ဖေဖော်ဝါရီ တိမ်တိုက်များ

ဖေဖော်ဝါရီ တိမ်တိုက်များ။

တစ်ချိန်က သမ္မာကျမ်းစာကို သံကြိုးတွေနဲ့ခတ်တဲ့ခေတ်တစ်ခေတ်ရှိခဲ့ဖူးတယ်။

အယူအဆမတူသူတွေကို သဘောထားကြီးစွာ အဆိပ်တစ်ခွက် တိုက်တဲ့ခေတ် တစ်ခုလည်းရှိခဲ့ဖူးတယ်။

ဘယ်ဘက်နံရိုးကြားမှာ လှံသွားထိုးဖောက်မှုတွေရှိခဲ့တယ်။

အဖြူရောင်ဟမ်းလော့ခ် အမြစ်တွေနဲ့ ဖော်ရွေမှုတွေရှိခဲ့တယ်။

ကမ္ဘာကြီးရဲ့လက်တွေ နွေးထွေးနေပါသေးလား။

ခေတ်တွေ ပြောင်းလဲတာနဲ့အမျှ ကမ္ဘာကြီးရဲ့ကျောက်ရည်ပူတွေ ပိုမိုအေးခဲလာတယ်။

ကမ္ဘာကြီးက တတိယ သစ်တောတွေကို မုန်းတယ်လို့ရော စပြီးပြောနေပြီလား။

ကမ္ဘာကြီးကို ကျေးဇူးတင်ခွင့်နဲ့အတူ ကြေးစွပ်ခွင့်ပါ ကျွန်တော်တို့ရရှိခဲ့တယ်။

ကမ္ဘာကြီးဟာ ကပ်ဆိုးတွေအမျိုးမျိုးနဲ့ ခေါင်းပေါ်က လူတွေကို ခါချဖို့ကြိုးစားခဲ့တယ်။

ကမ္ဘာကြီးဟာ သဘာဝဘေးအန္တရယ်ဆိုတဲ့ "အကောင်ပြ အရိပ်ထင်လေမလား " မျှော်လင့်ချက်မျိုးနဲ့ ယိုင်ခွေပြိုလဲခဲ့ဖူးတယ်။

ကမ္ဘာကြီးဟာ ကျောင်စိမ်းတူးဖော်မှုကြောင့်ဖြစ်တဲ့ အနာတွေ၊ ရေနံထုတ်ယူမှုကြောင့်ဖြစ်တဲ့ ဒဏ်ရာဒဏ်ချက်တွေ၊ အနုမြူစမ်းသပ်မှုကြောင့်ဖြစ်တဲ့ ... လှေဝမ်းဖောက်မှုတွေပါမကျန် ရေးမှတ်ထားတဲ့ ဒိုင်ယာရီကို မနေ့တနေ့ကပဲ မီးရှို့ဖျက်ဆီးခဲ့ပါပြီ။

ဒီနေ့တိုက်နေတဲ့ လေပူတွေဟာ မနေ့က ကျွန်တော်တို့ချလိုက်တဲ့ သက်ပြင်းတွေပါလို့ ကျွန်တော်ကပြောရင် မအံ့သြလိုက်ပါနဲ့။ ... စိမ်းလန်းသော ကျက်စားရာအရပ်မှာ ငြိမ်းချမ်းစွာ အိပ်စက်ခွင့်ရနေတဲ့ တိမ်တိုက်လေးတွေက အစ ... ကံအကျိုးပေးနည်းခဲ့လွန်းနေသေးသရွေ့ .... မနေ့က ကိစ္စတွေ ဒီနေ့ ဆက်ဖြစ်နေဦးမှာပါ။ ဒီနေ့ ရှူခွင့်ရနေသေးတဲ့လေအတွက် သဘာဝတရား၊ အတိတ်ဘ၀က ကံ၊ ဘုရားသခင် နဲ့ အလ္လာ၊ မဟာဗြဟ္မာနဲ့ ဆင့်ကဲဖြစ်စဉ် ... အစရှိတာတွေကို ကြံဖန် ကျေးဇူးတင်လို့ရပါတယ်။ ဒါပေမယ့် ဒီနေ့မွန်းကြပ်သွားတဲ့ ထွက်သက်တစ်ခု အတွက်တော့ ... ကိုယ့်တာဝန် ကိုယ်ယူလိုက်တာက ပိုသင့်တော်လိမ့်မယ်။ ကမ္ဘာကြီးက သူ့ ဦးခေါင်းပေါ်မှာ နင်းထားတဲ့ခြေသံတွေထဲမှာ ကျွန်တော်တို့ခြေသံတွေ ပိုပြီးတိုးဖွလာတာ သူသိမယ်ထင်ပါတယ်။

