ခရမ်းရောင် အက္ခရာ နှင့် ၀ိမုတ္တိနှင်း (အပိုင်း ၁)

ခရမ်းရောင် အက္ခရာ နှင့် ၀ိမုတ္တိနှင်း

(၁)အရုးတစ်ယောက်ရဲ့ ခရီးစဉ် .....

အနက်ရောင် ကြယ်တစ်စင်းကပဲ စလိုက်ကြရအောင်။

ကြယ်တစ်စင်း၏ အိမ်မက်တွင် ..... "ဟိုးရှေှးရှေးတုန်းက .... " ဆိုတဲ့ သာယာညွတ်နူးဖွယ် အဖွင့်စကားနှင့် မစခဲ့တဲ့ ပုံပြင်လေးတစ်ခု ... ခရမ်းရောင် နှင်းများ စိုစွတ်နေသည်။

သက်တံများ ပြန်ဖြောင့်ရန်၊ သိမ်ငယ်ရိုကျိုးနေသော ထိကရုန်းပင်လေးကို အားပေးနှစ်သိမ့်ရန် ....၊ တိမ်တိုက်ဖြူလွလွလေးကို ပွေ့ဖက်ရန် .. ထိုအရာများသည် ကြယ်တစ်စင်း၏ အလုပ်များမဟုတ်ခဲ့ပါ။

ကြယ်တစ်စင်းသည် လောင်ကျွမ်းရန်၊ လင်းပရန်၊ ပေါက်ကွဲရန် ... တစ်ခါတစ်ရံ စိတ်ခံစားချက်များကို ပြန်လည်အေးခဲပစ်ရန် ... မတတ်သာသည့် အခါ အတွင်းသို့ပြန်လည် တိုးဝင်ပြီး ကြောက်မက်ဖွယ် Black Hole တစ်ခု ဖန်ဆင်းရန် ....၊ အေးချမ်းမြင့်မြတ်သည့်ကာလရောက်မှ ရင်ဘတ်ကိုပြန်ဖွင့်ပြီး Big Bang တစ်ခု ကို ပန်းလို ပွင့်ပစ်လိုက်ရန် စသည့် အလုပ်များကိုသာ တာဝန်အရ လုပ်ကိုင်သည်။

ကြယ်တစ်စင်းသည် အပ်ဖျားတစ်ထောက်စာ အလွမ်းတစ်ခုကြောင့် မီးလောင်ပျက်သုန်းသွားနိုင်သော အရည်ခွံပါးပါး စိတ်တစ်ခုနှင့် သံသရာဘတ်(စ်)ကားအိုပေါ်မှ ခရီးသွားမဟုတ်ပါ။ ... ကြယ်တစ်စင်းသည် မိမိရင်ဘတ်ထဲမှ နံရိုးတစ်ချောင်း ဘုရားသခင် မထုတ်ခဲ့ကြောင်း အခိုင်အမာ နားလည်ထားသော၊ အစွန်းရောက် သည့်တိုင် ချွန်မြခဲ့သော လှံသွားတစ်ခုဖြစ်နိုင်ပါသည်။ ကြယ်တစ်စင်းသည် မျက်ရည်အလွယ်တကူ ကျတတ်သော သဘာဝမရှိခဲ့ ...။ မျက်ရည်များ၏ အပူနဲ့ဖိအားကြောင့် လမ်းကြောင်းပြောင်း၍ လည်ပတ်ပေးလိုက်သော သမိုင်းကြောင်းမရှိခဲ့ပါ။ ကြယ်တစ်စင်းသည် အားနာပါးနား တလက်လက် လင်းပြလိုက်ရန် စိတ်ပျက်ညည်းငွေ့ရမှ အစပြု၍ အဖြူရောင်အလင်းတန်းကို အနက်ရောင် အဖြစ်သို့ ပြောင်းလဲလိုက်သည်ဟု ဆိုကြသည်။ တစ်ချို့ကလည်း ကြယ်တစ်စင်းသည် အရွယ်အစားအရ ... ဂငယ်ကွေ့ရန် မဖြစ်နိုင်ရာမှ အစပြု၍ အနက်ရောင် ကသိုဏ်းအ၀န်းအ၀ိုင်းကို စူးစိုက်လေ့လာရာမှ အနက်ရောင်ပြောင်းလာသည်ဟုဆိုကြသည်။ .... ကြယ်တစ်စင်းသည် ....။

အနက်ရောင်ကြယ်တစ်စင်းသည် ...

