သိရန်၊ရှောင်ရန်၊သတိပြုရန်

သိရန်၊ရှောင်ရန်၊သတိပြုရန်

မနေ့ည မွေးနေ့အတွက် ဘုန်းကြီးကျောင်းမှာ သင်္ကန်းလှူရင်း ဦးဇင်းတစ်ပါးနဲ့စကားနည်းနည်းပြောဖြစ်တယ်။ စင်္ကာပူမှာ ဘုန်းကြီးကျောင်းတွေက နှစ် ၃၀ စာချုပ်နဲ့မြေငှားကြတာလို့သိရတယ်။ အခုကျောင်းက နှစ်သုံးဆယ်ပြည့်ခါနီးပြီ။ ၂၀၁၇ လောက်မှာပြည့်တယ်ထင်တယ်။ ပထမနှစ်သုံးဆယ်အတွက်ကို စင်ကာပူဒေါ်လာ ၈ သိန်း ၉ သိန်းလောက်ပဲပေးရတယ်။ ဒုတိယနှစ်သုံးဆယ်အတွက်တော့ သုံးသန်းနီးပါးပေးရဖို့ရှိတယ်လို့သိရတယ်။ တရုတ်ဘုန်းကြီးကျောင်းတွေကိုလည်း ဒီလောက်ယူတယ်လို့သိရတယ်။ စင်ကာပူအစိုးရကတော့ ဘုန်းကြီးကျောင်းကိုတောင် စီးပွားရေးလုပ်ငန်းတစ်ခုလိုလုပ်တာကိုတွေ့ရတော့ နည်းနည်းအံ့သြမိတယ်။ အရင်လည်း ပိုက်ဆံပေးရတာတော့ သိရတယ်။ ဘယ်လောက်များများပေးရသလဲတော့မသိဘူး။

စင်ကာပူမှာ မြန်မာသုံးသိန်းကျော်လောက်ရှိတယ်။ ဗုဒ္ဓဘာသာ နှစ်သိန်းလောက်ဖြစ်ကောင်းဖြစ်မယ်။ အဲဒီအရေအတွက်နဲ့ပဲတွက်ကြည့်မယ်ဆိုရင် မြန်မာနှစ်သိန်းက နှစ်သုံးဆယ်အတွင်း တစ်ယောက် ၁၅ ကျပ်စီလောက်လှူရင် ၃ သန်းရမယ်။ အဲဒီတော့ သိပ်ပူစရာမလိုဘူးလို့ဆိုနိုင်တယ်။ operation cost ကတော့ ရေဖိုး မီးဖိုးနဲ့တင် တစ်လ ၈၀၀၀ ဝန်းကျင်ရှိတယ်။ ဘုန်းကြီးကျောင်းလာရင် ပန်ကာဖွင့်ကြတယ်။ လူအများရှိနေတုန်းဖွင့်ထားတာအကြောင်းမဟုတ်ဘူး။ တစ်ယောက်တည်းအိုက်နေလို့ဖွင့်တဲ့လူလည်းရှိတယ်။ ပြီးတော့ပိတ်ထားခဲ့တာမဟုတ်ဘူး။ မေ့ပြီးပြန်သွားတာတွေ့ရတယ်။ အဲဒါတွေက ဘုန်းကြီးကျောင်းပစ္စည်းကို ဖြုန်းတီးတဲ့အကုသိုလ်တွေပဲ။ အဲဒါလေးတွေကိုလည်း သတိပြုကြစေချင်တယ်။ လူမရှိဘဲပွင့်နေတဲ့ပန်ကာတွေကို ပိတ်ပေးတာလည်း ကုသိုလ်ပြုတာပါပဲ။

Singaporeမှာ မြန်မာပြည်မှာလို ရေတွေမီးတွေဈေးပေါတာမဟုတ်ဘူးဆိုတာကို သတိပြုစေချင်တယ်။ ဘုန်းကြီးကျောင်းက ရေ၊လျှပ်စစ်မီးတွေကို မဖြုန်းမိကြဖို့ သတိပေးတဲ့အနေနဲ့ ဒီပို့စ်ကိုရေးလိုက်ပါတယ်။ လှူသင့်တာလှူဖို့လိုသလို၊ မကုန်သင့်ဘဲကုန်နေတာတွေကို ချွေတာဖို့လည်းလိုပါတယ်။ စည်းကမ်းရှိဖို့ဟာ နေရာတကာမှာ အရေးကြီးပါတယ်။ ဘုန်းကြီး၊ရဟန်းတွေက ကိုယ်စည်းမဲ့ကမ်းမဲ့ဖွင့်ထားခဲ့တဲ့ ပန်ကာကိုလိုက်ပိတ်နေရတာလည်း မသင့်တော်ပါဘူး။ ရဟန္တာမကို ဘီးယူခိုင်းတဲ့ မိဖုရားဟာ နောက်ဘဝမှာ ကျွန်ဖြစ်တဲ့ဥပမာလိုပဲ၊ ကိုယ့်ထက် ဂုဏ်၊ပညာ၊သိက္ခာကြီးသူတွေကို ကိုယ့်အတွက် လိုက်လုပ်ပေးရအောင်လုပ်တဲ့သူတွေဟာလည်း အကုသိုလ်ကြီးလှပါတယ်။ ဘုန်းဂုဏ်နိမ့်ကုန်ဖို့လည်းရှိပါတယ်။ သတိမထားရင် အကုသိုလ်များတာပါပဲ။ မသိလိုက်လို့ ဖြစ်နေတဲ့ အကုသိုလ်မဖြစ်ရလေအောင် သတိပြုကြပါလို့ပဲပြောချင်ပါတယ်။

Regards,
Z

Peace B with U.

