မျှော်လင့်ချက်ကို ပင်အပ်နဲ့ထိုးစိုက်ထားတဲ့အခါ ... ငြိမ်သက်ခြင်းခန္ဓာနဲ့ ရှင်သန်ခြင်းယောင်ယောင် တောင်ပံများဟာ တဖျတ်ဖျတ်ခတ်လို့နေတယ်။

မျှော်လင့်ချက်ကို ပင်အပ်နဲ့ထိုးစိုက်ထားတဲ့အခါ ... ငြိမ်သက်ခြင်းခန္ဓာနဲ့ ရှင်သန်ခြင်းယောင်ယောင် တောင်ပံများဟာ တဖျတ်ဖျတ်ခတ်လို့နေတယ်။

ပြေးလွှားနေသည့် ကိန်းဂဏန်းများကြားထဲ အိမ်မက်တစ်ခုသည် စံပယ်ရနံ့လို တရွေ့ရွေ့ ဝင်ရောက်လာသည်။ ကောင်းသော ရှင်သန်မှု၊ ကောင်းသော အသက်မွေးမှု၊ ကောင်းသော နောင်တရမှုများနှင့်အတူ ဆောင်းရာသီ၏ ဝင်ရောက်မှု၊ ထွက်ခွာမှုသည် အလွန်သိမ်မွေ့နေသည်။ "ဒီကိစ္စ တအားနူးညံ့တာ"ဟု မိတ်ဆွေတစ်ယောက်က ပြောသည်။ ဟုတ်မည်ထင်သည်။

ပန်းချီကျော် ဒါလီ၏ ရယ်စရာ နှုတ်ခမ်းမွှေးတစ်ခုကစမည်ထင်သည်။ ထိုနေ့က ဆိုးဆိုးရွားရွား ခေါင်းကိုက်နေသည်။ စင်ရော်တောင် မျက်ခုံးလေးတစ်ခုသည် ရယ်စရာကောင်းသော ဒါလီ၏နှုတ်ခမ်းမွှေးကို သတိရနေစေသည်။ လွမ်းမည်ဆိုလျှင် ကြံဖန်လွမ်းနေစရာကောင်းသည်။ အေးမြသော ဆောင်းရာသီသည် ဘာမဆို လွမ်းဆွတ်ချင်စရာကောင်းနေသည်။ စင်ရော်တောင် မျက်ခုံးလေးတစ်ခု၊ကြည်စင်သော အပြုံးတစ်ခုနှင့်အတူ မျက်ဝန်းတစ်စုံသည် မိမိ၏ စိတ်ကို ပြတိုက်တစ်ခုဖြစ်စေခဲ့သည်ထင်သည်။ ပြတိုက်သည် ရပ်တန့်မှုသက်သက်သာဖြစ်သည်။ ပြတိုက်သည် ပိုင်ဆိုင်ထားသော အလှတရား၊ အမှတ်ရမှုများဖြင့်သာ တစ်သက်လုံးနေထိုင်သွားသည်။ "

ဒီကိစ္စ တအားရူးသွပ်တာ"ဟု မိတ်ဆွေက ဆိုလေသည်။

တောင်တန်းတစ်ခု၏ သင်္ကေတမှာ ရှင်သန်မှု အနည်းဆုံးဖြင့် ဘဝကို ဖြတ်သန်းသွားရန် ညွှန်းဆိုနေသည်။ တောင်တန်းများကို ထိုအချိန်မှစ၍ ချစ်ခင်မိသွားခြင်း ဖြစ်ဟန်တူသည်။ အယ်နောင်း၏ တရွေ့ရွေ့ဝေးကွာ သီချင်းကို ထပ်ခါတလဲလဲ နားထောင်ရင်း ဆောင်းလေများ အေးမြလာခဲ့သည်။ တောင်တန်းများသည် ထွက်ခွာသွားသော တိမ်တိုက်များကို မော့ကြည့်နေခဲ့သေးသည်။ ရွေ့လျားမှုကို စွန့်လွှတ်ထားခဲ့သော ရှင်သန်မှုတစ်ခု၏ ကြောက်မက်ဖွယ် အေးမြမှုကို စိတ်က တစ်ဆစ်ချင်း နားလည်လာသည်။

Hannibal ရုပ်သံဇာတ်လမ်းတွဲ ၂၆ ကားအကြောင်းပြောရင်း အရူးတစ်ယောက်၏ ချစ်ခြင်းမေတ္တာအကြောင်းကို ရောက်ရှိသွားသည်။ အရူးတစ်ယောက်၏ အတ္တသည် အလွန်ပြည့်စုံသော တည်ဆောက်မှုဖြစ်သောကြောင့် အချစ်ကို ထပ်မံဖြည့်စွက်စရာ နေရာမရှိတော့ဟု မျက်ဝန်းနက်ကလေးတစ်စုံက ဆိုသည်။ "ဒီကိစ္စ တအား နူးညံ့တာ"ဟု မိတ်ဆွေတစ်ဦးက မပြောပါ။ ဆောင်းရာသီ၏ သစ်ရွက်ကြွေများ ရွေ့လျားသံသည် အလွန်လှသော ဂီတဖြစ်ကြောင်းသာ ပြောဖြစ်ခဲ့သည်။

လူသည် ဗိုက်ပြည့်ပြီး၊ အိပ်ရေးဝနေလျှင် အလွန်လွမ်းဆွတ်တတ်သော သတ္တဝါဖြစ်ကြောင်း သူငယ်ချင်းတစ်ယောက်က အဆိုပြုလေသည်။ အခြေခံလိုအပ်ချက်များ ပြည့်စုံလာလျှင် လူသည် spiritual need ဘက်သွားသည်ဟူသော အဆိုကို တိုက်ရိုက်ကန့်လန့်တိုက်နေသယောင်ဖြစ်နေသော အဆိုဖြစ်မည်။ ကျိုက်ထီးရိုး ဘုရားဖူးသွားကားပေါ်တွင်တော့ လူတိုင်းဟာ တွေးခေါ်ရှင်၊ လူတိုင်းဟာ ဒဿနဆရာ၊ လူတိုင်းဟာ ဟာသသမား၊ လူတိုင်းဟာ ပျော်ရွှင်သော ဘဝပိုင်ဆိုင်သူတွေ ဖြစ်နိုင်ခဲ့ကြသေးသည်။ သိပ်ဝေးဝေးမဟုတ်သော အတိတ်သည်ပင် ၁၃ နှစ်ကြာညောင်းခဲ့ပြီဖြစ်သည်။ တောင်ဝှေးထက်စာလျှင်တော့ နူးညံ့နွေးထွေးသော ချစ်သူ့လက်က တစ်သက်လုံး သယ်ဆောင်သွားရန်သင့်လျော်ကြောင်း နားလည်စေခဲ့သော ခရီးဖြစ်သည်။

