လွမ်းစိတ်နဲ့ညွတ်နေတဲ့သစ်ကိုင်းဖျား

လွမ်းစိတ်နဲ့ညွတ်နေတဲ့သစ်ကိုင်းဖျား

ဘာလိုလိုနဲ့လေးနှစ်။ လောကကြီးထဲက မမြင်ရတဲ့ တွင်းနက်ကြီးတစ်ခုဟာ တကယ်ပဲရှိလိမ့်မယ်ထင်ရဲ့ ............။ ချစ်တဲ့သူတွေချည်း တစ်ယောက်ပြီးတစ်ယောက်ပြုတ်ကျ ...................ဒီတွင်းကနက်တယ်။ ဒီအလွမ်းကခက်တယ်။ ........ အဆုံးမဲ့ အနက်အရှိုင်းထဲ ..... ဆင်းသွားကြည့်လိုက်ရင် ... ဘယ်တော့မှ တွင်းအောက်ခြေကို မရောက်နိုင်ဘူး ...............။

အလင်းမဲ့နှစ်များ ..........။
အလင်းတစ်စမှ ခုန်မထွက်နိုင်တဲ့ တွင်းနက်များ။
Doris Day ရဲ့ Que Sera Sera ကို အခုနကတင် သူဆိုနေခဲ့သေးတာ။ ရုတ်တရတ် အမြင့်ဆုံးလွှတ်တင်ထားတုန်း ကိုင်းကန်သွားတဲ့စွန်လိုပေါ့ ... သေခြင်းတရားနဲ့ကပ်ထားတဲ့ ရှင်သန်ခြင်းကိုင်းလေးက လောကဓံလေပြင်းတွေနဲ့ နှစ်အတော်ကြာ ဆန့်ကျင်ပြီးရင် ကန်ထွက်သွားရတာပဲ။ သူပေါ့ပါးသွားတယ်ဆိုရင် ကျွန်တော့်ရစ်ဘီးကို လွှင့်ပစ်လိုက်ပါ့မယ်။ ..... စကြဝဠာသုံးလေးခုခြားနေတာကလွဲရင် ... စိတ်ထဲမှာ နီးကပ်လွန်းနေတယ်။

နေကောင်းပါတယ်လို့ဗုဒ္ဓဟူးနေ့တစ်ခုမှာ သူပြောခဲ့သေးတာပဲ။ ဟုတ်တယ်။ သူနေပြန်ကောင်းလာမှာပါ။ .... ဒီဇင်ဘာမှာ ငါတို့လျှောက်လည်ကြမယ် ... လို့သူပြောခဲ့သေးတယ်။ ဟုတ်တယ် အဲဒါကို ယုံနေတုန်း .......ဒီဇင်ဘာက ပျော်စရာကောင်းတယ်။ midnight mass အတူသွားတက်မယ့် မိသားစုတစ်စုအကြောင်းလည်းပါ၊ ကိုးနှစ်ကွဲကွာနေတဲ့ မိသားစုလေးယောက်ရဲ့ဆုံမှတ်လည်းပါ။ silent night ဆိုမယ့်သူလည်းပါ၊ jingle bell ဆိုမယ့်သူလည်းပါ ........... ဘုရားကျောင်းမှာအိပ်မယ့်သူလည်းပါ၊ ပုံပြင်တွေဟာ အရှည်ကြီး .........။ နွေးထွေးတဲ့ ရယ်မောသံများ ... ပဲ့တင်ပြန်နေတယ်။ hymn  စာသားတွေကို သူရွတ်လို့ ဘေးနားလေးတင်ရှိနေခဲ့သေးတာ။

သူပြန်လာမလားလို့မျှော်နေတဲ့ခွေးလေးကိုတွေ့တော့ ... သူပြန်လာမှာပါ၊  ခဏထွက်သွားတာပါလို့ပြောပြီး ခွေးလေးကို အိမ်ထဲပြန်ခေါ်ဖို့ကြိုးစားတယ်။ ခွေးလေးက ပြန်မဝင်ဘူး။ လမ်းကိုမျှော်ကြည့်နေတယ်။ ... ကျွန်တော်လည်း လမ်းကိုမျှော်ကြည့်ပါတယ်။ ဒီတစ်ခါလည်း ရုံးနောက်ကျတာဖြစ်မယ်လို့တွေးမိတယ်။ လမ်းထိပ်ကသွားစောင့်ရင်ကောင်းမလား။ ခွေးလေးနဲ့ခွေးရှင်ဟာ မျှော်နေကျလူကို မျှော်နေမိတယ်။

လွမ်းဆွတ်ခြင်းတွေဆွတ်ထားတဲ့ နေ့စွဲတွေဟာ လွမ်းခြင်းတရားသင်းပျံ့နေလိမ့်မယ်။ မိသားစုဟာ အမဲ့နဲ့ပေါင်းပြီး အမိမဲ့သားစုဖြစ်လာတယ်။ နေရောင်တွေက သွေးရောင်၊ အဖြူရောင်ဟာ လူနာလွှမ်းတဲ့ ပုဝါ၊ အသက်ရှူစက်က အသက်ရှူပြီး နှလုံးခုန်စက်က စက်ရဲ့ရွေ့လျားမှုလှိုင်းတွေကိုပြတယ်။ ဒီအခန်းတွေကို video ထဲမှာကြည့်ပြီးပြီ။ အပြင်မှာဘယ်လိုနေလဲ။ သက်သာလား၊မောနေလား။  ဘယ်လိုလဲ ဒီနေ့ဘာဟင်းချက်ထားသလဲ၊ အသက်ရှူရခက်လား၊ဆေးသောက်မလား၊ကော်ဖီသောက်မလား၊ပလာတာစားမလား၊ခေါက်ဆွဲကြော်စားမလား၊ စားချင်တာစားလို့ရတယ်။ ဘယ်လိုပဲမေးမေး မှိတ်ထားတဲ့မျက်လုံးတွေဟာ ပြန်မဖွင့်လာတော့ဘူး။ စက်တွေကိုရပ်လိုက်ရင် သူဆက်လက်ထွက်ခွာသွားလို့ရမယ်လို့ ဆရာဝန်ကပြောတယ်။

အနားမှာ အမြဲရှိနေတဲ့ အရိပ်ဟာ ပျောက်မသွားဘဲ စိတ်ထဲတိုးဝင်သွားတယ်။ နေ့တွေဟာ တသမတ်တည်း။ ညတွေဟာတသမတ်တည်း။ ကြာရင်မေ့သွားမယ်လို့ ဘယ်သူတွေပြောခဲ့သလဲ။ တော်တော်မှားတာပဲ။

ကြာလေ ရင့်လေပဲ။ အလွမ်းနဲ့ဝိုင်နဲ့အတူတူ။

ခရီးတွေက ဝေးတာမဟုတ်ပါဘဲ ................ အပြန်နောက်ကျနေတယ်။ ဘယ်တော့ပြန်လာမလဲ။ ဘယ်တော့လိုက်လာခဲ့ရမလဲ။ ဘယ်တော့ပြန်တွေ့မလဲ။ ဘယ်တော့ထွေးပွေ့ဖက်ထားမလဲ။ ဘယ်တော့လဲ .........။

ခွေးလေးတွေကတော့စိတ်မရှည်ကြဘူး၊ သူတို့ရဲ့မျှော်သူ နောက်ကို လိုက်လံရှာဖွေဖို့ လမ်းကနေထွက်သွားကြတယ်။ ............. တွေ့သွားပြီထင်တယ်။ တစ်ကောင်မှ ပြန်မလာကြဘူး။

တိမ်တွေလွင့်နေတာကို ကြည့်ဖို့၊
ပန်းပွင့်နေတာကို ကြည့်ဖို့၊
အမေ့ကိုလွမ်းဖို့ ......

ရှင်သန်နေလိုက်တယ်။
တလွင့်လွင့်။                      ။

Regards,
Zephyr
(4=T=H Y=E=A=R O=F F=E=E=L=I=I=N=G B=L=U=E. 
R=I=P D=E=A=R=E=S=T M=O=M.
M=A=Y G=O=D B=L=E=S=S Y=O=U.)

Peace B with U.

ကြာသပတေး၊ကြာသာပတေး၊ကြာသာ့ပ်တေး

ကြာသပတေး၊ကြာသာပတေး၊ကြာသာ့ပ်တေး

Mingalarbar
မနက်က အမ်အာတီက ဝန်ထမ်းက မင်္ဂလာပါလို့နှုတ်ဆက်တယ်။ ဘာသာစကား လေးငါးမျိုးနဲ့ ဆက်တိုက်ကိုနှုတ်ဆက်နေတာပဲ။ ဘာပဲဖြစ်ဖြစ် ပျော်စရာတစ်မျိုးကောင်းတယ်လို့ခံစားရတယ်။

ez-link card app
အခု ez-link card app ထွက်ပြီဆိုတော့ ဖုန်းမှာ သွင်းထားလို့ရတယ်။ အရင်ကဆို ကဒ်မှာ ပိုက်ဆံများများထည့်ထားပြီး ပျောက်သွားတဲ့အခါ ဘာမှလုပ်လို့မရဘူး။ အခုတော့ ခရစ်ဒစ်ကဒ်တွေလိုပဲ ကဒ်ပျောက်ကြောင်းပြောလို့ရပြီ။ ကဒ်ထဲက ပိုက်ဆံကိုလည်း ပြန်ရနိုင်တယ်။ Transaction history လည်းကြည့်လို့ရတယ်ဆိုတော့ ဝါသနာပါရင် ကြည့်လို့ရတာပေါ့။ Transaction history ကတော့ real time မဟုတ်ပါဘူး။ တစ်ရက်လောက်နောက်ကျတယ်ထင်တယ်။ ဘာပဲဖြစ်ဖြစ် ကဒ်ထဲကို တစ်လစာ ထည့်ထားတတ်ပြီး ကဒ်ပျောက်တတ်တဲ့သူတွေအနေနဲ့တော့ ez link card app ဖြစ်ဖြစ်၊ online ကဖြစ်ဖြစ် card ကို registered လုပ်ထားဖို့ကောင်းတယ်လို့ထင်မိပါတယ်။

