နှာစေးနေသောယုန်များစုဝေးနေထိုင်ရာမှ .... နှာစေးနေသော ယဉ်ကျေးမှုထွန်ကားလာခြင်း။

နှာစေးနေသောယုန်များစုဝေးနေထိုင်ရာမှ .... နှာစေးနေသော ယဉ်ကျေးမှုထွန်ကားလာခြင်း။

ယဉ်ကျေးမှုဆိုတာကတော့ လူတွေလုပ်ထားတာမှန်းတော်တော်လေးသေချာနေသည်။

ထိုအယူသည် ကျွန်ုပ် အကောက်အယူလွဲရာမှ စတင်ပြီး ယုံကြည်စရာကောင်းလာခဲ့ခြင်းဖြစ်ဟန်တူသည်။

ပထမဆုံး အမြင်ကတ်မိသည်မှာ ပရိုင်းမိတ်များဖြစ်သည်။ သစ်ပင်ပေါ်တွင် အေးအေးဆေးဆေး နေနိုင်ရက်သားနှင့် လမ်းလျှောက်ရန်ကြိုးစားခဲ့၍ဖြစ်သည်။ ပရိုင်းမိတ်နှင့်မျောက် မကွဲသူများအတွက် နည်းနည်းရှင်းပြလိုပါသည်။ ပရိုင်းမိတ်များသည်မျောက်မဟုတ်ပါ။ လူဖြစ်လာမည့် လူခါနီး သတ္တ၀ါများသာဖြစ်သည်။ တိရစ္ဆာန်ရုံမှ မျောက်တစ်ကောင် လူဖြစ်သွားလေမလား ဆိုသည်မှာ အတော်လေးရူးသော မေးခွန်းဖြစ်ပါသည်။ ... နိုင်ငံရေးနှင့် အုပ်ချုပ်သူလူတန်းစား အယူအဆလောက်နီးနီး ရူးသည်ဟု ထင်မိသည်။ မျောက်သည်မျောက်ပဲဖြစ်သည်။ နောက် နှစ်ပေါင်း နှစ်သန်းခြောက်သောင်းကြာသည့်တိုင် မျောက်သည် ဆော့ခရေတ္တိမဖြစ်လာနိုင်ပါ။ ... လူနားတွင်နေထိုင်သောမျောက်များသည်ပင်လျှင် စာရေးစာဖတ်တတ်လာရန်မဖြစ်နိုင်ပါ။ ထို့ကြောင့် အစဉ်အလာများသည် သတ်မှတ်ထားရှိပြီးသား နိယာမ တရားဖြစ်လာတတ်သည်။ မျောက်တစ်ကောင် အလွန်ဆုံးဖြစ်လာနိုင်သည်မှာ လူရိပ်လူကဲနားလည်သော မျောက်တစ်ကောင်မျှသာဖြစ်သည်။

Evolution ၏ ဖခင်ကြီးမှာ ဒါဝင်ဖြစ်သည်ဟုဆိုလျှင် ဒါဝင် ၀ါဒကိုလည်း နည်းနည်းလေးနားလည်ရန်လိုသည်။ ဒါဝင်သည် ဆင့်ကဲဖြစ်စဉ်ကို လက်ခံသည့်အတွက် ထာဝရဘုရားဝါဒကို လက်ခံ၍မရသည့် သိပ္ပံ အယူဝါဒဘက်သို့ခြေစုံပစ်ဝင်လိုက်သည်။ ထာဝရ ဘုရား၏ မုတ်ဆိတ်ဖြူများကို မီးနဲ့ရှို့ခဲ့သည်ဟု ဆိုနိုင်သည်။ ဒါဝင်၏ အယူအရဆိုလျှင် ထာဝရဘုရားဖြစ်လာမည့် ပရိုင်းမိတ်တစ်ခုကို ရှာတွေ့မှ ထာဝရဘုရားရှိနိုင်မည်ဖြစ်သည်။ တွေ့ရှိသမျှ အရိုးများတွင်လည်း ဒိုင်နိုဆောလောက် အရပ်ရှည်သူများမတွေ့ရသေးပါ။ ထို့ကြောင့် အသက်ရှည်ရာမှ တိုလာ၊ အရပ်ရှည်ရာမှာ ပုလာသော ကျမ်းများ၏ အဆိုသည်လည်း ဒါဝင်နှင့်မဖြစ်ပါ။ သက်တစ်သောင်းတမ်းမှ လူ၏ နှလုံးသည် သက်တစ်သောင်းတမ်းလုံးခုန်နေနိုင်ရန် သံမဏိအမာစားဖြင့် လုပ်ထားရန်လိုသည်။ ထိုကြောင့် အနည်းငယ်သော ဗဟုသုတသည် အန္တရာယ်ကြီးပါသည်။ အထူးသဖြင့် မျောက်တစ်ကောင်အတွက် ပြို့ပီးအန္တရာယ်ကြီးပါသည်။

သူတော်ချင်း သီတင်းလွေ့သည်ဖြစ်စေ၊ ချိတ်ချင်းချိတ်မိသည်ဖြစ်စေ .... အသိုင်းအ၀ိုင်းဖြစ်လာသည်။

အသိုင်းအ၀ိုင်းတစ်ခုတွင် အယူအဆရှိလာသည်။ အတွေးအခေါ်ရှိလာသည်။ ဘုံယုံကြည်ချက်များရှိလာသည်။ အလျော့ပေးနယ်နိမိတ်များ၊ နားလည်မှုများရှိလာသည်။ ... မကြာခဏ အငြင်းအခုံရှိလာသည်။ ဆွေးနွေးကြသည်။ တန်ဖိုးများထားရှိလာကြသည်။ လေးစားစွာ အယူအဆတစ်ခုကို တင်ပြသည်။ ခိုင်ခိုင်မာမာကန့်ကွက်သည်။ ထိုအရာများသည် မျောက်များနှင့် သိပ်မပတ်သက်သော လူ့ကိစ္စများဖြစ်ပါသည်။ မျောက်တိုင်းပြည်တွင် ဖွဲ့စည်းပုံမရှိလည်းဖြစ်သည်။ သန်းရှာနေရုံမျှဖြင့် ဘ၀ကို အေးအေးလေးဖြတ်သန်းသွားနိုင်သည်။ မျောက်မက Lesbian ဖြစ်နေလျှင် မျောက်မထားနိုင်သေးသည်။ အသက်ကြီးလာသော မျောက်အိုကြီးများအနေဖြင့် မီးလောင်ပြင်တွင်သွား၍ နန္ဒမင်းသားကို တရားပြနိုင်သေးသည်။ မျောက်လက် မောင်းအပ်ဟူသော စကားပုံတွင်လည်း အခန့်သား ၀င်ခမ်းနားနေနိုင်သေးသည်။ မျောက်မူးလဲသေဟူသော မျောက်လွှဲကျော်တစ်ကောင်ဖြစ်ပြနိုင်သေးသည်။ မျောက်စိတ်ဟုပြောရလောက်အောင် အမျိုးမျိုး လှည့်ပတ်ပြောနိုင်သေးသည်။ ဘုရားကားအောက် မျောက်ကားအထက် ဆိုသည့် ဇာတ်ကွက်ကို သရုပ်ဖော်နိုင်သေးသည်။ နေလုံးကို မျိုချမိသော ဟာနုမာန်လိုလို၊ ၀ူခုန်းလိုမျောက်စွမ်းကောင်းလိုလိုဟန်ဆောင်ရင်း မျောက်လောကကြီး ယိုယွင်းလာမှုကို အချိန်မီ အေးချမ်းအောင် ထိန်းသိမ်းပေးနိုင်သည်ဟု ကိုယ့်ကိုယ်ကို ယူဆနိုင်သေးသည်။ မျောက်ဖြစ်ရခြင်းမှာ စိတ်နှလုံးဝမ်း ငြိမ်းချမ်းနေကြောင်း မကြာခဏ ကုတ်ကုတ်ပြနိုင်သေးသည်။ မျောက်အကြီးအကဲ၏ စေတနာသန့်သန့်ကြီးကို ခန့်ခန့်ကြီးထူတ်ဖော်ကြေငြာနိုင်သေးသည်။ အမြန်လုပ်ရန်တော့လိုသည်။ မကြာမီ စန့်စန့်ကြီးဖြစ်နေမှာစိုး၍ ဖြစ်သည်။

အမေး။ ။ဆင်က ဘာလို့အကောင်ကြီး၊ အညိုရောင်ရှိပြီး အတွန့်ပါတာလဲ။

အဖြေ။ ။ အရွယ်သေး၊ အဖြူရောင်ရှိပြီး၊ လုံးဝိုင်းရင်လည်း ဆင်ဘယ်ဟုတ်မလဲ .. အက်စပရင် ဖြစ်သွားမှာပေါ့။

