Esplanade ကို မကြာမကြာရောက်ပါတယ်။ ဒီတစ်ပါတ်လည်း ရုံးက သောကြာနေ့ပီပီ ပျင်းစရာကောင်းနေတာနဲ့ ရုံးကစောစောဆင်းပြီး ..... Esplanade သုံးထပ်က library သွားပါတယ်။ သူငယ်ချင်းတစ်ယောက်က Guitar တီးတဲ့အတွက် သူလိုချင်တဲ့ Effect processing နဲ့ဆိုင်တဲ့ စာအုပ်လေးတစ်အုပ်သွားငှားတာလိုက်သွားဖြစ်ပါတယ်။ လိုင်ဘရီ မှုန်ကုပ်ကုပ်ထဲမှာ စာအုပ်ရှာရတာ အတော်လေးခက်ပါတယ်။
ဇာတ်ညွှန်းရေးတဲ့စာအုပ်တွေလည်းရှိပါတယ်။ ပျင်းတာနဲ့ sixth sense က ဇာတ်ညွှန်းကိုတောင် ခဏဖတ်ကြည့်လိုက်ပါတယ်။... ။ အဲဒီညမှာ Peformance လုပ်ထားတာလေးတွေ အတော်လှပါတယ်။ ဓာတ်ပုံမရိုက်လာဖြစ်တဲ့အတွက်လည်း နောင်တရပါတယ်။
ို
အင်ဒိုနီးရှားက အနုပညာသမားတစ်ယောက်က ပန်းချီနဲ့ အလင်းကို တွဲဖက်သွားတာလေး အတော်စိတ်ဝင်စားမိပါတယ်။ ပန်းချီကားထဲမှာ အလင်းပေးထားတဲ့နေရာတွေကို ဆလိုက်ထပ်ထိုးလိုက်တဲ့အခါမှာ ပန်းချီတွေဟာ ကြွတက်လာပါတယ်။ အထူးသဖြင့် သူပေးချင်တဲ့ message ကို လွယ်လွယ်ကူကူမိတယ်လို့ ခံစားရပါတယ်။ အထူးသဖြင့် အလင်းနဲ့ အမှောင် ကွာဟချက်၊ အလင်းထဲမှာ မမြင်နိုင်တဲ့အရာတွေ၊ အမှောင်ထဲမှာရှိနေသေးတာတွေ အတော်လေးကို တွေးမိစေပါတယ်။ ငယ်တုန်းက ဖတ်ခဲ့တဲ့တဂိုးရဲ့ကဗျာထဲကလို ချစ်သူရဲ့လမ်းကို လင်းမြဖို့ သူက အမှောင်ထဲမှာရပ်ပြီး မီးအိမ်ကို ကိုင်ထားမယ်ဆိုတာလေးကိုတောင် ပြန်သတိရသွားပါတယ်။ ပန်းချီကားတွေကနေ ယဉ်ကျေးမှုတွေဟာ ဆက်စပ်သွားပါတယ်။ အင်ဒိုနီးရှားနိုင်ငံသားဟာ အင်ဒိုနီးရှားနိုင်ငံသားမဟုတ်တော့ပါဘူး။ သူဟာ ကမ္ဘာပေါ်မှာ ကျွန်တော်တို့နဲ့အတူ တစ်လှေတည်းစီးလာတဲ့ ဘ၀တူ ခရီးသွားတစ်ယောက်ပဲလို့ခံစားရပါတယ်။ လူတိုင်းဟာ တူညီတာတွေအများရှိတတ်ကြတယ်။ အထူးသဖြင့် အမှောင်တွေထဲက လူတွေက အလင်းကို ဆာလောင်ပုံတူညီကြတယ်။