လာဘ်မထိုးနဲ့

မူစတာဖှာနားသွားရင်း ဖိလစ်ပင်းသူတစ်ယောက် လမ်းပေါ် အမှိုက်ပစ်လို့ ရဲဖမ်းတာကို လာဘ်ထိုးဖို့ကြိုးစားတာနဲ့ ရဲကတရားပြန်စွဲတယ်လို့ကြားပါတယ်။ လာဘ်ထိုးရင် ထောင်ဒဏ်နဲ့ငွေဒဏ် နှစ်ရပ်ပူးတွဲကျခံရနိုင်ပါတယ်။ ဘာလို့ဒီလိုလုပ်တာလဲဆိုတာလည်း ရဲမှာ အကြောင်းရှိပါတယ်။ လာဘ်ထိုးတာကို မယူတဲ့ရဲသားများဟာ ရာထူးတက်ဖို့ နာမည်ကောင်းရတတ်ပါတယ်။ စလုံးကရဲတွေက ဒီလို လာဘ်ထိုးတာကို အားကြီးစိတ်ဆိုးတယ်ထင်ပါတယ်။ အမှန်တော့ သူရာထူးတိုးဖို့ အခွင့်အလမ်းဖြစ်အောင် တရားစွဲတယ်လို့ပဲ မှတ်ပါတယ်။ တကယ်စေတနာကောင်းနဲ့ဆိုရင် လာဘ်မထိုးပါနဲ့၊ ဒဏ်ငွေပဲဆောင်ပါလို့ပြောလိုက်ရင်လည်းရပါတယ်။ ဒါလေးကိုလည်း သတိထားဖို့ကောင်းတယ်ဆိုပြီးရေးလိုက်ပါတယ်။ ဘယ်သူ့ကိုမှ ထိခိုက်နစ်နာစေချင်တဲ့ဆန္ဒမရှိပါဘူး။

ဂလိုဘယ်အီကိုနမီ

ရှေ့နှစ် အေးမယ် လို့ကြားတယ်။ ပိုက်ဆံစုထားမှ။

စတော့ခ် ရှယ်ရာနိယာမ ၁

ဘယ်စတော့ခ်ရှယ်ရာ ဝယ်သင့်သလဲတော့မသိဘူး။ ကိုယ့်ကုမ်ပနီက ရှယ်ရာကိုတော့ များများမဝယ်သင့်ဘူးပြောတယ်။ ဂူဂယ်တို့၊ပန်းသီးတို့မှာ အလုပ်လုပ်နေတဲ့သူတွေဆိုရင်တော့ မသိဘူး။ ကျန်တဲ့ကုမ်ပနီတွေမှာလုပ်ရင်တော့ ကုမ်ပနီအခြေအနေဆိုးလာရင် ကိုယ့်ရှယ်ရာပါအခြေအနေဆိုးပြီး နှစ်ထပ်ကွမ်းနစ်နာသလိုဖြစ်တယ်လို့ဆိုပါတယ်။ မနေ့ကဖတ်လိုက်ရတာတစ်ခုကို မှတ်မိတုန်းရေးထားတာပါ။ ဟုတ်ချင်မှဟုတ်မယ်လို့ထင်ပါတယ်။ ဟုတ်ရင်လည်းဟုတ်နိုင်တယ်။

သောကြာနေ့ရောက်ရန် နေ့ဝက်သာလိုတော့သည်။

ဒါက အရေးကြီးတယ်။ ဒါလေးကို အမြဲသတိရနေမှ အလုပ်လုပ်ရတာအဆင်ပြေတယ်။ အမြဲသတိရနေဖို့လိုတယ်။ It works like a charm. အလုပ်နဲ့ပတ်သက်ပြီး စိတ်ပင်ပန်းတာကို လျှော့ဖို့သတိရပါ။ အသက်ရှည်ရှည်ပျော်ပျော်ရွှင်ရွှင်နေနိုင်ဖို့ဆိုတာ စိတ်ချမ်းသာမှပဲဖြစ်နိုင်တယ်။ ဘယ်သူမှားတာ၊ဘယ်သူမှန်တာကို ခဏထားပြီး ကိုယ့်ဒေါသကိုယ်သိမ်းဆည်းပြီး ငြိမ်းအောင်နေတတ်ဖို့ကြိုးစားပါ။ စောစောသေရင်လည်း ကိုယ်ပဲသေရမှာ။ တခြားဟာတွေက နောက်မှ။ ဘယ်သူ့ကြောင့်စိတ်အနှောင့်အယှက်ဖြစ်ဖြစ်၊ကိုယ့်ကိုယ်ကို စိတ်ချမ်းသာအောင်ပြန်ထားပါ။ ကိုယ့်အသက်ရှည်ဖို့ ကိုယ့်တာဝန်ဆိုတာကိုမမေ့စေနဲ့။ စိတ်ချမ်းသာအောင်နေပါ။ အကုသိုလ်မဖြစ်စေတဲ့ ဘယ်နည်းနဲ့မဆို စိတ်အပန်းပြေအောင်နေသင့်တယ်။ စိတ်ချမ်းသာရင် သက်တမ်းစေ့နေရဖို့များတယ်။ စိတ်ပင်ပန်းတဲ့သူတွေကတော့ စောစောသေတာပဲ။ စောစောမသေခင် အစာအိမ်နာသလိုလို၊ ခေါင်းကိုက်သလိုလို၊ အန်ချင်သလိုလို၊ အိပ်မပျော်သလိုလိုတွေ အရင်ဖြစ်လာမယ်။ ရောဂါရလောက်အောင်မဖြစ်ဖို့ အမြဲသတိထားပါ။ အလုပ်ကြောင့်ရတဲ့ရောဂါကိုပြန်ကုဖို့ အလုပ်ကရတဲ့ပိုက်ဆံနဲ့မလောက်တာမျိုး ဖြစ်နိုင်တယ်။ တတ်နိုင်သလောက် စိတ်အေးအေးနဲ့ အလုပ်လုပ်ပါ။ အလုပ်အကြောင်းကို ခေါင်းထဲက ထုတ်နိုင်သမျှထုတ်ပါ။ အလုပ်ကပြန်တာနဲ့ အလုပ်အကြောင်း မပြောမိအောင် နေတာအကောင်းဆုံး။

အားလပ်ချိန်တွေမှာ စိတ်ကို အလုပ်နဲ့ဝေးဝေးမှာထားပါ။ အရင်တုန်းကတော့ နားထောင်ချင်မှန်းမသိ၊နားမထောင်ချင်မှန်းမသိ အလုပ်အကြောင်း မကြာမကြာပြောမိတယ်။ အခုတော့ဆင်ခြင်စပြုလာပြီ။ တစ်နေ့လုံးလည်းလုပ်လာခဲ့ပြီးပြီ၊ မနက်ဖြန်ပြန်ရောက်ရင်လည်း လုပ်ရဦးမယ့်အလုပ်ကို ခဏလောက်မေ့ထားလိုက်ရင်ကောင်းတယ်။ အဲဒါဟာ ရေရှည်မှာသိပ်ကောင်းတယ်။ အိမ်မှာတော့ အလုပ်အကြောင်း မပြောကြေးဆိုပြီး ဇနီးသည်နဲ့ သဘောတူညီမှုယူထားတယ်။

တကယ်တော့ အလုပ်ဆိုတာက ကိုယ်လုပ်နိုင်တဲ့အလုပ် ကိုယ်လုပ်စားကြတာပဲ။ အလုပ်တိုင်းမှာ သူ့အခက်အခဲနဲ့သူရှိမှာပဲ။ အခက်အခဲမရှိဘဲ ပိုက်ဆံအလကားပေးတဲ့အလုပ် ရှိရင်တော့လည်းကောင်းသား။ လခပိုရတဲ့သူက ပိုပြီးခက်တာကို ရှင်းရတာပဲ။ ဒါက သဘာဝပဲ။ အလုပ်အကြောင်း မကျေနပ်ဘူးများများပြောတဲ့သူတွေဟာ စိတ်ဆင်းရဲဖို့များတယ်။ မကျေနပ်ရင်ပြောင်းဖို့ကြိုးစားရမယ်။ မပြောင်းဘဲနဲ့ မကျေနပ်ဘူးပဲ နေ့တိုင်းပြောနေရင်တော့ အဲဒါဝါသနာဖြစ်သွားပြီ။

အလုပ်ထဲကက တစ်ယောက်ယောက်ကို မကောင်းဘူးလို့ထင်ရင် အဲဒါကို သတိထားသင့်တယ်။ မဟုတ်ရင် ကိုယ်မုန်းတဲ့၊မကြိုက်တဲ့လူနဲ့ အလုပ်လုပ်တိုင်း စိတ်ပင်ပန်းရလိမ့်မယ်။ မကြိုက်တာကို၊ သဘာဝမကျတာကို သည်းမခံဘဲ ပြောစရာရှိတာပြောပြီး စိတ်ထဲမှာ မခံစားတတ်တာကောင်းတယ်။ အဲဒါမှ စိတ်ကျန်းမာရေးအတွက် ကောင်းလိမ့်မယ်။ ရှေ့မှာပြုံးပြပြီး နောက်ကွယ်မှာမုန်းနေတာ စိတ်ကျန်းမာရေးအတွက် မကောင်းဘူး။ သဘောထားမှန်မှန်နဲ့ဖြေရှင်းတတ်တဲ့အကျင့်လုပ်ရမယ်။ ထွက်ပြေးလို့မရဘူး။ စိတ်အခြေခံသဘောထားမှားနေရင် နောက်တစ်နေရာပြောင်းလဲ အဲဒီလို ပြဿနာမျိုး ထပ်ကြုံရနိုင်တယ်။ အခြေခံသဘောထားမှားနေရင် ပြဿနာများတယ်။


နိဂုံး

စိတ်ချမ်းသာပြီးပျော်တတ်တဲ့သူဖြစ်အောင်နေဖို့သတိရပါ။ အသက်တွေကြီးလာပြီ။ မသေခင်ပျော်ပျော်နေကြပါလို့ အားလုံးကို သတိပေးရင်း ..........။           ။

Regards,
Z

Peace B with U.