လူသည် မိမိ အမှားမှသာ သင်ယူသော သတ္တဝါဖြစ်သည်။ ထိုအဆိုကို တင်ပြခဲ့သူမှာ ရေလျှံနေသော ဆိပ်ကမ်းသာလမ်းတွင် မြောင်းပေါက်ကျွံကျဖူးသော ငယ်သူငယ်ချင်းဖြစ်နေသည်။ ဘဝနှင့်ရင်းပြီး သင်ယူလေ့လာခဲ့သော အဆိုဖြစ်ဟန်တူသည်။ ပြောင်းလဲမရသော အတိတ်ကို သင်ယူနေရန် လိုအပ်သေးလားဟု မေးနေရန် အချိန်မရှိတော့ပါ။ အမှားအသစ်များ၏ အကန့်အသတ်မဲ့ လှပမှုများသည် နောင်တဖြင့်နေထိုင်ခြင်း၏ အရောင်အသွေးကင်းမဲ့မှုကို ပျက်ရယ်ပြုကြပါသည်။ ကြာရှည်သော နောင်တများသည် ဥပါဒါန်ဖြစ်လာနိုင်သည်။ တိတ်ဆိတ်သော အခန်းကျဉ်းလေးမှ သံချေးတက်နေသော သံချောင်းတစ်ချောင်းသည် ကမ္ဘာကျော် ပန်းချီကားတစ်ကားကို စောင့်နေမှန်း ကျွန်တော်တို့ ကြိုမသိခဲ့ပါ။ ချာလီဝှိုက်တစ်ပုလင်း အိမ်သာကြမ်းပြင်ပေါ် ကျကွဲသွားတုန်းကနှင့်တူနေသော နေ့စွဲများလည်း ရှိကြသေးသည်။ အလွန်မွှေးမြနေသော လွဲချော်မှုတစ်ခုသာဖြစ်သည်။ လူသည် မိမိ အမှားမှသာ သင်ယူသော သတ္တဝါဖြစ်သည်ဟု အဆိုပြုခဲ့သော သူငယ်ချင်းအား ဂျော်နီဝေါ်ကား ရွှေပတ်တစ်ပုလင်း လက်ဆောင်ပေးရဦးမည်ထင်သည်။

ချစ်ခြင်းတရားသည် မထွန်းကားသော ယဉ်ကျေးမှုတစ်ရပ်ဖြစ်သည်။ စွန့်စားသွားးလာရန်လည်း Costantine ဆန်လွန်းနေမည်ထင်သည်။ Costantine ကတော့ ဂါထာအစွမ်းဖြင့် နတ်မိစ္ဆာများကို နှိမ်နင်းနေသည်။ ချစ်သူဟောင်း သီလရှင်ဝတ်သွားသော ခံစားချက်ကို အနတ္တဟုရှုမြင်နိုင်သော တစ်နေ့တွင် Costantine သေနတ်ဒဏ်ရာဖြင့် လဲကျနေခဲ့သည်။ ပျော်စရာကောင်းသော ဇာတ်လမ်းတွင် အနမ်းတစ်ခုစီရှိနေခဲ့သည်။ ယုဒသည် ငွေအသပြာ အနည်းငယ်အတွက် သခင်ကိုနမ်းခဲ့ဖူးသည်။ ပိုက်ဆံရဖုို့ နမ်းရသော ဘဝသည် အင်မတန်ခမ်းခြောက်မည်ထင်သည်။ ချစ်ခြင်းမေတ္တာအတွက် ချစ်ခြင်းမေတ္တာသည် အကောင်းဆုံးဆေးဝါးဖြစ်ပါလိမ့်မည်။ တိမ်တိုက်များမသိလိုက်သော ကြယ်ကြွေတေးများသည် အချိန်ကာလတစ်ခုအထိ ဟင်းလင်းပြင်ကို ဖြတ်သန်းရင်း သွားလာနေဦးမည်ဖြစ်သည်။

ကြွေပြီးသား ကြယ်များ၏ အလင်းတို့ဖြင့် ဘဝကို မျှော်လင့်ခဲ့ကြသည်။ တည်ငြိမ်သော ရိပ်မြုံလေးတစ်ခုနှင့် လှပသော ဥယျာဉ်လေးတစ်ခုစီ။ နွားခြေရာခွက်ထဲတစ်ဝက်ပြည့်နေသော ရေဖြင့်ပင် အလွန်လှသော လဝန်းကို သိမ်းဆည်းနိုင်ခဲ့ကြသည်။ ချစ်ခြင်းတရား၏ သိမ်မွေ့မှု၊ ပြည့်စုံမှုတို့ဖြင့် နေ့စွဲများ တောက်ပလာသည်။ ချစ်ခြင်း၏ အလင်းဖြာမှုသည် ဖန်ဆင်းခြင်းဖြစ်စဉ်တွင် အလွန်အရေးပါခဲ့လိမ့်မည်။ လူသည် ချစ်ခြင်းတရားအားဖြင့် မိမိ၏ ဘုရားအဖြစ်ကို ပြန်လည်ရရှိခဲ့ကြသည်။ လူသည် ချစ်ခြင်းတရားဖြင့်ပင် ဒဏ်ရာများကို ကုစားခဲ့ကြသည်။ အခါခပ်သိမ်းမှောင်မိုက်ခြင်းဖြင့် ငြိမ်သက်နေသော စကြဝဠာအတွင်း ပထမဆုံး လောင်ကျွမ်းမှုသည် ချစ်ခြင်းတရားဖြစ်လိမ့်မည်။ အချိန်ကာလတစ်စုံတစ်ရာအကြာတွင် ချစ်ခြင်းတရား၏ အလင်းရောင်သည် စကြဝဠာ အနန္တဆီသို့ ပျံ့နှံ့သွားလိမ့်မည်။ အမှောင်တိုက်သည်လည်း လင်းရလိမ့်ဦးမည်။ ပိတ်ဆို့သော တံခါးသည်လည်း ပွင့်ရလိမ့်ဦးမည်။ အရုဏ်ကြို ငှက်ကလေးတစ်ကောင်၏ နူးညံ့သော အတောင်ဖျားတစ်လျှောက် ချစ်ခြင်း၏ အလင်းရောင်သည် စိုစွတ်ရဦးမည်။ ဒီကိစ္စ တအားနူးညံ့တာဟု မိတ်ဆွေကတော့ ဆိုလေမည်လားမသိ။