သင့်ဦးခေါင်းတည့်တည့်အရပ်မှနေ၍ သင့်ကို ငုံ့ကြည့်နေသည်။

တစ်ခါတစ်ရံ သင့်အိမ်မက်များကိူ သူခိုးဝှက်သွားသည်။

တစ်ခါတစ်ရံ သင့် စိတ်ခံစားချက်များကို သူခိုးဝှက်သွားသည်။

တစ်ခါတစ်ရံ သင့် မျက်ရည်များကို သူခိုးဝှက်သွားသည်။

တစ်ခါတစ်ရံ ..... ကြယ်တစ်စင်းသည် .....သင့်အပြုံးများကို ခိုးဝှက်သွားသည်။

တစ်ခါတစ်ရံ ... ကြယ်တစ်စင်းသည် သင့် သက်ပြင်းတစ်ခု၏ လေးလံမှုကိုချိန်တွယ်နေတတ်သည်။

တစ်ခါတစ်ရံ ... ကြယ်တစ်စင်းသည် ...သင့်ကို အမှောင်တန်းများဖြင့် ခြုံလွှမ်းထားသည်။

ကြယ်တစ်စင်းသည် သင့်ကို .....။

...... ကြယ်တစ်စင်းသည် ကမ်းပါးစွန်းမှ ခြေတစ်ဖက်ချော်ထားပြီးသား အရူးတစ်ယောက်၏ ခရီးစဉ်ကို နားလည်သည်အထိ သူ့သက်တမ်းကို ဆွဲဆန့်ထားပစ်လိုက်သည်။ အာယုကပ်တစ်ခုကို လက်ထဲမှာ ခပ်ဖွဖွ ဆုပ်ကိုင်ထားရင်း ကြယ်တစ်စင်းသည် .. သင့်ကို .....။

(၁.၁) ခရီးအစ ...

အရူး။ ။ကျွန်တော့်ကို ပွဲလန့်တုန်းခင်းတဲ့ ဖျာတစ်ချပ်ရောင်းပါ။

ဆိုင်ရှင် ။ ။ဖျာတွေက အလကားပေးတာပါ။ တစ်ခုပဲရှိတယ် ....၊ စိတ်ထဲမှာ အံဝှက်လုပ်ထားတဲ့လူတွေကဦးသွားပြီ။

အရူး။ ။ဒါဆို နောက်သံသရာ တစ်ပတ်မှ ကျွန်တော်ပြန်လာမယ်။

ဆိုင်ရှင်။ ။ ဖျာတစ်ချပ်အတွက်လား။

အရူး။ ။ ဟင့်အင်း။ အံဝှက်တွေအတွက်ပါ .....။

(၁.၂)ရုပ်ကြွင်းနှင့်တွေ့ဆုံခြင်း

ရုပ်ကြွင်း။ ။ လမ်းကြုံလိုက်ချင်လို့ ရင်ဘတ်တစ်ခုငှားပါ။

အရူး ။ ။ ရတယ်လေ။ နှလုံးသားကို မထိစေနဲ့ ....။ ကျန်တာတွေ စားပစ်လိုက်။

ရုပ်ကြွင်း။ ။မင်းမှာ နှလုံးသားမရှိတော့ဘူးလေ။

အရူး။ ။အမ်။ လဲပစ်လိုက်ပြီထင်တယ်။ ဒီမှာ သူပေးသွားတဲ့ပန်းပွင့်တွေလေ။

(၁.၃)သုည

အရူး။ ။ မင်းက အရင်ကတည်းက တန်ဖိုးမရှိတာလား။ တစ်ယောက်ယောက်ကို တန်ဖိုးတွေပေးလိုက်လို့ သုညဖြစ်ကျန်ခဲ့တာလား။

သုည။ ။မင်းကရော စိတ်ခံစားချက်ကနေထွက်ပြေးတာလား၊ စိတ်ခံစားချက်ဆီကို ပြေးဝင်တာလား။

အရူး။ ။သုညထဲမှာဘာရှိလဲ။

သုည။ ။မေးခွန်းမှားနေပြီ ... ဘာထဲမှာ သုညရှိလဲ။

(၁.၄) ကုတ်အင်္ကျီ ၀တ်ဆင်ဖြစ်ခြင်း

အရူး။ ။ မင်းက ငါ့ကို ကာကွယ်ပေးချင်တာလား။ ငါ့ဆီက အနွေးဓာတ်ကို ခဏလောက် ကူးစက်ခံစားချင်တာလား။

ကုတ်အင်္ကျီ ။ ။ ဟင့်အင်း။ ငါက လမ်းကြုံလိုက်ချင်တာ။ မင်း ၀ိမုတ္တိဆီသွားမယ်လို့ကြားမိလို့။