လူများ

ငှက်ဥယျာဉ်ထဲမှာ ဒီငှက်နှစ်ကောင်ကိုကြည့်ပြီး စိတ်မကောင်းဖြစ်ရတယ်။ ငှက်ဖိုက ငှက်မနားမှာ အတောင်လေးဖြန့်ကားပြီး ကလူကျီစယ်တယ်။ ဖြတ်ထားတဲ့အတောင်ပံကြောင့် သူတို့ ကြေကွဲနေမလား။ ရနေတဲ့အခိုက်အတန့်လေးကိုပဲ ဖြစ်သလိုပျော်ရွှင်လိုက်သလား ကျွန်တော်ငေးရင်းတွေးနေမိတယ်။ လူတစ်ချို့ရဲ့ပျော်ရွှင်မှုအတွက် အတောင်ဖြတ်ခံလိုက်ရတဲ့ ငှက်နှစ်ကောင်လို့မြင်တယ်။ သူတို့ခုန်ပေါက်နေတယ်။ မပြည့်မစုံ၊မလှမပ အတောင်ပံပျက်တွေနဲ့။ ကိုယ့်ပျော်ရွှင်မှုအတွက် ညှင်းပမ်းနှိပ်စက်တဲ့သူမဖြစ်ချင်ဘူး။ ပျော်ရွှင်ခြင်းဆိုတာ တောင်ပံတွေကိုမေ့ထားခြင်းလား။ မြေပေါ်မှာခုန်ပေါက်နေခွင့်ရတာကို ကျေနပ်ခြင်းမျိုးလား။ ကိုယ့်ဘဝဟာ လူတစ်ယောက်အတွက် ဖျော်ဖြေခံဘဝမျိုးဟာ၊ အခိုင်းအစေသာသာမျိုးလား ပြန်တွေးမိတယ်။ တောင်ပံတွေရှည်လာတဲ့အခါ ပျံထွက်သွားမှာပဲ။ ငှက်တွေဟာ လွတ်လပ်မှုကို သိပ်ချစ်ခင်တဲ့သတ္တဝါပဲမဟုတ်လား။

ပုံထဲမှာပါတဲ့ အနီရောင်ပါတဲ့ ကြက်တူရွေးဟာ အပြာရောင်ကြက်တူရွေးဆီ လမ်းလျှောက်သွားပြီး အနားရောက်တော့ ဆိတ်တယ်။ နှစ်ကောင်စလုံး တန်းပေါ်ကနေပြုတ်ကျတယ်။ ကြီးနိုင်ငယ်ညှင်းသဘောတရားပဲ။ အတောင်တွေ သန်စွမ်းလာရင် အပြာရောင်ကြက်တူရွေးလေး ပျံသန်းသွားနိုင်မှာပဲ။ တန်းပေါ်ကို နှုတ်သီးနဲ့ဆိတ်ပြီးတက်နေစရာမလိုတော့ဘူး။ ပျံသန်းပြီး နားနေလို့ရလာမယ်။ အတောင်ပံတွေရဲ့ ပျံသန်းခွင့်ရရေးဟာ အရေးတကြီးကိစ္စပဲ။ အတုအယောင်တွေနဲ့ဝေးရာကိုပျံသန်းသွားဖို့ဟာ အရေးအကြီးဆုံးကိစ္စပဲ။

ကိုယ့်အတောင်ပံနဲ့ကိုယ် အမြင့်ဆုံးပျံကြတာ လူ့ဘဝရဲ့အရသာတစ်ခုပဲဖြစ်လိမ့်မယ်ထင်ပါရဲ့။ ရှင်သန်ခြင်းဟာ အန္တရာယ်များကောင်းများမယ်။ လွတ်လပ်ခြင်းဟာ ပင်ပန်းကာင်း ပင်ပန်းမယ်။ အလှောင်ခံထားရတဲ့ဘဝ၊ သံခြေကျင်းဝတ်ထားရတဲ့ဘဝကတော့ လွတ်မှဖြစ်လိမ့်မယ်။

Regards,
Z

Peace B with U.

သတိပြုရန်

သတိပြုရန်

passport မှာ အဝင်တံဆိပ်တုံး၊အထွက် တံဆိပ်တုံးကိစ္စနည်းနည်းပြောမယ်စိတ်ကူးတယ်။ သိပြီးသားသူတွေလည်းရှိမယ်ထင်တယ်။ သတင်းတစ်ခုဆိုတာ လူများများသိဖို့လိုရင် နည်းနည်းပါးပါတော့ ဝေငှပေးကြတာဟာ မင်္ဂလာတစ်ပါးပါပဲ။

စင်ကာပူမှာနေကြတဲ့သူတွေအနေနဲ့ မလေးရှားတို့ အင်ဒိုနီးရှားတို့ဆိုတာ တစ်နှစ်ကို အနည်းဆုံး တစ်ခေါက်၊နှစ်ခေါက်ရောက်ဖြစ်ကြတာများပါတယ်။ ကျွန်တော်တို့လည်း ဒီလိုပဲ မကြာမခဏသွားလည်ဖြစ်တယ်။ ပြီးခဲ့တဲ့တစ်ပတ်က Batam ကို ခဏလောက်သွားတယ်။ အဲဒီမှာ ပြဿနာတစ်ခုကြုံခဲ့တယ်။