ဗုဒ်ဓဟူး ဗုဒ်ဟူး ဗုဒ်ဓဟူးစ်

ဗုဒ်ဓဟူး ဗုဒ်ဟူး ဗုဒ်ဓဟူးစ်

ငွေဘယ်လိုစုကြမလဲဆိုတာမျိုးတွေ ရေးဦးမှပဲလို့တွေးမိတယ်။ တွေးမိတာကလည်းအကြောင်းရှိတယ်။ အသက်ကလည်းမငယ်တော့ဘူး။ အသုံးအဖြုန်းတွေနားလည်ဖို့လိုတဲ့အရွယ်ရောက်လာပြီဆိုတော့ ဒီကိစ္စကို နည်းနည်းစဉ်းစားမိတယ်။ သိပ်အများကြီးနားလည်ပြီလို့တော့လည်းမဆိုနိုင်သေးဘူး။ နားလည်သလောက်တော့ရေးမယ်။ ဖတ်ထားတာတွေလည်းပါမယ်။ ကိုယ်တိုင်သိတာတွေပါမယ်။ ကိုယ်နဲ့ဘဝတူ လူမွဲတွေအတွက်ပါ။ လူချမ်းသာတွေကတော့မစုလည်းဖြစ်ပါတယ်။

ငွေစုတယ်ဆိုတာ တကယ်ကောင်းတဲ့အလုပ်ပဲ။ မစုဘဲနဲ့များလာဖို့မဖြစ်နိုင်ရင်တော့ စုကိုစုရမှာပဲ။ တစ်ယောက်တည်းသမားကလည်းစုရမယ်။ မိသားစုနဲ့လူတွေကလည်းစုရမယ်။ အတိုင်းအတာတစ်ခုအထိရောက်အောင်စုရမယ်။ မစုထားရင် ဒီငွေဟာ ကုန်သွားမှာပဲ။ စုထားရင်တောင် ကုန်သွားဖို့ဖြစ်နိုင်သေးတယ်။ မစုထားရင်တော့ တပြားမှကျန်မှာကိုမဟုတ်ဘူး။

စုတာကစုပါပြီ။ ကုန်နေတာဘယ်နေရာတွေလည်းမသိရင်လည်းမဖြစ်ပြန်ဘူး။ သုံးလေးလလောက် ကိုယ်သုံးတာတွေကို စာရင်းလုပ်ထားကြည့်ပါ။ ကျနော်ကတော့ ရှစ်လလောက်လုပ်ထားကြည့်တယ်။ အဲဒီလိုလုပ်ထားလိုက်ရင် ကိုယ်ပုံမှန်သုံးတာတွေနဲ့ မလိုဘဲဖြုန်းတာတွေနဲ့ကို ကွဲကွဲပြားပြားသိလာတယ်။ စနစ်ကျတဲ့သူတွေကတော့ အလိုလိုနေရင်းလည်းသိချင်သိမယ်။ ကျွန်တော်ကတော့ အရင်လည်း စနစ်မကျဘူး။ ပိုက်ဆံဆိုတာ လကုန်ရင် ကျန်နေကောင်းတဲ့အရာမျိုးမဟုတ်သလို တစ်လလုံးကုန်အောင်သုံးတယ်။ ရှေ့တစ်နှစ်လုံးလည်းပိုတယ်မရှိဘူး။ မင်္ဂလာဆောင်တာနဲ့၊ အိမ်ငှားတာနဲ့ဘာနဲ့ ကုန်သွားတာပဲ။ ကုန်သွားတာတွေကိုလည်း နှမြောမနေဘူး။ ကုန်စရာရှိတာကုန်မှာပဲလို့သာတွေးတယ်။

စုတယ်ဆိုတာ ကိုယ်တတ်နိုင်တာကနေစတာအကောင်းဆုံးပဲ။ စစချင်း သိပ်ပြီးမြင့်တဲ့ရည်မှန်းချက်မထားနဲ့။ စိတ်ပင်ပန်းလိမ့်မယ်။ စုတဲ့အကျင့်ရသွားဖို့ကိုပဲဦးစားပေး။ ကိုယ့်မှာရှိတဲ့ အကျင့်တွေကို တစ်ရက်တည်း overnight ပြင်ဖို့မကြိုးစားနဲ့။ အဲဒီလိုလုပ်ရင် စိတ်ဒဏ်ရာရသွားလိမ့်မယ်။ လူဆိုတာ ဆန်းတယ်။ လူ့စိတ်ကဆန်းတယ်လို့ပြောရမယ်ထင်တယ်။ သိပ်ပြီးဖိနှိပ်ထားလို့မရဘူး။ အကျင့်ပါသွားအောင်ဖြည်းဖြည်းချင်း လေ့ကျင့်ယူရတယ်။ အဲဒါက ပိုပြီး စွဲမြဲတဲ့အကျင့်ဖြစ်သွားစေတယ်လို့ထင်တယ်။

အောင့်မထားနဲ့။

ပိုက်ဆံသုံးစရာတစ်ခုခုကို သုံးချင်ရက်နဲ့ သိပ်အောင့်မထားနဲ့။အောင့်ထားတာများရင် တစ်ချိန်မှာ မလိုအပ်ဘဲ ဈေးကြီးတာတွေဝယ်မိတတ်တယ်။ ဝယ်ပြီးမှ မလိုချင်တော့တာတွေကိုလည်း အချိန်ရရင်ပြန်တွေးကြည့်။ တဖြည်းဖြည်းထင်ရှားလာမယ်။

မလိုတာတွေမဝယ်နဲ့။

အဲဒါအရှုင်းဆုံးပဲ။ လိုလား၊မလိုလားမသိရင် မဝယ်နဲ့။ အပြင်ထွက်ဖြစ်ရင်ဝယ်တယ်ဆိုရင် အိမ်မှာနေတတ်ဖို့ကြိုးစား။ အိမ်မှာနေရမှာမပျော်ဘူးဆိုရင် အထပ်မြင့်မှာနေပြီး လှေကားကနေ တက်လိုက်ဆင်းလိုက်လုပ်နေတာကောင်းတယ်။

လျှော့ဈေး

စင်ကာပူမှာ မူရင်းဈေးမရှိဘူး။ အားလုံးလျှော့ဈေးဘဲ။ လျှော့ဈေးဆိုတာနဲ့ဝယ်စရာမလိုဘူး။ ပြတ်သားပါ။ ပိုက်ဆံဆိုတာ သုံးရင်ကုန်တဲ့အမျိုးအစားထဲမှာပါတယ်။ လျှော့ပေးတာတွေက အကြောင်းမရှိဘဲ လျှော့ပေးတာဘာမှမရှိဘူး။ အဲဒီအကြောင်းကို များများသိအောင်ကြိုးစားပြီးဝယ်ချင်စိတ်နည်းအောင်လုပ်သင့်တယ်။ ဈေးပေါတာနှစ်ခုဝယ်မယ့်အစား ဈေးသင့်ပြီးပိုကောင်းတာတစ်ခုဝယ်လိုက်။ အဲဒါရေရှည်မှာပိုပြီးစိတ်ချမ်းသာရတယ်။ တစ်ခုခုမှားဝယ်မိရင် ကိုယ့်ကိုယ်ကို အသုံးမကျဘူးထင်မိတတ်တယ်။ အဲဒါမကောင်းဘူး။ ညံ့လို့ဝယ်မိတာမျိုးမဖြစ်အောင်ကြိုးစားရင်း ပေါချောင်မကောင်းတွေကို မဝယ်မိအောင်နေတာကောင်းတယ်။

၅၀% off

ဘယ်လောက်ပဲ အော့ဖ်အော့ဖ် မလိုတာမဝယ်နဲ့။

Telephone Bill

မိနစ်ပိုပြောတတ်တယ်ဆိုရင် callback card ထည့်ထားပြီးခေါ်ပါ။ ၅ sgd ဆိုရင် မြို့တွင်းမိနစ်၂၀၀ ခေါ်လို့ရတယ်။ လိုင်းနဲ့ မိနစ်၁၀၀ ကျော်ပိုပြောမိရင် ၃၀ sgd အထက်လောက် ကျနိုင်တယ်။ ဒါတွေက သတိထားလိုက်ရင်ရတယ်။ ပိုက်ဆံကိုအလကားရတယ်မမှတ်နဲ့။ ဘယ်လောက်ပဲရရ ရတာကို စနစ်တကျသုံး။ ဖြုန်းမပစ်နဲ့။ မသေမချင်း သုံးစရာလိုသေးတယ်။

shopaholic

ဈေးဝယ်ထွက်ရတာပျော်စရာတော့ကောင်းတယ်။ မကောင်းတာကတော့ပိုက်ဆံတွေပျံပျံသွားတာပဲ။ အကျင့်ပါနေရင်ဖြည်းဖြည်းချင်းပြင်ပါ။ ပစ္စည်းကောင်းတွေကို ဈေးချတဲ့အချိန်မျိုးမှာ ကောင်းကောင်းဝယ်ထားတာမျိုးလုပ်ပါ။ အကြိမ်အရေအတွက်ကိုလျှော့ပါ။ ဖြည်းဖြည်းချင်းပြင်ပါ။

ပိုက်ဆံမချေးနဲ့။

ပေးနိုင်ရင်ပေးလိုက်။ မပေးနိုင်ရင် မချေးနဲ့။ အဆုံးမခံနိုင်တဲ့ပမာဏ ဘယ်တော့မှမချေးနဲ့။ အသက်အရွယ်ရလာလို့ ကိုယ့်ပိုက်ဆံနဲ့ကိုယ်သုံးတတ်စွဲတတ်ရမယ့်အရွယ်မှာ အလွယ်ရလို့ချေးတာမျိုးကို ဘယ်တော့မှမလုပ်နဲ့။ ပိုက်ဆံချေးလိုက်ရင် ဇယားရှုပ်လာတာများတယ်။ ကိုယ်ကလည်းမချေးနဲ့။ ကိုယ့်ဟာကိုယ်လိုရင် ဘဏ်က personal loan ချေးလိုက်။ အဲဒါကိုသတိထားဖို့လိုတယ်။။ ပေးနိုင်ရင်ပေး၊မပေးနိုင်ရင်မချေးနဲ့။ ဆွေမျိုးတွေလည်းထိုနည်းလည်းကောင်းပဲ။ over မဖြစ်တာအကောင်းဆုံး။ အဲဒါကိုသတိထားဖို့လိုတယ်။ အကူအညီတကယ်လိုတယ်ဆိုရင် ကိုယ်ပေးနိုင်တဲ့ပမာဏကို သူပြန်ပေးနိုင်တဲ့အချိန်မှ ပေးလည်းဖြစ်တယ်ဆိုတာမျိုးလောက်ပဲ ပေးပါ၊ချေးပါ။