စိုထိုင်းတဲ့ ဘ၀တစ်ခုခြောက်သွေ့ရုံလောက် နေသာတဲ့နေ့လည်ခင်းတစ်ခုမှာ ... သစ်ရွက်ကြွေသံတွေကြားနေရတယ်။

သစ်ရွက်တွေဟာ ကြွေကျဖို့စိမ်းလန်းခဲ့တာလို့ပြောရင် သင်မယုံလိုက်ပါနဲ့။

ဇူပေရီ ... ကျေးဇူးပြု၍ သေတ္တာထဲမှာ လဲလျောင်းနေမယ့် သိုးကလေးဟာ ငါတို့ကို ခင်ရဲ့လား ဆိုတာ မင်းသားလေးကို မေးလိုက်စမ်းပါ။

ဆော့ခရေတ္တိက ပြောတယ် ငါ ဘာမှ မသိသေးဘူးဆိုတာပဲ သိတယ် တဲ့။

ကျွန်တော်တို့က သူ့ထက်သာပါတယ်။ ကိုယ်ဘာမှမသိသေးတာကိုလည်း သိသလို၊ ဆော့ခရေတ္တိ ဘာမှ မသိသေးဘူးဆိုတာကိုလည်းသိတယ်။ ဘ၀ဆိုတာ လောကဓံတရားနဲ့ ထုပ်ဆီးတိုးခါနီးမှာ ထမင်းရည်ပူစည်းနင်းမိလို့ ထွက်လိုက်ရတဲ့ဖြစ်စဉ်တစ်ခုပါပဲ။

ခံစားချက်တွေကို ဖယ်ထုတ်လိုက်ရင် ဘ၀မှာလူတွေရှင်နေတာနဲ့ သစ်ပင်ရှင်နေတာနဲ့က ဘယ်လောက်ကွာခြားမလဲ၊ နည်းနည်းလေးဆန့်တွေးရင် ရောက်သွားမယ့်ခရီးကို ကွေ့ပတ်သွားကြတာ ပိုပြီး စွန့်စားရာရောက်ပါတယ်။

ကျွန်တော်တို့ရဲ့ ရှင်သန်မှုဟာ တည်းတည်းလေး မတော်တဆဖြစ်မှုတစ်ခုထက်မပိုဘူးဆိုတာ သင်လည်းသိမှာပါ။

စကြ၀ဠာအဖွဲ့အစည်းမှာ ... ခပ်နှေးနှေးလေးလိမ့်နေတဲ့ ဂေါ်လီလုံးတစ်လုံးပေါ်မှာ သင်နှင့်အတူ မာနကြီးနေသော ကျွန်ုပ် ၊ သင်နှင့် ကျွန်ုပ်တို့လိုပင် မာနကြီးနေသော ဘာသာတရားမှာ ငါစွဲကပ်နေသူတစ်ချို့ သူတလူငါတမင်း မာနကြီးနေကြတယ်။ ကျွန်တော်တို့ ဆိုတဲ့စကားလုံးကို ဖြစ်နိုင်ရင်မသုံးချင်ဘူး။ ကျွန်တော်နဲ့ သင်ဟာ ကွဲပြားနေတဲ့အခါ အုပ်ချုပ်သူလူတန်းစားတစ်ရပ်ဟာ ခါတော်မီ ဖျာတစ်ချပ်ကို ဘယ်တော့မှဖြန့်ခင်းခွင့်ရမှာမဟုတ်ဘူးဆိုတာ ကျွန်တော် သိသလို၊ သင်လည်းသိတယ်။ ကျွန်တော်တို့တွေဟာ ကိုယ့်စည်းကမ်းနဲ့ကိုယ်နေတဲ့ အခါ ပြင်ပက စည်းကမ်းတွေကို လိုက်နာစရာမလိုတော့ဘူး။ ကျွန်တော်တို့ဟာ အတွင်းစိတ်က ရိုးသားတဲ့အခါ ဆိုင်းဘုတ်တွေဟာ အပိုအလုပ်တွေဖြစ်လာတယ်။ ကျွန်တော်တို့ဟာ စိတ်ရင်းအတိုင်းပြောတဲ့အခါ .... လုပ်ကြံဇာတ်လမ်းပြောမယ့်သူတွေ ငိုင်တွေသွားကြတယ်။ ကျွန်တော်တို့တွေ သွေးစည်းညီညွတ်တဲ့အခါ ... ပင်လုံစာချုပ်နောက်တစ်ခု သက်သာသွားတဲ့အတွက် သစ်ပင် သုံးလေးပင် ဆက်လက်ရှင်သန်ခွင့်ရသွားတယ်။ ကြွေကျလာတဲ့သစ်ရွက်ပေါ်မှာ ကံဆိုးပြီးပါလာတဲ့ ပုရွက်ဆိတ် နှစ်ကောင် တိုက်ခိုက်နေတာသင်မြင်ဖူးလား မသေချာပေမယ့်၊ စစ်ပွဲသတင်းတွေကိုတော့ သင်ဖတ်ဖူးမယ်လို့ ကျွန်တော်ယုံကြည်ပါတယ်။ ကျွန်တော်တို့တွေဟာ ပုရွက်ဆိတ်တွေလောက်တောင် မကြောက်လန့်တတ်တဲ့ အာဂလူသားတွေပဲဖြစ်တယ်။

