တီထွင်ဖန်တီးနိုင်စွမ်းရှိသူတွေမှာ ထူးကဲတဲ့အမြင်ရှိတယ်။ ဘယ်သူမှ မမြင်သေးတဲ့အမြင်မျိုးနဲ့ သူကမြင်နိုင်တယ်။ ဘယ်သူမှမကြားဖူးသေးတာကိုလည်း သူကကကြားနိုင်တယ်။ အဲဒီလိုမြင်နိုင်ကြားနိုင်မှလည်း တီထွင်ဖန်တီးနိုင်စွမ်းဆိုတာ ရှိနိုင်မှာ။
ပန်းချီဆွဲရန် ပိတ်ကားကိုပြင်ဆင်ခြင်း
ရောဂါကင်းတဲ့တစ်နေ့မှာ လူတိုင်းဟာ တီထွင်ဖန်တီးသူတွေဖြစ်လာကြတာပဲ။ ဒါကိုသေသေချာချာနားလည်မှဖြစ်မယ်။ နေမကောင်းတဲ့သူတွေဟာ ထိခိုက်ဒဏ်ရာရနေတယ်။ သူတို့ဟာမဖန်တီးနိုင်ဘူး။ အဖျက်အင်အားတွေရှိနေတယ်။ ကျန်းမာတဲ့သူတွေပဲ တီထွင်ဖန်တီးနိုင်တယ်။ တီထွင်ဖန်တီးခြင်းဆိုတာ မုချကျန်းမာမှုရဲ့ ရနံ့ပဲ။ လူတစ်ယောက်ဟာ တကယ့်ကိုကျန်းမာပြီး ပြည့်ဝစုံလင်နေရင် တီထွင်ဖန်တီးမှုဟာ သူ့ဆီကို သဘာဝအတိုင်းကိုရောက်လာတာပဲ။ ဖန်တီးပါ၊ တီထွင်ပါဆိုတဲ့ဆိုတဲ့တောင်းဆိုသံတွေ လွင့်ပျံ့နေတယ်။
Cသုံးလုံး
လူ့အဖွဲ့အစည်းဟာ လမ်းဆုံလမ်းခွရောက်နေတယ်။ ကျနော်တို့ဟာ တစ်ဘက်တိုင်းထဲကလူသားတွေ။ အားလုံးမောပန်းနွမ်းလျနေတယ်။ ကျနော်တို့ဟာ အခု ပိုပြီး ပြည့်စုံတဲ့ လူသားတွေဖြစ်ဖို့လိုလာပြီ။ သုံးဘက်တိုင်းထဲမှာနေတဲ့လူသားတွေ။ ဒါကို ကျနော် စီသုံးလုံးလို့ခေါ်မယ်။ အာရ်သုံးလုံးလိုမျိုးပဲ။ စီသုံးလုံးမှာ ပထမ စီအက္ခရာက Consiousness ဆိုတဲ့ သတိသမ္ပဇဉ်တရားပေါ့။ ဒုတိယစီအက္ခရာကတော့ Compassion ဆိုတဲ့ ကရုဏာတရား။ တတိယစီအက္ခရာကတော့ Creativity ဆိုတဲ့ တီထွင်ဖန်တီးမှုဆိုပါတော့။
သတိသမ္ပဇဉ်ဆိုတာတော့ ဖြစ်တည်မှုပဲ၊ ကရုဏာကတော့ ခံစားချက်၊ တီထွင်ဖန်တီးမှုကတော့ လုပ်ရပ်။ ကျုပ်မျှော်မှန်းချက်အရတော့ လူသားအသစ်ဟာ အဲဒီသုံးချဟာ တစ်သားတည်းဖြစ်နေလိမ့်မယ်။ ကျုပ်ခင်ဗျားကို အခက်ဆုံးအလုပ်တစ်ခုပေးလိုက်ဦးမယ်။ အောင်မြင်အောင်လုပ်ဖို့ အခက်ဆုံးအလုပ်ဆိုပါတော့။ ခင်ဗျားဟာ ဗုဒ္ဓလို သတိသမ္ပဇဉ်လည်းရှိရမယ်။ ခရစ်သျှနားလို ချစ်ခင်တတ်ရမယ်။ မိုက်ကယ်အန်ဂျလိုတု့၊ လီယိုနာဒို ဒါဗင်ချီတို့လိုလည်း ဖန်တီးတီထွင်နိုင်ရမယ်။ အဲဒီသုံးခုစလုံးတစ်ပြိုင်နက်ကို တစ်သားတည်းဖြစ်အောင်လုပ်ရမယ်။ အဲဒီလိုလုပ်နိုင်မှပဲ ခင်ဗျားရဲ့ပြည့်ဝစုံလင်ခြင်းဖြစ်မယ်။ မဟုတ်ရင် တစ်ခုခုလိုနေသလို လစ်ဟာတဲ့ခံစားချက် ခင်ဗျားမှာ အမြဲရှိနေလိမ့်မယ်။ အဲဒီခံစားချက်ဟာ ခင်ဗျားကို မညီမညွတ်ဖြစ်စေမယ်။ မပြည့်ဝတဲ့၊ချို့တဲ့ တဲ့ ခံစားချက်မျိုးဖြစ်စေမယ်။ ခင်ဗျားဟာ ခင်ဗျား တစ်ဖက်တိုင်းထဲမှာနေရင် ခင်ဗျားဟာ တောင်ထိပ်ဖျားတစ်ခုကိုရောက်နိုင်တယ်။ ကျုပ်က ခင်ဗျားကို ဟိမဝန္တာလိုတောင်တန်းကြီးဖြစ်စေချင်တာ။ တောင်ထိပ်ဖျားလေးတစ်ခုလောက်ပဲမဟုတ်ဘူး။ တောင်ထိပ်တွေအများကြီးရဲ့ တောင်ထိပ်တွေဖြစ်စေချင်တာ။
တစ်ဖက်တိုင်းမှာနေတဲ့ လူသားတွေဟာ ရှုံးနိမ့်သွားကြပြီ။ သူတို့ဟာ လှပတဲ့ ကမ္ဘာကို မဖန်တီးနိုင်ဘူး။ ကောင်းကင်ဘုံကို မြေကမ္ဘာပေါ်မှာ မတည်ဆောက်နိုင်ခဲ့ကြဘူး။ သူတို့မအောင်မြင်ဘူး။ လုံးဝကျရှုံးသွားပြီ။ အဲဒီလူတွေက အင်မတန်လှပတဲ့ လူသားတစ်ချို့ကိုတော့ တီထွင်ဖန်တီးနိုင်ခဲ့တယ်။ ဒါပေမယ့် အဲဒီလူသားမျိုး အနည်းငယ်နဲ့ လူ့အသိုင်းအဝိုင်းတစ်ခုလုံးကို ပြောင်းလဲပစ်လို့မရနိုင်ခဲ့ဘူး။ ဒီလောက်လေးနဲ့ လူ့သားမျိုးနွယ်စုရဲ့ သတိသမ္ပဇဉ်တရားကို မြှင့်တင်ပေးဖို့ မဖြစ်နိုင်ဘူး။ အသိအမြင်အလင်းကိုလည်း ဟိုနား၊ဒီနားက လူနည်းနည်းလောက်သာရရှိသွားတယ်။ အဲဒါမျိုးကလည်း အလုပ်မဖြစ်တော့ဘူး။ အလင်းတရားရှိတဲ့လူတွေ ကျနော်တို့အများကြီးလိုတယ်။ ဉာဏ်အလင်းရတာတောင် သုံးဖက်တိုင်းမှာရတဲ့ ဉာဏ်စဉ်မျိုး။
ဒါက ကျုပ်ဖွင့်ဆိုတဲ့ လူသားအသစ်ရဲ့ အဓိပ္ပာယ်ပဲ။