သေချာတွက်ပါ။

တစ်ခါတစ်လေ တစ်ချို့ကိစ္စတွေကို အပေါ်ယံလောက်သုံးသပ်ပြီးလုပ်မိတတ်တယ်။ ရေရှည်မှာတွက်ခြေကိုက်ရဲ့လားထည့်တွက်ပါ။ အဲဒါသိပ်အရေးကြီးတယ်။

အရေးပေါ်လိုငွေ

မိဘတွေဆုံးတာတို့၊ဆေးရုံတက်ရတာတို့ ကြုံဖူးရင်သိမယ်။ ပိုက်ဆံဆိုတာ အငွေ့လိုပျံသွားတာ။ အရေးပေါ်ခန်းတို့၊အသက်ရှူအားကူကိရိယာတို့ဆိုတာ ငွေနဲ့စက်ရတာချည်းပဲ။ မိဘတွေ၊လူကြီးတွေအတွက်လည်းလိုလာရင်ထုတ်ရဦးမယ်။ဒါကိုလည်းမေ့မနေဖို့လိုတယ်။ အဲဒီလို လိုငွေတွေရှိတယ်။

ကိုယ်တိုင်လည်းဆေးရုံတက်ရတာတို့၊ခွဲစိတ်ရတာတို့ရှိနိုင်တယ်။ အကောင်းတွေချည်းသိပ်မတွက်ထားနဲ့။အဆိုးလည်းရှိနိုင်တယ်။ရှိလည်းရှိတတ်တယ်။ ပြင်ဆင်ထားတာမမှားဘူး။ ဒါတွေအတွက် သပ်သပ်စုထားရမယ်လို့သတိရှိလိုက်ရင် အပိုဖြုန်းတာလျော့သွားနိုင်တယ်။

Insurance

အသက်အာမခံထားသင့်လား။ ကျန်းမာရေးအာမခံရှိသင့်လား။  အသက်အာမခံကိုတော့ မီခိုမယ့်မိသားစုရှိတဲ့သူတွေထားသင့်တယ်။ မဟုတ်ရင်တော့မလိုဘူး။ ကျန်းမာရေးအာမခံအနေနဲ့တော့ အခြေခံလောက်ဟာတွေ၊ဈေးသိပ်မကြီးတာတွေယူထားသင့်တယ်။ တကယ်ဖြစ်လာတဲ့အခါကြရင် အာမခံမရှိရင် စုထားသမျှပြောင်ဖို့ကိန်းရှိတယ်။

Fixed Deposit

ဘဏ်ထဲမှာ တစ်လကို လစဉ်ဘယ်လောက်စုမယ်ဆိုပြီး အကောင့်ဖွင့်ထားလို့ရတယ်။ အရင်လည်းတစ်ခေါက်ရေးဖူးတယ်။ ပုံမှန်လေးစုသွားရင် တဖြည်းဖြည်းများလာလိမ့်မယ်။ စာရင်းသေအပ်ငွေရှိတာကောင်းတယ်။

ပညာရေးမြုပ်နှံမှု

အလုပ်လုပ်ရင်နှစ်မျိုးဖြစ်နိုင်တယ်။ တကယ်က သုံးမျိုးရှိတယ်။ လခက ရသင့်တာထက် နည်းတာ၊များတာ၊ရသင့်တဲ့အတိုင်းရတာဆိုပြီးသုံးမျိုးမှာ ရသင့်တာထက်နည်းရင်ပြဿနာရှိတယ်။ လတိုင်းပိုက်ဆံထွက်နေတာ။ အဲဒါကိုသိဖို့လိုတယ်။ အလုပ်ပြောင်းပါ။ ရသင့်တဲ့လခပေးနိုင်တဲ့ဆီကိုပြောင်းပါ။ ဒီမှာ ချစ်လို့ခင်လို့အလုပ်လာလုပ်နေတာမဟုတ်ဘူး။ ပိုက်ဆံလာရှာနေတာဆိုတာကိုမမေ့ပါနဲ့။ လတိုင်း တစ်လကို ၃၀၀ နည်းပြီးရတယ်ဆိုတာ တစ်လစီမှာမထောင်းသာလှပေမယ့် ၁ နှစ်မှာ ၃၆၀၀ နစ်နာပါတယ်။ ဘောနပ်စ် ၁ လစာပါရင် ၃၉၀၀ နစ်နာပါတယ်။ နှစ်နှစ်မှာ ၇၈၀၀ နစ်နာပါတယ်။ ၃နှစ်မှာ ၁၁၇၀၀ နစ်နာပါတယ်။ အဲဒီလိုတွေးပါ။

အလုပ်မှာရသင့်တာထက်ပိုရနေရင်ပျော်မနေပါနဲ့။ ရသင့်တာနဲ့ထိုက်တန်တဲ့အရည်အချင်းကိုပြန်ဖြည့်ပါ။ မဟုတ်ရင်တစ်ချိန်မှာ အဲဒီနေရာကို ကိုယ့်ထက်ပိုသင့်တော်တဲ့သူရောက်လာလိမ့်မယ်။

အဲဒီမှာပညာရေးကိုမြုပ်နှံမှုတစ်ခုလိုသဘောထားပါ။ သင်စရာရှိတာသင်ပါ။ ဒါတွေက ပိုက်ဆံပြန်ဖြစ်လာမှာပါပဲ။

Gadget အသစ်တိုင်းဝယ်ဖို့မလိုဘူး

ခေါင်းစဉ်ကိုက self-described ဖြစ်တယ်ထင်ပါတယ်။

ဘယ်လောက်ဖိုးအထိဝါသနာပါသလဲ

ဝါသနာပါတာအတွက်သုံးတာကို ကိုယ်တတ်နိုင်တဲ့ပမာဏ သတ်မှတ်ထားတာအကောင်းဆုံးပဲ။ တစ်လတစ်လ ဒီလောက်ထက်ပိုမသုံးဘူးဆိုတာမျိုးလေးလုပ်ထားတာကောင်းတယ်။ ဈေးကြီးတာသုံးချင်ရင် အချိန်စောင့်ပြီး စုဝယ်တာမျိုးပဲလုပ်တာကောင်းတယ်။ မတတ်နိုင်တာကို မဝယ်နဲ့။ အဲဒါကိုအကျင့်လုပ်ထားတာကောင်းတယ်။ မတတ်နိုင်တာကို မသုံးနဲ့ဦး။ တတ်နိုင်တဲ့အခါ သုံး။ 

credit card rule

ခရက်ဒစ်ကဒ်ဟာကောင်းပါတယ်။ အဆင်အခြင်မဲ့မသုံးဖို့နဲ့ လစဉ်ပုံမှန်ပေးတဲ့အကျင့်ရှိဖို့ပဲလိုပါတယ်။ ၂၀၀၀ ဖိုး ၃၀၀၀ ဖိုးဝယ်ပြီးတိုင်း ၁၀ လောက်ပြန်ရပါတယ်။ ငွေသားနဲ့ရှင်းရှင်း ခရက်ဒစ်ကဒ်နဲ့ပေးပေး ကုန်သွားမယ့်ပိုက်ဆံကအတူတူပါပဲ။ ဒါပေမယ့် ခရက်ဒစ်ကဒ်နဲ့ပေးတဲ့အတွက် ကဒ်ပရိုမိုးရှင်းရသလို၊ rewards လည်းရပါတယ်။

ကဒ်တွေနဲ့ အရစ်ကျဝယ်တာကောင်းလား၊မကောင်းလားဆိုတာကိုတော့ ကျနော်နည်းနည်းပြောရခက်ပါတယ်။ သိပ်ကြာတာမျိုးကိုတော့အားမပေးချင်ပါဘူး။ ၆ လနဲ့ ၁ နှစ်ထက်ပိုတဲ့ installment နဲ့ ဝယ်တာတွေအများစုကိုတော့ နည်းနည်းသတိထားစေချင်ပါတယ်။ ကိုယ်သိပ်မကြိုက်တော့တဲ့ပစ္စည်းတစ်ခုအတွက် ပိုက်ဆံလစဉ်ဆက်ပေးနေရတာ အင်မတန်ခံရခက်ပါတယ်။

credit card bill ဖြစ်ဖြစ် တခြားဘာ bills ဖြစ်ဖြစ် ရတာနဲ့ဆောင်တဲ့အကျင့်လုပ်ပါ။ ကြာလေ မဆောင်ချင်လေဖြစ်တတ်တယ်။ နောက်ကျကြေးပေးရရင်လည်းမကောင်းဘူး။ waive လုပ်ခိုင်းလို့ရရင်လည်းအလုပ်ပိုတယ်။ ကောင်းတဲ့အကျင့်ကို အကျင့်ပါအောင်လုပ်ပါ။ မကောင်းတဲ့အကျင့်တွေကို မပျိုးထောင်ပါနဲ့။

Fair Price တို့လို အမြဲဝယ်ဖြစ်နေမယ့်ဆိုင်တွေကို ပရိုမိုးရှင်းပေးတဲ့ကဒ်တွေလည်း ရှိတာကောင်းတယ်။ ဒါဟာချွေတာရေးနည်းလမ်းတစ်ခုပဲ။ ပုံမှန်ဝယ်လည်း ဒီပိုက်ဆံပဲကုန်တာပဲ။ ကဒ်နဲ့ဝယ်လည်းဒီပိုက်ဆံပဲကုန်တာပဲ။ ခရက်ဒစ်ကဒ်မကောင်းဘူးပြောတဲ့သူဟာ အဆင်အခြင်မဲ့သုံးတာကို နားမလည်လို့ဖြစ်နိုင်တယ်။ ကျန်တာတွေကတော့ ဘာပြဿနာမှမရှိပါဘူး။

လောင်းကစား

ဒါကိုတော့သတိထားသင့်တယ်။ ဘယ်လောက်ချမ်းသာ ချမ်းသာ ကာစီနိုမှာ တစ်လလောက်ရှုံးစရာပိုက်ဆံရှိုဖို့ မလွယ်ဘူး။ သာမန်လူတန်းစားအနေနဲ့တော့ ဘဝပျက်နိုင်တယ်။ မိသားစုပြဿနာဖြစ်နိုင်တယ်။ အကုန်ပြောင်ပြီး ဒုက္ခရောက်နိုင်တယ်ဆိုတာကို လက်ခံထားနိုင်ရင်ကောင်းတယ်။

