ခရမ်းနုရောင် စာတမ်း။
ဒီစာတမ်းကို မနေ့ညကပဲ တင်သွင်းဖတ်ကြားဖြစ်ခဲ့တယ်။ တိမ်တွေနဲ့ မျဉ်းသားထားတဲ့ စာအုပ်ကိုဖွင့် ... ဘဝကို စာလုံးပေါင်းပြီး ကျွန်တော်ဖတ်ပစ်လိုက်တယ်။ မနက်ဖြန်ရာသီဥတုကို မေ့ထားပြီး အိပ်တန်းပြန်နေတဲ့ငှက်လိုလို၊ အခန့်မသင့်ရင် ရွှေတိဂုံတက်နားမယ့် လင်းတလိုလို ကျွန်တော် ဖတ်ကြားပစ်လိုက်တယ်။ ကိုယ့်သေတမ်းစာ ကိုယ်ရေးထားပြီးတဲ့လူလိုလို၊ ရှုံးနိမ့်မှုကြီးတစ်ခုခု အောင်မြင်ပြီးစီးသလိုလိုနဲ့ ကျွန်တော်ဖတ်ပစ်လိုက်တယ်။ မျက်ရည်စက်လက် ကီးဘုတ်ကီးတွေပေါ် လက်ချောင်းတွေ ပြေးလွှားသွား၊ သွေးတွေကလည်းဖြူရော်ရော်ပြောင်းလဲ၊ ဓားသွားနဲ့လည်ပင်း နီးလာလေ၊ လူဟာ သတ္တိရှိလာလေလေ ဖြစ်လေ့ရှိသလား မသိဘူး။
ဘဝမှာ တန်ဖိုးအထားဆုံး အရာတစ်ခုကို ဖဲ့ချလိုက်ဖို့ ဘယ်တုန်းက မလွယ်ကူခဲ့ပါဘူး။ ဘယ်တုန်းကမှ မလွယ်ကူခဲ့သလို၊ ဘယ်တော့မှလည်း မဖြစ်နိုင်ခဲ့ပါဘူး။ ဒါဟာ အခန်းတစ်ရဲ့ခေါင်းစဉ်ပေါ့။ လက်ခုံနဲ့ မျက်ရည်သုတ်ပြီး တိုင်ကို ခေါင်းနဲ့ဆောင့်ပြီးတိုင်း အသိတရား နည်းနည်းပြန်ရလာလေ့ရှိတဲ့ လူ့လောကမှာ အမှားတွေနဲ့ လေ့ကျင့်ခန်းမလုပ်သင့်ဘူး။ အထူးသဖြင့် တန်ဖိုးတွေနဲ့ လောင်းကြေးမထပ်သင့်ဘူး။ တန်ဖိုးထားတာကို အလကားထင်နေရင်တော့ အဲဒီတန်ဖိုးက ခင်ဗျားဆီက စွန့်ခွာသွားမှာပဲ။ လူဟာ ကိုယ်နဲ့ထိုက်တန်သလောက်ပဲရမယ်။ ပိုလိုချင်တဲ့သူဟာ ဆုံးရှုံးရတာပဲ။ အဲဒီအတွက် ဝမ်းနည်းနေစရာမလိုဘူးမဟုတ်လား။ နာကျင်သည့်တိုင်အောင် ဝမ်းမနည်းတတ်ဘူး။ ဒါကိုပဲ သင်ခန်းစာတစ်ခုလို သင်ယူရမှာပဲ။ တစ်ခုခုကို စွန့်လွှတ်ဖို့ ထင်သလောက်မလွယ်ဘူး။ တစ်ခုခုကို စိတ်ထဲကထုတ်ဖို့ ထင်သလောက်မလွယ်ဘူး။ အချိန်ဟာ စတော့ခ်ရှယ်ရာမှာတော့ အကောင်းဆုံးမိတ်ဆွေပဲ၊ ခင်ဗျားဟာ မှန်တဲ့ရှယ်ရာဝယ်ထားမိရင်ပေါ့လေ။ နာရီတိုင်းကျွန်တော်တို့ကို သတ်နေတာလည်း အချိန်တွေပဲမဟုတ်လား။ ငြီးငွေ့ဖွယ် အမှန်တရားထဲမှာ ဟင်းလင်းပြင်မျောလွင့်မှုဟာ ဘာသာစကားအသစ်ပဲ။ တစ်ယောက်တည်းလည်း ဖြစ်ပါတယ်။ အဲဒီမာနနဲ့ အကြာကြီးရှင်သန်ခဲ့ဖူးပြီပဲ။ ဒါကို ကာယဝိဝေက လို့ခေါ်တယ်။ တစ်စိတ်ထဲထားတာကိုတော့ စိတ္တဝိဝေကလို့ခေါ်တယ်။ ကာယဝိဝေကနဲ့ စိတ္တဝိဝေကလမ်းကနေ လျှောက်သွားလိုက်ရင် ဥပဓိဝိဝေကကို ရောက်တာပဲ။ ဥပဓိဝိဝေကကို နိဗ္ဗာန်လို့လည်းခေါ်ကြတယ်မဟုတ်လား။ ငြိမ်းချမ်းချင်တဲ့သူဟာ တစ်ယောက်တည်းနေမှဖြစ်မယ်။ လူများတွေကို ဒုက္ခပေးခဲ့ပြီး တစ်ယောက်တည်းလစ်သွားတာမျိုးကြတော့လည်း မဟုတ်သေးဘူးထင်မိတယ်။
အချိန်ကာလ၏ မတည်မြဲခြင်း
ဒီဒုတိယအခန်းမှတော့ ရှည်လျားတဲ့ လမ်းကျဉ်းလေးတစ်ခုအကြောင်းရေးတာကိုဖတ်လိုက်တယ်။ လမ်းကျဉ်းလေးမှာအလှတရားနှစ်ခုရှိတယ်။
- တစ်ယောက်တည်းလျှောက်သွားရမယ်။
- နောက်ပြန်လှည့်လို့မရဘူး။
အခန်းသုံး စစ်ပွဲများ။
စစ်ပွဲမှာ နိုင်တဲ့သူရော၊ရှုံးတဲ့သူပါ ဒဏ်ရာရကြတယ်။ သွေးထွက်တဲ့ ဒဏ်ရာနဲ့ သွေးမဲ့ဒဏ်ရာ၊ ဘယ်ဒဏ်ရာက ဘယ်အချိန်အထိ ဆက်နာနေမလဲ မသိနိုင်ဘူး။ စစ်ပွဲဟာ မဖြစ်ခင်မှာ မသိသာပေမယ့် ဖြစ်သွားရင် ရပ်လို့မရတော့ဘူး။ သေခြင်းတရားဟာ ကျည်ကဒ်အသစ်တွေကိုဖြည့်ဖြည့်သွားနေတယ်။ ဒဏ်ရာအနာတရနဲ့နာကျည်းမှုဟာ သေနတ်မောင်းကို အသေဖိဆွဲထားလိုက်တယ်။ ကျည်ကုန်သွားလည်း စစ်ပွဲမပြီးဘူး။ အသက်ကုန်သွားလည်း စစ်ပွဲမပြီးဘူး။ စစ်ပွဲဟာ ဘယ်တော့မှမပြီးဘူး။ ယဉ်ကျေးမှုမြင့်မားလာလေ၊ မီးတောက်တွေရဲ့ ပမာဏဟာ ထွားကျိုင်းမြင့်မားလာလေပါပဲ။ စစ်ပွဲမှာ မျက်ရည်၊သွေးစက်နဲ့ အသက်တွေဟာ ဘာမှ အသုံးမကျဘူး။ စစ်ပွဲမှာ ကိုယ်ချင်းစာတရားဟာ ဖိနပ်အောက်က ရွံ့စေးလောက်မှ ဂရုပြုမိစရာမဖြစ်ဘူး။ မိသားစုတွေကွဲကွာသွားတယ်။ ချစ်တဲ့သူတွေ ဘဝခြားသွားတယ်။ စစ်ပွဲမှာ နိုင်သွားတာ အမုန်းတရားပဲရှိတယ်။ အမုန်းတရားက အောင်ပွဲရသွားတယ်။ သွေးကြွေးက အလံကိုလွှင့်လိုက်တယ်။ သွေးစွန်းလက်တွေမှာ စံပယ်ရနံ့မရနိုင်ဘူး။ စစ်ပွဲနှစ်မျိုးရှိတယ်။ တစ်ခုက အပြင်ဘက်မှာ၊ တစ်ခုက စိတ်အတွင်းမှာ။ စစ်ပွဲနှစ်ခုဟာ တစ်နေရာမှာပေါင်းဆုံတယ်။ စစ်ထွက်သွားသူတွေဟာ ပြန်မလာကြတော့ဘူး။ ပြန်လာတဲ့သူတွေမှာ ဝိဉာဉ်ပါမလာတော့ဘူး။ စိတ်ဒဏ်ရာသက်သက်နဲ့ ဝင်သက်ကိုရှူတယ်။ ထွက်သက်ကို ပြန်မထုတ်တော့ဘူး ............