အိန္ဒိယက ကမ္ဘာကို လက်ဆောင်တစ်ခုပေးခဲ့တယ်တဲ့။ အဲဒါဘာလဲဆိုရင် တိရစ္ဆာန်တွေ စကားပြောတဲ့ ပုံဝတ္ထုတွေတဲ့။ အဲဒီမှာ နာမည်ကြီးနှစ်အုပ်ရှိတယ်။ ဆရာပါက အဲဒါတွေကို ဘာသာပြန်တာပဲ။ နောက်ဆုံးတော့ ငါတို့ကိုစာဖတ်လို့ရအောင် ဝီစကီက ကျေးဇူးပြုလိုက်တာပဲ။ ဆရာပါသာ ဝီစကီမကြိုက်ရင် ရှင်ပါရဂူက လူထွက်မှာမဟုတ်ဘူး။ အဲဒါဆို စိတ္တရလေခါတို့ဘာတို့လည်းဖတ်လိုက်ရမှာမဟုတ်ဘူး။ ဒီနေ့တော့ ဝီစကီကို ကျေးဇူးတင်တယ်။ ငါးရာ့ငါးဆယ်နိပါတ်တော်မှာလည်း မန်းကီးကလည်း vocabulary အင်မတန်ကြွယ်တာ။ အမှန်က တော်ရုံမျောက်မဟုတ်ဘူး။ လူကို သယ်နိုင်တာ အော်ရင်အူတန်ပဲဖြစ်ရမယ်။ အဲဒီဘုရားလောင်းမျောက်က ခေါင်းကိုကျောက်ခဲနဲ့ထုတဲ့ ဒေဝဒတ္တလောင်းကို သင်ဟာ အကူအညီပေးတဲ့ ငါလို သူတော်ကောင်းမျောက်ကို ခဲနဲ့ထုတယ်။ ဆက်တော့ ချီမခေါ်နိုင်တော့ဘူး။ ငါ့အသက်ကိုလည်းစောင့်ရှောက်ရဦးမယ်။ ငါအပေါ်လမ်းကနေပဲ နွယ်ခိုစီးပြီးလမ်းပြမယ်။ သင်အောက်လမ်းကနေ ဆစ်(ဂ)နယ်လ်ကြည့်ပြီးလိုက်ချေဆိုတာ အင်မတန်အဆင့်မြင့်တဲ့တော်ကီ။ မျောက်ဟာ ဒီလောက်တော်ကီကောင်းဖို့မလွယ်ဘူး။ ဒါပေမယ့် Rise of the Planet Apes ကြည့်တော့၊ ဒီမျောက်တွေဟာ တော်တော်လေး အဆင့်မြင့်တာတွေ့တယ်။ KORN ရဲ့ Evolution က မျောက်ဝံကိုကြည့်တော့ ငါတွေသွားတယ်။ ငါးရာငါးဆယ်နိပါတ်တော်ကို နောက်တစ်ခါပြန်ဖတ်ကြည့်ရဦးမယ်။
============================================================
အဲဒီ status ကိုမနေ့က facebookမှာ ရေးခဲ့တယ်။ အဲဒါလေးကို ပြန်အကျယ်ချဲ့ချင်တယ်။ အိန္ဒိယကစာအုပ်လက်ဆောင်ဆိုတာ သက္ကတကနေလာတဲ့ ရှေးပုံပြင်တွေ။ အဲဒါ ကမ္ဘာအနှံ့မှာ ရိုးရာပုံပြင်လုိုလိုကျန်ခဲ့တယ်။ အိန္ဒိယက အဲဒီပုံပြင်လေးတွေမတင်ပို့ခဲ့ရင် အခုခေတ်မှာ ကာတွန်းကား တော်တော်လေးနည်းသွားမယ်။ ကွန်ဖူးပန်ဒါက စကားမပြောရင် ကျွန်တော်တုို့နားလည်မှာမဟုတ်တော့ဘူး။ မစ်ကီမောက်စ်ကို ကျွန်တော်တုို့ ဒီလောက် ချစ်မှာမဟုတ်ဘူး။ သမင်လေး ဘမ်ဘီကို အခုလောက်အထိ စွဲလန်းနှစ်ခြိုက်မှာမဟုတ်ဘူး။ အကြောင်းခံတရားနောက်ကို လိုက်ပြီး စူးစမ်းရတာဟာ အင်မတန်အံ့အားသင့်စေတယ်။ အခုဖြစ်တည်မှုတွေဟာ ရှေးအခြေခံတရားတွေပေါ်မှာ ထပ်ဆင့်ဖြစ်ပေါ်နေတာပဲ။ အဲဒီ သင်္ခါရတရားတစ်ခုဟာ အင်မတန်လေးနက်တယ်။ ကျနော်တို့ ကမ္ဘာကြီးဟာ အမြဲတမ်း မူလကိုပြန်သွားချင်တယ်။ အခြေခံ တိရစ္ဆာန်စိတ်ဟာ စစ်ကို အမြဲ ဦးတည်နေတယ်။ အခြေခံလောဘဟာ ပိုင်ဆိုင်မှုတစ်ခုအတွက် အသည်းအသန်ကြိုးစားနေတယ်။ ကြိုးစားနေတာကို ရပ်တန့်လိုက်ရင်ကို လောကနဲ့အံမဝင်သူဖြစ်သွားနိုင်တယ်။ ပြေးနေတဲ့လူအုပ်ကြီးဟာ လမ်းဖြည်းဖြည်းလျှောက်နေတဲ့သူတွေ့ရင် မျက်ခုံးပင့်ကြတာပါပဲ။ လမ်းဖြည်းဖြည်းလျှောက်ရုံမကဘဲ လောဘနဲ့ပုပ်သိုးနေတဲ့ အသုိုင်းအဝိုင်းမှာ ပျော်ပျော်လေးပြုံးနေရင် ပုံမှန်မဟုတ်ဘူးဆိုပြီးဆန့်ကျင်ဖယ်ထုတ်လိုက်တာပဲ။ လူများများ ပုံစံတူတစ်ခုခုကို စွဲလန်းနေရင် ဆန့်ကျင်ဘက်လုပ်သလိုဖြစ်သွားတာနဲ့ အနည်းဆုံး ဆဲခံထိပြီး၊ အခန့်မသင့်ရင် သေဒဏ်ဖြစ်သွားတယ်။ ဆိုကရေးတီးဟာ အဲဒီလိုသေသွားတာပဲ။ ဂျီးဇက်စ်ဟာ အဲဒီလို သေသွားတာပဲ။ ရေစီးကြောင်းကို ပြောင်းပြန်ကူးတဲ့ငါးတွေဟာ အင်မတန် သန်မာတဲ့ကြွက်သားတွေရှိတယ်။ သူတုို့ဟာ အတွေးအခေါ်အားဖြင့် လိုက်လျောမယ့်သူတွေမဟုတ်ဘူး။
ဆိုကရေးတီးတို့ခေတ်က အင်မတန် မျှတတဲ့လူ့အဖွဲ့အစည်းခေတ်။ ဒါပေမယ့် ဆိုကရေးတီးရဲ့ သင်ကြားမှုဟာ သူတုို့အုပ်စုနဲ့မတူတာကို ကြောက်စရာလုို့မြင်ကြတယ်။ လောကကြီးမှာ ဘာသာရေးဖြစ်စေ၊ လူမှုရေးဖြစ်စေ၊ လူအုပ်ကြီးတစ်အုပ်စုဟာ လူများစုဖြစ်လာရင် ကျန်တဲ့ လူနည်းစုလေးကို ခြိမ်းခြောက်လာတယ်။ အတူမသွားနုိုင်ရင် ရှင်းပစ်လုိုက်ချင်လာတယ်။ ဘာသာရေးတစ်ခုဟာ လွှမ်းမိုးဖုို့ကြိုးစားရင်း မူလရည်ရွယ်ချက်နဲ့ဝေးကွာကုန်တယ်။ ဆိုကရေးတီးကို ဘယ်သူမှမသတ်ချင်ဘူး။ သူ့ကို စာဆက်မသင်ပါနဲ့လုို့ပြောတယ်။ ဆုိုကရေးတီးက သင်ကြားခြင်းဟာ ငါ့ဘဝလို့ပြန်ပြောတယ်။ ငှက်တွေကို