ကုသိုလ်ကို ကုသိုလ်နဲ့ဆက်ကြစို့။
မြန်မာပြည်မှာနေတုန်းက ဓမ္မဒူတဆရာတော်ကြီးရဲ့တပည့်ရဟန်းတွေကြည့်ပြီး ဆရာတော်ကြီးရဲ့စိတ်ထားကိုမှန်းဆနိုင်တယ်။ ဆရာတော်ကြီးရဲ့မြေးတပည့် ဓမ္မဒူတ မောင်မယ်တွေကိုကြည့်ပြီး၊ ဆရာတော်တွေရဲ့စိတ်ကောင်းကူးစက်တာကို တွေ့ရတယ်။ ကောင်းတဲ့သူတွေ၊ စိတ်အခံကောင်းတဲ့သူတွေဟာ ကုသိုလ်ကို လုလုပ်နေကြတယ်။ ကျွန်တော်တို့မြန်မာတွေက ကုသိုလ်ကိုတန်ဖိုးထားကြတယ်။ ဒါဟာ ကျွန်တော်တို့ရဲ့ယဉ်ကျေးမှုတန်ဖိုးတစ်ရပ်ပဲ။ လူတစ်ယောက် ဘယ်လောက်ပဲဆင်းရဲပါစေ သူလုပ်နိုင်တဲ့ကုသိုလ်တော့ရှိတယ်။ သူ့မှာ တန်ဖိုးထားပြီးလုပ်လို့ရတဲ့ကုသိုလ်လုပ်ငန်းတွေရှိတယ်။
မဟာဗောဓိမြိုင်ဆရာတော်ရဲ့တရားတစ်ပုဒ်မှာ ဦးဖိုးထွန်း ဥပမာဆိုတာပါတယ်။ ဦးဖိုးထွန်းကမွဲတယ်။ လယ်လုပ်စားရတယ်။ များများလည်းမလှူနိုင်ဘူး။ သူ့လယ်ကဆန်ရရင် သွားလှူတာမျိုးလောက်ပဲ။ တစ်ရွာတည်းနေတဲ့ ချမ်းသာတဲ့ မုဆိုးမအမယ်အိုကြီးကတော့ အပတ်တိုင်းကို လှူတာပဲ။ ဒါပေမယ့် ဦးဖိုးထွန်းကြီးက ဥပုသ်စောင့်တယ်။ အားတဲ့ရက်မှာ သစ်စေ့တွေယူပြီး တစ်နေ့ကုန် သစ်ပင်စိုက်တယ်။ ကုသိုလ်ယူတယ်။ မုဆိုးမအမယ်အိုကြီးက တစ်နေ့မှာနေမကောင်းဖြစ်ပြီးမျောတဲ့အခါ နတ်ရထားရောက်လာတယ်။ MRT လိုကြပ်ညပ်မနေဘူး။ Circle line ဖွင့်ခါစလို ချောင်ချောင်ချိချိလေး။ အမယ်ကြီးက မသေသေးဘူး။ ဘုံဗိမာန်တွေတော့ နတ်ပြည်မှာ ပေါက်နေပြီ။ အမည်ပေါက်ဖြစ်နေပြီ။ ရီနိုဗေးရှင်းတောင်လုပ်ပြီးနေပြီ။ နတ်သမီး စကထရီလေးက လိုက်ရှင်းပြတယ်။ ဒါတွေက ကုသိုလ်ရှယ်ရာတွေနဲ့ဝယ်ပြီးသား အိုးအိမ်ခြံမြေတွေပါ။ မကြာမီ ပိုင်ဆိုင်ခွင့်ရတော့မှာပါ။ အမယ်အိုကြီးမှာပျော်လိုက်တာ၊ဝမ်းသာလိုက်တာ။ ကုသိုလ်လုပ်ထားတာ ဆတိုးရတာပဲ။ တိုတိုမထိုးဘဲ လှူလိုက်တာက ပြန်ရဖို့ပိုသေချာတယ် စသဖြင့်တွေ ပါးစပ်ကလည်းတတွတ်တွတ်ပြောပြီး၊ ပျော်လွန်းလို့ဆိုပြီး ရှက်ခီရာရဲ့ ဝါကာဝါကာတွေဘာတွေဆိုပြီး ကပစ်လိုက်သေးတယ်။ အဲဒီလို ပန်ဂိုး ရေးရေး ... ပန်ဂိုးရေးရေ့ဆိုပြီး ခုန်ပေါက်ကသွားရင်း ဘေးနားက