အရင်ပို့စ်ရဲ့အဆက်လေးတစ်ခုဆက်ရေးလိုက်ပါတယ်။
ကလေးတွေဖတ်ရမှာပျင်းမှာစိုးလို့ လေးလံတာတွေကို အတတ်နိုင်ဆုံးလျော့ပြီးရေးမယ်လို့ဆုံးဖြတ်ထားတဲ့အတွက် ဒီဆောင်းပါးတွေဟာ ပေါ့တော့တော့ဖြစ်နေပါတယ်။ ... သိပ်လေးပြီး ကလေးတွေမဖတ်ချင်လောက်အောင် ဖြစ်မှာစိုးလို့ အများကြီးပယ်လိုက်ပါတယ်။ ကိုယ်တိုင်လည်း တူတွေ၊တူမတွေရှိတဲ့အတွက် သူတို့ကြီးလာရင် မူရင်းစာအုပ်မဖတ်နိုင်ခင်စပ်ကြားမှာ ဖတ်သင့်တာလေးတွေ ဖတ်စေချင်ပါတယ်။
ကျွန်တော်ငယ်တုန်းက မုံရွေးက စာစဉ်တွေသဘောကျပါတယ်။ သိပ္ပံစာစဉ်လေးတွေ အမြည်းလိုရေးထားတာသဘောကျပါတယ်။ ဘာမဆို အသေးစိတ်မသိရင်တောင် နည်းနည်းပါးပါးတော့သိချင်ပါတယ်။ သိပ္ပံပညာ ဘယ်လောက်တိုးတက်နေပြီလဲ ... Genetic Map တွေအားလုံးစုံသွားရင် ရောဂါအားလုံးကုလို့ရတော့မလား အဲဒါတွေကို စိတ်ဝင်စားပါတယ်။
အခုနည်းနည်း ဖြန့်ခင်းချင်တာက Chapter 7 ။ Aid to Rescue? နဲ့ပတ်သက်တာလေးတွေပါ။ ကယ်ဆယ်စောင့်ရှောက်ရေးအကူအညီတွေ အလုပ်ဖြစ်လား .. မဖြစ်လား .... နည်းနည်းပြောကြတာပေါ့။
လူငယ်တွေအနေနဲ့ ပညာကို Asset တစ်ခုလို့ သဘောထားစေချင်ပါတယ်။ Asset ဆိုတာကို ဘယ်လိုဘာသာပြန်ကြလဲမသိဘူးဗျ။ တစ်ခါတစ်လေ မူရင်းအတိုင်းလောက် မကောင်းတဲ့ ဘာသာပြန်ချက်တွေကို မမှတ်ထားဖြစ်ဘူး။ Assets ဆိုတာ အရင်းတစ်ခုခုပေါ့ဗျာ ...။ မြေ၀ယ်ထားတယ်ဆိုရင် အဲဒီမြေဟာ ပိုင်ဆိုင်မှု အရင်းတစ်ခုပဲ ...။ ဈေးတက်လာနိုင်တယ်။ အသုံးကျလာနိုင်တယ်။ အဲဒီလို တစ်ချိန်မှာ အကျိုးအမြတ်ရနိုင်တဲ့ အရင်း၊ ပိုင်ဆိုင်မှုမျိုးကို Asset လို့ခေါ်ကြပါတယ်။( software ကို အပျော့ထည်လို့ ဘာသာပြန်တာလောက် အူကြောင်ကြောင်နိုင်တာမရှိဘူးလို့ ခံယူတဲ့အတွက် မလိုအပ်ဘဲ ဘာသာပြန်ထားတာတွေကို ဆန့်ကျင်ပါတယ်။) ပညာက ရောင်းစားပေါင်စားလို့တော့ရချင်မှရမယ် ....။ ငိုနေတဲ့ ကလေးအတွက် ဈေးကြီးတဲ့ နို့မှုန့်ဗူးတွေ ဖန်တီးနိုင်ချင်မှဖန်တီးနိုင်မယ် ...