မျောက်တွေဟာ ပါတီမဖွဲ့ဘူး။လူတွေက ပါတီတွေဖွဲ့တယ်။ ပြိုင်ရင်းနဲ့ ကုတ်ကြမယ် .. ကိုက်ကြမယ် ...။ သိတာထက်ပိုပြောမယ် ...။ မစားပေမယ့် ၀စေရမယ်ဆိုတာတွေ အာဘောင်အာရင်းသန်မယ်။ ... စိတ်ရင်းက ရိုးသားလို့ နိုင်ငံရေးလုပ်တာပါ ဆိုတဲ့ ဟာသတွေပြောမယ်။ နိုင်ငံရေးနဲ့စီးပွားရေးကို တွဲဖက် တွဲချက်စားမယ်။ ပညာရေးလောကကြီးကို ကယ်တင်ဖို့စူပါမင်းလိုလာမယ်။ နိုင်ငံကြီးကို ဆင်းရဲတွင်းလွတ်ကင်းအောင် လမ်းပြဆောင်ပါမည်လို့ဟစ်သူဟစ်မယ်။ ဘုရားလောင်း ခေတ်ထက် ပိုကောင်းစေရမည်လို့ ရဲရဲကြီး အာမခံကြမယ်။ အချင်းချင်း ချနင်းမယ် ..။ရည်းစားတွေလို တွဲမယ်၊ခွဲမယ်။။ ပြောရေးဆိုခွင့်ရရှိတဲ့အခါ နေရာတိုင်းက ပဲခူးနဲ့စစ်ကိုင်း ... စိုင်းတိုင်းရောက်တယ် ...လှော်တိုင်းပေါက်တယ်။ ....မျောက်တွေက ပါတီမဖွဲ့ဘူး။ ပါတီတက်တယ်။ နွယ်ကြိုးလေးတွေခိုတယ်။ စုစုဝေးဝေးပြေးလွှားတယ် ...။ တခါတခါ ... ကြိုးခွေ ..ကြိုးခွေလို့ ကဗျာထဲဝင်အော်တယ်(ဌာနေပြည်ကြီးက ဝေးသနှင့် - ဦးကြင်ဥ)။ ... တစ်ခါတစ်လေ ...မျောက်အချင်းချင်း မြောက်ပန်းလှန်၊ ...တစ်ခါတစ်လေ ..ဆန်တောင်းဖို့ ရုပ်ထွက်ပြ၊ တစ်ခါတလေ ... မျောက်စွမ်းပြရာကနေ သစ်ကိုင်းလွတ် ....။ ဒါပေမယ့်လည်း မျောက်ကလည်း မျောက် dignity နဲ့ .. အရှင်ဒေ၀ဒတ်လောင်း ကျောက်ခဲနဲ့ထုသွားတဲ့ ဘုရားလောင်းမျောက်ထုံးကို နှလုံးမူနေသယောင်လုပ်ပြတတ်တယ်။ အဲဒီတစ်ခုတော့ မျောက်တွေကို လေးစားတယ် ....။ ပိရိတယ် ...သွေးအေးတယ်၊ မျောက်ငါးပိကိုင်သလို ဖြစ်တာက အရင်က ဥာဏ်နည်းတဲ့မျောက်တွေပါလို့တောင် ခပ်လေးလေး သံရှည်ဆွဲပြီး ရှင်းပြလိုက်သေးတယ်။ အာဂမျောက်။ (ဘယ်တော့မှ အက်စပရင်မဖြစ်စေရဘူး)

မျောက်တွေဟာ မျောက်မျဉ်းရင်း လူတွေကို အကဲခတ်တယ်။ .....

မျောက်တွေက မီးခဲမကိုင်တော့ဘူး ... ပါးသွားပြီ။

မျောက်တွေက အုန်းသီးကို ကိုင်ထားရင်း ငါ့ဥစ္စာကွလို့ပြောတယ်။ ဂုဏ်ယူပုံလည်းရတယ်။

မျောက်တွေဟာ မွေးထားသူတွေကို ပြန်ခြောက်ဖို့ဝါသနာပါတယ်။

မျောက်တွေကို မျောက်မြီးနဲ့မျောက်ချည်လုပ်ရင်လည်း ရူးသွားလိမ့်မယ်။ မရတော့ဘူး။

မျောက်သားစားချင်ရင် မျောက်မျက်နှာမကြည့်ရဘူးဆိုတာ သေးသိမ်တဲ့ လူတွေပြောတာပါလို့ မျောက်က တရားကျသလိုပြောတယ်။

မျောက်တွေကမျောက် ဋီကာ ရေးသွားတဲ့ သခင်ကိုယ်တော်မှိုင်းကိုတောင် သူတို့ကျေးဇူးမကင်းဘူးပြောတတ်တယ်။

အခုတလောမျောက်တွေသိပ်ငြိမ်တယ်။

"အ၀တ်ဝတ်ထားတဲ့ ပရိုင်းမိတ်တွေဟာ သိပ်ကို ကိစ္စများတာပဲ" လို့ သူတို့အချင်းချင်း တစ်ခွန်းစနှစ်ခွန်းစပြောတာကလွဲရင် သိပ်ကို တည်ငြိမ်တယ်။

.... မကြာခင်မှာ ဖတ်ရှုရမယ့်သတင်းစာမှာတော့ သင်္ကြန်ကာလအတွင်း တိုင်းသူပြည်သားများ ပျော်ရွှင်စွာရေကစားလျက်ရှိကြောင်း ဆိုတာပါပဲ ...။ ... သီတာကြည်လဲ့ ငှက်သံနွဲ့နှင့် လွမ်းဖွဲ့မြိုင်ခြေ မြူခိုးဝေနေတဲ့ တောအုပ်လေးမှာလည်း မျောက်တွေ တကယ်ပျော်ရွှင်စွာ ... ပြေးလွှားဆော့ကစားနေကြလျက်ရှိနေကြောင်း စောင့်ကြည့်လေ့လာသူ များက နှစ်နှစ်ဆယ် စောင့်ကြည့်နေခဲ့သော အတွေ့အကြုံအရ မှန်းဆလျက်ရှိနေ။ ။

ခင်မင်စွာဖြင့်

Zephyr

Notes:

လူအချင်းချင်း လှည့်ပတ်ခြင်း ကင်းရှင်းကြပါစေ .....။

Thanks to my censorship board for frequent warnings .... :).

Thanks to my English teacher who introduced me with satire books.

We don't care who governs the country, but we care how they govern ...(Zephyr)

Peace B with U.

ဟာသနှင့် ဆန့်ထွက် တွေးခြင်း (၃)

ရေတစ်ဝက်ထည့်ထားတဲ့ဖန်ခွက် နှင့် rationalist

..

ကျွန်တော်ဖန်ခွက်လေးအကြောင်းပြန်ပြောချင်ပါတယ်။

ရေထည့်ထားတဲ့ခွက်ကလေးပါ။ တစ်ချို့တွေကလည်း နွားနို့ထည့်ထားတယ်လို့ပြောပါတယ်။

ခွက်က တစ်ဝက်ပြည့်နေတယ် ...။

အဲဒါက အကောင်းမြင်ပြောတာပါ။

ခွက်က တစ်ဝက် လွတ်နေတယ် ...။

အဲဒါက အဆိုးမြင်ပြောတာပါ။

အဲဒီအထိတော့ အရင်ကလည်းကြားဖူးပါတယ်။ ဒီနေ့တော့ rationalist တစ်ယောက်ရဲ့ အမြင်ကိုပါ ဖတ်လိုက်ရပါတယ်။

"ခွက်က ကြီးသင့်တာထက် နှစ်ဆကြီးနေတယ်။" တဲ့ ...။

Rationalist ရဲ့ အဖြေကို ပိုသဘောကျတယ်။ ရယ်လည်းရယ်မိတယ်။

တစ်ဝက်လွတ်တာတွေ ပြည့်တာတွေကို သူမမြင်ဘဲ ခွက်က ကြီးနေတာကိုပဲပြောသွားတယ်။ ဒီလောက်ရေအတွက် ဒီလောက်ခွက်ပဲ လိုတယ်ဆိုတဲ့ အမြင်မျိုးပါ ....။ Rationalist တွေက reason ကို knowledge အနေနဲ့ ယူဆပါတယ်။ အဲဒါကြောင့် သူ့ရှုထောင့်က တစ်မျိုးဖြစ်သွားတာပါ။

ဘုရားသခင်နှင့်ကျောက်တုံး

နောက်တစ်ခုက ဘုရားသခင် အကြောင်းပါ။

ဘာသာပြန်ထားတဲ့ ၀တ္ထုတစ်ပုဒ်မှာ ဖတ်လိုက်ရတာပါ။ ဘုရားသခင်က အားလုံးကို တတ်နိုင်မယ်ဆိုရင် သူ မမ နိုင်တဲ့  ကျောက်တုံးကို ဖန်ဆင်းနိုင်မှာပဲ။ သူမမနိုင်တဲ့ကျောက်တုံးကို ဖန်ဆင်းပြီးပြီဆိုပါတော့ ... သူ မနိုင်မှာမဟုတ်ဘူး။ အဲဒီတော့ ဘုရားသခင်ဟာ အားလုံးကို မတတ်နိုင်ဘူး။

အဲဒါက logic သမားတွေပြောလေ့ရှိတဲ့ ဥပမာတစ်ခုပါပဲ။ ပြုံးစရာကောင်းပါတယ်။

ဘုရားသခင်၏ အခန်းကဏ္ဍ

နောက်ထပ်ဟာသတစ်ခုလည်းရယ်စရာကောင်းပါတယ်။ အခြေခံအချက်လေးတွေပြောထားမှ ပိုရယ်ရမှာပါ။

ခရစ်ဝင်ကျမ်းတွေမှာ Jesus ဆေးကြောခြင်းခံတဲ့အချိန်မှာ ကောင်းကင်ကနေ ထာဝရဘုရားက ထောက်ခံစကားပြောကြားပါတယ်။ အခုဟာသက အဲဒါလေးကို ပြင်ထားတာပါ။

ရာဘိုင် လေးယောက် ဘာသာရေးနဲ့ပတ်သက်ပြီးငြင်းခုန်နေကြတယ်။

တစ်ယောက်ကတစ်ဖက် ကျန်တဲ့သုံးယောက်က တစ်ဖက် ငြင်းပါတယ်။

တစ်ယောက်တည်းသမား ရာဘိုင်က ဘုရားကိုတိုင်တည်ပါတယ်။

"ဘုရားသခင် တပည့်တော်မှန်ကန်ကြောင်းသက်သေပြပေးပါ"