မပျံရဘူးပြောသလုိုဖြစ်နေပြီလို့ပြောတယ်။ ဒါဆိုလည်း ဒီနိုင်ငံကနေထွက်ပြီး၊ တစ်ခြားမှာသင်။ သင့်လုို တော်တဲ့သူအတွက် ဘယ်နိုင်ငံမဆို တပည့်မရှားပါဘူးလုို့ပြောတယ်။ အဲဒီတော့ ဆိုကရေးတီးက ငါဟာ ဒီနုိုင်ငံက သေမှာကြောက်လုို့ ထွက်ရတယ်ဆိုတာမျိုး မလုပ်နုိုင်ဘူး။ သတ်ချင်ရင်လည်းသတ်ကြပါ။ ဒီမှာပဲနေမယ်။ ဒီမှာပဲစာသင်မယ်။ အဲဒီလိုပြန်ပြောတာ။ သေမှာမကြောက်တဲ့သူကို လောကကြီးက အင်မတန်ကြောက်တယ်။ အင်မတန်လေးစားတယ်။ သာမန်လူတွေ များနေလို့လောကကြီး ဘာမှ ထူးခြားကောင်းမွန်မလာဘူး။ လူကြီးလူကောင်းစိတ်ထားနဲ့ လူတစ်ယောက် ကိုယ့်အသက်ကို မနှမြောဘဲ အေးအေးလူလူ အသေခံတော့ လောကကြီးတုန်လှုပ်သွားတယ်။ သူသေသွားတာ နှစ်ထောင်နဲ့ချီကြာပြီ။ အခုအထိ ကျွန်တော်တို့ရဲ့ စိတ်နှလုံးကို ဒီဘဲကြီး ကိုင်လှုပ်ထားတုန်းပဲ။ အဲဒီ စာရိတ္တသတ္တိမျိုးရချင်စိတ် အမြဲဖြစ်နေတုန်းပဲ။
ဆိုကရေးတီးကိုကြောက်တာက မတူညီမှုကိုကြောက်တာပဲ။ လောဘနဲ့ရှာမီးတဲ့သူက လောဘနဲ့မရှာမီးသူကို မကြိုက်ဘူး။ သူ့ရဲ့အပြုအမူက ကုိုယ့်ရဲ့ ရှာမီးမှုကို အဆိုးဖြစ်သွားစေတယ်လုို့ထင်တယ်။ ကိုယ့်ဟာကိုယ်မနေတတ်တဲ့သူဟာ ဘယ်ဘာသာတရားကို ကိုးကွယ်ကိုးကွယ်၊ ကိုယ်နဲ့မတူရင် မုန်းမှာပဲ။ ကုိုယ့်ကိုယ်ကို သူတော်ကောင်းထင်တဲ့သူဟာ သူတော်ကောင်းအစစ်မဟုတ်သေးဘူး။ သူတော်ကောင်းအစစ်မှာ မနာလုို မုန်းတီးစိတ်မရှိဘူး။ အနိမ့်ဆုံးအရိယာဖြစ်တဲ့ သောတာပန်မှာ ဣဿာ ၊ မစ္ဆရိယမရှိဘူး။ အဲဒီတရားနှစ်ပါးဟာ အင်မတန်အောက်တန်းကျတာကိုး။ မတူညီမှုကို လွန်လွန်ကဲကဲမုန်းတဲ့ အသုိုင်းအဝုိုင်းမှာဆိုရင် မတူတဲ့လူတစ်ယောက်ဖြစ်လာတာ အင်မတန် အသက်အန္တရာယ်ရှိတာပေါ့။
ဆော့ခရေတ္တိ(ဆိုကရေးတီး) ဟာ သေခြင်းကိုမကြောက်ဘူး။ သူ့ရဲ့ရှင်သန်မှုကို သူကျေနပ်ပြီးသား။ အချိန်မရွေးသေနိုင်တယ်။ ရှင်သန်ခြင်းမှာ မကြုံဖူးသေးတဲ့ ပညာ၊အသိကို သေခြင်းမှာ ရှာနုိုင်ဖုို့တောင် တက်ကြွနေသေးတယ်တဲ့။ သေဖို့ကိုတောင် ဝမ်းသာအဲလဲဖြစ်နေတာ။