နောက်တစ်ယောက်ကိုတော့ ဘယ်သူမှန်းမသိဘူး။ သူက ကြိမ်တွေနဲ့ အနုပညာမြောက်တဲ့ ဖန်တီးမှုတွေလုပ်ထားတာ သိပ်ကို ဆွဲဆောင်မှုရှိတယ်။ တစ်ခုချင်းလိုက်ကြည်မိတယ်။ လူတစ်ရပ်ကျော်မြင့်တဲ့ ကြိမ်လုံးတွေကို လှလှပပစည်းနှောင်ပြီး စလင်ဒါပုံလေးလုပ်ထားတာကိုလည်း သဘောကျမိတယ်။ ကြိမ်တွေ ဒီလောက်ပေါတဲ့ ကျွန်တော်တို့နိုင်ငံမှာလည်း ကြိမ်အလှဆင်တာမျိုး လုပ်သင့်တယ်။ ကြိမ်ဟာ ခိုင်ခံ့ပြီး လှပတဲ့အတွက် အသုံးချတတ်ရင် အတော်လေးသပ်ရပ်အဆင့်မြင့်တဲ့ အနုပညာပစ္စည်းတွေလည်းဖြစ်လာနိုင်တယ်။ အနုပညာကို mass production လုပ်လိုက်ရင် လက်မှုပညာဖြစ်သွားတတ်တဲ့အကြောင်း ဖတ်ဖူးတယ်။ တကယ်လို့ နေကြာပန်းများ ပန်းချီကို ဗန်ဂိုးက အချပ်တစ်သန်းလောက်ဆွဲသွားခဲ့တယ်ဆိုပါတော့ .....တစ်ချပ်ကို ဘယ်နှစ်သန်းပေးကြမှာလဲ လို့ အဲဒီစာအုပ်ထဲမှာမေးထားတယ်။
နောက်တစ်ခုကတော့ ရေဘ၀ဲလို အကောင်လေးတွေပါ။ သူတို့ကိုတော့ ချစ်စရာကောင်းတာနဲ့ ဓာတ်ပုံရိုက်လာဖြစ်တယ်။ ထိုင်နေတုန်း ကလေးမလေးတစ်ယောက်က ရှင်းပြတဲ့အတွက်ပတ်ဝန်းကျင်ထိန်းသိမ်းရေးအတွက် လုပ်ထားတဲ့ performance တွေလို့သိရတယ်။ .... စင်ကာပူက အနုပညာရှင်က ဖန်တီးထားတာပါ။ အဲဒီအကောင်တွေက ရေထဲကနေထွက်ပြေးလာသလိုမျိုးဖြစ်အောင်လုပ်ထားတယ်လို့ဆိုပါတယ်။ လက်တံတွေကို ဟေလိုဂျင်ဓာတ်ငွေ့ဖြည့်ထားပြီး မီးတွေထွန်းပြီး အလှဆင်ထားပါတယ်။ အကောင်တွေက ပျံနိုင်ပါတယ်။ အဲဒီလိုပျံတက်မသွားအောင် ကြိုးတွေနဲ့သိုင်းထားရတယ်လို့ဆိုပါတယ်။ ကမ္ဘာကြီးကို ချစ်တဲ့ အနုပညာသမားတိုင်းကို လေးစားပါတယ်။ ကမ္ဘာကြီးကို ချစ်ရင် အနုပညာသမားမဟုတ်တောင်လေးစားစရာကောင်းနေပါပြီ။
လူတွေဟာ စိတ်ထဲမှာ ငြိမ်းချမ်းမှ အများအတွက်စဉ်းစားနိုင်တယ်။ ကိုယ့်ဒုက္ခနဲ့ ကိုယ်ပိနေတဲ့သူတွေမှာ ဘာကိုမှ မခံစားနိုင်ဘူး။ ဘယ်သူ့ဒုက္ခကိုမှ နားမထောင်ချင်ဘူး။ ကိုယ့်သောကကိုပဲ အလေးမတဲ့သူ မနိုင်မနင်းမနေသလို ယိုင်ထိုးယိုင်ထိုးမနေကြတယ်။ ..........တကယ်တော့ ဘ၀မှာ အချိန်လေး နည်းနည်းရတာကို စိတ်ချမ်းသာအောင်နေကြဖို့ကောင်းတယ်။ .... ကျွန်တော်တို့တွေ .....ရေသတ္တ၀ါလေးတွေ ရေမသန့်လို့ထွက်ပြေးလာတာကို သနားဖို့ စက္ကန့်လေးအနည်းငယ်လောက် နားပြီးရပ်ကြည့်၊တွေးကြည့်ဖို့အချိန်ရှိရဲ့လား။