နိဂုံး

 ဒီအခြေခံအချက်တွေကို တော်တော်များများသိပြီးသားဖြစ်မယ်လို့ယူဆပါတယ်။ ညီငယ်၊ညီမငယ်တွေ မသိသေးရင် သိဖို့နဲ့ သိပြီးမိုက်တွင်းနက်နေတဲ့သူတွေ နည်းနည်းပြန်သတိထားမိဖို့ ရေးလိုက်ပါတယ်။ ဗုဒ်ဓဟူးနေ့ရောက်လာပါပြီ။ သောကြာနေ့ရောက်ဖို့ ကြာသပတေးတစ်ရက်သာလိုပါတော့တယ်။ 

ငွေစုတာကို ရေးရတာ ကိုယ်နဲ့သိပ်မဆိုင်တာကိုပြောသလိုဖြစ်နေတယ်လို့ပဲခံစားရပါတယ်။ ကိုယ်နားလည်သလောက်ပြောတဲ့သဘောပါပဲ။ ရှာတာ၊စုတာ၊ မြုပ်နှံတာသုံးခုမှာ မြုပ်နှံတာကိုတော့ အခုအထိ မသိသေးပါဘူး။ သိလာတဲ့တစ်နေ့ကြရင်လည်း ကျနော်ရေးပါဦးမယ်။

အားလုံး ငွေကြေးနဲ့ပတ်သက်ပြီး ပူပန်ခြင်းကင်းသူတွေဖြစ်ကြပါစေလို့ ဆန္ဒမွန်ပို့သလိုက်ပါတယ်။

Regards,
Z

Peace B with U.

အင်ဂါ၊အင်္ဂါ။inn garrr

အင်ဂါ၊အင်္ဂါ။inn garrr

facebook ကော်မန့်ကြောင့် အလုပ်ပြုတ်ရသူ အေမီချုန်း

နည်းတောင်နည်းသေးတယ်လို့ပြောရင်လည်းမကောင်းဘူး။ လူဆိုတာ ကိုယ့်အလုပ်အကိုင် အဆင့်အတန်းနဲ့အညီနေတာပဲကောင်းတယ်ဆိုတဲ့အကောင်းဆုံးဥပမာပဲ။ စိတ်ထားအလှမရှိရင် မလှဘူးဆိုတာကိုတွေးရင်း အလှအပအကြောင်းရောက်သွားတယ်။


မလှချင်များ။

ဆံပင်  ကပ်ပလီကောက်နဲ့မလှချင်တစ်ချို့ ဆံပင်လာဖြောင့်တာတွေ့တယ်။ မွေးရာပါအကောက်က ဆံပင်နည်းနည်းရှည်ထွက်လာတာနဲ့ ပြန်ပြီးဖြောင့်ဖို့မလွယ်တော့ဘူး။ အရှိအတိုင်းလှအောင်ပြင်တတ်ဖို့မကြိုးစားဘဲ လူများလှတိုင်းလှမယ်ထင်ပြီးလုပ်ကြတာတွေ့တယ်။ အင်မတန်ရယ်စရာကောင်းတယ်လို့ထင်တယ်။

အရှိအတိုင်းလှတာကို နည်းနည်း အလိုက်သင့်ပြုပြင်ပြီး သဘာဝကျကျလှအောင်လုပ်ကြပါလို့ပဲတိုက်တွန်းချင်တယ်။ အသားအရည်လှအောင် လတ်ဆတ်တာတွေများများစား။ အသက်နဲ့လိုက်တဲ့ပြုပြင်မှုတွေလုပ်။ မျက်နှာတွေကိုပြုပြင်သလို၊ ခန္ဓာကိုယ်လည်းလှအောင် လေ့ကျင့်ခန်းလည်းလုပ်။ မျက်နှာကြည်လင်အောင် အိပ်ရေးဝဝအိပ်။ မျက်လုံးကြည်လင်အောင် မျက်စိလေ့ကျင့်ခန်းလုပ်။ မျက်လုံးကိုအနားပေး။

ပြုံးပြုံးရွှင်ရွှင်နေတတ်အောင်နေ။ အလိုလိုလှတာပဲ။ ပြင်မှလှတာ အလှမဟုတ်ဘူး။ အရှိတရားအတိုင်း၊ သဘာဝကျတဲ့ အလှဖြစ်အောင်၊ အပြုအမူ၊အပြောအဆိုကအစလှဖို့၊စိတ်ထားအလှရှိဖို့တွေကိုလည်း တန်ဖိုးထားပြုပြင်ရင် နဂိုထက်ဆယ်ဆလှမယ်လို့ ယုံကြည်ပါတယ်။

အစားအသောက်က ရုပ်ရည်ကိုပြုပြင်သောအကြောင်းတစ်ခုပါပဲ။ ကံစိတ်ဥတုအဟာရမျှရင် လူရောစိတ်ပါ ကြည်လင်တာပါပဲ။ မြန်မာအမျိုးသမီးများဟာ မျက်နှာအလှကိုပဲတန်ဖိုးထားသလားတောင်တွေးမိတယ်။ ကျန်းမာကျစ်လစ်သော အလှတရားမျိုးရှားတာတွေ့တယ်။ ဝတုတ်ဘုတ်အီးအလှတရားနဲ့ ပိန်ညှောင်ဂေါက်ဂတ်အလှတရားအစွန်းနှစ်ဘက်ရောက်နေတာတွေ့ရတယ်။

လှချင်ရင် နံပါတ်တစ်က အိပ်ရေးအပျက်မခံဖို့ပဲ။ နံပါတ်နှစ်က စိတ်မညစ်ဖို့။ ဒီနှစ်ခုကိုပြည့်စုံရင် အတော်လှနေပြီ။ စိတ်ကို ပေါ့ပေါ့ပါးပါးထား။ ပိုက်ဆံအကြောင်းသိပ်မတွေးနဲ့။ အသက်အရ အသားအရည်ပျက်ဆီးတာများလာရင် ဈေးသင့်တဲ့ spa တွေဘာတွေသွားဖို့အကြံပေးချင်တယ်။ မိန်းကလေးတစ်ယောက်ရဲ့ဘဝမှာ အလှအပဟာ အင်မတန်အရေးကြီးတယ်လို့ထင်တယ်။ ယောကျာ်းလေးတွေကတော့ စတိုင်ကျရင်ရပြီ။ မိန်းကလေးတွေကတော့ ဘယ်သူမဆို လှဖို့လိုတယ်။

အန်တီအောက်ဆီးဒင့်များများပါတာစားတတ်ဖို့အကျင့်လုပ်ပေးရင် အသားအရည်ဝင်းပတဲ့ အလှအတွက် စိတ်ချရတယ်။ ဝတ်တာစားတာလည်း စိတ်ပေါ့ပါးပြီး လန်းဆန်းစေတာမျိုးပဲဝတ်။ ရာသီဥတုနဲ့လိုက်ဖက်အောင်ဝတ်ရင်ကျန်းမာပြီးလှတာပါပဲ။ အစားအသောက်လည်း ရာသီဥတုနဲ့လိုက်ဖက်တာစား၊ ကိုယ့်လိုအပ်ချက်အတိုင်းစားတာဟာ လှဖို့ပါပဲ။

Detox ဖြစ်တာတွေ များများစား။ ညစာကိုနည်းနည်းလျှော့ပြီး အသီးအနှံလုံလုံလောက်လောက်စားရင်ကို တော်တော်လေး အဆိပ်အတောက်ကင်းလာနိုင်တယ်။ ရေများများသောက်တာဟာလည်း ဆီးကနေတစ်ဆင့် အပူတွေနဲ့အဆိပ်အတောက်တွေပြေစေလို့ လှပဖို့၊ကျန်းမာဖို့အကျိုးများတာပါပဲ။

ဝတာကို မထိန်းနိုင်ရင် လှဖို့ပိုခက်လာမယ်။ ကိုယ်လှဖို့တာဝန်ဟာကိုယ့်တာဝန်လို့သဘောထား။ အချိန်နည်းနည်းပေးပြီး လေ့ကျင့်ခန်းလုပ်။ ဝတာက ပြဿနာမဟုတ်ပေမယ့် ရောဂါတော်တော်များများအတွက် သိပ်ဝတာမကောင်းလှဘူး။ လှတာဟာ အရေးမကြီးဘူးဆိုပြီးမရှိဘူး။ သေတဲ့အထိကိုအရေးကြီးတယ်။ လှလှလေးသေတတ်ဖို့အထိကို အရေးကြီးတယ်။

အလှတရားမှအမှန်တရားဆီသို့

ဆရာတော်ဦးဇောတိကရဲ့စာအုပ်တစ်အုပ်နာမည်ပါ။ ဆရာတော်လည်း အလှအပကြိုက်ပုံရတယ်။ လှလှပပလူတွေတွေ့ရတာစိတ်ချမ်းသာစရာကောင်းတယ်။ စိတ်ထားရော ရုပ်ဆင်းရူပကာပါလှရင်ကောင်းတာပဲ။

ဗုဒ္ဓဘာသာဝင်တွေအနေနဲ့တော့ ဂုဏ်တော်ပွားတာဟာ ရုပ်လှဖို့အထောက်အကူပြုတယ်လို့ဆိုတယ်။ အမှန်တော့ ဘယ်သမထနည်းလမ်းမဆို စိတ်တည်ငြိမ်ပြီး သမာဓိတည်လာရင် ရုပ်ရည်ကြည်လင်လာတာပါပဲ။ ကိလေသာနည်းတဲ့ရုပ်က အလင်းထွက်တဲ့သဘောပဲ။ ဒါကတော့ တရားအလှထဲထည့်ရမယ်။ လှချင်ရင်တော့ သမထလည်းပွားသင့်ပွားရမှာပဲ။

