နှစ်သစ်တစ်ခုအစပြုခြင်း

နှစ်သစ်တစ်ခုအစပြုခြင်း

အရင်တစ်ခေါက်ကပြောခဲ့ဖူးပါတယ်။ စင်ကာပူမှာ တရားပွဲဆို အွန်လိုင်းကနာတာပိုပြီးကုသိုလ်ရစရာရှိတယ်ဆိုတာလေးပါ။ အထူးသဖြင့် လူကြပ်ရင် ထမီတလွှားလွှားနဲ့ လူတွေကိုကျော်ဖြတ်ဝင်တတ်တဲ့ ကလေးမတွေနဲ့၊ တရားပွဲကို ဇာတ်ပွဲလို နေရာဦးတဲ့သူတွေနဲ့ တရုန်းရုန်းဖြစ်လို့၊ ဖြစ်နိုင်ရင် ခပ်လှမ်းလှမ်းကနေနာချင်ပါတယ်။ လူထူပြီး ဆူရင် သမာဓိမရပါဘူး။ သမာဓိမရရင် အာရုံတွေဟာ သိစိတ်မှာ မမြဲမြံသလို၊ ထိုးထွင်းသိမြင်မှုဆိုတာမျိုးလည်းမဖြစ်ပါဘူး။ ဒေါမနဿဖြစ်နေရရင်ပိုတောင်ဆိုးရွားသွားနိုင်ပါသေးတယ်။ ဒါပေမယ့် ခြွင်းချက်အနေနဲ့ ကျယ်ကျယ်ပြုပြုဓမ္မသဘင်တွေကိုတော့ အင်မတန်နှစ်သက်ပါတယ်။

မနေ့ည ၂၀၁၄ ရဲ့ ပထမဆုံးနေ့မှာ ကုသိုလ်လည်းရ၊ စိတ်ထားလည်းဖြူစင်၊ အသိဉာဏ်လည်းတိုးတက်အောင် တရားသွားနာလိုက်ပါတယ်။ တရားနာတဲ့အကျိုးတရားတွေမှာ ဘာကိုကြိုက်သလဲဆိုရင် တစ်ယောက်နဲ့တစ်ယောက်မတူလောက်ဘူး။ ကျနော်ကတော့ ဓမ္မဿဝနကုသိုလ်ထက် ဒိဋ္ဌုဇုကမ္မဆိုတဲ့ အယူဖြောင့်ဖို့ဆိုတဲ့ အကျိုးကို ပိုနှစ်လိုပါတယ်။ အခုမကောင်းသေးတာဟာ တရားနာပြီးရင်ကောင်းရလိမ့်မယ်။ မဖြောင့်သေးတာ ဖြောင့်ရလိမ့်မယ်။ ဒီဖြစ်စဉ်ဟာ ရှည်လျားတဲ့ဖြစ်စဉ်ပါ။ နမူနာပေးရရင် အရင်တုန်းက ကုန်းနေသတ္တဝါကြီးတွေ ရေထဲဆင်းခါစမှာ ရေအကြောင်းဘာမှမသိပါဘူး။ ဝေလငါးဆိုပါတော့။ ကုန်းပေါ်မှာနေခဲ့တာနဲ့ ရေထဲမှာနေတာနဲ့ အကွာကြီးကွာတယ်။ ကုန်းပေါ်က ပညာဟာ ရေထဲမှာ အသုံးဝင်ချင်မှဝင်တော့မှာ။ မသေဖို့အတွက်ကို သူ ရေထဲမှာ နေနည်းကိုသင်တယ်။ တဖြည်းဖြည်းပြင်ယူတယ်။ သူနဲ့ခေတ်ပြိုင် ဒိုင်နိုဆော တစ်ကောင်မှမကျန်တော့ပေမယ့် ဝေလငါးဟာ အခုအထိ အောင်အောင်မြင်မြင် ရှင်သန်နေထိုင်နေနိုင်သေးတာတွေ့ရတယ်။ အယူဖြောင့်အောင်လုပ်တယ်ဆိုတာ အမှန်တော့ ဖြောင့်မတ်သူတို့ရဲ့ လမ်းစဉ်ကို အသားကျအောင်ပြုလုပ်ယူတာပါပဲ။ ဖြည်းဖြည်းချင်းပြောင်းလဲယူဖို့ လေ့လာကြိုးစားခြင်းလည်း မည်ပါတယ်။ အယူမှားဟာ ကြောက်စရာအကောင်းဆုံးပါပဲ။ တဏှာနဲ့ ကောင်းတဲ့ဘဝတွေကိုရောက်နိုင်သေးပေမယ့် အယူမှားနဲ့ ကောင်းတဲ့ဘဝကိုရောက်စရာမရှိပါဘူး။ တဏှာနဲ့ သောတပန်တည်နိုင်သေးပေမယ့်၊ ဒိဌိနဲ့တော့ သောတပန်မတည်နိုင်တော့ပါဘူး။ အယူမှားရှိတာဟာ ကြောက်စရာအကောင်းဆုံးပါပဲ။ အဲဒါကြောင့် အယူမှားကို အယူမှန်ဖြစ်အောင် ဖြောင့်တဲ့အလုပ်ကို လုပ်တာဟာ အရေးအကြီးဆုံးလို့မြင်ပါတယ်။ ဆရာနန္ဒာသိန်းဇံရဲ့စာအုပ်တစ်အုပ်မှာ လေးသမားဟာ မြားကို အပူပေးလိုက် ဖြောင့်လိုက်လုပ်တာလေးကို သတိရပါတယ်။ ဖြောင့်တဲ့မြားမှ ပစ်မှတ်ဆီတည့်တည့်သွားနိုင်ပါလိမ့်မယ်။ အဲဒီလိုယုံကြည်ပါတယ်။

သီတဂူဆရာတော်ရဲ့ တရားပွဲကို မနာဖူးပါဘူး။ အခွေတွေတော့ တော်တော်များများနာဖူးတယ်။ ဆရာတော့်ကို သဘောကျတာတော့ အိန္ဒိယအကြောင်း ပိုင်နိုင်လို့ပါ။ လက်ရှိ အိန္ဒိယမြေပုံနဲ့တိုက်ကြည့်ပြီး အဖြစ်အပျက်တွေပိုမြင်သာတယ်လို့ထင်ပါတယ်။ သီတဂူဆရာတော်ရဲ့ နောက်ထပ်ကြည်ညိုစရာအရည်အချင်းတစ်ခုကတော့ လူမှုရေးလုပ်ငန်း၊ ပရဟိတလုပ်ငန်းတွေမှာ ခေါင်းဆောင်နိုင်ခြင်းဖြစ်မယ်ထင်ပါတယ်။ ကိုယ်တိုင်လည်း လူမှုရေးလုပ်ငန်းတွေ တတ်နိုင်သလောက်လုပ်ပေးချင်တဲ့အတွက် ဒီလိုလုပ်နေတဲ့သူတွေ့ရင်လည်း မလေးစားဘဲ မနေနိုင်ဘူး။ တခြားဘုန်းကြီးတွေလည်း ဒီလို ဘုန်းကြီးမျိုးကို အတုယူသင့်တယ်။