ရှယ်အိမ်ကြီးရှေ့ကိုရောက်သွားတော့ ရှယ်အိမ်ကြီးက သူ့အိမ်ကြီးထက် မာထီပလိုင်းဘိုင် six ကောင်းစားနေတယ်။ ဟေ့နတ်ငယ်မ၊ ဘေးနားက ဗိုလ်ချုပ်ရပ်ကွက်က အိမ်ကြီး ဟီးနေတာပဲ။ ဘယ်သူပိုင်တာလဲ။ အော် ဒါလား၊ အဘွားနဲ့တစ်ရွာတည်းသား ကဖိုးထွန်းပေါ့။ အဘွားတို့က ရပ်ဆွေရပ်မျိုးတွေဆိုတော့ နေရာအတူပြန်ချထားပေးတာပါရှန် (ပဲနည်းနည်းများပုံရတယ်၊ နတ်သမီးက)။ ပြန်ရောက်ရင်လည်းသူ့ကိုပြောပြလိုက်ပါလို့လည်း မှာလိုက်သတဲ့။
ဆိုလိုချင်တာက ကုသိုလ်ဆိုတာ ယူတတ်ဖို့ပဲ။ မယူတတ်ရင်မရဘူး။ ဘုန်းကြီးကျောင်းမှာ ကျောင်းဆိုတဲ့စကားလုံးက အဓိပ္ပာယ်နှစ်မျိုးရှိတယ်။ စိတ်ကိုလည်းကျောင်းထားရမယ်။ စိတ်ကိုလွှတ်မထားရဘူး။ ဓမ္မနဲ့နေထိုင်ခြင်းဖြစ်အောင်သတိထားရတယ်။ နေထိုင်တယ်၊နေထိုင်စရာကျောင်းဆောင်ကို ပါဠိလို ဝိဟာရလို့ခေါ်ပါတယ်။ ဓမ္မနဲ့မနေတတ်ရင် အကုသိုလ်ဖြစ်တတ်တယ်။ ကျောင်းမှာနေရင် ကျောင်းစိတ်ရှိရမယ်။ စိတ်ကို စင်စင်ကြယ်ကြယ်လေး ကျောင်းထားရမယ်။ စိတ်ကို ပြန့်လွင့်မသွားအောင်၊ ဓမ္မနဲ့ထုံမွှမ်းထားရမယ်။ ကုသိုလ်ကို ကုသိုလ်စိတ်လေးတွေနဲ့ အဆက်မပြတ်ဆက်ထားရလိမ့်မယ်။ အလှူခြင်းတူရင် စိတ်ထားတတ်တဲ့သူက အကျိုးပေးမြန်မယ်။ ကုသိုလ်ခြင်းတူရင် စိတ်ထားတတ်တဲ့သူက အကျိုးပိုများမယ်။
ဝေယျာဝစ္စဆိုတာ ပြောတော့သာ စာသားလေး လေးလုံး၊ တကယ်ကပင်ပန်းပါတယ်။ ကျန်တဲ့ကုသိုလ်တွေလို အသာလေးမပြီးပါဘူး။ ကိုယ့်အချိန်နဲ့လုပ်အားပါ ထည့်ဝင်ရပါတယ်။ ကုသိုလ်ကတော့ မာထီပလိုင်းဘိုင် six မက ရပါတယ်။ စိတ်ရောလူပါပင်ပန်းခံကြရတယ်။ စိတ်ရောလူပါပင်ပန်းပေမယ့် ကုသိုလ်လုပ်နေတာဆိုတဲ့ ပီတိက ပြန်ပြီး တွေးမိတိုင်းပျော်စေမယ်ထင်ပါတယ်။ ကုသိုလ်ရဲ့သဘောဟာ တွေးမိတိုင်း ပျော်စေတာပါပဲ။ ကုသိုလ်ကို ဆက်တိုက် လုပ်လာတဲ့သူဟာ သေခါနီး ပထမဇောမှာလည်း ဒီလုပ်နေကြ အာစိဏ္ဏကံ တွေ အကျိုးပေးပြီး ဆိုးတဲ့ဘုံဘဝမရောက်ဖို့သေချာစေတယ်။ အဲဒါကြောင့် ကုသိုလ်ကို အထုံပါအောင်လုပ်ကြရတာပါပဲ။ ပထမဇောအကျိုးမပေးနိုင်အောင်ဖြတ်မယ့် အကုသိုလ် အကြီးစားမရှိရင် လုပ်နေကြ ကုသိုလ်ဟာ ရှေ့ဆုံးဖြစ်မယ့် ဇောစိတ်နဲ့ ပထမဘဝမှာ အကျိုးပေးကောင်းတော့မှာပါပဲ။
