ရန်ကုန်သွား တောလား အပိုင်း(၄)။
အတော်လေးကြာတဲ့အခါမှာ ရန်ကုန်ပြန်ဇာတ်လမ်းပြန်ဆက်ပါတယ်။
မော်လမြိုင်ကို သွားကြရအောင် ဆိုပြီး ကြံစည်ထားတာမျိုးမဟုတ်ဘူး။
အဆင်ပြေသလိုပဲ သွားလိုက်ကြတာ။ ကျိုက်ထီးရိုးကနေဆို သိပ်မဝေးတော့ဘူးဆိုပြီး မြေပုံအရသိရတယ်။
တကယ်တမ်းကတော့ မဝေးသော်လည်း မနီးဘူး။ လမ်းခရီးအကွာအဝေးအရ နီးတယ်။ ကားက လိုင်ကားလိုသွားတဲ့အတွက်
အတင်အချများတယ်။ ကားလိုင်းတွေ နည်းသွားတာကြောင့်လည်းပါတယ်။ ကျိုက်ထီးရိုးကိုမတက်ခင်က
နောက်တစ်နေ့ မော်လမြိုင်သွားမယ့်ကားလက်မှတ် ဖြတ်ထားလိုက်တယ်။ တစ်ယောက်ကို ၄၀၀၀ ပေးရတယ်။
ရန်ကုန်ကနေ ကင်မွန်းစခန်းသွားတာကိုတောင် ၅၀၀၀ လောက်ပဲပေးရပေမယ့် မွန်ပြည်နယ်ထဲက တစ်မြို့နဲ့တစ်မြို့ကူးတာက
ဈေးကြီးနေသလိုဖြစ်နေတယ်။ သွားလာရေးခက်ခဲရင် ဈေးကြီးနေဦးမယ်ထင်တယ်။ လိုင်းကားများများရှိရင်တော့
ဈေးသက်သာမယ်ထင်တယ်။
ကိုးတန်းကျောင်းသားဘဝမှာ စိတ်အဝင်စားဆုံးက ပထဝီဝင်ခင်ဗျ။ သိပ်ပျော်တာ။ မြေပုံကြီးပေါ်မှာ ဘယ်ပြည်နယ်၊ ဘယ်ပြည်နယ် တစ်ဒေါက်ဒေါက်ထောက်ပြနိုင်တာ သိပ်ဂုဏ်ယူခဲ့တာ။ နောက်တော့ ဆယ်တန်းမှာ ကွန်တိုမျဉ်းတွေဆွဲရတာကိုလည်း သဘောကျတယ်။ အင်မတန်ဝါသနာပါတာ။ အိမ်မှာက အင်္ဂလိပ်သတင်းစာလည်းယူတော့ မိုးလေဝသ ပုံလေးတွေပါရင် ကိုယ့်ဟာကိုယ် နားလည်အောင်ကြည့်တယ်။ ဒါကို ပျော်တယ်။ အခုမော်လမြိုင်ဆိုရင်လည်း ဆယ်တန်းတုန်းက ဆွဲခဲ့တဲ့ပုံလေး စိတ်ထဲမှာ အလိုလိုပေါ်လာတယ်။ မသေချာမှာစိုးလို့ ဂူးဂယ်အာ့သ်ပြန်ကြည့်လည်းမှန်နေတာတွေ့တယ်။ ဝါသနာပါတာတခြား၊ တက်တဲ့ကျောင်းကတခြား၊ တကယ်လုပ်တာတခြားဆိုတော့ တော်တော်လေးလွဲခဲ့တာပဲလို့ပြောရမယ်ထင်တယ်။
မော်လမြိုင်ကားစီးတော့ နေပူတယ်ခင်ဗျ။ နေပူတယ်ဆိုလို့ တော်ရုံလေးပူတယ်မမှတ်စေချင်ဘူး။ ငါးခြောက်လှမ်းလို့ရတဲ့နေမျိုး။ ဖြစ်ချင်တော့ ကားက လိုက်ကာမပါဘူးခင်ဗျ။ ရိုးရိုးလေးက လက်မှတ်ဝယ်တာ။ ရှိတဲ့ကားထွက်တာမျိုး။ ဇိမ်ကျကျသွားချင်ရင်တော့ ကားကောင်းကောင်းထွက်တဲ့အချိန်သွားမှရမယ်ထင်တယ်။ လမ်းမှာတင် အိန္ဒိယကဘုရားဖူးထွက်လာတဲ့ အိန်ဒိယလင်မယားပမာဖြစ်သွားတယ်။ ရွှေဆံတော်လောက်အရောက်မှာ ဘယ်လက်နဲ့ညာလက်နဲ့ဟာ တူးကာလာဖြစ်သွားပြီ။