ဂျီးဇက်စ်အလှည့်တုန်းကတော့ ပီလာတူးစ်ဟာ လွှတ်ချင်တယ်။ ဒါပေမယ့် လူအုပ်ကြီးက သတ်ချင်တယ်။ အာဏာပိုင်ဟာ တစ်ချိန်မှာ လူအုပ်ရဲ့အင်အားကို မလွန်ဆန်နုိုင်ဘူး။ လူတွေမကြိုက်တာမပြောနဲ့။ သူတုို့သတ်လိမ့်မယ်လုို့ပြောတယ်။ သေခြင်းရဲ့အခြားမဲ့မှာ စိတ်ချရတဲ့ လားရာကတိရှိသူတွေဟာ သေမှာကိုမတုန်လှုပ်ဘူး။ သေမှာကြောက်လို့ ပြောပြီးသား ပြန်ပြင်မယ်ဆုိုတဲ့သူတွေလည်းဟုတ်ပုံမရဘူး။ စကော့တလန်က တော်လှန်ရေးသမားကြီး ဝီလျံဝေါလေ့စ်ပြောသလို အခုသေမှာကြောက်လို့ပြေးရင် ခဏတော့ရှင်မယ်။ ပြီးတော့လည်း သေရဦးမှာပဲ။ နောင်တတောင်ရချင်ရဦးမယ်။ ငါတုို့အသက်ကို ယူလုို့ရရင်ရလိမ့်မယ်။ ငါတုို့ရဲ့ လွတ်လပ်ရေးကိုတော့ယူလုို့မရဘူးဆုိုတာသိစေမယ်ဆုိုတဲ့ ရဲရဲတောက်စကားကြီးက အင်မတန်လေးနက်တဲ့ အဘိဓမ္မာပဲ။ လူကောင်းသူကောင်းဟာ သေမှာကြောက်စရာမလိုဘူး။ သေမှာကြောက်နေရင် ဘယာကတိဘက်ကိုရောက်သွားတယ်။ မင်းသူ့ကိုမသတ်ရင် မင်းကိုငါသတ်မယ်ဆိုတဲ့အနေအထားရောက်ရင် အပြစ်မဲ့သူကိုတောင် သတ်ရဲသူတွေဖြစ်လာနိုင်တယ်။ အဲဒါလေးကို လေးလေးနက်နက်ဆင်ခြင်ကြည့်စေချင်တယ်။ ကြောက်တဲ့စိတ်တစ်ခုရှိရင် လူဟာ လွတ်လပ်တဲ့စိတ်ရှိသူမဟုတ်တော့ဘူး။ ကြောက်လို့လုပ်တဲ့ ကုသိုလ်ဟာ အင်မတန် အားနည်းတယ်။ လွတ်မြောက်မှု ဝိမုတ္တိနဲ့ မတန်ဘူး။ မကြောက်တဲ့လူမှာ ဂုဏ်ကျက်သရေတစ်မျိုးရှိတယ်။ လူ့အသုိုင်းအဝိုင်းကို နှစ်ပေါင်းများစွာ အကျိုးပြုတယ်။
အောင်မြင်မှုဆိုတာကို ဘယ်လိုတိုင်းတာသလဲဆိုတာ လူ့တစ်ယောက်ချင်းစီရဲ့ အတွေးအခေါ်ပေါ်မူတည်တယ်။ အဲဒီလို အတွေးအခေါ်တူသူတွေဟာ စုဖွဲ့မိကြတယ်။ လူ့သဘာဝက အင်အားကြီးချင်တယ်။ စိတ်ရဲ့ သိမ်ငယ်မှုကို တစ်ခုခုနဲ့ မေ့ထားလိုက်ချင်တယ်။ ပစ္စည်းဥစ္စာနဲ့၊ မိတ်ဆွေအသိုင်းအဝိုင်းနဲ့၊ လောကီပျော်ရွှင်မှုတစ်ခုခုနဲ့ ကိုယ့်ရဲ့ လစ်ဟာမှုကိုဖြည့်တယ်။ အမှန်တော့ လူဟာ မပြည့်စုံတဲ့ ကွက်လပ်လေးတစ်ခုစီနဲ့ ရှင်သန်နေကြတာပဲ။ အဲဒီကွက်လပ်ကို တစ်ချို့က