မနှစ်က Binton ကိုသွားတုန်းက ဇနီးသည်ရဲ့ passport ကို အပြန်မှာ Binton က အထွက် တံဆိပ်တုံးမထုပေးလိုက်ဘူး။ အဲဒါကို အမှုမဲ့အမှတ်မဲ့ပဲ။ စင်ကာပူပြန်လာတော့လည်း ကဒ်ကိုပဲ စကန်လုပ်တာဆိုတော့ ထွေထွေထူးထူး ဘာမှ ပြဿနာမတက်ဘူး။ မြန်မာပြည်တောင် တစ်ခါပြန်လိုက်သေးတယ်။ အေးအေးလူလူပဲ။ Batam ကိုသွားတော့ အင်ဒိုနီးရှားလူဝင်မှုကြီးကြပ်ရေးအရာရှိက တံဆိပ်တုံးဘယ်မှာလဲဆိုတော့ ဘာတံဆိပ်တုံးကိုမေးမှန်းမသိဘူး။ အဝင်တုံးကိုမေးတယ်ထင်ပြီးတောင်ပြလိုက်သေးတယ်။ အထွက်တုံးမပါတာကိုသူုက အင်္ဂလိပ်လိုလည်း မပြောတတ်ဘူး။ သူ့အရာရှိနဲ့သွားတွေ့ဖို့ပြောတယ်။ စကားနည်းနည်းပါးပါးအချေအတင်ပြောရတယ်။ နာရီဝက်လောက်ကြာသွားတယ်။ နောက်တော့ သူတို့စာရေးပေးလိုက်တယ်။ အထွက်နေ့စွဲနဲ့။

ပြောချင်တာကတော့ အဝင်အထွက်တွေမှာ တံဆိပ်တုံးစစ်ကြဖို့ပါပဲ။ မလေးရှားနဲ့ အင်ဒိုနီးရှားက နိုင်ငံ့ လုပ်စာ အချောင်စားနေတဲ့ငတိလေးတွေက အလုပ်ကောင်းကောင်းမလုပ်ကြပါဘူး။ ကြောက်ရွံ့အားငယ်တဲ့သူမျိုးဆိုရင် ပိုက်ဆံတောင်းဖို့လောက် စိတ်ကူးရှိပါတယ်။ နည်းနည်းပါးပါး အော်ငေါက်လိုက်ရင်တော့ သာမန်အတိုင်း လေးလေးစားစားပြောပါတယ်။ အဲဒါလေးကိုလည်းသတိပြုပါ။ နိုင်ငံတစ်နိုင်ငံကထွက်ပြီး တစ်နိုင်ငံထဲတောင်ဝင်ပြီးပြီဆိုရင် အထွက် တံဆိပ်တုံးမထုပေးလိုက်တဲ့ အရာရှိဟာ အင်မတန်တာဝန်ရှိသွားပါပြီ။ အဲဒါကို ကိုယ့်အမှားလို့သဘောထားစရာမလိုသလို၊တောင်းပန်စရာလည်းမလိုပါဘူး။ အဆင်ပြေအောင် ပြောသင့်တာသာပြောပါ။ အဆင်ပြေသွားပါလိမ့်မယ်။

မလေးရှားဥပဒေအရတော့ အဲဒီလိုဖြစ်ရင် ထိန်းသိမ်းထားခွင့်ရှိပါတယ်။ စစ်ဆေးခွင့်လည်းရှိပါတယ်။ အင်ဒိုနီးရှားဥပဒေကိုတော့မသိပါ။ နောက်များ ခရီးသွားတိုင်း တံဆိပ်တုံးစစ်တဲ့အလုပ်ကိုပါ အထူးသတိထားလုပ်ကိုင်ရတော့မယ်ထင်ပါတယ်။

လိုက်မေးကြည့်တော့ ဒီလိုဖြစ်တာ တစ်ယောက်နှစ်ယောက်မဟုတ်တဲ့အတွက် အင်ဒိုနီးရှားတို့ မလေးရှားတို့ ခရီးသွားထားတဲ့သူတိုင်း၊ ကိုယ့် passport မှာ တံဆိပ်တုံးလေးတွေကို စစ်ဆေးထားကြဖို့ သတိပေးလိုပါတယ်။ အဝင်တံဆိပ်တုံးနားမှာပဲ အထွက် date နဲ့ နောက်ထပ် တံဆိပ်တုံးတစ်ခုထုထားပြီဆိုရင်တော့ စိတ်အေးအေးသာထားပါ။ မဟုတ်ရင်တော့ အဲဒီနိုင်ငံကို နောက်တစ်ခါသွားရင် စကားစမြည်ပြောရဖို့ရှိတယ်လို့ နှလုံးသွင်းထားပါ။ ကိုယ့်အမှားမဟုတ်ပေမယ့် ကိုယ့် passport မှာ ပါမလာတော့ ဖြေရှင်းရတာပါပဲ။

အသုံးမကျ၊ညံ့ဖျင်းတဲ့သူတွေများလာရင် လူတွေ ဒုက္ခများတာပါပဲ။

Binton မှာတုန်းက တံဆိပ်တုံးကို တစ်အုပ်ချင်းစီထုပေးလိုက်တာမဟုတ်ဘူး။ လေးယောက်ဆို ပတ်စ်ပို့ လေးခုပေးဆိုပြီး ဒုံးဒုံးဒုံးဒုံး လုပ်ရမှာကို ဒုံးဒုံးဒုံး လုပ်လိုက်ရာက တစ်ခုကျန်သွားတာထင်ပါရဲ့။

အဲဒါပါပဲ။ အရေးမကြီးဘူးလည်းမဟုတ်ဘူး။ အရေးကြီးတယ်လည်းမဟုတ်ဘူး။ သိရင်ကောင်းမယ်ထင်လို့ရေးလိုက်ပါတယ်။ သတိပြုမိဖို့ရည်ရွယ်ပါတယ်။

တော်သေးပြီ။
Z

Peace B with U.

