တကယ့်ဘ၀
And in the end, it's not the years in your life that count. It's the life in your years. (Abraham Lincoln)
Lincoln ပြောသွားတဲ့စကားတစ်ခွန်းကို အခုမှတော်တော်လေးနားလည်လာတယ်။ နောက်ဆုံးတော့ ဘ၀မှာ ဘယ်နှစ်နှစ်နေရတယ်ဆိုတာထက် နေလိုက်ရတဲ့နှစ်တွေထဲမှာ တစ်ကယ့်ကိုယ့်ဘ၀ ဘယ်လောက်ရှိလိုက်လဲဆိုတာက ပိုပြီးအရေးပါတယ်တဲ့။
ကျွန်တော်တို့ရဲ့နှစ်တွေမှာ ဘ၀ဘယ်လောက်ပါလဲပြန်တွေးကြည့်မိတယ်။
မိဘတွေအတွက်၊ သူငယ်ချင်းတွေအတွက်၊ ရည်းစားအတွက်၊ မိသားစုအတွက် နေထိုင်နေရင်း ကိုယ့်ဘ၀ပျောက်နေတဲ့သူတွေလည်းရှိမယ်။ မိသားစုတာဝန်ကို ရွက်ထားတဲ့ လူကြီးလူကောင်းတွေခမျာလည်း ကိုယ့်အတွက်ကိုယ်မစဉ်းစားနိုင်တော့တဲ့ဘ၀တစ်ခုရလာကြတယ်။
ကျွန်တော်ထင်တယ်။ လူတွေက ၀င်ကစွပ်နဲ့ပိုတူလာတယ်။ အခုခေတ်မှာ လူတိုင်းဟာ ကိုယ်နဲ့အဆင်ပြေတဲ့နေရာမှာ ကိုယ့်အသက်မွေးဝမ်းကြောင်းနဲ့အဆင်ပြေလိုက်လျောညီထွေဖြစ်တဲ့ အခွံတစ်ခုကို ကောက်တပ်လိုက်တာပဲ။ သိပ်လည်း ကြေး(ဂျီး)မများတော့ဘူး။ အဆင်ပြေနေရင်တော်ပြီ။ ဘ၀ကြီးကို မှားစီးမိတဲ့ကားလို နေရာရလည်းမပျော်ဘူး။ အလကားပေးစီးမယ်ဆိုလည်းမပျော်ဘူးဖြစ်လာတယ်။
ငယ်တုန်းကတော့ သူငယ်ချင်းတွေနဲ့ လက်ဖက်ရည်ဆိုင်ထိုင်လည်းပျော်၊ သီချင်းအော်ဆိုလည်းပျော်၊ ကိုယ့်ဘ၀ကိုယ်နေရသလိုခံစားရတော့ပိုပျော်ရတယ်။ အခုတော့ ပျော်တတ်တဲ့သဘာဝဟာ မာကြောအေးခဲလာတဲ့ ဥခွံတစ်ခုဖြစ်လာတယ်။ တော်ရုံတန်ရုံမပျော်ဘူး။ တော်ရုံတန်ရုံဝမ်းမနည်းဘူးဖြစ်လာတယ်။ တရားနဲ့ဖြေတတ်လို့မဟုတ်ဘဲ ထုံပေပေဖြစ်လာတဲ့သဘောနဲ့ပိုတူတယ်။ ကြွေးများတော့မပူ၊ သန်းထူတော့မယား(ယံ)တော့သလိုဖြစ်လာတယ်။
ကိုယ့်ဘ၀နဲ့ကိုယ်နေမယ်ဆိုရင် သတ္တိတော့ အတော်လေးရှိဖုို့လိုတယ်။
ကိုယ့်ခြေထောက်ပေါ်ကိုယ်ရပ်မယ်ဆိုရင် ပထမဆုံး ကိုယ့်ခြေထောက်ကိုယ် စမ်းကြည့်သင့်တယ်။