မြေငလျင် တစ်ချက် လှုပ်သွားပါတယ်။

ကျန်တဲ့ သုံးယောက်က "ငလျင်လှုပ်သွားတာပါကွာ ... မှားတာက မှားတာပဲ" တဲ့။

တစ်ယောက်တည်းသမားက ထပ်ပြီး တိုင်တည်တယ်။

"ဘုရားသခင် သိသိသာသာလေး သက်သေပြပါ"

မုန်တိုင်းကျမလိုတွေဖြစ်လာတယ်။ လေပြင်းတွေတဟူးဟူး တိုက်ခတ်လာတယ်။

"ကျန်တဲ့သူတွေက မုန်တိုင်းပါကွာ ... မှားနေတာက မှားနေတာပဲ ..." လို့ငြင်းတယ်။

တစ်ယောက်တည်းသမားက ထပ်ပြီး တိုင်တယ်တယ်။

"ဘုရားသခင် တပည့်တော်မှန်ကန်ကြောင်း သက်သေပြပေးပါ"

ကောင်းကင်က အသံကြားရတယ် ..."HEEEEEEEEEEEE'S RIGHT"

ဘုရားကိုယ်တိုင်က သူမှန်ကြောင်းထောက်ခံတယ်ဆိုတော့ တစ်ယောက်တည်းသမားက ပြုံးသွားတယ်။ ကဲတွေ့ပြီမဟုတ်လားဆိုတဲ့ စတိုင်နဲ့ပေါ့။

ကျန်တဲ့သုံးယောက်ကပြောတယ်။

"ဘာပဲဖြစ်ဖြစ် အခုတော့ နှစ်မဲ သုံးမဲနဲ့ မင်းမှားနေသေးတာပါပဲ" တဲ့။

အဲဒီဟာသလေးကို သဘောကျတယ်။ ဘုရားက ၀င်ထောက်ခံရင်တောင် သုံးမဲနှစ်မဲပဲရှိသေးတယ်ဆိုတာ တော်တော်လေးကို ဟာသမြောက်တဲ့ ဒဿနပါပဲ။

....ဒီဟာသ သုံးခုကိုပြောပြရတာ သင်ခန်းစာသုံးခုအတွက်ပါ ...။

• နှစ်ခုလောက်သိပြီး အကုန်သိတယ်မပြောဖို့ရယ်။
• ဘုရားသခင်ရဲ့ မမနိုင်တဲ့ကျောက်တုံးကို သွားမကြည့်ဖို့ မကြိုးစားဖို့ရယ်။
• အရာရာတိုင်း မဲခွဲဆုံးဖြတ်လို့မရဘူးဆိုတာရယ်ပါပဲ။

စိတ်ချမ်းသာအောင်နေချင်တဲ့သူတစ်ယောက်ဟာ ကိုယ်အားလုံးသိတယ်လို့ ယူဆပြီး မငြင်းရပါဘူး။ တစ်ချို့မပြုပြင်နိုင်တဲ့ (မပြုပြင်နိုင်သေးတဲ့) ကိစ္စတွေကို တနုံ့နုံ့ဖြစ်မနေရပါဘူး။ လုပ်သင့်တာကို လုပ်ရင်း ဖြစ်သင့်တာ ဖြစ်လာမယ်ဆိုတဲ့စိတ်နဲ့ပဲနေရပါမယ်။ တစ်ခုခုကို ကိုယ်တိုင်သိဖို့ကြိုးစားရင်း သိနားလည်သွားရင် အများရဲ့ ထောက်ခံချက်ရဖို့ မလိုအပ်ဘဲ ကြိုးစားမနေပါနဲ့။ ကောင်းတာဟာ လှည့်ပတ်ပြောတတ်တဲ့သူနဲ့တွေ့ရင် မကောင်းသလိုလိုဖြစ်သွားတတ်ပါတယ်။ အဲဒါကို လိုက်ပြီး ငြင်းခုန်နေရင် ဘယ်တော့မှ မပြီးပါဘူး။ စိတ်ချမ်းသာမှုကို ဘယ်လို အချိန်မှာဖြစ်ဖြစ် ... ဘယ်လို အနေအထားမှာဖြစ်ဖြစ် မစွန့်လွှတ်တဲ့သူဟာ စိတ်ချမ်းသာခြင်းနဲ့ထိုက်တန်တဲ့သူဖြစ်ပါတယ်။ နေရာတစ်နေရာကို မထိုက်တန်ဘဲယူထားတဲ့သူတွေဟာ တစ်သက်လုံး ကျီးလန့်စာစားဖြစ်ပါတယ်။ အလုပ်တစ်ခုခုကို လုပ်တိုင်း စိတ်ချမ်းသာမှုမပျက်စီးဖို့နဲ့ အချိန်တွေ အလဟဿကုန်မသွားဖို့ အရင်တွေးမိရင် ... ဒီဟာသ သုံးခုကို သင်တကယ်နားလည်သွားပြီလို့ယူဆလိုက်ပါ။

ခင်မင်စွာဖြင့်

Zephyr

Notes:

အခုတလောဖတ်ဖြစ်တာတွေနဲ့ ငယ်တုန်းက ဖတ်ထားတာတွေပေါင်းရေးလိုက်တာပါ။

ကျမ်းပြုနေတာမဟုတ်လို့ ဘယ်တုန်းက နှာ(စာမျက်နှာ) ဘယ်လောက်က ဘယ်အပိုဒ်ကို ရည်ညွှန်းတယ်လို့

မထည့်လိုက်တော့ပါဘူး။ ဟာသတွေမှာ အခြေခံ ဒဿနတွေကို သွေဖယ်ထားတာတွေကို လေ့လာဖြစ်ပါတယ်။ ဘယ်ဒဿနကို လှောင်ထားတာလဲဆိုတာနဲ့ အဲဒီ ဒဿနရဲ့ အားနည်းချက်တွေကိုပါဖတ်ရတဲ့အခါ ပျော်စရာကောင်းပါတယ်။

ဒီ post တွေရေးနေတဲ့အချိန်မှာ အကုသိုလ်ဖြစ်မနေဘဲ စိတ်ကလည်း ချမ်းသာနေတဲ့အတွက် ကုသိုလ်လို့ပဲ ယူဆပါတယ်။ စာရေးရင်းကုသိုလ်ရနေတာကို ကျေနပ်ပါတယ်။ မနက်မိုးလင်းလာတာနဲ့ လူတွေဟာ ပထမဆုံး စိတ်ဆင်းရဲစရာတွေခေါင်းထဲရောက်လာတတ်ပါတယ်။ အဲဒါကလည်း သဘာဝပါပဲ။ အဲဒီလို စိတ်ဆင်းရဲစရာကြီးကိုဝမ်းသာအားရ လက်ခံလိုက်ရင် အဲဒီ စိတ်ဆင်းရဲစရာကြီးက ကိုယ့်ကို သိပ်ချစ်ပြီး တွယ်ကပ်နေတာနဲ့ တစ်နေ့လုံးစိတ်ဆင်းရဲနေရတော့မှာပါပဲ။ အဲဒီတော့ စိတ်ချမ်းသာစရာတွေများများလုပ်ဖို့လိုပါတယ်။ ရယ်စရာပဲဖြစ်ဖြစ် ပျော်စရာပဲ ဖြစ်ဖြစ် တစ်ခုခု တွေးလိုက်၊ ဖတ်လိုက်ရင် လောလောဆယ် စိတ်က ပိတ်မိနေတဲ့ အတွေးတွေထဲက လွတ်သွားပါတယ်။ စိတ်ဖိစီးနေတာကနေ ခဏလွတ်သွားရင် စိတ်က ပြန်အေးသွားပြီး အားပိုရှိလာပါတယ်။

အားလုံးမှာ စိတ်ညစ်စရာအလုံအလောက်ရှိနေကြတဲ့ Age of Anxiety , Age of Depression, Age of Material Wealth, Age of Nonsense ကြီးထဲမှာ ခဏလောက်ဖြစ်ဖြစ် စိတ်ချမ်းသာကြစေချင်ပါတယ်။ ဒီစိတ်ကို ဂရုမစိုက်ရင် ပိုပြီး သောကများတဲ့သူတွေဖြစ်လာပါလိမ့်မယ်။ ပျော်စရာကောင်းတာတွေကိုပဲ အပြင်မှာရှာနေကြမယ်ဆိုရင် အပြင်မှာ ပျော်စရာမရှိတဲ့နေ့ဟာ စိတ်ညစ်စရာကောင်းတဲ့နေ့ဖြစ်နေမှာပါ။ အလိုလိုနေရင်း ပျော်နေတဲ့သူတွေရှိပါတယ်။ သူတို့တွေဟာ အပြင်မှာပျော်စရာမရှိပေမယ့် ပျော်နေကြတာပါပဲ။ စိတ်ချမ်းသာနေကြတာပါပဲ။ တစ်နေ့တစ်နေ့ စိတ်ချမ်းသာအောင် ဘယ်လိုနေသွားမလဲဆိုတာက အခုခေတ်ရဲ့ စိန်ခေါ်ချက်တစ်ခုဖြစ်ပါတယ်။ .... တစ်ကယ်စိတ်ချမ်းသာတဲ့လူတစ်ယောက်ဖြစ်ဖို့ ကိုယ့်ကိုယ်ကို တာဝန်ယူနိုင်တဲ့သူတွေဖြစ်လာကြမယ်ဆိုရင် ... ပိုပြီး နေပျော်တဲ့ လူ့အသိုင်းအ၀န်းဖြစ်လာမှာပါ။

ဒီနေ့လည်း စိတ်ချမ်းသာအောင်နေပါ။

နောက်နေ့လည်းစိတ်ချမ်းသာအောင်နေပါ။

ကိုယ့်စိတ်ကိုကိုယ် ဒုက္ခမပေးပါနဲ့။

အခုတွေ့ကြုံနေကြသူတွေဟာ မကြာခင် ခွဲခွာသွားရမယ့်သူတွေလည်း ဖြစ်နိုင်သေးလို့ ... အတူတူရှိနေသေးတဲ့ အချိန်တွေကို တန်ဖိုးထားပါ။ ရရှိနေတာတွေကို တန်ဖိုးထားတဲ့သူတွေဟာ စိတ်ချမ်းသာခြင်းနဲ့ထိုက်တန်တဲ့သူတွေဖြစ်ပါတယ်။ ရဖို့ချည်းပဲမကြိုးစားနေပဲ ရဖို့ ထိုက်တန်တဲ့ အရည်အချင်းနဲ့ပြည့်စုံအောင် ဖြည့်ဆည်းတာဟာ ပိုပြီး သင့်တော်မှန်ကန်တဲ့ အားထုတ်မှုဖြစ်ပါလိမ့်မယ်။

........... May U B Happy, Joyous and Peaceful ...

