Animal Farm (မြန်မာဗာရှင်း)
အခုတလော ဖေ့စ်ဘွတ်ခ်က သတင်းတွေဖတ်ရင်း သံဝေဂရတယ်။ ကြီးတဲ့အမှုငယ်စေ မဟုတ်ဘူး။ သေးတဲ့အမှုကြီးစေဖြစ်သွားတာတွေ့ရတယ်။ ဒီလိုဖြစ်ဖြစ်နေတာကြာရင်မကောင်းဘူး။ ဒီနေ့ Singapore နေ့စဉ်ထုတ်သတင်းစာမှာလည်း မြန်မာနိုင်ငံမငြိမ်မသက်ဖြစ်နေသယောင်ရေးတာဖတ်လိုက်ရတယ်။ မနေ့ကသတင်းစာမှာလည်း ၁၄၄ ထုတ်ပြန်တာကိုအကျယ်တဝင့်ရေးတယ်။ မွတ်စလင်အဘွားအိုကြီးကို ချီမပြီးသယ်သွားတဲ့ပုံနဲ့ပြထားတာ စိတ်မကောင်းစရာ။ ဒီလူတွေကတော့ ဒါကိုစောင့်နေတာပဲ။ စင်ကာပူကို အစားထိုးမယ့်နိုင်ငံဖြစ်မှာကို သိပ်ကြောက်နေကြတယ်။
သက်တော်ရှည် လီကွမ်းယုကလည်း မြန်မာပြည်မှာ rules of law မရှိတာကို ဟိုတလောကထုတ်ပြောတယ်။ အဲဒါကြောင့် သူတို့ကို လတ်တလောမှာ ကျော်တက်ဖို့မဖြစ်နိုင်သေးဘူးလို့ဆိုတယ်။ ဂဏန်းပုံပြင်ထဲကလို ဘယ်သူမှဆွဲချစရာမလိုဘူး။ ကိုယ့်လူမျိုးတွေလုပ်ပေါက်နဲ့ပဲ ရှေ့တိုးဖို့ခက်နေပြီ။ ဘယ်သူတွေဘယ်လိုဘယ်လိုပညာပြလိုက်လည်းမသိဘူး။ ဓာတ်ဆီနဲ့မီးနဲ့တွေ့သလိုပဲအဆင်သင့်သွားတာပဲ။ မြန်မာလူမျိုးတွေကလည်း ဘယ်တုန်းက ဘာသာရေး activists တွေဖြစ်သွားသလဲတော့မသိဘူး။ ကိုယ်နေခဲ့တဲ့ ၂၅ နှစ်မှာတော့ racial harmony ရှိခဲ့တယ်။ ကုလားတောက ကုလားတွေနဲ့ စာသင်တိုက်က ဘုန်းကြီးတွေမတဲ့တာကလွဲရင် လူလူချင်းတော့ အတော်လေးတည့်တာတွေ့ခဲ့တာပဲ။
ဒီကိစ္စတွေကို နည်းနည်းတော့ပြောချင်တယ်။ ဘာသာရေးသွန်သင်ချက်တွေမှာ မုန်းတီးရေးမပါစေချင်ဘူး။ ကိုယ်ဟောပြောတုန်းကတော့ တခြားဘာသာတွေ၊သာသနာတွေကို နှိမ်သလိုလို၊နှိပ်ကွပ်သလိုလိုလျှောက်လုပ်ပြီး၊ ကိုယ့်ဘာသာကိုထိရင် မချိအောင်နာတာတွေလည်းတွေ့တယ်။ ခြေခြေမြစ်မြစ်ဆင်ခြင်နိုင်တာမျိုးမဟုတ်ဘဲ ဝါးလုံးရှည်နဲ့ယမ်းတာများလာတာတွေ့တယ်။ အဲဒါမကောင်းဘူး။ ကိုယ့်ဘာသာကိုယ်ကိုးကွယ်တာကောင်းတယ်။ မွန်မြတ်တယ်။ တခြားဘာသာတွေကို