Sadhguru အဆိုအရ အလွန်အသုံးဝင်သော အမှိုက်ပုံးကို တွယ်တာလွန်းပြီး ဝင်အိပ်နေသည့်အခါ မှားယွင်းခြင်းများ စတင်ခဲ့သည်ဟူ၍ ဖြစ်သည်။ အမှိုက်ပုံးနှင့် မိမိ၏ အကွာအဝေးသည် အင်မတန်အရေးပါသည်။ အမှိုက်ပုံးသည် အမှိုက်များအတွက် ဖြစ်သည်။ စိတ်သည် အစိုးမရသော ဖြစ်တည်မှုများ၊ ဖန်ဆင်းခြင်းများဖြင့် ပြည့်နှက်နေသော စကြဝဠာအသေးစားလေးတစ်ခုဖြစ်ပါသည်။ အလွန်သိမ်မွေ့သော အမှိုက်ပုံးတစ်ပုံးလည်းဖြစ်သည်။ အမှိုက်ပုံးလိုအပ်မှုနှင့်၊ အမှိုက်ပုံးကို တွယ်တာမှုသည် မတူညီပါ။ အလွန်တရာလှပသော အရာများ၊ အလွန်တရာလေးနက်သောအရာများ၊ အလွန်တရာပြည့်စုံသော ခမ်းနားမှုများသည် စိတ်၏ ဖန်ဆင်းခြင်းဖြစ်စဉ် အစိတ်အပိုင်းမျှသာဖြစ်ပါသည်။ တုန်လှုပ်နေသော လောကတွင် တုန်လှုပ်နေသော စိတ်တစ်ခုထပ်ဖြည့်စွက်ရန်မလိုအပ်တော့ပါ။ တိတ်ဆိတ်ခြင်း ဖြစ်စဉ်အတွင်း အမှိုက်ပုံးတစ်ပုံးနှင့် စိတ်တစ်လှမ်းစာ အကွာအဝေးတွင် နေထိုင်ခြင်းဖြင့် နူးညံ့သော ဒဏ်ရာများကို စတင်ရေတွက်နေမိသည်။

ရှရီဆိုင်း အန်ထုတ်လိုက်သော ရွှေကြက်ဥသည် နှစ်အတန်ငယ်ကြာသည့်အခါ ပုဝါထဲတွင် ရှိနှင့်ပြီးသား ဖြစ်နေခဲ့သည်။ လူသည် အလွန်တော်သော သရုပ်ဆောင်များအဖြစ် နေထိုင်သွားကြသည်။ ရိုးစင်းသောဘဝ၏ ချမ်းမြေ့ဖွယ် ဂီတကို မနှစ်သက်ကြတော့။ ရုိုးသားခြင်းသည် ပျင်းရိဖွယ်တေးဖြစ်သည်ဟု ထင်လာကြသည်။ တိတ်ဆိတ်မှုသည် တန်ဖိုးဖြတ်၍ မရမှန်း တိတ်ဆိတ်လာသော တစ်နေ့တွင် သိလာခဲ့ကြသည်။ ချစ်ခြင်းတရားထက် သန့်စင်သော ပုဝါဖြူတစ်ခုဖြင့် ရွှေကြက်ဥတစ်လုံးကို ဖွက်ထားရန် မလိုတော့ပါ။ အလွန်နူးညံ့သော စိတ်ထားဖြင့် စံပယ်ပန်းလေးတစ်ပွင့်ကို ကြွေချိန်အထိ စောင့်ဆိုင်းနေသော တရားကျင့်ယောဂီကြီး တစ်ယောက်၏ အနီးတွင် မိနစ် အနည်းငယ်သွားထိုင်နေလိုက်သည်။ မိုးသည်းကြီးလည်း တိတ်ရလိမ့်ဦးမည်။ ပျော်ရွှင်ခြင်းသည်လည်း ရပ်တန့်ရလိမ့်မည်။ တောက်လောင်နေသော အလင်းတရားသည်လည်း ငြိမ်းရလိမ့်ဦးမည်။ ရှင်သန်ခြင်း၏ နဂိုအတိုင်းပြည့်စုံမှုကို မေ့လျော့သူတုို့သည် ဘုရားစင်ရှေ့တွင် တစ်ခုခု ထပ်တောင်းနေလိမ့်ဦးမည်။ လိုအပ်ချက်အတွက် အားကိုးတစ်ခုခု ရှာနေသော စိတ်ကို သေချာကြည့်လျှင် ... အင်မတန် ကြေကွဲဖွယ်ကောင်းသော ပြဇာတ်တစ်ခုဖြစ်လာလိမ့်မည်။ အလွန်လင်းသော စိတ်အပိုင်းအစတစ်ခုသည် မိမိ၏ မြင့်မြတ်မှုကို ပြန်လည်ရှက်နေရလိမ့်ဦးမည်ထင်သည်။ အလွန်အဆင့်မြင့်သော ဘုရားအဖြစ်အထိ တိုးတက်ဖြစ်ထွန်းသွားနိုင်သော စိတ်ကို သိမ်းဝှက်၍ အင်မတန် အဆင့်နိမ့်သော ရှင်သန်မှုထဲတွင် ရုန်းကန်သော ဖန်ဆင်းရှင်/ဖန်ဆင်းခြင်းတရား၏ မော်လီကျူးများသည် ဖန်ဆင်းရှင်/ဖန်ဆင်းခြင်းတရားကို စိတ်ကျန်းမာရေး ထိခိုက်စေနိုင်သည်။ ကမ္ဘာကြီးထဲမှာ အံ့သြစရာကောင်းလောက်အောင် ပြည့်စုံနေတဲ့ လူသားတစ်ယောက်ရဲ့ ပြည့်စုံမှုကို ခဏလောက်ရပ်ပြီး ခံစားနားလည်ဖို့ ဘာလို့ ပျက်ကွက်ခဲ့ကြတာလဲ။ တစ်ယောက်ယောက်နဲ့တူဖုို့၊ တစ်ယောက်ယောက်လုပ်တာ လိုက်လုပ်ဖုို့တွေကို ရပ်ပြီး ကိုယ်နေချင်တဲ့ ဘဝကို ကိုယ်နေတတ်သလိုလေး နေသွားဖို့ ဘာလို့ သတ္တိမရှိတာလဲ ဟု မိမိကိုယ်မိမိမေးကြည့်ကြဖို့ကောင်းသည်။ လူသည် မိမိတို့၏ ပြည့်စုံမှုကို လစ်လျူ အရှုတတ်ဆုံး သတ္တဝါများပင်ဖြစ်သည်။

