အောက်တိုဘာ ဓားကိုးလက်………………….၊ မျှော်လင့်ခြင်းဖြတ်ဓားသွားများ …….နှင့်ကျွန်တော်

အောက်တိုဘာ ဓားကိုးလက်………………….၊ မျှော်လင့်ခြင်းဖြတ်ဓားသွားများ …….နှင့်ကျွန်တော်

မနက်ခင်းဖျော့ဖျော့ ...ကောက်ကွေးပျော့ကျနေတဲ့ ကမ္ဘာမှာ ကျွန်တော်နိုးလာတယ်။ ဒါလီ့ကို သတိရတယ် .....။ သူ့နာရီပျော့ကြီးကို လိုက်ရှာရင်း စိတ်ဓာတ်တွေပျော့ကျသွားတယ်။ နိုဝင်ဘာ ၁၀ ရက် ...... ကောင်းကင်ကနေ အပ်အစား ကြက်ခြေခတ်တစ်ခုပြုတ်ကျလာတယ်။ .......။ မရည်ရွယ်ပါဘဲလျက် နှလုံးခုန်သံမှာ သွားစွပ်နေတယ် .....။ ကြက်ခြေခတ်ပြထားတဲ့ နှလုံးခုန်သံ ......။ အဲဒါဟာ ဆေးရုံတစ်ရုံရဲ့ အသက်ရှူအားကူပစ္စည်းဖြစ်တယ် .....။ လောကကြီးကို မေ့လျော့ထားသူတစ်ယောက် ဖွဖွကလေး မေ့မျောနေတယ် ......။ ရှူး ... တိုးတိုး ... ခင်များတို့ အသက်ပြင်းပြင်းမရှူနဲ့ ................ သူဆက်အိပ်နေပါစေလေ .........................။

မွန်းတည့်နေအောက်မှာ အရိပ်ဟာ ခြေထောက်အောက်မှာရှိတယ် ...။ အရိပ်ကိုနင်းပြီးရပ်တယ်။ အရိပ်နဲ့အတူတကွယှဉ်သန်တယ်။ အရိပ်ဟာ နောက်ဘက်ကို တဖြည်းဖြည်းရွေ့တယ် .....။ နာကျင်နေတဲ့နာရီတွေ ...မယွန်းနိုင်တဲ့ဂေါရာ .......... ထွန်ရေးပြင်နေတဲ့ ကံကြမ္မာနဲ့ တစ်ဖက်တည်းတီးတဲ့ လက်ခုပ်သံများစွာ .............။ ရှေ့နှစ်ဘူတာမှာ ဂိတ်ဆုံးသွားတော့မယ့်ရထားတစ်စင်းရဲ့ဥသြသံကရော နာကျင်ဆွေးမြေ့နေမလား .......... ကျွန်တော့်နားထဲမှာတော့ ဓမ္မတေးတွေ လွမ်းလွမ်းဆွေးဆွေးမြည်နေနှင့်ပြီ ........................။

ငယ်တုန်းက စောင်တဘက်နဲ့ကျောပိုးသွားလေ့ရှိတဲ့ အမျိုးသမီးကြီးတစ်ဦးနဲ့ကျွန်တော်ဟာ သားအမိတော်စပ်ကြတယ်။ ဘာမဆို အလိုလိုက်တဲ့သူ့အတွက် အတွက် ခပ်ဆိုးဆိုးသားတစ်ယောက် လက်ခံရရှိသွားတယ်။ ဖြစ်ပြီးရင်ပျက်ရမယ်ဆိုတဲ့ကျိန်းသေပေါက်လောကကြီးမှာ အမေက သားကိုချစ်တာရဲ့တစ်ဝက်လောက်တော့ သားကလည်း အမေ့ကိုချစ်ခဲ့ပါတယ်။ လောကဓံနဲ့ဓာတ်လှေကား တူတာက ကျဉ်းကျဉ်းကြပ်ကြပ်သွားလာရပြီး တက်လိုက်ကျလိုက်ဖြစ်နေတာပဲမဟုတ်လား မေမေ။ (မေမေပြုံးနေခဲ့တယ်။ ..............)

