၃၀။

၃၀။

အသက်သုံးဆယ်ဆိုတာ ရက်ပေါင်း ၁၀၉၅၀။ ကျွန်းတစ်ကျွန်းပေါ်မှာ ပိတ်မိနေခဲ့ရင်တော့ ကျောက်တုံး ၁၀၉၅၀ နဲ့ကိုယ်စားပြုရလိမ့်မည်။ ဘ၀သည် တိမ်စိုင်များလောက်မပေါ့ပါးပါ။ သို့သော် မပေါ့မပါး တိမ်စိုင်ကြီးတော့လည်းမဟုတ်။

တစ်သက်လုံးပျော်ချင်ရင် သစ်ပင်စိုက်ဟု ပြောခဲ့သူမှာ ခူယားတစ်ကောင်ဖြစ်သည်။

သူ၏ ကောင်းကင် သာယာပါရဲ့လား။

စိမ်းမြသစ်ရွက်များ၊ စိမ်းမြ သွေးကြောများ၊ စိမ်းမြ အပြုံးများ၊ နောက်ကျောကို ထောက်ထားသော ဓားမြှောင်တစ်ချောင်း၏ လက်ကိုင်ရိုးမှာလည်း အစိမ်းရောင်စစ်စစ်ပင်ဖြစ်သည်။ အစိမ်းရောင်သည် ကျွန်တော်မြင်ဖူးသော အရောင်များအနက် ပျင်းစရာအကောင်းဆုံး အရောင်ဖြစ်သည်။ အစိမ်းရောင်သည် အညိုရောင်နှင့်မိတ်ဆွေဖွဲ့၍ ညနေခင်း သစ်တော အဖြစ်နှင့် ပျော်နေသည်။ သူ၏ တောအုပ် ငြိမ်းချမ်းပါရဲ့လား။

လူလားမြောက် ဆိုသည့်အရွယ်မှာ မိဘများ တရားဝင် မထောက်ပံ့ဘဲ ပစ်ထားနိုင်သည့် အသက်အရွယ်ဖြစ်ပါသည်။ ထိုစကားလုံးကိုလည်း မိဘများ တီထွင်ခဲ့ခြင်း ပင်ဖြစ်မည်ဟု ကျွန်တော်တွေးနေမိပါသည်။ ဆောင်းရာသီတွင် ကြွေကျခဲ့သော သစ်ရွက်များနောက်သို့ သင်ဘယ်လောက်ကြာကြာ လိုက်ကြည့်ခဲ့ဖူးပါသလဲ။ ထိုမေးခွန်းကို ဖြေခါနီး ငါးမိနစ်အလိုတွင်ဖြစ်ပါသည်။ အသက်သုံးဆယ်သည် ဆိုင်းမဆင့်ဗုံမပါဘဲ ကြွေကျလာပါသည်။ ဘာရယ်မဟုတ် ပျော်ရွှင်သလိုဖြစ်နေမိသည်။ (အသက်အရွယ်ရလာ၍ ပိုမို ပျော်ရွှင်လာပုံရသည်။ )

မနှစ်ကနှင့်မတူသည်မှာ Marital Status နဲ့ Weight/Mass ဖြစ်သည်။ (Gender ကတော့ အရင်လိုပင်ဖြစ်သည်။ မေးနေမှာစိုးလို့ကြိုဖြေထားပေးတာ။) သွေးအမျိုးအစားသည်လည်း O+ ပင်ဖြစ်သည်။ ၂၀၁၂ ကမ္ဘာပျက်မည်ဆို၍ နှလုံးသားအကျိုးစီးပွားနှင့် အစာအိမ်၏ တည်တံ့ခိုင်မြဲရေးအတွက် ကပြာကယာ အိမ်ထောင်ပြုလိုက်သည်။ ထိုအချိန်မှစ၍ ဒဿနပညာကို မသင်ဘဲ တတ်မြောက်ခဲ့ပါသည်။ မိန်းမရကံကောင်းသည်ဟု ပြောသော အမျိုးသားများ၏ ဇနီးသည်များမှာတော့ ကံကောင်းသူများ ဖြစ်နေလေ့မရှိပါ။