ဒီနေ့ ဗန်းမော်ဆရာတော်ရဲ့တရားပွဲကိုသွားဖြစ်ပါတယ်။ ဇနီးသည်ရဲ့ မိခင် မွေးနေ့အတွက် သင်္ကန်းသွားကပ်ရင်း၊ တရားပွဲပါတခါတည်းသွားလိုက်တာပါ။ အသိမိတ်ဆွေဖြစ်တဲ့ ဘုန်းဘုန်းလည်း နေမကောင်းတာနဲ့ လူနာမေးသွားရင်း တစ်ခါတည်း တစ်ချက်ခုတ် လေးငါးဆယ်ချက်ပြတ်အောင် သွားလိုက်တဲ့သဘောပါပဲ။ တရားပွဲတွေ တော်တော်များများ ရောက်လေ့ရှိပါတယ်။ ဒါပေမယ့်တခါမှ အချိန်မီမရောက်ဖူးသေးပါဘူး။ ရှေ့ပိုင်းလွတ်သွားတာကို အင်တာနက်ကနေ ပြန်ပြန်ဖြည့်နာနေရပေါင်းလည်းမနည်းတော့ဘူး။ လူဆိုတာ ကုသိုလ်အလုပ်တွေကို လုပ်ခွင့်ရတုန်း များများလုပ်ထားသင့်တယ်လို့ထင်ပါတယ်။ ငယ်ကတည်းကလည်း မိဘတွေက စိတ်ချမ်းသာဖို့ပဲအရေးကြီးတယ်၊ ကျန်တာတွေဒီလောက်အရေးမကြီးဘူးဆိုပြီး သွန်သင်ခဲ့တော့ စိတ်ချမ်းသာဖို့ကို တစ်သက်လုံးဦးစားပေးခဲ့ပါတယ်။ စိတ်ဆင်းရဲစရာတွေ အသက်ကြီးလာတာနဲ့အမျှ လျှော့နိုင်သလောက် လျှော့ဖို့ကြိုးစားပါတယ်။ ကျွန်တော့်အမြင်အရတော့ စိတ်ချမ်းသာဖို့ဆိုတာ ကုသိုလ်မလုပ်ဘဲရကိုမရဘူးလို့ယုံကြည်ပါတယ်။ ကိုယ်လုပ်နိုင်သလောက် ကုသိုလ်ကိုတော့ အမြဲပုံမှန်လုပ်သင့်တယ်လို့ထင်ပါတယ်။ တရားနာတယ်ဆိုတာ အခိုက်အတန့်အားဖြင့်တော့ မောဟကင်းဖို့ဖြစ်တယ်။ နေနည်းထိုင်နည်းတွေလည်းပါမယ်။ အတုယူစရာလိုက်နာစရာတွေလည်းပါမယ်။ မှားနေတာပြင်ဖို့လည်းပါမယ်။ ကိုယ့်အတွက်လည်းအကျိုးရှိစေတဲ့အလုပ်လို့ထင်ပါတယ်။ ကိုယ့်စိတ်ချမ်းသာဖို့ကိုတော့ အချိန်ပေးသင့်တယ်လို့မြင်ပါတယ်။ ကိုယ်စိတ်ချမ်းသာဖို့ဆိုတာ ကိုယ့်တာဝန်ပဲဆိုတဲ့ မဟာမြိုင်ဆရာတော်ရဲ့ အဆုံးအမစကားကို သိပ်နှစ်သက်ပါတယ်။ တန်ဖိုးလည်းထားပါတယ်။