ကျွန်တော်စာအုပ်တစ်အုပ်ကိုဖတ်ပါတယ်။ ရေပွက်ပမာ ဖြစ်တယ်။ .....မြသန်းတင့်ဘာသာပြန်တယ်။ ( Simone de Beauvoir ရဲ့ A very Easy Death )။ စာအုပ်ထဲကိုကျွန်တော်ရောက်သွားပါတယ်။ ကျွန်တော်နာကျင်ပါတယ်။ ကျွန်တော်နာကျင်ပါတယ်။ တစ်ခဲနက် တစ်စုတစ်ဝေးထဲ နာကျင်ပါတယ် .............။ စိတ်အစုအဝေးပြိုကွဲမှုအားဖြင့်နာကျင်ပါတယ်။ တစ်စစ်စစ်နာကျင်ပါတယ်။ တဖျစ်ဖျစ်လောင်ကျွမ်းသလိုနာကျင်ပါတယ်။ အကြားအလပ်မရှိဆင်းရဲသော နာကျင်မှုမျိုးဖြင့်နာကျင်ပါတယ်။ စာအုပ်ထဲကနေကျွန်တော်ပြန်မထွက်ချင်သေးဘူး .............။ ကျွန်တော် နာကျင်ပါတယ်။ စာအုပ်ထဲကထွက်လိုက်ရင် ဒီထက် နာကျင်ရတော့မှာလား ........။ ကျွန်တော်နာကျင်ပါတယ်။

နေ ဆိုတဲ့ အလတ်စားကြယ်တစ်စင်းဟာကျွန်တော်နဲ့ မိုင်ပေါင်း ၉၃သန်းကွာဝေးခဲ့ရာက တစ်ရွေ့ရွေ့နီးကပ်လာတယ်။ နောက်ဆုံး နေလုံးပျောက်ချိန်မှာ နေ၀င်တဲ့အရပ်ဟာလည်း ကြက်ခြေခတ်ဆောင်းထားတဲ့ နှလုံးသားပဲဖြစ်တယ်။ အသက်ရှူရခက်ခဲလာတယ်။ ပူပြင်းလောင်မြိုက်နေတဲ့ပရိဒေ၀ဟာ ဥပါယာသ အဖြစ်ကို တရွေ့ရွေ့ အသွင်ပြောင်းလာတယ် ………….။
ကျွန်တော် …. အမေနဲ့အတူ Crown of Thorns (မြန်မာအခေါ် kiss-me-quick) အပင်စိုက်လေ့ရှိပါတယ်။ အမေနဲ့အတူ ပန်းပွင့်လာမယ့် အပင်လေးတွေကို စောင့်ကြည့်ပါတယ် ………။

သစ်ပင်စိုက်တဲ့လူတစ်ယောက်ဟာ အရိပ်အကဲနားလည်ဖို့မခက်ပါဘူးမေမေ …………..။ နာဖျားနေတဲ့ဂီတသံက ကောင်းကင်မှာ လက်ခနဲကြွေဆင်းမှုတွေနဲ့ အလိုက်ဖက်ဆုံးပါပဲအမေ ……….။ ဖိတ်ခေါ်မထားဘဲ အလည်လာတဲ့ ဇီဇ၀ါပန်းရနံ့လေးတွေနဲ့ ညဉ့်ဘက်မှာ အစာရှာတဲ့ ငှက်ကလေးတွေရဲ့ မြည်သံတွေဟာ ဆောင်းရာသီတစ်ခုလုံးကို ပိုက်ကွန်ထူထူနဲ့ဖမ်းမိထားသလို ဂုဏ်ယူဝံ့ကြွားနေတယ်မေမေ ……..။ အလံကိုနှုတ်ပြီးဆိုတော့မယ့် အောင်ပွဲခံတေးတွေ တပ်ဆုတ်သွားခဲ့ပုံက ပုံပျက်ပန်းပျက်ပါပဲမေမေ …….။ စစ်ရှုံးခရာဟာ အားအနည်းဆုံးသူတွေရဲ့ နောက်ဆုံးထွက်သက်နဲ့မှုတ်လိုက်တာတောင် ကြေကွဲခြင်းတွေ ပီပီသသမြည်နေတယ်မေမေ။