ကျွန်တော်က ဘုရားဖူးထွက်လာတာတော့ မဟုတ်ဘူးခင်ဗျ။ ရောက်တုန်းသွားကြည့်တဲ့သဘောပဲ။ ဘုရားဖူးတာကို ဗုဒ္ဓလည်းကြိုက်ချင်မှတောင် ကြိုက်မယ်လို့ ဝက္ကလိ ရဟန်းဥပမာအရ ထင်နေမိတယ်။ တရားဓမ္မကို ဦးစားပေးချင်တဲ့ ဆရာသမားကတော့ ခုခေတ်လူတွေကို ဝက္ကလိနဲ့အဆင်တူငနဲတွေ မင်းတို့ဟာ အင်မတန်ဝေးတဲ့ကောင်တွေ၊ ငါ့ကိုယ်ကောင်ပုပ်ကို ကြည့်နေလို့ ဘာအကျိုးရှိမလဲ ဆိုပြီးတောင် ထဟောက်နေမလားတွေးမိတယ်။ သက်ရှိထင်ရှားတုန်းကတောင် မကြိုက်တာ၊ အင်္ဂတေလက်ရာမွန်ဆိုရင်တော့ ပိုများတောင် အပြောခံရပေါက်ရှိတယ်။ သို့သော်လည်း ကလာ့ဘ်သွားတာထက်တော့ ဘုရားသွားတာ ကုသိုလ်ပိုရကောင်းရမယ်ထင်မိတယ်။ ကားပေါ်ကနေ လှမ်းပြီး shoot လိုက်တယ်ခင်ဗျ။ မော်ဒန် ဝက္ကလိတွေပီပီ၊ ညီညွတ်ပြည့်စုံတဲ့ အလှတရားကို သိမ်းထားချင်စိတ်ရှိသဗျ။
ဖြစ်ချင်တော့ အဲဒီနေ့က ဖုန်းအားကုန်သွားတာနဲ့၊ လာကြိုမယ့်သူတွေကို စောစောလာကြိုဆိုပြီးမှာလိုက်တာ ကားက နှစ်နာရီကျော်လောက်နောက်ကျသွားတယ်။ တော်တော်လေးစောင့်လိုက်ကြရတယ်ထင်တယ်။ အားတောင်နာမိတယ်။
သံလွင်တံတား/မုတ္တမတံတားက အခုလိုညပိုင်းအထိ မဖွင့်ခင်ကဆို မော်လမြိုင်ကို ဇက်နဲ့ကူးရတယ်။ လူငယ်အဖွဲ့နဲ့ လူ ၂၀၀ လောက် အဲဒီက စိန့်ပတ်ထရစ်ကျောင်းထင်တယ်။ အဲဒီကို သွားခဲ့ဖူးတယ်။ ဘုရားကျောင်းပွဲထင်တယ်။ ဂျူဗလီတစ်ခုခုဖြစ်လိမ့်မယ်။ မမှတ်မိတော့ဘူး။ လွန်ခဲ့တဲ့ ၁၀ နှစ်လောက်က။ အခုတော့ တံတားဖွင့်ပြီဆိုတော့ အဆင်ပြေသဗျ။ အေးချမ်းသာယာရေးနဲ့ဖွံ့ဖြိုးရေးကောင်စီရဲ့ လမ်းတွေ့ရင် အခွန်ကောက်၊ မြောင်းတွေ့ရင် တံတားဆောက်ဆိုတာလေးတောင် သတိရမိတယ်။ အသန်းရယ် .. လွမ်းမိတယ်။