တရားပွဲစစချင်းမှာ ဘုရားစာတွေဆိုကြတယ်။ မြန်မာအများစုဟာ နားမကောင်းကြဘူးထင်တယ်။ ပါဠိစာပေမှာ ဝစ္စနှစ်လုံးပေါက်အသံမရှိဘူး။ ဘန်တေကို ဘန်းတေလိုထွက်တာတွေ့တယ်။ ကာလရွေ့လျောသွားရင် အရှင်မြတ်တွေကနေ ဘန်းတွေဖြစ်ကုန်လိမ့်မယ်။ မစ်တာကို မျစ်တာလို့ထွက်တယ်။ အာမဘန်တေကို ပါ၏အရှင်ဘုရားအပိုထပ်ထည့်တာတော့ မြန်မာဆန်ဆန်အဆစ်ပေးတာ။ အာမဘန်တေမှာကို ပါ၏အရှင်ဘုရားပါပြီးသား။ အဆစ်ပေးတာဖြစ်ရမယ်။ နားနဲ့သောတနဲ့ဟာအတူတူကို နားသောတဆင်ကြပါလို့ အပိုထည့်ပြောတာမျိုးထင်ပါရဲ့။ မြန်မာရှေးဟောင်းကဗျာမှာပါတဲ့ စုံတောပြားဆိုတာလိုမျိုး၊ စုံကလည်းတော၊ တောကလည်းတော၊ ပြားကလည်းတော ဆိုတော့ တောတောတော လို့ပြောတာမျိုး။ ရာဇကုမာရ (ရာဇ=ဘုရင်၊ကုမာရ=သား) ဘုရင့်သား၊ မင်းသားလို့ အဓိပ္ပာယ်ရပြီးသားကို ရာဇကုမာရမင်းသားဆိုပြီး မင်းသားနောက်တစ်လုံးအပိုထည့်တာနဲ့ဆင်တယ်။ ဘဂဝါဘုရားကသာ၊ ဒေသနာ တရားပြကာ ဆိုတဲ့ အောင်ခြင်းရှစ်ပါးသီချင်းမှာလည်း ဘဂဝါဟာလည်း ဘုရား၊ ဒေသနာဟာလည်းတရားပဲဆိုတော့ မြန်မာလိုနားလည်ရရင် ဘုရားဘုရားကသာ တရားတရားပြကာ လို့နားလည်မိတယ်။ကျနော့်အလုပ်တော့မဟုတ်ဘူး။ မြန်မာစာကျွမ်းကျင်သူများရဲ့အလုပ်ပါ။ ကြားရတာကိုပြောပြတာ။  ဘုရားစာတွေဘာတွေတော့မသိဘူး။ နားနဲ့ကြားတာကိုပြောတာ။ သဒ္ဓါကို ပါဠိမှာဖိသံက သဓ် မှာရှိတယ်။ သဓ် ဒါလို့ တိတိကျကျထွက်တယ်။ မြန်မာတွေက သဒါလို့ထွက်တယ်။ မှားတယ်တော့မဟုတ်ဘူး။ ပါဠိ broken လွှတ်နေတဲ့သဘောပေါ့။ ဖိသံဖော့သံပျောက်သွားတယ်။ အသက်နည်းနည်းကြီးလာရင်တော့ ပါဠိလိုတတ်အောင်သင်ဦးမယ်။ အခုတော့ မအားသေးဘူး။ အဝေရာဟွန်တုကို အဝေရာဟွန်းတုဆိုပြီး ဟွန်းတီးတဲ့သူတွေရှိတယ်လို့ ဘိုးတော်သာနိုးပြောဖူးသလားမသိဘူး။ ဒီအဘိုးကြီးကလည်း ပေါက်ကရသိပ်ပြောတတ်တယ်။

ပတ္တိဒါနဆိုတာ ကောင်းမှုကိုဝေမျှတယ်ဆိုတဲ့သဘောပေါ့။ တရားပွဲမသွားနိုင်တဲ့သူတွေအတွက် ရေးလိုက်တယ်လို့ မှတ်ချင်လည်းမှတ်ကြ။ သတိထားမိတာကြာပြီ။ တရားပွဲလာတဲ့သူတွေက နယ်သူနယ်သားတွေများတယ်။ ပြီးတော့ ရုပ်လည်းမချောကြတာများတယ်။ ရုပ်ချောတဲ့သူတွေက ကလပ်ဘ်ပဲသွားကြသလားမသိဘူး။ တရားပွဲလာတဲ့သူတွေထဲမှာတော့ အချောအလှ တယ်ရှားတာပဲ။ နယ် accent တွေကြားရလို့ နယ်ရောက်နေသလိုပဲ။ အဲဒါလေးသတိပြုမိတယ်။ ရန်ကုန်က မိဘတွေ တရားပွဲသွားတတ်တဲ့ အလေ့အကျင့်ရှိအောင် မသင်ပေးလိုက်ကြဘူးလို့ထင်တယ်။ အဲဒါကို သတိပြုကြပါ။ ရန်ကုန်မှာ တတိယအရွယ်မတိုင်ခင် ရိပ်သာသွားမယ်ဆိုတဲ့လူက ခပ်ရှားရှားဖြစ်နေတယ်။ ခက်တာက ဒုတိယအရွယ်မှာ အနိစ္စသဘောနဲ့ ကိစ္စချောကုန်ကြတာများနေတာပဲ။ ဆင်ခြင်ကြပါ။

တရားပွဲကတော့ ဓမ္မဒေါင်းလုဒ်မှာ ၆း၃၀ စမယ်လို့ရေးတယ်။ အဲဒါတော့သေချာတယ်၊ ဘယ်တော့မှ ၆နာရီခွဲအတိမစဘူး။ ဖိတ်စာမှာတော့ ၇ နာရီ ခွဲစမယ်လို့ပြောတယ်။ အဲဒီတော့ ငယ်တုန်းက သင်ခဲ့တဲ့သင်္ချာအရ ပျမ်းမျှခြင်းယူပြီး ၇ နာရီလောက် အရောက်သွားလိုက်တယ်။ အဝါရောင်လိုင်းစီးတယ်။ pasir panjang မှာဆင်းတယ်။ သွားဖူးတာ လေးခါမြောက်ဆိုတော့ အဆင်ပြေပြေရောက်တယ်။ ရထားပေါ်မှာကို ထမီနဲ့မြန်မာကလေးတွေတွေ့တယ်။

ထုံးစံအတိုင်း မြန်မာစံတော်ချိန်ဖြစ်သွားပြီး ၇ နာရီ လေးဆယ့်ငါးမှာမှ စဖြစ်တယ်။ ဘုရားရှိခိုး၊သီလယူတာနဲ့ဆို  ၈ နာရီ တစ်မိနစ်ဖြစ်တယ်။ အဲဒီမှာမှ microphone ရဲ့ gain(ထင်တယ်) ကမြင့်နေပြီး ထားတဲ့  စပီကာ direction သိပ်မမှန်တာကြောင့် spike နဲ့ noise နဲ့တစ်လှည့်စီဖြစ်နေတော့ ဘုန်းကြီးက ဘုရားစာဆိုတာခဏရပ်ပြီး စပီကာရွှေ့ခိုင်းရတယ်။ အသံဖမ်း အင်ဂျင်နီယာတစ်ယောက်လောက်ရှိမှ ဒါတွေကို ကောင်းကောင်းသိလိမ့်မယ်ထင်တယ်။ သုံးတဲ့ မိုက်ခ်အမျိုးအစားက တော်တော်လေးအရေးကြီးတယ်။ ပြီးတော့ တရားပွဲဆိုတာ အသံကြည်ကြည်ကြားရဖို့ပဲလိုတယ်။ သိပ်ကျယ်ဖို့မလိုဘူး။ ဒါက အခြေခံအချက်။ အဲဒါကို လူဦးရေနဲ့ကြည့်ပြီး စပီကာကို နေရာချရမယ်။ ပြီးတော့ အလုံခန်းမဟုတ်ရင် သူ့ဆက်တင်ကို ပတ်ဝန်းကျင်အနေအထားနဲ့လိုက်အောင်ညှိရမယ်။ အသံတိုးမှာကို သိပ်ကြောက်နေသလိုဖြစ်နေတယ်။ ရော့ခ်ပွဲတော်မှမဟုတ်တာ၊ တိုးတိုးသက်သာနဲ့ ငြိမ်ငြိမ်လေးကြားရရင်ရပြီ။ တစ်လျှောက်လုံး တဂျိဂျိဖြစ်နေတာမကောင်းဘူး။ အလကားနာရတဲ့တရားပွဲ စပီကာသွားဖြဲကြည့်တယ်တော့မဟုတ်ဘူးပေါ့။ ကောင်းသည်ထက်ကောင်းအောင်အကြံပေးတာ။ ဒေါက်တာနန္ဒမာလာပွဲတုန်းကတော့ မိုက်က အောက်ကိုကျကျလာမှာစိုးရိမ်တယ်လို့ ဘုန်းဘုန်းကပြောတယ်။ လူတွေက တရားနာရင် ညောင်းရင်ရွှေ့တယ်နော်။ ဘုန်းကြီးက သိပ်ရွှေ့လို့မရဘူး။ ဘုန်းကြီး အထိုင်ပြင်ရင် လူတွေက ဂနာမငြိမ်ဘူးထင်တတ်လို့၊ ဘုန်းကြီးတွေက အငြိမ်ဟောတာ။ အဲဒီတော့ မိုက်က ငိုက်လာရင် ဘုန်းကြီးက ဒုက္ခရောက်ရော။ အမှန်တော့ microphone stand ကအစ လိုက်ပြောတယ်ဖြစ်မှာစိုးလို့ အရင်ကမပြောခဲ့ဘူး။ အမှန်တော့ spider mesh နဲ့ တွဲလောင်းချိတ်တဲ့ mic stand မျိုးမှ ပိုအဆင်ပြေတယ်။ (ဒါတွေကို တရားပွဲလုပ်တဲ့သူတွေဖတ်ကြပါ။)

တရားဆို တိုမှတဲ့။ ရှည်ရင်မမှတ်မိလို့ထင်တယ်။ ရှင်သာရိပုတ္တရာလို ယေဓမ္မာဟေတုပဗ္ဗဝါ လောက်နဲ့ တရားရမယ်ဆိုအကောင်းဆုံးပဲ။ အချိန်က ကိုးနာရီအထိဆိုတော့ တစ်နာရီလောက်နဲ့ဟောရတော့တယ်။ ဟောတဲ့အကြောင်းကတော့ သိပြီးသားပါပဲ။ ဆယ်တန်းတုန်းက ပယ်ထားတဲ့ စကားပြေတစ်ခုရှိတယ်။ "တိုင်းပြည်စည်ကားကြောင်း" ဆိုတာ။ အဲဒါလေးကိုဟောတာ။ ဆယ်တန်းတုန်းကတော့ ပယ်ထားရင်မဖတ်ဘူး။ ဆယ်တန်းပြီးတော့ တစ်ခေါက်ပြန်ဖတ်ကြည့်တယ်။ နောက်တော့ အဘိုးအောင်သင်းရေးတာနဲ့ နောက်တစ်ခေါက်ပြန်ဖတ်ကြည့်ပြီးကြိုက်တယ်။ အဲဒီအကြောင်းလေးပါပဲ။

ဘုန်းဘုန်းက နောက်တာထင်တယ်။ ဝိပဿနာမဟောဘူး။ ပျင်းစရာကောင်းလို့လို့ပြောတယ်။ လူတွေရယ်ကြတာတွေ့တယ်။ အမှန်တော့ ဒါဟာ ရယ်စရာမဟုတ်ဘူးပဲ။ ဝမ်းနည်းစရာလို့သာပြောရမယ်။ တစ်နည်းအားဖြင့် ရဟန်းတွေဟာ ပရိတ်သတ်ပေါ်မူတည်ပြီး နားလည်လောက်တာဟောကြတာ။ ဘုရားခေတ်တုန်းက ဒီဘဝနဲ့ ဘာတရားမှမရနိုင်တဲ့သူမျိုးမှ နောက်ဘဝကောင်းအောင် ဒါန၊သီလတွေဟောတာ။ ကိုယ်နဲ့တန်သလောက်တရားကိုပဲဟောကြတာ။ ဒါကိုနားမလည်တော့ ရယ်စရာထင်ကြတာဖြစ်မယ်။ တိုင်းပြည်အတွက်တော့ အင်မတန်အရေးကြီးတဲ့တရားဖြစ်ပါတယ်။ ဒါပေမယ့် နိဗ္ဗာန်ရောက်ကြောင်းအတွက်တော့ အင်မတန် ဉာဏ်ကြီးကြီးနဲ့ဆင်ခြင်ရမယ့် တရားမျိုးပါပဲ။ တိုက်ရိုက်မရောက်နိုင်ဘူး။ ဘုရားဟာ အလကားနေရင်း တရားမဟောဘူး။ အပိုလည်းမပြောဘူး။ သူပြောရင် ကိလေသာငြိမ်းဖို့ပဲ။ ဘာကို ဘယ်လိုပြောသွားသလဲသိဖို့ သိပ်အရေးကြီးတယ်။ ကျနော်တို့ ချဉ်းကပ်ကြည့်လိုက်ရအောင်။

ဝဇ္ဇီ (Vajji) ဆိုတာ အိန်ဒိယမြောက်ပိုင်းမြို့ပေါ့။ မြေပုံမှာရှာကြည့်လို့ရတယ်။ အဲဒီမြို့လေးအကြောင်းပဲ။

စစချင်း မိဖုရားတစ်ပါးက အသားတစ်ကြီးမွေးတယ်။ အသားတစ်ပေမယ့် အသက်ရှိရင်ရှိမယ်ဆိုပြီးအိုးနဲ့ထည့်ပြီး မြစ်ထဲမျှောတယ်။ ရသေ့တွေနေတဲ့မြို့တစ်မြို့ဆီရောက်တယ်။ ရသေ့ကလည်း အိုးဆယ်ရင်း အသားတစ်တွေ့တော့ မီးတွေဘာတွေကင်ပြီး နွေးနွေးထွေးထွေးထားလိုက်တာ အသားတစ်က နှစ်ပိုင်းကွဲပြီး ကလေးနှစ်ယောက်ဖြစ်သတဲ့။ အစောဆုံးဖန်ပေါင်းချောင်နည်းဖြစ်မယ်။ ဒီရသေ့ရဲ့ အစွမ်းအစမျိုးအခုတွေ့ရင် Get that hermit a beer တွေဘာတွေ အော်ကြဦးမှာ။ (Tiger beer ကြော်ငြာဟောင်းထဲကလို။) ရသေ့တွေနေတဲ့နေရာကို ရသေ့ချောင်လို့လည်းခေါ်တယ်။ မြန်မာပြည်က ဟာမစ်တစ်မှတ်တိုင်ဆိုတာ အရင်က ရသေ့ကျောင်းတွေရှိလို့ဖြစ်ချင်ဖြစ်မယ်လို့ ဘဝသစ်ဦးအောင်ကျော်ကပြောဖူးတယ်။ အခုအဖြစ်အပျက်ကတော့ ဟာမစ်တစ်မှာဖြစ်တာမဟုတ်ဘူး။ ဝေသာလီမှာဖြစ်တာ။ ဝေသာလီရဲ့အဓိပ္ပာယ်က ကြီးပွားခြင်းဆိုတော့ ရခိုင်တွေက အဲဒါကိုကြိုက်ပြီး ဝေသာလီလို့ သူတို့ဟာသူတို့လိုက်လုပ်ကြတာထင်တယ်။  သေချာတော့မခန့်မှန်းနိုင်ပါဘူး။ သို့သော်လည်း အခုအသားတစ်ဟာတော့ ရခိုင်ကမဟုတ်လောက်ဘူးထင်ပါတယ်။

ရသေ့တွေက ကလေးတွေရလာရင် ခက်ကုန်တာပဲ။ သုဝဏ္ဏသာမဇာတ်မဖတ်ဖူးတဲ့ ရသေ့ဟာ ကလေးနှစ်ယောက်ကို သူ့ကျောင်းထဲထားသတဲ့။ ဘာနို့တိုက်သလဲတော့မပါဘူး။ အီတလီသမိုင်းက ဝံပုလွေမ လား၊ မြေခွေးမ လားမသိတော့ဘူး။ အဲဒီကောင် နို့တိုက်ပြီးမွေးတဲ့ ညီအစ်ကိုနှစ်ယောက်လောက်တော့ မပီပြင်ဘူး။ သို့သော်လည်း ဒဏ္ဍာရီလာအဖြစ်အပျက်တွေကို တကယ်အဟုတ် လိုက်မစဉ်းစားကောင်းဘူး။ ပုံပြင်လိုသာ နားထောင်လိုက်တာကောင်းတယ်။ မယ်လမုမှာဆို သိကြားမင်း sperm ကို ငှက်ကသယ်လာတယ်ဆိုလားပါသေးတယ်။ အင်မတန်အဆင့်မြင့်တဲ့ ဇာတ်လမ်းတွေ။

နောက်တော့ ရွာသားတွေကက ကလေးနှစ်ယောက်ကိုခေါ်ပြီးမွေးစားသတဲ့။ ရွာလည်မှာ ကလေးစောင့်ရှောက်ရေးဂေဟာဖွင့်သတဲ့။ အဲဒီကလေးနှစ်ယောက်ပျော်ဖို့ ကျန်တဲ့ကလေးတွေကိုပါ လာထားပေးသတဲ့။ ရသေ့မွေးစားထားတဲ့ ရာဇမာန်ပြင်းထန်တဲ့ ကလေးနှစ်ယောက်ဟာ တွေ့သမျှကလေးကို အနိုင်ကျင့်သတဲ့။ ဘယ်ကလေးကိုမဆို အနိုင်ကျင့်လွန်းတော့ ကလေးတွေအားလုံး တစ်ယောက်ပြီးတစ်ယောက် ပြန်လစ်သွားပြီး၊ နောက်ဆုံး အဲဒီကလေးနှစ်ယောက်ပဲ ကျန်ရစ်တယ်။ မင်းသွေးပါတဲ့သူတွေဟာ စိတ်ထက်တယ်ဆိုတာဟုတ်မယ်။ တော်ဘုရားလေး ဦးအောင်ဇေဆိုလည်း စိတ်ထက်တယ်ကြားဖူးတယ်။ ကြံဖန်စပ်ရင် သီပေါမင်းရဲ့ မြေးဆိုတဲ့တစ်ယောက်လည်း စိတ်ထက်တယ်။ နိုင်ငံရေးလုပ်လို့ ထောင်ကျသွားတယ်ထင်တယ်။ ငယ်တုန်းက ကိစ္စတွေ၊သိပ်မမှတ်မိတော့ဘူး။ မှတ်မိတာက မင်းသွေးပါရင် စိတ်ထက်တယ်။ မာနကြီးတယ်။ ဉာဏ်ပညာမြင့်မားတဲ့သူများတယ်။ အဲဒီကလေးနှစ်ယောက်မှာ တစ်ယောက်က ယောကျာ်းလေး၊ တစ်ယောက်က မိန်းကလေး။ အရွယ်ရောက်လာတော့ ဘယ်သူ့ကိုမှ မနှစ်သက်တဲ့အတွက် သူတို့မောင်နှမနှစ်ယောက်ယူပြီး မျိုးဂုဏ်စောင့်ထိန်းလိုက်ကြတယ်။ နောက်တော့ လူတွေများလာတော့ မြို့ရွာတည်ထောင်တယ်။ သူတို့မြို့ကို ဘယ်သူမှ နိုင်အောင်မတိုက်နိုင်ဘူး။ အင်မတန်ကြီးပွားတဲ့မြို့ မို့လို့ ဝိသာလလို့ခေါ်တယ်။ ဝိဆိုတာတော့ အထူးသာတယ်ပေါ့။ အဲဒီဝိသာလကနေ ဝေသာလီဖြစ်လာတာပဲ။ တော်တော်နီးစပ်တယ်နော်။ အဲဒီလိုပြောင်းတယ်ဆိုပေမယ့် ဝိသာခ (ဝိသာခါက ကျာင်းအမကြီး၊ ဝိသာခကတော့ ဒကာကြီး၊ ဓမ်မဒိန်နာရဲ့ယောကျာ်း)ကြတော့ ဝေသာခီမဖြစ်လာသေးဘူး။ ဆန်းတယ်နော်။