လေးစားတတ်ဖို့လည်းလိုတယ်။ ဘာသာမရှိတဲ့သူကိုလည်း လေးစားရတာပဲ။ လူတစ်ယောက်နဲ့တစ်ယောက် လူ့ဂုဏ်သိက္ခာကိုလေးစားရမယ်။ ကိုယ့် အမျိုးကို ကာကွယ်ရမယ်။ ဒါပေမယ့် တခြားသူတွေကို နှိပ်စက်ဖို့တော့မလိုဘူး။ မီးရှို့ဖို့လည်းမလိုဘူး။ ခေါင်းဖြတ်စရာလည်းမလိုဘူး။ ရှင်းရှင်းလင်းလင်းဖြေရှင်းပေးရမယ်။ မြန်မြန်ဆန်ဆန်ဖြေရှင်းပေးရမယ်။ ၁၄၄ ဆိုတာမျိုးက ထုတ်တာစောရင်စောသလောက် အသေအပျောက်နည်းတာပဲ။ မဟုတ်ရင်တော့ ပဋိပက္ခကို အခွင့်ကောင်းယူပြီး မကောင်းတဲ့သူက မတရားတဲ့အလုပ်ကိုလုပ်ကြတာပဲ။
မြန်မာပြည်မှာ အားနည်းနေတာတွေရှိရင် ဖေ့စ်ဘွတ်ခ်မှာ ထောက်ပြကြတာတွေ့တယ်။ ထောက်ပြတာတော့လက်ခံနိုင်တယ်။ အပြစ်ဖို့ရင်ကြတော့ သိပ်ဘဝင်မကျမိဘူး။ ဒီမိုကရေစီပြောင်းလိုက်ရုံနဲ့ အားလုံးအဆင်သင့်ဖြစ်ကုန်မယ်ထင်သလားမသိဘူး။ မြန်မာပြည်ကို ကောင်းကြစေချင်လွန်းတာကိုတော့ နားလည်ပါတယ်။ ချက်ချင်း အားလုံးမဖြစ်နိုင်ဘူး။ သဘောထားမှန်မှန်နဲ့လျှောက်သွားမှ ဖြည်းဖြည်းချင်း ဖြစ်ကောင်းဖြစ်လာနိုင်တယ်။ သိပ်လောပြီး အပြစ်တင်နေရင်တော့ မောလိမ့်မယ်။ သဘောထားမမှန်တဲ့သူတွေ သေဖို့/သဘောထားမှန်လာဖို့လည်း စိတ်ရှည်ရှည်စောင့်ရသေးတယ်။ ချက်ချင်းတော့မရဘူး။
အကြောက်တရားနဲ့အုပ်ချုပ်တယ်ဆိုတာ ရှေးဘုရင်လက်ထက်တွေကတည်းကပဲ။ တရုတ်အုပ်ချုပ်ရေးစနစ်မှာလည်း စိတ်ထားအေးချမ်းတဲ့ပညာရှိတွေမပေါ်ခင်မှာ နိုင်ငံကိုကြောက်အောင်လုပ်ထားပြီး အုပ်ချုပ်ဖို့အားပေးခဲ့တာပဲ။ ကြောက်တာက လောလောဆယ်ထိရောက်တဲ့စနစ်မျိုးပဲ။ ဥပမာပေးရရင် ဘိုကလေးမှာ သူခိုးတွေဘာတွေရှိခဲ့တယ်လို့ဆိုတယ်။ စစ်တပ်ရောက်လာတော့ ဖမ်းမိတဲ့သူခိုးကို လူမြင်ကွင်းမှာ သေနတ်နဲ့ပစ်သတ်လိုက်တာပဲ။ သူခိုးမရှိတော့ဘူး။ ကြောက်တာဟာ လောလောဆယ်တော့ သိပ်လွယ်တဲ့ဖြေရှင်းနည်းပဲ။ ဒါပေမယ့် စိတ်ထားမကောင်းတဲ့လူတွေဟာ ကြောက်စရာမလိုတော့တဲ့နေ့ကိုစောင့်နေတာပဲ။ အဲဒီနေ့ရောက်ရင် သူ့အကျင့်အတိုင်းသူသွားတာပဲ။ ကြောက်တာဟာ ယာယီပြဿနာဖြေရှင်းနည်းပဲဖြစ်တယ်။ နားလည်တာမဟုတ်သေးဘူး။ ဥပဒေနဲ့အညီနေထိုင်ဖို့ နားလည်ဖို့လိုတယ်။ ကိုယ်ချင်းစာတရားနဲ့အညီနေထိုင်ဖို့နားလည်ဖို့လိုနေတယ်။ အခြေခံလူ့ကျင့်ဝတ်တွေလိုက်နာဖို့လိုအပ်တယ်လို့ နားလည်ဖို့လိုတယ်။ မဟုတ်ရင်တော့ သမိုင်းဟာ တပတ်ပြီးတပတ် တကျော့ပြန်နေဦးမှာပဲ။
ဝိဋဋူဘမင်းသား သကျတွေကိုရှင်းတာနဲ့သိပ်မကွာသလိုတောင်ဖြစ်နေမလားတွေမိတယ်။ လူမျိုးရေးပဋိပက္ခရှိတဲ့နိုင်ငံဟာ တိုးတက်မှုနှောင့်နှေးဖို့ဖြစ်လာတာပဲ။ အာရှမှာ နိုင်ငံတော်တော်များများမှာ ဘာသာရေးနဲ့လူမျိုးရေးပြဿနာရှိတာကိုတွေ့ရတယ်။ နစ်ရှေးပြောဖူးတယ်။ ကိုယ်မုန်းတဲ့ရန်သူအကောင်ကြီးကို တိုက်ခိုက်တဲ့အခါ ကိုယ်တိုင် အဲဒီအကောင်ကြီးလို ဖြစ်မသွားစေနဲ့တဲ့။ အဲဒါသိပ်အရေးကြီးတယ်။ ကွန်မြူနစ်တွေ ဇာဘုရင်ကိုမုန်းလို့တော်လှန်ပြီး၊ကိုယ်တိုင် အုပ်ချုပ်သူဖြစ်လာတော့ ဖောက်ပြန်ကုန်တာဟာ အုပ်ချုပ်ရေးလူတန်းစားရဲ့ လုပ်ရိုးလုပ်စဉ်ကိုလျှောက်လှမ်းမိလို့ပဲ။ သိနေပြီးသားလမ်းက လွယ်ကူတယ်။ လမ်းသစ်ဖောက်ဖို့ဟာ သာမန်လူတွေအတွက်မဖြစ်နိုင်ဘူး။ အဲဒီတော့ ကိုယ်ခံခဲ့ရသလို တုံ့ပြန်ကြတယ်။ အဆိုးသံသရာလည်တယ်။
ဒါတွေရေးနေလို့ အကျိုးထူးမယ်ထင်လားဆိုတော့မထင်ဘူးလို့ပဲရိုးရိုးသားသားဖြေရမယ်။ ဒေါ်စု နယ်မှာသွားဖြေရှင်းတာကိုကြည့်ပြီး၊ မြန်မာလူမျိုးတွေဟာ ဓာတ်ပုံဝါသနာအိုးတွေပါလားလို့ နားလည်ရုံလောက်ပဲတတ်နိုင်တယ်။ စီးပွားရေးအောင်မြင်ချင်ရင်တော့ ဒီမိုကရေစီမကောင်းလှဘူး။ အရင်းရှင်စနစ်က ပိုပြီးစီးပွားရေးကောင်းစရာရှိတယ်။ ဒီမိုကရေစီဆိုတာ ဘာမှန်းနားလည်ဖို့ အခြေခံပညာကအစ အားနည်းနေတဲ့လူအုပ်ကြီးရဲ့ပြဿနာကို ပိုသတိထားမိဖို့ကောင်းနေပြီ။ ကြေးနီသိပ်မထွက်တဲ့တောင်ကို စီးပွားဖြစ်မယ်ထင်နေတဲ့အစိုးရအကြောင်းကိုလည်း ကျွန်တော်တို့သိခဲ့ပြီ။ သိပ်ထုံတဲ့အစိုးရပေါ်လစီကိုသိရင် စီးပွားရေးအရအောင်မြင်အောင်လုပ်လို့ရတယ်လို့သိရတယ်။ ဥပမာတွေကိုတော့ စီးပွားရေးအကြောင်းရေးမှထည့်ရေးတော့မယ်။