ကျွန်တော်တို့မှာ ကြယ်ကလေးတွေကြည့်ဖို့နဲ့ ယိုင်ထိုးယိုင်ထိုး လမ်းလျှောက်ကျင့်နေတဲ့ကလေးတစ်ယောက်ကို တအံ့တသြကြည့်ဖို့ အချိန်ရှိလား ...........။ ဘ၀မှာ ဘယ်လောက်ရရင်တော်ပြီလို့စိတ်ကူးထားလဲ။ ဘယ်လောက်ရမှဖြစ်မယ်လို့ သတ်မှတ်ထားလဲ။ ဘယ်နှနှစ်မှာ ဘာဖြစ်ရမလဲ။ မဖြစ်ရင်ရော ဘာဖြစ်ကြမှာလဲ။ ..........နောက်တစ်နေ့ဘာဖြစ်မယ်မသိတဲ့လောကမှာ အခုတော့ စိတ်ချမ်းသာနေလိုက်ကြရအောင်။ စိတ်ချမ်းသာရင် တခြားမချမ်းသာတဲ့အရာတွေကို စိတ်ချမ်းသာတာလေးနဲ့ဖြည့်တွေးလိုက်လို့ရတယ် ..............။ ........... စိတ်ချမ်းသာဖို့တာဝန်ဟာ ကိုယ့်တာဝန်ပဲလို့ လက်ခံရင်.....စိတ်ချမ်းသာဖို့ကို အချိန်ပေးပါ ...........။ အသက်ကို ၀၀ရှူဖို့ ...မျက်နှာမှာ အောက်ဆီဂျင်ပြည့်တဲ့အပြုံးတွေပြုံးကြည့်ဖို့အချိန်ပေးပါ။ .... စိတ်ချမ်းသာဖို့ အလုပ်တွေလုပ်ကြရတာပါ။ စိတ်ထဲမှာတကယ်လိုနေတာဟာ ကျွန်တော်တို့ထင်နေတဲ့အရာတွေဟုတ်ချင်မှဟုတ်မယ် ..........။ မရှိရင် မဖြစ်တဲ့အရာတွေ များများစွန့်လွှတ်ကြည့်ပြီးရင် ဘ၀မှာ အကုန်အကျအနည်းဆုံးနဲ့ ....စိတ်ကို အသက်သာဆုံး အရာက စိတ်ချမ်းသာဖို့ပဲဆိုတာကို ပိုပြီးနားလည်လာနိုင်ပါတယ်။ ...........စိတ်ဆင်းရဲနေမှာကို ကြောက်တဲ့အတွက် စိတ်ချမ်းသာအောင်ပဲနေပါတယ်။ စိတ်ဆင်းရဲစေတဲ့အရာတွေနဲ့ ဝေးဝေးနေတာဟာ သက်ရှည်ကျန်းမာဖို့ နည်းလမ်းကောင်းလည်းဖြစ်ပါတယ်။
အလုပ်မှာဖြစ်ဖြစ်၊ ကျောင်းမှာဖြစ်ဖြစ် .......တစ်နေ့လုံးနေလို့ စိတ်ချမ်းသာလက်ချမ်းသာ တစ်ခါမှ မပြုံးလိုက်ရဘူးဆိုရင် အဲဒီလိုမျိုး ဒုလ္လဘကြီးဟာ အတော်ကို အရည်အသွေးညံ့တဲ့ ဒုံလ်ပဲလို့ခံစားရတယ်။ ဘ၀မှာ အချိန်နည်းနည်းလေးပဲရတဲ့အတွက်၊အပိုတွေမလုပ်တော့ဘူးလို့စိတ်ကူးပါတယ်။ ရလိုက်တဲ့အချိန်တွေကို တန်ဖိုးထားပြီးနေမယ်။ တစ်နေ့တစ်နေ့သိပ်မြန်လာတဲ့အတွက် ... နေရတဲ့ ခဏတွေကို အလဟဿဖြစ်သွားမှာ စိုးရိမ်မိတယ်။