အရူး။ ။ ငါ့ကို မင်းက ချုပ်ချယ်မှာလား။

ကုတ်အင်္ကျီ။ ။ ဟင့်အင်း။ ငါ့အိပ်ကပ်ထဲမှာ မင်းလက်တွေနွေးနေရင်ပြီးတာပါပဲ။

.... ဒီလိုနဲ့ အရူးတစ်ယောက် .. အနက်ရောင်ကြယ်တစ်စင်းရဲ့ အမှောင်တွေနဲ့ ခရီးတစ်ခုကို စတင်ခဲ့တယ်။

Notes:

။ အခန်းဆက်ရေးပါမယ်။ စုစုပေါင်း အပိုင်း (၇)ခု ရှိမယ်ထင်ပါတယ်။

ပုံတွေကိုတော့ Vertigo Tarots က ပုံတွေကို တင်လိုက်ပါတယ်။

Dedicated to my mom, thanks for the cards.

Peace B with U.

အွန်ဘီဟာ့ဖ်အော့ဖ် ယူး

....

.....................

....................................

စကားလုံးတွေကို ဆက်လက် မယုံကြည်နိုင်တော့တဲ့အခါ .....။

အတိတ်ဆိတ်ဆုံး သက်ပြင်းတစ်ခုကို ဘယ်လိုချလို့ရမလဲ ....................။

.................................။

နောက်ပြန်လှည့်လို့မရတဲ့ ရေတံခွန်လို ခုန်ဆင်းလိုက်ဖို့ အရာအရာ က ဆန့်ကျင်ခွင့်ကို ၀ိုင်းဝန်းငြင်းပယ်လိုက်ပြီ ....။

သေခြင်းတရား အနည်းငယ်စီ စိမ့်ဝင်နေတဲ့ စေးပျစ်နေတဲ့ လေကို ရှူသွင်းနေရတာ ကြေကွဲစရာနည်းနည်းတော့ ကောင်းနေတယ်။

ယုံကြည်ခဲ့ရတဲ့တွေ ... ပြေလျော့သွားတဲ့ ဇာတ်ဝင်ခန်းတွေဟာ အသက်ဝင်လွန်းလို့ ... ဒီနေရာကို ပဲ တစ်နေ့လုံး အခွေပြန်ဖွင့်ထားလိုက်တယ်။ .... စက်ကို ပိတ်လိုက်တော့ စိတ်ထဲမှာ ဆက်လက်ပြသနေတဲ့ ဇာတ်ဝင်ခန်းကလည်း လက်တွေပြေလျော့နေတာပါပဲ ......။

အနမ်းတစ်ခုရဲ့ တန်ရာတန်ကြေးကို တစ်ချို့က တစ်ဘ၀လုံးလောက်တန်တယ်လို့ထင်ပြီး တစ်ချို့က သုံးစက္ကန့်လောက်တန်တယ်လို့တန်ဖိုးဖြတ်တယ်။ တန်ဖိုးသတ်မှတ်ချက်တွေရဲ့အပြင်ဘက်မှာ တစ်ယောက်ကို တစ်ယောက် ချစ်ခဲ့တာတွေကို ဘာတွေနဲ့ တိုင်းတာလေ့ရှိလဲ ....။ ခုနစ်နစ်ဆိုတဲ့ အချိန်တွေကို နှမြောတယ်။ ခုနစ်နစ်ဆိုတာ အဖျင်းစားလူတစ်ယောက် တရားရသွားဖို့ လုံလောက်တဲ့အချိန်မဟုတ်လား။ လမ်းခွဲလိုက်ဖို့အတွက် သက်သက် ခုနစ်နစ်ချစ်ခဲ့ကြတာ ... ... ။အဲဒီ ၀ိရောဓိထဲမှာ ငါအသက်ရှူခက်သွားခဲ့ရတယ်။ ခုနစ်နစ်စာ သမုဒယကို ခေါက်သိမ်းဖို့ အချိန်ဘယ်လောက် များများလိုမလဲ ....။ ဒါတွေမတွေးနိုင်သေးဘူး။ အခုအသက်၀၀ရှူလိုက်ပါရစေဦး။

တစ်သီးပုဂ္ဂလနေကြတ်သွားတဲ့ ခရမ်းရောင် နေ့လည်ခင်းတစ်ခုမှာ ခံစားချက်ကန်းသွားတဲ့သူတစ်ယောက်ဟာ ... သူ့ကိုယ်သူ သက်ရှိဖြစ်ကြောင်း အထောက်အထား တစ်ခုချင်းစီပြန်ရှာနေရပြီ။ ... မဖြစ်သင့်မှန်းသိနေတဲ့ စိတ်ခံစားချက်တွေက စိတ်ထဲမှဖြတ်ပြေးနေတယ်။ ... ရပ်တန့်ခွင့်တစ်ခုရဖို့ ဘယ်လောက်သွားရဦးမလဲ .......။

မဖြစ်နိုင်ဘူးထင်တာတွေဖြစ်လာမှ ဘ၀မှာ အလန့်တကြားဖြစ်ခြင်းရသကို ရတယ်။

သင့်ဘ၀မှာ ဘယ်လောက် ရသမြောက်နေပြီလဲမိတ်ဆွေ ...။

စိတ်ချင်း အလဲအထပ်လုပ်ထားတဲ့သူ၊

ကိုယ့်နံရိုးသေချာပြီထင်လို့ နှလုံးသားနဲ့ သော့ပြန်ခတ်သိမ်းထားတဲ့သူ၊

ဝင်လေနဲ့ထွက်လေကြားမှာ သူ့ကိုယ်သင်းနံ့လေးမရရင် ပြဿဒါးနေ့လို့ထင်နေမိတဲ့သူ၊

အခုမှ မှန်ထဲက ကိုယ့်မျက်နှာကိုယ် ပြန်ကြည့်ပြီး Self-Respect ကျလိုကျ Depression ရလိုရနဲ့။

တစ်ချိန်ကတော့ ဆေးလိပ်သောက်တာဟာ ကိုယ့်ကိုယ်ကို အရစ်ကျသတ်ဖြတ်ခြင်း၊ Suicide by installment လို့ဖတ်ခဲ့ဖူးတယ်။ တကယ်တော့ အပြုံးတွေကလည်း Suicide by installment ဖြစ်နေတတ်မှန်း သိလိုက်ရတဲ့အချိန်မှာ .... လမ်းတွေရှေ့မှာ လမ်းမလျှောက်တတ်တဲ့လူတစ်ယောက် ငိုင်တွေရပ်နေသလိုပေါ့ .....။ အသည်းကွဲရင်တဲ့အခါ ကမ္ဘာဦးလူဟာ Tyrannosaurus ဘယ်နှကောင်လောက်ကို မီးကင်ပြီး စားပစ်လိုက်သလဲ ...။ သိပ်ခါးနေတဲ့ ကော်ဖီခွက်ကို သောက်နေတာတောင်မှ စိတ်ထဲက အခါးကို မမီတော့ဘူး။

တန်ရာတန်ကြေးမရခဲ့တဲ့အကြောင်းကို ဆေးပြန်မသုတ်နဲ့တော့။

ကြေကွဲစရာ အကွဲစတွေ ပြန်လည်တပ်ဆင်ပြီး တခုတ်တရ လွမ်းဆွတ်မနေနဲ့တော့၊

ဇာတ်ပေါင်းသော် အယူအဆနဲ့ အသားမကျတဲ့ လောကကြီးမှာ ရှိပါစေ၊ ရှိပါစေတော့ ...

စသဖြင့် ကိုယ်ထူကိုယ်ထ အားတင်းလိုက် ယိုင်နဲ့လိုက် ....၊

ဘ၀တိုတိုလေးမှာ နိဗ္ဗာန်မဂ်ဖိုလ် ရက်မတိုချင်လို့ ချစ်ခဲ့တာ .. ချစ်ခဲ့တာပါလို့ဆိုရင် သူမ ရယ်နေဦးမှာလား။

အဲဒီအတွေးကို ဆင်ဆာဖြတ်ပစ်လိုက်တယ်။

ဝေးပြီဘေဘီကို ပဲအစက တစ်ခေါက်လောက်ပြန်ဆိုကြည့်ရင်ကောင်းမလား။

ဒါမှမဟုတ် အမေနဲ့ရွာကိုပဲလွမ်းလိုက်ရမလား။

သစ်ခေါက်မဆိုးထားတဲ့စိတ်က အခြမ်းမှားသွားတဲ့ နမော်နမဲ့နိုင်မှုကို သာဓုမခေါ်နိုင်ရှာဘူးလေ။