ဒီတရားပွဲမှာ အတိုချုပ်မှတ်မိတာကတော့ ဘာလှူဖို့လိုသလဲဆိုတာပါ။ ဒါနဆိုတာလည်း အရေးကြီးပါတယ်။ ဒါနက အရေးကြီးတယ်ဆိုတာ အကြောင်းသုံးချက်လိုအပ်လို့ပါ။ အလှူခံပုဂ္ဂိုလ်လည်းရှိရမယ်။ အလှူပစ္စည်းဝတ္ထုလည်းရှိရမယ်။ လှူချင်စိတ်လည်းရှိရပါတယ်။ အဲဒီလို သုံးခုလိုအပ်တဲ့ကုသိုလ်ရှားပါတယ်။ သီလဆိုရင် ကိုယ်စောင့်ချင်ရင်ဖြစ်ပါတယ်။ ဘာဝနာပွားတာလည်း အလှူခံပုဂ္ဂိုလ်တို့၊ အလှူပစ္စည်းတို့မလိုပါဘူး။ ဒါနကတော့ အလောဘဖြစ်အောင် အားထုတ်ခြင်းတစ်မျိုးပါပဲ။ လောဘနည်းဖို့ ဒါနနဲ့ပဲထိန်းရတယ်လို့ထင်ပါတယ်။ လှူတတ်တန်းတတ်မှလည်း အကျိုးရှိတယ်လို့ယူဆပါတယ်။ ဒီနေ့တရားကလည်း လှူတတ်တန်းတတ်ဖို့ပါပဲ။
နတ်သားက အားအင်ဗလကြီးဖို့၊ ရုပ်ဆင်းရွှေဆင်းနှယ်လှဖို့၊ ချမ်းသာဖို့၊ မျက်လုံးကောင်းဖို့ ဘာတွေလှူဖို့လိုသလဲ။ တစ်ခုခြင်းစီအတွက်ဘာလိုလဲ၊ လေးမျိုးပေါင်းအတွက်ဘာလိုလဲဆိုပြီး မေးခွန်းငါးခုမေးပါတယ်။ အားလုံးက objective type questions တွေပဲဖြစ်ပါတယ်။ ဘုရားကလည်း နောက်တတ်ပြောင်တတ်တဲ့သူမဟုတ်တော့ အတည့်အတိုင်းပြန်ဖြေပါတယ်။ နောက်တတ်တဲ့သူတစ်ယောက်ကို နတ်သားက သွားမေးမယ်ဆိုရင် အားဆေးသောက်၊ မျက်နှာရွှေသွင်း၊ အစိုးရနဲ့ပေါင်းပြီးလုပ်ကွက်ရှာ၊ မျက်ကပ်မှန်တပ်၊ အားလုံးကောင်းဖို့ဆိုရင်တော့ အားဆေးသောက်နေတုန်းမျက်နှာရွှေသွင်းရင်းမျက်ကပ်မှန်တပ်ပြီးအစိုးရနဲ့ပေါင်းလိုက်လို့ဖြေချင်လည်းဖြေမလားမသိဘူး။ (ကျွန်တော်ကိုယ်တိုင်ကလည်းနောက်တတ်ပြောင်တတ်တဲ့သူမဟုတ်တော့ သိပ်မသေချာဘူး။) တကယ့်အဖြေတွေကတော့ အားအင်ကောင်းဖို့ဆွမ်းလှူ၊ ထမင်းလှူ၊ သူငယ်ချင်းတွေကို ထမင်းကျွေး၊ ကြာဆံကြော်ကျွေး၊ စသဖြင့်ပေါ့၊ ဆင့်ပွားပြီးတွေးလိုက်ရင် အလှူခံ တကျိပ်နဲ့လေးကို စားစရာပေးရင် အားရှိမှာပဲ။ တူသောအကျိုးပေးတာပဲ။ ဝိသာခါကျောင်းအမကြီး အင်္ဂလိပ်လိုတော့ ဝိသာခါ the big female school ခေါ်တယ်။ သူက သိပ်အားသန်တယ်။ ဆင်ပြောင်ကိုတောင် ကိုင်ပေါက်နိုင်တယ်။ အဲဒီတော့ ကလေးတွေအများကြီးမွေးတယ်။ ဟမ်။ ဆက်စပ်တွေးဖို့တောင်ခက်တယ်။ ဒါပေမယ့် ခွန်အားဗလကြီးတာ ဆွမ်းလှူလို့။