ဘုန်းကြီးက အကျဉ်းဟောတာကို အကျယ်ပြန်ပေးနေတာနော်။ အတူနာပေမယ့် ဉာဏ်သွားတဲ့သူက သွားတယ်။ ဝေသာလီဘုရင်တွေထွင်ခဲ့တဲ့ထဲမှာ ပြည့်တန်ဆာစံနစ်ဟာ တော်တော်အဆင့်မြင့်တယ် Sobhini လို့ခေါ်တယ်။ အင်မတန်ချောတဲ့သူတွေ။ လူတိုင်းနဲ့မပျော်ဘူး။ အင်မတန်ကြွယ်ဝတဲ့သူတွေလောက်ပဲ ချဉ်းကပ်နိုင်တဲ့ အလှမယ်၊ ကချေသည်တွေ။ ထင်ရှားတဲ့ကခြေသည်မကတော့ အမ္ဗပါလီ ဆိုတာပဲ။ အခုခေတ်ပြည့်တန်ဆာတွေလိုမျိုးကိုတော့ Ganki လို့ခေါ်တယ်။ အမ်ဗပါလီက ဝေသာလီက နာမည်ကျော်ကြီးပဲ။ ဘုရားကို ဆွမ်းဖိတ်တာရသွားလို့ သူ့ရထား (မြင်းလှည်း) နဲ့ လိစ်ဆဝီမင်းသားတွေရဲ့လှည်းတောင်းကို တိုက်ပြီးတောင် ပျော်ရွှင်မှုကိုပြသွားသေးတယ်ဆိုတာလည်း ကျမ်းထဲမှာပါတယ်။ ဝေသာလီမှာ ထူးဆန်းတာတွေအများကြီး။ လိစ်ဆဝီတွေက အသားအရောင်ကြည်လို့ လိစ်ဆဝီလို့ခေါ်တာ။ အရင်က သူတို့ကို နိစ်ဆဝီ (အင်္ဂလိပ်လိုဆိုရင် next week နဲ့နီးစပ်တယ်ထင်တယ်။) လို့ခေါ်တယ်။ ရေသောက်ရင် ရေကိုမြင်ရတယ်ဆိုလားပဲ။ ဘုရားကတော့ ရဟန်းတွေထဲမှာ နတ်သားမမြင်ဖူးတဲ့ ရဟန်းတွေကို လိစ်ဆဝီတွေကိုပဲကြည့်လိုက်။ အတူတူပဲဆိုပြီးပြောတယ်ဆိုတာလည်း တစ်ချိန်ကဖတ်ဖူးတယ်။ နတ်တွေအရပ်က ပိုရှည်တယ်ဆိုတာ ဟုတ်ချင်မှဟုတ်မယ်။ အမ်ဗပါလီဟာလည်း ကိုကိုဗိန်ဆိုတဲ့ဘုရင်နဲ့ယူသွားတာ။ ခြေထောက်ခွဲခံရတဲ့ဗိန်နဲ့ အတူတူပဲထင်ပါရဲ့။ အမ်ဗပါလီရဲ့သားလည်း ရဟန္တာ၊ အမ်ဗပါလီလည်း နောက်ပိုင်း ရဟန်းမဝတ်တော့ ရဟန္တာမဖြစ်သွားတယ်။ ဒါက ဝေသာလီကလူတွေအကြောင်းကြုံလို့စကားစပ်တာ။

အဇာတသတ်ဆိုတဲ့ငနဲက အဖေကိုသတ်ပြီး ဝေသာလီကို စစ်အကြိမ်ကြိမ်တိုက်သေးတယ်။ မနိုင်ဘူး။ နောက်တော့ အမတ်ကြီးနှစ်ယောက်ကို ဘုရားကိုသွားမေးပါ။ အခုစစ်ပြင်ထားတယ်။ ဝေသာလီတွေကို အမျိုးဖြုတ်ဖို့ ဘယ်လိုတိုက်ရမလဲလျှောက်ခဲ့ပါတဲ့။ အဇာတသတ်ဟာ ဘုရားကိုတောင် စစ်သေနာပတိ ငှားချင်တာနဲ့တူပါရဲ့။ ဘုရားက လက်ရှိအခြေအနေလေးကို အရှင်အာနန္ဒာကိုမေးသလိုလိုလေးနဲ့တရားဟောလိုက်တယ်။ ဝေသာလီရဲ့ ညီညွတ်ရေးတရား။ သူတို့ကျင့်သုံးတဲ့တရားပေါ့။ အဲဒီတရားတွေကို ကျင့်လာတာ နှစ်ပေါင်း သုံးသောင်းရှိပြီ။ ပါလီမာန် ဒီမိုကရေစီနဲ့တင်မြှောက်တဲ့ မင်းဆက်ပေါင်း ၇၇၀၀ ကျော်ကြာခဲ့ပြီ။ ဒီနည်းအတိုင်းရှိနေသ၍တော့ စစ်တိုက်၍ မအောင်ရာလို့ပြောဟောလိုက်တယ်။ လိုအရင်းကတော့ အဲဒါပါပဲ။

ရာဇဂြိုလ်မြို့ဆိုတာ အရင်က ရာဇဂဟတဲ့။ အခုတော့ ကုလားတွေက Rajgir လို့ခေါ်တယ်။ အရင်ကတော့ Girivraja လို့လည်းခေါ်တယ်။ Rajagriha လို့လည်းခေါ်တယ်တဲ့။ မြို့ပိစိလေးတဲ့။ အဲဒါတစ်ခု မကြာမကြာ ကြည့်မရဖြစ်တယ်။ အရင်က ဘုရင်ဆိုတဲ့ကောင်တွေက အမှန်တော့ အခုခေတ် ရပ်ကွက်ကောင်စီရုံးက လူကြီးလောက်ဟာတွေဖြစ်နေတာများတယ်။ သူ့ကိုယ်သူတော့ဘွရှင်မင်းတြားG ထင်ပေမယ့် အခုခေတ်နဲ့ပြန်ကြည့်တော့ ဇင်ဂလယ်၊ဂျင်ဂလယ်၊တိုင်းငယ်ပြည်ငယ်က ဆယ်အိမ်ခေါင်းဖြစ်နေတတ်တယ်။ အဲဒါကတော့ ကြုံလို့အဆစ်ပေးတာ။ ဘုန်းကြီးတခြားမှာဟောထားပြီးသားတွေရှိတယ်။ အားရင်နာကြည့်လိုက်ပါ။

အဇာတသတ်တို့က မကောင်းဘူး။ စစ်တိုက်လို့ပိုက်ဆံကုန်ရင် ခရိုနီသူကြွယ်တွေဆီကတောင်းတယ်တဲ့။ ဘဏ္ဍာတိုက် အိတ်ပိန်နေပြီ။ ဖြည့်ကြစေဆိုပြီးလုပ်တယ်။ အဲဒါကြောင့် သူကြွယ်တွေက ပိုက်ဆံသိပ်ကုန်တယ်။ စစ်ဖြစ်ရင် ပြည်သူလူထုနာတာလေး နည်းနည်းထည့်ဟောသွားတယ်ထင်တယ်။

ဘုန်းကြီးက ဆွမ်းဦးပုညရှင် အတက်လမ်းကို ဖောက်ပြီး လမ်းသုံးခွဆုံမှာ မှတ်တိုင်လေးလုပ်ထားတာကို ဘီယာကြော်ငြာလာလုပ်သွားတဲ့အကြောင်းလေးလည်း ထည့်ဟောတယ်။ စီးပွားရေးလုပ်တာ သာသနာ့နယ်မြေအထိရောက်ကုန်တာကိုလည်း သိလိုက်ရတယ်။ ဒါလေးတစ်ခုတော်တော်တန်ဖိုးရှိတယ်။ မလုပ်သင့်တာတွေ မလုပ်ကြပါနဲ့လို့ဆင်ခြင်တတ်ဖို့လိုတယ်။