Similar Posts:

ဟာသနှင့် ဆန့်ထွက်တွေးခြင်း (၂)

ဟာသနှင့်ဆန့်ထွက်တွေးခြင်း

Peace B with U.

လွန်လေပြီးသော နှစ်နှစ်တာ ... ဒန်ဒန့်ဒန်

ဒါကတော့ ... ပျင်းလို့ရေးတာပါ။

ကျွန်တော့်မှာ ညီအကိုလိုခင်တဲ့ မိတ်ဆွေတွေ တော်တော်များပါတယ်။

မြန်မာပြည်ကနေ အလုပ်လာရှာမယ့်သူတွေ၊ ကျောင်းလာတက်မယ့်သူတွေ ...အမြဲပဲတစ်ခုခုမေးပါတယ်။

ဘာသင်လာရမလဲ ဆိုတာပါ။ ဖြစ်နိုင်ရင်တော့အဠာရသ ၁၈ ရပ် အပြင် ဖုန်းရွှေနဲ့ chicken rice ချက်နည်းပါတတ်ရင်တော့ စင်ကာပူမှာ အမြန်ဆုံးကြီးပွားနိုင်ပါတယ်။ ...

အဲဒီလိုမှမဟုတ်ဘဲ သုံးလလေးလလောက်ပဲ အချိန်ယူပြီး တစ်ခုခု သင်လာလည်းရပါတယ်။

သေချာတတ်ရင်တော့ကောင်းပါတယ်။ အဆင်ပြေပါတယ်။ မဟုတ်ရင်တော့ Certificates က တစ်အုပ်ကြီး မဗေဒါ တစ်ပင်တည်းဖြစ်ပြီး ... ဘာအလုပ်လျှောက်ရမလဲကအစရွေးရတာရှုပ်ပါတယ်။ ကျွန်တော်ဆို မြန်မာပြည်မှာ ... အပျော်တမ်းစစ်တုရင်ထိုးတယ်၊ အားနေတဲ့အခါ ကြက်တောင်ရိုက်တယ်။ ဒီထက်အားနေရင် ခွေးတွေနဲ့ကစားတယ်။ ဒိ့ထက် ဒီ့ထက်မကအားနေရင် ဆယ်တန်းတွေကို စာသင်တယ်။ ဒီထက် ဒီ့ထက် ဒီ့ထက်အားနေရင် ကွန်ပြူတာနဲ့ book worm ဆိုတဲ့ game ဆော့တယ်။ အဲဒါမှ အချိန်ပိုသေးတယ်ဆိုရင်တော့ 24 in 1 ဆိုတဲ့ DVD တွေ တစ်ညလုံးထိုင်ကြည့်တယ်။ နည်းနည်းပျင်းလာရင် ဘောလုံးပွဲကြည့်တယ်။ လက်ဖက်ရည်ဆိုင်ထိုင်တယ်။ ဘုရားစူး အင်ဂျင်နီယာလို့ပြောရအောင်ပဲ ဘာမှမလုပ်တတ်ဘူး။ ကွန်ပြူတာလည်း မြန်မာပြည်မှာ စာအုပ်ထဲမှာ program ရေးရတဲ့အတွက် မီးပြတ်နေပြီး Internet မရှိရင်တောင် အလွယ်လေးတွေရေးနိုင်ပါတယ်။ အဲဒီတော့ မြန်မာပြည်မှာ developer ဖြစ်ဖို့တောင် ကွန်ပြူတာမလိုဘူး။ ... အဲဒီလို မိဘလုပ်စာကို တို့တာဝန်အရေးသုံးပါးအရ ထိုင်စားနေရာကနေ မိဘတွေ အသက်ကြီးလာပြီ .. ဒီထက်ကပ်စားနေရင် အဆင်မပြေတော့ဘူး ဆိုတာကို ဗီဒီယိုကြည့်ရင်း သိလိုက်ရပါတယ်။ အဲဒီတုန်းကတော့ မျက်ရည်တွေဘာတွေစို့ ...နှာရည်တွေဘာတွေ ယိုလို့ပေါ့ဗျာ ....။ အလုပ်လုပ်ရင် ပင်ပန်းတော့မှာကိုး ....။ မွေးထားတဲ့ငါးတွေကလည်းမနည်းဘူးဆိုတော့ ဒီအကောင်တွေ ဒီအတိုင်းထားခဲ့ရမှာက ရှိသေးတယ်။ မွေးကတည်းက အတူနေလာတဲ့ အဘွားနဲ့ကလည်း ခွဲရဦးမယ် ...။ မြေးအဘွားနှစ်ယောက်သား အိန္ဒိယကားထဲကလို ငိုငိုပြီး ကဖို့တောင် ကြံသေးတယ်။

နောက်တော့ တစ်ခုခုလုပ်မှဖြစ်မယ်ဆိုတာကိုတွေးမိတယ်။

ဘာမှမှ သေသေချာချာ မသိဘူးလေ။

နည်းနည်းစီတော့ အားလုံးသိသလိုလိုနဲ့ ကျောင်းတက်စားလာတာချည်း ၁၆ နှစ်ဆိုတော့ .... ကျောင်းမှာပျော်တယ်။ ဖြစ်နိုင်ရင် ကျောင်းတက်ချင်တယ်။ ကျောင်းလျှောက်တော့ NTU က မခေါ်ဘူး။ ၀မ်းနည်းပါတယ်။ သူတို့လူတော်တစ်ယောက် ဆုံးရှုံးသွားပြီဆိုတာကို စာအရှည်ကြီးရေးပို့လိုက်မလို့ ရေးပြီးကာမှ မီးပျက်သွားလို့ အင်တာနက်ဆိုင်ကပြန်ခဲ့ရတယ်။ ... ကျောင်းလျှောက်တာလည်းမပါဘူး။ ထိုင်စားလို့ကလည်း အဆင်မပြေဘူး။ စာလည်းမသင်ချင်တော့ဘူး။ စာသင်တာကို ၀ါသနာပါပေမယ့် သိပ်ကို ထုံထိုင်းထူပိန်းပြီး အခြေခံယိုယွင်းယိုင်နဲ့လွန်းတဲ့ ငပျင်းတွေကို သင်ရတဲ့အခါ ကိုယ့်ကိုယ်ကို သနားလာတယ်။ ငါဖြေပေးလို့ရရင် ဖြေပေးချင်ပါတယ်ဆိုတာကို တစ်နေ့ကို ၇၆ ခါပြောပြောနေရတာ စိတ်ကုန်ငြီးငွေ့လာတယ်။

နောက်တော့ J2EE ကို သုံးလတိတိသင်တယ်။

ဘာမှမခက်ပါဘူး။ လွယ်ပါတယ်။ ဆရာကလည်း တော်ပါတယ်။ လက်ဖက်ရည်ခဏခဏ၀ယ်တိုက်တဲ့အတွက် ဆရာက သိပ်တော်ပါတယ်။ သင်တန်းမပြီးခင် ဆရာက စင်ကာပူကိုပြေးပါတယ်။ သူက အခု blacklist ထင်ပါတယ်။ ပြန်တဲ့အခါမှ တို့လိုက်ရမယ်။

အဲဒါနဲ့ ဘာလုပ်ရင်ကောင်းမလဲဆိုတော့ အသိတွေက စင်ကာပူမှာ အလုပ်လာရှာဖို့ခေါ်ပါတယ်။

အဲဒီတော့ ဒီအတိုင်းထိုင်စားလို့မတင့်တယ်ရင်လည်း အလုပ်ရှာမယ်...အလုပ်လုပ်ပြီး ရပ်တည်မယ်လို့ ရူးရူးမိုက်မိုက်တွေးမိပါတယ်။ ပုံမှန် အားဖြင့်တော့ ဒီလောက်မိုက်တဲ့အတွေးမျိုးတွေးလေ့မရှိဘူး။ အသည်းကွဲနေလို့သာ ဆုပ်လည်း ဗယာကြော် စားလည်း ဗယာကြော်ဆိုပြီး ထင်ရာစိုင်းလိုက်မိတယ်။

