စက်တင်ဘာ ၂၀၁၄
ဘာလိုလိုနဲ့ blogမှာ စာရေးတာ ၆ နှစ်ပြည့်သွားပြီ။ စာမေးပွဲတစ်ခုမဟုတ်ခဲ့လို့ အောင်မြင်သလား၊ ရှုံးနိမ့်သလားမေးရင် မဖြေနိုင်ဘူး။ ကိုယ်ယုံကြည်တာလေးတွေ နည်းနည်းပါးပါးရေးတယ်။ လူသားတစ်ယောက်ရဲ့ လူသားဆန်မှုကိုလည်း တွေ့သင့်သလောက်တွေ့ရမယ်။ အတူတူရေးခဲ့ကြတဲ့ အားလုံးလောက်နီးပါး အနားယူသွားကြပြီ။ ကိုယ်တိုင်လည်း အရေးကြဲသွားပေမယ့် အနားတော့မယူသေးဘူး။ ရေးချင်တာလေးတွေ ရေးဦးမယ်။ တစ်ယောက်ယောက်အကျိုးရှိသွားရင်မဆိုးဘူးဆိုတဲ့စိတ်ထားနဲ့ရေးတဲ့အခါရေး၊ အနုပညာကို ယုံကြည်ချက်ထားတဲ့ စာပေမျိုးလည်း ရေးတဲ့အခါရေးနဲ့ ချီတက်နေတုန်းပါပဲ။
ငယ်တုန်းကလိုတော့မဟုတ်တော့ဘူး။ အသက်နဲ့အမျှ စိတ်ဝင်စားမှုတွေလည်း ပြောင်းလဲလာပြီ။ အယူအဆတွေလည်းပြောင်းတာတွေပြောင်းကုန်ပြီ။ ပျော်ပျော်ရွှင်ရွှင်နေထိုင်ဖို့ကိုတောင် တော်တော်လေး သတိထားပြီး ကြိုးစားရတဲ့ ရာစုသစ်ကိုရောက်လာတော့ အချိန်ပိုတွေကို သုံးစွဲရတာ ပိုပြီး စီစစ်လာရတယ်။ ငယ်တုန်းကလို ရှေ့ရေးနောက်ရေးမတွေးဘဲ နေလို့တော့ သိပ်မရတော့ဘူး။ အလုပ်ပိုလေးတွေ နည်းနည်းပိုများလာတယ်။ စာရေးတယ်ဆိုတာတော့ အနည်းနဲ့ အများ အချိန်ပေးရတယ်။ သိပ်အချိန်ပေးရတာမျိုးတွေ မရေးနိုင်တော့ဘူး။ အကျဉ်းချုပ်ဆန်လာတယ်။
အကျယ်ရေးသင့်တာတွေလည်း ပုံထားလိုက်တာများလာပြီ။ အလျဉ်းသင့်တဲ့အခါမှ ပြန်တူးဖော်ပြီး ပြောဦးမယ်စိတ်ကူးတယ်။ အရင်က ခရီးသွားရင် ဘာပုံမှမရိုက်ဘူး။ ဇနီးသည်ရိုက်တာလေးတွေ သွားသွားယူတယ်။ အခုတော့ မှတ်တမ်းမှတ်ရာသဘောမျိုးဖြစ်အောင်ရိုက်တယ်။ သတင်းအချက်အလက်တွေမှာ တန်ဖိုးရှိတယ်။ ဥပမာ ဒီအောက်က ပုံလေးဆိုပါတော့။
