ခေါင်းစဉ်ကို ဖတ်ပြီး လင်းနို့လူသားနဲ့ရောသွားမှာစိုးပါတယ် ...။
ခိုင်မြဲကျော်စွာ ဆိုတဲ့ သူဟာ မြန်မာနိုင်ငံမှာ အချမ်းသာဆုံး ထိပ်သီးဆယ်ယောက်ထဲမှာ နံပါတ်တစ်ခုခုစွဲတဲ့သူမဟုတ်ပါဘူး ...။ ကဗျာဆရာပါ ...။ သူလိုကိုယ်လို ဝေဒနာတွေကိုပဲ ကဗျာနဲ့ စကားပြောနေတဲ့ ကဗျာဆရာပါ ...။ သူ့ရဲ့အေးအေးဆေးဆေးလမ်းဆိုတဲ့ ကဗျာစာအုပ်လေးကို ဖတ်နေတာ တော်တော်လေးကြာပါပြီ ....။ လင်းနို့ဆိုတဲ့ ကဗျာလေးကို သဘောကျပါတယ် .....။ ကြိုက်နှစ်သက်တဲ့ကဗျာတွေကို ကဗျာခံစားချက်ရေးလေ့ရှိပါတယ် ....။ တစ်ခြားသူတွေရေးထားတာလည်းဖတ်ရတဲ့အခါ စိတ်ချမ်းသာပါတယ် ....။ ကဗျာဆိုတာ စိတ်နဲ့ ပေါင်းကူးနေတဲ့ ဂီတတစ်မျိုးပါပဲ .....။
လင်းနို့ကဗျာကို သဘောကျတာကတော့ နိမိတ်ပုံလေးတွေကို သဘောကျတာပါ။ ကဗျာဆရာတစ်ချို့က နိမိတ်ပုံတွေကို ထိထိမိမိသုံးနိုင်တယ် ...။ တစ်ချို့ကဗျာဆရာတွေက စကားလုံးကျစ်လျစ်တယ်။ တစ်လုံးမှအပိုမပါသလို ကျစ်လျစ်နေတယ် ....။ အဲဒီလို ကဗျာတွေကို သဘောကျတယ် ...။ ကဗျာတစ်ချို့ကမလှပဘူး ....။ ကြေကွဲစွန်းထင်းနေတယ် ...။ သဘာဝကျကျ နာကျင်စရာတွေပြည့်နှက်နေတယ် ....။ တစ်ချို့ကဗျာတွေက အတွေးလေးတွေကလှနေတယ် .....။ ကဗျာဆရာရဲ့ အယူအဆတွေ ကွာခြားသလို ကဗျာအပေါ် အလင်းဖြည့်တာ ကွာသွားတယ်လို့ ထင်ပါတယ်။ ဒီကဗျာလေးကို ခြုံငုံသုံးသပ်ကြည်မိတာတော့ ... ရိုးရှင်းလှပတဲ့ ကျစ်ကျစ်လျစ်လျစ် ကဗျာတစ်ပုဒ်ပါ ....။ ပျော်စရာတော့သိပ်မကောင်းဘူး ....။ ဒါပေမယ့် ရသတစ်ခုခုခံစားရပါလိမ့်မယ် ...။
ကဗျာကို နည်းနည်းချင်း အတူတူဖတ်သွားရအောင် ....။
လင်းနို့
စကားလုံးက
အသက်ကို စွဲလောင်တယ်
တယ်လီဖုန်းခွက်ထဲ အငွေ့ တလူလူထွက်လို့။
ကဗျာဆရာက တွေ့တွေ့ချင်းဆောက်နဲ့ထွင်းသလို ... အပူတွေကို ဖွဲ့တယ်လို့ ခံစားရတယ် ....။
မျက်စိထဲမှာ သတင်းဆိုးစောင့်နားထောင်နေရတဲ့ လူတစ်ယောက်ကို မြင်လိုက်ရတယ် .....။ သေချင်စိတ်ပေါက်လောက်အောင် ပူလောင်တယ် ....။ သောက အပြင်းစားတွေရဲ့ လောင်မြိုက်မှု ....။ စိတ်ဆင်းရဲရတာ ပူလောင်တယ် .....။ တယ်လီဖုန်းထဲက အငွေ့တလူလူထွက်လို့ဆိုတဲ့ ကဗျာဆန်တဲ့ အသုံးအနှုန်းလေးက ကဗျာဆရာရဲ့ အပူတွေကို ပြနေသလို ... စကားလုံးက အသက်ကို စွဲလောင်တယ် ....ဆိုတာက အပူတွေရဲ့ ပြင်းအားကို ပိုပြီး Tempo မြှင့်လိုက်သလိုဖြစ်တယ်လို့ခံစားရတယ် .....။ ပထမပိုင်းမှာတင် အပူတွေက စိတ်ထဲကို ကူးစက်ဝင်ရောက်လာသလိုခံစားရတယ် ......။
