ဒါ့ပုံကြည့်ရင်းပွား။
အမှန်တော့ ဓာတ်ပုံရိုက်ရတာကို ဝါသနာမပါဘူး။ ဒီပုံတွေကလည်း ရည်မွန်ရိုက်ထားတဲ့ပုံတွေ။ phone လဲလိုက်တာနဲ့ ဓာတ်ပုံတွေပါ အမွေရသွားတယ်။ အဲဒါနဲ့ ဓာတ်ပုံတွေပြန်ကြည့်ရင်း ဇာတ်ကြောင်းပြန်တဲ့သဘောပဲ။
ရွှေပုစွန်က ရေညှိငါးကန်။ ငါးကန်တွေ မသန့်ရင် ငါးတွေ သနားဖို့ကောင်းတယ်။ သတ္တဝါလေးတွေ မွေးမယ်ဆိုရင် သူတို့ရဲ့ ကရိကထကို ခံနိုင်မှ မွေးသင့်တယ်။ မွေးပြီး ပစ်ထားလိုက်ရင် ရက်စက်ရာကျတယ်။ အိမ်မှာငါးမွေးတုန်းကဆိုရင် သုံးလေးရက်တစ်ခါ ရေလဲတယ်။ မှန်ပုံးအကြီးကြီးမှာ ငါးနည်းနည်းပဲမွေးထားတယ်။ လွတ်လွတ်လပ်လပ်ရေကူးပါစေ။ ငါးတွေ အသက်ရှူမဝရင် အလကားနေရင်း အကုသိုလ်ဖြစ်မယ်။ မမွေးတတ်ရင် ညှင်းဆဲသလိုဖြစ်သွားတယ်။ ငါးမှမဟုတ်ဘူး။ ခွေးတွေ၊ကြောင်တွေမွေးတာလည်း အချိန်ပေးနိုင်မှရမယ်။ တစ်ချို့တွေက ဦးနှောက်သိပ်မသုံးဘူး။ အရင်မွေးလိုက်ပြီး နောက်မှ စဉ်းစားတယ်။ အဲဒါကြောင့်လည်း ပြဿနာပိုများသွားတယ်။ စကတည်းက တာဝန်မယူနိုင်ရင် ဘာအကောင်ပလောင်မှ မမွေးသင့်ဘူး။ မြန်မာပြည်မှာ ခွေးမမွေးတတ်ဘဲ ခွေးအကြီးကြီးတွေ အများကြီးမွေးလာကြတယ်။ အဲဒါ အန္တရာယ်သိပ်များတယ်။ ကိုယ့်ခွေးကိုယ်မနိုင်ရင် တစ်ချိန်ကြရင် ဒုက္ခရောက်မယ်။ ခွေးတစ်ကောင်အတွက်ကိုတောင် တစ်နေ့ကို သုံးနာရီလောက် အချိန်ပေးရတယ်။ မဟုတ်ရင် ခွေးက ပျင်းလာရော။ ပျင်းလာရင် စိတ်တိုလာရော။ စိတ်တိုလာရင် ကိုက်ရော။ ကိုက်တော့မှ ခွေးကို ဆိုးတယ်လုပ်ကြပြန်ရော။ နားမလည်မှုဟာ အင်မတန် အန္တရာယ်များတာပဲ။ ဘုရားမှာ ရေပုပ်ကန်ထဲ ငါးလွှတ်တာ။ ကန်ထဲမှာ ညစ်ပတ်နေတာကို မြင်နေရဲ့သားနဲ့ ပေါက်ပေါက်တွေ ထပ်ပစ်ချတာ။ အင်မတန်ဆိုးတာပဲ။ ဘုရားက ငါးကန်ဆိုတာတွေက ငါးတွေအတွက် ငရဲဖြစ်မယ်။ အဲဒီငရဲထဲ ငါးတွေ ထပ်လွှတ်လို့ ကုသိုလ်တွေ တစ်လှေကြီး ရဦးမယ်ထင်တဲ့လူတွေက ရူးများရူးနေသလားတောင် ထင်မိတယ်။ ငါးတွေ နေပျော်တဲ့ ငါးကန်ဖြစ်အောင် လုပ်ကြရဦးမယ်။ လိပ်သပ်သပ်၊ ငါးသပ်သပ်ထားတဲ့ကန်ဖြစ်အောင်၊ ငါးပေါက်တွေကို စားတဲ့ ငါးရံ့တွေဘာတွေ ဝင်မနေအောင်လုပ်ဖို့လည်း လိုဦးမယ်ထင်တယ်။ မသိမှုဟာ အဝိဇ္ဇာပဲ။ အဝိဇ္ဇာတရားဟာ ဝိဇ္ဇာရဲ့ ဆန့်ကျင်ဘက်ပဲ။ အကောင်းကို မကောင်းထင်၊ မကောင်းကို အကောင်းထင်နေရင် ခက်တာပေါ့။ ဘယ်နေရာမှာမဆို မသိတဲ့သူတစ်ယောက် နေရာရလာရင် ကျန်တာတွေ အကုန်ခက်တယ်။ နိုင်ငံကို မသိတဲ့သူ အုပ်ချုပ်၊ နိုင်ငံပျက်တယ်။ စေတီမှာ မသိတဲ့ ဂေါပက အုပ်ချုပ် စေတီပျက်မယ်။ နားမလည်တဲ့သူတွေဟာ နားမလည်တာကိုက အပြစ်ပဲဆိုတာသိရမယ်။ တာဝန်တစ်ခုကို ယူထားရင် အဲဒီတာဝန်နဲ့ပတ်သက်တဲ့ အသိတော့ရှိရမယ်။ အသိမရှိတဲ့သူကို တာဝန်ပေးလေလေ၊ တလွဲတချော်ဖြစ်လေလေပဲ။ အသေးအဖွဲကို ဂရုမစိုက်ရင် ကြီးကျယ်တဲ့ကိစ္စကိုလည်း အသေးအဖွဲပဲထင်ကုန်ကြတော့တာပဲ။
စေတီတွေမှာရှိတဲ့ တံခွန်တိုင်။ ရှေးခေတ်ကအယူအဆတွေက ရောနေတယ်ထင်တယ်။ အခုခေတ်မှာ ဗေဒင်သုံးပုံကို မြန်မာပြည်က ဗေဒင်ဆရာတွေဟောတဲ့ ဗေဒင်နဲ့ရောနေတာသတိထားမိတယ်။ ဗေဒင်သုံးပုံဟာ တော်တော်လေး ကျယ်ပြန့်တဲ့ပညာတွေ။ အဲဒီကျမ်းရင်းသုံးကျမ်းနဲ့ ကျမ်းမြောင်တွေ တော်တော်လေးရှိသေးတယ်။ အဲဒါတတ်မှ ဗြဟ္မဏတွေအတွက် စာတတ်ပြီခေါ်ရတယ်။ ဟောနေတဲ့ ဗေဒင်ဆိုတာ အဲဒီကျမ်းတွေထဲက လောကီမင်္ဂလာလေးတွေလောက်ပဲ။ အများကြီး အစုံပါသေးတယ်လို့ပြောတယ်။ ဗုဒ္ဓဘာသာမှာတော့ လောကီမင်္ဂလာလမ်းကသပ်သပ်၊ နိဗ္ဗာန်ရောက်ကြောင်းက သပ်သပ်လို့ဟောတာရှိတယ်။ ဘုရားတွေက လောကီမင်္ဂလာလို့ခေါ်တဲ့ ဗေဒင်တွေ၊ယတြာတွေကို အင်မတန်ဆန့်ကျင်တာ။ ဘာသာဝင်တွေကတော့ ခပ်ရောရောလေးတွေလုပ်ကြတယ်။ ဝသုန္ဒရီ ဆံရည်မညှစ်ပါဘူးဆိုလည်း မရဘူး။ ညှစ်နေတုန်းပဲ။ လောကကြီးထဲမှာ မမြင်ရတဲ့ အကောင်ပလောင်တွေ (နတ်၊ဗြဟ္မာ၊သိကြား)တွေ၊ မမြင်ရတဲ့ ဒိုင်မင်းရှင်းတွေထည့်ရတာကို တစ်ချို့ တော်တော် သဘောကျတယ် ထင်တယ်။ တစ်ချို့ကျမ်းတွေမှာ နတ်ပြည်ကတစ်ရက်ဟာ လူ့ပြည်က အနှစ်ငါးဆယ်ဆိုပြီး ပြောတာတောင်ရှိတယ်။ အဲဒီလို ရက်တွေ့နေ့တွေ သတ်မှတ်ဖို့ဆိုတာ နေတွေ လတွေလိုသေးတယ်။ နတ်တွေဟာ တခြားဂြိုဟ်တစ်ခုမှနေပြီး အဲဒီဂြိုဟ်က နေကို တစ်ပတ်ပြည့်ဖို့ ၃၆၅x၅၀= ၁၈၂၅၀ ကြာဖို့လိုတယ်။ လောလောဆယ်အနီးအနားက စေတန်ဂြိုဟ်ဆိုရင် ၁၀၇၆၀ ရက်မှ နေကို တစ်ပတ်ပြည့်တယ်။ အဲဒီထက် နည်းနည်းပိုကြာတာက ယူရေးနပ်စ်ဂြိုဟ် ရက်ပေါင်း ၃၀၇၀၀ ရက် ကြာတယ်။ အဲဒီဂြိုဟ်နှစ်ခုကို နတ်တွေ ခွနေတယ်ဆိုရင်တော့ ရက်ပေါင်း ၁သောင်း ၈ ထောင်လောက်နဲ့ တစ်နှစ်တစ်နှစ်ကြာသွားနိုင်တယ်။ ဒါတောင် တရားနာဖို့ ဟိုပြေး၊ဒီပြေးလုပ်နေရတဲ့ ပြဿနာမပါသေးဘူး။ တန်ခိုးလိုလာတယ်။ အဲဒီမှာ တန်ခိုးကိုဖြည့်ရတယ်။ ခြောက်ထပ်တိုက်တွေ၊ သုံးဆယ့်တစ်ထပ်တိုက်တွေကတော့ သိပ်ကို ကွန့်ကုန်ပြီ။ လိုက်မမီတော့ဘူး။ ရူပဗေဒမသင်ဖူးတဲ့ ဘုန်းကြီးတွေက