ဖက်ရှင်ပညာကိုလည်း အထိုက်အလျောက်တော့လေ့လာသင့်တယ်။ အမျိုးသမီးတွေရဲ့ဘဝမှာ  အလှအပဟာ ပထမတန်းအရေးကြီးတယ်ဆိုတာကို ထပ်ပြီးပြောချင်တယ်။ ဘယ်အရွယ်ပဲရှိရှိ လှလှပပလေးနေတာကောင်းတယ်။ တည်တည်ကြည်ကြည် ကျက်သရေရှိရှိလေးလှနေကြတာ မင်္ဂလာတစ်ပါးပဲ။ အရည်ပြားတစ်ထောက်စာ၊ဘာညာဆိုတာ ရုပ်ဆိုးတဲ့သူတွေ လျှောက်ပြောကြတာ။ ဒါတွေကို အဟုတ်မမှတ်သင့်ဘူး။

ကိုယ်နဲ့လိုက်၊မလိုက်ကိုသိရင်ကို အတော်လေးလှလာနိုင်ပြီ။ မလိုက်တာတွေဝတ်မှ ဂေါ်တယ်ထင်တာက တကယ်တမ်းမှာမဂေါ်ဘူး။ သင်္ကြန်မှာ ဝတ်တာတစ်ချို့ဆိုရင် အတော် အောက်တာပဲ။ အဆင့်အတန်းရှိသော ဝတ်ဆင်မှုဖြစ်ဖို့ကိုသတိပြုပြီး တိုချင်တို၊ရှည်ချင်ရှည်၊ လှလှပပ ကျက်သရေရှိရှိလေးဝတ်တတ်အောင်ဝတ်ပါ။ ကိုယ်ဝတ်ထားတဲ့အဝတ်အစားနဲ့လိုက်ဖက်တဲ့ ပါစင်နယ်လတီကိုလည်း ပြုပြင်ပါ။

အခြေခံအလှပြုပြင်တာတွေလည်း သင်ပါ။ ရှက်မနေနဲ့။ ကိုယ်လှဖို့တာဝန်ကို ကိုယ့်ဟာကိုယ်ယူမှဖြစ်မယ်။ လက်သည်း၊ခြေသည်းကအစ လှအောင်ထားတတ်ဖို့ သင်ပါ။ တကိုယ်ရေသန့်ရှင်းတဲ့အလှရအောင်အမြဲနေပါ။ အမွှေးအကြိုင်တွေကိုလည်း ကိုယ့်ကိုယ်သင်းနံ့နဲ့လိုက်တာတွေသုံးပါ။ ကိုယ်က ချွေးထွက်များတယ်ဆိုရင် အနံ့သင်းသင်းနဲ့ တစ်နေ့လုံး ကြာရှည်မွှေးနေတဲ့ ဘော်ဒီလိုးရှင်းမျိုးသုံးပါ။ ရေကိုအခြေခံတာတွေကို ဖြစ်နိုင်ရင်ပိုသုံးစေချင်တယ်။ အဆီကိုအခြေခံတာတွေကို သိပ်အကြိုက်မတွေ့ဘူး။ သဘာဝကျတာတွေများများသုံးပါ။ ရနံ့ကိုလည်း ခပ်သင်းသင်းလောက်ပဲသုံးတာကောင်းတယ်။ ကိုယ်နဲ့လိုက်တာကိုသုံးပါ။ ဈေးကြီးတာ၊မကြီးတာထက် ကိုယ်နဲ့လိုက်ဖက်တာကို ရွေးတတ်တာကအများကြီးပိုတာ/သာသွားတာကိုတွေ့ရတယ်။

ဒေါသမထွက်ဖို့သတိထားတာကောင်းတယ်။ ဒေါသထွက်တာနဲ့ အရက်အလွန်အကျွံသောက်တာနှစ်ခုက ဆဲလ်ပျက်ဆီးနှုန်းများတယ်လို့ထင်တယ်။ ဒေါသထွက်တာရုပ်ဆိုးစေသလို၊ မေတ္တာဘာဝနာနဲ့နေရင် ကြည်လင်နှစ်လိုစရာကောင်းတာပါပဲ။ လူများကို ဒေါသမထွက်တာကောင်းတယ်။ ကိုယ့်ကို အကျည်းတန်စေမယ့်ကိစ္စတွေမလုပ်နဲ့။ စိတ်ဖိစီးမှုတွေသိပ်များစေနဲ့။ နည်းနည်းလောက်ဖြစ်လာရင် လျှော့ချ။ စိတ်ပြေလက်ပျောက်ဖြစ်စေမယ့် ပျော်ရွှင်စရာ အလုပ်လေး၊ဝါသနာလေးတွေထားတာကောင်းတယ်။ ကျန်းမာရေးအတွက်ပြေးတာ၊လေ့ကျင့်ခန်းလုပ်တာတွေဟာ စိတ်ဖိစီးမှုကိုလည်း အထိုက်အလျောက်သက်သာစေတာပါပဲ။ အချိန်ရရင် ယောဂသင်တန်းတို့ဘာတို့တက်စေချင်တယ်။ လှပပြီး ကျန်းမာစေတယ်။

ဘလော့ခ်မှာအလှအပအကြောင်းတွေ တစ်ခါမှ မရေးလို့ နည်းနည်းထူးဆန်းကောင်းထူးဆန်းနေနိုင်တယ်။ လှတာကိုသဘောကျပါတယ်။ ချောတာနဲ့လှတာဟာမတူဘူး။ ချောတာက ပင်ကိုယ်နဲ့ဆိုင်ပြီး လှတာက ပြုပြင်ယူလို့ရတယ်လို့ထင်ပါတယ်။ ချောတာဟာ အသက်အရွယ်နဲ့ဆိုင်ပြီး လှတာကတော့ တစ်သက်လုံး အရွယ်အလိုက် အလှအပဖြစ်စေတယ်လို့ထင်ပါတယ်။

ရထားပေါ်မှာ မလိုက်ဖက်တဲ့ပြင်ဆင်မှုတွေနဲ့ မိန်းမချောလေးတွေတွေ့ရင် ကိုယ့်ရုပ်ကိုယ်ဆိုးအောင်လုပ်နေတယ်လို့ထင်တယ်။ ပြင်တာဆင်တာမှာလည်း များသွားရင်းချွန်းသွားတတ်ပုံရတယ်။ မြန်မာမင်းသမီးတွေဆိုရင်ကြည့်၊ တက်သစ်စမှာ ဘယ်သူမှမလှသလာက်ဘဲ။ တဖြည်းဖြည်း လိုက်ဖက်ညီတဲ့ အပြင်အဆင်တွေနဲ့ဖြစ်လာတဲ့အခါမှ အလှအပဟာပေါ်လွင်လာတာပဲ။ အဲဒီတော့ ကိုယ်နဲ့လိုက်ဖက်တာကို ရွေးချယ်တတ်ဖို့နဲ့စိတ်ရှည်ဖို့က သိပ်အရေးကြီးတယ်။

ကျန်းမာတာဟာ လှတယ်။ ချောပေမယ့် ချူချာရင်မလှဘူး။ အသိဥာဏ်ဟာလည်း လှတယ်။ ချောပြီး အသိဥာဏ်နည်းရင် ချောပေါဖြစ်ကုန်တယ်။ မလှဘူး။ ချောတိုင်းလည်းမလှနိုင်ဘူး။ မချောပေမယ့် လှနိုင်တယ်။ ကိုယ့်ရဲ့ ကိုယ်ခန္ဓာအစိတ်အပိုင်း၊ ရုပ်ရည်နဲ့ပတ်သက်ပြီး မကျေမနပ် ဘယ်တော့မှမဖြစ်နဲ့။ ပင်ကိုယ်အတိုင်းကိုက အလှအပဆိုတာရှိတယ်။ ဘယ်သူ့မှာမဆိုရှိတယ်။ ကိုယ့်မှာရှိတဲ့အလှတရားကို သိအောင်ကြိုးစားကြဖို့ပဲလိုတယ်လို့ထင်တယ်။

စိတ်ထားကောင်းတာလည်း သိပ်လှတယ်။ စိတ်ထားကောင်းတဲ့သူဟာ မင်္ဂလာရှိတဲ့သူပဲ။ စိတ်ထားကောင်းတဲ့သူဟာပြုံးဖို့လွယ်တယ်။ ပြုံးနေတဲ့သူဟာ လှတာပါပဲ။ မျက်နှာပေါ်မှာ အရေးအကြောင်းနည်းဖို့က ပြုံးပြုံးလေးနေမှပဲဖြစ်နိုင်တယ်။

အလှကုန်ပစ္စည်းတွေသုံးရင်လည်း set တစ်ခုလုံးသုံးတတ်အောင်လုပ်သင့်တယ်။ တစ်ခုချင်းသုံးတာထက် သုံးသင့်တာတွေကို တစ်ဆင့်ချင်း သုံးသင့်တယ်။ ညဘက်လိမ်းတဲ့ ခရမ်ဆိုရင်လည်း လိုအပ်ရင်လိမ်းသင့်တယ်။ အိပ်နေတုန်း အလှပြင်ပြီးသားဖြစ်စေတာကောင်းတာပဲ။

သွားလေးတွေ ဖြူစင်လှပနေတာလည်း လှတာပါပဲ။ မျက်လုံးတွေကြည်လင်နေရင်လည်းလှတာပါပဲ။ မျက်တောင်ကို ဆေးမည်းကြီးသုတ်ပြီး ကော့ညွတ်ရှည်သွယ်သယောင်ပြုမှ လှတာမဟုတ်ပါဘူး။ သဘာဝကလည်း လှပါတယ်။ ပြင်တာဆင်တာကိုတော့ အချိန်အခါနဲ့လိုက်ဖက်အောင်လုပ်ပေါ့။ အမြဲတမ်းကြီးပြင်ထားတော့လည်း ရိုးသွားတယ်။ တစ်ခါတစ်လေလောက်ပဲပြင်တာဟာ ပိုပြီးအမြင်ဆန်းပြီးလှပတယ်။ အလှကုန်ပစ္စည်းဆိုတာလည်း သုံးပြီးရင်း စနစ်တကျဖယ်ရှားပစ်ဖို့အချိန်ပေးရတယ်။ မပေးရင်တော့ အသားအရည်ပျက်ဆီးဖို့ဖြစ်နိုင်တယ်။ လက်သည်းဆိုးဆေးတွေသေချာမချွတ်ရင် လက်သည်းမကောင်းတော့တာတွေဖြစ်နိုင်တယ်။ ဆံပင်ဆေးဆိုးလွန်းရင်လည်း ဆံပင်ပျက်ဆီးတာဖြစ်နိုင်တယ်။ လှဖို့လုပ်ပါတယ်ဆိုမှ ပျက်ဆီးကုန်ရင်တော့ မဖြစ်သေးဘူး။ လှလည်းလှရမယ်၊ အလှတရားရဲ့ရမ်သမ်ကိုလည်း မပျက်စေရဘူး။ ပြေပြစ်ညီညွတ်သောအလှဖြစ်အောင်လည်း ကြိုးစားရမယ်။