နိုင်ငံရေးဟာ ခက်နေတာလားဆိုတော့လည်း အဲဒီလိုမဟုတ်ဘူး။ အရင်ကြိတ်ရှင်းနေတာတွေ အခုထင်သာမြင်သာရှိလာတဲ့သဘောပဲ။ အဲဒါဟာပွင့်လင်းမြင်သာလာတာဆိုပြီး ကြိုဆိုမယ်ဆိုရင်လည်းသင့်တာပါပဲ။ ၂၀၁၅ မတိုင်မီ ချောက်ထဲက ကယ်တင်ဖို့လိုအောင်ကြိုးစားချင်တဲ့လူတွေလည်းရှိကောင်းရှိမယ်။ အခုလိုကိစ္စတွေကြောင့် နိုင်ငံမှာရှိတဲ့ တည်ငြိမ်အေးးချမ်းမှုကျဆင်းသွားရင်တော့ မကောင်းဘူး။ တစ်တိုင်းပြည်လုံးနစ်နာတာပါပဲ။
လူလူချင်းနှိပ်စက်ချင်တဲ့တိုင်းပြည်ဟာ ငရဲပြည် အသေးစားလေးပဲ။ ၇၈၆ ဖြစ်စေ၊ ၉၆၉ ဖြစ်စေ တော်ရုံလောက်ပဲကောင်းတယ်။ လွန်သွားရင်တော့ နှာခေါင်းသွေး၊လည်ချောင်းသွေးထွက်ရတာပါပဲ။ ကိုယ့်လူမျိုးကိုယ်သတ်၊ ဘုန်းကြီးသတ်၊ ကျောင်းသားသတ်၊ တစ်ခုမဟုတ် တစ်ခုကို သတ်နေရင်တော့ နောက်ဆုံး စစ်အုပ်ချုပ်ရေးစနစ်ဆီကို တစ်ကျော့ပြန်ရောက်သွားဖို့ပါပဲ။
၁၉၇၀-၁၉၈၀ ဝန်းကျင်တွေမှာ ဝန်ထမ်းတစ်ယောက်ရဲ့လစာဟာ ရွှေနှစ်ကျပ်သားဝယ်လို့ရတယ်။ ၂၀၁၃ မှာ ဝန်ထမ်းတစ်ယောက်ရဲ့လစာဟာ ရွှေတစ်ကျပ်သားမပြောနဲ့ ငါးမူးသားတောင်မဝယ်နိုင်တော့ဘူး။ အဲဒါကိုကြည့်ရင်တောင် ဆိုရှယ်လစ် စနစ်ကောင်းတယ်ပြောရမလိုဖြစ်တယ်။ ပျက်သွားတဲ့စီးပွားရေးဆိုတာ အဲဒါကိုပြောတာပဲ။ စင်ကာပူမှာ အခြေခံလစာဟာ ၁၈၀၀ ဝန်းကျင်ရှိတယ်။ ရွှေနှစ်ကျပ်သားဝယ်ဖို့လောက်တယ်။ ၁၉၇၀ ကမြန်မာနိုင်ငံလောက်ပဲ။ နေထိုင်စရိတ်တွေဘာတွေမြင့်နေတာကလွဲရင် အဲဒီအချိန်က လူလတ်တန်းစားဝင်ငွေလောက်ပဲ။ ထူးခြားမြင့်မားနေတာမဟုတ်ဘူး။ အဲဒီအနေအထားကို ပြန်သွားဖို့ကြိုးစားနေကြတာပဲ၊ ဘယ်သူ့ကိုမှ ကျော်တက်ဖို့ တွန်းချဖို့မဟုတ်ဘူး။ ကိုယ့်နိုင်ငံရဲ့ လွန်ခဲ့တဲ့ နှစ်သုံးဆယ်ကျော်ကို ပြန်သွားဖို့လုပ်နေကြတာပါ၊ ထူးခြားတိုးတက်မြင့်မားအောင်မဟုတ်သေးဘူး။ အရင်မပျက်စီးခင်ခေတ်လောက်ကို ပြန်သွားနေကြတာ။ အင်္ဂလိပ်လိုဆိုရင်တော့ restore လုပ်ဖို့ကြိုးစားနေတာ။ အခုလို အလားအလာကောင်းတဲ့အချိန်မှာ အချိန်ကိုက် မြောင်းထဲဆင်းဖို့လုပ်ကြတာတော့ တော်တယ်ပဲပြောရမှာပဲ။
တိုင်းပြည်စည်ကားကြောင်းဆိုတဲ့ စကားပြေတစ်ပုဒ် မြန်မာစာသင်ရိုးမှာပါတယ်။ ဗုဒ္ဓ ဘုရားဟောတစ်ခုထဲက ထုတ်နှုတ်တာပဲ။ အဲဒီမှာ ညီညီညွတ်ညွတ်စည်းစည်းလုံးလုံး စုစုဝေးဝေး တိုင်တိုင်ပင်ပင်နေတတ်ထိုင်တတ်ဖို့တွေ ဘုရားက ဥပမာပြပြီးဟောတာပဲ။ အဲဒါကိုလည်း သင်ရိုးမှာသင်ဖို့မလိုတော့ဘူးဆိုတာနဲ့ မဖတ်လိုက်ကြတဲ့သူတော်တော်များပါတယ်။ ဖတ်ကြည့်ရင်တော့ တိုင်းပြည်စည်ကားဖို့ဘာလိုလဲသိရတာပေါ့။ Republic လိုကျမ်းတွေလည်း အစောကြီးကတည်းကထွက်နေတာပဲ။ အခုဖြစ်နေပျက်နေတာတွေက အဲဒီတုန်းကနဲ့ ဘာမှမထူးဘူး။ အခြေခံ ပြဿနာတွေက ခေတ်အဆက်ဆက် အတူတူပဲ။
နေရာတကာ ပြဿနာဖြစ်ရင် ဘုန်းကြီးပါပါနေတာကိုလည်း သတိထားဖို့လိုနေပြီ။ ဘုန်းကြီးတွေကိုလည်း IC လုပ်ထားပြီးသင်္ကန်းမှာဖြစ်ဖြစ်၊ နံပါတ်ထိုးထားဖို့ကောင်းနေပြီ။ ဘုန်းကြီးက အတုလား၊အစစ်လားမသိနိုင်ဘူး။ သာသနာသန့်ရှင်းရေးလုပ်ရင်တော့ တော်တော်လေးသန့်သွားစရာရှိတယ်။ ဓားကိုင်တဲ့ဘုန်းကြီးဆိုတာမျိုးကတော့ ဝိနည်းနဲ့တင် မဆီလျော်တော့ဘူး။ ရှောင်လင်လောက်ဖြစ်သွားပြီ။ မိုးပြာဂိုဏ်းလို ကိုယ့်ဟာကိုယ် ဂိုဏ်းထောင်ပြီး စတန့်ထွင်တဲ့ဘုန်းကြီးတွေရဲ့ အန္တရာယ်ကိုသာမြင်ရလွယ်တယ်။ ထေရဝါဒအရေခြုံထားပြီး နိုင်ငံရေးဘုန်းကြီးလိုလို၊ လူမျိုးကြီးဝါဒတရားဟောဘုန်းကြီး၊ မွတ်စလင်အမြစ်ဖြုတ်ဘုန်းကြီးတွေကိုလည်း သတိထားသင့်ပြီ။ ကိုယ့်ဘာသာကိုယ်ကာကွယ်ဖို့သင်ပေးတဲ့နေရာမှာ အမုန်းတရားကိုသင်ပေးဖို့မလိုဘူး။ မွတ်စလင် အမျိုးသမီးတွေများများယူဖို့လောက်တိုက်တွန်းရင်တောင် အပြစ်မပြောလိုဘူး။ ကိုယ်ထင်တာကိုယ်ဟောကြတယ်ဆိုရင်တောင် လူ့အသိုင်းအဝန်းကို မထိခိုက်အောင်သတိထားပြီးဟောတတ်တဲ့ဘုန်းကြီးတွေလိုတယ်။ ဘုန်းကြီးတွေကို အခြေခံအနေနဲ့ တခြားဘာသာတွေကို လေးစားတတ်ဖို့ကအစသင်ပေးဖို့လိုနေပြီထင်တယ်။ ဗုဒ္ဓဟာ ဥပါလိ သူကြွယ်ဘာသာပြောင်းလာတော့ အရင်ဘာသာက ဘုန်းကြီးတွေကိုလိုတာကူဖို့ဟောပါတယ်။ ကြုံရင်နည်းနည်းလောက်ရှင်းလိုက်ပါတကာကြီးလို့မဟောပါဘူး။ ဗုဒ္ဓဘာသာဟာ အကြမ်းဖက်တဲ့ဘာသာမဟုတ်ပါဘူး။ ဒါပေမယ့်အခုတော့ လူရှုပ်လူပွေ၊လူရမ်းကားတွေဟာ ဘာသာရေးကို ခုတုံးလုပ်နေကြတယ်လို့မြင်ပါတယ်။
နယ်တစ်နယ်မှာ မူဆလင် ၁၀၀ လောက်သေတာဟာ ပျော်စရာကောင်းတယ်ထင်ရင်၊ နောက်တစ်နယ်မှာ ဗုဒ္ဓဘာသာ ၁၀၀ သေတာဟာလည်းပျော်စရာပဲ။ နောက်တစ်နယ်မှာ ခရစ်ယာန် ၁၀၀ သေတာဟာလည်း ပျော်စရာပဲ။ နောက်ထပ်တစ်နယ်မှာ ဟိန္ဒူ ၁၀၀ သေတာဟာလည်းပျော်စရာပဲ။ နောက်ထပ် တစ်နယ်မှာ ဘာသာမဲ့ ၁၀၀ သေတာဟာလည်း ပျော်စရာပဲဖြစ်သင့်တယ်။ ဒီလိုမပျော်နိုင်ရင်တော့ လူ့အသိုင်းအဝိုင်းကို ကာကွယ်ရမယ်။ ကိုယ့်နယ်မြေကို ကိုယ်ကာကွယ်ရမယ်။ မတရားမှုကို ကာကွယ်ရမယ်။ သိုင်းလောကခေတ်ကလို သွေးကြွေးကို မျိုးရိုးစဉ်ဆက်ရှင်းစရာမလိုတော့ဘူး။ ဥပဒေနဲ့ပဲသွားသင့်တယ်။ ဥပဒေကို မယုံကြည်နိုင်သေးရင်တော့ တိုင်းပြည်ပျက်ရာပျက်ကြောင်း၊ ချောက်ထဲကျဖို့အခြေအနေကို ဦးတည်သွားတာပဲ။
ဟုတ်၊မဟုတ်မသေချာတဲ့သတင်းအရတော့ ရဲတပ်ဖွဲ့ကို အပြစ်တင်စရာပြောကြတယ်။ ဖမ်းစရာရှိတာမဖမ်းဘူးပြောတယ်။ ဖမ်းတယ်ဆီးတယ်ဆိုတာကလည်းမလွယ်ဘူး။ ဖမ်းလိုက်လို့ရဲစခန်းကို မီးရှို့လိုက်ရင်လည်းမလွယ်ဘူး။ အဓိကရုဏ်းဆိုတာကို ရပ်ကွက်ရန်ပွဲလောက်ထင်နေရင်တော့ ခက်တာပဲ။ ပေါ့ပေါ့နေ၊ပေါ့ပေါ့စား၊ပေါ့ပေါ့comment၊ အသိတရားက ပလာတာဒယ်အိုးလောက်ဇောက်မနက်တဲ့သူတွေများတာကိုပဲတွေ့ရတယ်။ ဒိုင်းညှောင့်ခေတ်တုန်းက အိမ်ထဲမှာပုန်းနေရတဲ့သူတွေ ဖေ့စ်ဘွတ်ခ်ခေတ်မှာ လက်သီးလက်မောင်းတန်းတာဟာ သိပ်ကို ဟဿရသမြောက်တာပဲ။