ထိုင်နေရင် အကောင်းသား ဖတ်မိတဲ့ကဗျာကပိုဆိုးတယ်။

သင်းကွဲသူများ

ဒီဆံမျှင်မှာ

နှင်းဆီတွေမှ မဖူးပွင့်တော့ဘဲ

မေ့ထားလိုက်ပါတော့ ကလေးရယ်

အလင်္ကာတွေကိုလည်း ကိုယ်ကပဲ မှုတ်ငြိမ်းစားလိုက်ပါ့မယ်

တစ်ယောက်က တစ်ယောက်ရဲ့အလင်းဖြစ်ချင်ကြ

တစ်ယောက်က တစ်ယောက်ရဲ့ မီးအိမ်ဖြစ်ချင်ကြ

အခုတော့လည်း အားလုံး ဆုံးလျသွားပါပြီ

သွားတော့ ဘေဘီ

ဟိုးမှာ

ညနေခင်းကတောင် ငွေ့ရည်ဖွဲ့နေပြီ။ ။

(တာရာမင်းဝေ )

တစ်ချို့လမ်းခွဲတွေက ကိုယ့်ရှေ့ရောက်လာပြီး၊ တစ်ချို့လမ်းခွဲတွေက ကိုယ်ကျောပိုးလာခဲ့မိတာ။

အခုမှ အလန့်တကြားမဖြစ်ကျစတမ်းဆိုရင်တောင် .... နည်းနည်းတော့ လွမ်းမိမယ်ထင်တယ်။

ပါပါရာဇီတစ်ယောက်ရဲ့ ကင်မရာလိုအပ်မှုထက် ... သူမဆီက နားလည်မှုနဲ့ သစ္စာတရားကို ကျွန်တော်လိုအပ်ခဲ့ပါတယ်။

နောက်ဆုံးရေးဖြစ်တဲ့စာတစ်ကြောင်းဟာ ကောက်ကွေ့ ...

မေ့နိုင်တဲ့နေ့ကြမှ မေ့မယ်။

အလင်းတွေနဲ့ ၀ိုင်းရိုက်နေတဲ့ အရုဏ်မှာ ပန်းတစ်ပွင့်တောင် ပွင့်ထွက်ပေါက်ကွဲသွားသေးတာပဲမဟုတ်လားကွာ၊

ဖြစ်နိုင်ရင် .. ဘ၀ဆက်တိုင်း တကယ်လို့သာနဲ့ ဖြစ်နိုင်ရင် ဆိုတဲ့ စကားနှစ်လုံးကို မသုံးစွဲတဲ့သူဖြစ်ပါရစေ လို့ ဆုတောင်းမိသေးလား သိပ်မသေချာတော့ဘူး။ အိမ်မက်မက်ဖို့ အရင်ဆုံး နှစ်နှစ်ခြိုက်ခြိုက် အိပ်ပျော်လိုက်ဖို့ပဲလိုတယ်။

သွေးနွေးသတ္တ၀ါ တစ်ကောင် သွေးအေးသွားဖို့ အဆင့်ဆင့် ဆင့်ကဲပြောင်းလဲခြင်း ဘယ်လောက်လိုမလဲ။ တစ်ချိန်က ကုန်းပေါ်မှာ နေခဲ့တဲ့ ဝေလငါးကိုပဲ သွားမေးကြည့်ရလိမ့်မယ်။ ... ဆိုခဲစေ မြဲစေ ... "Let's bygones be bygones" .... ကိုယ်ခန္ဓာက ဆဲလ်တစ်ချို့ဟာ အယောင် အမှားမှား သူမနာမည်ကို ရေရွတ်တဲ့အခါ ... အခုမှကောက်ခါငင်ခါရတဲ့နောင်တမျိုးနဲ့ Gmail က Account ကို Delete လုပ်ရတဲ့အခါ ...။ အမှတ်တရတွေကို စနစ်တကျ အမှတ်တမဲ့ပြန်လုပ်ရတဲ့အခါ ... လိုတိုးပိုလျော့ သူစိမ်းဆန်ရတဲ့အခါ ... ရပ်ပစ်ရှစ်ပါးမှာ သံယောဇဉ်တစ်ချို့ကို ဘေးမဲ့လွှတ်လိုက်တဲ့အခါ ....၊ သူမအပြုံးတွေမပါတဲ့ ပြက္ခဒိန် အသစ်တစ်ခုနဲ့ ကိုယ့်ကမ္ဘာသစ်ကို တစ်ကနေစပြီး ပြန်ဖန်ဆင်းကြတဲ့အခါ၊ ... တိုက်ဆိုင်မှုရှိတိုင်း လူကြီးမင်း ခေါ်ဆိုသော ဆယ်လူလာဖုန်းနံပါတ်မှာ ဆက်သွယ်မှု ဧရိယာနားမှာ ယောင်လည်လည်လုပ်မနေဖို့ သတိပေးရလိမ့်ဦးမယ်။ ....