BOSE company ကတော့ သူတို့ ထုတ်လိုက်တဲ့ product တွေဟာ ဈေးနဲ့ အရည်အသွေး အကောင်းဆုံး ကိုက်ညီစေရမည်ဟုဆိုသည်။ ပုံမှန်ထက် ချဲ့ကားထားသော bassသံ၊ treble သံတွေမပါစေရဘူးဟုဆိုသည်။ ဘဝကိုရော BOSE speaker တစ်ခုလို အရှိအတိုင်းဖြတ်သန်းသွားလုို့ မရနုိုင်ဘူးလား။ ကိုယ့်ကိုယ်ကို ကြော်ငြာဖို့မလို။ ကိုယ့်ခံစားချက်ကို လူသိရှင်ကြားဖြစ်ဖို့မလို။ ချစ်ခင်သူများကို ချစ်ခြင်းတရားဖြင့် လုံခြုံစေလိုက်မည်။ အလွန်လှသော ညနေခင်း တိမ်များကို ငေးကြည့်နေလိုက်မည်။ ရိုးသားသော စိတ်ဖြင့် ရိုးသားသော၊ ရိုးရှင်းသော ဘဝတစ်ခုကို ဖြည်းဖြည်းခြင်းတည်ဆောက်မည်။ လောကဓံတရား၏ input အတိုင်း၊ ရုိုးရိုးလေး အလိုက်အလျားသင့်လိုက်မည်။ တစ်ယောက်တည်းနေရုံဖြင့် အထီးကျန်ခံစားချက်ရှိနေသေးလျှင် မိမိစိတ်သည် အလွန်ဆိုးသောမိတ်ဆွေဖြစ်နေပြီဟု Sadhguruက ဆုိုသည်။ ပုံစံပြောင်းလဲသွားသော တိမ်တိုက်များသည် အချိန်ပေါ်မူတည်သည်။ ရှင်သန်ခြင်း၊ဖြစ်တည်ခြင်းများသည်လည်း အချိန်ပေါ်မူတည်သည်။ အချိန်သည် အလွန်အင်အားကြီးသော ဒိုင်မင်းရှင်းတစ်ခုဖြစ်သည်။ စကြဝဠာသည် အချိန်၏ အစတွင် စတင်မွေးဖွားခဲ့သည်။ ကျဉ်းမြောင်းမှုမှ ကျယ်ပြန့်လာခဲ့သည်။ အလွန်သေးငယ်သော တုန်ခါမှုလေးတစ်ခုစီဖြင့် စကြဝဠာ၏ ဂီတကို ဖွဲ့ခဲ့ကြသည်။ ခမ်းနားမှုပေါင်းမြောက်များစွာကို အမိုက်တိုက်ထဲမှ ထုတ်ယူပြသခဲ့ကြသည်။

သွား၍မရောက်နိုင်သော ခရီးများအတွက် ကျွန်တော်တို့ငြိမ်သက်ခဲ့ကြသည်။ ပြုပြင်၍မရသော လူ့အဖွဲ့အစည်းအတွက် ကျွန်တော်တို့ငြိမ်သက်ခဲ့ကြသည်။ အသိဉာဏ်၏ အသုံးမဝင်သော အခိုက်အတန့်များအတွက် ကျွန်တော်တို့ ငြိမ်သက်ခဲ့ကြသည်။ မိမိဘဝ၏ အနာဂတ်ကို ပြဌာန်းနေသော အရာများမှာ ဧရာမကိစ္စကြီးများ မဟုတ်ဘဲ လက်ရှိ အတွေးလေးတစ်စစီ၏ စုပေါင်းဖွဲ့တည်မှုမျှသာဟု နားလည်ခြင်းသည် အလွန်နက်ရှိုင်းသော တိတ်ဆိတ်မှုဆီသို့ ဦးတည်စေသည်။ စံပယ်ပန်းလေးတစ်ပွင့်ကို ခူးဆွတ်ခြင်းကိုပင် နူးညံ့သော အကြမ်းဖက်မှုဟု နားလည်လာစေသော စိတ်၏ သိမ်မွေ့ခြင်းမျိုး လိုအပ်လာသည်။ ကြွေကျနေသော သစ်ရွက်လေးတစ်ရွက်အကြောင်းကို ခြေခြေမြစ်မြစ်နားလည်နိုင်သော နှလုံးသားသစ်တစ်ခုလိုအပ်လာသည်။ လှည့်စားတတ်သောစိတ်၏ ပြဇာတ်များကို ပရိတ်သတ်တစ်ယောက်အဖြစ် စွက်ဖက်မှုမရှိဘဲ တည်တည်ငြိမ်ငြိမ် ခံစားနားလည်တတ်ဖို့လိုသည်။ ရှင်သန်ချိန်ခဏတွင် ... ငြိမ်းငြိမ်းချမ်းချမ်း စိတ်အထာဖြင့် တည်တည်ငြိမ်ငြိမ် ဖြတ်လျှောက်သွားနိုင်ရန်လိုသည်။

အလွန်လှသောကမ္ဘာသစ်တစ်ခုသည် အသိဉာဏ်မျက်တောင်တစ်ခတ်စာ အကွာအဝေးတွင်ရှိနေသည်။     ။


Regards,
Zephyr

Peace B with U.