ဦးသိန်းစိန်နဲ့ဒေါ်စုမရှိတော့ရင် ဘာလုပ်မလဲဆိုတာကိုလည်း တစ်ချို့ဆွေးနွေးကြတယ်။ တိုင်းပြည်ကို ကယ်တင်ချင်တဲ့သူတွေဒီလောက်များနေတာ ဘာပူစရာလိုလဲလို့ ကျနော်တွေးမိတယ်။ စိတ်ထားမှန်ဖို့ပဲလိုတယ်။ စိတ်ထားမှန်တဲ့သူရာခိုင်နှုန်းများနေရင် နိုင်ငံဟာ လမ်းမှန်ကမ်းမှန်ချီတက်နိုင်မှာပဲ။ မဟုတ်ရင်တော့ ရာခိုင်နှုန်းများတဲ့နောက်ကိုပဲ တိုင်းပြည်ကပါသွားမှာပဲ။ ချောက်ထဲဆင်းချင်တဲ့သူများရင် ချောက်ထဲဆင်းသွားမှာပဲ။ ဦးနှောက်နည်းတဲ့သူများရင် ဦးနှောက်နည်းတဲ့ဘက်ကိုသွားမှာပဲ။ ပညာတတ်နည်းတဲ့ နိုင်ငံတစ်ခုမှာဖြစ်လေ့ရှိတဲ့ ဒီမိုကရေစီရဲ့ fallacy တစ်ခုလို့ပဲကျနော်ထင်တယ်။ ပညာတတ်တစ်ယောက်ဟာ ပညာရဲရင့်လို့ ပွဲလယ်တင့်တယ်ဆိုတာ နိုင်ငံတကာကွန်ဖရင့်တွေမှာတော့ဖြစ်နိုင်တယ်။ ရပ်ကွက်ဆွေးနွေးပွဲတို့၊လင်မယားရန်ဖြစ်တာဖျန်ဖြေဖို့လောက်မှာတော့ သိပ်မထူးခြားလှဘူး။ ပညာရဲရင့်သော်လည်း ပညာသုံးလို့ရတဲ့နေရာမှာပဲ ပညာတတ်တစ်ယောက်ဟာ သင့်တော်တယ်။
အခြေခံပြဿနာတွေများရတဲ့အထဲ၊ လူရှုပ်တွေသိပ်များတာကို တော်တော်လေး အလေးအနက်စဉ်းစားဖို့သင့်တယ်။ နေရာတကာမှာ လိုက်ရှင်းနေဖို့လည်းမဖြစ်နိုင်ဘူး။ ဘယ်လိုရှင်းရမလဲဆိုတော့လည်း ကော်မတီဖွဲ့ဖို့လောက်ပဲ စိတ်ကူးရှိနေတော့ခက်တယ်။ အိမ်သာများရေလောင်းရေး ကော်မတီ၊ ရေလောင်းအိမ်သာများ ဆေးသုတ်ရေးကော်မတီ၊ ချစ်တီးခေါင်းသန်းရှာရေးကော်မတီ၊ဖမ်းမိသောသန်းများကို အထီး၊အမ ခွဲဝေနေရာချထားရေးကော်မတီ၊ အထီးအမခွဲဝေပြီးသောသန်းများကို ထိန်းသိမ်းစောင့်ရှောက်ရေးကော်မတီ၊ ပလာတာများ ဆီသန့်ရေးကော်မတီ၊ ပေါက်ကွဲစေတတ်သော မီးခိုးဗုံးများကို ဆိတ်သားရေနဲ့အုပ်ရေးကော်မတီ၊ စီတန်းလမ်းလျှောက်ခွင့်ကို ဖောဖောသီသီထုတ်ပေးရန်ကြီးကြပ်ကော်မတီ၊ အမျိုးသမီးများ push up bra ဝတ်ရေးကော်မတီ၊ ညငှက်ကလေးများ လိုင်စင်ရရေးကော်မတီ၊ မြန်မာအမျိုးသမီးများ ခြေသလုံးသွယ်ရေးကော်မတီ၊ အချိုးအဆက်ပြေပြစ်ရေးကော်မတီ (ပူးတွဲတာဝန်) စသဖြင့်ကော်မတီတွေများလာတာလည်း ရယ်စရာကောင်းသဗျ။