နောက်ထပ် နာရီအနည်းငယ်လောက် ဆက်လက်ရှင်သန်ခွင့်ရမရ မသေချာပေမယ့် ... ဆက်လက်ပြုံးနေနိုင်တာ အကျိုးပေးကောင်းလွန်းတဲ့ ကျွန်တော့်ရဲ့ မောဟတွေကြောင့်ဖြစ်မယ်။ ပွဲပြီးမှ ဂိုးပေါက်ထဲ ၀င်သွားနိုင်တဲ့ ဘောလုံးတွေကို စဉ်းစားကြည့်ပါ။ ခံစားချက်၊အောင်မြင်မှု၊ ဂုဏ်ယူဖွယ်ကိစ္စတွေဟာ အချိန်အကန့်အသတ်အတွင်းမှာပဲ ဆိုတာ သင်သိပါလိမ့်မယ်။ အချိန်ဖြုန်းလိုက်မိတဲ့ ၂၈ နှစ်တာကို နာကျင်ချိန်ပို ၁၅မိနစ်လို့တွေးကြည့်လိုက်တဲ့အခါ ....ဒီဘောလုံးပွဲဟာ ပျင်းရိလေးကန်ထိုင်းမှိုင်းလာတယ်ဆိုတာခံစားလိုက်မိတယ်။ ကြည့်ခဲ့ဖူးတဲ့ ၀က် သတ်စခန်းကို သတိရလာတယ်။ ၀က်တွေဟာ ရှေ့မှာ လျှပ်စစ်နဲ့ သတ်ခံရမယ်ဆိုတာကို မသိဘူး။ တန်းစီပြီးတစ်ကောင်ချင်း တရွေ့ရွေ့သွားနေတယ်။ .... တရွေ့ရွေ့သွားနေရတာကို အသားကျလာတဲ့အခါ ... ကျွန်တော်လည်း ရှေ့မှာ သေခြင်းတရားရှိတယ်ဆိုတာကိုတောင် အရေးတယူမလုပ်ဖြစ်တော့ဘူး။ တစ်ခါတစ်လေ ကျွန်တော်တို့ရဲ့ အသိဥာဏ်ဟာ ကိုယ်လိုသလောက် အမှန်တရားတစ်ခုကိုပဲ တပ်ဆင်လေ့ရှိတယ်။ ရှေ့ကို တရွေ့ရွှေ့သွားတာဟာ တိုးတက်မှုလို့ဆိုကြတယ်။ တန်းစီနေတဲ့ ၀က်တန်းကြီး တိုးတက်နေတယ်။ ၀က်ကလေးတွေရဲ့မျက်လုံးကို ကြည့်မိတဲ့အခါ သူတို့တွေဟာ ရှေ့ကို တိုးသွားဖို့ ဘယ်လောက် စိတ်အားထက်သန်သလဲဆိုတာကိုတွေ့ရတယ်။ အောင်မြင်မှု အမျိုးမျိုးအတွက် တိုင်းတာတဲ့စနစ်အမျိုးမျိုးရှိတယ်။ ဒါပေမယ့် ရှုံးနိမ့်မှုကတော့ တစ်မျိုးပဲရှိတယ်။ တိုင်းတာတဲ့စနစ်ကလည်း တစ်မျိုးပဲရှိတယ်။ သေခြင်းတရားဟာလည်း လူတိုင်းအတွက် တစ်မျိုးပဲရှိတယ်။ အဲဒီ သေခြင်းတရားကို လူတွေကို တိုင်းတာတဲ့စနစ်တစ်ခုလို့ယူဆလိုက်ပါ။ ကျွန်တော်တို့ကို ... သေခြင်းတရားနဲ့တိုင်းတာကြည့်ရင် ဘယ်လောက် အချိန်စီးတဲ့ လူသားတွေဖြစ်နေမလဲ။ သင်ရော ဒီမေးခွန်းကို စိတ်ပါလက်ပါ ဖြေဆိုချင်ပါ့မလား။ ကျွန်တော်တွေးနေမိတယ်။