ထိုသို့ဖြင့်
အောက်တိုဘာ ၁၁။ ကျွန်တော်တိမ်မူးခဲ့သော လရောင်များ ယိုစီးကျနေသော ညခင်း ……. လရောင်ပျော့တွဲကျဆင်းနေတဲ့ ခရေပင် အရိပ်အောက်မှာ နာရီပေါင်းများစွာထိုင်နေမိတယ်။ နှစ်ပေါင်းများစွာ မငိုကြွေးခဲ့တဲ့အတွက် လောလောဆယ်ဘယ်လိုငိုရမလဲမေ့နေတယ်။ လရောင်အသေတွေ၊ ကြယ်အသေတွေ၊ အရိပ်ထဲမှာ စိတ်အသေနဲ့ထိုင်နေမိတယ်။ မြင်မြင်သမျှဟာ အသေပဲ၊ ကစားကွင်းအသေထဲမှာ … သံတန်းအသေတွေ …. အကြည့်အသေတွေမြင်သမျှဟာ အသေတွေပဲ ….. သွေးရူးသွေးတန်း ထိုးဟောင်းလိုက်တဲ့ ခွေးဟောင်သံကလည်း အသေ၊ ရပ်တန့်နေတဲ့ကားအသေတွေကို ကွေ့ပတ်သွားနေတဲ့ သစ်ရွက်ကြွေတွေဟာလည်းအသေ။ မေမေ … မျှော်လင့်ချက်တွေ သေသွားတဲ့အခါ …. လူဆိုတာ အခွံသက်သက်မှန်းသေချာသွားတဲ့ အသေကောင်တစ်ကောင်ပါပဲမေမေ။

လေပြည်တွေက ကျွန်တော့်ကို ကွေ့ရှောင်တိုက်ခတ်သွားတယ်။ ညဉ့်ငှက်တွေလည်း ခပ်လှမ်းလှမ်းကပဲ အော်မြည်နေတယ်။ ……… မေမေ ……… တိုးတိုးဖွဖွလေး ရေရွတ်လိုက်ရုံနဲ့ …….. သောကတွေဘောင်ဘင်ခတ်တယ်မေမေ …………………..။

အနှေးပြကွက်တွေလို ကျွန်တော့်ငယ်ဘ၀ဟာ စိတ်အသေတွေကနေထွက်ကျလာတယ်။ …… ၂၅ နှစ်တိတိ ….အမေ့အနားမှာကျွန်တော်ရှိခဲ့တယ်။ ….. အမေကလည်း ကျွန်တော့်နားမှာရှိခဲ့တယ်။ ………

သက်တစ်ရာတမ်းမှာနေရတာကိုမေ့တယ်။ လူတွေရဲ့ပျမ်းမျှသက်တမ်းကိုမေ့တယ်။ မရဏနုဿတိကိုမေ့တယ်။ လောကပါလတရားကိုမေ့တယ်။ အိမ်ပြန်ချိန်ကိုမေ့တယ်။ ဒါပေမယ့် …. အမေ့အပြုံးတွေကိုတော့မမေ့ခဲ့ပါဘူး။ …

ဘာတစ်ခုမှမလိုချင်တော့တဲ့အခါမှာ လူတွေဟာ ဘာကို ဆုတောင်းကြမလဲမေမေ ….။ မဖြစ်နိုင်တာတွေကို လုံလုံလောက်လောက်သိနေရတဲ့အခါ ဖြစ်ချင်တာတွေကို ခေါင်းတစ်ချက်ယမ်းပြလိုက်ရတာပဲမဟုတ်လားမေမေ။

…. နေပါစေတော့ …… ဘ၀မှာ ဘာမှထပ်မလိုတော့ဘူး

…….. ကောင်းကင်အသေထဲက ထွက်ကျလာတဲ့ ကိုယ့်ကြယ်အကြွေလေးကိုပဲ ပြန်ုပြီးကောက်ယူခဲ့ရတယ်။ …………………..