ရေခဲနဲ့ဆောက်ထားတဲ့ နန်းတော်တစ်ခုဟာ အခု နွေရာသီစူးစူးမှာ ဆက်လက်စိတ်ကူးမယဉ်နိုင်တော့တာ အသေအချာပေါ့ ....။ စိတ်ကို စိတ်နဲ့ဖိထားတာ အလေးဆုံး။ ရုတ်တရတ်ဝင်လာတဲ့ မြန်နှုန်းမြင့် အပြုံးတွေကို ရှောင်နေရတာ အမောဆုံး ...။ ညမှာ သိုးကျောင်းသားတစ်ယောက် သိုးတွေ ၁၂၃၄၅၆၇၈၉၀၁၂၃၄၄၅၆၇၈၉၀၁၂၃၄၅၆၇၈.....................................................................

သိုးအုပ်ကြီးကြားမှာ လာလာမပြုံးပြစေချင်ဘူး။ ဖြစ်နိုင်ရင် သူ့သဘောသူဆောင်တဲ့ အလွမ်းက ကိုယ့်သဘောကိုယ်ဆောင်တဲ့ အိပ်ချိန်တွေကိုမလုယက်စေချင်ဘူး။ မနက်ဖြန်အိပ်ရာကနေ ထပြီး ပထမဆုံး သတိရနေတဲ့နေရာမှာ တစ်ခုခု အရေးတကြီး အစားထိုးဖို့လိုနေတယ်။

.........

.....................

................................

အခုအချိန်မှာ အလိုအပ်ဆုံးဟာ သစ္စာတရားနဲ့ ခိုင်ခံ့နေတဲ့ ညီမျှခြင်းတစ်ခုပဲဖြစ်တယ်။ ။

ခင်မင်စွာဖြင့်

Zephyr

Notes

(ရေနစ်သူများကို ၀ါးကူထိုးထားသော စာဖြစ်ပါသည်။ မတော်တဆ အသည်းကွဲနေသူများဖတ်ရန်ရည်ရွယ်ပါသည်။ Starbucks မှာ ကော်ဖီကြိတ်သောက်နေရုံနဲ့တော့ အသည်းကွဲတာသက်သာမှာမဟုတ်ဘူး တကာကြွယ်ရေ၊ :P အသည်းကွဲတတ်သော ဘုံဘ၀များ၌ နှလုံးသားမပါသောသူဖြစ်ပါစေ ငါ့ရှင် ....။)

Peace B with U.

တနင်္ဂနွေနေ့အတွေးများ

မနေ့က Library ကိုရောက်ပါတယ်။ စာအုပ်သွားအပ်ရင်း တခြားစာအုပ် ၆ အုပ်ပြန်ငှားလာပါတယ်။ သုံးအုပ်က ကျန်းမာရေးနဲ့ပတ်သက်တဲ့စာအုပ်တွေပါ။ ဘာသာပြန်ဖို့ရည်ရွယ်ပြီးငှားလာတာပါ။ နောက်ထပ်သုံးအုပ်က ကလေးတွေဖတ်ဖို့ထုတ်တဲ့အထဲကပါ။ ကိုယ့်ကိုယ်ကိုယ်လည်းသနားပါတယ်။ ကလေးတွေဖတ်ဖို့ရေးထားတာတွေကို မသိသေးလို့သနားတာပါ။ စင်ကာပူမှာ ကလေးတွေ စာအရမ်းဖတ်တဲ့အကြောင်း ကြုံတိုင်း တစ်ကြောင်းနှစ်ကြောင်းထည့်ရေးဖြစ်ပါတယ်။ ကျွန်တော့် စိတ်ရင်းအရ မြန်မာနိုင်ငံက ကလေးတွေကို တစ်ခြားနိုင်ငံက ကလေးတွေနဲ့ ရင်ဘောင်တန်းနိုင်စေချင်ပါတယ်။ (ရင်နဲ့ပေါင်တန်းနေတယ်ဆိုတာ ငြိမ်ငြိမ်လေးရပ်နေတာကို ဆိုလိုတာလို့ Xanthos ဆိုတဲ့ငနဲက တစ်ခါပြောဖူးလို့ ရင်ဘောင်တန်းဆိုတဲ့စကားလုံးကိုသိပ်မသုံးဖြစ်တာ တော်တော်လေးကြာပါပြီ။ အခုသုံးတဲ့အဓိပ္ပာယ်ကတော့ ယှဉ်လို့ရတယ် ဆိုတဲ့ သဘောမျိုးပါ။)