လူများပြီး ပွဲမစည်သော ညီလာခံကြီးကျင်းပရေးကော်မတီဆိုတာလည်းရှိကိုရှိရမှာပဲ။ အစိုးရဘတ်ဂျတ်ကို လျှော့လို့မဖြစ်ဘူး။ Animal Farm က ဝက်တွေလိုပဲ။ ဝက်တွေကောင်းစားမှ တခြားတိရိစ္ဆာန်တွေ ချမ်းသာရာရမယ်ဆိုတာ သိပ်မှန်တာပဲမဟုတ်လား။ ဝက်တွေက ဦးနှောက်သုံးပြီးစဉ်းစားနိုင်မှ ခြံပိုင်ရှင် အန်ကယ်လ်ဂျုံးစ်ပြန်မလာနိုင်မှာလေ။ ဟုတ်တယ်မဟုတ်လား။ ဝက်တွေကမှ တိရိစ္ဆာန်လောကရဲ့ ပညတ်တော်ခုနစ်ပါးကို ကို ပြဌာန်းပေးနိုင်သူတွေ။ ဝက်တွေကမှ သိပ္ပံစာပေကို နှံ့စပ်သူတွေ၊ ဝက်တွေကမှ အရေး၊အဖတ်ကို တတ်မြောက်သူတွေဆိုတော့ ဝက်တွေကို ပ,သထားရမှာပဲ။ ဝက်စာဖိုးကုန်တယ်လို့မှတ်ရင် ဝက်ညီလာခံကိုစော်ကားတာပဲ။ နပိုလီယံဝက်ကိုလည်းမစော်ကားနဲ့ စနိုးဘောလ်ကိုလည်းမစော်ကားနဲ့။ ဝက်တွေပြောတာကို လိုက်နာ။ ဝက်တွေချမှတ်တဲ့စည်းကမ်းကိုလေးစား၊ဖြစ်နိုင်ရင် ဝက်တွေကို တစ်နေ့ဦးသုံးကြိမ်ချပြီးကန်တော့သင့်တယ်။ မဟုတ်ရင်တော့ ဒီတော်လှန်ရေးကြီးဟာ အလကားဖြစ်ကုန်တော့မှာ။ ဒီပြုပြင်ပြောင်းလဲရေးဟာ သိပ်အရေးကြီးတယ်။ ဝက်တွေအင်အားကောင်းမှတိရိစ္ဆာန်လောကကြီးတိုးတက်မယ်။ four legs တွေ good ကုန်မယ်။ အဲဒီအယူအဆကို Animal Farm မှာတွေ့ရတယ်ပြောချင်တာ။ နှိုင်းယှဉ်ပြီး နားလည်နိုင်ရင်ကောင်းတယ်။
အခုကိစ္စပြီးသွားရင်လည်း မြန်မာပြည်ဟာ မြန်မာပြည်ဆန်ဆန် မထင်မှတ်တဲ့ ရွှေ့ကွက်တွေနဲ့ ကမ္ဘာကြီးကို အံ့အားသင့်အောင်လုပ်ပြဦးမယ်ထင်တာပါပဲ။ အဲဒီလောက်အားနေတဲ့သူတွေရှိနေတာကိုက ကမ္ဘာ့အံ့ဖွယ်တစ်ရပ်လို့ထင်မိပါတယ်။ ။
Regards,
The Gardener
Peace B with U.