မနက်ဖြန် ……..မနက်ဖြန် ……….မနက်ဖြန် ………မနက်ဖြန် …………………. လူတိုင်းမှာငြင်းလို့မရတဲ့မနက်ဖြန်တွေရှိတယ်မေမေ ………………………….။

ချိန်းချက်ထားသောနေ့ရက်

ကျွန်တော်တို့တွေ အတူရယ်ခဲ့ကြဖူးမယ်။ အတူငိုခဲ့ကြဖူးမယ်။ အတူစိုက်ပျိုးခဲ့သမျှ အတူရိတ်သိမ်းခဲ့ဖူးမယ်။ …… တစ်ချို့လမ်းတွေက သိပ်ကျဉ်းတယ် ………….။ သားအမိတွေတောင် …. အတူလျှောက်လို့မရဘူး …..တစ်ယောက်စီ သွား …………ကြ ………….ရ ……………တယ် ……….။

အသက်ရှူအားကူပစ္စည်းတွေရပ်လိုက်တဲ့အခါ အသက်ဆက်မရှူတော့တဲ့သူတစ်ယောက်ဟာ သေဆုံးနေနှင့်ပြီလားမေမေ ……………………။ …. ရှင်သန်ခြင်းနဲ့ သေဆုံးခြင်းနယ်နိမိတ်လေးက သိပ်ကို ပါးလျလွန်းပါတယ် ……….။

အဲဒီ စက္ကန့်လေးတစ်ခုရဲ့နောက်မှာ …. ဒီဘ၀ ကျွန်တော်တို့သားအမိ ပြန်မတွေ့နိုင်တော့ဘူးဆိုတာကို လက်မခံချင်ပေမယ့် ……… နာနာကျင်ကျင် ………….လက်ခံလိုက်ရပါတယ်။

May Peace Be Upon You, Mom ………
God Bless U …….

Your lovingly son,
Zephyr

(My mom was passed away on 12th of October 2008, and this post is dedicated to her.)

Thanks Mom and sis for your encouragements.

Peace B with U.

Zephyr's ဖြတ်ထုံး ဆက်ထုံးများ

Zephyr's ဖြတ်ထုံး ဆက်ထုံးများ

တနေ့သ၌ ကျွန်ုပ်သည် အင်မတန်အားလပ်နေလေရာ ... ကျွန်ုပ်ဘာသာရေးထားသော ပို့စ်ကို Google တွင်ရှာလေရာ ကျွန်ုပ်နာမည်မှအပ အစစအရာရာတူသော ဖော်ဝပ်မှရသည်ဆိုသည်များကိုတွေ့လေသည်။ ထိုအခါမှ အင်မတန်ညံ့ဖျင်းသောကျွန်ုပ်သည် နာမည်ကို ကော်ပီကူးရာတွင် အခက်တွေ့နေတတ်သည့် လူတစ်ချို့အတွက် ကော်ပီပေ့စ်ရက်တိုသင်တန်းဖွင့်ရန် အကြံရလေသည်။

အင်မတန်မှ အားနေသည့်အခါ ကျွန်ုပ်၏ ဘလော့ခ်ကို ကော်ပီလွယ်လွယ်နှင့်မလုပ်နိုင်စေရန် JavaScript တစ်ခုရှာထည့်လိုက်သည်။ ကူးချင်လျှင် Ctrl+A နှင့်အားလုံးကူးလို့ရကောင်းရမည်။ JavaScript ဖြုတ်၍ ပြန်ကူးလျှင်ရမည်။ ကျန်တာတော့မရပါ။ ထို့အတွက် အနည်းငယ်စိတ်ချမ်းသာပါသည်။ JQuery ရေးထားပြီး Crtl+A ကိုပါ Control လုပ်နိုင်ရန်ကြံစည်နေသော်လည်း Blogspot တွင်လုပ်ချင်သလောက်လုပ်ဖို့ အနည်းငယ်ခက်နေပါသေးသည်။ Posts များကို ကပ်စေးနှဲသောကြောင့်မဟုတ်ပါ။ ပညာယှိများထပ်မံဖြည့်စွက်ချက်များကို ရိုးရိုးသားသားမလိုလားသောကြောင့်ဖြစ်သည်။

.................တစ်ခန်းရပ် ...........................

နာဗားနား အဖွဲ့က ကာ့ထ်ကိုဘိန်းကပြောတယ် ..........................

I won't eat anything green.