Clementi က စာအုပ်ဆိုင်မှာ Primary ကျောင်းသားတွေအတွက် English စာအုပ်တွေ ဈေးလျှော့ရောင်းတာတွေ့လို့ မြန်မာပြည်က တူ၊ တူမတွေ ဖတ်ဖို့ နမူနာမြည်စမ်းကြည့်ပါတယ်။ သေချာတာကတော့ ကျွန်တော် primary တုန်းကဆိုရင် ဒီလောက်စာမျိုးမဖတ်နိုင်ဘူးဆိုတာပါပဲ။ ဆိုလိုတာကတော့ ညံ့တယ်ပေါ့ဗျာ။ ဒီမှာက အဲဒီလောက်စာကို ကလေးတိုင်းဖတ်နိုင်ပြီဆိုတော့ အခြေခံအားဖြင့် ကွာတယ်လို့ဆိုလိုချင်တာပါ။ ငယ်တုန်းက သင်တဲ့စာနဲ့ ကြီးလာမှ သင်တဲ့စာက မှတ်မိတာခြင်းအတော်လေးကွာပါတယ်။ အဲဒါနဲ့ ဘယ်စာအုပ်ဝယ်ပေးရမလဲတွေးမရတော့ဘူး။ နောက်ဆုံး primary 3 ကနေ 6 အထိ လေးအုပ်ဝယ်ဖြစ်သွားတယ်။ မဖတ်နိုင်ရင်လည်း primary 3 ကနေ စဖတ်ဖို့ မှာလိုက်တယ်။ နောက်တစ်ခုတွေ့ရတာကတော့ မြန်မာပြည်မှာပေမယ့် International School မှာတက်တဲ့ကလေးတွေကြတော့ English စာက သိသိသာသာ အားကောင်းနေတာမျိုးပါ။ အစိုးရကျောင်းမှာ English စာကို ဘယ်လိုသင်သလဲဆိုတာ သိနေတဲ့အတွက် ဒီကိစ္စကို အကျယ်အကျယ် မငြိမ်းဖွယ်မလုပ်တော့ပါဘူး။ ကလေးတွေကို နွေရာသီမှာ သင်တန်းတက်ခိုင်းရတာကို အားနာပါတယ်။ ငယ်တုန်းက YMCA မှာ အားကစားသင်တန်းတစ်ခုတက်ချင်တာကို စကားပြောသင်တန်းပို့လို့ တော်တော်စိတ်ညစ်ခဲ့ရတာ ကိုယ်ချင်းစာပါတယ်။ ဒါပေမယ့် အခုအချိန်မှာ ကလေးတွေကို မင်းတို့ English စာ က တစ်ခြားနိုင်ငံက ကလေးတွေထက် အများကြီး လိုအပ်နေသေးလို့ သင်တန်းတက်ခိုင်းရတာလို့ပဲ တည့်တည့်ပြောပြီး သင်တန်းပို့ရတော့မှာပါပဲ။ အားကစား တစ်ခုခုကိုလည်း တက်ခိုင်းဖို့စိတ်ကူးပါတယ်။

ကလေးတွေကို ငြိမ်ပြီး ထိုင်ခိုင်းတဲ့ သင်ကြားရေးစနစ်ကို လုံးဝမထောက်ခံပါဘူး။ ကလေးတွေမှာ Energy များလွန်းလို့ စာဆိုရင်လည်း လှုပ်နေတာက သူတို့အတွက်ပိုအဆင်ပြေပါတယ်။ ငယ်တုန်းကလည်း စာဆိုရင် သူငယ်ချင်းတွေ ယိမ်းပြီး ဆိုနေတာကို မှတ်မိပါတယ်။ ပိုပြီးပျော်စရာကောင်းတယ်လို့ထင်ပါတယ်။ လူကြီးနဲ့တူလွန်းတဲ့ကလေးတွေဆို တစ်ခုခုမှားနေသလို ခံစားရပါတယ်။ ကလေးတွေကို ဆင်ခြင်ဉာဏ် ဖြည့်လွန်းရင် တီထွင်ကြံဆမှုအားနည်းသွားမယ်လို့ ယုံကြည်တဲ့ လူကြီးတွေထဲမှာ ကျွန်တော်လည်းပါပါတယ်။ ကလေးတွေကို ကစားရင်း စာသင်တာထက် ထိရောက်တာမရှိပါဘူး။ ကလေးသဘာဝကို ဆန့်ကျင်တဲ့ သင်ကြားရေးစနစ်တွေကို တတ်နိုင်သလောက်ပြုပြင်ဖို့လိုပါတယ်။