စင်ကာပူရောက်တော့ ကျွန်တော်တို့ အသိတစ်ယောက်အခန်းမှာနေပါတယ်။ အလကားခေါ်ထားတာပါ။ နေစရိတ်ငြိမ်း ..စားတာလည်း စုစားကြ။ ချက်စားကြပဲ။ ပျော်ပျော်ကြီးပေါ့လေ။ အဲဒီတုန်းကတော့ စိတ်ပင်ပန်းတာက အလုပ်မခေါ်သေးတာပါပဲ။ အလုပ်လျှောက်ပြီး အိပ် ...။ မနက်ဆို ကိုယ့်ဘုရားကိုယ်ရှိခိုးပြီး ဘုရားတွေကို ညှော်တာပေါ့ ..အရှင်ဘုရားတို့တော့ အလုပ်လျှောက်ဖူးတယ် ဘယ်ရှိမလဲ ...ဒါပေမယ့်ပေါ့နော် ... အလုပ်ရသင့်တဲ့ဝေနေယျထဲမှာ တပည့်တော်ကို ရှေ့နားမှာ ထားပေးပါနော်။ ကျေးဇူးမမေ့ပါဘူး ဘာညာ။ အဲဒိလိုတွေဆုတောင်းတာပေါ့နော်။ ပုတီးကိုလည်း တဂျောက်ဂျောက်ပေါ့ ...။ အရင်ဘ၀က ဆွေတော်ရှစ်သောင်းမျိုးတော်ပေါင်းဆိုတာသာရှိရင်ပေါ့ ...တစ်ယောက်ကို စင်ကာပူဒေါ်လာ နှစ်ကျပ်စီလာပေးစေချင်တယ်ပေါ့နော် ...။ ဒါဆိုရင် ၁ သိန်းခြောက်သောင်းလောက်ရရင် မြန်မာပြည်ပြန်မယ် ...အဲဒိလိုပေါ့ ...ပုတီးစိပ်ရင်း အဓိဌာန်တင်ပါတယ်။

ဒါနဲ့ပဲ နှစ်ပတ်မှာ အလုပ်ခေါ်ပါတယ်။

အင်တာဗျူးသွားတော့ ဒုက္ခရောက်ပါတယ်။ ကျွန်တော်တို့က Rocker တွေကို အားကျလို့ boot ပဲစီးပါတယ်။ shoes မ၀ယ်လာပါဘူး။ အင်တာဗျုးဖို့ တံခါးလာဖွင့်ပေးတဲ့သူက ဖိနပ်ချွတ်ထားပါတယ်။ အော် ဖိနပ်ချွတ်ထားတာကိုးဆိုပြီး ဖိနပ်ချွတ်ပြီးဝင်သွားပါတယ်။ အင်တာဗျူးဖြေပြီး နောက်နှစ်ရက်လောက်မှာ အလုပ်ခန့်ပါတယ်။ Sata ပြေးပြီး HIV နဲ့ TB စစ်ရပါတယ်။ ဗီဒီယိုထဲကလို သွေးသွင်းမိတာမျိုး .... လောလောလတ်လတ်ကြီးမုတ်ဆိတ်ရိတ်သွားတဲ့ အေ့ဒ့်စ်ရောဂါရှင် လူကြီးရဲ့ ဂျူတ်ကို ယူပြီး ခြေသလုံးမွှေးရိတ်တာတို့ .... အများသုံးနှုတ်ခမ်းပိုင်ရှင်တွေကို လူမှုရေးအရ Lip kiss နမ်းတာဘာညာမရှိခဲ့တဲ့အတွက် ... (အမယ်လေးလေး ...တော်တော်ရေးရတာပဲ ).... HIV မရှိပါဘူး။ TB ကတော့ရှင်းပါတယ်။ မရှိဘူး။ မကြာခင် မှာအလုပ်ဝင်ရတော့မယ်ဆိုတော့ပျော်တယ်။ ကိုယ်လျှောက်ပြောတာ အဟုတ်ထင်ရှာတဲ့သူတွေကိုလည်း သနားပါတယ်။ ....အင်တာဗျူးမှာ ဘာတွေဖြေခဲ့လည်းမသိဘူး။ ကြုံသလိုပဲ မသိတာကို သိပ်မမေးခင် သိတာတွေကို အကြာကြီးလှိမ့်ရွှီးနေတာပဲမှတ်မိတယ်။

အဲဒီနေ့တွေကစပြီး ဘုရားကို မှန်တမ်းပဲ ပူဆာတော့တယ်။

သိပ်အဖြစ်မသည်း အကဲမဆတ်တော့ဘူး။

နောက်တော့ အလုပ်ဝင်တယ်ပေါ့ဗျာ။

ဘာမှမသိဘူး။ တစ်လလုံး စာဖတ်နေရတယ်။ ဘာမှလည်းမခိုင်းဘူး။

ရုံးက အိုကေလှချည်လားလို့တွေးတော့မှပဲ နင်းကန်ခိုင်းတော့တယ်။

နောက်တော့လည်း အသားကျသွားပါတယ်။

သာသာယာယာ ရှိပြီး ပျော်ပျော်ပါးပါး လှေလှော်သွားကြတယ်။

အလုပ်လုပ်ခါမှ NTU ကခေါ်တယ်။ တက်မယ်လို့စိတ်ကူးတယ်။ ကျောင်းတက်ရမှာပျော်စရာကိုး။ နောက်တော့ part time ဆို loan မပေးဘူးတဲ့။ Full time ဆိုရင် Student Pass ပြန်လျှောက်တဲ့။ နောက်တစ်ခါ ဆုပ်လည်းဗယာကြော် စားလည်းဗယာကြော်ထပ်ဖြစ်တယ် ဆိုပါတော့။ တကယ်တက်ခွင့်ရတော့လည်း မတက်နိုင်ပြန်ဘူး။ လူမိုက်နဲ့အတူမနေတဲ့ ငွေကြောင့်ဖြစ်တယ်။ ပိုက်ဆံက လက်ထဲမှာ ၅၀၊ ၁၀၀ မရှိတတ်ဘူး။ ဘဏ်ထဲမှာလည်း မရှိတတ်ဘူး။ ထားစရာမရှိလောက်အောင်ပဲ ပိုက်ဆံတွေက။ ထားဖို့တောင်မရှိတာ။ ... ပညာရေးလမ်းကြောင်းက ရှည်ရမလို တိုရမလိုဖြစ်ပြီး ဖြတ်မျဉ်းတစ်ကြောင်းပေါ်လာတယ်။

အဲဒီလို ဘာမှမသိပေမယ့် အလုပ်ရတဲ့အတွက် ... အလုပ်ရဖို့ သိပ်မခက်ခဲ့ဘူးလို့ထင်ပါတယ်။ နောက်ပိုင်းပိုပိုခက်လာတာတွေ့ရပါတယ်။ အကြံတူနောက်လူသာစမြဲဆိုပေမယ့် .... အိမ်သာဝင် နောက်လူ နံစမြဲဆိုတာလည်းရှိပါသေးတယ်။ အဲဒီတော့ အကြံမပေးတတ်ပါဘူး။ လာပြီးကြိုးစားကြည့်စေချင်ပါတယ်။ ဘာမှမလုပ်လို့ ဘာမှမဖြစ်တာကိုက ပိုပြီးခံရခက်ပါတယ်။ ကြိုးစားရင် ဘုရားတောင်ဖြစ်တယ်ဆိုလား ပြောကြပါတယ်။ ဒါကို ကြည့်ရင်မကြိုးစားတဲ့သူတွေများလို့ ဘုရားအပွင့်နည်းတာဆိုတာ သိသာပါတယ်။ အခုကိစ္စက ဘုရားဖြစ်ဖို့လုပ်နေတာမဟုတ်တဲ့အတွက် အလုပ်ရဖို့ကတော့ အဲဒီထက် အဆပေါင်း သိန်းသောင်းများစွာလွယ်မှာပါ ...။

စင်ကာပူမှာ လူတွေက အပူနည်းအောင်နေပါတယ်။ ကိုယ့်အပူနဲ့ကိုယ်သက်သာအောင်နေတတ်ကြပါတယ်။ သူများအပူလည်း မယူချင်ပါဘူး။ လူတိုင်းဟာ အလုပ်မှာ ကြိုးစားကြတဲ့အတွက် အိမ်ပြန်ရောက်ရင် သက်သက်သာသာလေးနေချင်ပါတယ်။ အလုပ်မှာ ပင်ပန်းလာတဲ့သူတစ်ယောက်အနေနဲ့ ဘာမှ အများကြီး မကူနိုင်တာများပါတယ်။ လိုအပ်တဲ့အကူအညီ ပေးနိုင်သလောက်ပေးပြီးရင် လှည့်မကြည့်နိုင်ဘူး။ မြန်မာကားတွေမကြည့်တာကြာတဲ့အတွက် မြန်မာပြည်က ကျန်ရစ်သူကြီးတွေကို အလွမ်းသယ်တာတွေကိုလည်း သိပ်ပြီး ရင်တွင်းဖြစ်ဆန်လို့ မခံစားပေးနိုင်ပြန်ဘူး။ အချင်းချင်း ရန်ဖြစ်ကြရင်လည်း ၀င်ပြီး ဆွဲရတားရမလုပ်ချင်ဘူး။ Network ကြိုး ဖြုတ်ပေးဆိုရင်တော့ ဖြုတ်ပေးလိုက်တယ်။ကျွန်တော့် chat list ထဲက A to Z ကလေးမလေးတွေဟာ အကို့သူငယ်ချင်းလို့ပြောပေးပါဆိုတာမျိုးတွေကိုလည်း မုသားမဖြစ်အောင် .... အဲဒါတွေက သံသရာမှာတော်စပ်ခဲ့တဲ့သူငယ်ချင်းတွေပဲလို့ မှတ်ပိုက်ပြီး ဗြောင်ကြီးညာရသေးတယ်။