တစ်ချိန်က သမ္မာကျမ်းစာကို သံကြိုးတွေနဲ့ခတ်တဲ့ခေတ်တစ်ခေတ်ရှိခဲ့ဖူးတယ်။

အယူအဆမတူသူတွေကို သဘောထားကြီးစွာ အဆိပ်တစ်ခွက် တိုက်တဲ့ခေတ် တစ်ခုလည်းရှိခဲ့ဖူးတယ်။

ဘယ်ဘက်နံရိုးကြားမှာ လှံသွားထိုးဖောက်မှုတွေရှိခဲ့တယ်။

အဖြူရောင်ဟမ်းလော့ခ် အမြစ်တွေနဲ့ ဖော်ရွေမှုတွေရှိခဲ့တယ်။

အခုတော့ လူတွေကို ငွေကြေးနဲ့ ပြုလုပ်ထားတဲ့ သံခြေချင်းတစ်ခုစီ နှစ်လိုစွာဝတ်ဆင်တတ်စေတဲ့ခေတ်ကိုရောက်လာခဲ့ပြီ။

သဘာဝတရားအကြောင်း၊ သေခြင်းတရား နဲ့ ငြိမ်းချမ်းမှု(သန္တိတ) အကြောင်းမပါတဲ့စကားတွေကို ကွေ့ပတ်ပြီးပြောတတ်ရုံနဲ့ သင်ဟာ လူကြီးလူကောင်းတစ်ယောက် ဖြစ်လာနိုင်တဲ့ခေတ်ကို ရောက်လာခဲ့ပါပြီ။

တကယ်လို့ သင်ဟာ သစ်ရွက်ကလေးတွေ လေတိုက်လို့ လှုပ်ယိမ်းနေတာကို ခဏလေးရပ်ကြည့်ဖို့ အချိန်ရှိတယ်ဆိုရင် ဒီစာဟာ သင့်အတွက်ရည်ရွယ်တဲ့စာဖြစ်တယ်လို့ ကျွန်တော်ပြောချင်ပါတယ်။

ခင်မင်စွာဖြင့်

Zephyr

Notes:

မွေးနေ့နားနီးလာလို့ စိတ်ကပိုပိုချမ်းသာနေပါတယ်။

ဒီနေ့ ရှင်းစရာသိပ်မလိုတဲ့အခန်းကို သေချာထပ်ရှင်းရင်း စိတ်ကို ပါ သန့်ရှင်းရေးလုပ်ဖြစ်ပါတယ်။

ရှင်းနေတဲ့စိတ်ထဲက ၀င်ရောက်လာတဲ့ post လေးတစ်ခုကို ပြန်ရေးဖြစ်ပါတယ်။ ကိုယ့်ဘာသာကို ရသဆောင်းပါးလို့ ယူဆတဲ့အတွက် ရသဆောင်းပါးလို့ label တပ်လိုက်ပါတယ်။ Prose ရေးရင် စကားလုံးတွေချုံ့ရမှာ ပျင်းတဲ့အတွက် ဒီအတိုင်းပဲထားလိုက်ပါတယ်။ ဒီတစ်ပတ်အတွင်း ပိုက်ဆံရမယ့်စာတွေ ရေးဖို့ အတွက် Blog မှာ သိပ်မရေးဖြစ်သေးဘူးလို့ထင်ပါတယ်။ ဒီနှစ် Magazine မှာရေးသမျှစာမူခတွေကို တောင်ကြီးက မိဘမဲ့ကျောင်းကိုလှူဖြစ်ပါမယ်။ Magazine ၀ယ်ဖတ်ကြတဲ့ သူငယ်ချင်းတွေကို ကုသိုလ်အတူတူပြုရာရောက်တယ်ဆိုတာပြောချင်တာပါ။ မဂ္ဂဇင်းဝယ်ဖတ်ပါလို့ သွယ်ဝိုက်ပြောတာမဟုတ်ပါဘူး။ :)

ဒီတစ်ပတ်အတွက်လက်ဆောင်တစ်ခုပေးချင်ပါတယ်။ အခုလောလောဆယ် အကြိုက်ဆုံးအဆိုအမိန့်တစ်ခုပါ ..။

မဟာမြိုင်ဆရာတော်ရဲ့ "တွေးမိတိုင်းပျော်တယ်" ဆိုတဲ့စာအုပ်ထဲကပါ။

"သဘာဝမကျတာကို ယုံကြည်မှုဟာ အယူသည်းမှုပဲ။ ဘာသာရေးမှာပဲဖြစ်ဖြစ်၊ ကျန်းမာရေးမှာပဲဖြစ်ဖြစ်၊ လူမှုရေးမှာပဲဖြစ်ဖြစ် သဘာဝကျရဲ့လား ဆိုတာကိုမေးပါ။ သဘာဝကျတာကို လက်ခံပါ။ သဘာဝမကျတာကို ရဲရဲကြီးပယ်လိုက်ပါ။ အဲဒါ သတ္တိပဲ။"

နောက်တစ်ခုက ငယ်သူငယ်ချင်းတစ်ယောက်အတွက် လက်ဆောင်ပါ။ လိုအပ်ရင်ယူထားလိုက်ပါ။ အသုံးဝင်ပါလိမ့်မယ်။

"Everything that crosses the mind, wears and tears the mind"

စိတ်ထဲကို ဖြတ်သန်းသွားတဲ့ အရာမှန်သမျှဟာ စိတ်ကို ပင်ပန်းနွမ်းနယ်စေတယ်။

Peace B with U.