သတင်းအတိုအထွာ

သတင်းအတိုအထွာ

ဟိုတစ်ပတ်က အမေရိကန်ဒ်ါလာဈေးနည်းနည်းလှုပ်သွားတာနဲ့ စင်ကာပူဒေါ်လာ ဈေးတက်သွားပါတယ်။ အဲဒီအခြေအနေမျိုးကို မြန်မာပြည်မှာ မကြာမကြာဖြစ်တတ်တာကိုတွေ့ရပါတယ်။ ဝန်ထမ်းတွေ လစာတိုးမယ်ဆိုရင် ကုန်ဈေးနှုန်းတက်တယ်ဆိုတာမျိုး၊ ပိုက်ဆံတွေသိမ်းတော့မယ်ဆိုတဲ့အခါ ဈေးတက်လာတာမျိုးတွေ ခဏခဏဖြစ်နေတာတော့ မကောင်းပါဘူး။

မြန်မာလူမျိုးဟာ ယုံရမယ့်ဟာကို မယုံ၊ မယုံရမယ့်ဟာကို ယုံတာကို ဘောဂဗေဒအရတွေ့ရပါတယ်။ ဒုတိယအကြိမ်မြောက် ကမ္ဘောဇဘဏ်ကိစ္စမှာဆိုရင် ဗဟိုဘဏ်က တီဗီကနေ ကမ္ဘောဇဘဏ်ရဲ့ ခိုင်မာကြောင်းကို ထုတ်ပြောသည့်တိုင်အောင် ငွေထုတ်တာ ရပ်မသွားခဲ့ပါဘူး။ ဗဟိုဘဏ်ရဲ့ သြဇာကို ပြည်သူလူထုတွေ ပိုနားလည်ဖို့လိုတယ်ဆိုတာ တွေ့ရပါတယ်။ ဗဟိုဘဏ်ဆိုတာ တစ်ထောင်တန်မှာပါတဲ့ အဆောက်အအုံဆိုတာထက်ပိုမသိတဲ့ လူတန်းစားတွေကို ဗဟိုဘဏ်အနေနဲ့ အသိပညာ များများပေးဖို့လိုနေပါပြီ။ မဟုတ်ရင်တော့ ငွေကြေးနဲ့ပတ်သက်တဲ့ သံသယကို ဖြေဖျောက်နိုင်တဲ့ အဖွဲ့အစည်းမရှိသလိုဖြစ်နေမှာပါ။

ဗဟိုဘဏ်နဲ့ ပုဂ္ဂလိကဘဏ်တွေရဲ့ကြားမှာထားရှိအပ်တဲ့ စည်းမျဉ်းစည်းကမ်းတွေ၊ အပ်နှံထားရတဲ့ ငွေစုစာချုပ်တွေအကြောင်းကို နည်းနည်းပိုနားလည်ကြဖို့လိုပါတယ်။ ဥပမာအားဖြင့် နိုင်ငံခြားငွေ exchange counter ဖွင့်ဖို့အတွက်ဆိုရင် ဗဟိုဘဏ်မှာ USD ဘယ်လောက်အပ်ထားမှ ဘယ်လောက်ဖိုးအထိ လုပ်နိုင်တယ်ဆိုတာမျိုးတွေကို ဗဟိုဘဏ်ကနေ ထုတ်ပြန်ကြေငြာပေးရပါမယ်။ ဗဟိုဘဏ်ဟာ နိုင်ငံရဲ့ ငွေကြေးပြဿနာတွေနဲ့ပတ်သက်ရင် သြဇာအကြီးဆုံး အဖွဲ့အစည်းဖြစ်တာကို လူထုကြားမှာ ပျံ့နှံ့ဖို့ကြိုးစားရပါမယ်။