သောကရောက်နေကြရတာဟာ ၂၁ ရာစုရဲ့ သင်္ကေတတစ်ခုလိုဖြစ်နေတော့ သူ့သောကဟာ ကိုယ့်သောကလိုပဲ ထင်သာမြင်သာရှိတယ် ....။ ကဗျာဆရာပြောချင်တဲ့သောကကို ကိုယ်ကြုံဖူးတဲ့သောကတစ်ခုခုနဲ့ အစားထိုးတွက်ကြည့်လိုက်လို့ရတယ် .....။
နောက်တစ်ခု သတိထားမိတာက အသံအသွားအလာက အပူသည်လိုမဖြစ်နေဘူး။ တရားရပြီးသားလူလိုလည်းမဟုတ်ဘူး ။ ကြုံနေကျ သောကတွေကို ဖောက်သည်ချပြီးပြောနိုင်သွားသလို ...ပြောနေတယ် ...။ဒါက ကဗျာဆရာဘက်က တရင်းတနှီးပြောတယ်ဆိုတာ သိသာတဲ့အချက်ပဲ ....။ သူ့သောကကို သူပုံကြီးမချဲ့ဘူး။ သူခံစားနာကျင်ရတာကို သူ့ဘာသာသူကြိတ်မခံစားတော့ဘူး ...။ ကြုံခဲ့တဲ့လောကဓံကို သွေးအေးအေး ပြောပြနေတယ် ...။ ဒါက လူသားသိပ်ဆန်တဲ့ သဘောပါပဲ ....။ ကျွန်တော်တို့အားလုံး တစ်ချိန်က ဒဏ်ရာတွေအကြောင်း ရယ်ကာမောကာပြန်ပြောတဲ့ အထာမျိုးနဲ့ သာသာယာယာလေးပြောနေတာပဲ ....။
လွန်ခဲ့တဲ့ ဆယ့်ငါးရက်တုန်းက
အင်္ကျီ ကြယ်သီးတပ်ပေးခဲ့တဲ့လက်
အခု
ဒီနေရာလေးမှာ ခဏလေးရပ်ပြီးပြောချင်တယ် ...။ ကဗျာဆရာက
လွန်ခဲ့တဲ့ ဆယ့်ငါးရက်က အင်္ကျီကြယ်သီးတပ်ပေးခဲ့တဲ့လက်တဲ့ .....။ ဘာမှမထူးဆန်းဘူးနော် ..။ ဒါပေမယ့် ရင်းနှီးမှုကို ပြတယ် ...။ချစ်ခင်မှုကိုပြတယ် ....။ ပြီးတော့ အခု ဆိုပြီးနောက်တစ်လိုင်းကို ဆင်းတယ် ....။ တစ်ချို့ကဗျာတွေမှာ မလိုအပ်ဘဲ တစ်လိုင်းဆင်းလို့ ရသတန်ဖိုးလျော့သွားသလို ကဗျာရဲ့ rhythm နဲ့ flow ကိုထိခိုက်သွားတယ် ...။ အခုတော့ ကဗျာဆရာက တိတိကျကျ ဖြတ်ချထားလိုက်တယ် ...။ သူ့ရဲ့အခုကို ရင်လေးလိုက်တာ ....။ ဒီလို အခုဆိုတာမျိုးတွေ ခဏခဏ ကြုံခဲ့ကြမှာပါ ....။ အရင်နဲ့အခု မတူတော့တဲ့ အပြောင်းအလဲ ...။ ကြေကွဲစရာတွေပဲ ဖြစ်ဖို့များတယ် .....။ ကဗျာကို နည်းနည်းချင်း အရသာခံဖတ်ကြည့် ...။ သိပ်အလောတကြီး မလုပ်လိုက်နဲ့ ...။ ကဗျာဆရာပေးချင်တဲ့ရသလေးတစ်ခုစီကို ခံစားကြည့် ....။သိပ်အရသာရှိတယ် ....။ ကဗျာကို တကယ်နားလည်တဲ့သူတွေကို ဆရာမလုပ်ပါဘူး။ ကဗျာ ကို ကောင်းကောင်းနားလည်ချင်တဲ့သူတွေအတွက်ပါ ....။ ကိုယ်တိုင်လည်း ပါမွှားပါ ...။ ကဗျာကောင်းကောင်းမရေးတတ်သေးဘူး ...။ ဒါပေမယ့် ကဗျာကောင်းလေးတွေ သဘောကျလို့ ... share တာပါ။ ... အခုဆိုတဲ့နေရာမှာရပ်လိုက်ရာကနေ ဆက်ပြောမယ့် စကားကို ဖတ်ကြည့်ကြရအောင်