ဗုဒ္ဓဟာ ကဗျာဆရာမဟုတ်ဘူး။ ဒါပေမယ့် ခေတ်သစ်လူအဖွဲ့အစည်းက လူသားတွေ ဗုဒ္ဓဖြစ်လာတဲ့အခါ ဗုဒ္ဓတွေဟာ ကဗျာဆရာတွေလည်းဖြစ်လာကြလိမ့်မယ်။ ကျုပ် ကဗျာဆရာလို့ပြောတဲ့အခါမှာ ခင်ဗျားတို့ ကဗျာရေးကိုရေးရမယ်လို့မဆိုလိုဘူး။ ကဗျာဓာတ်ခံလေး၊ကဗျာဆန်တဲ့စိတ်ကလေးရှိရမယ်လို့ဆိုလိုတယ်။ ခင်ဗျားဘဝဟာ ကဗျာဆန်နေရမယ်။ ကဗျာရဲ့ လုပ်ကိုင်ဆောင်ရွက်မယ့်နည်းလမ်းက ကဗျာဆန်ရမယ်။
ယုတ္တိဗေဒဟာ ခြောက်သွေ့လွန်းတယ်။ ကဗျာကတော့ အသက်ဝင်တယ်။ ယုတ္တိကြီးနဲ့ ခင်ဗျားကလို့မရဘူး။ ယုတ္တိဗေဒကို ကခုန်ခိုင်းဖို့မဖြစ်နိုင်ဘူး။ ယုတ္တဗေဒကြီး ကနေတယ်ဆိုတာ မဟတ္တမဂန္ဒီကြီး ကနေတယ်ဆိုတာမျိုးဖြစ်နေမယ်။ အလွန် ရယ်စရာကောင်းနေမှာပဲ။ ကဗျာကတော့ ကနိုင်တယ်။ ကဗျာဆိုတာ ခင်ဗျားနှလုံးသားရဲ့ ကခုန်မှုလေးပဲ။ ယုတ္တိကြီးက ချစ်လည်းမချစ်နိုင်ဘူး။ သူဟာ အချစ်အကြောင်းပြောနိုင်ပေမယ့် ဘယ်တော့မှ မချစ်နိုင်ဘူး။ အချစ်ဆိုတာကိုက ယုတ္တိမှမကျတာ။ ကဗျာဓာတ်ကတော့ ချစ်နိုင်တယ်။ ကဗျာဉာဉ်ကသာ အချစ်ရဲ့ ဝိဝါဒထွေပြားစရာ၊ ပဋိပက္ခဖြစ်စရာတွေကို နားလည်အောင်အရောက်သွားနိုင်တယ်။
ယုတ္တိဗေဒဟာ အေးစက်စက်ကြီး။ သင်္ချာတွက်ဖို့ ကိစ္စမျိုးဆိုရင်တော့ သိပ်ကောင်းတာပေါ့။ လူ့အဖွဲ့အစည်းအတွက်တော့ သိပ်မကောင်းလှဘူး။ လူ့အဖွဲ့အစည်းဟာ သိပ်ယုတ္တိကျကုန်ရင် လူ့အဖွဲ့အစည်းရဲ့ တည်ရှိမှုဟာ ခက်ခဲလာပြီး ပျောက်ကွယ်သွားနိုင်တယ်။ အဲဒီမှာ အရေအတွက်ပဲကျန်ခဲ့မယ်။ လူသားမဟုတ်တော့ဘူး။ လူတွေကို အစား ဖလှယ်လို့ရတဲ့နံပါတ်စဉ်တွေ ဖြစ်လာမယ်။
ကဗျာဓာတ်ရယ်၊ ချစ်ခြင်းမေတ္တာရာယ်၊ ခံစားချက်ရယ်က ခင်ဗျားကို နက်ရှိုင်းစေတယ်။ နွေးထွေးစေတယ်။ ခင်ဗျားရဲ့ အေးခဲမှုတွေကို ဖျော်ချပေးနိုင်တယ်။ ခင်ဗျားလူသားပိုဆန်လာမယ်။ ဗုဒ္ဓဟာ မဟာလူသား။ အဲဒါနဲ့ပတ်သက်ပြီး ဘာမှ သံသယဖြစ်စရာမလိုဘူး။ ဒါပေမယ့် သူ့မှာ လူသားဆန်တဲ့အစိတ်အပိုင်းပျောက်နေတယ်။ သူဟာ လောကီနဲ့မပတ်သက်ဘူး။ လောကကနေ လွန်မြောက်တဲ့အလှတရားတော့ရှိတယ်။ ဒါပေမယ့် ဂရိမှာရှိတဲ့ ဇောဘရဲ့ အလှတရားမျိုးတော့မရှိဘူး။ ဇောဘဟာ လောကီဆန်တယ်။ လူသားဆန်တယ်။ ကျုပ်ကခင်ဗျားကို နှစ်မျိုးပေါင်းဖြစ်စေချင်တယ်။ ဗုဒ္ဓနဲ့ဇောဘ အတူတကွဖြစ်နေသလိုမျိုး။ တစ်ယောက်က တရားဓမ္မနဲ့မွေ့လျှော်ပြီး ခံစားချက်ကို ဆန့်ကျင်တယ်။ နောက်တစ်ယောက်ကတော့ ချစ်ခြင်းမေတ္တာအပြည့်နဲ့နေရင်း တရားနှလုံးသွင်းနေတယ်။ချစ်ခြင်းမေတ္တာတွေ လျှံတောင်ကျတယ်။ ပြီးတော့ တီထွင်ဖန်တီးနိုင်စွမ်းလည်းရှိရဦးမယ်။ ခင်ဗျားရဲ့ မေတ္တာဟာ ခံစားချက်သက်သက်ပဲဖြစ်ပြီး လက်တွေ့ဘာမှအကောင်အထည်မဖော်ရင် လူသားထုအတွက်တော့ အကျိုးမများဘူး။ ခင်ဗျားက လက်တွေ့အကောင်အထည်ဖော်ရလိမ့်မယ်။ ရုပ်လုံးပေါ်လာအောင်ဖော်ဆောင်ရမယ်။
ဖြစ်တည်မှု၊ခံစားမှု၊ပြုမူဆောင်ရွက်မှုဆိုတဲ့ သုံးဘက်တိုင်းရှိတယ်။ ပြုမူဆောင်ရွက်မှုမှာ တီထွင်ဖန်တီးမှုရှိတယ်။ တီထွင်ဖန်တီးမှုမှန်သမျှရှိတယ်။ ဂီတ၊ကဗျာ၊ပန်းချီ၊ပန်းပု၊အဆောက်အဦးတည်ဆောက်တာ၊ သိပ္ပံနဲ့နည်းပညာ ဒါတွေ အကုန်ရှိတယ်။ ခံစားချက်မှာတော့ ရသတွေရှိတယ်။ အချစ်တရားနဲ့ လှပမှုတွေရှိတယ်။ တရားဓမ္မနဲ့ ဖြစ်တည်နေရင်တော့ သတိသမ္ပဇဉ်ရှိတယ်၊ သိစိတ်ကို သတိထားနေမှုလေးရှိတယ်။
Regards,
Z
ရေးနေရင်းမှ တစ်ယောက်ယောက်ရေးပြီးသလို ခံစားချက်ရလာတယ်။ မတတ်နိုင်ဘူး။ နှစ်မျိုးဖတ်ရတာလည်း ကောင်းတာပဲလို့တွေးလိုက်တယ်။ အိုရှိုကြီးပြောတာကို သင့်သလိုပြန်လိုက်တယ်။ သူနဲ့အယူအဆမတူတာတွေလည်းရှိမှာပဲ။ ဘာပဲဖြစ်ဖြစ် သူ့အမြင်ကိုဖတ်ကြည့်ခြင်းအားဖြင့် ပိုပြည့်စုံတဲ့ အမြင်တစ်ခုကို ကိုယ့်ဟာကိုယ် ဖန်တီးယူနိုင်မယ်လို့ယူဆပါတယ်။
Peace B with U.