။ မနက်ဖြန်စားဖို့ လုံလောက်တဲ့ ငွေကြေးကို အိတ်ထဲမှာ အမြဲပြည့်နေအောင် လုပ်ပေးနိုင်ချင်မှလုပ်ပေးနိုင်မယ်။ ဒါပေမယ့် ပညာသင်တာကို အလကားလို့တော့ ဘယ်တော့မှမထင်ပါနဲ့ ...။ ကျောင်းပညာရေးဟာ ပညာအားလုံးတတ်လာမယ်လို့ အာမမခံထားတဲ့အတွက် သိပ်အများကြီးတော့မမျှော်လင့်ထားပါနဲ့။ အခုဖတ်နေတဲ့ကျောင်းသားဟာ ပထမနှစ်ဖြစ်ချင်ဖြစ်မယ် sophomores တွေလည်း ဖြစ်ချင်ဖြစ်မယ် ...။ ဒါပေမယ့် ကိုယ်ဘွဲ့ရပြီးရင် ဘာလုပ်မလဲ ဆိုတာကို တွေးထားပါ။ ငါဘွဲ့ရရင် နိုင်ငံခြားသွားမယ်လို့စိတ်ကူးထားတဲ့သူက ဘယ်နိုင်ငံသွားပြီး ဘာလုပ်မယ်ဆိုတာကို တွေးထားပါ။ ကျောင်းဆက်တက်မယ်ဆိုရင် လိုအပ်တဲ့ English စာ အရည်အချင်းအတွက် Toefl နဲ့ IELTS လို သေချာခိုင်မာတာ တစ်ခုခုကို ဖြေဖို့ပြင်ဆင်ထားပါ။ တကယ်တမ်းကြတော့ ကျောင်းတက်ရတဲ့ လေးငါးနှစ်ဟာ ခဏလေးပါပဲ ...။ ကျောင်းပြီးသွားလို့ဘွဲ့ရတဲ့အခါ ပထမဆုံး ကိုယ့်ကိုယ်ကို သတိထားမိတာကတော့ ရေနစ်နေတဲ့ပုရွက်ဆိတ်တစ်ကောင်နဲ့ ဘာမှမကွာပါလားဆိုတဲ့အတွေးပါပဲ။ တစ်ခါတစ်လေ Aid to Rescue ဆိုတာ ကံတရားနဲ့ နှစ်ဦးသဘောတူစေ့စပ်ထားတဲ့ မနက်ဖြန်လှလှလေးတစ်ယောက်ဖြစ်နိုင်သလို ....၊ ကံတရားနဲ့ ကွာရှင်းထားတဲ့ ကံဆိုးမတံဆိပ်နဲ့ ဖုန်းဆိုးမြေ တစ်ခုလည်းဖြစ်နိုင်ပါတယ်။ ဘွဲ့ရအလုပ်လက်မဲ့ဆိုတဲ့စကားလုံးဟာ တကယ်တမ်းမှာ ထင်တာထက်ခါးပါတယ်။ ထင်ထားတာနဲ့ လက်တွေ့ဘ၀နဲ့ ကွာနေတာဟာ ခံစားရခက်ပါတယ်။
အခု Singapore က NTU, NUS နဲ့ SMU ကနေ မြန်မာပြည်က ထိပ်တန်းကျောင်းသားတွေကို ပညာတော်သင် အစီအစဉ်လုပ်နေပြီဆိုတော့ မြန်မာပြည်က ညီ၊ ညီမတွေအတွက် ၀မ်းသာပါတယ်။ တကယ်တန်း တော်တဲ့သူတွေအတွက် ရသင့်ရထိုက်တာ ရနိုင်တာကောင်းတယ်။ ထိုက်တန်တဲ့သူရတာ ကောင်းတယ်။ ကြိုးစားပြီး တစ်ခုမှ မရနိုင်တဲ့နေရာမှာ ကြိုးစားရတာ ဘယ်လောက် ပျင်းစရာကောင်းမလဲ။ အကန့်အသတ်နဲ့လေ့လာရတာကို ဘယ်လောက်တောင်ငြီးငွေ့မလဲ။ ကိုယ်တကယ်သိချင်တာတွေ တကယ်သိအောင် ပြောမပြနိုင်မှန်းသိရတဲ့အခါ ဘယ်လို ခံစားရမလဲ .....။ ဒါတွေကိုပြောတိုင်း ကိုယ်ချင်းစာမိတယ်။ တကယ်လို့ PC မှာ processor ဖြုတ်လဲတဲ့အကြောင်းကို စာကျက်ပြီးဖြေနေရတာဟာ ဘယ်လောက် အဓိပ္ပာယ်ကင်းမဲ့သလဲ ဆိုတာ သိဖို့ကောင်းတဲ့လူတွေ သိစေချင်တယ်။ ကလေးတွေအားလုံး Lab မှာ Processor တစ်လုံးစီတပ်ပြနိုင်ရင် ဒီတစ်ပုဒ်ကို အောင်မှတ်ပေးဖို့ကောင်းတာပေါ့။