ဂက်စ်မီးဖိုပေါ် ချစ်ခြင်းမေတ္တာကို တင်တယ်
ဒီစကားလုံးက သဘာဝဆန်တဲ့ ပြကွက်တစ်ခုပဲဆိုတာမြင်သာပါတယ် ...။ ဂက်စ်မီးဖိုပေါ်တင်တယ် ...။ မီးကင်တယ် ...။ မီးနဲ့ရှို့တယ် ...။ ချက်ပြုတ်တယ် ....။ နွေးစားတယ် ...လောင်မြှိုက်တယ် ...။ အဲဒီအပူတွေနဲ့ ချစ်ခြင်းမေတ္တာကို ရှို့ပစ်လိုက်တယ် ....။ ချစ်ခြင်းမေတ္တာကို မီးရှို့ပစ်လိုက်ပြီ .....။ .... ဒါလည်း Symbol တစ်ခုပဲ ... ဘယ်လို ဥပမာ အလင်္ကာမြောက်သလဲ .. ဘယ်လို .. ဂုဏ်မြောက်သလဲဆိုတာတွေထက် .. ကဗျာက Symbol တစ်ခုကို ပြလိုက်တယ် ...။ ဥပမာ ... လမ်းမှာ လူတစ်ယောက်ပုံကို ကြက်ခြေခတ်ပြထားလိုက်ရင် လမ်းမကူးရဖြစ်သွားသလို ...။ အခန်းရှေ့မှာ အမျိုးသမီးပုံနဲ့ အမျိုးသားပုံပြထားရင် အိမ်သာ ...။ ကင်မရာကို ကြက်ခြေခတ်ပြလိုက်ရင် ဓာတ်ပုံမရိုက်ရ ...။ လူတစ်ယောက်ပြုတ်ကျနေတယ်ဆိုရင် ချော်လဲတတ်သည်။ အရိုးခေါင်းမှာ လက်ဖျံနှစ်ချောင်းနဲ့ဆိုရင် Danger ...။တုတ်ချောင်းနှစ်ခုကို ကြက်ခြေခတ်ထားလိုက်ရင် လက်ဝါးကားတိုင်၊ ဖန်ခွက်ပုံလေးဆို ကွဲရှနိုင်သည်။ ... သင်္ကေတတွေက စကားလုံးတွေထက် အားကောင်းပါတယ်ဆိုတာကိုပြောချင်တာပါ။ သင်္ကေတတွေအသုံးများတဲ့ ကမ်းရိုးတန်းငန်းရိုင်းဆိုတဲ့ ၀တ္ဘုတိုလေးတွေကို ပြန်ပြီးသတိရမိသွားတယ် ...။ သင်္ကေတတွေကို ကဗျာထဲမှာ၊ စာထဲမှာ ပိုင်ပိုင်နိုင်နိုင်ထည့်သုံးလိုက်တဲ့အခါ ပစ်မှတ်ကို ရောက်တယ်လို့ခံစားရတယ် ....။ စာကြောင်းတွေအားလုံးဟာ အခုအထိ တစ်ယောက်တည်းပြောနေတာ ....။ ခေတ်ပေါ်ကဗျာထဲမှာ နည်းပညာကို သိပ်အသားမပေးတဲ့ကဗျာလို့ယူဆပါတယ် ...။ တစ်ချို့ကဗျာတွေမှာအသံတွေကို Multiple Dimensions ထဲမှာဖွဲ့တယ် ...။တကယ့်လောက ပိုဆန်လာတယ် ...။ကဗျာဆရာတစ်ယောက်တည်းမဟုတ်တော့ဘဲ အသိုင်းအ၀ိုင်းပါပါလာပါတယ် ...။ ကဗျာရဲ့ သီးခြားဖြစ်တည်မှုကိုဖျက်ပစ်လိုက်တယ် ...။ ကဗျာဟာ ပိုပြီး Active ဖြစ်လာတယ်။ ကဗျာကို ရုပ်တည်နဲ့မုန့်တည်မသောက်ခိုင်းတော့ဘဲ ... ကဗျာကို Hip Hop သမားရော၊ လမ်းဘေးကလူရော၊ ကဗျာဆရာရော ငြင်းခုန်စည်ဝေနေတဲ့အသွင် ဖြစ်လာတယ် ...