မပျော်တာက တော်တော်ကြောက်စရာကောင်းတဲ့ရောဂါဖြစ်တယ်။
လူတိုင်းမှာ အကုသိုလ်မဖြစ်တဲ့ပျော်ရွှင်မှုများများမရှိရင် Depression ဖြစ်နိုင်တယ်။
ပြင်ပက တစ်ခုခုလိုအပ်တဲ့သူဟာ ပိုပြီး Depression ဖြစ်နိုင်တယ်။
ကိုယ်စိတ်ချမ်းသာဖို့ ပြင်ပအကူအညီမလိုတဲ့သူတွေပဲ မိတ်ဆွေကောင်းဖြစ်နိုင်တယ်။ အကူအညီလိုမှ သတိရတဲ့ မိတ်ဆွေတွေကိုလည်း တွေ့ရတယ်။ အသက်ကြီးလာတာနဲ့အမျှလူတွေအမျိုးမျိုးနဲ့ကြုံရတယ်။
ဓမ္မပဒ မှာပါတဲ့ အနာလိုမိတ်ဆွေတွေလည်းရှိတယ်။ ဆေးပင်လိုမိတ်ဆွေတွေလည်းရှိတယ်။ အနာဆိုတာ ကိုယ့်အနားမှာလည်းရှိတယ်။ ကောင်းကျိုးချမ်းသာမပေးဘူး။ ဒုက္ခပဲပေးနေတတ်တဲ့သူမျိုးက အနာလိုမိတ်ဆွေ။ အဝေးမှာရှိပြီး ရောဂါသက်သာပျောက်ကင်းစေသလို ကိုယ့်စိတ်ကို ချမ်းသာစေတဲ့ဆေးပင်လိုမိတ်ဆွေတွေလည်းရှိတယ်။ အပြင်ကမိတ်ဆွေတွေနဲ့ အမြဲအတူမရှိနိုင်ပေမယ့် အနီးဆုံးမိတ်ဆွေတစ်ယောက်တော့ရှိနေနိုင်တယ်။ အဲဒါဟာ ကိုယ့်ရဲ့စိတ်ပါပဲ။
ကိုယ့်ရဲ့စိတ်ဟာ မိတ်ဆွေဖြစ်နေရင် အတော်လေးစိတ်ကျန်းမာနိုင်ပါတယ်။ ကိုယ့်ဘ၀ကိုကိုယ်နေရသလိုခံစားရပါတယ်။ မဟုတ်ရင်တော့ ဘ၀ဟာ ၀င်ကစွပ်လို မနေချင်တဲ့အခွံအကာတစ်ခုကို မတတ်သာလို့ဝင်နေရသလိုခံစားရနိုင်ပါတယ်။
ပါဠိမှာ ဥပါဒ်၊ ဠီ ဘင် ဆိုပြီး သုံးလေ့ရှိပါတယ်။
ဖြစ်တည်ပျက် ဆိုပြီးမြန်မာလိုလည်းပြောကြပါတယ်။
တည်နေတဲ့ အခိုက်အတန့်လေးဟာ ဖြစ်၊ပျက် ကြားက သိပ်ကိုတိုတောင်းတဲ့အခိုက်အတန့်လေးပါပဲ။ ကျွန်တော်တို့တွေဟာ အဲဒီ တည် ဆိုတဲ့စက္ကန့်လေးတွေကို မောဟနဲ့ဆက်လိုက်ပြီး လူဖြစ်ကျိုးနပ်နေတဲ့ ပြုတ်မနူးတွေဖြစ်ကောင်းဖြစ်နိုင်ပါတယ်။
ဒါပေမယ့် ကိုယ်ရလိုက်တဲ့ အချိန်လေးမှာ ကိုယ့်ဘ၀အစစ်အမှန်တစ်ခုကို ကြိုးစားတည်ဆောက်သွားသူတွေတော့ ဖြစ်သင့်တယ်မဟုတ်လား။ ။
Regards,
The Gardener
Peace B with U.