.... အဲဒီအချိန်ကတော့ Aid To Rescue တွေရောက်မလာခဲ့ဘူး။ ... အဲဒီတုန်းက တခါတလေ တွေးမိတယ် .. ငါတို့နိုင်ငံဟာ တလွဲဆံပင်ကောင်းလွန်းတဲ့နိုင်ငံတွေထဲမှာ တစ်ပဲလို့ ....။
နိုင်ငံဆင်းရဲတဲ့အကြောင်းလေး ပြန်ဆက်ပြောချင်ပါတယ်။
ဆင်းရဲတဲ့နိုင်ငံတွေမှာ ထောင်ချောက်လေးခုက ရုန်းမထွက်နိုင်လို့ဆင်းရဲနေတာလို့စာရေးသူကပြောတယ်။ သူပြောတာက Vicious Cycle လိုပဲ ...။ ဆင်းရဲတွင်းက ရုန်းမထွက်နိုင်လို့ ဆင်းရဲတယ်၊ ဆင်းရဲတွင်းက ရုန်းထွက်နေလို့ ပိုပြီးနောက်ကျတယ် ...။ ပိုပြီးနောက်ကျလို့ ပိုပြီးဆင်းရဲတယ် ...။အဲဒီတော့ ဆင်းရဲတွင်းထဲ ...ထောင်ချောက်လေးခုထဲ တစ်ခါထပ်ကျတယ်။ အဲဒါမျိုးကို Vicious Cycle လို့ခေါ်တယ်။ ကျွန်တော်ငယ်တုန်းက သင့်ဘ၀မဂ္ဂဇင်း တစ်အုပ်မှာအဲဒီ Vicious Cycle ကိုအမေရိကန်နဲ့ရုရှနဲ့ သရုပ်ဖော်ထားတာ ဖတ်ဖူးတာလေးကို လက်ဆင့်ကမ်းချင်ပါတယ်။ အမေရိကန်က လေတပ်အင်အားကို တိုးမြင့် ... ရုရှကို ခြိမ်းခြောက်သလို ဖြစ်တယ်လို့ရုရှက ယူဆ ... ရုရှက လက်နက်အင်အားတိုးမြှင့် .... အမေရိကန်က ရုရှရဲ့ခြိမ်းခြောက်မှုကို တန်ပြန်နိုင်ရန် လေတပ်အင်အားတိုးမြှင့် ...။ ... အဲဒါလေးကို မြားလေးတွေနဲ့ဆက်လိုက်ရင် Vicious Cycle လေးတစ်ခုရပါတယ်။ ဥပမာ ...လာဘ်စားမှုကို နှိမ်နင်းရန်အထူးအဖွဲ့ဖွဲ့စည်း... အထူးအဖွဲ့နှင့်ညှိနှိုင်းရန် အရာရှိများ ပိုလာဘ်စားလာ ... အဲဒါကလည်း အဆိုးသံသရာတစ်ခုပါပဲ။
Aid တွေပဲပေးလို့တော့ ဒီဆင်းရဲမှုပြဿနာတွေက မပြေလည်နိုင်ဘူး။