လိစ်ဆဝီတွေအကြောင်းနည်းနည်းပြန်ဆက်ရရင် သူတို့ဟာ မဟားတရားညီညွတ်ကြသတဲ့။ ညီလာခံကိုလည်း အတူဝင်ကြ၊ အတူဆွေးနွေးကြ၊  ဘုရင်ကိုလည်း ညီလာခံက ရွေးချယ်ကြ၊ ဘုရင်နန်းသက်ကုန်ရင် ကိုယ့်ဝမ်းစာ ကိုယ်ရှာစားကြ၊ ရှေးဘုရင်ကို နောက်ဘုရင်ငယ်တွေက လေးစားကြ၊ မြို့စောင့်နတ်ဘီလူးတွေကို ပုံမှန်ပသကြ။ ရဟန်းတွေကိုပျော်အောင်ထားကြ စတာတွေလုပ်ပြီးနေကြတာ။ အကြမ်းဖျင်းပြောတာ။ အဲဒါတွေနဲ့အညီနေနေရင် မြို့တွေရွာတွေ တိုးတက်တာပဲဆိုတာကိုပြောတာလို့ အပေါ်ယံအားဖြင့်တော့ထင်စရာရှိတယ်။ ဘုရားကတော့ မြို့၊ရွာတွေအကြောင်းပြောပြတာလည်းဖြစ်တယ်။ ကိုယ့်ရဲ့ စိတ်ကို ကိလေသာ မနိုင်အောင် အစောင့်အရှောက်နဲ့ နေဖို့ပြောလိုက်တာလည်း ဖြစ်နိုင်တယ်လို့ ထင်တယ်။ အမတ်ကြီးကတော့ လည်မှလည်။ ညီနေရင် မဖြိုနိုင်ဘူးဆိုတော့ သူက ဖြိုခွင်းရေးလုပ်တယ်။ သူလုပ်တာ တကယ်စနစ်ကျတယ်။ ဘုရင်နဲ့လက်ဝါးရိုက်ပြီး သူ့ကိုထောင်ချခိုင်းတယ်။ ဘုရင်ကစစ်တိုက်မယ်ဆိုတာကို သူက မတိုက်ချင်ဘူးငြင်းတယ်ဆိုတဲ့ပုံစံမျိုးဖြစ်အောင် မီဒီယာကိုအသုံးချတယ်။ အင်မတန်အဆင့်မြင့်တဲ့ အမတ်ကြီး။ သူ့ဆံပင်ကို လေးကွက်ကြား ပန့်ခ်တွေလိုလိုရိတ်ပြီး ပြာသုတ်ပြီး လှေနဲ့မျှောခိုင်းတယ်။ ဘယ်လိုမျှောသလဲတော့မသိဘူး။ မြေပုံမှာတော့ ကိုကိုလိစ်တို့က အပေါ်ဘက်မှာရှိတယ်။ နယ်နိမိတ်တွေက အခုခေတ်နဲ့တူချင်မှတူမယ်။ သိပ်တော့ဝေးလှတာမဟုတ်ဘူး။ မြစ်တစ်မြစ်တော့ Google Map မှာတွေ့တယ်။ မြစ်ကလည်း အပေါ်တက်တာတော့မဟုတ်ဘူး။ သို့သော်လည်း အဲဒီခေတ်က မြစ်ရဲ့ ဟိုဘက်ခြမ်း၊ဒီဘက်ခြမ်း မြို့နှစ်မြို့ဖြစ်နိုင်တယ်။ မြောက်ပိုင်းကုလားတွေက အခုခေတ်တော့ အမည်းတွေပဲ။ လိစ်တွေက အမတ်ကြီးအင်ထုတာကို တကယ်ထင်ပြီး သွားကယ်ထားတယ်။ ရာဇဂြိုလ်က အန်ဒါကာဗာ အမတ်ကြီးက ဝေသာလီမှာ ပရိုင်းဗိတ်စကူးလ်ထောင်တယ်။ တပည့်မွေးတယ်။ တပည့်တွေ လွှတ်တော်ထဲကို အစိတ်သား၊အစိတ်သားဆိုပြီးပို့တယ်။ ၁၀၀ ကျပ်သားလောက်ရမှ သူက သူ့အကွက်တွေရွှေ့တယ်။ သွေးခွဲတယ်။ မသင့်တင့်အောင်လုပ်တယ်။ ယုံမှားသံသယဖြစ်အောင်လုပ်တယ်။ သူ့နည်းကို မိထုဗေဒလို့ခေါ်တယ်။ သင်းခွဲခြင်းလို့ ဘာသာပြန်ရင်သင့်တယ်။ အမတ်ကြီးဟောင်း ပုဏ္ဏားကြီးနာမည်က ဝဿကာရ တဲ့။ သူလုပ်သွားတာရှင်းရှင်းလေး၊ ညီလာခံမှာ ဟိုလူ့ကို ကပ်ပြီးနေကန်းတယ်နော်။ ညီလေးအေးဆေးကွာ။ ဒီညနေဘီယာသောက်မလား။ စသဖြင့် လောကွတ်လိုလိုလေးတွေကို လူရှေ့မှာ အရေးကြီးကိစ္စလိုပြောသွားတာပဲ။ အဲဒီမှာမှ ဘေးလူတွေက သံသယဝင်ပြီး မသင့်မတင့်ဖြစ်ကုန်တာ။ ဝဿကာရကြောင့် လိစ်ဆဝီတွေ စစ်ရှုံးသွားတယ်။ အဇာတသတ်ကလည်း အကုန်သတ်ပစ်လိုက်သလားမသိဘူး။ သတ်ရင်လည်း သတ်လိမ့်မယ်။ အဲဒီခေတ်က ဘုရင်တွေက လူရိုင်းတွေများတယ်။ လိစ်ဆဝီတွေပျက်စီးတာဟာ အင်မတန်အတုယူစရာကောင်းတယ်။ ဘုန်းကြီးကတော့ လောကမှာ တိုင်းပြည်တွေပျက်တာဘက်ကို ဦးစားပေးဟောသွားတယ်။

ကျနော့်အယူအဆအရတော့ ဗုဒ္ဓအတွက် တိုင်းပြည်အရေးက ဘာမှမဟုတ်ဘူး။ လိစ်ဆဝီတွေကလည်း ဘုရားကိုကြည်ညိုတဲ့သူတွေအများကြီးရှိတယ်။ လိစ်ဆဝီတွေပျက်စီးအောင်ဟောတာလည်းမဟုတ်လောက်ဘူး။

ဝိဇ္ဖသတ္တက၀ဂ် ၀ဿကာရသုတ်(မြန်မာပြန်) အင်္ဂုတ္တရပါဠိတော်ကို ဟောသွားတာပါ။ အချိန်သိပ်မရလို့ ဘုန်းကြီးက အကျဉ်းချုပ်ဟောလိုက်ရပါတယ်။

၁။အာနန္ဒာ ဝဇ္ဇီမင်းတို့သည် မပြတ် စည်းဝေးကြကုန်၏လော၊ အကြိမ်များစွာ စည်းဝေးကြ ကုန်၏လော၊ သင် အဘယ်သို့ ကြားရသနည်း’

(အရှင်အာနန္ဒာကြီးကိုအင်တာဗျူးသလိုလိုမေးတာ။ အဲဒါ ဗုဒ္ဓရဲ့ တရားဟောနည်းတစ်နည်းပဲ။ အခုတော့ မြန်မာကြော်ငြာတွေမှာသုံးတယ်။ ရွှေရည်ပြည့်မီပြီး ဒီဇိုင်းဆန်းသစ်ရမယ်။ အဖိုးနှုန်းလည်းချိုသာတဲ့ဆိုင်ကိုသိသလားဆိုပြီး မော်ဒယ်တစ်ယောက်က နောက်မော်ဒယ်တစ်ယောက်ကို မသိချင်ယောင်ဆောင်ပြီးမေး။ နောက်တစ်ယောက်က အကုန်လုံးသိတဲ့အထာနဲ့ ရွှေဆိုရင် ဦးထုံကို အထူးယုံလိုက်မှ ရူးကုန်တော့မှာဆိုပြီးဖြေ။ အဲဒီလို။)