အခုအချိန်မှာ မြန်မာငွေကို ငွေလဲလှယ်တဲ့နေရာမှာ နှုန်းသေမဟုတ်တော့ဘဲ နှုန်းရှင်ထားတာကိုတွေ့ရပါလိမ့်မယ်။ နှုန်းသေဆိုတာကတော့ တစ်ဒေါ်လာ ၅ ကျပ်ဆိုတာမျိုးကိုပြောတာပါ။ ကျွန်တော်တို့ငယ်တည်းက ငါးကျပ်ဟာ ကျွန်တော်တို့ သေခါနီးအထိ ၅ ကျပ်ပဲ။ ၅ ကျပ်နဲ့လိုသလောက်ဝယ်လို့တော့မရဘူးပေါ့ဗျာ။ အဲဒါတော့ ရှင်းနေတာပဲ။ တန်ရာတန်ကြေးမဟုတ်တဲ့ဟာက လိုသလောက် ဝယ်လို့ကိုမရဘူး။ အဲဒီသဘောကို သမဝါယမ စနစ်မှာကတည်းက ရောဘတ်အိုဝင်တို့ကပြောပြီးသား။ နှုန်းသေမှာ ကောင်းတာကတော့ မှောင်ခိုဈေးကွက်သစ်ဖြစ်စေတာပဲထင်တယ်။ လူတွေ အလုပ်များများရတာပေါ့။ ဘားလမ်းနားမှာဆိုရင် နိုင်ငံခြားငွေကြေးဈေးကွက်သစ်ဖြစ်လာတာပဲ။ FEC ဆိုတာကလည်း အဲဒီနှုန်းသေရဲ့ကကြိုးမနိုင်တာကို ကူဆွဲပေးတဲ့ နောက်ထပ် ရုပ်သေးဆရာတစ်မျိုးဖြစ်မလားမသိဘူး။ ရယ်စရာဖြစ်သွားတာကတော့ အမေရိကန်ဒေါ်လာထက် FEC က ဈေးပိုကြီးကုန်တာ။ စံပယ်ပန်းမရှိတုန်း အစားထိုးရတဲ့ ဇွန်ပန်းကို လူကြိုက်ပိုများသွားတာနဲ့ခပ်ဆင်ဆင်။ အဲဒီနှုန်းသေကွန်ဆက်ကို မြန်မာပြည်မှာ နေရာအနှံ့သုံးတယ်။ ဓာတ်ဆီဆိုင်မှာလည်း ဒီသဘောတရားပဲ။ နှုန်းသေမှာ တန်ရာတန်ကြေးထက်နည်းရင် အစိုးရမွဲဖို့ဖြစ်လာတာပဲ။ ဓာတ်ဆီတစ်ဂါလံ ၁၀၀၀ ကျော်ချိန်မှာ အစိုးရအနေနဲ့ တစ်ဂါလံတိုင်းမှာ ၈၀၀ လောက်အရှုံးပေါ်တာမျိုးလည်းဖြစ်ဖူးတယ်။ အစိုးရဆိုတာမျိုးက ဘုန်းကြီးသတ်၊ကျောင်းသားသတ်ရင်သာ အပြောခံရတာ၊ ဒီလို subsidise လုပ်တာမျိုးကို ဘယ်သူမှ ကျေးဇူးတင်တာမဟုတ်ဘူး။ အဲဒီအရှုံးကလည်း တဖြည်းဖြည်းနဲ့ manage လုပ်ဖို့ခက်လာတာမျိုးဖြစ်လာတတ်တယ်။ ဒီကိစ္စကို ပြန်ကြားရေးဝံဂျီးဖြစ်ခဲ့ဖူးတဲ့ အပုလေးက သတင်းစာရှင်းလင်းပွဲတစ်ခုမှာ နည်းနည်းလောက်ပြောဖူးတယ်။ သို့သော်လည်း ထုံးစံအတိုင်း ဘယ်သူမှ ဂရုမစိုက်ကြပါဘူး။ အဲဒါကြောင့်လည်း နောက်ပိုင်းမှာ ပုဂ္ဂလိကဆီဆိုင်တွေလိုသလောက်ဝယ်၊ကျသလောက်ရှင်းတွေဖြစ်လာတာ။ အဲဒီသဘောတရားကတော့ float ဆန်သွားပြီ။ ငွေကြေးမှတော့ managed float rate ခေါ်တယ်။ နှုန်းရှင်ပေါ့။ အတက်အကျလေးနဲ့။ ခုသာခံသာဖြစ်အောင်ညှိကြတာပဲ။ နှုန်းရှင်ငွေကြေးမှာတော့ တာဝန်အရှိဆုံးက ဗဟိုဘဏ်ပဲ။ နိုင်ငံတစ်ခု ငွေကြေးပြဿနာဖြစ်ပြီး ပြိုလဲဖို့ဆိုတာ လွယ်လွယ်လေးပဲ။ အင်ဒိုနီးရှားနဲ့ ထိုင်းနိုင်ငံငွေကြးပြဿနာကြောင့် တော်တော်လေး စုတ်ပြတ်သတ်သွားခဲ့တာပဲ။ အင်ဒိုနီးရှားဆိုရင် အခုလို ပွယောင်းယောင်းပိုက်ဆံနဲ့ ၁၀ နှစ်ကျော်ပြန်ကြိုးစားခဲ့ရတယ်။ သူတို့ အဲဒီလိုဖြစ်သွားတဲ့အချိန်မှာ သူတို့နိုင်ငံတွေမှာ နှုန်းရှင်ငွေကြေးစနစ်ပဲ။ အခုတော့ အင်ဒိုနီးရှားဟာ စီးပွားရေးနည်းနည်းကောင်းလာတော့ ငွေဟောင်းကို ငွေသစ်နဲ့လဲပြီး သုညတွေပြန်ဖြုတ်မယ့် ငွေကြေးသစ်စီမံကိန်းပြန်စနေပါပြီ။