မပြောချင်တဲ့ဥပမာက နာဂစ်(စ်)။ အဲဒါကြောင့် နာဂစ်စ်ကို ကျော်ချပြီး မီးလောင်တာလောက်ကိုပဲပြောချင်တယ်။ကျွန်တော် မီးလောင်တဲ့သူတွေကို လှူတာတွေ့ဖူးတယ်။ ဘယ်လိုလှူသလဲဆိုတော့ တစ်ယောက်စီကို လိုအပ်မယ်ထင်တဲ့ စောင်တွေ၊ အ၀တ်အထည်နဲ့ဆေးဝါးတွေ၊ ရေပုံးလိုအသုံးအဆောင်တွေပေးတယ်ပေါ့ဗျာ။ ရှေ့မှာပေးပြီးရင် အဲဒီနောက်နားမှာ ပြန်ကောက်တဲ့သူတွေရှိတယ်ဗျာ။ ရလာသမျှကို ဈေးပါဖြတ်ထားပြီးသား။ ခွဲပြီးရောင်းရင် ဈေးတောင်နှိမ်သေးသလားတော့ကျွန်တော်မသိဘူး။ သေချာတာကတော့ သူတို့က ငွေလိုချင်တယ် ... အဲဒါကို ပစ္စည်းတွေ ထောက်ပံ့တဲ့အတွက် ပြန်ရောင်းရတယ်။ အမှားအမှန်တွေရွေးရတဲ့ စာမေးပွဲက ဓမ္မဓိဌာန်မေးခွန်းမဟုတ်တဲ့အတွက် ဒီကိစ္စတွေမှာ ဘယ်သူမှားတယ်မှန်တယ်လို့ ပြောလို့မရပါဘူး။ ဒါပေမယ့် သူတို့လိုနေတဲ့ငွေပဲ တန်းလှူလိုက်တာက ပိုပြီးစိတ်ချမ်းသာစရာ အလှူလေးဖြစ်မယ်လို့ထင်ပါတယ်။ ထမင်းထုပ်ထဲ ငါးထောင်တန်ထည့်ပေးမယ်ဆိုရင်လည်း လမ်းမှာ ကြားက ဖွင့်မဖောက်တဲ့ ကောင်တွေ လက်ထဲထည့်ပေးဖို့ မိုးနတ်မင်းကြီးကိုပဲ အားကိုးရမလိုဖြစ်နေတယ်။ ... လိုနေတဲ့သူနဲ့ ပေးချင်သူကြားမှာ အချောင်လိုချင်တဲ့သူတွေဟာ ညီမျှခြင်းတစ်ခုကို ကြတ်ခြေခတ်လိုက်တဲ့ မျဉ်းတွေလိုပဲ ... အဲဒီလိုလူတွေ လူဖြစ်ရတာ အကုသိုလ်များလိုက်တာ။ နည်းနည်းပေးတာကို ကြားက နည်းနည်းလိုချင်ကြသလို .. များများပေးတာကို ကြားက များများလိုချင်ကြတယ်။ .... ဒုက္ခသည်တွေဟာ စီးပွားရေးလုပ်ပေါက်တွေလို့မြင်နေသရွေ့ ... ဒီကိစ္စဟာ နားလည်ဖို့ခက်ခဲတဲ့ကိစ္စဖြစ်နေဦးမှာပါ။
အီသီယိုးပီးယားနိုင်ငံအကြီးအကဲ ရွှေတွေဝတ်စားပြီး ဓာတ်ပုံတွေဘာတွေရိုက်ထားတာ ငယ်တုန်းက တစ်ခါတွေ့မိတယ် ...။ အီသီယိုးပီးယားဆင်းရဲတာလည်း မဆန်းဘူးလို့တွေးမိပါတယ်။ ဟန်ပြ အလုပ်တွေ များများလုပ်တဲ့နိုင်ငံဟာ ဆင်းရဲတယ်။
2005 July မှာ G8 Summit မှာ အာဖရိကကို အလှူ နှစ်ဆပေးမယ်လို့ဆုံးဖြတ်တယ်။