ရွှေအဆင်းလိုလှပဖို့ကတော့ သင်္ကန်းလှူတဲ့အကျိုးတဲ့။ တစ်နှစ်ကို သုံးလေးခါသင်္ကန်း လှူတဲ့သူတွေဆိုရင် ပလက်တီနမ်အဆင်းလောက်တောင် လှနိုင်တယ်။ အခုမလှတဲ့သူတွေက သင်္ကန်းကို လတိုင်းလှူထားဖို့ကောင်းတယ်။ မောင်ချင်းတက်နဲ့မယ်ဘဒ္ဒဥပမာပြတယ်။ နှစ်ယောက်စလုံး ရွှေလိုလှတယ်။ ရွှေပါပြီးမလှတဲ့သူကြီးကတော့ အရင်ဘဝက သင်္ကန်းရုတ်ပြီးလစ်ခဲ့တာကြောင့်ဖြစ်နိုင်တယ်လို့တွေးမိပြီး ပြုံးမိသေး။
ချမ်းသာဖို့ဆိုတော့ အားလုံး နည်းနည်း နားစိုက်ထောင်ကြတာတွေ့တယ်။ အားလုံးကလည်း ဆင်းရဲလို့အလုပ်လုပ်နေရတာများတာကိုး။ ဘိုးဘွားစဉ်ဆက် ဖြုန်းမကုန်အောင်ချမ်းသာရင်တော့ ပြိုင်ကားလေးပြိုင်မောင်းနေကြမယ်ထင်တယ်။ သိပ်ချမ်းသာရင် စင်ကာပူမှာ ဘယ်လာအလုပ်လုပ်နေမလဲ။ မော်ဒိုက်မှာ ရေထဲက အိမ်လေးမှာ အပမ်းဖြေနေမှာပေါ့။ ဒေါ်လာတစ်ရာတန်နဲ့ချည်း နှပ်တွေညှစ်ပစ်မှာပေါ့။ အခုတော့ အလုပ်လုပ်နေကြရတယ်။ ချမ်းသာဖို့ ဆိုတာ ယာဉ်လှူရမယ်တဲ့။ ယာဉ်လှူတဲ့သူတွေထဲမှာတော့ ဓမ္မဒူတအရှင်ဆေကိန္ဒကို မြန်မာငွေ သိန်း၂၇၀၀တန်ကားလှူတဲ့ အလှူရှင်ကို သတိရတယ်။ နောင်ဘဝတွေမှာတော့ လေယာဉ်ပျံပိုင်တဲ့သူလောက်ဖြစ်မယ်။ ဒီလောက် အလှူရက်ရောပုံမျိုးနဲ့။ လူမွဲတွေကတော့ ယာဉ်လှူဖို့ခက်တယ်။ မော်တော်ယာဉ်၊လှည်းယာဉ် မလှူနိုင်တဲ့သူတွေအတွက် ခက်မှာစိုးလို့ အဌာကထာဆရာက ဘုန်းကြီးရဟန်းအတွက်ယာဉ်ကသုံးမျိုးရှိတယ်။ ထီး၊ဖိနပ်၊တောင်ဝှေး ဆိုတော့မှ သက်ပြင်းချနိုင်ကြတယ်။ ဟူးးးးး။ နောက်တော့ တိုပိုင်းယိုးကျောင်းကို ဖိနပ်စည်းတစ်စီးထမ်းသယ်သွားတဲ့သူတွေ့ရင် ကျွန်တော်လို့သာမှတ်လိုက်ကြပေတော့။
ဆင့်ပွားတွေးကြည့်ရင်ဖိနပ်ခိုးခံရရင်ပျော်စရာကောင်းလာမယ်ထင်ပါတယ်။ ကိုယ်ချမ်းသာဖို့ တကူးတက လာအလှူခံသွားတာဆိုပြီးများတွေးနိုင်ကြရင်ကောင်းမယ်။ နီယို ကလျာဏပုထုစဉ်ပီပီ အခိုးခံရရင် မကျေနပ်ဘူး။ အရေးထဲ ကြံဖန်တွေးတတ်တဲ့သူဆိုရင် အရင်ဘဝက ငါများ ဖိနပ်ခိုးခဲ့မိသေးလားဆိုပြီးပေါက်ကရတွေးမိရင် ကိုယ့်ကိုယ်ကိုတောင် စိတ်နာရမလိုဖြစ်ဦးမယ်။ သူ့ဘာသူ အခုမှ စလုပ်တဲ့ brand new အကုသိုလ်လည်းဖြစ်ချင်ဖြစ်မှာပေါ့။ ကိုယ်ခိုးဖူးမှ ပြန်အခိုးခံရတာမှမဟုတ်ဘဲ။ ကိုယ်ချမ်းသာဖို့ အလှူလာခံတယ်ဆိုတဲ့စိတ်ဖြစ်ဖို့တော့ စိတ်ထားကောင်းရော သတိပါရှိမှဖြစ်မယ်လို့ထင်ပါတယ်။