တစ်ခါတစ်ခါ ရှင်းပြသေးတယ်။ ကိုယ်တွေ နားမလည်နိုင်ဘူး။ ဈာန်ဆိုတာလည်း လုပ်ချင်သလိုလျှောက်လုပ်တာမဟုတ်ဘူးပဲ။ မြေလျှိုးတယ်ဆိုတာ စိတ်နဲ့ မြေကြီးကို အပေါက်ဖောက်ရသေးတယ်ပြောတယ်။ အဲဒီမြေကြီးကို ဆင်းသွားလို့ရအောင်အပေါက်ဖောက်၊ ပြန်တက်လို့ရအောင် အပေါက်ဖောက်ရသေးတယ်။ အင်အားကြီးတဲ့စိတ်နဲ့ စိတ်ကူးယဉ်လိုက်တာ တကယ်ဖြစ်ကုန်တဲ့သဘောပဲ။ ကောင်းကင်မှာ လူတွေ ပျံတယ်ပြောပေမယ့် တကယ်ကပျံတာမဟုတ်ဘူး။ ကောင်းကင်မှာ လမ်းတစ်ခုကို စိတ်နဲ့အရင်ဖော်ပြီး အဲဒီကနေသွားတာလို့ဆိုတယ်။ ထရာဗယ်လေတာတစ်ခုလောက်ကို စိတ်ကူးပြီး အဲဒီပေါ်ရပ်ပြီးလိုက်သွားတာမျိုးပဲ။ နောက်တစ်ခုရယ်ရတာက ဘုံတွေက စိတ်ကူးမျိုးပဲ။ အရင်ခေတ်က နတ်ပြည်က ရွှေရှိမယ်။ ရေကန်ရှိမယ်။ ပန်းဥယျာဉ်ရှိမယ်။ ဝိုင်ဖိုင်မရှိဘူး။ ရေခဲသေတ္တာမရှိဘူး။ ရေခဲမုန့်မရှိဘူး။ Play Station မရှိဘူး။ Facebook မရှိဘူး။ နတ်တွေမှာ Evolution မရှိဘူး။ အခုခေတ်လူတစ်ယောက် နတ်ပြည်ရောက်သွားရင် ဇာတ်ထဲရောက်သွားသလိုတောင် ဖြစ်မလားမသိဘူး။ စောင်းလည်းတီးဦးမယ်။ ရွှေတုံးကြီးတွေဝတ်ထားတဲ့ နတ်မကြီးတွေက ရေလေးတွေပက်ပြီးဆော့နေမယ်။ လုပ်စရာအလုပ်ဆိုလို့ ပန်းခူးတာနဲ့ ဟိုသင်းပြုတာပဲရှိတယ်။ တော်တော်စိတ်လေစရာ နေရာကြီး။ အဲဒါကြီးကို ဘာကြီးမှန်းမသိဘဲ ဘုရားရှိခိုးထဲ ထည့်ထည့် ဆုတောင်းနေတဲ့သူတွေ တွေ့ရင် ရယ်မိတာပဲ။ လူဖြစ်ရင် လူချမ်းသာ၊ နတ်ဖြစ်ရင် နတ်ချမ်းသာတဲ့။ ဘုရားရှေ့မှာ အသားလွတ်ပေါနေကြတာ။ တစ်ခါတစ်ခါ ဘုရားကိုတောင် အားနာမိတယ်။ ကိုယ်တော်ကြီး နိဗ္ဗာန်ရောက်သွားတာတော်သေးတယ်။ မဟုတ်ရင် သူ့ရုပ်ပွားတော်ရှေ့မှာ လူတွေ အတ္တတွေ ထိုးအန်ချနေတာကို မြင်ရရင် မဟာကရုဏာတော်ကြီးနဲ့ အသနားကြီး သနားနေမိမယ်ထင်တယ်။
ရွှေချမှကောင်းတယ်ထင်တဲ့ခေတ်ရှိတယ်။ နတ်ပြည်ကြီးမှာ သဲအစား ရွှေမှုန်တွေလို့ဆိုတာကိုး။ ရွှေအစစ်မတတ်နိုင်သေးရင် မှန်စီရွှေချလောက်တော့ လုပ်ကြတယ်။ မြန်မာတွေကို ရွှေတွေလို့ ခေါ်တာ ရွှေအစစ်တွေလို့ဆိုလိုတာ ဟုတ်ချင်မှဟုတ်မယ်။ စစ်စေးသုတ်ပြီး ရွှေချထားတဲ့ ရွှေအတုတွေလို့ ခေါ်ချင်တာလည်းဖြစ်မယ်ထင်တယ်။ အခုခေတ်မှာ ပေါက်ကရတွေ တော်တော်ဖြစ်တယ်။ နိုင်ငံခြားမှာမွေးတဲ့ကလေးကို သန်းခေါင်စာရင်းရဖို့ခက်တယ်။ ဘာသာခြားလက်ထပ်မှုကို အရင်လို တရားရုံးမှာ လက်မှတ်ထိုးခွင့်မပေးဘူးလို့လည်းကြားလိုက်သေးတယ်။ မဟုတ်တာတွေမှာ အရူးထလွန်းရင်ခက်တယ်။ တိုင်းပြည်တစ်ခုဟာ တစ်ညီတစ်ညွတ်တည်းမရှိရင်၊ ထင်ရာစိုင်းလွန်းရင် မအောင်မြင်နိုင်တော့ဘူး။ လူစုသိပ်ကွဲလွန်းနေရင် ဘယ်အရာကို ဦးတည်ပြီး လုပ်မယ်ဆိုတဲ့ ရည်ရွယ်ချက်၊ရည်မှန်းချက်ပျောက်ကုန်လိမ့်မယ်။ နေရာတကာ အရူးတွေ ခြယ်လှယ်လွန်းရင် လူကောင်းတွေ ဒုက္ခများလိမ့်မယ်။
တိမ်တွေသိပ်လှတယ်။ ကျနော့်အတွက်သက်သက်ပြောရရင် အခြေခံအရာင်လေးမျိုးပဲ။ အဖြူနဲ့အနက်က အရောင်တွေရဲ့ အစွန်းနှစ်ပါး။ သဘာဝမှာတော့ အပြာနဲ့ အစိမ်းဟာ စိတ်ကို အချယ်လှယ်ဆုံးပဲ။ အဲဒီလေးရောင်မှာ နှစ်ရောင်လောက်တွဲလိုက်ရင် စိတ်က လွတ်လပ်မှုကို ခံစားရတယ်။ အစိမ်းရောင်ဟာ ကျနော်တို့ gene ထဲမှာရှိခဲ့တဲ့ သဘာဝထဲမှာ နေထိုင်ခဲ့မှုကို ပြန်ပြီး အမှတ်ရစေတယ်။ အပြာရောင်ဟာ လွတ်လပ်မှုနဲ့ ကျယ်ပြောမှုကို ကိုယ်စားပြုတဲ့ ကောင်းကင်ကို ပြန်သတိရစေတယ်။ ရှေးဟောင်းအကျဆုံးဝါဒတစ်ခုကို ဿဣရဝါဒလို့ခေါ်တယ်။ မတော်တဆပေါ်ပေါက်လာတာလို့ ဆိုတယ်။ အရင်တုန်းက ဗြဟ္မာကြီးရှိတယ်။ သူတစ်ယောက်တည်း ဗြဟ္မဘုံမှာ ငြိမ့်နေတာ။ နှစ်တွေ သိပ်ကြာလာတော့ သိပ်ပျင်းလာတယ်။ တစ်ကောင်တည်းဗြဟ္မာ။ တစ်ကောင်ကြွက်ဗြဟ္မာလို့ဆိုရမယ်။ အားနေတော့ ပျင်းကလည်းပျင်းဆိုတော့ မိတ်ဆွေလေးဘာလေး တစ်ယောက်လောက်ရှိလာရင်ကောင်းမယ်လို့ ကြံမိတယ်။ သူ့ဟာသူကြံလိုက်တာ။ အဲဒီအချိန်မှာ လူ့ပြည်မှာ ဈာန်ရတဲ့ ရသေ့တစ်ယောက်က သေပြီး ဗြဟ္မာသွားဖြစ်တယ်။ အဲဒီတော့ ဗြဟ္မာကြီးက ငါ့အတွေးကြောင့်ဖြစ်တာ ငါဖန်ဆင်းတာ။ ငါ့ခြံထဲမှာ ဥတဲ့တဲ့ဥ ငါဖန်ဆင်းတဲ့ဥလို့ ထင်သွားတယ်။ ရောက်တာတဲ့ ဗြဟ္မာအသစ်ကလည်း ဟိုဘီးကျဲ ငါ့ရှေ့က အရင်ရောက်နေတာ။ ငါ့ကို ဒီငနဲ ဖန်ဆင်းတာဖြစ်မယ်လို့ထင်သွားတယ်။ နှစ်ယောက်တည်း ထင်ချင်ရာထင်လိုက်ကြတာ။ အဆင်သင့်နေရောပဲ။ တိုက်ဆိုင်လိုက်တာများကွာ။
ထားပါတော့ အဲဒီလိုနဲ့ ဗြဟ္မာအသစ်က သက်တမ်းကုန်သွားတယ်။ အဟောင်းကြီးက သက်တော်ရှည်တယ်။ ဗြဟ္မာအသစ်က လူပြန်ဖြစ်တယ်။ ဈာန်ပြန်ကျင့်တယ်။ ဈာန်ရတယ်။ အဘိဉာဏ်လည်းရတယ်။ ရှေးဘဝကို ပြန်ကြည့်တော့ သူဗြဟ္မာပြည်မှာဖြစ်တယ်ဆိုတာကို မှတ်မိတယ်။ အဲဒီမှာ သူ့ကို ဖန်ဆင်းလိုက်တဲ့ ဗြဟ္မာကြီးလို့ထင်ခဲ့တဲ့အစွဲကို ဆက်ယုံသွားတယ်။ အဲဒီရသေ့ကြီးက တရားဟောတော့ လောကကြီးမှာ ဖန်ဆင်းရှင်ဆိုတာရှိတယ်ဆိုပြီးဖြစ်လာတယ်။ အဲဒီဝါဒဟာ ပေါ့သေးသေးမဟုတ်ဘူး။ ကမ္ဘာကြီးရဲ့ သုံးပုံနှစ်ပုံမကဘူး ယုံကြတယ်။ ဘာသာမတူရင်မတူဘူး။ တစ်ယောက်ယောက်က ဖန်ဆင်းနေတယ်လို့တော့ ယုံကြတယ်။ သိပ္ပံသမားတွေတောင် ဂြိုဟ်သားက ဖန်ဆင်းထားတယ်ယုံချင်ယုံနေနိုင်တယ်။ ၂၀၁၅ မှာထွက်မယ့် Minion ကားအရတော့ မီနီယွန်တွေက လူမတိုင်ခင်ကရှိခဲ့တာဆိုတော့ ဗြဟ္မာကြီးရဲ့ အမျိုးတွေဖြစ်နိုင်သေးတယ်။
ဖန်ဆင်းရှင်အယူအဆနဲ့ကြည့်လိုက်ရင် ကောင်းကင်ဟာလည်း ဖန်ဆင်းခံအရာဝတ္ထုဖြစ်သွားတယ်။ ဘုရားတွေဆိုတာ အကုန်သိရမယ်။ နေရာတကာလည်းရှိရမယ်။ နေရာတကာရှိရမယ်ဆိုတာ ဘာသာရေးစကားနဲ့တော့ omnipresence ခေါ်တယ်။ ဟုတ်တယ်လေ။ ဘုရားလုပ်နေပြီး ဟိုဟာမသိ၊ဒီဟာမသိဆိုရင် ခက်မယ်။ အဲဒါကြောင့် Bruce Almighty ထဲမှာ God မှာ စာရွက်တွေထည့်တဲ့ cabinet အရှည်ကြီးရှိတယ်။ နောက်ဆုံးလောလောလတ်လတ်ထွက်ခဲ့တဲ့ Lucy ကားမှာဆိုလည်း သူက နေရာတကာမှာရှိတယ်လို့ပြောတယ်။ လူစီဟာ ဘုရားဖြစ်သွားတာပါလား။ ဒရက်ဂွန်ဘော ကားတွန်းမှာဆိုရင်လည်း စကြဝဠာထဲက အင်အားကြီးတဲ့ ဂိုဏ်းတွေက ချယ်လှယ်တာပဲ။ ဖန်ဆင်းရှင်ကလည်း ချယ်လှယ်တာပဲ။ ဟိန္ဒူဝါဒမှာဆိုရင် လူတွေအားလုံးဟာ ဖန်ဆင်းရှင်ရဲ့စိတ်ကူးတွေလို့ဆိုတယ်။ ဦးနှောက်ဆဲလ်တွေတောင်ဖြစ်ချင်ဖြစ်မယ်။ ဖန်ဆင်းရှင်က အိပ်နေတာဆိုရင် လောကကြီးဟာ သူ့ရဲ့ အိမ်မက်ပဲ။ လူတွေတော်တော်လေးကို တီတီထွင်ထွင် တွေးထားကြတာ။ အဲဒါတွေ တစ်နေ့မှာ နားလည်လာဦးမယ်ထင်တယ်။ Energy cannot be created nor destroyed. ဆိုတာနဲ့ လူတွေရဲ့ အတ္တကောင်လေးမသေဘူးဆိုတာနဲ့က ခပ်ဆင်ဆင်ကိစ္စတွေ။ လူတွေက ဘယ်ကနေပွားနေသလဲဆိုတာကိုတော့ ကြံဖန်ပြောရတယ်။ အရင်က ပုရွက်ဆိတ်တွေ အခု လူဖြစ်လာတာလေ၊ အဲဒီလိုမျိုးပေါ့။ အဲဒါလည်း တော်တော်လေးကို ဆင်ခြင်ကြည့်သင့်တာတွေ။ ဖန်ဆင်းရှင်ဝါဒမှာတော့ ဘုရားတစ်ယောက်တည်းက အကောင်းနဲ့အဆိုးလုပ်ဖို့ခက်တယ်။ ခရစ်ယာန်မှာတော့ လက်ယာလက်နဲ့ ကောင်းချီးပေးပြီး လက်ဝဲဘက်လက်နဲ့ သုတ်သင်ဖယ်ရှားရေးလုပ်တယ်ထင်တယ်။ ဟိန္ဒူတို့၊ ဂရိတို့ကတော့ ဂိုဏ်းဖွဲ့လိုက်တယ်။ ဘုရားကောင်းနဲ့ ဘုရားဆိုးတွေ။ ဗုဒ္ဓဘာသာမှာတော့ မာရ်နတ်ဆိုတာရှိတယ်။ မွတ်ဆလင်က ရှိုက်တန်၊ ခရစ်ယာန်က လူစီဖှာတို့နဲ့ တစ်ကျောင်းထဲထွက်တွေ။