ကျက်သရေရှိသော ရှင်သန်ခြင်း

ကျက်သရေရှိသော ရှင်သန်ခြင်း

ကျက်သရေကို မြန်မာလို သီရိလို့ ခေါ်တယ်။ ပါဠိလိုတော့ သိရီလို့ ခေါ်တယ်။ သျှရီဆိုတာလည်း ဒီစကားလုံးပဲ။ သီရိလင်္ကာမှာ ရှေ့က သီရိက သျှရီပါပဲ။ ကျန်စစ်သားရဲ့သား ရာ့ခ်ျကူမား (ရာဇကုမာရ်) ကျောက်စာရဲ့ ပထမဆုံး စာလုံးကလည်း သီရိ။ နမောဗုဒ္ဒါယသိဒ္ဒံ ပါပဲ။ အဲဒီသီရိဆိုတာကလည်း သျှရီပါပဲ။ အောင်မြင်ကြောင်း မင်္ဂလာစကားလို့လည်း အဓိပ္ပာယ်ဖွင့်ကြတယ်။ ကျက်သရေရှိစေသတည်းဆိုတာမျိုးပဲ။ ကျက်သရေရှိတာဟာတော်တော်လေး ကောင်းတာပါပဲ။

မနေ့ညလည်း အိပ်ခါနီး တရားတစ်ပုဒ်နာတော့ ဒေါက်တာ နန္ဒမာလာဘိဝံသရဲ့ နှစ်သစ်ကူးတရားမှာ ကျက်သရေရှိအောင်နေဖို့ ဟောတာပဲ။ အဲဒါလည်း တန်ဖိုးရှိတယ်။ စိတ်ထားအဆင့်မြင့်တာဟာလည်း ကျက်သရေရှိတာပါပဲ။ ရုပ်လှတာလည်း ကျက်သရေရှိတာပဲ။ အပြောချိုတာ၊ ယဉ်ကျေးတာလည်း ကျက်သရေရှိတာပါပဲ။ လောကကြီးမှာ ကျက်သရေရှိတဲ့သူတွေ အများကြီးလိုတယ်။

လူတွေဟာ တစ်ခုခုကို လုပ်နေမှ တန်ဖိုးရှိတယ်လို့ အယူရှိကြတာများတယ်။ ဘာမှမလုပ်ဘဲ ထိုင်နေတယ်ဆိုရင်ကို တစ်ခုခုမှားနေသလိုဖြစ်နေတယ်။ စိတ်ကို အလွတ်အတိုင်းထားပြီး နေတာဟာ တကယ်တော့ စိတ်ရဲ့ လိုအပ်ချက်လေးတစ်ခုပါပဲ။ လူ့စိတ်ရဲ့ လိုအပ်ချက်တွေက ရိုးရိုးရှင်းရှင်းလေးတွေပဲ။ တကယ်မလိုတဲ့ ခံစားချက်တစ်ခုခုကို အကျင့်လုပ်မွေးယူလိုက်ရင် စိတ်ဟာ အဲဒီဘက်ကို အရှိန်ရသွားတာပဲ။ အရှိန်ရသွားတဲ့စိတ်ကို ရပ်ခိုင်းရင် သိပ်ပင်ပန်းတယ်။ တစ်ခုခုကို ကြောက်လို့ ထွက်ပြေးနေတဲ့ အကောင်လေးတစ်ကောင်လိုပဲ၊ စိတ်ဟာ တစ်ခုခုမှာ တွယ်ကပ်မယ်။ အဲဒီတစ်ခုခုကို ဆုပ်ကိုင်ထားမယ်။ အဲဒီလို ဆုပ်ကိုင်မှု၊စွဲလန်းမှုဟာ ကြွက်သားတွေကို တောင့်တင်းစေတယ်။

ယောဂသင်တန်းတွေမှာ ပထမဆုံး တင်းမာတဲ့ ကြွက်သားတွေကို ပြေလျော့အောင် လုပ်ကြရတယ်။ child pose တို့ lotus pose တို့ဟာ အကြောတွေတင်းတာတွေကို လျှော့ချဖို့လုပ်ထားတာပဲ။ ဝင်လေထွက်လေကို နှာခေါင်းတစ်ဖက်စီရှူတာကို Prāṇāyāma လို့ခေါ်တယ်။ အဆုတ်ပြည့်အသက်ရှူခိုင်းတာပဲ။ ဝင်လေကို ရှည်ရှည်ရှူ၊ ခဏလောက်အောင့်ထား၊ ပြန်ထုတ်။ အဆုတ်သန့်သွားတာပေါ့။ ကြွက်သားတွေလည်းပြေလျော့လာတာပေါ့။ ဝင်လေ၊ထွက်လေကို အာရုံစိုက်လိုက်ရင် တခြား activity တွေ လုပ်လို့မရတော့ဘူး။ စိတ်ဟာ တစ်ပြိုင်နက် အလုပ်နှစ်ခုမလုပ်နိုင်ဘူး။ တစ်ခုခုကို သမာဓိတည်အောင် စူးစိုက်လိုက်ရင် ဟိုပြေး၊ဒီပြေးစိတ်ဟာ အလုပ်နည်းသွားတယ်။ အပိုမလုပ်တော့ဘူး။ အဲဒီအချိန်မှာ စိတ်က စပြီး ကျက်သရေရှိလာတာပါပဲ။ ကျက်သရေရှိတဲ့စိတ်ဟာလည်း ကျက်သရေမရှိတဲ့ တင်းမာမှုတွေ၊ အပူအပင်တွေကို လက်ခံလို့မရတော့ဘူး။ စိတ်ရဲ့သဘာဝက တစ်ဖက်ကို ညွတ်ရင် တစ်ဖက်ကို ဆန့်ကျင်ပြီးသားဖြစ်သွားစေတာပဲ။ အဲဒါကြောင့် အကုသိုလ်ကို ကုသိုလ်နဲ့ ဆေးကြောရတာပဲ။ ပညာကို သီလနဲ့ဆေးကြောရတာပဲ။ ကျက်သရေမဲ့တာကို ကျက်သရေရှိတာနဲ့ ဆေးကြောပစ်ရတာပဲ။ တင်းနေတဲ့ အကြောလေး တစ်ချောင်းမှမရှိတော့ရင် လူဟာ ပျော့ပြောင်းလာတာပေါ့။ ကြည်လင်လာတာပေါ့။ အသက်ရှူဝလာတာပေါ့။ ကိုယ့်စိတ်ကိုယ် ချမ်းသာအောင် မထားတတ်သေးရင် ဘာပညာမှမရှိသေးဘူးဆိုတဲ့ မဟာဂန္ဓာရုံဆရာတော်ရဲ့ စကားအရဆိုရင် ကိုယ့်စိတ်ချမ်းသာအောင် ထားနိုင်မှ ကျက်သရေရှိတဲ့သူဖြစ်မယ်။