ခရမ်းရောင် အက္ခရာ နှင့် ၀ိမုတ္တိနှင်း (အပိုင်း ၂)

စာမျက်နှာအဆုံးအထိဖတ်ပြီး သူမ ကျွန်တော့်ကိုလှမ်းအကဲခတ်လိုက်သည်။ တိတ်ဆိတ်နေသည့် ကော်ဖီဆိုင် တစ်ခုမှာ ... သက်တူရွယ်တူ လူငယ်နှစ်ယောက်။ စာရွက်တစ်ချို့ပြန့်ကြဲနေတဲ့စားပွဲဝိုင်းတစ်ခု၊ သောက်လက်စ ကော်ဖီခါးခါး နှစ်ခွက် နှင့်.... အသံမဲ့တိတ်ဆိတ်မှု။

တိတ်ဆိတ်မှုကို သူမအသံတိုးတိုးလေးနဲ့ ဖောက်ခွဲလိုက်မှ ... စိတ်ထဲလျှောက်သွားနေတဲ့ စိတ်က အာရုံမဲ့သိစိတ်က ပြန်လည်နိုးကြားလာပြီး အသံကို အဓိပ္ပာယ်ကို ဖွင့်မိသွားသည်။

"ရှင်ဆိုလိုချင်တာက ကြယ်တစ်စင်း အောက်မှာ အရူးတစ်ယောက်ခရီးသွားနေတာကိုမဟုတ်ဘူး။ ရှင် ဆိုလိုချင်တာ အဓိပ္ပာယ်မဲ့နေတဲ့ အမှောင်အလင်းတွေနဲ့ ... အရူးတွေလက်ထဲက ပန်းပွင့်တွေလား .... ရှင် ဘာဖြစ်လို့ ပုံအနောက်က အနူမြူ ပေါက်ကွဲမှုကို ထည့်မရေးတာလဲ .........."။

သူမ၏ အကင်းပါးမှုအတွက် အသိအမှတ်ပြုသော အပြုံးလား၊ ထွင်းဖောက်သိမြင်တတ်တဲ့စိတ်ကို ကြောက်ရွံ့ပြီး အလန့်တကြားပြုံးမိတာလားမသိတဲ့ အပြုံးတစ်ခု ကျွန်တော်ပြုံးမိလိုက်သည်။ သူမကတော့ အေးအေးဆေးဆေးပင်၊..... စာရွက်ကို တစ်ချက်ပြန်ဖတ်ပြီး

"လိမ်ညာနေတဲ့ ကုတ်အင်္ကျီကို ယုံကြည်မိတဲ့ အရုးဟာ အရူးဆုံးပဲမဟုတ်လား"

ထိုမေးခွန်းအတွက် ကျွန်တော် အံ့သြမင်သက်ချိန် အလုံအလောက်မရခဲ့ပါ။ ပဟေဠိဖြေဆိုတိုင်း ဆုတံဆိပ်များစွာ ရရှိခဲ့ဖူးကြောင်း သူမပြောပြစဉ်က ကျွန်တော် သိပ်အထင်မကြီးခဲ့သည်ကို အကြီးအကျပ်နောင်တရမိသွားသည်။

"နွေးထွေးမှုဟာ သက်ရှိတွေရဲ့ လိုအပ်မှုတစ်ခုပါပဲဟာ။"

"အတုတွေကို ရှင်ယုံကြည်လို့လား။ ရှင်မှတ်မိတယ်မဟုတ်လား .... English စာသင်တန်းမှာ ဖတ်ခဲ့ရတဲ့ သိပ္ပံတွေ့ရှိချက်လေ ... မိဘမဲ့မျောက်လေးကို အမေအရုပ် နှစ်ခုနဲ့စမ်းသပ်တဲ့အခန်းလေ ..."