တံတားက သိပ်မဟောင်းသေးသော်လည်း ထုံးစံအတိုင်းခင်ဗျ။ နည်းနည်းတော့ ကျဉ်းပြီး လမ်းနည်းနည်းကြမ်းတယ်။ ကျော်မတက်ရလို့ရေးထားပေမယ့် ကျော်တက်ကြတယ်ခင်ဗျ။ သံတန်းတွေကိုလည်း အကဲခတ်ခဲ့တယ်။ ရထားလမ်းလုပ်ထားတော့ ကြာရှည်ဟန်ပါ့မလားလည်းကြည့်ခဲ့တယ်။ သန်လျင်မှာ ဇလီဖားတုံးတွေ ဆွေးနေတာ ကျနော်တို့သတိထားမိခဲ့တာပဲ။ နောက်ပိုင်းမှ အင်္ဂတေတုံးတွေလဲလိုက်တာ။ ဒါတွေကို အမြဲသတိရှိသင့်တယ်။ နိုင်ငံသားတိုင်းမှာကိုယ့်နိုင်ငံအတွက် တာဝန်ရှိတယ်။ ခဏတဖြုတ်ပြန်လာတယ်ဆိုပြီး စပ်ဖြီးဖြီးမလုပ်သင့်ဘူး။ ကိုယ်တွေ့တာ၊မြင်တာကို နည်းနည်းတော့ပြန်ပြောရမယ်။ အရေးကြီးတာလေးတွေ သတိထားမိရင် ပြောသင့်တာပြောကြရမယ်။ ဘယ်သူမှ ဘာမှမပြောတော့ရင် သတင်းမရှိတော့ဘူးဖြစ်သွားမယ်။ သတင်းဆိုတာထက် ဒေတာလို့ခေါ်တဲ့ အချက်အလက်ပေါ့။ အဲဒါကို အသုံးချတတ်တဲ့သူက သတင်းဖြစ်အောင်လုပ်ယူတာပဲ။ သတင်းကိုမှ ဆင်ခြင်ကြည့်ရင် ဗဟုသုတဖြစ်လာတယ်။ အဲဒီဗဟုသုတကိုမှ လမ်းကြောင်းတည့်နိုင်ရင် ပညာဖြစ်တယ်။ အဲဒီပညာကို စုစည်းရင်လမ်းဖြစ်တယ်။ အဲဒီလမ်းကနေလျှောက်သွားမှ မြင့်မြတ်တဲ့ အသိတရားဆီရောက်မယ်။ အဲဒီအသိတရားကိုရောက်မှ ပညာသင်ယူခြင်းလမ်းစဉ်ကို နားလည်တော့တာပဲ။ ကျွန်တော့်အတွက်တော့ ခရီးသွားနေတာ ပညာရှာနေတာပါပဲ။
ဆိုင်ကယ်ကို တွဲလေးတွေဆက်ပြီး ဆိုက်ကားလိုလိုလုပ်ထားတာလေးတွေတွေ့တယ်။ သဘောကျစရာ။ နောက်တစ်ခုက လေးထပ်ကျောင်းဆောင်တစ်ခုဆောက်နေတာတွ့တယ် ဓမ္မစရိယဖြေဖို့ထင်တယ်။ မွန်ပြည်နယ်ဟာ ဗုဒ္ဓဘာသာ အခြေခိုင်တယ်။ မွန်တွေက ရှေးကျတဲ့ယဉ်ကျေးမှုရှိတယ်။ ရှေးဗမာဘုရင်အရိုင်းအစိုင်းတွေက ကျမ်းစာတွေဘာတွေ သွားသွားခိုးလိုက်၊ လုယက်လိုက်လုပ်နေတာ သမိုင်းဖတ်ကြည့်ရင်တွေ့နိုင်တယ်။
ရောက်တဲ့နေ့မှာ နားမယ်စိတ်ကူးပေမယ့် သဘောကောင်းတဲ့ ယောက်ဖတစ်ဝမ်းကွဲက ကျိုက်မရောသွားရအောင်ဆိုတာနဲ့ ညနေရေချိုးပြီး သွားလိုက်ကြတယ်။ လက်သည်းနီဆိုးထားတဲ့ ဘုရားတွေတွေ့တယ်။ Nail Spa အစ မွန်ပြည်နယ်ကဖြစ်မယ်။ ညပိုင်းခရီးသွားရတာတော့ သိပ်သက်သာတာပဲ။ အေးအေးချမ်းချမ်းနဲ့။ ဘုရားရိပ်တရားရိပ်ဆိုတာ သိပ်အေးချမ်းတာ။ တောတွေတောင်တွေလည်းရှူမငြီးပဲ။ ညဘက်ဆိုတော့ သေချာမမြင်ရဘူး။ စိတ်နဲ့ခံစားရတာ။ မြင်ရတာတော့ လက်နေတဲ့ကြယ်လေးတွေ။ သိပ်လှတယ်။ သိပ်စုံတယ်။ အဲဒါပြောတော့ တူမလေးက ကြယ်တွေများအဆန်းလုပ်လို့လို့ပြောတယ်။ အဲဒါကို ကျွန်တော်တို့မရှင်းပြတတ်ဘူး။ ကြယ်တွေမှာ သဘာဝတန်ဖိုး သိပ်မြင့်တာ စိတ်ထဲကပဲ နားလည်နိုင်မယ်ထင်တယ်။
ရှင်စောပုမောင်းတော်ကြီးတဲ့ခင်ဗျ။ မောင်းတီးပြီး ထမင်းမှာသလားမသိဘူး။ သို့သော်လည်း ရှင်စောပုလို ပိန်သေးသေးအမျိုးသမီးကြီးက ဒီလောက်ကြီးတဲ့မောင်းကို သုံးတယ်ဆိုတာ စဉ်းစားမရဘူး။ ရှင်စောပု ပေါင်ကိုးဆယ်နဲ့ ဒီမောင်းကို ဆက်စပ်ကြည့်လို့တောင်မရဘူး။ သို့ပေမယ့် သဘောကျတယ်ခင်ဗျ။
ဘီလူးစုံတွဲ။ ဒီအဆင်ဆန်းနဲ့ ကြောင်လျှောက်များ လျှောက်လိုက်လို့ကတော့ ပါရီက ဖက်ရှင်ရှိုးပွဲတွေမှာ ချက်ချင်းကျော်ကြားပေတော့မှာပဲ။ အဲဒီ ဘုရားက ဘီလူးတွေလုပ်တာနဲ့ ဖိုက်ဖစ်ဖတိ နိပါတ်တော်တွေက ဘီလူးတွေကြောက်စရာမကောင်းတော့တာနေမယ်။ သဘောကောင်းမယ့်ရုပ်တွေနော်။
တို့ဗမာအစည်းအရုံးကထင်တယ်။ ဗမာတစ်ပြည်လုံးကို ကိုယ့်အိမ်မှတ်ပါ။ ကိုယ့်ယာမှတ်ပါတဲ့။ ဟုတ်တယ်။ အဲဒါသိပ်မှန်တာပဲ။ ကိုယ့် အိမ်မှာ ကိုယ်ပျော်တာမဆန်းဘူး။ မြန်မာပြည်မှာ အလုပ်မရှာတတ်တာနဲ့ အရင်က ငါးစိမ်းသည်ရွာဖြစ်ခဲ့တဲ့ မြို့လေးမှာ လာ အလုပ်လုပ်ရပေမယ့် ကိုယ့်နိုင်ငံကိုတော့ သိပ်ချစ်တယ်။ သိပ်လှတယ်။ သိပ်အေးချမ်းတယ်။ နှလုံးမွေ့လျော်စရာကောင်းတယ်။ အဲဒီလိုထင်တယ်။
ကျိုက်မရောကပြန်လာတော့ အိမ်နားက စေတီတွေဆီကိုသွားတယ်။ ဦးဇိန၊ ပန်းရံပျံ၊ ဦးခန္တီ စတဲ့ တောင်ပေါ်ဘုရားတွေဆီကိုသွားတယ်။ ပန်းရံပျံဆိုတာတော့ လူပန်းရံသမားမဟုတ်ဘူး။ စေဗဲလ်နတ်သားတွေလာတယ်ပြောတယ်။ ပြီးတော့ ပြန်သွားတယ်။ တစ်ချို့လည်း စေတီမှာ ဘုရားဆင်းတုထုပေမယ့် ပိုက်ဆံကောင်းကောင်းမပေးလို့ပြန်သွားတာလို့ နောက်ပြီးပြောတယ်။ ဘယ်ဟာ အမှန်လည်းတော့ မသိဘူး။ သိသာတာကတော့ ရန်ကုန်က ဘုရားဆင်းတုတွေ ထုလုပ်ပုံနဲ့သိပ်မတူဘူး။ ချောချောလှလှလေးတွေဖြစ်နေတာတွေ့တယ်။ ဂေါတမဗုဒ္ဓဟာ အိန္ဒိယကမဟုတ်ဘဲ မွန်ပြည်နယ်ကလိုလို အသားဖြူဖြူလေးဖြစ်နေတယ်။ ပန်းရံဆရာရဲ့ ကွန့်မြူးချက်တွေလည်းပါမယ်ထင်တယ်။ လူတိုင်းကတော့ ကိုယ့်ဘုရားကို ကိုယ့်မျိုးနွယ်ထင်ချင်ကြတာပဲ။ ငယ်တုန်းကဖတ်ဖူးတာပဲ၊ အာဖရိကမှာ church တစ်ခုက Cross မှာ Jesus က လူမည်းဖြစ်နေတယ်ဆိုတာ။ အဲဒီ သဘောပါပဲ။
ဗုဒ္ဓဟာ စကြဝတေးမင်းမလုပ်ချင်လို့ တောထွက်တော်မူသွားပေမယ့် ကိုရွှေကွန့်တွေကတော့ ဘုရားမှာမဆင်အပ်တဲ့ ဘုရင့်အသုံးအဆောင်တွေဆင်တော်မူတယ်ခင်ဗျ။ ဆင်းတုတော်မှာ မျက်မှန်တပ်တဲ့သူတောင် ရှိတယ်ဆိုတော့ မင်းမြောက်တန်ဆာဆင်တာလောက်ကိုတော့ ပြောမနေနဲ့တော့လို့တောင်ဆိုရမယ်။ စတန့်ထွင်ချင်တဲ့သူတွေ အဝီစိကို စောစောဒိုးမယ်ထင်တယ်။
ဆင်စွယ်နဲ့ ဘုရားကို ဘာလုပ်ထားသလဲမသိဘူး။ ပူဇော်ထားတယ်ဆိုရင်လည်း နားလည်ရခက်တယ်။ လူတွေ အကြည်ညိုခံရတာမလွယ်ဘူး။ အထူးသဖြင့် ကိုစတန့်တွေ၊ မစတန့်တွေက ထွင်ကိုထွင်လွန်းတယ်။ တစ်နေ့နေ့ ဘုရားကို 925 တွေ ဆင်ပေးချင်တဲ့ စတန့်ထွင်အလှူရှင်တွေ၊ လမ်ဘိုဂီနီလှူထားမယ့်သူတွေနဲ့ဆိုရင် ဘုရားကန်တော့မယ့်သူတောင် တော်တော်ခက်သွားမယ်ထင်တယ်။ မြက်ရှစ်ဆုပ်တောင်လှူသေးတာပဲဆိုပြီး လှူချင်ရာလှူကြတယ်ထင်တယ်။ ရွှေကွန့်များရဲ့ တီထွင်ကွန့်မြူးဉာဏ်တွေကတော့ အံ့သြကုန်နိုင်ဖွယ်မရှိတော့ချေ။ ကျမ်းတတ်အကွန့်များကတော့ ဘုရားဟာ ရှေးဘဝက လက်ဝှေ့ကျော်ဖြစ်ပြီး ပြိုင်ဘက်ကို ခါးချိုးခဲ့တော့ ခါးနာဝေဒနာရှိတယ်။ အဲဒီတော့ Voltex လေးကပ်ရင်သင့်တယ်တွေဘာတွေဖြစ်ကုန်တယ်ထင်တယ်။ ဗေဒင်ဆရာတွေရဲ့ ဘုရားစေတီအပေါ်သြဇာသက်ရောက်မှုကို ကျွန်တော်တို့၊ခင်ဗျားတို့ လျှော့မတွက်သင့်ဘူး။ ဟိန္ဒူကဗေဒင်သုံးပုံတတ်တွေက ထေရဝါဒက ဘုရားကိုစီမံပေးနေတာကိုက ကျွန်တော့်အတွက် collage အနုပညာတစ်ခုလို ဖြစ်ရတယ်။