။ ကဗျာဟာ ဆက်လက်ပေါက်ကွဲထွက်လာတယ် ....။ အဲဒါက စာပေအယူအဆအရ နှိုင်းယှဉ်တာပါ ...။ အခု ခိုင်မြဲကျော်စွာကဗျာမှာတော့ ဒါမျိုးတွေမပါပါဘူး။ ... သဘာဝကျတဲ့ သင်္ကေတတစ်ခုပြီးတစ်ခုပါတယ် ...။ ဒါပေမယ့် တကယ်တမ်း ကဗျာရဲ့ပြင်းအားကို တိုင်းတာကြည့်မယ်ဆိုရင် အဲဒီ ရိုးရိုးသင်္ကေတတွေရဲ့ ပြင်းအားဟာ အသံတွေစုံတဲ့ ပေါက်ကွဲထွက်မှုထက် မလျော့တာကို ခံစားလို့ရမှာပါ။ အရိုးရှင်းဆုံးဥပမာပေးရရင်ဗျာ .. Clustered bomb လို ကဗျာနဲ့ အနုမြူဗုံးလို ကဗျာပေါ့ ....။ Clustered Bomb က တစ်ခုပြီးတစ်ခု၊ ပေါက်ကွဲထွက်တယ် ...။ Bombကိုယ်တိုင်မှာက ဗုံးသေးသေးလေးတွေနဲ့ဖွဲ့စည်းထားတာ။ Atom Bomb ကကြတော့ တစ်ခါပဲပေါက်တယ် ။ ဒါပေမယ့် သူ့ရဲ့ rays တွေကြောင့် လေထုထဲမှာ ပေါက်ကွဲမှုတွေဆက်ဖြစ်သွားတယ် ...။ Atom bomb မှာ ပေါက်ကွဲစရာအများကြီးတစ်ခါတည်းပါမလာပေမယ့်ဆက်လက်ပေါက်ကွဲဖို့ လှုံ့ဆော်နိုင်တယ် ...။ တစ်ချို့ကဗျာတွေက တစ်ကြိမ်ပဲ သူ့ဘာသာသူဖောက်ခွဲလိုက်ပြီး ကိုယ့်စိတ်ထဲမှာ ဆက်လက် ကျယ်ပြန့်သွားတယ် ...။ တစ်ချို့ကဗျာတွေက အဲဒီပေါက်ကွဲမှုကို ကဗျာထဲမှာ ထည့်သွင်းဖို့ကြိုးစားတယ်....။ အရိုးဆုံးကဗျာလေးတစ်ပုဒ်ကနေ အဆန်းသစ်ဆုံးကဗျာအထိ စိတ်ထဲကို တိုးဝင်ဖို့ကြိုးစားထားတာကိုတွေ့ရလိမ့်မယ်။
ကဗျာကို ပြန်ကောက်ရရင် ချစ်ခြင်းမေတ္တာကို မီးဖိုပေါ်မှာတွေ့နေရပြီ ....။ တကယ်လို့ စိတ်ခံစားလွယ်ရင် ဒီနေရာမှာ မျက်ရည်လေးဘာလေးစို့လို့ရပြီ .....။ ကဗျာကို အစကနေ ဒီအထိပြန်ဖတ်လိုက်ရင်.... တော်တော်လေးအရှိန်မြင့်လာပြီလို့ သိသာပါတယ်။
နောက်တစ်ကြောင်းကိုဆက်ဖတ်ကြည့်ကြမယ် ...။
ကျွန်မဆံပင်တိုတိုဖြတ်လိုက်ပြီ
နေ့မြင်ညပျောက် ကိလေသာအနမ်းကို ဖြတ်လိုက်ပြီ
ဒါက ကဗျာဆရာ ကြားရတာ။ သူ့ကို တစ်ယောက်ယောက်ကပြောတာကိုရေးပြနေတာ။
တယ်လီဖုန်းထဲက ကြားရတာဖြစ်နိုင်တယ်။ Graham Bell ကို ပါ သူဆဲမိသွားသေးလားမသိဘူး။ ကမ္ဘာဦးမှာလို မဟုတ်တော့ဘူး။ ချစ်သူချင်းလမ်းခွဲဖို့ဆိုပြီး ကံတရားဆိုတဲ့ ငနဲကြီးက နေရာတကာ လမ်းဆုံလမ်းခွတွေလာလာလုပ်နေတာခက်တယ် ...။ ဒီအချိန်မှာတော့ ဆန်ဆုံနွား ..ကံကုန်သွား .. မလုပ်နိုင်သေးဘူး။ မဖြေသာဘူး။ အသံတွေအက်အက်နဲ့ပြောနေတယ်လို့တော့မထင်ပါဘူး...