နိုင်ငံတစ်နိုင်ငံမှာ ငွေကြေးနဲ့ပတ်သက်ပြီး ကျွမ်းကျင်သူများများမရှိရင် ဒုက္ခရောက်တတ်ပုံရပါတယ်။ အထူးသဖြင့် စတော့ခ်ဈေးကွက်တွေဖြစ်ထွန်းလာတဲ့အချိန်ကြရင် ဒါဟာ ပိုသိသာလာနိုင်ပါတယ်။ ငွေကြေးအကြောင်း များများသိဖို့လိုသလို ဘဏ်တွေအကြောင်းလည်း ကောင်းကောင်းသိဖို့လိုပါတယ်။ အခုခေတ်မြန်မာပြည်ရဲ့ လူရွယ်၊လူလတ်တွေဟာ ဘဏ်ကို ငွေစုဖို့လောက်ပဲ သတိထားမိကြတာများပါတယ်။ ဘဏ်တွေရဲ့ လုပ်ငန်းဆောင်တာတွေကို ကိုယ့်အလုပ်မဟုတ်ဘူးဆိုပြီး ယူဆကြတဲ့သူများတာတွေ့ရပါတယ်။ အဲဒီလိုဖြစ်တာလည်းမဆန်းပါဘူး။ အေတီအမ်ဆိုတာမျိုးက မြန်မာပြည်မှာ လွန်ခဲ့တဲ့ လေးငါးနှစ်အထိကို မရှိသေးပါဘူး။ New York မှာတော့ ၁၉၃၉ ကတည်းက စတင်သုံးစွဲတယ်ဆိုပါတယ်။ သ်ိပ်တော့လည်း နောက်မကျလှပါဘူး။ နှစ်ခြောက်ဆယ်ကျော်ကနေ ကပ်လိုက်နေတုန်းပါပဲ။

Retail Banking ရဲ့ အလုပ်တွေကိုတောင် မြန်မာပြည်ကဘဏ်တွေက အခုမှ စုံစေ့ဖို့ကြိုးစားလာကြတာတွေ့ရပါတယ်။ ငွေစုတယ်။ ငွေချေးတယ်။ ချက်လက်မှတ်ပေးတယ်။ အကြွေးဝယ်ကဒ်ထုတ်ပေးတယ်။ online payment တွေကတော့ ကပ်လျက်ဖြစ်ထွန်းလာမယ့်ကိစ္စတွေထင်ပါတယ်။ သိပ်တော့မကြာလောက်တော့ဘူး။ ဘဏ်တွေက လူတွေရဲ့ပိုက်ဆံကို သိမ်းထားတယ်။ အတိုးပေးတယ်။ ဇောတိကတွေထင်တယ်။ အဲဒီလိုတွေးကြတာများပါတယ်။ တစ်နှစ်ကို ၈ ရာနှုန်းအတိုးပေးတယ်ဆိုတာကို အလကားပေးကြတယ်ထင်တာများပါတယ်။ တစ်နှစ်ကို ၁၂ % အမြတ်ရမယ့် အလုပ်တစ်ခုရှိရင် တစ်နှစ်ကို ၈ ရာခိုင်နှုန်းနဲ့ပြန်ပေးရင်တောင် တစ်နှစ်ကို ၄ % မြတ်ပါတယ်။ တစ်နှစ်ကို ၁၂ ရာခိုင်နှုန်းဆိုတာ တစ်လကို တစ် ရာခိုင်နှုန်းပဲ အတိုးပေးရတာပါ။ အပြင်မှာ တစ်ကျပ်တိုးနဲ့ တစ်လလောက်ချေးကြည့်ရင်ကို မြန်မာပြည်မှာ ချေးမယ့်သူမရှိသလောက်ပဲ။

ရင်းနှီးမြုပ်နှံမှု အတိုးနှုန်းတွေကလည်း ဒီလိုပါပဲ။ တစ်နှစ်ကို ရာခိုင်နှုန်း ၂၀ မြတ်မယ့် လုပ်ငန်းတစ်ခုမှာ ရှယ်ရာဝယ်ထားရင် တစ်နှစ်ကို ၈ ရာခိုင်နှုန်း အတိုးပေးပြီးသကာလမှာ ၁၂ ရာခိုင်နှုန်းအမြတ်ကျန်ပါသေးတယ်။ ငွေကြေးဖောင်းပွမှုနှုတ်လိုက်ရင် ဒီထက်တောင် သက်သာစရာရှိပါသေးတယ်။ ဘဏ်က ငွေပိုနေတဲ့သူတွေဆီကငွေနဲ့ ငွေလိုနေတဲ့ လုပ်ငန်းတွေဆီပြန်သွားတာလည်းရှိတယ်။ ဒါက ဘဏ်ရဲ့ရင်းနှီးမြုပ်နှံမှုများစွာထဲက အလွယ်ဆုံးတစ်ခုကိုပြောတာပါ။