။ တစ်သက်လုံး သယ်ဆောင်သွားတယ်။
ကွက်လပ်များအကြောင်း
အခန်းလေးကနေ ခုနစ်အထိက ကွက်လပ်တွေအကြောင်းပေါ့။ ရှုပ်ထွေးလှပစွာတည်ရှိနေတဲ့ ကွက်လပ်တွေ။ ညသန်းခေါင်မှာ ခင်ဗျားကို လှုပ်နှိုးပြီး ပြန်အိပ်မရအောင်လုပ်မယ့် ကွက်လပ်တွေ။ အပြင်မှာ ဟန်ဆောင်ထားလို့ရချင်ရမယ်။ ကွက်လပ်တွေကတော့ ခင်ဗျားအကြောင်းကို ခင်ဗျားထက်သိတယ်။ ကွက်လပ်ငယ်တစ်ခုစီရဲ့ ပကတိဖြစ်တည်မှုတရားဟာ ပျက်သုဉ်းမသွားနိုင်ဘူး။ ကွက်လပ်တစ်ခုဆီမှာ ဟာမိုနီရှိတယ်။ ကွက်လပ်လေးတစ်ခုဆုံးသွားတိုင်း ဟာမိုနစ်သံပါးပါးလေး ရှိနေတတ်တယ်။ အဲဒီနောက်မှာတော့ မျက်ရည်၊သောက၊ ဥပါယာသ အစဉ်အလိုက်ပဲ။ ကွက်လပ်တွေကို ခင်ဗျား စုသိမ်းထားလို့ရချင်ရမယ်၊ ကွက်လပ်တွေကို စွန့်ပစ်လို့မရဘူး။ တစ်နေရာမှာ အသာလေးချထားခဲ့လို့မရဘူး။ ကွက်လပ်ဟာ အရိပ်တစ်ခုလိုလိုက်နေတယ်။ အခြား အရိပ်တစ်ခုခုအောက်မှာ အရိပ် ခဏပျောက်နေသလို ဖြစ်တတ်ပေမယ့်၊ ကွက်လပ်ဟာ ကပ်ရက်သား အမြဲလိုက်နေတယ်။ မမြင်ရပေမယ့် သိနေရလိမ့်မယ်။ ကွက်လပ်တွေမှာ ဖော်မြူလာမရှိဘူး။ ကွက်လပ်တွေမှာ အချိန်ကာလမရှိဘူး။ ကွက်လပ်တွေဟာ မျက်ရည်ကျရာဆေးစက်ထင်တဲ့ ပန်းချီကားနဲ့တူတယ်။ ခင်ဗျားသတိထားသည်ဖြစ်သည် မေ့ထားသည်ဖြစ်စေ၊ စိတ်တံခါးကို ကွက်လပ်က ခေါက်မှာပဲ။ ခင်ဗျားအိပ်နေသည့်တိုင်အောင် သူက နှိုးပြီး စကားပြောမှာပဲ။ သူ့ကိုမုန်းသည့်တိုင်အောင် ကွက်လပ်ကတော့ အသာတကြည် ကွေ့ပြန်သွားမှာမဟုတ်ဘူး။ ခင်ဗျားဘဝရဲ့ အကြီးဆုံးပြဿနာဟာ ကွက်လပ်တွေကို ဘယ်လိုဖြေရှင်းမလဲဆိုတာပဲ။ သေသေသပ်သပ်ကွက်လပ်တွေဟာ စိတ္တာနုပဿနာအထိ လိုက်လံမျောပါနေတယ်။ ဓမ္မာနုပဿနာရဲ့ ချုံငုံရှုမြင်ခြင်းမှာလည်း