။ တစ်ဖက်လူက ပြောပုံက ပေါ့ပေါ့ပါးပါးပဲ ...။ ဆံပင်တိုတိုဖြတ်လိုက်ပြီ ဆိုတာကို ကြည့် ...။ အရင်က အရှည်လေးထားမယ်လို့ပြောခဲ့တဲ့ တစ်ယောက်ဖြစ်နိုင်တယ် ...။ ပါးပါးလေးပြောသွားတယ်...။ နောက်တစ်ကြောင်းက ပိုတောင် ပေါ့ပျက်ပျက်နိုင်တယ် ...။ နေ့မြင်ညပျောက် ကိလေသာအနမ်းကို ဖြတ်လိုက်ပြီ ....တဲ့ ...။ ပေါ့ပေါ့လေးပြောသွားပေမယ့် ကဗျာဆရာရဲ့ရင်ဘတ်ထဲထိသွားမှာအသေအချာပေါ့ ....။ ... .... နေ့မြင်ညပျောက် ကိလေသာအနမ်းတဲ့ ...၊ ရုတ်တရတ်ကြီး နှလုံးသွင်းမှန်သွားလို့ သာဓုတောင် ခေါ်မိမလိုဖြစ်သွားစရာကောင်းတယ် ....။ .... ကျွန်တော်တို့တွေဟာ လူပီသလွန်းတော့ ကဗျာဆရာရုပ်ကိုတောင်ခန့်မှန်းမိသွားသေးတယ်။ .... တစစီကြေကွဲဖို့ အသင့်ဖြစ်နေတဲ့နေလောင်ပန်းတစ်ပွင့်ဟာ ကြွေလွင့်ခြင်းတွေကို ခေါင်းလောင်းသံလို တစ်ချက်စီထိုးပြီး ...လဲပြိုဖို့ ..... ဖျော့တော့နေသလို .... ခွန်အားမဲ့နေတဲ့ ကဗျာဆရာပုံစံကိုမြင်လာရတယ် .....။ အသည်းကွဲသမားတွေရဲ့ သင်္ကေတမှာ နှလုံးသားအပဲ့နဲ့ ကဗျာဆရာတစ်ယောက် တဖြည်းဖြည်းရုပ်လုံးကြွလာတယ် ....။ ... ကြေကွဲသွားတဲ့ ကဗျာဆရာ ဘာလုပ်မယ်လို့ထင်မိပါသလဲ ...။ သိပ်ကို သေချာတာပေါ့ ...သူလွမ်းလိမ့်မယ် ...။
မိုးဥတုလို့ပြောတာပဲ
ငါမစိုက်တဲ့ မြက်ရိုင်းတွေ
ငါ့ရင်ထဲရှည်ပေါ့။
ကဗျာဆရာကတော့ အလွမ်းကို ကဗျာ ကဗျာဆန်ပစ်လိုက်တယ် ။ .... အလွမ်းတွေက ရင်ထဲက မြက်ရိုင်းတွေပဲ ...။အခုအချိန်ဟာ မိုးရာသီပဲလား ...။ အသည်းကွဲနေတဲ့သူတွေ ဒီနေရာလေးကို ပဲ အခါ တစ်ရာတစ်ရာ ရွတ်နေဖို့ကောင်းတယ်။ .... သိပ်ပေါ်လွင်နေတယ် ။ ကြေကွဲနေပါတယ်လို့ တစ်လုံးမှမပါဘဲ ကြေကွဲနေရှာတယ်။ ကဗျာဆရာတွေကပဲ ပိုကြေကွဲတတ်သလားလို့တွေးမိပါတယ်။ ဒီနေရာမှာ ကဗျာရဲ့အသွားအလာကိုပဲပြောချင်ပါတယ်။ စိတ်ခံစားချက်တွေကို နည်းနည်းလစ်လျူရှုကြရအောင်ပါ။ ဒီနေရာမှာလည်း နိမိတ်ပုံကို အားပြုသွားတာတွေ့ရမှာပါ။ မိုးရာသီနဲ့မြက်ရိုင်းတွေဟာအားကောင်းတဲ့ နိမိတ်ပုံတွေပါ ....။ စိတ်ထဲမှာ မြင်သာထင်သာရှိတဲ့ အလွမ်းလို့ခံစားရပါတယ်။