Summit ဆိုတာက တခါတခါလည်း တောင်ထိပ်၊ တခါတခါလည်း အစည်းအဝေး ... ဘာမှန်းမသည်းကွဲဘူး။ English တွေက စကားလုံးအရှားပါးဆုံးလူမျိုးတွေပဲ။ သူတို့စကားလုံးတွေထဲမှာ ပြင်သစ်နဲ့ လက်တင်ကို နှုတ်လိုက်ရင် Oh My God ဆိုတာပဲကျန်မယ်။ .... G8 ကတော့ ထိပ်သီးနေတဲ့နိုင်ငံတွေဆိုတော့ စတန့်ထွင်တာပေါ့ဗျာ။ တစ်ကျပ်ပေးလို့ သူတောင်းစားက ၀မလာရင် တစ်ကျပ်ကို ထမင်းစား၊ တစ်ကျပ်ကို အားဆေးဝယ်သောက်ဆိုပြီးတစ်နေ့နှစ်ကျပ်ပေးတာပေါ့။ အဲဒီလိုဆန်ဆန်ပေါ့။ သူတောင်းစားဆိုလို့ နှိမ့်ချသလိုဖြစ်သွားမယ်ဆိုတာတွေးမိပါတယ် ...။ သူဖုန်းစားလို့မရေးချင်လို့ပါ ...။ (ဖုန်း(ဖုံး)ထားတာစားရတာ တောင်းစားရတာထက်တောင်ပိုဆိုးနေတယ်လို့ခံစားရလို့ပါ။ ... လူတွေကလည်း သိတဲ့အတိုင်း အရေးကြီးတဲ့ အပိုင်းပဲ ဖုံးကာကြတာမဟုတ်လားဗျာ ...။) Aid တွေပေးတာများသလောက် မအောင်မြင်တာလည်းများပါတယ်။ အခု ၂၀၀၉ ရှိပြီပေါ့ ...။ သိကြတဲ့အတိုင်း အာဖရိကတော့ အာဖရိကပါပဲ ...။ မြောက်ကိုးရီးယားလို ပေးစာကမ်းစာနဲ့ အနုမြူဗုံးမလုပ်ပေမယ့် သူလည်း ဒုံရင်းကနေ သိပ်မထူးလာဘူး ...။ နှစ်ကျပ်ပေးတော့ပေးပါတယ်။ ဒါပေမယ့် အခုန ဗိုက်မ၀တဲ့သူတောင်းစားက ငါးမူးဖိုးလောက်ပဲစားရသေးတယ် ...။ ကျန်တာတွေက ဘယ်ရောက်ကုန်သလဲမသိဘူးပေါ့ ....။တစ်ချို့ခေါင်းဆောင်တွေကလည်း နိုင်ငံ့ခေါင်းဆောင်လုပ်နေပြီး နိုင်ငံနဲ့အတူ လိုက်ဆင်းရဲနေရတာ သိက္ခာကျတယ်၊ ဂုဏ်ငယ်တယ် .... နုံချာသေးနုပ်တယ်ပေါ့ ဗျာ .... ဖခင်သဖွယ်မဟုတ်ပါလားဗျာ ....။ အဖေကြီး ဆိုတော့လည်း အိမ်ပျက်ကြီးထဲမှာ ရွှေအိမ်သာခွက် လိုကောင်းလိုမယ်ပေါ့ဗျာ ...။ အဲဒီလိုပေါ့ ... ။ အာဖရိကပြောပါတယ်။ ဓာတ်ပုံထဲမှာပဲကြည့်ပါလား .. ကလေးတွေပြလိုက်ရင် ပိန်လိန်နေတာပဲ ...။ ခေါင်းဆောင်ကတော့ ဂမ်ဘာရီ ဆိုဒ်တွေနဲ့ ငနဲတွေ ...။
ဒါတွေကို ကျွန်တော်တို့မြန်မာတွေ တန်းခနဲသိတယ်နော် ...။ နိုင်ငံခြားကကောင်တွေ ညံ့တာပြောရဦးမယ်။ သူတို့ သူတောင်းစားကို နှစ်ကျပ်ပေးလို့ ၀မလာတာကို နားမလည်နိုင်ဘူး။ အဲဒီတော့ သူတို့လိုပဲ ဘွဲ့ကြီးကြီးရထားတဲ့ကောင်တွေ တိုင်ကီပုံးထဲ စုစိမ်ကြတယ်။ အဲဒါကို ဘိုလိုတော့ Think tank လို့ခေါ်တယ်။ အဲဒီလိုစုစိမ်လိုက်မှ ... တစ်ကျပ်ပေးတုန်း ကလည်း ဒီလောက်ပဲဝတယ် ....။ ဒီကောင်လွဲနေပြီဟ ... ဆိုပြီးသိကြတယ်။ အဲဒါကို Aid absorption ဘာညာဆိုပြီး နာမည်တပ်လိုက်ကြတယ်။ သူတို့မသိတာ အိမ်ပျက်ကြီးထဲက ရွှေအိမ်သာတွေအကြောင်းပဲ ....။ အာဖရိက မွဲတာလည်းမပြောနဲ့ ....။ လုပ်တာကမှ မဟုတ်တာကိုး။