အရှင်အာနန္ဒာကြီးက yes, of course တစ်နည်း။  I do တစ်သွယ်ဖြေတာပါပဲ။

အမြဲစည်းဝေးကြတယ်။ မြို့စား၊ရွာစား၊နယ်စားတွေ အမြဲ ညီလာခံလုပ်ကြတယ်။ အခုခေတ်လိုမအိပ်ကြဘူးလို့ဆိုလိုတယ်။ထင်တယ်။ တရားဘာဝနာဘက်နဲ့ချဉ်းကပ်မယ်ဆိုရင် အစဉ်သဖြင့်စည်းဝေးတယ်ဆိုတာ ညီညွတ်တဲ့သဘောကိုပြောတာ။ တရားအားထုတ်တဲ့သူဆိုရင် သီလ၊သမာဓိ၊ပညာဟာ အထူးညီညွတ်ရမယ်။ တစ်ယောက်မကျန်ညီလာခံတက်ရမယ်ဆိုတဲ့သဘောမျိုးလို့ ယူနိုင်တယ်။ တကယ်လည်း ဗုဒ္ဓကတော့ တရားနဲ့ယှဉ်တာကိုမိန့်တာပါပဲ။ ဒီထုံးစံနည်းဟောင်းတွေကလည်း သင့်သလိုသုံးရင် အကျိုးရှိတယ်လို့မြင်မိတယ်။ လောကီဘက်သုံးရင် လောကီအောင်မြင်ရေးပေါ့။ လောကုတ္တရာဘက်ကိုချဲ့ကြည့်ရင် လောကုတ္တရာရေးဖြစ်တာပါပဲ။

၂။ အာနန္ဒာ ဝဇ္ဇီမင်းတို့သည် အညီအညွတ် စည်းဝေးကုန်၏လော၊ အညီအညွတ် အစည်း အဝေးမှ ထကုန်၏လော၊ ဝဇ္ဇီတိုင်းရေး ကိစ္စတို့ကို အညီအညွတ် ဆောင်ရွက်ကုန်၏လော၊ သင် အဘယ်သို့ကြားရ သနည်း

ဒါကတော့ ဒုတိယအဆင့်။ စည်းဝေးတိုင်ပင်ပြီး ပညာနဲ့ယှဉ်တဲ့ ဆုံးဖြတ်ချက်တွေချပြီးရင် လိုက်လုပ်ဦးမှ။ နိုင်ငံတော်အကြီးအကဲရဲ့လမ်းညွှန်မှုနဲ့အညီတွေဆိုတာ အကောင်အထည်ဖော်ဖို့ပဲ။ ကျောက်ပြားမှာစာတမ်းထိုးဖို့သက်သက်မဟုတ်ဘူး။ လေကန်ကောင်းရုံမဟုတ်ဘူး။ ညီလာခံထမင်းစားကောင်းရုံမဟုတ်ဘူး။ အမတ်တွေ အိပ်ကောင်းရုံမဟုတ်ဘူး။ ပြည်သူတွေအကျိုးကို တကယ်ရှိအောင်လုပ်ရမယ်။ မာစတာ ဘရိန်းတွေ တိုင်ပင်ပြီးသားကို အကောင်အထည်ဖော်မှ တိုင်းပြည်မှာ အကျိုးရှိမယ်။ လစ်ဆဝီတွေမှာ တကယ်တော်တဲ့သူတွေလောက်ပဲ ညီလာခံရောက်တယ်လို့နားလည်မိတယ်။ မိုးကျရွှေကိုယ်အမတ်မင်းမရှိလောက်ဘူး။ ဒါက သဘောပေါက်မိတာကိုပြောတာ။ ဘုန်းကြီးကလည်း အသေးစိတ်မဟောသွားတော့ ကိုယ့်ဟာကိုယ်ဖြည့်ယူလိုက်တယ်။ ပြည်ထောင်စုမြန်မာနိုင်ငံဆိုပြီး ဗမာတွေကောင်းစားဖို့လောက် လုပ်နေတယ်ဆိုရင် မသင့်ဘူး။ အဲဒါဟာ ကွဲမယ့်သဘောပဲ။ အဲဒါကိုလည်း ဘုန်းကြီးက နည်းနည်းလေးထည့်ဟောတယ်။

ဒီနေရာမှာ မကြိုက်တာတစ်ခုကိုလည်းပြောမယ်စိတ်ကူးတယ်။ ဘုန်းကြီးကို လေးစားပေမယ့် အားလုံးကိုတော့ လက်ခံတယ်မဆိုလိုဘူး။ မွတ်ဆလင်တွေ ဥပုသ်လမှာ လူသတ်လို့ ၅ ထောင်သေတယ်ဆိုတာဟာ ထည့်ဟောသွားတာတွေ့တယ်။ သူ့ဟာသူ တကယ်သတ်ရင်တောင် ဘုန်းကြီးအနေနဲ့ မဟောသင့်ဘူးလို့ထင်တယ်။ ဘုန်းကြီးလို ထင်ရှားတဲ့သူ၊ ပညာဉာဏ်မြင့်တဲ့သူက တစ်ခြားဘာသာရဲ့ သွေးထွက်သံယိုကိစ္စကို တရားထဲထည့်မဟောသင့်ဘူးလို့ထင်တယ်။ ဘုရားရဲ့ တရားဟာ ကိလေသာခေါင်းပါးကြောင်းပဲဖြစ်သင့်တယ်လို့ လက်ခံတယ်။ နာတဲ့သူ၊ ဘယ်ဘာသာနာနာ စိတ်တိုရ၊ဒေါသထွက်ရတာမျိုး မဖြစ်အပ်ဘူး။ ဒီကိစ္စဟာ ဗုဒ္ဓဘာသာဘုန်းကြီးတွေ အင်မတန် သတိထားရမယ့်ကိစ္စဖြစ်တယ်လို့ထင်တယ်။ ကိုယ်တိုင် ငြိမ်းချမ်းပြီးသားပုဂ္ဂိုလ်တွေဟာ ငြိမ်းချမ်းမှုကိုသာ အားပေးရမယ်။ ဥပမာပေးတဲ့နေရာမှာလည်း အစွန်းလွတ်အောင်ပေးရမယ်လို့ထင်ပါတယ်။ မွတ်ဆလင် ဝါဒရော၊ တရားရော မလေ့လာဖူးတဲ့အတွက် သူတို့ဘယ်လိုဟောသလဲတော့မသိပါဘူး။ ကရုဏာနဲ့ယှဉ်တဲ့ လုပ်ငန်းတွေကို လုပ်နေတဲ့ ဘုန်းကြီးဖြစ်လို့လည်း ပိုပြီး သတိထားရမယ်ထင်ပါတယ်။ ဘုန်းကြီးဟာ ဘာသာမရွေး ကူညီစောင့်ရှောက်နေတာ လေ့လာကြည့်နိုင်ပါတယ်။ ဒီတစ်ချက်ထည့်ဟောတာကိုတော့ သဘောမတူလှဘူး။ မှားတယ်မှန်တယ်ပြောတာမဟုတ်ဘူး။ ကြီးမြတ်တဲ့ပုဂ္ဂိုလ်တွေဆင်ခြင်ကြဖို့လိုတာမျိုးပါ။ ကိုယ့်စကားက လူတိုင်းဆီ ရောက်နိုင်တဲ့သူတွေ သတိထားတာမမှားပါဘူး။ ဒီလိုပြောလို့လည်း စော်ကားတယ်မမှတ်စေချင်ဘူး။ အရှင်သာရိပုတ္တရာသင်္ကန်းဝတ်တာ အချိုးမကျဖြစ်နေတော့ ကိုရင်က တည့်အောင်ဝတ်ဖို့ သတိပေးတဲ့အခါမှာ ဘုရားပြီးရင် အမြင့်ဆုံးလက်ျာရံကြီးက ကိုရင်ပြောလို့ နားမထောင်ဘူးမရှိဘူး။ တည့်အောင်ပြင်ဝတ်ပြီး၊ အဆင်ပြေသွားပါပြီလားလို့ နှိမ့်နှိမ့်ချချပြန်လျှောက်တဲ့ထုံးကို နှလုံးမူသင့်တယ်။

၃။အာနန္ဒာဝဇ္ဇီမင်းတို့သည် မပညတ်ခဲ့သော အရာကို မပညတ်ဘဲ ရှိကုန်၏လော၊ ပညတ် ပြီးသော အရာကို မပယ်ဖျက်ကြ ကုန်ဘဲ ရှိကုန်၏လော၊ ပညတ်ထားသမျှသော ရှေးဟောင်း ဝဇ္ဇီကျင့်ထုံးတို့ကို လိုက်နာ၍ ကျင့်ကုန်၏လော၊ သင် အဘယ်သို့ ကြားရသနည်း။