ဘာသာရေးနဲ့ဖြည့်တယ်။ တစ်ချို့က မူးယစ်ဆေးနဲ့ဖြည့်တယ်။ တစ်ချို့ကဥစ္စာပစ္စည်းနဲ့ဖြည့်တယ်။ ဘယ်သူတွေဘယ်လုိုဖြည့်ခဲ့သလဲဆိုတာထက် ကိုယ့်ကွက်လပ်ကို ကိုယ်ဖြည့်ထားတာ တကယ်ပြည့်ရဲ့လားဆိုတာပြန်ကြည့်သင့်တယ်။ အဲဒီကွက်လပ်နည်းလေလေ၊ လောကမှာ နေပျော်လေလေပဲ။ တစ်ချို့လူတွေ ဖြည့်တဲ့ အဖြည့်တရားဟာ ကွက်လပ်ကို ယာယီပြည့်သလုိုဖြစ်စေပြီး၊ရေရှည်မှာ ကွက်လပ်ကို ပိုကျယ်ပြန့်သွားစေတယ်။ ဘာနဲ့တူသလဲဆိုရင် ချိုင့်ခွက်လေးတစ်ခုကို ဖို့တဲ့နေရာမှာ ဒုိုင်းနမုိုက်နဲ့ဖုို့သလုိုဖြစ်နေတယ်။ အခုပြည့်နေသလိုပဲ။ တစ်ချိန် ဒုိုင်းနမိုက်ထပေါက်တော့ ချိုင့်ခွက်လေးက ချိုင့်ခွက်ကြီးပြန်ဖြစ်သွားတယ်။ ပိုဆိုးသွားတယ်။ ပျော်ချင်လုို့လုပ်တဲ့အရာတွေဟာ တစ်ချိန်မှာ ပိုမပျော်စေသလုိုဖြစ်သွားတတ်တယ်။ အဲဒီလိုတွက်ခြေမကွက်တဲ့ ပျော်ရွှင်မှုဟာ အထီးကျန်မှုကနေ လွတ်အောင်မလုပ်ပေးနုိုင်ဘူး။
လူ့သမုိုင်းဟာ ဘယ်တုန်းကမှ တိုးတက်မလာခဲ့ဘူး။ လူကောင်းတွေကို သတ်တဲ့ခေတ်ကနေ လူကောင်းတွေကို ရွာပြင်ထုတ်တဲ့ ခေတ်ကို ရောက်သွားရုံလောက်ပဲ။ နည်းပညာအားဖြင့်တုိုးတက်တယ်။ အတွေးအခေါ်အားဖြင့် ဆော့ကရေတ္တိခေတ်ကထက် ပိုပြီးတုိုးတက်မလာသေးဘူး။ ယဇ်ပူဇော်မှုတွေကို သားကောင်တွေအစား ယတြာတွေ အစားထိုးလိုက်တာကလွဲရင် လူရိုင်းယဉ်ကျေးမှုဟာ ရှိနေတုန်းပဲ။ ကမ္ဘာဦးရဲ့ အကြောက်တရားဟာ သိမ်ငယ်တဲ့လူရဲ့ရင်မှာ အမြဲ ရှင်သန်နေတာပဲ။ မအောင်မြင်မှာကြောက်တယ်။ လူတွေ ဖဲကြဉ်မှာကြောက်တယ်။ ကုိုယ့်ကိုယ်ကို လူ့အသုိုင်းအဝန်းထဲက တစ်ယောက်နဲ့မှ မတူတော့မှာကြောက်တယ်။ အဲဒီအခါမှာ ယုံကြည်တဲ့အယူအဆကိုလည်း ထုတ်မပြောတော့ဘူး။ ကိုယ့်ရဲ့ကိုယ်ပိုင်နည်းလမ်းနဲ့ ရှင်သန်ဖို့ကြောက်သွားတယ်။ ဒီလမ်းက အန္တရာယ်များတယ်။