လူဟာ တစ်ခုခုကို ဆင်ခြင်လိုက်ရင် လှိုင်းတွေဖြာထွက်သွားတယ်။ ကုသိုလ်ရှိရင်၊ သူ့ကိုပြည့်စုံစေဖို့ အကုသိုလ်ရှိတယ်။ အကုသိုလ်သမားတွေသွားဖို့လည်း ငရဲဘုံလိုလာတယ်။ ငရဲဘုံဆိုတာလည်း automation လုပ်လို့မရတော့ တရားသူကြီးလိုလာတယ်။ ငရဲထိန်းတို့၊ ငရဲထိန်းရဲ့ ရော့ထ်ဝိုင်လာတို့ လိုလာတယ်။ ကောင်းတဲ့သူတွေ၊ ကုသိုလ်ရှင်တွေသွားဖို့လည်း ဘုံတွေ လိုလာတယ်။ နတ်ပြည်ဆိုတာလည်း အရင်က အရက်သမားတွေအရင်ရောက်နေတာ။ အသူရာဘုံခေါ်တယ်။ မာဃတို့က နောက်မှရောက်တာ။ ဆင်ခြင်ကြည့်ရတာ အရက်သမားတွေက မြင့်ရာမြတ်ရာဘုံ ပိုရောက်လွယ်တယ်ထင်တယ်။ အဲဒီမှာ အသားကုန်သောက်နေကြတာ။ နောက်မှ မာဃက လုပြီး ဘုံလုတယ်တဲ့။ သိကြားမင်းက အတော်စုတ်ပဲ့သွားတာပဲ။ နေစရာမရှိလို့ လူများအိမ်လုရတဲ့သူကို ကျနော်တို့က ဘာလေးစားရမလဲ။ ယုံကြည်မှုတော်တော်များများဟာ ဆင်ခြင်ဉာဏ်ကို စွန့်ခွာပြီး ယုံနေကြတာများတယ်ဆိုတာကို ပြောချင်တာပါ။ ကိုယ့်ဟာကိုယ် ယုံချင်ရာ ယုံတာကိုတော့ အမှား၊အမှန်မပြောလိုပါဘူး။ လောကကြီးထဲမှာ လူတိုင်းမှာ လွတ်လပ်စွာ ယုံကြည်ခွင့်နဲ့၊ လွတ်လပ်စွာ ကွဲလွဲခွင့်ရှိပါတယ်။
ကောင်းကင်ကိုကြည့်လိုက်လို့ အပြာရောင်လှလှမှာ တိမ်လှလှလေးတွေပွင့်နေတဲ့ကိစ္စမှာ တခြားဘာသာရေးအမြင်တွေမရောထွေးဘဲ တည့်တည့် မတ်မတ်၊ ခံစားနားလည်ဖို့ပိုအရေးကြီးတယ်လို့ ပြောချင်တာပါ။ အဲဒါလေးပြောဖို့ ခင်ဗျားကို ကျနော် ဘုရားတွေအကြောင်းဘက်ကနေ ပတ်ခေါ်လာခဲ့ရတာပါ။
အစာအိမ်ကမကောင်းတော့ဘူး။ ထမင်းစားရင် အစာမကြေဘူး။ ဝါးစားရမှာလည်းပျင်းတော့ ကျေအောင်လည်း ဝါးစားလေ့မရှိဘူး။ ဆန်ပြုတ်သောက်ရင်သောက်၊ မသောက်ရင် တိုရှည်တို့၊ နံပြားတို့စားတယ်။ ထောပတ်နံပြားပုံရိုက်ထားတာတွေ့တော့ နံပြားအကြောင်းဘက်ကို တွေးမိပြန်တယ်။ စိတ်က ပြောင်းရရွေ့ရလွယ်ပါတယ်။ နံပြားဆိုတာ နန်းကနေလာတာပဲ။ naan ။ မြန်မာတွေက ပြားနေရင် ပြားထည့်တယ်။ လုံးနေရင်လုံးထည့်တယ်။ Mug ဆိုတာတောင် Mug ကို မက်ဆိုရင်မပြည့်စုံသေးဘူး။ မက်ခွက်လို့ခေါ်တယ်။ ခွက်မဟုတ်လား။ ခွက်ပါရမယ်လေ။ ပူရီကိုတော့ ပူရီကြော်လို့မခေါ်ဘူး။ ပူရီပဲခေါ်တယ်။ ဒါတောင် potato ကို ကုလားတွေက arloo လို့ခေါ်တော့ အာလူးပူရီဆိုပြီး အပိုလေးထည့်လိုက်သေးတယ်။ ပူရီကို အသားနဲ့စားရင်လည်း အာလူးဟင်းရည်တော့ ပေးကြတာများပါတယ်။ အာလူးပူရီလို့မှာစရာတော့မလိုဘူး။ thosai ကိုတော့ေဿာ်ဆယ်လို့ မခေါ်တတ်တော့ မြန်မာလို သော်ဆယ်၊ သိုဆယ်၊ သိုရှည်၊ တိုရှည်ဆိုပြီးလုပ်လိုက်တာပဲ။ ကျနော်တို့အိမ်နောက်ဘက်မှာတော့ ကုလားရပ်ကွက်ရှိတယ်။ေဿာ်ဆယ်လို့မှာရင် နားလည်တယ်။ ချပါတီကျတော့ အသံထွက်မခက်ဘူး။ ချပါတီပဲထားလိုက်တယ်။ ပရာတာကြမှ ရာကခက်တယ်။ လာပြောင်းလိုက်ဆိုပြီး ပလာတာလုပ်လိုက်တယ်။ စမိုဆာလည်း မိုမနေတဲ့ မူလိုက်တာကောင်းတယ်။ စမူဆာဖြစ်သွားတယ်။ You tiao ကိုတော့ ကန်တုံနိစ်တွေလို yàuhjagwái ခေါ်ရတာ လျှာယားတာနဲ့ အီကြာကွေးလုပ်ပစ်လိုက်တယ်။ ပိုင်ချက်။ လုပ်နည်းကိုင်နည်းတွေလည်း နည်းနည်းပြောင်းလိုက်တယ်။ အထူးသဖြင့် နံပြားမှာ အပါးလုပ်လိုက်တာ။ အပါး၊အကြွပ်ဖြစ်သွားတယ်။ အိန္ဒိယတွေရဲ့ Naan ကတော့ နည်းနည်းလေးထူးတယ်။ နည်းနည်းပျေ့ာ့တယ်။ ပေါင်မုန့်ဆန်တယ်။ အထူနဲ့အပါးပြဿနာက အနံ့ပြောင်းသွားတာပဲ။ နည်းနည်းထူတော့ နံပြားရဲ့ မွေးရနံ့က ပိုပြီး တသင်းသင်းမွှေးနေတယ်။ ထောပတ်လေး ခပ်ပါးပါးသုတ်ထားရင် ချစ်သူရဲ့ကိုယ်သင်းနံ့နဲ့ စံပယ်ရနံ့ပြီးရင် တတိယမြောက် စွဲဆောင်မှုအရှိဆုံးဖြစ်လာတာပဲ။ နံပြားစားတယ်ဆိုတာ ပေါ့ပေါ့ဆဆစားလို့မဖြစ်ဘူး။ သေသေချာချာ ခံစားပြီး အနုပညာမြောက်အောင်စားကြရမယ်။ မြန်မာလူမျိုးဟာ အစားအသောက်မြန်တယ်။ ဇိမ်လေးနဲ့အေးအေးစားတတ်ဖို့မလွယ်ဘူး။ ခေတ်ကြောင့်။ အဘိုး၊အဖွားတွေက ဂျပန်ခေတ်၊အင်္ဂလိပ်ခေတ်မှာ ပြေးလွှားခဲ့တော့ စားပုံသောက်ပုံက မီးလန့်လို့ ပြေးခါနီး စားသလိုတွေဖြစ်နေတယ်။ အဟောင်းအစုတ်တွေ ပြန်သုံးဖို့ သိမ်းထားတာကလည်း အဲဒါတွေကြောင့်ပဲ။ ရှေးကတော့ အဲဒါက အရေးကြီးတာပေါ့။ အခုခေတ်မှာတော့ ဒါတွေ မလိုတော့ဘူး။ ဖြည်းဖြည်းစားကြပါ။ စားသောက်တာမှာ အနုပညာရှိတယ်။ လူကြီးလူကောင်းတွေ အစာကို အေးအေးပဲစားတယ်။ စားနေသောက်နေတုန်း စိတ်ညစ်စရာ၊စိတ်လေစရာတွေမပြောနဲ့။ ငြိမ်းငြိမ်းချမ်းချမ်းလေးစားကြသောက်ကြပါ။ ဝေဒနာဟောင်းသစ်၊မဖြစ်စေရာ ယာပိုဒ်မျှလစ် ၊ ခပ်သိမ်းပြစ်ကို မဖြစ်ရအောင် ချမ်းမြေ့အောင်ဆိုပြီး သုံးဆောင်ကြပါ။
မှောင်တဲ့လောကမှာ အလင်းရောက်လာတာလှတယ်။ အဲဒါကို တခြားသူတွေ သိပ်သဘောမပေါက်ကြဘူး။ ဦးလှိုင်ကတော့ လက်နှိပ်ဓာတ်မီးထိုးပြီးရေးတယ်ဆိုလား၊ ကဗျာ စာအုပ်တစ်အုပ်ထုတ်တယ်။ အလင်းကိုစောင့်ခဲ့ကြရတာ။ ကမ္ဘာကြီးသာ မှောင်သွားရင် အေးခဲသေကုန်ကြမှာပဲ။ တော်တော်ကြောက်စရာကောင်းတယ်။ အဲဒါလေးတွေးမိတော့ မနက်ခင်း အလင်းကို ပိုချစ်ခင်မိလာတာပဲ။ ဇနီးသည်ကတော့ ထုတ်မပြောတတ်ပေမယ့် သဘာဝတရားကို နားလည်တယ်။ တိမ်တွေကို သဘောကျပုံရတယ်။ ဦးသိန်းဇော်ရဲ့ ကိုယ့်မှာ တရားနဲ့ဖြေရတယ်ဆိုတာကို သူတောင် အလွတ်ရနေပြီ။
