကို ကြီးပွားသွားရပါမယ် ...။ ဒါကလည်းရယ်စရာဒဿနပါ ...။ လူတိုင်းကြီးပွားနေရင် ဘယ်သူမှ အလုပ်လုပ်မှာမဟုတ်တော့ပါဘူး ....။ အခုတော့ သူ ဘာဖြစ်သွားသလဲ ...။ ဘာမှမဖြစ်ပါဘူး ...။ အတွေးအခေါ်ကောင်းလာတယ် ...။ အဲဒါက နံပါတ်တစ်အချက်ပါ ...။ ဘွဲ့ရ ဆိုက်ကားသမားဟာ .. ပညာမဲ့ဆိုက်ကားသမားထက် ပိုပြီး ယဉ်ကျေးမယ်လို့ ဆရာအောင်သင်းပြောတာကိုလည်း သတိရပါတယ်။ ... ပညာဟာ အလင်းဖြစ်တယ်။ ပညာတတ်တဲ့သူဟာ ချမ်းသာမယ်လို့ အာမမခံနိုင်ပေမယ့် ...အသိဥာဏ် အဆင့်အတန်းမြင့်မားလာမယ်လို့တော့ အာမခံနိုင်တယ်ဆိုတဲ့သဘောကိုလည်း ဖတ်ရင်းနဲ့တွေးမိပါတယ်။
မြွေဆိပ်ဖြေဆေးမလုံလောက်လို့ သေသွားတယ်ဆိုတဲ့သဘောကို ခွင့်ပြုမိသွားတဲ့ စာပေစီစစ်ရေးကိုတော့ အံ့သြမဆုံး ချီးကျူးမိပါတယ် ...။ ဒီပို့စ်ပြီးမှ အလုပ်ဖြုတ်ခံရရင်လည်း စိတ်မကောင်းပါဘူး ....။
သုတရဲ့ခေါင်းကို အုတ်ခဲနဲ့ ထပ်ခါထပ်ခါ ထုလိုက်တဲ့အခန်း ..ပြီးတော့ ထိန်လင်းရဲ့ပါးကို ပါးနဲ့ကပ်လိုက်တဲ့အခန်းမျိုးဟာ .... အကယ်ဒမီ ရနိုင်တဲ့အခန်းမျိုးပါပဲ ....။ တခါတလေ အချစ်ဟာ ရူးမိုက်ပါတယ် ...။ ဒီကိစ္စဟာ ငြင်းခုန်ရမယ့်ကိစ္စမျိုးမဟုတ်ဘဲ နားလည်ပေးရမယ့် ဇာတ်ကွက်မျိုးဖြစ်ပါတယ်။ ရသစာရေးဆရာတစ်ယောက်မို့လို့ Action နဲ့ Romance ကို ဒီလိုတွဲလိုက်နိုင်တာပါ ...။ ဂျူးကိုဝေဖန်တဲ့သူတွေရေးတာဖတ်နေပါတယ် ...။ သူတို့ဘယ်လောက်ရေးတတ်သလဲသိချင်လို့ပါ ...။ ဂျူးရေးတာ ညံ့တယ် လို့ပြောရင် ဂျူးထက်ကောင်းတာ ရေးပါ ။ ... မတူညီတဲ့စာရေးဆရာတွေနဲ့လိုက်ပြီးယှဉ်ထိုးနေစရာမလိုပါဘူး ...။ကိုယ့်ဘာသာကို ဂျူးဖတ်ဖို့ ရသစာပေ ..အစရှိတဲ့ခေါင်းစဉ်မျိုးနဲ့ရေးပေးရင် ဂျူးကလည်း သိပ်ကျေးဇူးတင်နေမှာပါ ...။ သူထုတ်ဝေပြီးသွားတဲ့ ကျွန်မဖတ်ဖူးသော စာအုပ်များထဲမှာတောင် နောက်တစ်ကြိမ် ပြန်ထုတ်တဲ့အခါ ထည့်ပေးလိုက်ဦးမယ်လို့ ယုံကြည်ပါတယ်။ အဲဒီစာအုပ်မျိုးကို ဂျူးစာပေကတောင် ထုတ်ပေးလိုက်ဦးမယ်လို့ ယုံကြည်ပါတယ်။