အသည်းမကွဲဖူးတဲ့သူတွေ အတွက် နည်းနည်း ကြိုပြီး ရှင်းထားရပါဦးမယ်။ အသည်းဆိုတာ မကွဲတတ်တဲ့ ကြွက်သားတွေနဲ့ တည်ဆောက်ထားတာဆိုတဲ့ ဆရာဝန်အပါအ၀င် ပေါ့ ...။ အသည်းကွဲတယ်ဆိုတာ အုံ့မှိုင်းတဲ့သဘောပါတယ်။ နာကျင်တဲ့သဘောပါတယ်။ စိတ်နဲ့ကိုယ်နဲ့လွတ်နေသလိုဖြစ်နေတယ်။ နေတွေပူတာတွေဘာတွေ မေ့သွားတယ်။ အလွမ်းသီချင်းတွေက စိတ်ထဲကို ပျော်ဝင်စီးကျလာတယ်။ မှန်ထဲမှာ တွေ့ရတဲ့သူဟာ မရယ်တတ်၊မပြုံးတတ် ဆွေနီးမျိုးစပ်တစ်ယောက် ဆုံးသွားသလို မျက်နှာမျိုးဖြစ်နေတတ်တယ်။ ထင်တာထက်လည်း နည်းနည်းပိုပြီး ခံစားရတယ်။ ကိုယ်တစ်ယောက်ထဲ ကွက်ပြီးနေကြတ်တာ မြင်ရသလိုလို့လည်းပြောနိုင်တယ်။ ရိပ်သာကနေ အိမ်ပြန်ရောက်စမှာ အထာမကျသလို အံဝင်ဂွင်ကျမဖြစ်ဘူးဖြစ်နေတယ်။ အရင်က ဆိုက်ကားလို ဘေးတွဲနဲ့ကနေ ခေတ်မကောင်းလို့ ဘေးတွဲဖြုတ်ရောင်းပြီး စက်ဘီးနဲ့တစ်ယောက်တည်းသွားရသလိုခံစားရနိုင်တယ်။ .. ဘယ်ဘက်လက်ဟာ ကျွန်ပိုင်ရှင်စနစ်ဖျက်သိမ်းထားတဲ့ ငြိမ်းချမ်းရေး ဆုတံဆိပ်လို ... ရုတ်တရက်ရလာတဲ့ ငြိမ်းချမ်းရေးကို ရုတ်တရက်နားမလည်သေးသလိုဖြစ်တယ်။ ရုတ်တရတ် မိုင်းနင်းမိပြီး နိုးလာတော့ ခြေထောက်တွေမရှိမှန်း အာရုံသိနဲ့ သိပြီး လန့်ဖြန့်သွားသလို .. စသဖြင့် .. ခံစားရတတ်ကြောင်း နားလည်ပြီဆိုရင်နောက်တစ်ပိုဒ် ဆက်ဖတ်ကြရအောင်ဗျာ ....။
ဖြတ်သွားဖြတ်လာကားတစ်စီး ဘရိတ်မြည်သံကြားလဲ
အတွေးထဲ
ခန္ဓာကိုယ်ကြီးဘရိတ်မမိတော့ဘူး။
ဟဲဟဲ ..မြွေမြွေချင်းခြေမြင်မယ်ဆိုရင် သူ့မှာလည်း အသည်းကွဲလို့ပါလားဆိုတာမြင်ရမယ်ထင်တယ်။ ....။ ကားလမ်းပေါ်များ တက်လျှောက်မိနေသလားမသိဘူး။ ပြောလို့မရဘူးလေ ....။ သူ့အဖြစ်ကို မြင်ရတဲ့အခါ .... တိုက်ဆိုင်သူများ ကိုယ့်အဖြစ်ကိုယ်မြင်ကြပါလိမ့်မယ်။ ဆိတ်သားpuffလေး စားရင်း ကဗျာက အရသာရှိလိုက်တာလို့ပြောရတာထက်၊ သူ့အဖြစ်ကို စိတ်က တစ်ချက်ချင်း စကင်န်ဖတ်သလို ဖတ်ရင်း ကဗျာနဲ့အတူ ရွေ့မျောစီးဆင်းလိုက်ပါ သွားရတာ ပိုပြီးအရသာရှိပါတယ်။ ကဗျာဆရာ ကြေကွဲနေပြီ။ ကဗျာဆရာလွမ်းနေပြီ။ ဒီနေရာမှာ ကဗျာဆရာက သင့်အကြောင်းရေးနေတယ်လို့ တွေးကြည့်ပါ။ ဒါဆို သင် ကြေကွဲနေပြီ၊ သင်လွမ်းဆွတ်နေပြီ။ အဲဒီအချိန်တုန်းက သင် တစ်နေ့ကို ကော်ဖီဘယ်နှခွက်သောက်သလဲ။ နှလုံးသားထဲမှာ လည်တဲ့ ပဋိစ္စသမုပ္ပါဒ် ဆိုတဲ့ ကဗျာကိုများ သင်ရေးသေးသလား။ စသည်ဖြင့် တောင်စဉ်ရေမရ ဆက်တွေးကြည့်ပါ။ ....