နောက်ထပ်ရယ်စရာအလွဲတစ်ခုကို ပြောပြဦးမယ်။ စာအုပ်ဖတ်ရင်းနဲ့ရယ်မိတဲ့နေရာလေးပေါ့။ အလှူအဖွဲ့တွေခြင်း ပူးပေါင်းဆောင်ရွက်ဖို့လိုတာကိုပြောတာပါ။ အာဖရိကမှာ အလှူအဖွဲ့နှစ်ခုက မြို့တစ်မြို့ထဲမှာ ဆေးရုံကို အပြိုင်လုဆောက်တယ်တဲ့ ...။ အဲဒါကို ညှိနေတာ နှစ်နှစ်ကြာတယ် ...။ ... အဲဒါကိုက လူများရင် အလုပ်ပြီးမယ်ဆိုတဲ့ အယူအဆကို ချေဖျက်ပြီးသားဖြစ်စေတယ်။ လက်တွေများရင် အလုပ်ပေါ့မယ်ဆိုတဲ့စကားပုံက အဲဒီလက်တွေကို အလုပ်မ မယ့်လက်တွေလို့ အတင်းကာရောယူဆထားရာကြပါတယ်။ တကယ်တမ်းမှာက တစ်ချို့တွေက လှူတာတွေက လှူချင်တာထက် အလှူရှင်ဖြစ်ချင်တာ ပိုများနေတတ်တယ်။ .... အဲဒီလိုပေါတောတော အေဂျင်စီတွေကြောင့် နှစ်နှစ်အတွင်း ဆေးရုံတစ်ရုံ ရနိုင်ခွင့် ဆုံးရှုံးသွားတယ်။ Burma ဆိုတဲ့ တိုင်းပြည်လေးမှာတော့ အထူးသဖြင့် ဂျပန်က ငပုတွေက စစ်ဖြစ်ပြီး နှစ်တစ်ရာကျော်အထိ အကြွေးဆပ်နေပါသေးတယ်။ သာဓု ... သာဓု ... သာဓု ... လို့ သာဓုသုံးကြိမ်ခေါ်ရပါမယ်။ တရုတ်တွေလည်း ကူမင်တန်တွေ ကျူးကျော်ခဲ့တဲ့အတွက် တစ်နေ့နေ့မှာ လူသားချင်းစာနာတဲ့ အီကြာကွေးတစ်ချောင်းစီလောက်တော့ ပို့ပေးဦးမှာပါ ...။ နားလည်မှုအရ ကျွန်တော်တို့ဘက်က ဓာတ်ငွေ့လည်းဘာလေးတော့ လက်ဆောင်ပြန်ပေးမှ လူကြီးလူကောင်းဆန်တော့မှာပေါ့။
လွန်ခဲ့တဲ့ နှစ်သုံးဆယ်အတွင်းမှာ နိုက်ဂျီးယားနိုင်ငံဟာ ထောက်ပံ့ကြေး ဒေါ်လာ ၂၈၀ ဘီလီယံယူထားပါတယ်။ ဆင်းရဲတဲ့နိုင်ငံတစ်ခုရှိတာ စီးပွားရေးလုပ်လို့အကောင်းဆုံးပဲဆိုတာ အဲဒီဖြစ်ရပ်က သက်သေပြနေပါတယ်။ ... ဟဲဟဲ ...ဒီနေရာမှာလည်း ပါမောက္ခကြီးကပြောတာက သိပ်အများကြီးပေးတော့လည်း မထူးဘူးတဲ့။ သေချာတာတော့ အဲဒီမှာ ရွှေအိမ်သာအကြီးကြီးတွေရှိနေဦးမယ်ဆိုတာပါပဲ။