အလင်းပေါက်တိမ်တွေ။ ရေငွေ့ထဲမှာ အလင်းဟာ အိမ်ဖွဲ့နေတယ်။ တိမ်တွေဟာ ပင့်ကူအိမ်ဆို အလင်းဟာမိနေတဲ့ ပိုးကောင်ပဲ။ သူ့ကို ကြာကြာဖမ်းထားလို့မရပေမယ့် အခုတော့ မိနေသေးတယ်။
ရာဖဲလ်အရပ်က ငှက်တွေ။ ညနေစောင်းမှာ ပျံတက်သွားတယ်။ တစ်ချိန်ကြရင် ဒါဟာ လွမ်းစရာတစ်ခုဖြစ်နေတော့မှာပဲ။ ဟိုဘက်လမ်းမှာက SMRT ရုံး။
စင်ကာပူမှာက လူတွေက တိမ်တွေကို ငေးကြည့်ဖို့ သတိမထားတော့တာပဲ။ သတိထားထား၊ မထားထားပါ။ တိမ်တွေက မစိမ်းကားပါဘူး။ သူ့အလှသိုဝှက်ပြီး ဂုဏ်မောက်မနေပါဘူး။ အရှိအတိုင်းလှနေတာပါပဲ။ ကြည်စင်တဲ့ကောင်းကင်မှာ မိုးပွင့်ဖြူတွေ။ သမ္မာကျမ်းစာမှာတော့ မြင့်မြတ်တဲ့သူတွေရဲ့ မျက်နှာကို မိုးပွင့်လိုဖြူတယ်လို့ ရူပကအလင်္ကာသုံးတယ်။
တိမ်ပင်လယ်ကြီးတစ်ခု။ ငါးတွေရေထဲမှာကူးသလို၊ ငှက်တွေ တိမ်ထဲမှာကူးတယ်။ ဒိုင်မင်းရှင်းမတူရင် အမြင်မတူဘူး။ တိမ်ကို ငုံ့ကြည့်ရတဲ့ ခံစားချက်နဲ့ မော့ကြည့်ရတဲ့ ခံစားချက်လည်းမတူဘူး။ တိမ်တွေဟာ ရုံးသွားဖော်လည်းဖြစ်တယ်။ အားလပ်ရက်တွေမှာ ခရီးဖော်၊ ပျော်ပွဲစားထွက်တော့ သူဟာ ထီးလှလှလေးတစ်လက်။
လူတွေဆောက်တဲ့အလှတရားနဲ့ သဘာဝတရားရဲ့ အလှတရား။ သဘာဝတရားဟာ အကန့်အသတ်မဲ့မှုထဲမှာ ကျယ်ကျယ်ပြန့်ပြန့်တည်ဆောက်တယ်။
လူတွေ အိပ်ရေးမဝတဲ့အချိန်မှာ တိမ်တွေက အပြေးလေ့ကျင့်နေပြီ။
အလင်းရောင်မှာ စွမ်းအင်တွေရှိတယ်။ အလင်းဟာ လင်းချင်းတောက်ပမှုနဲ့ သူ့အလှကိုပြတယ်။ စကားလုံးမပါဘဲ ချစ်တဲ့စိတ်ကလေးတစ်ခုနဲ့ အလင်းကို ငေးကြည့်နေတဲ့စိတ်ဟာ လှတာပဲ။ မြစ်တစ်မြစ်ကရေကို နှစ်ခါမချိုးနိုင်ဘူးဆိုရင် အလင်းတရားရဲ့အလှကို နှစ်ခါပြန်ကြည့်ခွင့် မရနိုင်ဘူးဆိုရမယ်။ သူ့ရဲ့ အရှိန်ဟာ ပြောင်းလဲနေတယ်။ မြစ်ရေစီးနေသလို၊ အလင်းရောင်ဟာလည်း စီးဆင်းနေတယ်။ မိုင်ပေါင်း ၉၃ သန်းကို လျှောက်လာခဲ့ပေမယ့် ညောင်းညာပုံမပေါ်တဲ့ ခရီးသွားတစ်ယောက်။
မမြင်ရပေမယ့် အပေါ်မှာ သူတို့တွေရှိနေတယ်။ အဲဒီမှာ တိတ်ဆိတ်နေတယ်။ ပေါ့ပါးနေတယ်။ လွတ်လပ်နေတယ်။ အနှောင်အတွယ်ကင်းနေတယ်။ ကောင်းကင်အမြင့်က တိမ်တွေနဲ့ စိတ်ရဲ့အနက်အရှိုင်းက ပီတိဟာ ခပ်ဆင်ဆင်ပဲ။ သိပ်လှတယ်။ သိပ်ရိုးရှင်းတယ်။ တန်ဖိုးမဖြတ်နိုင်ဘူး။
Regards,
Z
ဒါ့ပုံဆှာအား ကျေးဇူးတင်ပါသည်။
Peace B with U.