ကဗျာဆရာက ဆက်ပြောပြတယ်။ သူ့အဖြစ်ကို ...။
ဘ၀မြေပုံရှေ့ချ
ဆဌမနံရိုးနဲ့
သံလမ်းဖောက်ရမယ်ထင်တယ်။
ဒီစကားလုံးလေးက မလှဘူးလား။ နံရိုးနဲ့သံလမ်းဖောက်ရမယ်ဆိုတာလေး ...။ တော်တော်တွေးယူထားတယ်ဆိုတာသိသာပါတယ်။ ဘ၀ကို ခဲရာခက်ဆစ်ရင်ဆိုင်ရတော့မယ်လို့ အကြမ်းဖျင်းနားလည်မိတယ်။ ကဗျာဆရာက ဒီထက်မက ပြောချင်ပုံရပါတယ်။ ကျွန်တော့်အတွက်တော့ ဆဌမနံရိုးနဲ့နေရာက နှလုံးသား အောက်နားမှာကပ်ပြီးရှိနေတယ်ဆိုတော့ ... ဒီနံရိုးနဲ့ တူးလိုက်ရရင် သံလမ်းတွေ မြန်မြန်ပြီးသွားစရာရှိတယ် ....။ ဘယ်သူပြောနိုင်မှာလည်း ဒါတွေရေးနေတာလည်း Zephyr တစ်ယောက် သံလမ်းဖောက်နေတာမဟုတ်ဘူးလို့ ....။ ဟဲဟဲ .... စကားအဖြစ်ပြောတာပါ ....။
နောင်တစ်ခုက နောင်တပါ ...။ ကြေကွဲပြီးရင်နောင်တရတယ်။ အမှန်တော့ ကုက္ကုစ္စကိုပြောတာပါ။
တရားသံထွက်တယ်လို့မပြောပါနဲ့။ ဒီလိုပါ ... နောင်တဆိုတာက မှားတာကိုသိပြီး အမှန်ပြင်ဖို့ နှလုံးသွင်းတာကို နောင်တလို့ခေါ်ပါတယ်။ နောင်တရပြီး ထပ်မှားတယ်ဆိုတာမရှိပါဘူး။ မင်္ဂလာဆောင်မိတာကို နောင်တအကြိမ်ကြိမ်ရတယ်လို့ပြောရင် ... အဲဒီလူဟာခဏခဏ မင်္ဂလာဆောင်နေတယ်လို့ ယူဆစရာရှိပါတယ်။ နောင်တဆိုတာ အမှန်ပြင်မယ့်လူတွေအတွက် စကားပါ။ ကုက္ကုစ္စကတော့ အရင်က အမှားကို မှားခဲ့လေခြင်း လို့ပူဆွေးတာပါ။ ပြင်ဖို့စိတ်မကူးပါဘူး။ လှန်တွေးပြီး ပြန်ဆွေးတယ်လို့ပြောသင့်ပါတယ်။ အတိတ်ကို လှန်တွေးတာပါ။ တစ်မျိုးမထင်ပါနဲ့။ အပြင်မှာ ကျွန်တော်တို့ပြောနေတဲ့နောင်တဟာ ကုက္ကုစ္စပါ ...။ လွမ်းတယ် ... ကြေကွဲတယ် .. နောင်တရတယ် .. အဲဒီလိုပဲစကားအဖြစ် ပြောလိုက်တာပါ။ ကဗျာဆရာရဲ့နောင်တတွေကို ဖတ်ကြည့်ကြရအောင်။
ဘားပလက်ကျွေးထားတဲ့ နှင်းဆီပွင့်လို
မျှော်လင့်ချက်ကို ပုံနှိပ်ထားလိုက်ချင်ပါရဲ့
.... မျှော်လင့်လို့ရရင်မျှော်လင့်ချင်ပါရဲ့ ဆိုတော့ မျှော်လင့်လို့မရတော့ဘူးလို့ဆိုလိုတယ် ။ အဲဒီတော့ မျှော်လင့်လို့တော့မရဘူး .. ရမယ့်ရ နောင်တပဲရစရာရှိတယ်လို့ခံစားမိတယ်။ ကဗျာဆရာက နှလုံးသွင်းမှန်ဖို့ကြိုးစားနေတာ ...။ သူ့အခြေအနေကို သူသိတယ်။ နောင်တရတယ်။ နောင်တရတယ်။ နောင်တတဖန်ပူပန်ခြင်း(ကုက္ကုစ္စ) ဖြစ်မိတယ် ....။ ဒါပေမယ့် ... ကိုယ်လျှောက်ရမယ့်လမ်းကို ကိုယ်သိနေပြီ ....။
ကဗျာဆရာ တစ်ခုခုကိုထပ်ပြောမယ်လို့ သေချာနေမိတယ်။ သူဘာကို ပြောချင်သေးသလဲ ။
လရောင်ကို
ထောင်ဖမ်းလို့ရပါသလား
လူ့ဘ၀က လရောင်ဆိုရင်
ငါက
လင်းနို့တစ်ကောင်လို ဇောက်ထိုးပျော်ခဲ့သူ
ပြောရတော့မယ် ...။