အသီးအရွက်စားသုံးသူတွေဟာ သားကြီးငါးကြီးစားတဲ့သူတွေထက် ကိုယ်နံ့လည်းပိုသင်းတယ်။ ပိုလည်းဝင်းပတယ်။ အသီးအရွက်ကိုများများစားပေးနိုင်ရင်လည်းကောင်းပါတယ်။ လတ်ဆတ်တာတွေများများစားတဲ့အကျင့်လုပ်တာကောင်းတယ်။ အစာကြေလောက်တဲ့အစာတွေပဲစားတတ်အောင်၊လိုတာထက်ပိုမစားမိအောင်နေတာဟာ လှဖို့အတွက်လိုအပ်တာတွေပါပဲ။ ဘယ်အစားအစာက ကိုယ်နဲ့တည့်သလဲ၊ ကိုယ့်အသားအရည်အတွက် ဘယ်ဟာကကောင်းမလဲဆိုတာတွေကိုလည်း သိအောင်လုပ်ပါ။ အရောင်စုံအောင်စားတတ်အောင်လည်းကြိုးစားသင့်တယ်။

လူလှသလို အပြောအဆို၊အနေအထိုင်လေးကလည်း စမတ်ကျကျဖြစ်ဖို့လည်း လေ့လာပါ။ လူချည်းလှနေလို့မဖြစ်ဘူး။ စကားပြောတဲ့အခါလည်း လှလှပပဖြစ်နေအောင်လုပ်ရမယ်။ စမတ်ကျကျပြောတတ်တဲ့သူ၊ အစားအသောက်စားလည်း စမတ်ကျကျလှလှပပစားတတ်တဲ့သူဖြစ်အောင်လုပ်ရမယ်။ ပြုံးတာရယ်တာကအစလှလှလေးဖြစ်အောင်၊ခွက်ထိုးခွက်လှန်တွေကို နည်းနည်းချင်းလျှော့ရမယ်။ ဟန်ဆောင်ရမယ်လို့ဆိုလိုတာမဟုတ်ဘူး။ အခြေအနေအရလိုက်ဖက်ညီတဲ့ အပြုအမူအပြောအဆိုဖြစ်တာလှတယ်လို့ဆိုလိုတယ်။ သူငယ်ချင်းတွေနဲ့ပြောနေဆိုနေရယ်နေပြောနေသလို နေရာတကာမှာ နေလို့ရချင်မှရမယ်။ ဒါကိုသတိထားရမယ်။

ပြင်တာဆင်တာကို ကိုယ့်အရွယ်နဲ့ကိုယ် လိုက်ဖက်အောင်ပြင်တာအကောင်းဆုံးပဲ။ သိပ်လည်းမငယ်ချင်နဲ့။ သိပ်လည်းမကြီးချင်နဲ့။ အရှိအတိုင်းသင့်တော်အောင်ပြင်တာအကောင်းဆုံး။ စင်ကာပူမှာ အဘွားကြီးတွေ လွှတ်ဂေါ်ပေမယ့် လက်မောင်းတွေ လေလျော့နေတော့ရယ်စရာဖြစ်နေတယ်။ သူ့အရွယ်နဲ့သူပြင်ဆင်ရင် ဘယ်တော့မှ ရယ်စရာမဖြစ်ဘူး။ ကျက်သရေရှိတဲ့ အလှတရားဖြစ်တယ်။

ဝတ်တာစားတာကို ကိုယ့်အလုပ်နဲ့လိုက်ဖက်အောင်ဝတ်ဆင်တာကောင်းတယ်။ စိတ်ပေါ့ပါးစေတာမျိုး အဆင့်အတန်းရှိတာမျိုးကိုဝတ်စေချင်တယ်။ သိပ်အပေါစားဆန်လွန်းတာမျိုးကို မဝတ်စေချင်ဘူး။ ကိုယ့်အလုပ်နဲ့၊ကိုယ့်ဂုဏ်အဆင့်အတန်းနဲ့လိုက်ဖက်ညီထွေရှိဖို့သတိထားဝတ်ဆင်သင့်တယ်။ ဒီလိုပြောတာဟာလည်းအကြောင်းရှိပါတယ်။ အဝတ်အစားပေါ်မူတည်ပြီး အထင်သေးတတ်၊အထင်ကြီးတတ်တဲ့သူတွေအများကြီးရှိတတ်တာကြောင့် လိုက်ဖက်ညီတဲ့ အဝတ်အစားဝတ်ဖို့ပြောရတာပါ။ကြွားဖို့ဝါဖို့မဟုတ်ပါဘူး။ လူအထင်သေးမခံရအောင်နဲ့ ကိုယ့်ရဲ့ professional ပီသတဲ့ဝတ်စားဆင်ယင်မှုနဲ့လှပစေဖို့ပါပဲ။

weekends တွေမှာတော့ ပေါ့ပေါ့ပါးပါးပဲဝတ်ပါ။ ကိုယ်ပိုင်အချိ်န်မှာတော့ သိပ်ပြီး စမတ်ကျနေစရာမလိုဘူးလို့ထင်ပါတယ်။ သက်သာချောင်ချိပြီးစိတ်လက်ပေါ့ပါးစေတာပဲဝတ်ပါ။ အဲဒါကိုလာပြီးအထင်သေးနေရင်လည်းကိစ္စမရှိဘူးလို့မှတ်ပါ။

ရွယ်တူသူငယ်ချင်းတွေနဲ့စကားစမြည်ပြောပါ။ခရီးလေးဘာလေးထွက်ပါ။ စိတ်ချမ်းသာရင် လှပတာပါပဲ။ စိတ်ဆင်းရဲနေရင်တော့မလှပါဘူး။ စိတ်ဖိစီးနေရင်လည်းမလှတော့ပါဘူး။ အသက်ကြီးလာလို့ဖြစ်လာတဲ့ ယိုယွင်းမှုတွေကိုလည်း လက်ခံပါ။ လှအောင်ပြုပြင်နိုင်တာပြုပြင်ပါ။စိတ်တော့မဆင်းရဲပါနဲ့။ မနုပျိုပေမယ့် ရင့်ကျက်တဲ့အလှဖြစ်လာတာပါ။ အိုသွားတာမဟုတ်ဘူး။ ရင့်ကျက်တည်ငြိမ်လာတာပါ။

ကိစ္စနည်းအောင်နေပါ။ အလုပ်သိပ်ရှုပ်လွန်းနေရင် လှလှပပဖြစ်အောင်နေဖို့အချိန်မရဘဲဖြစ်နိုင်တယ်။ ကိုယ်နေတဲ့ နေရာကိုလည်း လှအောင် သန့်အောင်ထားပါ။ ပတ်ဝန်းကျင်ကရှုပ်ရင်စိတ်ရှုပ်ရပါတယ်။ ညစ်ပတ်တဲ့၊မသန့်ရှင်းတဲ့၊ လှောင်ပိတ်တဲ့နေရာမှာနေရရင်လှဖို့ခက်ပါတယ်။

လှအောင်နေတတ်သူဖြစ်ကြပါစေ။

Regards,
The Gardener

Peace B with U.

တနင်လာ၊ တနင်းလာ၊ တနင်/နင်းလာ။

တနင်လာ။
တနင်းလာ။
တနင်/နင်းလာ။

ရာသီဥတုပူသည်။
ဗိုက်ဆာသည်။
အိပ်ငိုက်သည်။
အလုပ်များသည်။

ကိုယ်တစ်ယောက်တည်း ဒီလိုဖြစ်နေတာမဟုတ်ဟု နည်းနည်းလေးစဉ်းစားလိုက်လျှင် အီမိုချင်စိတ်များ အနည်းငယ်လျော့ကျသွားနိုင်မည်ဟုထင်သည်။

ဖရဲသီးသည်လေးတစ်ယောက် မိုးရွာသောနေ့တစ်နေ့၊ ဖေ့စ်ဘွတ်ခ်ဝေါပေါ်တွင် "မိုးတိတ်ရင်ကောင်းမယ်။မဟုတ်ရင် ငါအရင်းပြုတ်ပြီ။" ဆိုတဲ့ status တစ်ခု အပ်ဒိတ်လုပ်ဖို့လိုသည်ဟုထင်သည်။ What's on your mind? Suicide လုပ်ခါနီးလူတစ်ယောက်အနေနှင့်လည်း ပြင်ဆင်ပုံအဆင့်ဆင့်ကို tweet လုပ်သွားသင့်သည်။ လောကကြီးသည် လူတိုင်းအတွက် မလွယ်ကူပါ။ သင်တစ်ယောက်တည်း ကံဆိုးနေသည်မမှတ်ပါနှင့်။ သင့်ထက်ဆိုးသူတွေတစ်ပုံကြီး။

ကမ္ဘောဇဘဏ်တွင် ငါးကျပ်မှစုမထားပါ။
ထို့ကြောင့်အပြုံးမပျက်ဟုဆိုသည်။ အခိုင်မာဆုံးဘဏ်နှစ်ခုမှာ ၁။ ဗဟိုဘဏ်နှင့်။ ၂။ မြဝတီဘဏ်ဖြစ်သည်။ ဗဟိုဘဏ်မွဲလျှင် အားလုံးမွဲမည်။ မြဝတီဘဏ်မွဲလျှင် စစ်သားများလခရမည်မဟုတ်။ ထိုမျှရှင်းသည်။ simple as that. ဘယ်ဘဏ်အခိုင်ဆုံးလဲဟူသောမေးခွန်းအတွက်အဖြေဖြစ်သည်။ ယောက်ခမဆီမှ အကြံယူ၍ဖြေခြင်းဖြစ်သည်ဟုမှတ်ပါ။

