ရန်ကုန်သားနဲ့ရန်ကုန်သူ၊ ရန်ကုန်ပြန်သည်။
အိမ်ပြန်သွားတာ အသိတွေပေးဖို့ ချောကလက် ငါးပိဿာခန့်ပါသွားတယ်။
အဝတ်အဟောင်းတွေ လှူဖို့ တစ်ထုပ်သယ်သွားတယ်။
သူငယ်ချင်းတစ်ယောက်ကို မွေးနေ့လက်ဆောင်ပေးဖို့ အိုင်ဖုန်း ၅ အသစ်တစ်လုံးယူသွားတယ်။ အလကားတော့မပေးနိုင်ဘူး။ စင်ကာပူ ၅၀၀ ပြန်တောင်းလိုက်တယ်။ ကျန်တာကိုတော့ မွေးနေ့လက်ဆောင်ပေးလိုက်တယ်။ လင်မယားနှစ်ယောက်စလုံးရဲ့သူငယ်ချင်းဆိုတော့ အမှတ်တရလက်ဆောင်ပေးရတယ်။ သူငယ်ချင်းတွေကို တော်တော်ခင်ခဲ့ဖူးတယ်။ အခုတော့ သာမန်ပဲ။ မေးထူးခေါ်ပြောလောက်ဖြစ်ကုန်ပြီ။ အသက်ကြီးလာတော့ သူစိမ်းဆန်ကုန်ကြပြီထင်တယ်။ အရင်တုန်းကတော့ ကျောင်းပိတ်ရင်တောင် လွမ်းလို့ တစ်ယောက်အိမ် တစ်ယောက်သွားပြီး စကားသွားပြောကြတာနဲ့၊ စုပြီး မုန့်ထွက်စားကြရတာနဲ့၊ ခရီးစုသွားရတာနဲ့ တော်တော်ချစ်ချစ်ခင်ခင်ရှိခဲ့ကြတယ်။
မရီးလောင်းအတွက်တော့ ပိုက်ဆံအိတ်အသစ်တစ်လုံးပေးမယ် စိတ်ကူးတယ်။ မရီးအစစ်တွေအတွက်တော့ သူတို့ညီမက အက်ဒီးဒတ်စ် အိတ်တွေဝယ်သွားတယ်။ ယောက်ခမအတွက်တော့ သူ့သမီးဝယ်တယ်။ ပါတိတ်ဝယ်တယ်ထင်တယ်။ နယ်က အမျိုးတွေအတွက်လည်း ကျားဘမ်းပရုတ်ဆီ၊ Toblerone ချောကလက်၊ အစ်ကိုအရင်းအတွက်တော့ လေဆိပ်က ဆေးလိပ်ဗူးနဲ့ ချောကလက်ကောင်းကောင်းတစ်ထုပ်။ သူလည်း ဒီကို လိုက်လာမယ်ဆိုတော့ ဘာမှ သယ်မသွားတော့ဘူး။ တူတွေ၊တူမတွေအတွက်ကတော့ ဟိုတစ်ခါ အဝတ်အစားတွေထည့်ပေးလိုက်တယ်။ ဒီတစ်ခါတော့ ရေဗူးတွေ၊ထမင်းဗူးတွေဝယ်သွားတယ်။
အဝတ်ဟောင်းတွေကတော့ စင်ကာပူမှာ ပေးစရာရှားတယ်ထင်တယ်။ အိမ်မှာ အလှူလာလာခံတာကိုတော့ ပေးဖြစ်တယ်။ တီရှပ်တွေကိုတော့ သုံးလေးလတစ်ခါ စွန့်တယ်။ အဝတ်အစားနဲ့ပတ်သက်ရင် ကြေးမများဘူး။ ငယ်တုန်းက အဖေဝယ်ပေးတာဝတ်တယ်။ ကြီးလာတော့ အစ်ကိုဝယ်ပေးတာဝတ်တယ်။ နောက်တော့ မိန်းမဝယ်ပေးတာဝတ်တယ်။ ကိုယ့်ဘာသာ ဝယ်ဝတ်တာ ဆယ်ထည်မပြည့်သေးဘူးထင်တယ်။ သင်္ကန်းလှူတဲ့အကျိုးဖြစ်မယ်။ စီးပွားရေးမကောင်းတဲ့အချိန်တွေမှာတောင် ဝတ်စရာအသစ်တော့ အမြဲရှိတယ်။ စားစရာသာ သိပ်မလုံလောက်ဖူးဖြစ်ခဲ့ဖူးတယ်။ ဝတ်စရာကတော့ အမြဲရှိတယ်။ ငယ်တုန်းကတော့ ခရစ်စမတ်ကာလဆိုရင်တစ်နှစ်လုံး အဝတ်ဟောင်းတွေစုပြီး နွမ်းပါးတဲ့သူတွေကို ပေးတယ်။ အခုနောက်ပိုင်း စိန့်ဗင်းဆင့်ဒီပေါလ်အသင်းက ဒါတွေဆက်လုပ်နေတယ်ထင်တယ်။ မသိတော့ဘူး။ ဘာသာရေးတွေ၊ လူမှုရေးတွေနဲ့ဝေးသွားပြီ။ ကိုယ့်စိတ်ကိုယ်ချမ်းသာအောင်ထားတယ်။ ကူနိုင်တာကူတယ်။ မကူနိုင်တာကိုလည်း စိတ်မကောင်းမဖြစ်တော့ဘူး။ အရေထူလာတဲ့သဘောရှိတယ်။ စိတ်ပုတ်လာတဲ့သဘောလည်းရှိတယ်။
ရန်ကုန်က ပစ္စည်းအဟောင်းတွေအားလုံးပေးပစ်ဖို့ အစ်ကို့ကိုမှာတယ်။ သေချာကိုမှာတယ်။ bro ရေ၊ အမျိုးတွေကလွဲရင် ကျန်တဲ့သူ ဘယ်သူ့ပေးပေး သိပ်ကောင်းတယ်လို့ပြောလိုက်တယ်။ အမျိုးဆိုတာတွေကိုတော့ ဝေးလေကောင်းလေပဲ ထင်တယ်။ အခုဆို အမေနဲ့ အဘွားလည်းမရှိတော့ဘူးဆိုတော့ အမေ့ဘက်က အမျိုးတွေ မေ့လိုက်လို့ရပြီ။ အဖေ့ဘက်က အမျိုးတွေကိုတော့ အရင်ကတည်းက ရပ်ပစ်ရှစ်ပါးထဲထည့်ထားတယ်။ ပြန်တော့ လက်ဆောင်ဝယ်ပါလားဆိုပြီး မိန်းမကပြောတယ်။ မဝယ်ပါဘူး၊ ဒီကိုလာတုန်းကလည်း သူတို့ ဘာမှ ထည့်ပေးလိုက်တာမှမဟုတ်တာလို့တောင်ပြောလိုက်သေးတယ်။ အမျိုးတွေကို ထောက်ပံ့မယ့်အစားတော့ ဆင်မ်ဆမ်ကာတွန်းထဲကလို ဒေါ်လာတစ်ရာမီးရှို့ပြီး ဆေးပြင်းလိပ် မီးညှိတာကမှ ပိုအရသာရှိဦးမယ်ထင်နေမိတော့တာပဲ။
သထေးတွေကိုလည်း ဘာမှမဝယ်ပေးဘူး။ ပြည့်စုံပြီးသား။ ကိုယ့်ဟာကိုယ်ဝယ်သုံးနိုင်တယ်။ အပိုတွေသွားပေးရင် အပိုဖြစ်တာပဲအဖက်တင်တယ်။ ခရစ်စမတ်ကဒ်တွေပို့လိုက်တယ်။ ရကြောင်းတောင် သတင်းမပို့ဘူး။ ရပြီလားဆိုတော့မှ ရတယ်ပြောတယ်။ လေကိုချွေတာတဲ့သဘောဖြစ်မယ်။
အဖေကတော့ လိမ်မာရှာတယ်။ ဘာပို့ပို့ သူ့တစ်မျိုးလုံး ပတ်ပတ်ကြွားနေတယ်။ ဝယ်ပို့လိုက်တဲ့ပစ္စည်းထက်တောင် ဖုန်းဆက်ကြွားတဲ့စရိတ်က ပိုများနေမယ်ထင်တယ်။ လူကြီးတွေ အသက်ကြီးလာရင် အီမိုချင်လာတယ်။ ဘာဝနာများများဖက်ဖို့ပြောရမယ်။ အမေဆုံးသွားတာ သူအခုအထိ စိတ်မကောင်းဖြစ်နေတယ်။ ကျနော်လည်းစိတ်မကောင်းဘူး။ ဒါပေမယ့် ဆုံးသွားပြီဆိုတာကို ခဏခဏ ဝမ်းနည်းနေစရာမလိုဘူးထင်တယ်။ ဆုံးပြီ၊ တစ်ခါဝမ်းနည်းပြီးပြီ။ တော်ပြီပေါ့။ ခဏခဏ ဝမ်းနည်းနေတော့ရော သေသွားပြီးတဲ့သူက သဘောကျမယ်မထင်ဘူး။ အမေရော၊ အဘွားရော ကချင်အစစ်တွေပဲ။ ကချင်အစစ်တွေမှာ စိတ်ထားရှင်းတယ်။ အပိုလည်းမလုပ်ဘူး။ အပိုလည်း မပွားဘူး။ အဲဒါကောင်းတယ်။ ခံစားချက်ဟောင်းကို အနာဖေးခွာတဲ့အလုပ်ကို အမေနဲ့ အဘွားလည်း ကြိုက်မယ်မထင်ဘူး။ သူတို့အတွက် ရည်စူးပြီး ကုသိုလ်တွေဆက်လုပ်တယ်။ အမျှအတန်းပေးတယ်။ သူတို့လှူချင်တာတွေ ဆက်လှူပေးတယ်။ ကိုယ့်ကိုယ်ကို ကျန်းမာအောင်နေတယ်။ ပျော်အောင်ထားတယ်။ အဲဒါကမှ သေသူတွေရဲ့ဆန္ဒလို့ထင်တယ်။ သို့သော်လည်း အဖေဆိုတော့ ပြောရင် စကားများဖို့ရှိတယ်။ အချိုးသိပ်မပြေတဲ့သားဆီလည်း သူဖုန်းမဆက်တော့ဘူး။ ချွေးမဆီပဲဆက်တယ်။ တစ်ချက်တစ်ချက် သားတွေမလိမ်မာတဲ့အကြောင်း၊ ငယ်ငယ်က ပေတေတဲ့အကြောင်းတွေ အတင်းတုပ်တယ်။ တော်တော်ချစ်စရာကောင်းတဲ့အဖေလို့တောင်ထင်ရတယ်။ ဒါနဲ့ပဲ ချွေးမမွေးနေ့ကို သတိမပေးဘဲထားလိုက်တယ်။ သူမှတ်ထားပေမယ့် အလုပ်ရှုပ်နေတော့ သတိမရဘူး။ နောက်တော့ သတိမပေးတာကို သူဒေါပွနေတယ်။ မသိချင်ယောင်ဆောင်နေလိုက်တယ်။ အားဆေးတွေပို့ထားတာတွေ သောက်တယ်လို့တော့ပြောတယ်။ နေကတော့ မဟားတရားကောင်းတယ်။ အသက်ခြောက်ဆယ်ကျော်မှာ တစ်နှစ်တစ်ခါတောင်မဖျားဘူး။ မျိုးရိုးကတော့ ချူချာတဲ့မျိုးရိုးဟုတ်ပုံမရဘူး။ သူ့အဖေနဲ့အမေလည်း ရှစ်ဆယ်တော်တော်ကျော်မှသွားတာဆိုတော့ အသက်ရှည်မယ့်သဘောရှိတယ်။
အခုတလော ကျနော်လည်း သံယောဇဉ်ကတော့ နည်းတယ်။ ကိုယ့်ကိုယ်ကိုတော့ပိုချစ်လာတယ်။ ညတိုင်း၊ ပျားရည်သံပုရာသောက်တယ်။ အသက်ရှည်အောင် ကံ၊စိတ်၊ဥတု၊ အဟာရ မျှအောင်နေတယ်။ တစ်ပါတ် နှစ်ခါ ငါးစားတယ်။ အရွက်များများစားတယ်။ ပဲပင်ပေါက် တစ်ပတ်နှစ်ခါစားတယ်။ အနီရောင်အသားတွေကို တစ်လ နှစ်ခါလောက်စားတယ်။ အပြုတ်၊အသုတ်တွေဘက်ကို စိတ်ဝင်စားအောင်ကြိုးစားတယ်။ အိပ်ချိန်ကို ရှစ်နာရီနဲ့အထက်မှာ အမြဲရှိနေအောင်ထားတယ်။ ဆီး၊ဝမ်းမှန်ဖို့ ဂရုစိုက်တယ်။ BMI ကိုလည်း ထိန်းထားတယ်။ အခုအထိတော့ အားလုံးအိုကေတယ်။ နေမကောင်းတာလည်းမရှိသလောက်ပဲ။ ရာသီဥတုပြောင်းရင် ပိုသတိထားပြီးနေတယ်။ ခြေထောက်မအေးအောင် အိမ်နေရင်းလည်း ဖိနပ်စီးတယ်။ ကိုယ့်ကိုယ်ကို အချစ်ဆုံးဆိုတဲ့ တရားကို မကြာမကြာနာတယ်။ မိန်းမကတော့ အဲဒီတရားမနာရင်လည်း ကိုယ့်ကိုယ်ကို အချစ်ဆုံးဆိုတာ သိပ်သိသာပါတယ်လို့ပြောတယ်။