သူဘာအစိမ်းရောင်မှ မစားဘူးတဲ့ ......။ သူ့ရဲ့ရွေးချယ်ခွင့်ပါပဲ ........။ တစ်ချို့ဘလော့ခ်တွေမှာ Comment ရေးလို့မရဘူး ...။ Online မှာပဲရေးရေး၊ စာမျက်နှာပေါ်မှာပဲရေးရေး ရေးတဲ့သူရဲ့ ethic ရှိပါတယ်။ ဖတ်တဲ့သူရဲ့ ethic လည်းရှိရပါမယ်။ Mutual Respect လည်းရှိရပါမယ်။ ဒါတွေမှမရှိရင်တော့ စိတ်ဓာတ်နဲ့အသိဥာဏ် အတော်လေး ချွတ်ခြုံကျတာပဲလို့တွေးမိပါတယ်။

.................ယုံကြည်မှုမှား...........................

Misbelief ... လူတွေမှာ ထူးထူးဆန်းဆန်းယုံတာတွေအမျိုးမျိုးရှိတယ်။ အိမ်မက်ထဲမှာမြွေတွေ့ရင်ငွေဝင်မယ်။ မြွေကိုသတ်ရင်ငွေထွက်မယ်။ အညစ်အကြေးတွေတွေ့ရင် ငွေရမယ်။ ၀တ်ကောင်းစားလှနဲ့အိပ်မက်ထဲမှာတွေ့ရရင် အဲဒီလူသေပြီ ...စသဖြင့် ...။ စင်ကာပူမှာတော့ အတော်လေးထူးခြားတဲ့ ယုံကြည်မှုတစ်ခုတွေ့ရတယ်။ Train is coming , Train is coming လို့သီချင်းဆိုပြရင် ရထားတွေချောင်လာမယ်လို့ အစိုးရကမျှော်လင့်ယုံကြည်နေရှာတယ် ........။ Love your rides (.. before you become suffocating in the train.)

.................Hail Gallaxhar...........................

Gallaxhar ကိုသိကြလားမသိဘူး။ ကာတွန်းကားကြည့်ရင်တော့သိလိမ့်မယ်။ ကာတွန်းကားကို ကြိုက်တာကလေးတွေတင်မဟုတ်ပါဘူး။လူကြီးတွေပါကြိုက်ပါတယ်။ နောက်ပိုင်းကာတွန်းကားတွေမှာ သရော်တဲ့အငွေ့အသက်တွေပါတယ်။ ဘာသာရေး၊လူမှုရေးနဲ့ပတ်သက်တာတွေအများကြီးပါတယ်။ Monsters Vs Aliens ထဲမှာ Gallaxhar က လူဆိုးပါ။ အဲဒီမှာ သူလုပ်ထားတဲ့ clone တွေက Hail Gallaxhar လို့အော်တာကို သိပ်ရယ်ရပါတယ်။ Hitlar ကြီးကိုနောက်တာပါ။ နာဇီတွေအော်သလိုမျိုး သူ့ကလုန်းတွေက အော်ပါတယ်။ သူclones တွေထွင်တာကလည်း Bible ထဲက God ပုံစံတူဖန်ဆင်းတာကို နောက်ထားပုံရပါတယ်။ Clones လုပ်ဖို့ သူ့ကိုယ်သူ Stamp ရိုက်သလို ဒုံးဒုံးဆိုပြီး ထုချလိုက်တာကလည်းအတော်ရယ်စရာကောင်းပါတယ်။ Gallaxhar ပြောတာလေးတစ်ခုကို သဘောကျပါတယ်။

Humans of Earth, I come in peace. You need not fear me, I mean you no harm. However, it is important to note that most of you will not survive the next 24 hours. The few of you that do survive will be enslaved and experimented upon. You should, in no way, take any of this personally. It's just business. So to recap, I come in peace, I mean you no harm, and you all will die. Gallaxhar out.

အဲဒါဟာ ချိန်းခြောက်တာလား ကြေငြာတာလားမကွဲပြားပါဘူး။ အင်မတန်သဘောကျမိပါတယ်။

.................အယူအဆ...........................