မြန်မာပြည်က ကွမ်းယာနဲ့ ပင်နီဆူလာက ကွမ်းယာ ဘယ်ဟာ ပိုကောင်းသလဲ သိချင်လို့ အလုပ်လာရှာတဲ့ နောင်တော်ကြီးကြတော့ တစ်မျိုးပါ။ အေးဆေးပဲ။ အလုပ်လျှောက်တယ်။ ဂိမ်းဆော့တယ်။ ဘောလုံးပွဲကြည့်တယ်။ အားရင် သူငယ်ချင်းဆီသွားတယ်။ ဒါတောင်မှ ဆံပင်တစ်ချောင်းဖြူပြီးပြန်သွားတယ်။

အခုလည်း အလုပ်အကိုင်တွေ ပြန်ပြီးပေါများလာတဲ့အတွက် ၀င်လာမစဲ တသဲသဲ ပြန်ဖြစ်လာဦးမယ်ထင်ပါတယ်။ အတတ်နိုင်ဆုံး ကူညီနိုင်သလောက် ကူညီဖို့ ပြင်ဆင်ထားပါတယ်။ မတတ်နိုင်တာတွေလည်း အကူညီတောင်းရင် ပြေပြေလည်လည်ပြောတတ်အောင် ပြင်ဆင်ထားပါတယ်။ စိတ်ညစ်မယ့်ကိစ္စဘာမှ လုပ်မှာမဟုတ်တဲ့အတွက် စိတ်မညစ်ရမယ့် ကိစ္စတွေဆို ကူညီပေးနိုင်မယ်လို့မျော်လင့်ပါတယ်။ အလုပ်က software engineering ဖြစ်တဲ့အတွက် အဲဒါနဲ့ပတ်သက်တဲ့ အလုပ်တွေဆိုရင်တော့ နည်းနည်းပိုကူညီနိုင်ပါမယ်။ မသိတာတွေကိုတော့ သိပ်ပြီးမကူညီနိုင်ပါဘူး။

စင်ကာပူမှာ အလုပ်ရှာမယ်ဆိုရင် သေချာပေါက်လိုတာက ကွန်ပြူတာဖြစ်ပါတယ်။

နောက်တစ်ခုသေချာပေါက်လိုတာက ဘာသာစကားကျွမ်းကျင်မှုဖြစ်ပါတယ်။

နောက်ဆုံးမှာ နည်းနည်းလိုတာက တကယ်တတ်ဖို့ဖြစ်ပါတယ်။

နောက်ဆုံးမှာထပ်လိုသေးတာက ကံတရားက ကိုယ့်ဘက်ပါဖို့ဖြစ်ပါတယ်။

ဘုရား၊ ကွမ်ရင်မယ်တော်၊ ပုတီး ပူးပေါင်းပြီး အလုပ်သာကြိုးစားရှာလိုက်မယ်ဆိုရင် ရသွားမှာပါ။

အထူးသတိပြုရမှာက အေးဂျင့်တွေနဲ့ မလုပ်ဖို့ပါပဲ။ သေချာမသိဘဲ ဘာမှမလုပ်ပါနဲ့။ လိမ်တယ်ညာတယ်၊ အလုပ်မကောင်းတာတွေကို အေးဂျင့် fees များများတောင်းတယ်။ အလုပ်လျှောက်ပေးမယ်။ 25 ကျပ်ပေးထားဆိုတာမျိုးလည်းရှိတယ်။ Interview တစ်ခါပါ ၅၀၀ဆိုတာမျိုးတွေလည်း ရှိတယ်။ သိပ်ကောင်းတဲ့အလုပ် ၁၀၀၀ လောက်ရမယ်ဆိုတာမျိုးလည်း ဒုနဲ့ဒေး။ လစာ ၁၈၀၀ ရတဲ့အလုပ်ကို ၃၅၀၀ ပေးရမယ်ဆိုရင် ပေးလိုက်ပါမယ်။ ကျေကျေနပ်နပ်။ တစ်လကို ၁၀၀၀ လောက်ရမယ့်အလုပ်ကို Agent Fees အကုန်ခံပြီးမလျှောက်ပါနဲ့။ ၃၅၀၀ ရဲ့ တစ်ဝက်လောက်ကို ကျေကျေနပ်နပ်ကြီးသုံးပြီး မြန်မာပြည်ကို ငြိမ်းငြိမ်းချမ်းချမ်းပြန်သွားပြီး၊ နောက်တစ်ခါပြန်လာတာကမှ ပိုပြီးကျေနပ်စရာကောင်းပါသေးတယ်။

ဒါတွေဟာ ပေါ့ပေါ့ပါးပါးပြောလိုက်တဲ့ နှစ်နှစ်တာ အပိုင်းအစတွေပါ။

အခုတော့လည်း တစ်လတစ်လ သိပ်မြန်နေလို့ ... ပြက္ခဒိန်တွေကိုပဲ နာရီလက်တံလုပ်ထားနေမိတယ်။

ခင်မင်စွာဖြင့်

Zephyr

Notes:

လာပြီးအလုပ်ရှာဖို့မြှောက်ပေးတဲ့ မမွန်။

အိမ်မှာ ရှစ်ကျပ်တောင်းတဲ့ဒဏ် ကြံ့ကြံ့ခံပြီးခေါ်တဲ့ ကိုအောင်ဒင်

ရှိတာတွေ ကြော်ချက်ကျွေးတဲ့မောင်ဖြိုး

ခေါက်ဆွဲထုပ်စားဖော်စားဖက် မောင်ဆက်

အလည်လာသွားသူကိုမျိုး၊

ကွမ်းအ၀ယ်ထွက်ဖို့ လာသူ Brother John

ပိုက်ဆံ ၇ သိန်း ပေးပြီးပြန်လာမတောင်းသေးတဲ့ ကိုဘုန်းကြီး

နေ့တိုင်းအားပေးတဲ့မွေးသဖ၊

ဗေဒင်ဆရာပြောတဲ့ အိုဇာတာကောင်းမယ်ဆိုတာကို သိပ်မအိုခင်ဆုံးသွားလို့မသိလိုက်တဲ့ အမေ။

အခုအထိ ကျန်းကျန်းမာမာနေထိုင်ရင်း အိန္ဒိယက က ဖို့စောင့်နေတဲ့အဘွား၊

ထိုသူများအားလုံးကိုကျေးဇူးတင်ပါတယ်။

လွန်ခဲ့တဲ့တစ်နှစ်ကစပြီး သားအရင်းလို စောင့်ရှောက်ထားတဲ့ မွေးသမိခင်ကြီးကိုလည်း ကျေးဇူးအထူးတင်ရှိပါကြောင်း။

အကြွေးလာဆပ်မယ်ဆိုပြီး စိတ်ချမ်းသာအောင်ပြောသွားရှာတဲ့ ညီလေးတစ်ယောက်ကိုလည်း အဲဒီစာလေးမကြာခဏဖတ်ပြီးပြုံးနေရလို့ ကျေးဇူးတင်ရှိပါကြောင်း။

သံသရာဆိုတဲ့ရေပွက်လေးထဲမှာ နှစ်နှစ်ဆိုတာ သိပ်မကြာလိုက်တဲ့တဒင်္ဂလေးပါပဲ ...။ အားလုံး စိတ်ချမ်းသာ ငြိမ်းချမ်းကြပါစေ .....။

Peace B with U.

Bottom Billion အပိုင်း (၅)

အခုတလော စာတွေပုံမှန်တင်ဖြစ်ပါတယ်။ မအားတဲ့ကြားထဲက စာရေးဖြစ်ပါတယ်။ Contribute လုပ်ထားတဲ့ Blog တွေမှာလည်း တာဝန်တွေကျေပွန်စွာထမ်းဆောင်ရင်း ရုံးကနေတစ်မျိုး အိမ်ကနေတစ်သွယ် စာရေးဖြစ်ပါတယ်။ အလုပ်လုပ်ရတာ ပိုပြီးခက်တာတွေလုပ်လာရတဲ့အတွက် အရင်ကလို အချိန်သိပ်မပိုတော့ပါဘူး။ ရုံးမှာ ကာတွန်းကားအမြဲမကြည့်နိုင်တော့ဘူးလို့ဆိုလိုပါတယ်။ ဒီနှစ်မှာ သိသိသာသာ ပေါင်ချိန်တက်လာပြီး အဆီတွေပိုများလာတဲ့အတွက် အသက်ကြီးလာပြီဆိုတာကို နည်းနည်းစပြီးရိပ်မိလာပါတယ်။ Gym မှာလမ်းသွားလျှောက်ပြီး အလေးမတဲ့ သံချောင်းကို ၀ိတ်ပြားမပါဘဲ စပြီး မနေပါပြီ။ မကြာမီမှာကြွက်သားတွေဘာတွေထွက်လာတဲ့အခါ စွပ်ကျယ်တွေဝယ်ဝတ်ရင်း ပိုက်ဆံစုဖို့ စဉ်းစားပေမယ့် စွပ်ကျယ်ဈေးကလည်း ထင်သလောက်မသက်သာတဲ့အတွက် အဲဒီအကြံကို မစခင်ကပဲ စွန့်လွှတ်လိုက်ပါတယ်။