ဒီစာကိုဖတ်နေတဲ့သူတွေက အာဖရိကကနေ ထွက်ဖို့စိတ်မကူးထားပါနဲ့ ...။ ပြောနေသမျှက အာဖရိကက ကိစ္စတွေမို့လို့ ... အာဖရိကမှာပဲနေပါ ...။ အခုပြောမှာလည်း အာဖရိကနော် ..မယုံရင် စာမျက်နှာ ၁၀၃ မှာ ပြန်ရှာဖတ်ကြည့်နော်။ စာရင်းတွေအရ ရွှေအိမ်သာတင်မကဘူး ..လက်နက်တွေလည်းဝယ်သတဲ့ ...။ လှူတာက လက်နက်ဝယ်ဖို့တဲ့ ... အံ့ပါရဲ့တော်ဆိုပြီး NGO တွေ၊ IMF တွေက မိန်းမကောင်းရန်တွေ့ဖြစ်ကြရတယ်။ ဒါနဲ့ လွယ်တာတစ်ခုလုပ်လိုက်တယ်။ စစ်တပ်အင်အားကြီးတဲ့ နိုင်ငံတွေ နည်းနည်းပဲလှူကွာတဲ့ ....။ စာမျက်နှာ ၁၀၃မှာနော် ..။ သူတို့ပြောတာက ၄၀ ရာခိုင်နှုန်းကို လက်နက်ဝယ်တယ်တဲ့ ...။ အာဖရိက ... မွဲတာလည်း တာတေကိုလန်လို့ ...။ ဒီလက်နက်တွေရှိရုံနဲ့ အသားလည်းပြန်ဖြူလာမှာမဟုတ်တာကို ... လက်နက်တွေလျှောက်ဝယ်တယ်။ အဒီဘာယောတို့ ... မျက်လုံးစောင်းစောင်းနဲ့ ဒရော့ဘာတို့၊ ၀၀တုတ်တုတ်နဲ့တိုရေးတို့ ...။ အီးတီလိုလို အီတူးတို့ဆီက အခွန်တွေ လှိမ့်ကောက်တာကို ဒီမှာမရေးထားသေးဘူး။ .... ငါတို့တွေဟာ လူမိုက်အားပေးလုပ်နေပါလားလို့ သံဝေဂရသွားတဲ့ အလှူရှင်တစ်ချို့ဟာ ... ကြံကြံဖန်ဖန်တွေ လျှောက်တွေးပြီးလုပ်မိလုပ်ရာတစ်ခုကို လုပ်လိုက်ကြတယ်။
ငမွဲတွေက ပေးတော့လည်းဖြူန်းတယ်ကွာ .... ။ သူတို့ကိုမပေးတော့ဘူး ချေးမယ်။ Loan ပဲရမယ် ...။ Grant ကိုကြတော့ တကယ်ကို Developing ဖြစ်လာနေတဲ့ကောင်တွေကိုပဲပေးမယ်တဲ့ ...။ အဲဒါက သူတောင်းစားခွက်ပျောက်တဲ့အခန်းပေါ့ ...။ ဇာတ်ထဲမှာတော့ မင်းသမီးက လှိမ့်လှိမ့်ပြီးငိုတဲ့အခန်းမျိုးပေါ့။ ... ဘာတတ်နိုင်မှာလဲ ...။ အစမကောင်းတော့ အနှောင်းတွေ ထောက်ပံ့ကြေးမမှန်ဖြစ်ကုန်တယ်။ နူရာဝဲစွဲ လဲရာသူခိုးထောင်း .. မွဲပါတယ်ဆိုမှ ပိုက်ဆံချေးတဲ့သူနဲ့ပဲတွေ့တယ်။
။။။။။။။။။။။။။။။။။။။။။။။။။။။။။။။။။။။။။။။။။။။။။။ ။။။။။။။။။။။။။။။။။။။။။။။။။။။။ ။။။။။။။။။။။။။။။။။။။။။။။။။။။။။။။။။။။။။။။။
(တတိယပိုင်း ဆက်ပါဦးမည်...။)
Peace B With U All ...
With Peace,
Zephyr
Peace B with U.