အချိန်ဆိုင်းအပ်ငွေအတွက်ပေးတဲ့အတိုးက ဈေးကွက်မှာဖြစ်နိုင်တဲ့ပေါက်ဈေးရဲ့ သေးငယ်တဲ့ရာခိုင်နှုန်းတစ်ခုပါပဲ။ future value တွက်ကြည့်ရင် အတိုးနှုန်းပေါ်မူတည်ပြီး အမြတ်ဟာ ဘယ်လောက်အထိကွာသွားနိုင်လဲဆိုတာသိနိုင်ပါတယ်။ ငွေကြေးဟာ အချိန်အားဖြင့် ပြောင်းလဲပါတယ်။ ဒီနေ့တစ်ကျပ်တန်တဲ့ပစ္စည်းဟာ နောင်နှစ်တစ်ရာမှာ ၁ဘီလျံ တန်ချင်လည်းတန်နေမှာပါပဲ။ ဒါကို သတိထားမိဖို့လိုပါတယ်။ ဟာသတစ်ပုဒ်ထဲကလို လွန်ခဲ့တဲ့ ၁၀ နှစ်က ဒီအိမ်က ၁၀ သိန်း၊ အဲဒီတုန်းကလည်းမဝယ်နိုင်ဘူး။ အခုဒီအိမ်က သိန်း ၃၀၀၊ အခုလည်းမဝယ်နိုင်ဘူး။ အတူတူပဲတဲ့။ ၁၀ နှစ်အတွင်း ၁၀ သိန်းကနေ သိန်း ၃၀၀ ဖြစ်သွားတာဟာ မျက်လှည့်မဟုတ်ဘူး။ ငွေကြေးရဲ့ future value ဟာ အချိန်ပေါ်မူတည်ပြီးပြောင်းတဲ့သဘောပဲ။ finance မှာတော့ တစ်နှစ်အတိုးနှုန်းဟာ ၄၁ ရာနှုန်းလောက်ပြောင်းလဲသွားရင် ၁၀ သိန်းတန်အိမ်ဟာ သိန်း ၃၁၀ ဖြစ်ကုန်တာပဲ။ ၁၀ သိန်းတန်အိမ်မဝယ်နိုင်ခင်က ကိုယ့်မှာ ၉ သိန်းရှိခဲ့ရင် အတိုးနှုန်း ၄၁ ရာခိုင်နှုန်းရနိုင်တဲ့ မြေ၊အိမ်၊အစရှိတဲ့မြုပ်နှံမှုတစ်ခုခုလုပ်လိုက်ရင် ကိုယ့်လက်ထဲမှာ သိန်း ၃၁၀ မရှိရင်တောင်၂၇၉ သိန်းလောက်ရှိမယ်။ ဘဏ်မှာသွားအပ်ထားရင်တော့ နှစ်တိုး ၁၂ ကျပ်ပေးတဲ့ဘဏ်မှာအပ်ထားရင် အရင်း ၉ သိန်းကနေ ဆယ်နှစ်ကြာသော် ၂၇ သိန်းတိတိ လက်ဝယ်ရှိနေပြီ။ အဲဒီတော့ ၂၇၉ သိန်း ရနိုင်တဲ့အခွင့်အလမ်းကို ငြင်းပယ်ပြီး သေချာတဲ့ဘဏ်မှာအပ်လိုက်တာ ၁၀ နှစ်မှာ သိန်း ၂၀၀ ကျော်နာသွားတာပါပဲ။ အဲဒါကို နားမလည်ရင် ဘဏ်တွေကိုတောင် တုံးတယ်ထင်ကြမယ်ထင်တယ်။

ဘဏ်ရဲ့ လုပ်ငန်းတွေကို retail banking ပဲကြည့်ရင် တစ်ခြမ်းပဲမြင်နိုင်မယ်။ commercial banking လည်းလုပ်ကြတာရှိတယ်။ စင်ကာပူမှာ retail banking မလုပ်ဘဲ commercial banking သီးသန့်လုပ်တဲ့ဘဏ်တွေအများကြီးရှိတယ်။ လူတစ်ယောက်ချင်းဆီကို ဘဏ်အကောင့်မလုပ်ပေးတာနဲ့ မွဲစတမ်းဆိုရင် အဲဒီဘဏ်တွေမွဲသွားဖို့ကောင်းပြီထင်ပါရဲ့။ သို့သော်လည်း ပလတ်စတစ် မဗေဒါက ဘဲအုပ် ၁၀၀ ကိုလည်း မမှုသလို၊ ဒီဘဏ်တွေအောင်မြင်နေတာပါပဲ။

Business Loan ချေးပြီး အလုပ်လုပ်ကြတယ်ဆိုတာကို ကြားဖူးကြမယ်ထင်ပါတယ်။ အလုပ်အတွက် လိုတဲ့ငွေမမီရင် ဘဏ်မှာ အိမ်တွေ၊မြေတွေ၊ခြံတွေ၊ ပိုင်ဆိုင်မှုတွေပြပြီး ငွေချေးပြီး အလုပ်လုပ်တာမျိုးပါ။ ကိုယ့်စီမံကိန်းက အလုပ်ဖြစ်လောက်တယ်လို့ ဘဏ်ကယုံရင် ငွေချေးတာပါပဲ။ ဘဏ်တိုးဆိုတာ တခြားမှာချေးတာထက်တော့ သက်သာလေ့ရှိတာပါပဲ။ အဲဒီလိုချေးတဲ့လုပ်ငန်းရှင်တွေဟာ personal loan လို ဒေါ်လာတစ်သောင်း၊နှစ်သောင်းချေးကြတာမဟုတ်ပါဘူး။ ဒေါ်လာ သန်းရာချီချေးကြတာပါ။ အဲဒီအတွက် ဘဏ်ကယူတဲ့အတိုးနှုန်းက ငွေစုတဲ့သူတွေကို ပြန်ပေးတာရဲ့ အနည်းဆုံး ၂ ဆလောက်ပေါ့။