"မှတ်မိပါတယ်။ နွေးထွေးမှုအတုဟာ သူ့အတွက် အစစ်ပဲလေ။"

"ရှင်က ပိုရူးတယ် .. ပုံပြင်ထဲက အရူးတောင် ဒီလောက်မရူးဘူး "

"အင်း ဟုတ်တယ်။ ရေမဆာတဲ့ သမင်တစ်ကောင်အတွက် တံလျှပ်အစစ်တွေဟာ ရေအတုတွေထက် ကျန်းမာရေးနဲ့ ပိုညီညွတ်လိမ့်မယ်။"

"သေချာပါတယ် .... ပုံပြင်ထဲက အရူးက ရှင်မဟုတ်ဘူး ...။ ရှင်က ပုံပြင်ထဲက အရူးလိုအရူးတွေအများကြီးပေါင်းပြီးကျိုထားတဲ့သူမျိုး ။"

ကျွန်တော်ရယ်နေမိသည်။ သူကတော့ပြောရခက်တဲ့ ကျွန်တော့်ကို ပြောလည်းမထူးပါဘူးဆိုတဲ့ ပုံစံမျိုးနဲ့ ကော်ဖီကို မည်းပြီးသောက်နေပြန်သည်။

"နောက်တစ်ခုက ဘာကို ဆက်ရေးလိုက်လဲ။"

"သူက The Empress ကို ဆက်ရေးစေချင်တယ်။"

"ဘယ်သူကလဲ ရှင်က လူတစ်ယောက်ရဲ့ ဆိုဆုံးမမှုနဲ့ နေထိုင်တဲ့သူမဟုတ်ဘူး။"

"အေး ... အရင်ကတော့ဟုတ်တယ်။"

"အခုတေှာ့ရှင်က လူစကားနားလည်ပြီး နားထောင်တတ်ပြီ ဆိုပါတော့ ...။"

"သူ့ကို လူလို့တော့ပြောဖို့ခက်တယ် ...။ သူက အသက်မရှူတဲ့ သက်ရှိတစ်ခု။"

"'အင်း အသက်မရှူတဲ့ သက်ရှိ .. ရှင်တစ်ခါပြောဖူးတယ် ... ရှင့် တားရော့တ်က ရေးခိုင်းတယ်ပေါ့"

"Sure"

ကြယ်တစ်စင်းသည် သင့်ကို သတိရနေပါလိမ့်မည်။

ထိုစကားသည် အရူးစကားဖြစ်၍ မှန်ကန်နိုင်ပါသည်။

တိတ်ဆိတ်သော ကောင်းကင်၊

တိတ်ဆိတ်သော မြေပြင်၊

တိတ်ဆိတ်သော လေထု

တိတ်ဆ်ိတ်သော အစရှိသဖြင့် ...

အနက်ရောင် ကြယ်တစ်စင်း ... အမှောင်တန်းများ ... ခရီးသွား၊ ရူးသွယ်မှု ... ပန်းပွင့်များ၊ ရုပ်ကြွင်းနှင့် ကုတ်အင်ကျီ ဟု စာလုံးပေါင်းသော အပေါ်ယံခြုံလွှာတစ်မျိုးပါပါသည်။

အလဲအလှယ်

အရူး ။ ။ လောင်ကျွမ်းခံရမှုဟာ မီးကိုတွေ့ရှိဖို့ တန်ရာတန်ကြေးတွေလား။

TITANIA ။ ။ မီးကို စနစ်တကျ သုံးစွဲတတ်ဖို့လောင်ကျွမ်းမှုလိုတယ်လေ။

အရူး။ ။ အကန့်အသတ်နဲ့ရတဲ့ ဘ၀တိုတိုလေးမှာ မီးလောင်တာထက်ဆိုးတာရှိသေးလား။

TITANIA ။ ။ မီးတစ်ခါလောင်တာကို မငြိမ်းတော့ဘူးထင်နေတဲ့စိတ်နဲ့ ငြိမ်းသွားတဲ့မီးကို ဆက်ပြီးသိမ်းထားချင်တဲ့စိတ် ... အဲဒီနှစ်ခုက ပိုဆိုးတယ်။

ဖန်ဆင်းရှင်နဲ့တာဝန်

အရူး။ ။ ဖန်ဆင်းတစ်ချို့ဟာ ကမ္ဘာကို ဖန်ဆင်းပြီး အပြင်ကနေ ပြန်အုပ်ချုပ်တယ်။ အဒေါ်ကြီးကတော့ ဘာလို့ ကိုယ့်ကိုယ်ကို ကမ္ဘာပြန်လုပ်ထားရတာလဲ။

TITANIA ။ ။ ကိုယ်စိုက်ပျိုးတာ ရိတ်သိမ်းဖို့မဟုတ်ခဲ့ဘူး။ ဒါကို မင်းသိမှာပါ။

သေမင်း but Gender is Female (သေမင်းမ)။

အရူး။ ။ကျွန်တော့်ကို သေမင်းလုပ်ရတဲ့အခါ လာခေါ်မှာလား။

TITANIA ။ ။ လာခေါ်ရမှာပေါ့။

အရူး။ ။ အဲဒီအခါကြရင်တော့ လုံလုံခြုံခြုံလေးဝတ်ပြီး ... ကောက်ရိတ်တံလှလှလေးနဲ့လာခဲ့ပါနော်။

TITANIA။ ။မင်းလည်း ကောက်ရိုးနဲ့ နှလုံးသားတစ်ခု သေချာလုပ်ထားလိုက်ပါဦး။

မိခင်

အရူး။ ။ သစ်သီးတွေရှိပြီး ... စားချင်စိတ်မရှိဘူး။ စားချင်တဲ့စိတ်ရှိတဲ့အခါ သစ်သီးမရှိဘူး။ အလင်း

ရောင်လိုအပ်တဲ့အချိ်န်မှာ အလင်းမရှိဘူး။ အမြှောင်ထုကို လိုနေမှ အရုဏ်ကျင်းတယ်။ ချစ်ခင်သူတွေနဲ့တွေ့မှ လမ်းခွဲတွေရောက်လာပြီး၊ ဘရူးတပ်စ်တွေနဲ့လမ်းခွဲဖို့ ကြမှ တစ်လမ်းမောင်းဖြစ်နေတယ်။

TITANIA။ ။ တစ်ခုခုရမှ ပြည့်စုံတာလား။ တစ်ခုခုမလိုချင်တာက ပြည့်စုံနေတာလား။

တတိယမြောက်နောင်တ

TITANIA။ ။ မပြည့်စုံမှုနဲ့ပြည့်စုံမှုကို ရှာတာထက်။ ပြည့်စုံမှုက ပြည့်စုံမှုဆီကိုသွားတာ ပိုလွယ်လိမ့်မယ်။

အရူး။ ။ ပြည့်စုံမှုရဲ့ တစ်ဖက်ကမ်းမှာရော ဘာတွေဆက်ရှိနေသေးလဲ။

TITANI။ ။ ခရီးအဆုံးကိုရောက်တဲ့သူဟာ ဆက်မသွားတော့ဘူး။

အရူး။ ။ တကယ့်ခရီးအဆုံးဆိုရင်တော့ .....................................။

.... ဒီလိုနဲ့ အရူးတစ်ယောက် .. အနက်ရောင်ကြယ်တစ်စင်းရဲ့ အမှောင်တွေအောက်မှာ ကြက်ခြေခတ်တွေကောက်ရခဲ့ပြန်တယ်။

ခင်မင်စွာဖြင့်

Zephyr

Peace B with U.

Cancer by My Chemical Romance

သီချင်းလေးတစ်ပုဒ်အကြောင်းပြောရအောင်။
ကင်ဆာဖြစ်ပြီးသေဆုံးသွားမယ့် လူငယ်လေးတစ်ယောက်က ချစ်သူကိုမှာနေတာလေးပါ။
My Chemical Romance ရဲ့ သီချင်းတစ်ပုဒ်ဖြစ်ပါတယ်။ ဒီအဖွဲ့ဟာ
သိပ်ဆူလို့ ကြာကြာနားမထောင်နိုင်တဲ့ အဖွဲ့ထဲမှာပါပါတယ်။ ဒီသီချင်းကိုတော့ ဒီနေ့ သေချာနားထောင်ဖြစ်ပါတယ်။ တော်တော်လေးနှစ်သက်ပါတယ်။ သီချင်းလေးက တိုတိုလေးပါ။ ဒါပေမယ့် ရသအပြည့်ပါတဲ့ ကဗျာတစ်ပုဒ်ကို ဖတ်လိုက်ရသလို ... ငိုင်ခနဲ ဖြစ်သွားစေပါတယ်။ သီချင်းကို တတ်နိုင်သမျှဘာသာပြန်ပေးလိုက်ပါတယ်။ တစ်ချို့သီချင်းတွေက မထင်မှတ်ဘဲ စိတ်ထိခိုက်စေနိုင်တယ်ဆိုတာကို မတော်တဆနားလည်မိသွားပါတယ်။


လှည့်ထွက်သွားလိုက်ပါ၊
မင်း ငါ့ကို ရေတစ်ခွက် တိုက်မယ်ဆိုရင်လည်း၊
ငါ့ရဲ့ .. နှုတ်ခမ်းတွေ ဖျော့တော့ ခြောက်သွေ့အက်ကွဲ နေပြီ။
ငါ့အဒေါ် မရီ ကိုခေါ်ပြီး
ငါ့ရဲ့ ပစ္စည်းတွေ ကူသိမ်းပေးလိုက်ပါ။
ငါ့ကို ငါသိပ်ကြိုက်တဲ့ အ၀တ်အစားတွေဝတ်ပေးပြီး မြေမြှုပ်ပစ်လိုက်ပါ။
ညီလေးနဲ့ ညီမလေး .... မလှုပ်မယှက် .. ငြိမ်သက်လို့
ငါမင်းကို မနမ်းတော့ဘူး။
မင်းဆီက ထွက်ခွာသွားဖို့ဆိုတာ ဘ၀မှာ အခက်ခဲဆုံးဖြစ်လို့ပါ .......။


Turn away,
If you could get me a drink
Of water 'cause my lips are chapped and faded
Call my aunt Marie
Help her gather all my things
And bury me in all my favorite colors,
My sisters and my brothers, still,
I will not kiss you,
'Cause the hardest part of this is leaving you.