အသက်သုံးဆယ်သည် ရှေ့တန်းကစားသမားအဖြစ်အောင်မြင်သော ဘောလုံးသမားများအတွက်မူ အနားယူသင့်သည့်အရွယ်လည်းဖြစ်ပါသည်။ အသက်သုံးဆယ်သည် နှစ်စဉ် Medical Check-up ပုံမှန်လုပ်နေသင့်သော အရွယ်သို့ ဒလိမ့်ခေါက်ကွေး ၀င်ရောက်သွားခြင်းလည်းဖြစ်ပါသည်။ အမျိုးသမီးများအဖို့ ကလေးမွေးလျှင် အထူးစစ်ဆေးမှုများ လိုအပ်လာသော အသက်အရွယ်လည်းဖြစ်ပါသည်။ ဂေါတမနွယ်ဖွား ဗုဒ္ဒအတွက်တော့ ဒုက္ကရစရိယာ ပထမတစ်နှစ် ကျင့်အပြီးဖြစ်ပါသည်။ Jesus အတွက်တော့ တရားစဟောရမည့် ရက်စွဲများလည်းဖြစ်ပါလိမ့်မည်။ Thoreau ရဲ့ နာမည်ကျော်အဆိုအမိန့်တစ်ခုရှိပါသည်။

The boy gathers materials for a temple, and then when he is thirty, concludes to build a woodshed. ~Henry David Thoreau

လူငယ်လေးဟာ ကျောင်းတော်ကြီးဆောက်မယ်ဆိုပြီး ပစ္စည်းကိရိယာတွေစုဆောင်းတယ်။ သူ အသက်သုံးဆယ်ရောက်တော့ ထင်းတွေသိုလှောင်တဲ့ အဖီလေးပဲဆောက်တော့မယ်လို့ ဆုံးဖြတ်လိုက်သတဲ့။ အသက်သုံးဆယ်ဟာ ဆုံးဖြတ်ချက်တွေကို စပြီး လျှော့လေ့ရှိတဲ့အချိန်များလား။

Before thirty, men seek disease; after thirty, diseases seek men. ~Chinese Proverb

ဒီတရုတ်စကားပုံအရတော့ နောက်ထပ် ဆက်လက်ကစားရမည့် ဒုတိယပိုင်း နှစ်သုံးဆယ်တွင် ရောဂါပိုမို ထူပြောများပြားသဘောရှိသည်။ သို့သော် မိမိတစ်ယောက်တည်းတော့မဟုတ်။ သက်တူရွယ်တူများ တပြိုင်နက် အိုသွား၊ နာသွား၊သေသွားကြခြင်းဖြစ်၍ တက်ညီလက်ညီရှိလှသည်။ တစ်ယောက်တည်း ချော်လဲလျှင် နာကျင်ကြေကွဲစရာကောင်းသော်လည်း၊ တပျော်တပါး အုပ်စုလိုက်လဲကျလျှင်တော့ အကျနာသည့်တိုင်အောင် ရယ်စရာ၊ ပျော်စရာကိစ္စဖြစ်နေသလိုပင်ဖြစ်မည်ထင်သည်။ ကျက်သရေရှိစွာ အိုမင်းသွားသော အိုခြင်းတရားသည် အနည်းငယ်မျှပြဿနာမရှိပါ။

အသက်သုံးဆယ်ကစပြီး ဘယ်လို အလုပ်တွေပဲလုပ်တော့မယ်၊ ဘာညာ စိတ်မကူးထားမိပါ။ ဘ၀ကို အဆင်ပြေသလိုနေမည်။ စိတ်ချမ်းသာအောင်အရင်အတိုင်းပဲနေမည်။ ဘာမှထွေထွေထူးထူး လုပ်ရန်စိတ်ကူးမထားပါ။အသက်တစ်နှစ်ကြီးလာသည်မှာ အလန့်တကြားကိစ္စလည်းမဟုတ်လှပါ။ နောင်တလည်း ထူးထူးထွေထွေရမနေပါ။ အရင်လည်း ရလေ့မရှိပါ။ နောင်တရခြင်းများသည် ကြမ်းပြင်နှင့် အပေါ်ဆုံးထပ် နှစ်တစ်ရာစာမြင့်သော/ဝေးကွာသော တိုက်ပေါ်မှ သတ်သေရန် ခုန်ချခြင်းနှင့်တူသည်။ ရှည်လျားငြီးငွေ့ဖွယ် မိုက်မဲမှုဖြစ်သည်။