ပုံပြင်လေးတွေကအစ လူတစ်ယောက်ရဲ့ ဘဝကိုပြောင်းလဲသွားစေနိုင်တယ်။ သိပ်ပင်ပန်းတဲ့ရှင်သန်မှုကြားကနေ ခဏလောက်နားပြီး၊ ကိုယ့်ရဲ့ စိတ်ဓာတ်နဲ့ လုပ်ရပ်တွေ မှန်ရဲ့လား ပြန်တွေးကြည့်ကြပါ။ အချိန်ပေးပါ။ ကိုယ့်ကိုယ်ကို အချိန်ပေးပါ။ လူဟာ အလုပ်လုပ်တဲ့စက်မဟုတ်ဘူး။ အလုပ်တွေ နာရီပေါင်းများစွာလုပ်ရတာဟာ လူ့သဘာဝမဟုတ်ဘူး။ လောကမှာ လူဟာ အစားအသောက်အတွက် တော်တော်ခက်ခက်ခဲခဲရှာရတဲ့သနားစရာအကောင်းဆုံး သတ္တဝါဖြစ်နေပြီ။
ပဉ္စတန္တရနဲ့ ဟိတောပဒေသ နှစ်အုပ်မှာ တိရိစ္ဆာန်လေးတွေက စကားပြောတယ်။ သူတုို့မှာ ခံစားချက်ရှိတယ်။ မဟုတ်မှန်းလည်းသိပါတယ်။ ဒါပေမယ့် မရှိခြင်းတရားတွေနဲ့ တည်ဆောက်ထားတဲ့ လောကမှာ အဓိပ္ဗာယ်ရှိသလား၊မရှိဘူးလားဆိုတဲ့ နယ်နိမိတ်မျဉ်းထက် ရင်ထဲက ကွက်လပ်လေးတစ်ခုကို ဘယ်အရာက ဘယ်လောက်ဖြည့်ပေးမလဲဆိုတာက ပိုအရေးကြီးတယ်။ ပရမတ်နယ်ပယ်မှာတော့ အတ္တမရှိတဲ့အတွက်၊ အတ္တရဲ့ပိုင်ဆိုင်မှုမရှိ။ ငါမရှိတဲ့အတွက် ငါ့ရင်မရှိ၊ ငါ့ရင်မရှိတဲ့အတွက် ငါ့ရင်ထဲက ကွက်လပ်မရှိ။ မရှိတဲ့အတွက်ဖြည့်ဖုို့မလို။ မပိုင်ဆုိုင်တဲ့ ကားတစ်စီး ဘီးပေါက်နေရင် ဘယ်လုိုလုပ်မလဲတွေးစရာမလိုတော့သလိုမျိုးပေါ့။ လောကမှာ တစ်ခြားအရာတွေကို နားလည်ဖုို့ထက် စိတ်ရဲ့သဘာဝကို နားလည်ဖို့က ပိုအရေးကြီးမယ်ထင်ပါတယ်။ လူကို အနားပေးသလို စိတ်ကိုလည်း အနားပေးကြပါ။ ငယ်တုန်းက ပုံဆွဲတာလေးတွေ ကြီးလာရင်မရပ်လိုက်နဲ့။ စုတ်တံတစ်ချောင်း ဆေးတစ်ဗူး ဝယ်ပြီးဆွဲနေလိုက်။ ကိုယ်မသိပေမယ့်၊ ကိုယ့်စိတ်က သူလုပ်နေတာ သူသိတယ်။ ကဗျာတစ်ပုဒ်ရေးချင်ရင် ရေးလုိုက်။ လောကကြီးမှာ စိတ်ချမ်းသာတဲ့သူက ဘယ်သူ့မှ ဒုက္ခမပေးဘူး။
တစ်သီးပုဂ္ဂလဖြစ်တည်မှုကို မမေ့စေချင်ဘူး။ သား၊သမီးပဲဖြစ်ဖြစ်၊ မိဘပဲဖြစ်ဖြစ်၊ တစ်ယောက်နဲ့တစ်ယောက်မတူဘူး။ ညီအစ်ကိုတွေလည်း တစ်ယောက်တစ်မျိုးပဲ။ သူ့ဘဝနဲ့သူ၊ သူ့ရွေးချယ်မှုကို လေးစားရမယ်။ သူ့ခံယူချက်နဲ့သူလုပ်နေတာပဲ။ ကုိုယ်နဲ့အဆင်မပြေတာရှိရင်လည်းရှိမယ်။ ဒါကိုမကြိုက်ရင်လည်း ကိုယ့်စိတ် ကုိုယ်ဒုက္ခပေးတာ။ တစ်ချို့ကြိုးတွေကို လျော့ထားတာကောင်းတယ်။ ဂစ်တာတစ်လက် အသံကောင်းဖုို့ ကြိုးတွေအားလုံးတင်းနေလို့မဖြစ်ဘူး။ သူ့အတုိုင်းအတာနဲ့သူရှိရမယ်။ ကုိုယ်ကြိုက်တဲ့ စံနှုန်းကို ကိုယ့်ဟာကိုယ် ကျင့်သုံးဖို့အဓိကပဲ။ ဘယ်သူ့ကိုမှ ဒီလိုလေးနေပါ၊ ဟိုလိုလေးလုပ်လိုက်ပါလားမပြောနဲ့။ အဲဒါလူသားရဲ့အလုပ်မဟုတ်ဘူး။ လူတွေမှာ အင်မတန်အဆင့်မြင့်တဲ့ စိတ်ရှိတယ်။ စကားလုံးတွေနဲ့ပြောမှ နားလည်တာမဟုတ်ဘူး။ နားမထောင်ဘူးဆိုတာ နားမလည်ဘူးလုို့ အဓိပ္ဗာယ်ဖွင့်လို့မရဘူး။ ကျွန်တော့်သူငယ်ချင်းအရက်သမားတွေ အရက်အကြောင်းကိုယ့်ထက် အဆတစ်ရာလောက်သိတာပေါ့။ သူ့ဟာသူရွေးချယ်တာပဲ။ အရက်သောက်လို့ တိုသွားတဲ့အသက်ဟာ၊ အရက်မသောက်ရင် ရှည်လာမယ်လို့ပြောလို့ရတာမဟုတ်ဘူး။ ကွမ်းမစားတဲ့ဆရာတစ်ယောက် အခုကျောက်ကပ်မကောင်းဘူး။ အကြောင်းဆိုတာ တစ်ခုတည်းရှိတာမှမဟုတ်တာ။ အဲဒီတော့ ကိုယ်မကြိုက်ရင် ကိုယ်မလုပ်နဲ့။ ကြိုက်တဲ့သူ သူ့ဟာသူရွေးချယ်တာ သူ့ရဲ့လွတ်လပ်ခွင့်ပဲ။
ပြီးခဲ့တဲ့လက မရီးတစ်ယောက်က သံလွင်ဆီတစ်ပုလင်းမှာတယ်။ သံလွင်ဆီနဲ့ နနွင်းလုံးသောက်ရင် ကင်ဆာပျောက်တယ်တဲ့။ အဲဒါကျွန်တော်ကပြောတယ်။ မြန်မာပြည်မှာ လျက်ဆားဆိုတာ ရှိတယ်။ အဲဒါသောက်ရင် ကိုးဆယ့်ခြောက်ပါးပျောက်နေတာ ဘာလို့သံလွင်ဆီနဲ့ဆနွင်း ရောလုံးနေဦးမလဲဆိုတော့ ရယ်ကြတယ်။ လျက်ဆားကိုမယုံရင် သံလွင်ဆီနဲ့ရောလုံးထားတဲ့ ဆနွင်းကိုရောဘာလို့ယုံမလဲ။ ဘုရားဟောထဲမှာပါတဲ့ ဆီးဖြူသီးနဲ့နွားကျင်ငယ်ရေဆုိုရင် လျက်ဆားထက်တောင်မှ သက်သာတယ်။ ကြေငြာတတ်ရင် ဘုရားဆေးဆိုပြီးတောင် ထုတ်ရောင်းလုို့ရလောက်တယ်။ ဒါပေမယ့် ကျွန်တော် သံလွင်ဆီဝယ်သွားပေးပါတယ်။ Virgin Olive Oil 14 ဒေါ်လာတန်ဝယ်သွားပေးတယ်။ သူ့ယုံကြည်ချက်ကို နားလည်မှုပေးတာ လူကြီးလူကောင်းဆန်တာပဲလို့ ကျွန်တော်ထင်တယ်။ အနည်းဆုံး သံလွင်ဆီဟာ အစောချေစနစ်အတွက် အကျိုးရှိနိုင်တယ်။
လူတွေ ပျော်နေပါစေဗျာ။
သူတို့ပျော်နေတာကိုကြည့်ပြီး ပျော်နိုင်တဲ့သူဖြစ်ဖို့ကြိုးစားပေါ့။
လောကကြီးကိုမပြင်နဲ့။ ကိုယ့်စိတ်ကိုပဲပြင်ဖို့ကြိုးစားတော့။
With Regards,
Z
Peace B with U.