မရီးအကြီးရော၊ မရီးအငယ်ပါ နေပူတော်ရောက်နေတော့ ဟင်းကို မိန်းမချက်ရဖို့ရှိတယ်။ နေပူတော်လိုက်သွားပြီး မရီးအကြီးကို ဟင်းချက်ခိုင်းရင် ကောင်းမယ်စိတ်ကူးနေတယ်။ မရီးအငယ်ကတော့ ဆေးရုံတက်ပြီး အကြိတ်ခွဲမယ်ပြောတယ်။ အဲဒါလည်း တွေ့ဆုံ အားပေးစကားပြောရဦးမယ်။ မိန်းမဘက်က အမျိုးတွေကိုတော့ ချီးမြှင့်တဲ့သဘောအနေနဲ့ ခရီးသွားတုန်း တစ်ရက်တစ်လေ ဝင်တွေ့မယ်။ မော်လမြိုင်ကအမျိုးတွေဆီလည်းဝင်မယ်။ အညာက အမျိုးတွေဆီလည်းသွားမယ်။
အဆင်ပြေသလိုပဲနေမယ်။ အဆင်ပြေသလိုလေးသွားမယ်။ အဆင်ပြေမယ်ထင်တဲ့သူတွေနဲ့ပဲတွေ့မယ်။ အဆင်မပြေဘူး၊ မအားဘူးဆိုတဲ့သူတွေဆီ ခြေဦးတောင်မသမ်းဘူး။ အားတဲ့သူတွေဆီပဲသွားမယ်။ စားမယ်။သောက်မယ်။ ပျော်မယ်၊ ပါးမယ်။ အပင်ဝယ်မယ်။ ရွှေသင်္ကန်းကပ်မယ်။ သံဃာ့ဆေးရုံကို နည်းနည်းလှူမယ်။ ရန်ကင်းစင်န်တာက Game City မှာ အမှတ်တရခဏလောက်သွားဆော့မယ်။ မြကျွန်းသာကိုလည်း ခဏလောက်သွားမယ်။ ဆရာမဖြစ်နေတဲ့သူငယ်ချင်းတွေကိုလည်း မုန့်လိုက်ကျွေးခိုင်းရမယ်။ ၁၂လုံးတန်းက ကျနော်တို့နဲ့ခင်တဲ့ ဝက်သားတုတ်ထိုးသည်ကြီး ဆိုင်ပိတ်သွားတာ သေချာအောင် တစ်ခါထပ်သွားကြည့်မယ်။ တိုနီထွန်းထွန်းမှာ မိန်းမရဲ့ မျက်နှာကို ပေါင်းတင်ပေးရမယ်။ စင်ကာပူကိုဝယ်ဝယ်လာပြီး လွှင့်လွှင့်ပစ်ဖို့ ဆေးကလည်း တစ်နှစ်တစ်ခါဝယ်ရဦးမယ်။ ဒီနှစ်မှာတော့ နေကောင်းနေတော့ ဘာဆေးမှမသောက်ရတော့ဘူး။ ဗိုက်တောင်မအောင့်တာကြာပြီ။ ခေါင်းလည်းမကိုက်။
ရန်ကင်းကြေးအိုးမှာစားမယ်။ ဖီးလ်မှာစားမယ်။ လမ်းဘေးဆိုင်တွေမှာ နည်းနည်းလောက်စားမယ်။ ဒါမှ နောက်အပြီးပြန်သွားလည်း လမ်းဘေးစာတွေ ကောင်းကောင်းစားနိုင်မှာ။ လက်ဖက်ရည်ကို တစ်နေ့ သုံးခွက်သောက်မယ်။ ပန်းဆိုးတန်းမှာ ကြံရည်သောက်မယ်။ ဗိုလ်တစ်ထောင်ဘုရားမှာ အပေါ့သွားမယ်။ ငယ်တုန်းကလုပ်ခဲ့တာတွေကို နောက်တစ်ကျော့ပြန်လုပ်ကြည့်ရမယ်။ စိန့်မေရီမှာ ရေဝင်သောက်မယ်။ အင်တာနက်မသုံးဘူး။ လက်ပ်တော့လည်းသယ်မသွားဘူး။ ဓာတ်ပုံလည်းမရိုက်ဘူး။ ဖုန်းလည်းမပြောဘူး။ စာအုပ်တစ်အုပ်တစ်လေဖတ်မယ်။ ရန်ကုန်က လက်ကျန် အုပ်သုံးရာလောက်ကို လက်ဂေ့ခ်ျနှစ်ခုနဲ့သယ်မယ်။ ပိုတဲ့ကီလိုတွေကို မြန်မာငွေနဲ့ဖြေရှင်းကြည့်ရမယ်။
ကျိုက်ထီးရိုးမှာ ယုန်သားစားမယ်။ အဲဒီယုန်ကသေပြီးသားဆိုတော့ ပံ့သကူဖြစ်တယ်။ ရင်ပြင်တော်မှာ ပက်လက်လှန်အိပ်ပြီး ကြယ်တွေကြည့်မယ်။ အောင်မြေကို နင်းမိအောင် ရင်ပြင်တော်ပေါ်မှာ ပတ်လျှောက်ကြည့်ရမယ်။
ရွှေတိဂုံကို မနက်တစ်ခေါက် ညတစ်ခေါက်သွားပြီး ဖယောင်းတိုင်လေးဘာလေးထွန်းရမယ်။ ကျေးဇူးရှင်ပေါင်မုခ်ခဆီလည်းသွားရမယ်။ အိမ်ခန်းဝယ်ဖို့သွားကြည့်ရမယ်။ မြေကွက်ဈေးမေးရမယ်။ ဘယ်ဘက်တွေ ဘာတွေဖြစ်လာမလဲ စနည်းနာရမယ်။ ကလေးမွေးရင် ဘယ်သူလာထိန်းမလဲဆိုတာလည်း အစ်တန်အစ်ရမယ်။ မိန်းမရဲ့အသိ ဗေဒင်ဆရာကြီးဆီသွားပြီ ပြန်လာတဲ့အခါ ဟောတတ်ဖို့ သုံးလပြတ်သင်ပေးဖို့ အပူကပ်ရမယ်။
ဝက်သားနဲ့ကြာဆံကြော်စားရမယ်။ မုန့်ဟင်းခါးများများစားရမယ်။ စာအုပ်ဆိုင်တွေဘက်ကိုလျှောက်ပြီး တစ်အုပ်မှမဝယ်နိုင်လို့ပြန်လာခဲ့ရဦးမယ်။ နက်ရှင်းနယ် စီဒီကိုသွားပြီး တိုက်ပင်ကျူတာတစ်ချပ်ဝယ်ရမယ်။
ရေလည်အကြည် ဆိုပြီး ဗလူရေးကို မြန်မာလို ဘာသာပြန်ထားတဲ့ ဇာတ်ကားတွေဝယ်ရမယ်။ ပြီးရင်လည်းကြည့်ဖြစ်တာတော့မဟုတ်ဘူး။ နောင်လာနောက်သားတွေပြဖို့လို့ပြောရအောင်လည်း ကလေးတွေ ဘာတွေမရှိဘူး။ စီမံကိန်းလည်း မရှိဘူး။ ဟိုကိုယ်တော်ကြီးတောင် ရာဟုလာ ဆိုပြီး သားသမီးကို နာမည်ဆိုးဆိုးပေးပြီး တောထွက်သွားလို့ စိတ်ချမ်းသာရာရတယ်လို့ တစ်ချက်တစ်ချက် အတွေးဝင်တယ်။ မဟုတ်ရင်လည်း ကလေးထိန်းနေတဲ့ စကြဝတေးမင်းလောက်နဲ့ပွဲသိမ်းသွားဖို့ရှိတယ်။
အန်ကယ်ငြိမ်းစာအုပ်နှစ်အုပ်ဝယ်မယ်။ ရင်းနှီးမြုပ်နှံမှုအကြောင်း ဘယ်သူတွေ ဘာတွေရေးသလဲသွားကြည့်ရမယ်။ စာပေလောကကို ခဏလောက်သွားမယ်။ ပြီးရင်ကျောက်မြောင်းမှာ လက်ညှစ်မုန့်တီသွားစားမယ်။ ပုစွန်ကွက်ကြော်ကလည်းသိပ်မကောင်းတော့ဘူး။ ပဲပြားအစာသွပ်နည်းနည်းလောက်စားမယ်။ ကြံရည်ရရင် ကြံရည်နည်းနည်းလောက်သောက်မယ်။ စစ်တုရင်သမားတွေနဲ့တွေ့ရင် တစ်ပွဲလောက် အမြန်ထိုးမယ်။ အော်ကွေ့ကြည်စားမယ်။