သိပ်လှတဲ့ ဇာတ်သိမ်းခန်းလေးလို့နားလည်မိတယ်။ ကဗျာဆရာရဲ့ ကဗျာကို ခုတ်ထစ်ပြီးပြောလာတာ အခုဇာတ်သိမ်းလေးကိုတော့ မခုတ်ထစ်တော့ပါဘူး ...။ ရှင်းနေစရာမလိုအောင်ပြီးပြည့်စုံပါတယ်။ ညီညွတ်မျှတတဲ့ကောက်ချက်တစ်ခု။ ကဗျာဆရာရဲ့ သဘောထား၊ နှလုံးသွင်းတရား ..... ။ အဲဒါဟာ ကဗျာကပေးတဲ့ message တစ်ခုပါ.... သင့်ဆီကို ဆိုက်ဆိုက်မြိုက်မြိုက်ရောက်သွားမယ်လို့ သေချာနေမိပါတယ်။ လင်းနို့တွေကို တွေ့ရတဲ့အခါ .... အဓိပ္ပာယ်အသစ်တစ်ခုနဲ့ မြင်နိုင်အောင် ကဗျာဆရာကဖန်တီးသွားနိုင်ခဲ့ပြီလို့နားလည်မိပါတယ်။
ဘယ်လိုလဲ၊ သင်ကရောလင်းနို့တစ်ကောင်လို ဇောက်ထိုးပျော်ခဲ့သူ တစ်ယောက်ပဲလား .....။
တစ်ခါတစ်လေ လရောင်တွေကို သူ့ဘာသာ လင်းနေဖို့ ...ဖမ်းဆီးချင်စိတ်ကိုပဲ ဖမ်းဆီးပစ်လိုက်ရတယ် ...။ ။
လင်းနို့
စကားလုံးက
အသက်ကို စွဲလောင်တယ်
တယ်လီဖုန်းခွက်ထဲ အငွေ့ တလူလူထွက်လို့။
လွန်ခဲ့တဲ့ ဆယ့်ငါးရက်တုန်းက
အင်္ကျှီ ကြယ်သီးတပ်ပေးခဲ့တဲ့လက်
အခု
ဂက်စ်မီးဖိုပေါ် ချစ်ခြင်းမေတ္တာကို တင်တယ်
ကျွန်မဆံပင်တိုတိုဖြတ်လိုက်ပြီ
နေ့မြင်ညပျောက် ကိလေသာအနမ်းကို ဖြတ်လိုက်ပြီ
မိုးဥတုလို့ပြောတာပဲ
ငါမစိုက်တဲ့ မြက်ရိုင်းတွေ
ငါ့ရင်ထဲရှည်ပေါ့။
ဖြတ်သွားဖြတ်လာကားတစ်စီး ဘရိတ်မြည်သံကြားလဲ
အတွေးထဲ
ခန္ဓာကိုယ်ကြီးဘရိတ်မမိတော့ဘူး။
ဘ၀မြေပုံရှေ့ချ
ဆဌမနံရိုးနဲ့
သံလမ်းဖောက်ရမယ်ထင်တယ်။
ဘားပလက်ကျွေးထားတဲ့ နှင်းဆီပွင့်လို
မျှော်လင့်ချက်ကို ပုံနှိပ်ထားလိုက်ချင်ပါရဲ့
လရောင်ကို
ထောင်ဖမ်းလို့ရပါသလား
လူ့ဘ၀က လရောင်ဆိုရင်
ငါက
လင်းနို့တစ်ကောင်လို ဇောက်ထိုးပျော်ခဲ့သူ
ပြောရတော့မယ် ...။
ခိုင်မြဲကျော်စွာ
ချယ်ရီမဂ္ဂဇင်း ၂၀၀၅
။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။
Banner ပြောင်းထားပါသည်။
Bannerက မလေးရှားရောက် Designer ကိုမျိုးရဲ့ ဒီဇိုင်းပါ ....။
Christmas နားနီးလာလို့ Christmas Banner လေးတင်လိုက်တာပါ...။
ဒီဇိုင်နာအား ကျေးဇူးတင်ရှိပါကြောင်း ...။ ။
Notes:
ကဗျာစာအုပ်ပို့ပေးတဲ့ မိခင်ကြီးအား ကျေးဇူးဆပ်သောအားဖြင့် ကဗျာခံစားချက်ကို ရေးလိုက်တာပါ။
ကဗျာတစ်ပုဒ်ကို ကိုယ်ခံစားရတာလောက်လေးနဲ့ ကန့်သတ်လိုက်တာမျိုးမဟုတ်ပါဘူး။ ဒီလိုနားလည်မိတယ်ဆိုတာလောက်ပြောပြတာပါ။
ကဗျာဆိုတာက အနုပညာပစ္စည်းဖြစ်တဲ့အတွက် ... တန်ဖိုးဖြတ်သလိုပြောလို့မရပါဘူး ....။ အခုကဗျာကို စိတ်နဲ့ ဖမ်းကြည့်တာ ဒီလောက်ပဲမိတဲ့အတွက် ဒီလောက်ပဲရေးနိုင်ပါတယ်။ ကိုယ်တိုင်လည်း သေချာဖတ်ကြည့်ပါဦး ....။ ပိုပြီးအရသာရှိပါလိမ့်မယ်။
Oppose those who are shouting Art's for Blah_blah's sake instead of art's sake......!!!!
Peace B with U.