အခုရုံးမှာ အလုပ်များတယ်ဆိုတာ အရင်ရုံးမှာ အားနေသလောက်ပဲရှိပါတယ်။ အဲဒီအတွက် ပိုနေတဲ့အချိန်တွေကို စာဖတ်ပါတယ်။ အထူးသဖြင့် နည်းပညာရပ်ဆိုင်ရာ စာအုပ်တွေဖတ်ဖြစ်ပါတယ်။ စိတ်ဝင်စားစရာကောင်းတာတွေတွေ့ပါတယ်။ Roy Fielding ရဲ့ အယူအဆကနေပြီး REST (REpresentalional State Transfer) နဲ့ပတ်သက်တာတွေ အများကြီးပေါ်ထွန်းလာပါတယ်။ သူ PhD thesis မှာ ခက်ခဲလေးနက်တာတွေပါပါတယ်။ အခြေခံမေးခွန်းကတော့ web ကို ဘာလို့ လူတွေ အများဆုံးသုံးတာလဲ။ ဘာလို့ http ကို အားကိုးတာလဲ ဆိုတာတွေပါပါတယ်။ ဒါတွေဟာ နေ့စဉ်သုံးနေတာတွေပါပဲ။ ပန်းသီးကျလာတာကိုနေ့တိုင်းမြင်တဲ့ပန်းသီးခြံကလူတွေနဲ့မြေဆွဲအားသီအိုရီမပတ်သက်ခဲ့သလို အခုလည်း Roy က ဘာလို့ web ကို အသုံ့းများတာလဲ ဆိုတာကလေးကို မေးပြီး PhD ယူသွားပါတယ်။ အယူအဆတစ်ခုအတွက် အဖြေထက်လိုအပ်တာက မေးခွန်းတွေဖြစ်ပါတယ်။

.................လား/လဲ...........................

နိုင်ငံခြားသားတွေမြန်မာစာသင်ယူမှုမှာ လားနဲ့လဲကို မကွဲတာက အဓိကပြဿနာလို့ ဆရာတစ်ယောက်ကပြောပါတယ်။ ဘယ်သွားမှာလဲ ကို ဘယ်သွားမှာလား လို့ပြောရင် ကလေးက အစ မှားနေမှန်းသိပါတယ်။ ဘာလို့မှားတာလဲဆိုတာတော့ ရှင်းမပြတတ်ပေမယ့်။ မြန်မာကလေးတစ်ယောက်ကတော့ လားနဲ့ လဲမေးခွန်းတွေသင်ပေးစရာသိပ်မလိုဘဲ ကြားတာနဲ့တတ်ပါတယ်။ လွယ်လွယ်လေးပေမယ့် သင်လို့မတတ်တာတွေလည်းရှိတယ်။

...............Source မသိဘဲကူးယူခြင်းသည် ခိုးခြင်းမည်ပေ၏...........................

ငယ်ငယ်တုန်းက ဘာသာစကားကျွမ်းကျင်တဲ့သူငယ်ချင်းတစ်ယောက်ရှိတယ်။ ကျောင်းစာကြည့်တိုက်က စာအုပ်တွေ အိမ်သယ်သယ်သွားပြီး ပြန်မအပ်ဘူး။ အဲဒါကို ခိုးတယ်လို့ပြောတာကို သူက လက်မခံဘူး။ ပိုင်ရှင်မသိအောင် တစ်သက်လုံးငှားတာပါကွာတဲ့။ ..... စကားလုံးကတော့လဲပြီးသုံးလို့ရပါတယ်။ ခိုးတယ်ပဲပြောပြော၊ မသိအောင်ကူးတယ်ပဲဆိုဆို ၊ပိုင်ရှင်မသိအောင် တစ်သက်လုံးငှားသွားငှားသွား ...စေတနာအရ ကံဖြစ်လာပါတယ်။ အဲဒီကံကတော့ ဆင်ခြေပေးလို့မရဘူး။ ဂုဏ်သိက္ခာရှိရှိရပ်တည်ဖို့ဆိုရင် ဂုဏ်သိက္ခာမရှိတာတွေမလုပ်မိဖို့နဲ့ ဂုဏ်သိက္ခာမရှိတာတွေကို မထောက်ခံဖို့လိုပါတယ်။ Value your Dignity.