အကြော်စုံစားမယ်။ အချဉ်ရည်မစားဘူး။ ရေမုန့်စားမယ်။ ကောက်ညှင်းကျည်တောက်စားမယ်။ မုန့်လင်မယားတစ်ယောက်တည်း အခု ၂၀ လောက်စားမယ်။ ဝက်သားတုတ်ထိုးတော့မစားဘူး။ ဒံပေါက်မစားဘူး။ ထောပတ်ထမင်းမစားဘူး။ ကြာဆံချက် တစ်ပွဲလောက်ကို အချဉ်များများနဲ့စားရမယ်။
ရှေ့သွားတစ်ချောင်းနှုတ်ရမယ်။ နှစ်ထပ်ပေါက်နေတာကို အနှစ်သုံးဆယ် သည်းခံခဲ့ပြီးပြီ။ အခုတော့ နှုတ်လိုက်တော့မယ်။ ပါးစပ်ထဲမှာ အလကားနေ လေးနေတယ်ထင်လာပြီ။ အဝေးမှုန်နေတာကြာပြီ။ မျက်မှန်ပြန်တပ်တော့မယ်။ ရွှေဘုံသာလမ်းက အသိဆိုင်မှာလုပ်မယ်။ ဈေးပေါပေါနဲ့။
စိန်ရောင်းတဲ့ဆိုင်သွားပြီး GIA တွေရှိလားမေးမယ်။ ရှိရင် သိမ်းထားလိုက်ပါလို့ပြောမယ်။ ဝယ်တော့မဝယ်နိုင်သေးဘူး။ ထီပေါက်တဲ့အခါ မိန်းမကို ဝယ်ပေးရင်ကောင်းမလား လာကြည့်တာပါလို့ပြောရမယ်။
သတင်းစာ ၁၀ မိနစ်လောက်ဖတ်ကြည့်ရမယ်။ တီဗွီ လုံးလုံးမကြည့်ဘူး။ မိန်းမအလစ်မှာ လိုချင်တာတွေဝယ်ရမယ်။ ရေစက်ကရားတစ်ခုလည်းဝယ်ရမယ်။ ရွှေတိဂုံမှာရောင်းတယ်။ ဖုန်းလည်းမပြောဘူး။ ကိုင်လည်းမကိုင်ဘူး။ ပြောလည်းမပြောဘူး။ ဒစ်ဂျစ်တယ်ရော၊ အနယ်လော့ခ်ကိုပါ ဆန့်ကျင်ပြီး သဘာဝကျကျနေရမယ်။ ဖေ့စ်ဘွတ်ခ်လည်း မသုံးတော့ဘူးလို့စိတ်ကူးတယ်။ အခုလည်း ထွက်စို့ခေါ်ထားတယ်။ ပြန်လည်း မလာဖြစ်ဖို့များသွားပြီ။ Blog လည်း ပျော်သလောက်ရေးပြီးပြီ။ ပိုက်ဆံများများရှာရမယ့် အရွယ်ရောက်ပြီ။
နာရေးကူညီမှုအသင်းကိုလည်း နည်းနည်းလှူရမယ်။ သူတို့ခမျာဆွယ်တာထိုးတတ်တာမဟုတ်ဘူး။
ကျန်တာတွေကိုတော့ မီးစင်ကြည့်ကရမှာပဲ။ အဲဒါကို အင်းဂလစ်ခ်ျလို fire stage look dance ရမှာပဲလို့ပြန်ရင် ဘဝသစ် ဦးအောင်ကျော်ခမျာ ရင်ထုမနာတော်တဲ့ တပည့်ကောင်းကို အချစ်ပိုတော့မှာပဲ။
တော်သေးပြီ။
Regards,
Z
Notes
ရန်ကုန်သားဖြစ်ရတာကို ကျနော် သေမတတ် ဂုဏ်ယူမိတယ်။
Peace B with U.