ဇာတ်သိမ်းခန်းကနာကျင်မှုကို ပြလိုက်တာ ...သိပ်လှပါတယ် ...။
ဂျူးရဲ့ ကဗျာတွေကို ဖတ်ဖူးပေမယ့် မကြိုက်ပါဘူး ...။ ဒါပေမယ့် ဂျူးမှာ ကဗျာဆန်တဲ့အတွေးတွေ အမြဲရှိနေတယ် ....။ နောက်ဆုံးမှာ ဖြစ်သင့်တာတစ်ခုဖြစ်သွားတာ .... နှလုံးသားနဲ့နားလည်ပေးလိုက်တဲ့ ရသကို သန္တဘယာနက ... ဘာညာ မလုပ်လိုက်ပါနဲ့ဦးနော် ....။ အဲဒီရသတစ်ခုတည်းနဲ့ ဂျူး ဘာလဲဆိုတာကို သိလိုက်ဖို့ကောင်းပါတယ် ...။ စိတ်ခံစားချက်ကို စာမျက်နှာ ၇၄ မျက်နှာလောက်ရေးမှ ရသစာပေမဟုတ်ပါဘူး ...။ ပွိုင့်လေးတစ်ပွိုင့်ထဲနဲ့လည်းပြီးပါတယ် ....။ရသစာပေဆိုတာ သုတမပါရဘူးဆိုရင်တော့လည်း မတတ်နိုင်ဘူးပေါ့ဗျာ ...။ ဒါဟာ ၀တ္ထုမဟုတ်ဘူး ..ဟုတ်တယ် ငြင်းရင်တော့ ... ၀င်မငြင်းပါဘူး ...။ ကိုယ့်ခေါင်းကို ကောင်းတယ်ထင်ကြတာ အရူးတိုင်းပါပဲ ...။
သူမင်းကို ဘယ်တော့မှ စာအုပ်မှာပါတဲ့ The Bottom Billion
ဆိုတဲ့ စာအုပ်ကို ရှာဖတ်ကြည့်လိုက်ပါဦးမယ် ...။
စာအုပ်တစ်အုပ်က ပေးတာကို အပြည့်အ၀ယူချင်ပါသေးတယ် ....။ အခုလို စာအုပ်မျိုးတွေ များများရေးရင်တော့ ဂျူးတစ်ယောက် လူချစ်လူခင်ရော လူမုန်းရော တစ်ပြိုင်နက်များလာစရာရှိပါတယ် ...။ စာရေးဆရာတစ်ယောက်က သူပေးလိုက်တာ မရတဲ့သူတွေအတွက် စာရေးနေတာမဟုတ်လောက်ပါဘူး ...။ ဆရာတော်ဦးဇောတိကပြောတဲ့ တီကောင်အတွက် ပန်းပွင့်မရှိဘူး ...ဆိုတာကိုပဲ ထပ်ခါထပ်ခါရွတ်မိပါတယ် ....။ တကယ်လို့ပန်းပွင့်အကြောင်းသိချင်ရင် လိပ်ပြာဘ၀ရောက်မှ .... သိလိမ့်မယ် ....။ အဲဒီအခါကြမှ ...စကားတွေအတူဆက်ပြောကြတာပေါ့ .....။
ခင်မင်စွာဖြင့်
Zephyr
Notes:
ဘာမှမဟုတ်တဲ့သူတွေက ကိုယ့်ကိုယ်ကို ပိုအထင်ကြီးတတ်တယ်။
.... အမြဲတမ်း ဆွေးနွေးဖြစ်တာတွေအတွက် အမေ့ကိုကျေးဇူးတင်ပါတယ် ....။ ။
Peace B with U.