နောက်တစ်ချိန်မှာ ကလေးတစ်ချို့ဟာ ဒီစာကိုဖတ်မိတဲ့အချိန်မှာ အတော်လေးကို ရှေးကျတဲ့ လူကြီးက ဘာတွေလာပြီးပြောနေတာလဲလို့ထင်ကောင်းထင်မယ်။ .... အသက်အရွယ်အရ မြင်ရတဲ့လောကဟာ ပြောင်းလဲလာတယ်။ ကြုံရတဲ့လောကဓံဟာလည်းပြောင်းလဲလာတယ်။ အကောင်းလည်းလောကဓံ၊ အဆိုးလည်းလောကဓံဆိုတာကို တစ်ခါတစ်လေလည်းမေ့မေ့နေတတ်တယ် ............။ လောကဓံကြားမှာနေရင်းပဲ စိတ်ကို ချမ်းသာမြဲချမ်းသာနေဖို့နဲ့ ....စိတ်ချမ်းသာမှုကို ထိခိုက်ခံပြီး ဘာမှမလုပ်ဖို့တွေကို သတိထားဖို့ကြိုးစားကြရပါဦးမယ်။ လူတစ်ယောက်စိတ်ချမ်းသာဖို့ဆိုတာ လွယ်လွယ်လေးနဲ့ ခက်ခဲနေတဲ့ သိမ်မွေ့တဲ့ပြဿနာလေးပါပဲ .....................။
အားလုံးမှာ ပြဿနာအတူတူရှိနေတဲ့အတွက်လည်း တစ်ယောက်ကို တစ်ယောက်က နားလည်လို့ရတာပါ။ ငယ်တုန်းက မဟာဓနံတို့၊ ဧရာမြေတို့ ဒေ၀ါလီခံသွားတာကိုသတိရမိတယ်။ အားလုံး ပါသွားကြတော့ ပြောသာပြောကြတယ်။ စိတ်ကခံနိုင်ရည်ရှိလာကြတယ်။ အားလုံးကြုံရရင် စိတ်ကိုက ယောနိသောမနသီကာရပိုရှိလာပုံရတယ်။ Haze ဖြစ်တုန်းကလည်း အဲဒီလိုခံစားရတယ်။ အသက်ရှူကြပ်နေတာ ငါတစ်ယောက်တည်းမဟုတ်ဘူးဆိုပြီး သိပ်စိတ်ဆင်းရဲမနေတော့သလိုပေါ့။
လူတိုင်းမှာ ရခဲ့တဲ့ အချိန် သိပ်မကွာကြပါဘူး။
တစ်ချို့လည်း သိပ်ကို quality ကောင်းတဲ့စိတ်ကို ပျိုးထောင်နိုင်ခဲ့ကြတယ်။
စိတ်ဟာ ကျွန်တော်တို့ကိုယ်ပိုင်အုပ်ချုပ်ခွင့်ရတဲ့ ငြိမ်းချမ်းရာနယ်မြေလေးတစ်ခုလား .........ပေါင်းမြက်တွေများနေတဲ့ ကွင်းပြင်တစ်ခုလား ဆိုတာကို .......... အေးအေးဆေးဆေးတွေးရင်း .......... မီးလင်းနေတဲ့ရေသတ္တ၀ါလေးတွေကို ကြည့်ရင်း ........ဘ၀ကို လေးနက်စွာ ပျင်းရိကြပါစို့ ....................။ ။
Peace B with U.