လူမိုက်နဲ့ငွေအတူမနေ ဆိုတဲ့စကားပုံမှားမှန်း ဒီနေ့မှ သေချာသိပါတယ်။ Bottom Billion Chapter 9 ဖတ်လိုက်လို့ပါ ...။ အဲဒီတော့မှ ကိုယ့်မှာ ငွေမရှိတာကို စိတ်သက်သာရာရမိပါတယ်။ Bottom Billion ကို အပိုင်း ဆယ်ပိုင်းလောက်ရေးဖို့စိတ်ကူးထားပါတယ်။ အခုဘယ်နှပိုင်းရောက်နေပြီလဲမေ့နေလို့ ပြန်ရှာကြည့်ပါဦးမယ်။ :) ... ပျင်းစရာကောင်းတာတွေစရေးမိတဲ့အတွက် ဆုံးအောင်ရေးလိုက်ပါဦးမယ်။ ... ဒီစာတွေဖတ်ရတိုင်း ကိုယ့်နိုင်ငံကို ကြီးပွားစေချင်စိတ်ဖြစ်မိပါတယ်။ ဆင်းရဲတာမကောင်းပါဘူး။ ... စိတ်ဆင်းရဲတာဖြစ်ဖြစ် ပိုက်ဆံဆင်းရဲတာဖြစ်ဖြစ် မကောင်းပါဘူး။ တစ်ခုခုဆင်းရဲတဲ့သူဟာ တစ်ယောက်ယောက်ကို မီခိုရပါတယ်။ မီရင်းနဲ့ခိုနေရတာကို နမူနာပဲ လုပ်ကြည့်လိုက်ပါ ... ဘယ်လောက် ခွကျတဲ့ အနေအထားလဲဆိုတာ ခံစားရပါလိမ့်မယ်။ မီခိုရတာမကောင်းဘူး။ Emotionally Depend လုပ်ရတာလည်းမကောင်းဘူး။ Financially Depend လုပ်ရတာလည်းမကောင်းဘူး။ ပိုက်ဆံချေးတာဖြစ်ဖြစ် စိတ်ချမ်းသာမှုချေးတာဖြစ်ဖြစ် မျက်နှာကိုအောက်ချရပြီ ....။ မတော်လို့ ကိုယ့်မျက်နှာအောက်ချထားတုန်း တစ်ယောက်ယောက်က နင်းသွားရင် ခက်ဦးမယ်။ အဲဒါကြောင့် မမီခိုချင်ဘူး။ Independent ဖြစ်ချင်တယ်။ ကိုယ်ဟာ တစ်ယောက်ယောက်ရဲ့ ၀န်ထုပ်မဟုတ်စေရဘူး။ စိတ်ပိုင်းဆိုင်ရာလည်း ၀န်ထုပ်မဟုတ်ဘူး။ ၀န်ထုပ်ဆိုတာ အရင်က စကား။ အခုတော့ နည်းနည်းပြောင်းသွားပြီ။ ဘာထုပ်ဆိုလား။ အဲဒါမျိုးမဖြစ်ချင်ဘူး။ ကိုယ့်နိုင်ငံကိုလည်း အဲဒီအထုပ် နိုင်ငံမဖြစ်စေချင်ဘူး။

ကဲပါ ... လိုရင်းကို စလိုက်ကြရအောင်။ အခန်း ကိုး - အောက်ခြေ တုံးအောက်ကဖား သန်းတစ်ထောင် ...။Laws and Charters. အစမှာ ဒီလိုရေးထားတာတွေ့တယ်။

So far I have looked at aid and at military interventions. Both are useful, but both are pretty costly,one in money and the other in guts: political guts, and sometimes soldier's guts. Now I am going to look at a range of interventions that are strikingly cheap. They fall into two groups: changes in our own laws that would benefit the bottom billion, and the generation of international norms that would help to guide behavior.

(အင်္ဂလိပ်လို မတတ်တဲ့ ဒကာတွေဒကာမတွေ အနေနဲ့ ဘာမှမပူပါနဲ့ မြန်မာလို ပြန်ထားတာ အောက်မှာပါမှာပါ ..။ .......... အဲဒါက ကျွန်တော်ပြောတာမဟုတ်ပါဘူး။ မဟာမြိုင်ဆရာတော်ပြောတာပါ။ ကျွန်တော်ကတော့ဘာသာပြန်ရမှာပျင်းပါတယ်။ အဲဒီတော့ အင်္ဂလိပ်လိုရေးထားတာပဲပါပါတယ်။)

(အခုတော့ အများသူငှာသိကြတဲ့အတိုင်း ပါတီတစ်ပါတီ သုံးသိန်းဆိုတော့ ချပါတီကြိုက်တဲ့သူတွေတောင် မျက်ခုံးလှုပ်နေရတယ်။ ... အဲဒီလိုပါတီတွေက ရင်းနှီးမြုပ်နှံတာကို ဘယ်လိုရအောင် ပြန်ရှာသလဲဆိုတာကိုပဲ စိတ်ဝင်စားမိပါတယ်။ ရိုးရိုးသားသားပါ။ တစ်ယောက်ကို သိန်း တစ်ရာစီလောက်ရင်းထားရင် ဘယ်လိုပြန်ရှာမလဲဆိုတာကို သိချင်တာပါ။ မဟုတ်တာတွေမလုပ်စေချင်ပါဘူး။ ဘာလို့လည်းဆိုတော့ အခုဖတ်ကြည့်တော့တွေ့တယ်။ ဆင်းရဲတဲ့နိုင်ငံက ချမ်းသာနေတဲ့သူတစ်ချို့အကြောင်းပါ ...။)

ဆင်းရဲတဲ့နိုင်ငံတွေဟာ ရာဇ၀တ်မှု ၊အကြမ်းဖက်ဝါဒနဲ့ ရောဂါကပ်ဆိုးတွေရဲ့ ကောင်းကင်ဘုံပဲတဲ့။ အဲဒါဟုတ်သလားလို့တွေးကြည့်ရင်သိသာပါတယ်။ ဟုတ်မယ်ထင်ပါတယ်။ ယေဘူယျပြောရင်တော့ ဟုတ်ပါတယ်။ ဒွိဟဖြစ်စရာတစ်ခုက သိပ်ချမ်းသာတဲ့နိုင်ငံတွေကလည်း ရာဇ၀တ်မှုထူပြောတာပါပဲ။ ကြံဖန်ပြီး ရာဇ၀တ်မှုထူပြောတာချင်း ယှဉ်နိုင်တယ်လို့ ဂုဏ်ယူနေစရာမရှိပါဘူး။ ဆရာအော်ပီကျယ်ပြောတဲ့ ဟောပြောပွဲကလို ကျွန်တော်တို့နိုင်ငံထိပ်တန်းရောက်နေတဲ့ မျဉ်းကွေး ဆိုတာမျိုးဖြစ်နေပါလိမ့်မယ်။ ဆရာအော်ပီကျယ် က ဆင်းရဲတဲ့နိုင်ငံတွေအကြောင်း presentation လုပ်တုန်းကပြောလိုက်တာထင်ပါတယ်။ အဲဒီတော့ သူ့ဆရာတွေက ဒါဟာ ရယ်စရာမဟုတ်ဘူးလို့ပြောပါတယ်။ သူ့ဆရာတွေက မြန်မာတွေမဟုတ်လို့ မြန်မာတွေက နာရီတွေဆိုတာမသိလို့ပြောတယ်လို့ထင်ပါတယ်။ နာတဲ့အခါတိုင်း ရယ်(ရီ) နေရတဲ့ နာရီတွေ ဖြစ်မှန်းမသိဖြစ်နေတာ အတော်လေးကြာပြီထင်ပါတယ်။

အိမ်ကသာဆင်းရဲသားမိသားစုဆိုပြီး နာမည်ထွက်တဲ့အိမ် ...။ အိမ်သားတစ်ယောက်ကတော့ Western Bank မှာပိုက်ဆံတွေအများကြီးအပ်ထားတယ်ဆိုရင် ဘယ်လိုသဘောရလဲ။ သိသာပါတယ်။ သူခိုးနေမှာပေါ့နော်။

သေချာတွေးလေ ရှက်စရာကောင်းလေပါပဲ။ ဟဲဟဲ မေ့နေပြန်ပြီ ... အားလုံးမမေ့ဖို့ပါ ... အခုဖတ်နေတာ အာဖရိကအကြောင်းတွေပါတဲ့ စာအုပ်ဖြစ်ပြီး Zephyr က ဘာသာပြန်ရုံဆိုတာပါ ...ဟဲဟဲ .....။ လှူထားတဲ့သူတွေက ဒါဟာ အဲဒီဆင်းရဲသားအိမ်က သူခိုး အိမ်သားရဲ့ ရှက်စရာ အပြုအမူဖြစ်တယ်လို့ ခံစားလိုက်ရပါသတဲ့။ 2004 ကဖြစ်တာတစ်ခုက ၀ါရှင်တန် DC မှာရှိတဲ့ Riggs Bank မှာ Equatorial Guinea

သမ္မတက ပိုက်ဆံတွေအများကြီးစုထားတယ်ဆိုပဲ။ တကယ်ဆိုရင် ကျွန်တော်သာဆိုရင် အထောက်အပံ့တွေက သန်းကြွယ်သူဌေးတောင်ဖြစ်စေနိုင်တယ်ဆိုတာမျိုးတွေးမိမှာပါ။ ဒါပေမယ့် မူရင်းစာရေးသူကတော့ ရှက်စရာကောင်းတယ်ဆိုလို့သာ ရှက်စရာကိစ္စလို့ယူဆလိုက်ရတယ်။

2000 ခုနှစ်မှာကြတော့ ဗြိတိန်မှာ Sani Abacha မိသားစုကလည်း ပျော်ပျော်ကြီး ငွေတွေအများကြီးစုကြတယ်လို့ကြားရပါတယ်။ သူတို့ဟာ စစ်ပိုင်းဆိုင်ရာအကြီးအကဲတွေဖြစ်တယ်လို့သိရပါတယ်။ "တိုက်ဆိုင်လိုက်တာများကွာ ... "....အဲဒီသီချင်းကို သတိရမိပါတယ်။ အခုပဲ ရေဒီယိုနားထောင်လိုက်လို့ပါ။ ထောက်ပံ့ရေးအစီအစဉ်တွေက လူတစ်ချို့ကို ပြေလည်စေတာတော့ သိပ်ကိုသေချာတာပဲ။