ယသော်ဓရာတောင်ဘုရားခြေထောက်ကိုဖက်ငိုလို့ရသေးတယ်။ အခုတော့ စတန့်ထွင်တဲ့သူတွေလုပ်လိုက်တာနဲ့ ခက်ကုန်တော့တာပဲ။ ကျွန်တော်ပြောချင်တာတစ်ခုရှိတယ်။ ဘာသာရေးထဲ စတန့်ထွင်တဲ့သူတစ်ယောက်ရှိလာပြီဆိုရင် နောင်လာနောက်သားတွေ အကုန်ခက်တော့တာပဲ။
အဲဒီခရုခွံနဲ့လုပ်တာလေးတွေ သိပ်သဘောကျတယ်။ ဈေးလည်းတန်တယ်။ ရောက်တဲ့အခါ ဝယ်ကြပါ။
လုပ်တာကတော့ ကုလားကားထဲကလို အသည်းပုံလိုလိုဟာပဲ။ တူနေတာကတော့ လင်မယားနှစ်ယောက် လက်တစ်ဖက်စီပြတ်နေသလိုပဲ။ တနားကြပါခင်ဗျာ။
ဓာတ်တော်တွေ။ အများကြီးပဲ။ ပွားထားတာလား။ အစစ်တွေလားဆိုတာတော့မသိဘူး။ နို့နေပါဦး ဦးကြီး၊ ဒါတွေက အစစ်တွေလားဆိုပြီး မေးရင်တော့ လက်သီးစာမိသွားမှာပေါ့။
ယိုးဒယားကမှာထားတဲ့ ကောဇောပုံကြွေပြားတွေ။ အခုရွှေတိဂုံမှာလည်း ဒါမျိုးတွေ သုံးလာတာတွေ့တယ်။
ကမ္ဘာ့အကြီးဆုံးလျောင်းတော်မူဆင်းတုတော်ကြီးဖြစ်ပါတယ်။ လွန်ခဲ့တဲ့ဆယ်စုနှစ်တစ်ခုတုန်းကလည်း တစ်ခါရောက်ခဲ့ဖူးပါတယ်။ နံပါတ်တပ်ထားတဲ့ ရဟန္တာတွေကို လိုက်ရေကြည့်ရင် အပါးငါးရာတွေ့ရပါလိမ့်မယ်။
ကဲကဲ ...မွန်ပြည်နယ်ခရီးစဉ် နိတ္ထိတံ။
Regards,
The Gardener
Notes
ပုံတွေတင်လိုက်တာ သိပ်များသွားတယ်ထင်ပါတယ်။ မရောက်ဖူးသေးတဲ့သူတွေအတွက်နဲ့ မွန်ပြည်နယ်အလွမ်းပြေဓာတ်ပုံလေးတွေ ပြန်ကြည့်ချင်တဲ့ ဒေသခံတွေအတွက် လက်ဆောင်ပေါ့ဗျာ။ အရင်ပို့စ်တွေမှာ ပြောခဲ့သလိုပဲ ဓာတ်ပုံတွေက အကောင်းစားတွေတော့မဟုတ်ဘူး။ ဒါပေမယ့် အမှတ်တရတော့ဖြစ်တယ်လို့ ကျွန်တော်ယူဆတယ်။ ဓာတ်ပုံရိုက်ပေးတဲ့ ဇနီးသည်ကို ကျေးဇူးတင်ပါတယ်။ ကိုယ့်ဟာကိုယ်တော့ ခရီးသွားရင်း တစ်ခုခုစားနေဖို့လောက်ပဲ အာရုံရတယ်။ မွန်ပြည်နယ်က လမ်းတွေကလည်း ကြမ်းတဲ့နေရာတွေမှာ အထက်ကို တစ်ထွာလောက်မြောက်တက်သွားတတ်တယ်။ ပြန်အကျမှာ အခန့်မသင့်ရင် နှလုံးကွဲသေနိုင်တယ်။ သတိထားပြီး အကျသက်သာအောင်နေရတယ်။ အမျိုးသားဘဝအတွက် အတော်လေးသတိထားပြီး ခရီးသွားခဲ့ရပါတယ်။ ပျော်ရွှင်ဖွယ်ခရီးစဉ်လေးတစ်ခုပါပဲ။
Related Posts:
အပိုင်း (၃)
အပိုင်း (၂)
အပိုင်း (၁)
Peace B with U.