အသက် ၂၀ ကျော်တွင် ကျွန်တော်နှင့်ရဲရဲနီ ရခိုင်ပြည်နယ်မှ ကျေးရွာလေးတစ်ရွာကို သွားခဲ့ကြသည်။ ပင်လယ်ကမ်းစပ်တွင် မှောက်အိပ်နေသည့်ရွာကလေး။ လှိုင်းပုတ်သံနှင့် အိပ်စက်ရသော ဓလေ့ရှိသည့်ရွာငယ်လေးဖြစ်သည်။ ပိုက်ဆံဖြင့် ၀ယ်ယူစရာမရှိလှသောရွာလေးတစ်ရွာဆိုလည်းမမှားပေ။

ငါးသလောက် လတ်လတ်ဆတ်ဆတ်များကို တစ်နေ့စာတစ်နေ့ချက်ပြုတ်ကြသောရွာလေးတစ်ရွာဖြစ်သည်။ ထိုရွာလေးတွေင် ပင်လယ်ကြီးကို နာရီပေါင်းများစွာထိုင်ကြည့်ပြီး ဘ၀ဟာ ဒီလောက်ရိုးရှင်းခဲ့သင့်တာဟုတွေးခဲ့မိသည်။

ရွာလေးဆီမှ ပင်လယ်ရှုခင်းလှလှလေးကို ကျွန်တော်တို့နှစ်ယောက် ရင်ဘတ်ထဲထည့်ပြီး မွန်းကြပ်သော မြို့ပြတွင် ပြန်ပြန်ထုတ်ကြည့်ခဲ့ဖူးသည်။ ပင်လယ်သည် အသက်သုံးဆယ်အရွယ်တွင် လွမ်းစရာအကောင်းဆုံးရှုခင်းလည်းဖြစ်သည်။

ကမ္ဘာကျော် ကမ်းခြေများတွင်မရှိတော့သည့် သဘာဝတရားကို လွမ်းဆွတ်မိသည်။

ထိုရွာလေးတွင် တစ်နေ့တစ်နေ့ သုံးလေးမိုင် လမ်းလျှောက်ပြီး ကျောင်းတက်နေသည့် ကလေးများကိုတွေ့ခဲ့ရသည်။ ၁၀ စုနှစ်တစ်စုစာ ဝေးကွာနေပေမယ့် သဘာဝအတိုင်း လှနေတဲ့ပင်လယ်ကမ်းခြေမှ ရွာကလေးကို ကျွန်တော် ချစ်နေမိသည်။ မနက်ဖြန်အကြောင်း စဉ်းစားစရာနည်းပါးသော ရွာသားများဆီမှ ဘ၀နေနည်းတစ်ချို့ကို ဆယ်နှစ်ခန့်ကြာမှ နည်းနည်းရိပ်မိစပြုလာသည်။

အသက်သုံးဆယ်သည် ကလေးများနှင့်ပညာရေးကြားမှ မိုင်အရေအတွက်ကို ဒုတိယအကြိမ် ပြန်တွေးမိသောအချိန်လည်းဖြစ်လိမ့်မည်။ ထိုကလေးများသည် အဖိုးတန်မည်ဟုယူဆရသော ပညာကို ရှာဖွေခဲ့ကြသူများလည်းဖြစ်ခဲ့ပါသည်။ ပညာရေးသည် ကလေးငယ်များ မျှော်လင့်သလောက် ပြန်လည်ပေးအပ်နိုင်ခဲ့ပါရဲ့လား ကျွန်တော်တွေးနေမိသည်။ အသက်သုံးဆယ်သည် ကိုယ်နှင့်မဆိုင်လှဟုယူဆခဲ့သော ခြေထောက်သေးသေးလေးများကို နည်းနည်းပိုနားလည်လာသောအရွယ်လည်းဖြစ်ကောင်းဖြစ်လိမ့်မည်။

အသက်သုံးဆယ်အရွယ်သည် .......................................................

...............................................................................................................................

...........................................................................................................................................

။ ။

Regards,

Z

Thanks, bro yeyene for the cute design.

Peace B with U.