...............Double အလှူ...........................

ဒီနေ့ Toa payoh မှာ သင်္ကန်းသွားကပ်ပါတယ်။ ပထမစဉ်းစားထားတာက ပင်နီစူလာကနေသင်္ကန်းဝယ်ပြီးသွားကပ်ဖို့ပါ။ နောက်တော့ သူငယ်ချင်းတွေနဲ့တိုင်ပင်လိုက်တဲ့အခါမှာ ဘုန်းကြီးကျောင်းမှာပဲသင်္ကန်းအလှူပြန်ခံပြီး သင်္ကန်းအတွက် ငွေသားလှူပြီး ထပ်လှူချင်တဲ့ ငွေသားကို န၀ကမ္မလှူလို့ရတယ်လို့ပြောပါတယ်။ သင်္ကန်းလည်းလှူရာရောက်သလို န၀ကမ္မလည်းလှူပြီးသားဖြစ်ပါတယ်။ ၀ိနည်းအရ ရဟန်းတော်တွေမှာ သင်္ကန်းအစုံများများလက်ခံလို့မရပါဘူး။ အဆင်ပြေအောင်လှူတတ်ရင် ကုသိုလ်လည်းရသလို နှစ်ဦးနှစ်ဖက်အဆင်ပြေစေပါတယ်။ ဥာဏ်သိပ်ကောင်းလွန်းတဲ့သူတွေ ကပ်စေးလည်းနှဲပြီးကုသိုလ်ကလည်း လိုချင်ရင်တော့ ဘုန်းဘုန်းတွေဆီမှာ သင်္ကန်းအလကားအလှူခံပြီး၊ အလှူခံလို့ရတဲ့သင်္ကန်းနဲ့ ပြန်လှူလိုက်လည်းရတယ်လို့တွေးနေမလားလို့ စိုးရိမ်မိပါတယ်။ :P

...............SGD-X-Kyats...........................