လူတော်တော်များများဟာ ကိုယ်ဘာဖြစ်ချင်သလဲဆိုတာ ရေရေရာရာမရှိကြဘူး။ အဲဒီတော့ ဘာမှမဖြစ်လာတော့ဘူး။ ဘာမှမဖြစ်လာတာထက် စိတ်အင်အားပြုန်းတီးအောင် လုပ်မိကုန်တာ ပိုဆိုးတယ်။ တန်ဖိုးရှိတာတွေ လုပ်ဖို့ အချိန်တွေကို ဖြုန်းပစ်လိုက်ရင် quality of life ကျသွားတယ်။ အချိန်မရှိရင် ဘာမှလုပ်လို့မရဘူး။ စိတ်ချမ်းသာဖို့ အချိန်မရှိတဲ့သူဟာ စိတ်ဆင်းရဲစရာ ဘဝမှာပဲ နေရမယ်။ အဲဒါ ဘယ်သူမှ လုပ်ထားတာ မဟုတ်ဘူး။ ကိုယ်တိုင် ရွေးချယ်လိုက်တာ။ ဒီရွေးချယ်မှုကို သိသိ၊မသိသိ၊ ရွေးချယ်မှုတစ်ခုစီရဲ့ အကျိုးဆက်ကို ခံစားရတာပဲ။ ကျက်သရေရှိတဲ့ ဘဝကို မရွေးချယ်ဘဲနေလိုက်ရင် အလိုလို ကျက်သရေမဲ့တာကို ရွေးချယ်မိသွားနိုင်တယ်။ အလွန်လျင်မြန်တဲ့စိတ်နဲ့ ခဏတိုင်း ပြောင်းလဲနေတဲ့ အတွေးတွေအတိုင်း လူဟာ နေထိုင်နေကြတယ်။ အတွေးရဲ့ လွှမ်းမိုးမှုကို ခံကြရတယ်။ ကောင်းတာတွေ များများတွေးဖြစ်ရင် ကောင်းလာတယ်။ ဆိုးတာတွေ တွေးရင် ဆိုးတာတွေလုပ်မိမယ်။ ကိုယ့်အတွေးတွေက ကိုယ့်ရဲ့ဘဝဖြစ်လာတာပဲ။ အသိဉာဏ်နဲ့ မရွေးချယ်ဘဲ လျှောက်လုပ်လိုက်ရင် တော်တော်ဆိုးတာတွေ ဖြစ်ကုန်တယ်။

မနေ့ည သူငယ်ချင်းတစ်ယောက်ရဲ့ အိမ်မှာ အလှူရှိလို့ ခဏသွားရင်း၊ အဲဒီတိုက်မှာ လူတစ်ယောက် ခုန်ချပြီး သတ်သေထားတာတွေ့လိုက်တယ်။ နေထိုင်ခြင်းမှာ၊ ရှင်သန်ခြင်းမှာ ကျက်သရေရှာမတွေ့တော့ရင် လူမှာ လုပ်စရာ နည်းနည်းပဲရှိတော့တယ်။ သတ်သေတယ်ဆိုတာ self-destruction ပုံစံတစ်မျိုးပဲ။ နောက်ဆုံးထွက်ပေါက်တွေထဲက တစ်ခုပဲ။ တန်ဖိုးထားစရာ၊ တွယ်စရာ တစ်ခုမှလောကမှမရှိတော့ရင် အဲဒီထွက်ပေါက်နေ ထွက်သွားကြတာပဲ။ ခေတ်က ခက်ခဲတဲ့ခေတ်ဖြစ်လာတယ်။ အလုပ်ကောင်းကောင်းမရှိရင် စားဖို့၊သောက်ဖို့တောင် အနိုင်နိုင်ဖြစ်လာတယ်။ လွန်ခဲ့တဲ့ အနှစ်သုံးဆယ်ကဆိုရင် လက်နှိပ်စက်စာရေးဟာ မိသားစုတစ်စုကို ကျွေးထားနိုင်သေးတယ်။ နှစ်အနည်းငယ်အတွင်းမှာ လူတွေ သိပ်များလာပြီး ကမ္ဘာကြီး ပိုခက်ခဲလာတယ်။ ကျက်သရေရှိတဲ့လူတွေ နည်းသွားတယ်။ လူကြီးလူကောင်းနည်းသွားတယ်။ လူဟာ အလုပ်အတွက် အချိန်တွေ၉၀ ရာခိုင်နှုန်းလောက်ပေးလိုက်ရင် တကယ်ပျော်တဲ့သူ ဖြစ်ဖို့ ခက်သွားပြီ။ သူ့ဘဝမှာ အလုပ်က ပထမဖြစ်သွားရင် ကျန်တာတွေကို တကယ်တန်ဖိုးထားဖို့ အချိန်မရှိတော့ဘူး။ အလုပ်ရဲ့ အောင်မြင်မှု၊ ကျရှုံးမှုတွေကို ခံစားတာတွေ သိပ်များလာလိမ့်မယ်။ အလုပ်လုပ်စရာသာ မရှိတော့ရင် သတ်သေချင်စိတ်တောင် ပေါက်လာနိုင်စရာရှိတယ်။ လောကကြီးမှာ အလုပ်တစ်ခုထဲမဟုတ်ဘူး။ ကျန်တဲ့ ဒိုင်မင်းရှင်းတွေ အများကြီးရှိသေးတယ်။ လျှာထုတ်ပြီး အသက်ရှူနေတဲ့ ခွေးကလေးတစ်ကောင် လေတိုက်တာကို အရသာခံနေတာကို ကြည့်ဖို့လည်း အချိန်လိုသေးတယ်။ ကမ်းခြေတစ်ခုဆီရောက်တာတောင် Laptop ကြီးပါလာမှ၊ အနည်းဆုံး သီချင်းနားထောင်ဖို့ phone ဖြစ်ဖြစ်၊ iPod ဖြစ်ဖြစ် ပါလာမှ နေသာထိုင်သာရှိတဲ့လူတွေ များလာတယ်။ ပင်လယ်ရဲ့အလှတရားက ပြည့်စုံနေတာပဲ။ ထိုင်ကြည့်နေရုံပဲလိုတယ်။ တိမ်တွေရဲ့ အလှတရားလည်း ပြည့်စုံပြီးသား။ ဒါတွေက လူလုပ်ထားတဲ့ အလှတရားမဟုတ်ဘူး။ သဘာဝတရားရဲ့ အလှအပပဲ။ Stephen Hawking ကတော့ Grand Design of the universe လို့တင်စားတယ်။ ဒီအလှအပတွေအတွက် အချိန်ပေးနိုင်ရင် စိတ်က ပျော်တဲ့စိတ်ဖြစ်လာတာပဲ။ မျက်စိနဲ့မြင်ရတဲ့ ကြယ်နဲ့၊ တယ်လီစကုပ်နဲ့မြင်ရတဲ့ကြယ်မတူဘူး။ လူဟာ အကန့်အသတ်ရှိတယ်။ ဒီအကန့်အသတ်တွေကို လျော့ချပြီး ပိုပြီး ကျယ်ပြန့်တဲ့ လောကဆီကိုသွားရင် စိတ်က ပျော်တာပဲ။ ရေထဲက ငါးတွေကို ရေငုပ်ပြီးကြည့်ရတဲ့ အရသာဟာ သိပ်ကြည်နူးစရာကောင်းတာပဲ။ လူလုပ်အလှတရားတွေက ကျဉ်းမြောင်းတယ်။ သဘာဝတရားကတော့ ကျယ်ပြန့်တယ်။ အံ့သြစရာတွေ သိပ်များတယ်။