နောက်တစ်ခုကတော့ မျက်လုံးပါ။ အမြင်ကောင်းတာပေါ့။ ဒိဗ္ဗစက္ကု လိုနတ်မျက်စိ ရတာလည်းပါတာပေါ့။ အဲဒါအတွက် ဘာလှူရမလဲတဲ့။ တရားနာရင်း တော်တော်လူလည်ကျတဲ့ နတ်ပါလားလို့တောင်ထင်လာတယ်။ ဘုရားဆီက နည်းလေးလာတောင်းပြီး သူဖြစ်ချင်တာတွေ သူလုပ်ဖို့ အကြံပိုင်ပိုင်နဲ့ လာအစ်နေတာပဲလို့ထင်လာတယ်။ မဟာကရုဏာတော်နဲ့ ဘုရားဖြစ်နေလို့သာ အလကားဖြေတယ်မှတ်တယ်။ မေးခွန်းတစ်ခု ၁၃ သန်းဆိုရင်လည်း နတ်က cash down ရှင်းမယ့်သဘောရှိတယ်။ ပြီးရင် နတ်ပြည်မှာ ကျူရှင်ပြန်ဖွင့်မယ်ထင်တယ်။ ကုသိုလ် ပြုနည်း လေးမျိုးပေါင်း နတ်သမီး ရှစ်ထောင့်ခုနစ်ရာဆိုပြီး လဲစားမယ်ထင်တယ်။ ဒါက ကျွန်တော့်ရဲ့ သီးသန့်ထင်မြင်ချက်ပါ။
အမြင်ကောင်းဖို့ကို ဆီမီးလှူပါတဲ့။ မီးသီး၊မီးချောင်းလှူတာလည်းပါတာပေါ့။ လမ်းသွားလမ်းလာတွေ မြင်ရအောင် အိမ်ရှေ့မှာ မီးသီးလေးတွေ ထွန်းပေးလေ့ရှိတဲ့ ရပ်ကွက်ကလာတဲ့လူတစ်ယောက်အနေနဲ့ ဒါလေးကို သဘောကျတယ်။ လူများတွေ မြင်ဖို့ကြိုးစားတဲ့သူက မြင်ရတာပါပဲ။ တူသောအကျိုးတွေပေးနေကြတာပါပဲ။ မကောင်းတဲ့သူတွေနဲ့ များများကြုံတဲ့သူဟာ အကုသိုလ်ကံအကျိုးပေးနေလို့ပါပဲ။ ကိုယ်သာ ကုသိုလ်ကံအကျိုးပေးကောင်းနေရင် မကောင်းတဲ့သူတွေနဲ့ ဆုံကိုမဆုံဘူး။ မကောင်းတာက ကိုယ့်ကံပါပဲ။ ကိုယ့်ကံ ကိုယ်ပြင်ရင် အားလုံးကောင်းသွားမှာပါ။ ဆီမီးလှူဖို့ကိုလည်း သတိထားပြီး ကြိုးစားမယ်စိတ်ကူးပါတယ်။ ဒီနေ့ပဲစပြီးအကောင်အထည်ဖော်ခဲ့ပါတယ်။ တရားပွဲပြီးတာနဲ့ တစ်ဆယ်တန် ဖယောင်းတိုင်လှူခဲ့ပါတယ်။ မျက်လုံးကတော့ ဒီဘဝမှာ သုံးမရလောက်အောင်ပဲ မှုန်ဝါးနေပြီ။ အဝေးမှုန်နေတာ ဆယ်တန်းထဲက၊ အခုအထိ မြင်ချင်ယောင်ဆောင်ပြီး မျက်မှန်မတပ်သေးဘူး။ နောင်ဘဝမှာတော့ မမှုန်အောင်လုပ်ထားမှ။ ဒီဘဝကိုတော့ ကျော်သွားတဲ့ကားမှတ်တိုင်လို မေ့ထားလိုက်ပြီ။
အရှင်အနုရုဒ္ဓါ ကို မျက်လုံးအမြင်အတွက် ဥပမာပေးပါတယ်။ ဆီမီးတစ်ထောင်လှူခဲ့လို့ ဒီလိုနတ်အမြင်ရတယ်လို့ဆိုပါတယ်။