ဆိုလိုတာက စင်ကာပူဒေါ်လာကနေ မြန်မာငွေကို ပြောင်းဖို့ကြားခံစံသတ်မှတ်မှု X လိုပါတယ်။ အခု X နေရာမှာ ခပ်တည်တည်ကြီးရပ်နေတာက USD ဖြစ်ပါတယ်။ ကံများဆိုးချင်တော့နူရာဝဲစွဲ၊ လဲရာသူခိုးထောင်း၊ သူခိုးထောင်းလို့ထလာပြန်တော့ စီးပွားပျက်ကပ်နဲ့တိုးဖြစ်သွားတဲ့အတွက် USD က ရွှေပြည်ကြီးမှာ ဈေးကျတော်မူပါတယ်။ မြန်မာငွေကိုက ပေါက်ဈေးဘယ်သူလုပ်ထားမှန်းမသိပါဘူး။ ခေါက်ဆွဲခြောက်ထုပ်တစ်ထုပ်ဟာ နှစ်ရာဆိုရင် ငွေဈေးတက်တဲ့အခါ ၁၈၀ နဲ့ဝယ်လို့ရသင့်ပေမယ့် ဒီလိုမျိုးလည်းမဟုတ်ပါဘူး။ ဘယ်သူကတင်နေချနေမှန်းမသိပါဘူး။ အရင်က ဓန Magazine မှာ ငွေကြေးအကြောင်းဆက်တိုက်ရေးနေတဲ့ ခေါင်းဖြူကြီးကိုပြန်မေးရလိုဖြစ်နေပါတယ်။ အခုတော့ SGD ဈေးတက်နေရုံနဲ့မရပါဘူး။ USD ဈေးတက်ဖို့ပါ ဆုတောင်းရပါတယ်။ ဒါမှမဟုတ် USD တက်နေကျနေတာနဲ့တိုက်ရိုက်မပတ်သက်သင့်တဲ့ စနစ်တစ်ရပ်အတွက် စဉ်းစားသင့်ပါတယ်။ ငွေဈေးမတန်တဆကျနေရင် တစ်ကျပ်မှ မလွှဲဘဲနေကြရင် ကြာကြာကျမနေနိုင်ဘူးလို့ယူဆပါတယ်။ တကယ်တန်း တန်ဖိုးမသိတဲ့ ကျပ်ငွေဟာ တက်နေကျနေတယ်ဆိုတာဟာ လေထဲမှာ ဆောက်ထားတဲ့အိမ်မှာ ပြတင်းပေါက်ဘယ်နှစ်ခုရှိသလဲလို့မေးခံရသလိုပဲ ဖြေရခက်ပါတယ်။ USD ကနေပဲ SGD ကိုပြန်တွက်နေရင်တော့ တော်တော်ကြီးလွဲနေပါပြီ။ အခုဖြစ်နေတာက စံသတ်မှတ်ထားတဲ့အရာက စံမဟုတ်ဘူးဖြစ်နေတာပါပဲ။ ရွှေဈေးနဲ့ ဒေါ်လာဈေးအတက်အကျမတူတဲ့အခါမှာ မြန်မာပြည်က ကျသွားတဲ့ရွှေဈေးဟာ ဈေးပဲကျသွားတာဖြစ်ပြီး အဲဒီဈေးနဲ့ဝယ်လို့မရပါဘူး။ ၀ယ်ဖူးရင်သိပါလိမ့်မယ်။ ရောင်းချင်ရင်တော့ အဲဒီဈေးနဲ့ရောင်းလို့ရပါတယ်။ ကျဈေးနဲ့ဝယ်လို့မရပါဘူး။ အခုငွေလွှဲတဲ့ကိစ္စမှာတော့ အဲဒီသဘောနဲ့ဆင်ပါတယ်။ ဈေးကျနေတာကို ကျနေတဲ့ဈေးနဲ့ မြန်မာပြည်မှာဝယ်လို့မရပါဘူး။ ၇၀၆ ကျပ်နဲ့ မြန်မာပြည်မှာ စင်ကာပူတစ်ဒေါ်လာဝယ်လို့မရပါဘူး။ ?????။ သချာင်္တွေ ဆယ့်သုံးနှစ်လောက်တွက်လာပေမယ့် မြန်မာငွေတစ်ကျပ်ရဲ့တန်ဖိုးကို ဘယ်လောက်မှန်း အခု ၂၈ နှစ်ကျော်လာတဲ့အထိမတွက်တတ်သေးတာ အတော်လေးရှက်စရာကောင်းပါတယ်။

.................Google.............................
အလုပ်က Software Engineer ဖြစ်တဲ့အတွက် ကျွန်တော်တို့ရဲ့ အနန္တော အနန္တခြောက်ပါးမှာ Google လည်းပါပါတယ်။ Google ကို Larry Page နဲ့ Sergey Brin ဆိုတဲ့ မြန်မာပြည်က ပီအိတ်ခ်ျဓီများနည်းတူ နင်လားငါလား တော်သော Standford University က PhD ကျောင်းသားနှစ်ယောက်က စခဲ့တာပါ။ မသိတာရှိရင် ရှာလို့ရအောင် စဉ်းစားပေးတဲ့အတွက် သူတို့ကိုကျေးဇူးတင်ပါတယ်။ တခြားနိုင်ငံက ကျောင်းသားတွေက ဘာလို့ ဒီလိုတော်ရတာလဲဆိုတာကိုနားမလည်တာ အတော်လေးကြာပါပြီ။ အခုလည်း နားမလည်ပေမယ့် ဂုဏ်ပြုပါတယ်။ ပုံကိုတော့ သွားလေသူ ဒီဇိုင်နာတစ်ယောက်က ဆွဲပေးသွားပါတယ်။ အိမ်ပြောင်းသွားတာဖြစ်ပါတယ်။ ဆုံးသွားတာမဟုတ်ပါဘူး။ သူ့ရဲ့ Performance အရ ကျွန်တော်တို့ဟာ Google မှာတစ်စုံတစ်ခုကိုရှာပါတယ် .........။ ပုံလေးနဲ့တွဲဖက်ခံစားကြည့်ပါဦး.....။

ခင်မင်စွာဖြင့်

Zephyr

(အခုတလော သိပ်မခင်မင်တော့ဘူး။ အဲဒါကြောင့် Fonts သေးထားတာ။ :P)

Peace B with U.