ကွက်လပ်တွေတည်ရှိတယ်။ ကွက်လပ်တွေဟာ စားကျက်မြက်ခင်းထဲ ခုန်ပေါက်ပြေးလွှားနေတဲ့ မြင်းဖြူတစ်ကောင်နဲ့တူတဲ့အခါတူတယ်။ သူ့ဖြစ်တည်မှုကို သူမေ့ထားတဲ့ အရူးတစ်ယောက်နဲ့လည်းတူတယ်။ ကွက်လပ်မှာ ထူးခြားသိသာတဲ့ ဝိသေသကတော့ မေ့မရခြင်းနဲ့၊ ဖျောက်မရခြင်းဖြစ်တယ်။ ကွက်လပ်မပါတဲ့ ဘဝမရှိသလို၊ ကွက်လပ်နဲ့ကင်းပပြီး အသက်ရှူတဲ့ သတ္တဝါလည်းမရှိဘူး။ တစ်ချို့ကွက်လပ်တွေက ခရမ်းနု၊ တစ်ချို့ကွက်လပ်တွေက ခရမ်းပြာ၊ တစ်ချို့ကွက်လပ်တွေက ပန်းရင့်၊ တစ်ချို့ကွက်လပ်တွေကတော့ အနီရင့်။ ညတိုင်း ကွက်လပ်က သူ့ရဲ့ အစိမ်းရောင်လက်နဲ့ ခင်ဗျားကို တို့ပြီး နှိုးနေရင် ခက်တာပေါ့။ ကွက်လပ်မှာ လောကွတ်မရှိဘူး။ ကွက်လပ်မှာ ပြဿနာမရှိဘူး။ ကွက်လပ်ဟာ ဆုပ်ကိုင်ပြနိုင်အောင်ဒြပ်ထုရှိတာမျိုးမဟုတ်ဘူး။ ကွက်လပ်ဟာ စိတ်နဲ့သိရုံလေးလင်းနေတဲ့ ဖျဖျဝါးဝါး အလင်းနဲ့ တူသလိုရှိတယ်။ ကွက်လပ်တွေ ဆက်စပ်မိသွားတဲ့နေ့ဟာ ခင်ဗျားအတွက်တော့ အန္တရာယ်ရနံ့ရတဲ့နေ့ပဲ။ ကွက်လပ်တွေက ထင်တာထက် စွမ်းအားပြင်းပြီး၊ ခင်ဗျားဘဝရဲ့ သေရာပါ အမှတ်တရတွေကို ထိုးနှက်တိုက်ခိုက်လိမ့်မယ်။
အခန်း(၈)၊ တစ်ခါသုံးဓားများ။
ဓားတွေနဲ့ကင်းပြီး လူ့သမိုင်းဟာ တိုးတက်လာဖို့မဖြစ်နိုင်ဘူး။ ကျောက်လက်နက်တွေကို ရှအောင်၊ထက်အောင်၊ မြိနေအောင်သွေးရာကနေ ဓားတွေဟာ ဖြစ်တည်မှုတစ်ခုရှိလာခဲ့ကြတာပဲ။ ပထမပိုင်းမှာ ဓားတွေဟာ ရန်သူအတွက်ဖြစ်တယ်။ နောက်ပိုင်းမှာ ဓားတွေဟာ မိတ်ဆွေအတွက်။ နောက်ဆုံးမှာ ဓားဟာ ကိုယ့်အသက်အတွက်ဖြစ်လာတတ်သေးတယ်။ ဓားတစ်လက်ရဲ့ရာဇဝင်မှာတော့ သွေးစက်ပြီးရင် အသက်ပဲလိုအပ်တယ်။ ဝင်လေနဲ့ထွက်လေကြားဖြစ်ဖြစ်၊ ထွက်လေနဲ့ဝင်လေကြားဖြစ်ဖြစ်၊ တစ်ချက်တည်း တိကနဲ့ဖြတ်ချလိုက်ရတယ်။ ရန်သူ့ခေါင်းကို သက်မဲ့လို့သဘောထားတတ်အောင် သွေးအေးရက်စက် ဓားတစ်လက်ဖြစ်အောင် ကိုယ့်ကိုယ်ကို လေ့ကျင့်ပျိုးထောင်ကြရသေးတယ်။ ဓားကို အရင်ဦးအောင် ထုတ်တဲ့ ဆာမူရိုင်းဟာ ကျဆုံးရတာပဲ။ ဓားဟာ သန်လျက်ဖြစ်သွားတဲ့နေ့မှာ ခေတ်ပျက်တာပဲ။ ဓားကို အလှထားတဲ့အခါ ဓားရဲ့ဂုဏ်သိက္ခာပွန်းပဲ့ရတာပဲ။ ဓားမှာ ကြေးညှော်မရှိရဘူး။ တုံးအမနေရဘူး။ အသင့်ဖြစ်နေရမယ်။ ဓားဟာ လိုအပ်ရင် ဖြတ်ခနဲ့ဆွဲထုတ်၊ ဖြတ်ခနဲ ခုတ်နိုင်တဲ့ အသင့်အနေအထားရှိရမယ်။ ဓားက သွေးမဆာရဘူး။ ဓားမှာ ခံစားချက်မရှိအပ်ဘူး။ ဓားမှာ ဥပေက္ခာတရားနဲ့လက်ပနေတဲ့ နှလုံးသွင်းမှုမျိုးရှိရမယ်။ ဓားဟာ ဓားကိုင်လက်ရဲ့ ခန္ဓာကို နောက်ဆုံးထိုးချလိုက်တဲ့အချိန်အထိ တည်ငြိမ်သွားရလိမ့်မယ်။
အခန်း(၉)၊ နောက်ဆုံးထွက်သက်
နောက်ဆုံးထွက်သက်ဟာ အသက်ရှင်သန်နေထိုင်ခြင်းဆိုင်ရာသေခြင်းတရားနဲ့ မသက်ဆိုင်ဘူး။ လူတစ်ယောက်ဟာ ဆက်လက်ရှင်သန်နေပေမယ့် သူသေဆုံးသွားတဲ့သက်တမ်းဟာ ရှိပြီးသားဖြစ်နေတတ်တယ်။ အဲဒီနေရာကနေ ဆက်ပြီးမသွားတော့ဘူးဆိုပြီး ဆုံးဖြတ်ချက်ချနေထိုင်လိုက်တဲ့ နှစ်ကာလကို နောက်ဆုံးထွက်သက်လို့ ကျွန်တော်အမည်ပေးလိုက်တယ်။ ပျော်ရွှင်စရာဖြစ်ဖြစ်၊ ဝမ်းနည်းစရာဖြစ်ဖြစ်၊ အဲဒီ နောက်ဆုံးထွက်သက်ပြီးသွားတဲ့ကာလမှာ ယုတ္တိရှိရှိ အဓိပ္ပာယ်မဲ့သွားတော့တာပါပဲ။ နောက်ဆုံးထွက်သက်ဟာ အဖန်တလဲလဲဖြစ်စဉ်တစ်ခုရဲ့ တစ်ဘဝစာ အမြင့်ဆုံးအမှတ်ပဲ။ ဒီဘဝမှာတော့ အဲဒီထက်ပိုပြီး ဘာမှမဖြစ်နိုင်တော့ဘူး။ အသတ်ခံရမယ့် နွားတစ်ကောင်ကို သံပူတံဆိပ်ခတ်လိုက်တဲ့ အချိန်မျိုးပေါ့။ အဲဒီတံဆိပ်ရာဟာ နောက်ဆုံးထွက်သက်ရဲ့ သင်္ကေတတစ်ခုဖြစ်တယ်။ အဲဒီနွားက အသတ်မခံရဘဲ ထွက်ပြေးလွတ်မြောက်သွားသည့်တိုင်အောင် သံပူရာက စိတ်ထဲမှာကျန်ခဲ့မယ်။ အဲဒီအတိုင်းပါပဲ။ သိပ်မျှော်လင့်ခဲ့ပြီး ပျက်သုဉ်းသွားတာတွေများလာတဲ့အခါ ခင်ဗျားရဲ့ နောက်ဆုံးထွက်သက်ဆိုက်ရောက်လာတော့တာပါပဲ။ ခင်ဗျားဟာ သေလည်းမသွားဘူး။ ရှင်နေတယ်လို့လည်း မဆိုနိုင်တော့ဘူး။ ဖြစ်တည်နေထိုင်ခြင်းသက်သက်နဲ့ တာဝန်တစ်ချို့ကိုဆက်လုပ်သွားလိမ့်မယ်။ နောက်ဆုံးထွက်သက်ရဲ့ သိသာထင်ရှားတဲ့ လက္ခဏာကတော့ မျှော်လင့်တတ်တဲ့စိတ်ဟာ နောက်တစ်ခါ ထပ်မဖြစ်တော့တာပဲ။ တယ်လီဖုန်းသံလေးတစ်ခု၊ စာတိုလေးတစ်စောင်၊ သတင်းတိုလေးတစ်ခု၊ အပြုံးလေးတစ်စ၊ ဘာဆို ဘာမှ ထပ်မမျှော်လင့်တော့ဘူး။ ခင်ဗျားဟာ အသက်ရှင်နေထိုင်နေပေမယ့် နောက်ထပ် ဒိုင်မင်းရှင်းတစ်ခုကို အရှင်လတ်လတ်ရောက်နေသူဖြစ်သွားတော့တာပဲ။ ဒီဒိုင်မင်းရှင်းကိုတော့ ကိုယ့်စိတ်ကြိုက်ပဲ တည်ဆောက်တော့တယ်။ ခံစားနာကျင်စေမယ့် စိတ်သောကတွေကို အဝင်မခံတော့ဘူး။ နောင်တတရားလည်းမရှိဘူး။ ပူပန်ညှိုးငယ်ခြင်းလည်းမရှိဘူး။ အိမ်ဟောင်းကိုမီးရှို့ပြီး အိမ်အသစ်ဆောက်လိုက်သလိုမျိုးပဲ။ အတိတ်ဟာ ကျန်ခဲ့တာလည်းမဟုတ်ဘူး။ မေ့သွားတာလည်းမဟုတ်ဘူး။ ဆက်လက်မသက်ဆိုင်တော့တာသက်သက်ပဲ။ မီးရှို့ပြီး ပြာတွေကျန်ခဲ့တဲ့ မီးလောင်ပြင်မှာ ဆုပ်ဆုပ်ကိုင်ကိုင်ပြစရာဘာမှမရှိတော့ဘူး။ ပိုင်ဆိုင်ခြင်း၊ ဆုပ်ကိုင်ခြင်း၊ စွဲလန်းခြင်း၊ မျှော်လင့်ခြင်း၊ ဒါတွေအားလုံးကို ရှို့ပစ်လိုက်တာပဲ။
အခန်း၁၀။ စိုက်ပျိုးခြင်းနိယာမ
အေးစက်စိုစွတ်တဲ့အမှောင်ထဲ မြုပ်နှံစိုက်ပျိုးထားတဲ့ သစ်စေ့တစ်စေ့ရဲ့ ရွေးချယ်ခွင့်တွေထဲမှာ နေရောင်ဆီ ခရီးထွက်ခြင်း နဲ့ အမှောင်ကိုဆက်လက်ဖက်တွယ်ခြင်းဆိုပြီး နှစ်ခုရှိမယ်ထင်တယ်။ အမှောင်မှာ ငြိမ်းချမ်းမှုနှစ်မျိုးရှိတယ်။ စိတ်သက်သာရာရစေတယ်။ ပြီးတော့ မျက်ရည်သဟဇာတဖြစ်တဲ့ဝန်းကျင်ပဲ။(tears-friendly လို့ကျွန်တော်သုံးခဲ့တယ်ထင်တယ်။) သစ်စေ့မှာ ရွေးချယ်ခွင့်ရှိတယ်။ ဒါဟာ သစ်စေ့ရဲ့လွတ်လပ်ခွင့်ပဲ။ အလိုအပ်ဆုံးအချိန်မှာ ရောက်မလာတဲ့ စစ်ကူလို အချစ်ဆုံးမိတ်ဆွေတွေ နေရောင်ခြည်မှာရှိနေရင် သစ်စေ့ဟာ အမှောင်ကိုရွေးချယ်လိုက်မှာပဲ။ စကားလုံးတွေကို လက်တွေ့မပြနိုင်တဲ့သူတွေရဲ့ကမ္ဘာမှာ ဘယ်သစ်စေ့မှာမပျော်ရွှင်ဘူး။ ချစ်ခြင်းကို မခံစားရဘူး။ ကိုယ်မဖြည့်ပေးနိုင်တဲ့ကွက်လပ်ကို အမှောင်ကဖြည့်ပေးလိုက်တာပဲ။ အားမာန်နဲ့ရပ်တည်ရမယ့်အချိန်မျိုးမှာ ဧည့်သည်လိုအလည်လာတဲ့ မိတ်ဆွေဟာ အလကားပဲ။ သစ်စေ့တစ်စေ့အတွက်တော့ အပေါ်ယံလောက် အမျိုးတော်နေတာဟာ သူစိမ်းသက်သက်ပါပဲ။ အမှောင်ဟာ သိပ်လုံခြုံတယ်။ မျက်ရည်တွေကို သိမ်းဆည်းတယ်။ Simon နဲ့ Garfunkel တို့ရဲ့ ငြိမ်သိမ်တေး(ငြိမ်သက်သိမ်မွေ့သောတေး၊ The Sound of Silence) ရဲ့ အစမှာ Hello Darkness, my old friend လို့ပါတယ်။ ဒါဟာသိပ်အဓိပ္ပာယ်ရှိတယ်။ သစ်စေ့တွေရဲ့ကမ္ဘာမှာ အမှောင်ဟာ သူငယ်ချင်းဟောင်းတစ်ယောက်ပဲ။ သူ့ကိုတန်ဖိုးထားရလိမ့်မယ်။
အခန်း ၁၁။ ထပ်ပြန်တလဲလဲဖြစ်စဉ်များ။
အ်ိမ်မက်ထဲကနေထွက်မရတော့ဘဲဖြစ်နေတဲ့ ဝင်္ကပါအိမ်မက်မျိုးတွေ။ ပျင်းရိဖွယ်ဖြစ်စဉ်။ ထွက်ပေါက်မဲ့သော မီးခိုးငွေ့များ၊ တိမ်တိုက်အတုမှာ နားမိတဲ့တိမ်မျှင်အစစ်တွေ၊ အတုတွေကို အဟုတ်ထင်ခဲ့တဲ့စိတ်၊ ထပ်ပြန်တလဲလဲ၊ ကီးမချိန်း၊ fade out မလုပ်ဘဲ၊ ထပ်ပြန်တလဲလဲ၊ ကြာတော့ ငြီးငွေ့နာကျင်လာတယ်။ ကျွန်တော့်ဘဝအတွက် ခင်ဗျား ဘာလုပ်ပေးခဲ့လဲ။ မေးခွန်းတွေနဲ့ ထပ်ပြန်တလဲလဲပစ်ပေါက်တယ်။ ပဲ့တင်သံတွေထပ်ပြန်တလဲလဲလာတယ်။ တစ်ခုခုတော့ ပေးနေတယ်ပြောတယ်။ ဘာမှမရတဲ့သူကတော့ မရဘူးပြောနေမှာပဲ။ ဒီသီချင်းကို ပိတ်ထားတာကောင်းမယ်ထင်တယ်။ ပဲ့တင်သံတွေလိုပဲ၊ ပြန်သွားရင် လက်ခံထားမယ့်အိမ်မရှိဘူး။ ထူထပ်ခံ့ညားရဲ့နံရံကပြောမယ်၊ သူ့ရဲ့ဘဝကို စာနာနားလည်ပါလို့။ ဘာကိုနားလည်ရမှန်းမသိတဲ့ အသံတွေက ပဲ့တင်သံဖြစ်ပြီး၊ ထပ်ပြန်တလဲလဲ စုံကန်ထွက်သွားတယ်။ အဲဒီဖြစ်စဉ်ပါပဲ။
အခန်း ၁၂။ စံပယ်ပန်းများ
ဒီတစ်ခန်းမှာတော့ ကျွန်တော် ခဲခြစ်ပုံလေးတစ်ပုံနဲ့စာလေးတစ်ကြောင်းပဲရေးထားဖြစ်တယ်။ မိုးရာသီပျောက်သွားတဲ့နေ့ဆိုတဲ့စာတန်းနဲ့ အနက်ရောင်စံပယ်ပန်းလေးတစ်ပွင့်။
အခန်း ၁၃။
သိပ်မွန်းကြပ်နာကျင်ငြီးငွေ့နေတဲ့ရေနစ်သူအတွက်တော့ သေခြင်းတရားဟာလည်း ကောက်ရိုးလေးတစ်မျှင်။ ။
Regards,
Zephyr
Notes:
Life is 2 short.
Live ur own life in your own way.
Peace B with U.