ပိုက်ဆံအထုတ်များရင် ဘာဖြစ်မလဲဆိုသောမေးခွန်းမှာကောင်းသည်။ အဖြေမှာလည်းလွယ်ပုံရသည်။ တွေ့ကရာလျှောက်ဝယ်လိုက်ရင်း မြေဈေးတွေတက်ချင်လည်းတက်သွားမည်ထင်သည်။ တခြားဘဏ်များအတွက်တော့သတင်းကောင်းဖြစ်ချင်လည်းဖြစ်မည်။ ကမ်ဘောဇသည် နာမည်အားဖြင့်မတင့်တယ်။ ထို့ကြောင့် နေ့စဉ် ဗဟိုဘဏ်မှငွေထုတ်နေရသည်။ ဆန်းမကောင်း၍ဖြစ်မည်ဟုထင်သည်။ အမည်တွင် မဖွယ်ရာသောစကားလုံးပါနေ၍ပေလောဟုထင်မိသည်။ ဘောဂဗေဒဘာသာရပ်ကို ဆယ်တန်းတွင် အတန်ငယ်သင်ယူဖူးသည်။ ပစ္စည်းဥစ္စာပြည့်စုံလာသူတို့သည် မိမိတို့၏ နာမည်သတင်းကျော်ဇောမှုအတွက် ဘဏ်လုပ်ငန်းကိုလုပ်ကိုင်ကြသည်ဆိုလား ဖတ်ခဲ့ရသည်။ မှားနေလျှင်လည်းဖတ်စာအုပ်၏ အပြစ်သာဖြစ်သည်။ ဗဟိုဘဏ်လူထွက်များဖြင့် သိုင်းဝန်းထားသော အခိုင်မာဆုံး resourceရှိသည့်ဘဏ်မှာ ကမ်ဘောဇဘဏ်ဖြစ်သည်။ ကိုယ်ပိုင်လေယာဉ်ဖြင့် ဘဏ်ခွဲများကို ငွေပို့နိုင်သောတစ်ခုတည်းသော ဘဏ်လည်းဖြစ်သည်။ သို့သော် မြန်မာပြည်သည် မြန်မာပြည်ဖြစ်သည်။ ကောလဟာလသည် အရသာရှိသည်။ အချိန်ကိုက်ဖန်တီးသောကောလဟာလမှာထိရောက်သည်။ ဟိုတစ်ခေါက်က ကျန်ဘဏ်တစ်ချို့ပေါင်းပြီး ကမ်ဘောဇကို ဝိုင်းကိုက်လိုက်ကြဖူးသည်။ ဘိုးတော်အေး၏ စောင်မကယ်တင်မှုဖြင့် အခြေအနေငြိမ်သက်ခဲ့ဖူးသည်။

ကမ်ဘောဇသည် ဒေါ်လာအကောင့်အတွက် initiate လုပ်ပြီး ဒေါ်လာစုခဲ့သော အဦးဆုံးဘဏ်ဖြစ်သည်။ ဗဟိုဘဏ်မှ ငှက်ကထ ဟောင်း၏ အစီအမံကောင်းဖြစ်သည်။ ဝယ်စုသော ဒေါ်လာများထဲမှ အပယ်များကို အရှုံးခံပြီးရောင်းပြလိုက်သေးသည်မှာလည်း အတော်ကြည့်ကောင်းသောဇာတ်လမ်းဖြစ်သည်။ မနှစ်ကရုံတင်ခဲ့သော ဇာတ်ကားဖြစ်သည်။ international account  အတွက် စွမ်းစွမ်း၁မံ၊ စွမ်း၂မံ၁ ကြိုးပမ်းခဲ့သူများဖြစ်သည်။ ရာဇဝင်ထဲမှာ ဘောကိုထားခဲ့ရမလိုဖြစ်ချေတော့မည်။

ဘောလုံးအသင်းတစ်သင်းကို ပိုင်ဆိုင်သော ဘဏ်ဖြစ်သည်။ တတိယမြောက်ပျက် အဖြစ်အထည်ကြီးစာရင်းဝင်မည့် ဘဏ်လည်းဖြစ်ကောင်းဖြစ်သွားနိုင်သည်။ အချိန်မီ တစ်ဒေါ်လာ မြန်မာကျပ် ၁၂၀၀ ဖြစ်အောင်လုပ်သင့်သည်ဟု မြင်သည်။ ဒါမှ အဆင်းမှာဘီးလေးနဲ့တင့်တယ်မည်ဖြစ်သည်။

ဗဟိုဘဏ်အနေဖြင့်လည်း နာဂစ်စုဗူးခွဲပြီး ကူညီကောင်းကူညီမည်ဟု ကျနော်ထင်သည်။ ကျနော်ထင်လျှင် လွဲတာများသည်။ သို့သော် ဗဟိုဘဏ်နှင့် ကမ်ဘောဇချစ်ကြည်ရေးကို ကြိုဆိုမိသည်။ ဘဏ်ခွဲများအတွက် ငွေများကို နေ့စဉ်ထုတ်ထုတ်နေရ၍ ကမ်ဘောဇမှဝန်ထမ်းများရော ဗဟိုဘဏ်မှဝန်ထမ်းများပါ အချိန်ပိုလုပ်ရသည်။ အရပ်လေးမျက်နှာမှ လူများကို ထမင်းဝေသောကြောင့် အနာထပိဏ်ဟု ချစ်စနိုးခေါ်တွင်သည့်ပမာ အရပ်လေးမျက်နှာမှ ငွေစုထားသူများကို ပြန်ထုတ်ပေးခြင်းကြောင့် ကမ်ဘောဇဟုခေါ်တွင်သည်ဟု ဆိုရမလိုဖြစ်သည်။ အာရှဓားပြဘဏ်တို့ဘာတို့တုန်းကလည်း ဒီလိုပဲကိုယ့်ပိုက်ဆံကိုယ်ရသလောက်တန်းစီယူခဲ့ရတဲ့မြန်မာပြည်သူလူထုအနေနဲ့ စိတ်ချလက်ချစုထားနိုင်ပါတယ်ဆိုတဲ့ ဗဟိုဘဏ်ရဲ့စကားကို ဘယ်လောက်စိတ်ချရမလဲ၊ ပြန်မပေးတော့ရင် ဗဟိုဘဏ်ကပေးမလားသိချင်ပုံရပါသည်။ တခြားနိုင်ငံများတွင်ဘယ်သို့ဆောင်ရွက်ကြသလဲမသိပါ။ စင်ကာပူရတွင်တော့ ဘဏ်လုပ်ငန်းလုပ်သူများအနေဖြင့် လှည့်ပတ်သုံးစွဲငွေပေါ်မူတည်ပြီး ဗဟိုဘဏ်တွင် အပေါင်ထားရပါသည်။ ထို့ကြောင့်ဘဏ်ပြုတ်လျှင်အစိုးရဘဏ်မှ အပေါင်ထားသောငွေများကို ငွေစုသူများထံသို့ပြန်ပေးရပါသည်။ သို့သော် ထိုအရာသည်ဥပဒေသသာဖြစ်သည်ဟုထင်ပါသည်။ ဥပဒေပေါ်တက်ထိုင်နိုင်သူများအတွက်တော့ ဥပဒေသည်လိုရာသုံးဖြစ်ပါသည်။ ခိုင်မာသော ပေါ်လစီမှာ ငွေများယုံ၂ကြည်၂ ဆက်လက်စုဆောင်းနိုင်ပါသည်ထက်ပိုကောင်းမည်ဟုထင်ပါသည်။

ကမ်ဘောဇဘဏ်အနေဖြင့် ဖေဖော်ဝါရီလတွင် ဝန်ထမ်းများကို ဗုဒ်ဓဂါယာသို့ ဘုရားဖူးပို့ပေးဦးမည်ဟုမျှော်လင့်ပါသည်။ ဘောနပ်စ်သုံးလစာပေးနိုင်ဦးမည်ဟုလည်း ထင်နေမိပါသေးသည်။ သန့်စင်သော ငွေဖြင့် ရပ်တည်နေသူများသည် ငါးပြားမှ မလျော့ပါးဟုလည်း ဒေသနာတော်တွင် လာပါသည်။ မျက်စိ အမှောင်ဖုံးနေသော မြန်မာပြည်သူလူထုအတွက် မီဒီယာအင်အားအလုံးအရင်းဖြင့်သော်လည်းကောင်း ဘောမပါသော နာမည်ပြောင်းခြင်းဖြင့် ဆန်းကျမ်းလာသဘောအတိုင်း မင်္ဂလာပြုခြင်းဖြင့်သော်လည်းကောင်း အောင်မြင်မှုများဆတိုးမြင့်မားနေဦးမည်ဟုလည်းကျနော်ထင်မိပါသည်။ ကျနော်ထင်လျှင် လွဲတာများသည်။

 ကျနော့်ဆရာတစ်ယောက်ပြောဖူးသည့် ငှက်ပျောပင်ဥပဒေသဆိုတာရှိသည်။ ငှက်ပျောပင်ပေါက်များရှင်သန်ကြီးထွားရန် ပင်မကြီးကိုသာခုတ်ပစ်ရသည်။ အကြီးများပြိုလဲမှ အသေးများ စည်ပင်ဝေဆာနိုင်မည်ဟုဆိုသည်။ စီးပွားရေးလောကသည် ထိုသဘောရှိသည်။ သို့သော်မြန်မာပြည်တွင် လူဝင်စားပေါသလိုဘဏ်ဝင်စားလည်းပေါပုံရသည်။ အာရှဓားပြမှ မြန်မာ့ရှေ့ဆောင်ဖြစ်လာသည်မှာ အင်မတန်လှပသော လူဝင်စားဥပဒေသဖြစ်သည်။ ကမ်မ-ဇဆိုသည့် ဘဏ်သစ်တစ်ခုမထွက်ပေါ်လာဘူးလို့မည်သူပြောနိုင်ပါမည်နည်း။ သိန်းခြောက်ထောင်သည် ဘဏ်များအတွက် သိပ်များသောပမာဏမဟုတ်ပါ။ အတုဖြစ်စေ၊အစစ်ဖြစ်စေ သုံးလို့ရလျှင် ပြဿနာမရှိဟုသာထင်သည်။ မိတ်ဆွေရော ဘယ်လိုသဘောရပါသနည်း။       ။

Regards,
Z

Peace B with U.