ဒါဟာ ဘဏ်တွေဘက်က အားနည်းချက်တွေပါ ...။

စင်ကာပူဘဏ်တွေလည်း သတိနည်းနည်းထားဖို့လိုပါမယ်။ နောက်စာအုပ်မှာ ပါလာရင် အားနာစရာကြီးဖြစ်နေမယ်။ ဘဏ်မှာ Money Laundry မဖြစ်အောင် နောက်ကြောင်းရှင်းတဲ့ငွေဖြစ်ကြောင်း စီစစ်ဖို့လိုပါတယ်။ တော်ကြာ Dollar မှာ for charity .... တွေဘာတွေရေးထားတာဖြစ်နေရင် ရှက်စရာကြီး။ ဘဏ်လုပ်ငန်းဟာ အမြတ်အစွန်းအတွက်လုပ်တာမဟုတ်ပါဘူး။ ဆယ်တန်းမှာ ဘောဂဗေဒကို ကျေညက်အောင်ကျက်ခဲ့တဲ့ကျောင်းသားဟောင်းတစ်ယောက်အနေနဲ့ ဘဏ်လုပ်ငန်းဟာ ငွေကြေးချမ်းသာကြွယ်ဝပြီးသားလူတွေရဲ့ ထင်ရှားကျော်ကြားမှုအတွက် လုပ်တယ်ဆိုတာကို သိပါတယ်။ ဘဏ်လုပ်ငန်းရဲ့အစကလည်း ဒီလိုပါပဲ။ ဘဏ်လုပ်ငန်းဟာ သူခိုးလက်ခံလုပ်ငန်းမဟုတ်ဘူးဆိုတာ နားလည်တဲ့သူတွေလိုပါတယ်။ အခုတော့ ဥရောပမှာ Terrorist တွေကို ဘဏ်ကနေ ငွေလွှဲတာမျိုးမဖြစ်အောင် သံသယရှိတဲ့ transfer တွေကို စစ်ဆေးပါတယ်။ အဲဒီတော့ အိမ်က ပစ္စည်းတွေခိုးရောင်းတဲ့ ငနဲတွေအတွက် ဥရောပက ဘဏ်တွေက အဆင်သိပ်မပြေတော့ဘူးလို့လည်း စာရေးသူကရေးထားပါသေးတယ်။ သိပ်လည်းစိတ်မပူသွားပါနဲ့ လက်ခံတဲ့ ဘဏ်တွေလည်းရှိပါသေးတယ်တဲ့။

စာရေးသူကထောက်ပြတာက ဗဟိုဘဏ်တွေဟာ တိုင်းပြည်ထဲကို စီးဝင်လာတဲ့ charity ငွေကြေးတွေကို စနစ်တကျခန့်ခွဲရမယ်ဆိုတာကိုပြောတာပါ။ ကျွန်တော်ကတော့ ဒါကို သိပ်ခံစားရတယ်။ အလှူငွေတွေဟာ ရောက်သင့်တဲ့အချိန်မှာ ရောက်သွားဖို့ကောင်းနေပြီမဟုတ်လား။ စကားမစပ် ရန်ကုန်ကနေ ဧရာဝတီတိုင်းကို လမ်းလျှောက်သွားရင်တောင် တစ်နှစ်ကြာမှာမဟုတ်ဘူးမဟုတ်လား။ ...ကျွန်တော်လည်း လမ်းလျောက်ဝါသနာပါလို့ပါ။ဟဲဟဲ။

နောက်တစ်နည်းက ဆင်းရဲသားတွေအတွက် အလုပ်ပေးနိုင်တဲ့ လုပ်ငန်းမျိုးကို အခွန်လျှော့ပေးတာပါ။ သိပ်ကောင်းတဲ့နည်းလမ်းပါ။ ဒါပေမယ့် တစ်ချို့ကလည်း အဲဒါကို အခွင့်ကောင်းယူပါတယ်။ ဒါကတော့ ကြုံတုန်းပြောလိုက်ပါတယ်။ မြန်မာပြည်မှာလည်း ကျောင်းတွေမှာ အစိုးရကိုယ်စားပြင်ပေးတဲ့ဆောက်လုပ်ရေးလုပ်ငန်းတစ်ချို့ရှိပါတယ်။ ကျွန်တော်တို့ငယ်ကတည်းကရှိတာပါ။ ကျောင်းမှာ လူသွားလမ်းလေးလာလုပ်ပါတယ်။ မကြာပါဘူး သဲတွေထွက်ထွက်လာပါတယ်။ ဒါပေမယ့်သူတို့က အစိုးရကိုတော့ကျောင်းတွေပြင်ပေးနေတယ်ဆိုတဲ့ နာမည်ကောင်းတစ်ခုကို အသုံးချပြီး လုပ်ပိုင်ခွင့်တစ်ချို့ရသွားပါလိမ့်မယ်။ ပြင်သစ်မှာလည်းဒါမျိုးရှိတယ်လို့သိရပါတယ်။ မြန်မာတွေ ခေတ်ရှေ့ပြေးနေတာတွေ မနည်းပါလားလို့တောင် အံ့အားသင့်ရပါတယ်။ စီမံကိန်းတစ်ခုဟာ စိတ်ကူးတစ်ခုတည်းကောင်းလို့မရပါဘူး။ အဖြစ်လုပ်ထားတာတွေ မကြုံရအောင် စီမံခန့်ခွဲနိုင်ရပါမယ်။ လမ်းဘေးက ပလက်ဖောင်းတွေကို ၀ါးကပ်လေးခံပြီး သဲများများ ဘိလပ်မြေပါရုံမျှဆိုတဲ့ အချိုးအဆနဲ့ လုပ်နေတာတွေက သိပ်ကို တာဝန်မဲ့တဲ့စိတ်ဓာတ်မျိုးတွေဖြစ်နေပါတယ်။ အဲဒီလို တာဝန်မဲ့တဲ့ လုပ်ငန်းရှင်တွေကြောင့် Prisoner Dilemma ဖြစ်ပါတယ်။ Prisoner Dilemma ဆိုတာ Game Theory သမားတွေပြောခဲ့တာပါ။ မြန်မာပြည်မှာနေတုန်းက အသိတစ်ယောက်ပြောပြလို့ အဲဒါကို ကြားဖူးပါတယ်။(ကိုမျိုးပြောတာလို့ထင်ပါတယ်။)

Two suspects are arrested by the police. The police have insufficient evidence for a conviction, and, having separated both prisoners, visit each of them to offer the same deal. If one testifies (defects from the other) for the prosecution against the other and the other remains silent (cooperates with the other), the betrayer goes free and the silent accomplice receives the full 10-year sentence. If both remain silent, both prisoners are sentenced to only six months in jail for a minor charge. If each betrays the other, each receives a five-year sentence. Each prisoner must choose to betray the other or to remain silent. Each one is assured that the other would not know about the betrayal before the end of the investigation. How should the prisoners act?

ရဲသားက လူနှစ်ယောက်ကို သံသယရှိလို့ ဖမ်းထားပါတယ်။ သက်သေမရှိလို့ သူတို့နှစ်ယောက်ကို ခွဲပြီးမေးပါတယ်။

နှစ်ယောက်စလုံးကို ဒီလိုကမ်းလှမ်းပါတယ်။ တစ်ယောက်က အမှန်ပြောပြီး တစ်ယောက်က မပြောရင် ပြောတဲ့သူကို လွှတ်ပေးပြီး ကျန်တဲ့သူကို ထောင်ဆယ်နှစ်ချပါမယ်။ နှစ်ယောက်စလုံးမပြောရင် ခြောက်လပဲကျပါမယ်။ နှစ်ယောက်စလုံး ပြောရင် တစ်ယောက်ကို ထောင်ငါးနှစ်တဲ့။ သူတို့အချင်းချင်းလည်းမတွေ့ရပါဘူး။ ထောင်သားတွေဘယ်လိုပြောမလဲတဲ့။

ကျွန်တော်ကတော့ Dilemma တွေကို ကြိုက်တဲ့အတွက် Prisoner Dilemma ကို အကြာကြီးတွေးခဲ့ပါတယ်။ ...နောက်ဆုံးရတဲ့အဖြေက မလွယ်ကြောဆိုတာပါပဲ ......။ ထင်သလောက်မလွယ်တဲ့ကိစ္စတွေလုပ်နေကြရတဲ့လောကကြီးမှာ အကျိုးရှိမယ်ဆိုရင် လိမ်သင့်လိမ်ရမှာပဲဆိုတဲ့စီးပွားရေးလုပ်ငန်းရှင်တွေဟာလည်း မလွယ်ကြောတွေပါပဲ ....။

ဆက်ပါဦးမည်။

ခငိမင်စွာဖြင့်

Zephyr

Related Post:

1. Bottom Billion (1)

2. Bottom Billion (2)

3. Bottom Billion (3)

4. Bottom Billion (4)

Notes:

ဒီနေ့ 30% Discount အပြင် Member Discount ပါ ထပ်ပေးတဲ့ Borders စာအုပ်ဆိုင် ကိုကျေးဇူးတင်ပါတယ်။ စာအုပ်တွေထပ်ဝယ်လာတဲ့အတွက် စာများများပိုရေးဖြစ်ဖို့ရှိပါတယ်။ .... စာရေးဖို့ အမြဲတိုက်တွန်းတဲ့ အမေ့ကို ကျေးဇူးတင်ပါတယ်။ အမေ နေကောင်းပါစေ။

Peace B with U.