ကိုယ့်ရဲ့စိတ်ကို ကျက်သရေရှိအောင် ထားနိုင်ပြီဆိုရင် သေခြင်းတရားဟာလည်း မိတ်ဆွေလိုပဲ။ တန်ဖိုးရှိတာတွေ လုပ်ခဲ့ပြီ။ သေရင်လည်း သေလိုက်ရုံပဲ။ အခုသေခါနီးပြီဆိုမှ တစ်ခုခု ထပြီး ပြေးလုပ်လိုက်ဦးမယ်လို့ မတွေးမိတော့ဘူး။ မသေသေးဘူးထင်ပြီး မလုပ်လိုက်ရတာမျိုး မဖြစ်စေနဲ့။ ကိုယ်တကယ်တန်ဖိုးထားတာတွေကို အရင်လုပ်ထားလိုက်။ အင်မတန် ကျေနပ်မှုရတယ်။ အနာဂတ်ဟာ မသေချာဘူး။ အနာဂတ်ကို ရွှေ့ထားတာတွေက မလုပ်ဖြစ်ဖို့ များသွားပြီ။ တန်ဖိုးရှိတာတွေဖြစ်ဖြစ်၊ တန်ဖိုးမဲ့တာတွေဖြစ်ဖြစ်၊ တစ်ခုခုလုပ်ဖို့ အချိန်လိုတယ်။ ကောင်းတာလုပ်ဖို့ အချိန်မရှိတော့ဘူးဆိုရင် ကိုယ့်ရဲ့ အချိန်တွေ တစ်နေရာမှာ သုံးမိသွားပြီ။ ကုန်သွားတဲ့အချိန်ဟာ ပြန်မရနိုင်တော့ဘူး။ တစ်ချို့တွေနှစ်အနည်းငယ်ကို ဖြုန်းတီးမိလိုက်တယ်။ တစ်ခါတစ်လေ ဖြုန်းတီးမိတဲ့ နှစ်အနည်းငယ်အတွက် ပြန်ပြင်ဆင်ရတာ နောက်ထပ် နှစ်အနည်းငယ် ထပ်ကြာသွားနိုင်တယ်။ ခဲသုံးလုံးလောက် ကောက်ပြီး ပင်လယ်ထဲပစ်ရတာ စက္ကန့်ပိုင်းလောက်ပဲကြာပေမယ့်၊ ပစ်လိုက်ပြီးမှ ပြန်လိုက်ကောက်ရရင် ပြန်ရှာလို့တောင်တွေ့ချင်မှတွေ့မယ်။ နှစ်ပေါင်းများစွာရှာရင်ရှာရနိုင်တယ်။ တစ်ချို့ အမှားတွေကလည်း အဲဒီလိုပဲ။ ပြန်ပြင်ရတာ အချိန်သိပ်ကြာတယ်။ အမှားနည်းရင် ဘဝကပိုပြီး ရိုးရှင်းတယ်။ စိတ်လည်း ပိုကျက်သရေရှိလာနိုင်တယ်။