ဒီတစ်ချက်ကတော့ တော်တော်လေး ကျွတ်စရာကြီး။ ကြောက်စရာကြီး။ ကြံ့ဖွတ်အမတ်တွေကများ ဒီအချက်ကိုကိုင်ပြောရင်တော့ အင်မတန်ရယ်စရာဖြစ်မှာ။ သို့သော် ဘုရားဟောတဲ့ ဝဇ္ဇီတွေမှာက ကိုယ်ဆွဲချင်တဲ့ ဥပဒေ ကိုယ်လျှောက်ရေးတဲ့ constitution နဲ့မဟုတ်ဘူး။ တရား၊ဘာဝနာအရလည်း ခန္ဓာရဲ့ဖြစ်ပျက်တွေဟာ တစ်သတ်မတ်တည်း။ ကိုယ်ထင်ချင်ရာထင်လို့မရဘူး။ သံသရာလွတ်ကြောင်းလုပ်ရင်း ဒီဉာဏ်တွေ ဒီလိုပဲဖြတ်သန်းရမယ်ဆိုတာကို ငါ့အလှည့် ဒီဉာဏ်လေးကျော်လိုက်မယ်။ ဘင်္ဂဉာဏ်က ပျင်းစရာ ကျော်ပစ်လုပ်လို့မရဘူး။ သူ့ဟာသူ သတ်မှတ်ပိုင်းခြားထားပြီးသား။ ဒါတွေကို နှုတ်လို့မရဘူး။ ပယ်လို့မရဘူး။ ပြောင်းလို့မရဘူး။ လူသားတိုင်းဟာ အခွင့်အရေးတူတယ်ဆိုရင် အစိတ်သားဟာ အခွင့်အရေးပိုသာတယ်လုပ်လို့မရဘူး။ ယူနီဖောင်းဟာ အရပ်ဝတ်ထက် ဘာမှ ပိုပြီး အခွင့်ထူးမခံချင်နဲ့။ မရတော့ဘူး။ စကတည်း ရေးဆွဲရင် မှန်မှန်နဲ့ တစ်ခါတည်းအဆင်ပြေပြေလုပ်။ အနှစ်သာရအရ ထာဝရမှန်နေအောင်ကြိုးစားထားရင် နောက် ခဏခဏမပြင်ရတော့ဘူး။ ပြင်နေရတော့ အလုပ်ရှုပ်တာပေါ့။ ကားပျက်နဲ့ခရီးသွားသလို ခရီးမတွင်ဘူး။ စကတည်းက ဘီးများကို လေးထောင့်လုပ်ရမည်လို့ ကဝိဆရာက မိန့်ထားတာကြီး တကယ်မှတ်ပြီး လိုက်လုပ်နေရင်လည်း ခရီးမတွင်ဘူး။ လျှပ်စစ်ဥပဒေကို ဒဏ်ငွေပြောင်းတာတောင်မှ အခြေအနေပေါ်မူတည်ပြီး ပေးနိုင်လောက်လား၊မပေးနိုင်လောက်လား၊ အယူခံဝင်နိုင်လားဆိုတာတွေ တော်တော်လေးပြန်ပြင်ကြရတယ်ထင်တယ်။ အစမကောင်းတော့ အနှောင်းမသေချာဖြစ်တာ။ ဒါတွေကို ဝဇ္ဖီတွေက ဗုဒ္ဓမတိုင်ခင် နှစ်သုံးသောင်းလောက်ကတည်းက လုပ်နေတာဆိုတော့ မြန်မာအမတ်တွေက နှစ်သုံးသောင်း+2500 ဆိုတော့ နှစ်ပေါင်း သုံးသောင်း နှစ်ထောင့်ငါးရာလောက်ပဲ နောက်ကျတာလို့ဆိုနိုင်တယ်။ သိပ်တော့မပြတ်ကျန်ခဲ့ဘူးပဲ။ (အဲဒီလိုပြောရင် တရားနာတဲ့သူတွေက ဟုတ်တယ်ပြောကြဦးမှာ။ သာဓုခေါ်ကြဦးမှာ။) အမှန်တော့ အစိုးရကောင်းကောင်း၊မကောင်းကောင်း၊ ကိုယ့်စိတ်ကောင်းအောင်ထားနိုင်ဖို့က ပိုအရေးကြီးတယ်လို့ ကျနော်ထင်တယ်။ အစိုးရကိစ္စထက် ကိုယ့်စိတ်ကိစ္စဟာ သူတော်ကောင်းတရားနာတဲ့သူအတွက် ပိုအရေးကြီးတာပဲ။ ဘုန်းကြီးရဲ့အဟောအရ အကျယ်ချဲ့တာဆိုတော့ ဘုန်းကြီးက လူအများစုကို ပြုပြင်စေချင်တဲ့ စေတနာတွေ့လို့ လောကီကိစ္စကို နည်းနည်းစောင်းပေးပြီး အကျယ်ချဲ့လိုက်တာကို ခွင့်လွှတ်စေချင်တယ်။

၎။ ဝဇ္ဇီမင်းတို့သည် အသက်ကြီးသော ဝဇ္ဇီမင်းတို့ကို အရိုအသေ ပြုကုန်၏လော၊ အလေး ပြုကုန်၏လော၊ မြတ်နိုးကုန်၏လော၊ ပူဇော်ကုန်၏လော၊ ထိုအသက်ကြီးသူတို့၏ စကား ကိုလည်း နာယူသင့်သည် ဟု မှတ်ထင်ကုန်၏လော၊ သင် အဘယ်သို့ ကြားရသနည်း။

ဒါကကြီးသူ ရိုသေခိုင်းတာ။ ပညာရှိရင်ရိုသေပေါ့။ ပညာမရှိတဲ့သူကိုတော့ သာမန်လောက်ပဲရိုသေနိုင်တယ်။ ဆရာတော့မတင်နဲ့။ မှားလိမ့်မယ်။ တရားရှာတဲ့သူတွေအတွက် ပညာရှိ၊ သက်တော်ရှည်ဘိုးဘိုးဟာ သတိပဲ။ ကျန်တာတွေလျှောက်ဆရာတင်ရင်မှားမယ်။ သတိကိုဆရာတင်မှ။ ရှေးက ပညာရှိတွေလည်း ရှေးဆရာအဖြစ် သတိကိုသာ ဆရာတင်သွားတာ။ ဓမ္မရတနာကို ဆရာတင်တယ်ဆိုလည်း ကောင်းတာပဲ။ သူ့မှာ ပညာရှိတယ်။ အတွေ့အကြုံရှိတယ်ဆိုရင် မထေမဲ့မြင်မပြုအပ်ဘူး။ ဒါကတော့ ကြီးကြီးငယ်ငယ် ပညာပေါ်မူတည်ပြီးလေးစားတဲ့သဘောရှိရမယ်လို့ထင်တယ်။ ဒေါက်တာဘွဲ့ အွန်လိုင်းက ဝယ်တဲ့သူကိုတော့ ဘာလေးစားစရာလိုလဲ။ အဲဒီလိုလည်း ဖြန့်ထွက်တွေးကြည့်နိုင်တယ်။ ပြန်ကြားရေးဝန်ကြီးကိုမြင်ရင် ဘောလုံးပွဲက အကူဒိုင်ကိုမြင်တယ်။ နည်းပြတွေ ဆဲချင်သလောက်ဆဲ၊ ခေါင်းကလေးငြိမ့်ပြီး ဟုတ်ကဲ့၊ဟုတ်ကဲ့လုပ်နေတာ မကြာမကြာမြင်ဖူးတယ်။ သူက ဒိုင်ချုပ်ကို ဘာမှ အကြံပေးတာမဟုတ်ဘူး။ နည်းပြတွေ ဝိုင်းဆဲတာခံဖို့ပဲ။ အဲဒီအတွက် သူ့ကို လခပေးထားတာပဲ။ အသုံးတော့မဝင်လှဘူး။ လတ်တလော ဒေါသတော့ လျော့သွားစေတာပေါ့။ မကျေနပ်မှုတွေကို အဲဒီလူကြီးဆီကို များများရောက်လေ၊ ကွင်းလယ်ဒိုင်က လုပ်ချင်ရာလုပ်လို့ရလေပဲ။ အသက်နဲ့ပညာနဲ့တန်းတူကြီးလာဖို့ခက်တယ်။ မကြီးလာရင်လည်း လေးစားရခက်တယ်။ ရင့်ကျက်ပြည့်ဝတဲ့ သဘောထားကြီးရင့်မှုဟာလည်း ပညာပဲ။ ပညာပြည့်ဝတဲ့ အသိုင်းအဝိုင်းဆိုရင်တော့ လေးစားရတာ နည်းနည်းပိုလွယ်မယ်။ ညွှန်ကြားရေးမှုးချုပ်ဖြစ်ဖို့ အရည်အချင်းဆိုလို့ ဘီပိုးတစ်ခုပဲရှိတာကို ဘယ်လိုလေးစားမလဲ။ အဲဒီလိုလည်းတွေးကြည့်နိုင်တယ်။