အခု လှည့်ထွက်သွားလိုက်ပါ။
ငါဟာ ရုပ်ပျက်ဆင်းပျက်ဖြစ်နေပါပြီ။
ခန္ဒာကိုယ်တစ်ခုလုံး ... အမွှေးအမျှင် အားလုံး ကျွတ်ထွက်ကုန်ပြီ။
အိုး ... ငါ့ရဲ့ ဒုက္ခစရိယာ ...
ငါဘယ်တော့မှ လက်မထပ်နိုင်ဘူးဆိုတာ ငါသိတယ်။
ကောင်မလေးရေ ... ငါအခုပဲ Cancer ဆေးတွေနဲ့ စိုထိုင်းနေခဲ့တယ်
(ကင်ဆာကုထုံးနဲ့ အကုသခံနေရတယ်ဆိုတာကို Soggy from the chemo လို့ လှလှပပလေးသုံးထားတာပါ။)
ငါတို့တွေ လက်ကျန်ရက်တွေကို ရေတွက်ရင်း ....
ဒါဟာ အသက်ရှင်ရုံမျှနေထိုင်ခြင်းတစ်ခုမဟုတ်ဘူး .....
ဒါကို မင်းနားလည်မယ်လို့ ငါမျှော်လင့်မိတယ် ....။

Now turn away,
'Cause I'm awful just to see
'Cause all my hairs abandoned all my body,
Oh, my agony,
Know that I will never marry,
And baby, I'm just soggy from the chemo,
We're counting down the days to go
It just ain't living
And I just hope you know


တစ်ကယ်လို့ Goodbye tonight လို့မင်းပြောတဲ့အခါ ...
ငါက ဒါ တကယ်ပဲ ဒီနေ့အတွက်ပဲလား ဆိုတာကို မေးမိလိမ့်မယ် ......
(ကောင်လေးစိတ်ထဲမှာ Goodbye tonight ဆိုတဲ့နှုတ်ဆက်စကားလေးဟာ တစ်သက်လုံးစာဖြစ်သွားမှာကို စိုးရိမ်နေတာပါ။)
That if you say (if you say)
Goodbye tonight (goodbye tonight)
I'll ask you to be true (cause I'll ask you to be true)

ဘ၀မှာ အခက်ဆုံးက မင်းကို ထားပြီး ထွက်သွားရမှာ
ဘ၀မှာ အခက်ခဲဆုံးက မင်းကို ထားပြီး ထွက်သွားရမှာ ....။

'Cause the hardest part of this is leaving you
'Cause the hardest part of this is leaving you


.... သီချင်းလေးကိုလည်းနားထောင်ကြည့်ပါဦး ....။ အရင်းနှီးဆုံး သူငယ်ချင်းတစ်ယောက် သေဆုံးသွားဖူးတဲ့သူတွေအတွက်ပါ ....။ Cause the hardest part of this is leaving you ... ဆိုတာကို နားလည်မယ်လို့မျှော်လင့်ပါတယ်။ သေခြင်းတရားဆိုတာ လူကြီးလူငယ်မရွေးဘူးဆိုပေမယ့် .. ငယ်ငယ်ရွယ်ရွယ်နဲ့ သေမိန့်ကျသွားတဲ့ လူငယ်လေးတွေ အတွက် ... ဘာမှ မတတ်နိုင်ခဲ့ကြတာ ၊ ၀မ်းနည်းရုံကလွဲပြီး ဘာမှ လုပ်မပေးလိုက်နိုင်တာတွေအားလုံးအတွက် ....၊ ဒီသီချင်းလေးက အများကြီးပြောပြလိုက်ပါတယ်။ .... သီချင်းမှာပါတဲ့ You ဆိုတဲ့နေရာဟာ ကျွန်တော်တို့တစ်ယောက်စီရဲ့ နာမည်တွေ ဖြစ်နေနိုင်တယ်ဆိုတာကို အလန့်တကြားသိလိုက်ရချိန်မှာ ....

My Chemical Romance - Cancer download at emp3

ခင်မင်စွာဖြင့်
 /ˈzɛfər/

Peace B with U.