မနက်နိုးလာရင် ကိုယ်ရှင်နေသေးတာက အစ အံ့သြစရာကောင်းတယ်။ မနေ့ညက အိပ်လိုက်ပြီး၊ ဒီမနက်မှာ ပြန်မနိုးတော့တဲ့သူတွေ အများကြီးရှိတယ်။ ဒီလိုရှင်သန်နေတာဟာ ဘုရားကြောင့်လို့ ယုံကြည်ရင် ဘုရားကို ကျေးဇူးတင်လိုက်။ ကံ၊စိတ်၊ဥတု၊အဟာရကြောင့်ဆိုရင် ဒီအကြောင်းခံတရားတွေကို ကျေးဇူးတင်လိုက်။ ကျေးဇူးတင်တတ်တဲ့စိတ်ဟာ သိပ်ကျက်သရေရှိတယ်။ ဒဏ်ရာတွေကို သက်သာစေတယ်။ ကိုယ်ခန္ဓာကိုလည်း ပိုပြီး ကျန်းမာအောင်လုပ်ပေးတယ်။ ကျေးဇူးသိတတ်တာဟာ သူတော်ကောင်းစိတ်ထားပဲ။ ပန်းတစ်ပွင့်ပွင့်လာဖို့ဆိုတာ ရေခံမြေခံကောင်းဖို့နဲ့၊နေရောင်ခြည်ရဖို့လိုတယ်။ အပြန်အလှန်အားဖြင့် ပန်းတစ်ပွင့်ကို မြင်ရရင် ရေခံမြေခံကောင်းနဲ့ နေရောင်ခြည်ရဲ့ ဖြည့်စွက်မှုကို မြင်ရတာပါပဲ။ ကျေးဇူးသိစိတ်ဟာ အရင်းခံစိတ်တစ်ခုပဲ။ ကြည်လင်တဲ့စိတ်က ပွင့်တဲ့ ပန်းတစ်ပွင့်ပဲ။ ဒီပန်းပွင့်လေးဟာ စိတ်ကနေပွင့်ပြီး၊ စိတ်ကို ပြန်လန်းဆန်းစေတယ်။ အညမည ကျေးဇူးပြုတယ်။ စိတ်တစ်ခုဖြစ်လာပြီး ဝမ်းမြောက်ရရင် အဲဒီဝမ်းမြောက်မှုထဲ ဝင်ကြည့်လိုက်ပါ။ ဝမ်းမြောက်မှုဟာ ဘာတွေနဲ့ဖွဲ့စည်းထားသလဲ။ သိပ်လှတဲ့ အလှတရားတစ်ခုပဲ။ ဝမ်းမြောက်တဲ့စိတ်ဟာ ပန်းတစ်ပွင့်လို လှတာပဲ။ သူ့ရဲ့ ပွင့်လန်းနေမှုဟာ လှသလို၊ အကြောင်းခံတရားတွေကလည်း လှတာပါပဲ။ ဝမ်းမြောက်တဲ့စိတ်ကိုဖွင့်ကြည့်ရင် ကျက်သရေရှိနေတာပဲ။ မွှေးရနံ့ရှိနေတာပဲ။

လောကကြီး ခက်နေတာကို လွယ်အောင်လုပ်ပေးချင်စိတ်ဟာ အင်မတန်ကျက်သရေရှိတာပဲ။ ခက်ခဲနေတာတွေက ကိုယ်သယ်လို့ ကိုယ်လေးနေတဲ့ ဝန်ထုပ်တွေပါလို့ ကိုယ့်စိတ်ကို ကိုယ်ပြန်ပြောပြရတာလည်း မဆုံးနိုင်တဲ့ ပညာရေးတစ်ခုပါပဲ။ လူတိုင်းမှာ ဘဝကနေ ရလာတဲ့ ပညာရှိကြတယ်။ တစ်ခါတစ်လေမေ့သွားတယ်။ အကြောင်းတိုက်ဆိုင်လာရင် ပြန်သတိရကြတယ်။ ကိုယ်ရခဲ့တဲ့ ပညာဟာ ဘယ်လောက် တန်ဖိုးရှိသလဲဆိုတာကို အခက်အခဲတွေ ကြုံမှ သိကြရတယ်။ ဘယ်ကိစ္စမှ အကြောင်းမဲ့မဖြစ်ဘူး။ လောကဓံကလည်း အကောင်းဆုံး ဆရာသမားတစ်ယောက်ပဲ။ သူ့ဆီကနေ အဆီအနှစ်အပြည့်ပါတဲ့ ပို့ချချက်တွေ ရပြီးရင် ဘဝမှာ အသာလေးနေသွားလို့ရပြီ။ ခက်နေတာတွေကို ဖြေလျှော့လိုက်ရင် လွယ်သွားမှာပါပဲ။ ရှောင်လွှဲလို့မရတဲ့ သေခြင်းတရားကိုတောင် လက်ခံကြရသေးတာပဲ။ ကျန်တာတွေက ဗာဟီရသက်သက်ပဲ။

တစ်ယောက်နဲ့တစ်ယောက် ဘဝကို ဖြတ်သန်းတဲ့ လမ်းချင်း မတူကြဘူး။ ဒါပေမယ့် လူတိုင်းဟာ ကိုယ့်ရဲ့ ဘဝခရီးလမ်းမှာ အောင်မြင်သူတွေ ဖြစ်နိုင်တယ်။ လက်ဝှေ့သမားတွေ အားနဲ့ မာန်နဲ့ ထိုးကြိတ်ကြတာမြင်ဖူးကြမှာပါပဲ။ ဒါပေမယ့် ဒီလို အင်အားသုံးဖို့တောင် အသက်ကို မှန်မှန်လေးပဲရှူရတယ်။ အသက်ရှူမှားတဲ့သူဟာ အားမြန်မြန်ကုန်သွားတာပါပဲ။ လောကဓံနဲ့ ထိုးသတ်နေရင်လည်း အသက်လေး မှန်မှန်ရှူပြီး ချက်ကောင်းကို ထိုးနှက်ကြပါ။ အသက်ရှူတော့ မပျက်စေနဲ့။ ဘဝဟာ တိုတိုလေး။ သောကတွေ သိပ်မများဘဲနဲ့ ကျက်သရေရှိရှိလေး နေဖို့ကောင်းပါတယ်။ နေရတဲ့စက္ကန့်တိုင်းဟာ တန်ဖိုးသိပ်ရှိတယ်။ ကိုယ်မသိလိုက်ဘဲ အချိန်တွေ မကုန်သွားစေနဲ့။

ကျက်သရေရှိတဲ့ ရှင်သန်မှုဟာ တည်တည်ငြိမ်ငြိမ်ဖူးပွင့်နေတဲ့ ကြာပန်းဖြူလေးတစ်ပွင့်လို၊ သိပ်လှပပြီး တင့်တယ်နေတယ်။ လောကကို ကျက်သရေရှိရှိ အလှဆင်ထားတယ်။ အဲဒီ ကြာဖြူပန်းလေး ခင်ဗျားတို့ရင်ဘတ်ထဲမှာ ပွင့်နေတာကို ငုံ့ကြည့်ဖို့ အချိန်လေး နည်းနည်းပါးပါးတော့ ပေးကြပါ။     ။

Regards,
Z

Peace B with U.