၅။ဝဇ္ဇီမင်းတို့သည် အမျိုးသမီးကြီး အမျိုးသမီးငယ်တို့ကို အတင်းဆွဲငင်၍ အနိုင် အထက်မသိမ်းပိုက်ဘဲ ရှိကုန်၏လော၊ သင် အဘယ်သို့ ကြားရသနည်း။

ဒီယဉ်ကျေးမှုဟာ အင်မတန် အထက်တန်းကျပါလားလို့တွေးမိတယ်။ ကုလားပြည်ဆိုတာ အခုအထိကို ကမ္ဘာမှာ ဒုတိယ မုဒိန်းမှုအများဆုံးဆိုတော့ ဒါတော်တော်လေးနက်တဲ့ ဥပဒေ။ စိတ်၊စေတသိက်တွေအရဆိုရင်တော့ ဒေါသမူစေတသိက်တွေဖြစ်လာရင် အာရုံတွေကို အဟုတ်ထင်ပြီး ကြမ်းတမ်းတဲ့စိတ်ကြမ်းတွေဝင်လာတာဟာ ဒီသဘောနဲ့ဆင်တယ်။ လောကီမှာလည်း အင်မတန် အမျိုးကိုစောင့်ထိန်းပြီး လေးစားတဲ့သဘောတွေ့ရတယ်။ ဒါမျိုးက အတုယူစရာကောင်းတယ်။

၆။ဝဇ္ဇီမင်းတို့သည် မြို့တွင်း မြို့ပြင်ရှိ ဝဇ္ဇီမင်းတို့၏ နတ်ကွန်း ‘စေတီ’ တို့ကို အရိုအသေ ပြုကုန်၏လော၊ အလေး ပြုကုန်၏လော၊ မြတ်နိုးကုန်၏လော၊ ပူဇော်ကုန်၏လော၊ ထိုနတ်ကွန်းတို့ အားလည်း ရှေးက ပေးလှူမြဲ ပြုမြဲဖြစ်သော တရားနှင့်လျော်သော ဗလိနတ်စာကို မဆုတ်ယုတ်စေဘဲ ရှိကုန်၏လော၊ သင် အဘယ်သို့ ကြားရသနည်း။

ဒါကလည်း အစဉ်အလာကိုစောင့်ထိန်းတဲ့သဘောမျိုးပဲ။ မိဘဘိုးဘွားတွေရဲ့ ရိုးရာကိုစောင့်ထိန်းတာ၊ တရားသဘောအနေနဲ့ ရှိမြဲရှိခဲ့တဲ့ သီလကိုစောင့်တာကို ဗလိနတ်စာကျွေးတယ်လို့ဆိုလိုက်တာမျိုးပဲ။ မြန်မာပြည်မှာ ကျွေးတဲ့ ဗလိနတ်စာကတော့ ခေါင်းဆောင်ကြီးသမီးနဲ့ ဇနီးကို လိုချင်တဲ့ ရတနာတွေ၊ အဝတ်အထည်တွေ ဝယ်ကျွေးရတာပဲထင်တယ်။ မန်းတလေးကို စိန်မမ ဝတုတ်ရောက်တုန်းက တိုင်းမှုးဇနီး တိုင်းရံပုံငွေနဲ့ လိုက်ဝယ်ပေးလိုက်ရတာတွေရှိတယ်လို့ ကျွန်ုပ်လည်းမှတ်သားဖူးလေ၏။ အဲဒီလို မဟုတ်တဲ့ နတ်စာကျွေးတော့ မဟုတ်တဲ့အကျိုးတွေပေးပြီး တိုင်းပြည်လည်း မြောင်းထဲကို ခေါင်းစိုက်ပြီးခုန်ဆင်းသလိုဖြစ်သွားတာမဟုတ်လား။ နတ်စာမကျွေးတတ်ခဲ့ပုံကလည်း အတုယူစရာ။ ဝဇ္ဖီတွေက နတ်တွေကို outsource လုပ်ထားတာ။ sub contract ပေးပြီး စစ်တိုက်ခိုင်းထားတာလို့ဆိုတယ်။ ကျူးကျော်လို့မရဘူးဆိုတာ နတ်ဘီလူးတွေကပါ ဝင်ကူတိုက်ပေးလို့။ အခုခေတ်နဲ့ထင်ဟပ်ချင်ရင် ကူမင်တန်တွေကို တိုက်ထုတ်တော့ အခုသောင်းကျန်းသူ၊သောင်းကျန်းသူလို့ခေါ်နေတဲ့သူတွေ ကူတိုက်ပေးလိုက်သေးတယ်ထင်တယ်။ အဲဒီတော့ ဦးခင်ညွှန့်ဘိန်းပေးစိုက်တာဟာ ဗလိနတ်စာကျွေးတာပဲ။ ဘုန်းကြီးကတော့ ဒါတွေ ကျနော်ဆက်ဟောဖို့ ချန်ထားခဲ့တယ်ပြောတယ်။

၇။ အဘယ်သို့လျှင် ဝဇ္ဇီတိုင်းသို့ မကြွလာသေးသော ရဟန္တာတို့သည် ကြွလာပါကုန် အံ့နည်း၊ ကြွရောက်လာပြီးသော ရဟန္တာတို့သည်လည်း ဝဇ္ဇီတိုင်း၌ ချမ်းသာစွာ နေရပါကုန် အံ့နည်း’’ ဟု ဝဇ္ဇီမင်းတို့သည် ရဟန္တာတို့၌ တရားနှင့်အညီ စောင့်ရှောက် ကာကွယ်လျက် လုံခြုံ စေမှုကို ကောင်းစွာ စီမံပေးကုန်၏လော၊ သင် အဘယ်သို့ ကြားရသနည်း

ဘုရားသာအခုရှိသေးရင် ရဟန်းကို မီးလောင်ဗုံးနဲ့ထုတဲ့တိုင်းပြည်ကို အံ့သြမဆုံးဖြစ်ရဦးမယ်။ မွဲတာလည်းမပြောနဲ့။ လုပ်သမျှ တလွဲချည်းကိုး။ ရဟန္တာတောင်အေးဆေး တောထဲမနေရဘူး။ တောထဲသွားမယ်ဆိုတော့ သစ်ပင်တွေခုတ်ထားလို့ အရိပ်မရှိတာနဲ့ မြို့ထဲပြန်ဝင်လာရမယ်။ အဲဒီလိုခေတ်။ အဲဒီလိုတိုင်းပြည်။ ဒီလိုလူတွေနဲ့ အဟုတ်ကြီးကို ချီတက်နေတော့တာ။ ရွှေဝါရောင်တော်လှန်ရေးဆိုရင် ဘုန်းကြီးတွေချည်း ရှင်းပစ်တာ။ အင်မတန် တိုင်းပြည်စည်ကားကြောင်းနဲ့ ညီတဲ့နိုင်ငံမှာ နေခဲ့ရတာ ဂုဏ်ယူမိတယ်။ ဘုန်းကြီးတွေလည်း အိန်ဒိယဘက်ကို အပါးငါးရာလောက်ကြွတယ်။ သီဟိုမှာလည်း ၁၀၀ လောက်ရှိတယ်ထင်တယ်။ စင်ကာပူမှာတော့ အပါး ၅၀ လောက်ပဲ။ သူတော်ကောင်းစိတ်ထားအတိုင်းဆိုရင်တော့ ရဟန္တာကြွလာတယ်ဆိုတာ မြင့်မြတ်တဲ့ တရားအသိတွေရလာတယ်။ သိလာတယ်။ တရားနှလုံးသွင်းပြီး ဗြဟ္မဝိဟာရနဲ့အညီနေထိုင်တယ်ဆိုတဲ့ သဘောနဲ့တူပါရဲ့။

ကဲကဲ ဘုန်းကြီးက တရားဟောတာမြန်တယ်။ ဒီလူကြမှ လေရှည်နေတယ်ဖြစ်မယ်။ အပရိဟာနိယ ဆိုတဲ့ တိုင်းပြည်စည်ကားကြောင်း တရားခုနစ်ပါးကတော့ အဲဒါပဲ။ ဟာနိယဆိုရင် ဆရာဝန်တွေက ရယ်ဦးမယ်။ hernia ဆိုတဲ့ အူကျတာနဲ့ရောပြီး အမှတ်မှားတာနေလိမ့်မယ်။အပရိဟာနိယလို့ပဲမှတ်ပါ။ မဆုတ်ယုတ်ကြောင်းတရား ခုနစ်ပါးဆိုတာကတော့ ဒဲ့ဘာသာပြန်ပေါ့။

တရားသိမ်းပါပြီ။ အိမ်ပြန်ကြပါ။ သောကြာနေ့ထပ်သွားနာပါဦးမည်။

ဤကောင်းမှုအဖို့ဘာဂသည် နိဗ္ဗာန်၏ အထောက်အပံ့ဖြစ်စေသော်ဝ်။        ။

Zephyr

Peace B with U.