လေးမျိုးပေါင်းအတွက်ကတော့ ကျောင်းအလှူဖြစ်ပါတယ်။ လေးတိုင်ကျောင်းဆိုလည်း ကျောင်းအလှူပဲလို့ဟောပါတယ်။ တစ်ခြားတရားတစ်ပုဒ်မှာ မှတ်မိတာတစ်ခုကတော့ သစ်ပင်စိုက်တာဟာလည်း ကျောင်းအလှူထဲအကျုံးဝင်ပါတယ်။ သစ်ပင်ကြီးကြီး အရိပ်ရတဲ့အပင်မျိုးတွေအောက်မှာ ဖြတ်သန်းသွားတဲ့ ၊အရိပ်ခိုနိုင်တဲ့အတွက် ဒီလို ကုသိုလ်ရတယ်လို့မှတ်ပါတယ်။ ကျောင်းအလှူကိုတော့ တစ်ယောက်တည်း မနိုင်ဖို့များတဲ့အတွက် နိုင်သလောက်တော့ စုပေါင်းလှူကြရင်လည်း သင့်လျော်ကောင်းမွန်တာပါပဲ။ ကျောင်းလှူပြီးပစ်မထားဘဲ maintenance လုပ်ဖို့ပါ လှူရင်ပိုကောင်းမယ်ထင်ပါတယ်။ သံဃာတွေအတွက်လည်းကျောင်းလိုပါတယ်။ စာသင်ဖို့အတွက် ကျောင်းလိုတာများပါတယ်။ အိန္ဒိယမှာ ဆရာပါတက်ခဲ့တဲ့ ကျောင်းလို သစ်ပင်အောက်မှာသင်တဲ့ကျောင်းမျိုးကလွဲရင် ကျောင်းဆောင်လိုတာပါပဲ။ ကလေးတွေအတွက်လည်းကျောင်းဆောက်ပေးသင့်တယ်။ ကျောင်းအလှူ၊ဇရပ်အလှူ၊ အိမ်အလှူတွေကလည်း နေစရာပေးလိုက်တဲ့အတွက်၊ ကိုယ်ပေးလိုက်တဲ့နေစရာနေရာမှာ သူတော်ကောင်းတွေ နေနိုင်တယ်။ တော်တဲ့ကလေးတွေ ဖြစ်လာနိုင်တယ်။ သာသနာအတွက်အားကိုးရတဲ့ ပညာတတ်ရဟန်းတွေထွက်ပေါ်နိုင်တယ်။ အဲဒီလို ကုသိုလ်တွေ ဆက်သွားတယ်ထင်မိတယ်။
အဲဒီလေးခွန်းမေးပြီး နတ်က လစ်ဖို့ပြင်ပြီ။ တစ်ဖက် ငါးရာဆိုတော့ သူ့အလွမ်းက အယောက်တစ်ထောင်စာဖြစ်နေပြီ။ ဘုရားကို ဦးချဖို့ဟန်ပြင်တော့ ဘုရားကလည်း သူ့အလုပ်သူလုပ်တယ်။ ဒီနတ်မေးသာမေးတယ်၊ သံသရာလွတ်ကြောင်းကိုမပါဘူး။ ဘုရားဖြစ်လာတာ သံသရာလွတ်အောင်လုပ်ဖို့ဆိုတော့ နတ်ကို ခဏနေဦး၊ မေးခွန်းတစ်ခုအပိုဖြေပေးမယ်။ Ask Five get One Free ဆိုပြီး၊ နိဗ္ဗာန်ရောက်အောင် ဘာလှူရမလဲ ဆိုတာကို ဖြေပေးလိုက်ပါတယ်။
တရားအလှူနဲ့ နိဗ္ဗာန်ရောက်နိုင်တယ်လို့ဆိုပါတယ်။ တရားအလှူဆိုတာမှာ ကိုယ်တိုင်ဟောဟော၊ ဟောထားတာ ပြန်ပြောပြော၊ တရားပွဲစီစဉ်စီစဉ်၊ တရားစာအုပ်လှူလှူ။ တရား အမ်ပီသရီး လင့်ခ်ပေးပေး၊ အဲဒါတွေ အကျုံးဝင်ပါတယ်။ အခုဆိုရင် ကြာပန်းဖောင်ဒေးရှင်းက တရားပွဲဖြစ်မြောက်ဖို့ ကြိုးစားခဲ့ကြတာလို့သိရပါတယ်။ သူတို့ရဲ့ ဝဘ်ဆိုက်ဒ်ကိုလည်း အခုပဲကြည့်လိုက်ပါတယ်။ ကုသိုလ်လုပ်နေတဲ့ ဘယ်အဖွဲ့အစည်းကိုမဆိုလေးစားပါတယ်။ http://www.lotusdhamma.com/