အဖိုးတစ်ယောက် ထမင်းစားနေတဲ့ပုံ။ ပိုပြီး တိတိကျကျပြောရင် ဘိုးဘွားရိပ်သာတစ်ခုမှာနေ့လည်စာစားနေတဲ့အဖိုးအိုပုံ။ UP ဇာတ်ကားထဲက Carl ကို သတိရသွားစေတယ်။ သူတို့တွေရဲ့ ဘဝဟာ နေဝင်ချိန်ပဲ။ တစ်ခါတစ်လေ ခင်ဗျားတို့ ကျန်းမာနေရင်၊ ငယ်ရွယ်နေသေးရင် ဒါကို မခံစားတတ်ဘူး။ ဘိုးဘွားရိပ်သာကို သွားကြည့်၊ ငါတစ်နေ့ ဒီလို အိုမင်းမစွမ်းမှာပါလားဆိုတဲ့ feeling ကို နက်နက်ရှိုင်းရှိုင်းခံစားကြည့်၊ တစ်နေ့ငါဒီလိုနေရာမှာ လာနေရရင်ဆိုတဲ့ ခံစားချက်မျိုးနဲ့ပြန်ကြည့်လိုက်ရင် စိတ်ဟာ အတော်လေးတုန်လှုပ်သွားနိုင်တယ်။ ကိုယ်ချင်းစာတရားဆိုတာ အဲဒီလိုအချိန်မှာမှ အလင်းလက်ဆုံးပေါက်ဖွားတာပဲ။ Empathy နဲ့ Sympathy ဟာ ထပ်ချပ်မကွာပေါ်ပေါက်တာပဲ။ နောက်တော့ ဒါ ငါ့အမျိုးတွေပဲ။ သံသရာဆွေမျိုးတွေပဲ။ ကိုယ့်မှာရှိတုန်း အဖိုးအဖွားတွေကို ကြက်သားနဲ့ကျွေးမယ်ဆိုတဲ့စိတ်မျိုးက အလိုလိုပေါ်လာတာပဲ။ သူတို့ရဲ့ နေပုံထိုင်ပုံကိုလည်း လေ့လာကြည့်တယ်။ စကားစမြည်ပြောကြည့်တယ်။ ဒီဘိုးဘွားရိပ်သာဆိုရင် ကန်တော်လေးမှာရှိတယ်။ ခရစ်ယာန်သီလရှင်တွေကစောင့်ရှောက်ထားတယ်။ အဖိုးအဖွားတွေကတော့ ဘာသာပေါင်းစုံပဲ။ ဘာသာကအရေးမကြီးဘူး။ လုပ်နေတဲ့ လုပ်ရပ်ကအရေးကြီးတယ်။ ဘယ်ဘာသာဝင်ဖြစ်ဖြစ် ခန္ဓာရလာရင် ခန္ဓာရဲ့ဒုက္ခရှိတယ်။ ဇရာဟာ သူ့ချည်းမလာဘူး။ လာရင် ဗျာဒိနဲ့အတူလာကြတာ။ အဲဒီတော့ နေဝင်ချိန်မှာ အတတ်နိုင်ဆုံး အေးအေးလူလူနေနိုင်အောင်၊ လူနာပေမယ့် စိတ်မနာအောင်၊ ပူပင်စရာနည်းအောင် စောင့်ရှောက်တာ အင်မတန်မင်္ဂလာရှိတာပေါ့။ မြန်မာပြည်မှာ အစိုးရထောက်ပံ့တာမရှိဘူး။ အဲဒီတော့ ဒီလိုအဖွဲ့အစည်းတွေ၊ရိပ်သာတွေက အလှူငွေနဲ့ရပ်တည်တယ်။ အဲဒါလေးတွေကို ကျွန်တော်သိချင်တယ်။ သိချင်တယ်ဆိုတာက ကမ္ဘာမှာ ဒေါ်လာတစ်ရာလောက် အပန်းမကြီးဘဲ လှူနိုင်တဲ့သူတွေ အများကြီးရှိတယ်။ တကယ်လိုတဲ့နေရာကို သိရင် လှူကြမှာပဲ။ စိတ်ထားကောင်းနဲ့လုပ်နေတဲ့အဖွဲ့အစည်းတွေ ရေရှည်ရှင်သန်အောင် ထောက်ပံ့မယ့် အလှူရှင်တွေ လိုတာပေါ့။ ကန်တော်လေး ဘိုးဘွားရိပ်သာမှာ သန့်ရှင်းသပ်ရပ်တာလေးတွေမြင်တယ်။ သီလရှင်တွေက စည်းနဲ့ကမ်းနဲ့လုပ်တတ်တာတွေ့ရတယ်။ ဒါလေးတွေ ကျွန်တော်ရေးချင်တယ်။ သိစေချင်တယ်။ လှူနိုင်တဲ့သူတွေကိုလည်း သွားလှူစေချင်တယ်။ သွားလှူတဲ့အခါလည်း ပိုက်ဆံလှူပြီး ချက်ချင်းပြန်လာတာမျိုးထက် အဖိုးအဖွားတွေနဲ့စကားပြောစေချင်တယ်။ သူတို့က မေတ္တာ အများကြီးလိုအပ်တယ်။
ဒီရိပ်သာမှာတော့ အလုပ်သမားတွေကိုလည်း တစ်လတစ်သောင်းပဲပေးနိုင်တယ်။ တစ်သောင်းဆိုတာ စင်ကာပူဒေါ်လာ ၁၂ ဒေါ်လာ၊ ၁၃ ဒေါ်လာလောက်ပဲ။ ဘူဖေးတစ်ခါစားရင် အိန္ဒိယဘူဖေးဆိုရင် ၂၄ ဒေါ်လာလောက်ကုန်တယ်။ ပိုက်ဆံတွေနှမြောဖို့ကောင်းတယ်။ အပိုစားတာတွေနည်းနည်းလျော့ပြီး များများလှူလိုက်တာကောင်းတယ်။ ကိုယ့်ရဲ့တစ်လစာမုန့်ဖိုးဟာ သူတို့တွေရဲ့တစ်နှစ်စာ လခဖြစ်ရင်လည်းဖြစ်နေမယ်။ ဘဝရဲ့ မညီမျှမှုတွေကိုတွေ့ရတယ်။ ရေနည်းရာကို မိုးရွာရမယ်။ ဒါလေးကို ကျွန်တော်ပြောပြချင်တယ်။ ကိုယ်တိုင်ကတော့ အလှူငွေကောက်တာ ဘာညာမလုပ်တတ်ဘူး။ စိတ်လည်းမရှည်ဘူး။ လှူချင်တဲ့ မိတ်ဆွေတွေသိပြီး သွားလှူချင်သွားလှူကြပါလို့ပြောရုံပဲတတ်နိုင်တယ်။ ကိုယ့်ဘဝမှာ အချိန်က အကန့်အသတ်မဲ့မဟုတ်ဘူး။ time constraint ရှိတယ်။ အဲဒီအကန့်အသတ်အချိန်လေးမှာ တကယ်တန်ဖိုးရှိတာလေးတွေလုပ်ကြည့်၊ ကိုယ့်ဘဝကိုယ် အင်မတန်ကျေနပ်မိသွားလိမ့်မယ်။ လူအများစုက တကယ်မပျော်ကြဘူး။ ဘာလို့မပျော်လည်းဆိုတော့ ကိုယ့်အတ္တအတွက်နေထိုင်တာများလို့ပဲ။ အဘိုးအဘွားတွေနဲ့ကြီးပြင်းလာတဲ့သူတွေဆို ဘိုးဘွားရိပ်သာတွေရောက်ရင် အင်မတန်စာနာမိတာပဲ။
ကျောင်းဆီကိုလည်းရောက်တယ်။ အပျော်သွားကြည့်တာ။ ကျောက်တန်း ရေလယ်ဘုရားလည်းရောက်တယ်။ အရင်လည်းရောက်ဖူးတယ်။ အမှတ်တရ ဓာတ်ပုံတစ်ပုံရိုက်လာခဲ့တယ်။
Peace B with U.