နောက်ထပ်ကြီးမားတဲ့ငွေကြေးပြဿနာကတော့ ငွေကြေးခဝါချမှုတွေပါပဲ။ ဘဏ်တွေရဲ့ သဘောသဘာဝက အဲဒါကို ကာကွယ်ဖို့လည်းပါပါတယ်။ သို့သော်လည်း အပ်သမျှလက်ခံတဲ့ဘဏ်တွေပေါ်လာတော့ မရိုးမသား၊လူလည်ကျ၊မှောင်ခိုလုပ်၊ ဝင်ငွေခွန်လိမ်ထားတဲ့ ငွေတွေဟာ ဘဏ်ထဲကိုရောက်ပြီးသွားရင် အဲဒီငွေရဲ့နောက်ကြောင်းဟာ အတော်လေးအေးသွားတတ်ပါတယ်။ ဘဏ်တွေမှာ အဲဒီပြဿနာကို လှည့်ပြီးဖြေရှင်းကြတာများပါတယ်။ အာရှမှာတော့ ပိုက်ဆံထားရခက်နေတဲ့သူတွေအတွက် စင်ကာပူဘဏ်တွေက စေတနာဗလပွနဲ့ အပ်နှံခံပါတယ်။ ကျွန်တော်တို့နိုင်ငံက အချစ်တော်ကြီးများရဲ့ ထုတ်ဖော်ကြေငြာခြင်းမပြုတဲ့ ဘဏ်ငွေစာရင်းတွေကိုလည်း ကော်မတီဖွဲ့ပြီး စစ်ကြည့်ရင် အစိုးရချင်းချစ်ကြည်ရေးအဖြစ်လက်ခံပေးထားတဲ့ အကောင့်တွေကို မြင်ကောင်းမြင်ရနိုင်တယ်။ ဖြစ်တန်စွမ်းကိုပြောတာပါ။ ကံသေကံမတော့ မပြောအပ်ဘူး။

ဘဏ်လုပ်ငန်းနဲ့ငွေကြေးအကြောင်းကို overview လောက်ရေးထားတဲ့စာအုပ်တစ်အုပ်လောက်ကို မြန်မာပြည်က ဘောဂဗေဒ ဆရာသမားတွေအနေနဲ့ မြန်မြန်လေးထုတ်ဝေဖို့ကောင်းနေပြီလို့ ကျွန်တော်ထင်တယ်။ နိုင်ငံရေးတွေ၊ဟောင်ဖွာရေးစာအုပ်တွေထုတ်ဝေပြီးသကာလမှာ စီးပွားရေးအကြောင်း၊ငွေကြေးအကြောင်းစာအုပ်လေးတွေ အလုပ်ဖြစ်ဖို့ အချိန်ကောင်းပဲ။ မဟုတ်ရင် တောင်တစ်လုံးကို ဘာကြောင့်ကာကွယ်မှန်းမသိ၊ သစ်ပင်တွေက ပြန်စိုက်လို့ရတယ်လို့ပြောတာကို ပါးစပ်အဟောင်းသားလေးနဲ့ကြည့်လိုကြည့်ဖြစ်နေရသလို၊ စီးပွားရေးအတက်အကျကိုလည်း မိုးနတ်မင်းကြောင့်လို့ဆက်ထင်နေဦးမယ်။

မြန်မာပြည်ရဲ့ အနာဂတ် ဘဏ်တွေဟာ အနာဂတ်ပြင်ဆင်မှုတွေအတွက်ပါ အလုပ်လုပ်ပေးလိမ့်မယ်ထင်တယ်။ ပင်စင်စုငွေမျိုး၊ လစဉ်မြုပ်နှံမှု စီမံကိန်းမျိုး၊ အရစ်ကျငွေချေးတာမျိုးတွေဖြစ်လာလိမ့်မယ်။ နောက်ပိုင်းမှာ ကျန်းမာရေးအာမခံစနစ်တွေနဲ့ ဘဏ်တွေနဲ့ပေါင်းပြီး လူတွေဘဝအဆင့်အတန်းမြင့်ဖို့ကူညီလာနိုင်မယ်ထင်တယ်။ ဘဏ်ကနေတစ်ဆင့် ပိုက်ဆံပေးချေနိုင်တဲ့အတွက် ကားဝယ်ဖို့ ဂုံနီအိတ်နဲ့ပိုက်ဆံသယ်ရတာတို့၊ အိမ်ဝယ်ဖို့ ဆာလာအိတ်နဲ့သယ်ရတာတို့ ကင်းဝေးသွားနိုင်တယ်။ ရွှေတွေဝယ်ထားပြီး ခိုးခံရတာတို့ဘာတို့မဖြစ်အောင် certificate နဲ့ပဲဝယ်သိမ်းလို့ရတာတွေဖြစ်လာမယ်။ လောလောဆယ် လုပ်လို့ရတဲ့အပိုင်းကို စလာကြတာကိုတွေ့ရတယ်။ အခြေခံကိစ္စတွေဖြစ်တဲ့ နိုင်ငံတကာက လက်ခံတဲ့ Visa, Master, Amex, Diner's Club, JCB စတာတွေနဲ့ သုံးနိုင်ဖို့ကိစ္စတွေကအစ၊ Malls တွေမှာ Nets နဲ့ပေးဖို့တွေလည်း လုပ်နေကြတာပဲ။ Nets ကိုတောင် နတ်ပိုက်ဆံလို့ ထူးထူးခြားခြား ဘာသာပြန်ပြီးသွားပြီလို့သိလိုက်ရပါတယ်။ မကြာမီ လာမည်တွေ အများကြီးကျန်သေးတယ်။  စောင့်ကြည့်ကြတာပေါ့ဗျာ။            ။


Regards,
Z

အကြမ်းဖျင်းနဲ့ နည်းနည်းမှန်၊ နည်းနည်းမှား၊ နည်းနည်းစီ။ မူလတန်းဖတ်စာဆန်ဆန်များ။

Peace B with U.