ကုသိုလ်လုပ်နေကြတဲ့ အဖွဲ့အစည်းတစ်ခုဟာ ပျော်စရာလည်းကောင်းမှာပါ။ နိဗ္ဗာန်ကို သူတို့အဖွဲ့မြန်မြန်ရောက်သွားရင် ကျန်ခဲ့တဲ့သူတွေ ကြာဆံကြော်စားရဖို့ခက်သွားမလားတောင်စဉ်းစားမိပါတယ်။ တရားကလည်းကောင်း၊ ကြာဆံကြော်ကလည်းကောင်းပါတယ်။ ကျန်တာတွေကိုတော့ မမီလိုက်တော့ပါ။ လင်မယားနှစ်ယောက်သား ကြာဆံကြော်တစ်ဗူးကို နှစ်ယောက်တစ်အိမ်မက် လုပ်လိုက်ကြပါတယ်။ စားကောင်းပါတယ်။ ကျေးဇူးလည်းတင်ပါတယ်။
အစားအသောက်ဆိုလို့လည်းခပ်ပေါ့ပေါ့မထင်စေချင်ဘူး။ အစားအသောက်အဆင်မပြေရင် တရားတောင်မရနိုင်ဘူး။ ရဟန္တာအရှင်မြတ်ကြီးကို ဆွမ်းစားဖို့မခေါ်သွားချင်တာနဲ့ မြက်ကလေးနဲ့ ထိပြီး နှိုးခဲ့တဲ့ ရဟန်းအကြောင်း မှတ်မိကြမယ်ထင်ပါတယ်။ သူ့ဒကာက တခြားရဟန်းကို ကြည်ညိုမှာစိုးတာနဲ့ ဆွမ်းဖိတ်တာကိုခေါ်မသွားတဲ့ရဟန်းပါ။ ကံများဆိုးချင်တော့ ရဟန္တာကိုမှ အဲဒီလိုကောက်ကျစ်မိတယ်။ ဘဝတိုင်းထမင်းဝအောင်စားရတယ်မရှိဘူး။ နောက်ဆုံးတရားရမယ့်ဘဝအထိကို ရဟန်းဖြစ်ပေမယ့် ဆွမ်းခက်နေတုန်း။ အရှင်သာရိပုတ္တရာက ကိုယ်စားဆွမ်းခံပြီး သူ့ကိုကျွေး၊ သူ့ဆီရောက်ရင် ဆွမ်းပျောက်ပျောက်သွားတယ်။ အရှင်သာရိပုတ္တရာက သပိတ်ကိုသူ့လက်နဲ့ထိထားမှ ဆွမ်းတွေမပျောက်ဘဲ အဲဒီရဟန်း ဆွမ်းဘုန်းနိုင်ပါတယ်။ အဲဒီဘဝအထိ အဲဒီတစ်ခါပဲ ဆွမ်းဝဝဘုန်းနိုင်ပြီး အဟာရမျှတသွားပြီး ရဟန္တာဖြစ်ခဲ့ပါတယ်။ ဆွမ်းသာမရရင် တရားလည်းမရနိုင်ဘူး။ ကြာပန်းအဖွဲ့က အဖွဲ့ဝင်တွေလည်း ယခုဘဝနဲ့ နောက်ဘဝတွေမှာ ဆွမ်းလှူလို့ အားသန်၊ သင်္ကန်းလှူလို့ လှ၊ ယာဉ်လှူလို့ ချမ်းသာ၊ ဆီမီးလှူလို့ အမြင်စူးရှပြီး ကျောင်းလှူလို့ လေးမျိုးပေါင်းကုသိုလ်ရ၊ တရားအလှူလှူလို့ နိဗ္ဗာန်မဂ်ဖိုလ် ရက်တိုတိုနဲ့ လျှင်မြန်စွာရောက်ကြမယ်လို့ယုံကြည်ပါတယ်။
အားလုံး စိတ်ချမ်းသာပြီး ငြိမ်းချမ်းတဲ့သူတွေ ဖြစ်နိုင်ကြပါစေကုန်သော်ဝ်။ ။
Regards,
Zephyr
Peace B with U.