သတိထားမိတာတစ်ခုက ကလေးတွေ စာသင်နေရင် စိတ်မ၀င်စားဘဲငေးနေတယ်ဆိုတဲ့အကြောင်းပါ။ အဲဒီအကြောင်းကို အသေးစိတ်ဖတ်ဖူးပါတယ်။ ကလေးတွေငေးပြီဆိုရင် တစ်ခုခုလွဲကိုလွဲနေပြီ။ ငေးတယ်ဆိုတာ သိသိသာသာ ဆန့်ကျင်လို့မရတဲ့အခါ အဲဒီဆန့်ကျင်တဲ့စိတ်က တစ်ဖက်လှည့်နဲ့ထွက်သွားပြီး ငေးတယ်ဖြစ်သွားတာပါ။ ဆိုလိုတာကတော့ ရှင်းရှင်းလေးပါ။ စ်ိတ်မ၀င်စားတာကို အတင်းလုပ်နေရပြီဆိုတာပါပဲ။ မူလတန်းကလေးတစ်ယောက်ဟာ ကျူရှင်ဘယ်နှခု ယူစရာလိုသလဲ ဆိုတာကို ကျွန်တော် အခုအထိ နားမလည်သေးပါဘူး။ ကလေးတွေကို သင်မယ့် ဆရာက phD ရထားဖို့လိုသေးလားဆိုတာကတော့ ကျွန်တော် နားလည်ဖို့ ဒီဘ၀မှာ မဖြစ်နိုင်တော့တဲ့ကိစ္စဖြစ်ပါလိမ့်မယ်။

ငယ်တုန်းက အသေးစိတ်မှတ်နေတဲ့အချိန်မျိုးမှာ အသံထွက်မကောင်းတဲ့ဆရာတစ်ယောက်ကြောင့် တစ်ဘ၀လုံး အသံထွက်မှားသွားနိုင်တယ်ဆိုတာ အသေးအဖွဲကိစ္စမဟုတ်ပါဘူး။ ကလေးတွေကို သင်တဲ့ဆရာတွေမှာ တာဝန်ဘယ်လောက်ကြီးတယ်ဆိုတာကို လစ်လျူရှုထားလို့မရပါဘူး။ တကယ်လို့ အပြင်မှာ အသံထွက်မှန်နေတဲ့ကျောင်းသား/ကျောင်းသူ တစ်ယောက်ဟာ အတန်းထဲမှာ အသံထွက်မှားနဲ့ ဆိုပြဖို့လိုနေသေးတယ်ဆိုရင် အဲဒီပညာရေးစနစ်ကို ဆန့်ကျင်ပါတယ်။

အခုခံစားနေရတာတော့ စာသင်ကျောင်းဟာ ဖတ်စာအုပ်တွေထဲကစာတွေလောက်နဲ့ ကလေးတစ်ယောက်ကို အတင်းအကြပ် သင်ယူစေတဲ့ စနစ်လိုဖြစ်နေပါတယ်။ တစ်နှစ်စာ တစ်နှစ်မေ့သွားအောင် စနစ်တကျ စီမံထားတဲ့ပညာရေးစနစ်မျိူးကို တည်ထွင်တဲ့ ဉာဏ်ကြီးရှင်ကိုလည်း ဒီတစ်ခေါက် သီတင်းကျွတ်မှာ သွားကန်တော့ဖို့ ကောင်းပါတယ်။ ဒီလမှာ မေးပြီးသားစာ နောက်လမှာ ပြန်ကြည့်စရာမလိုတော့တဲ့ စနစ်မျိုး တီထွင်နိုင်တဲ့အတွက် နိုဗယ်ဆုတောင်ပေးသင့်ပါတယ်။ ကလေးတွေဘ၀ သာယာစေလို့ဆိုပြီး ဖြစ်ဖြစ် ခေါင်းစဉ်တစ်ခုခု တပ်ပြီး ဆုချလိုက်ဖို့ကောင်းပါတယ်။

တော်စတွိုင်းရဲ့ စကားလေးကို သတိရပါတယ်။ သူ့သား၊သမီးကို ဘဲလေး အကကျောင်းပဲပို့မယ် စာသင်ကျောင်းမပို့ဘူးတဲ့ ...။ ဘဲလေး အကကျောင်းက အလွန်ဆုံးပျက်စီးစေရင် ခြေထောက်တွေပဲ ပျက်စီးစေတယ်၊ စာသင်ကျောင်းကတော့ ဦးနှောက်တွေကို ပျက်စီးစေနိုင်တယ်တဲ့ ။

အဲဒီစကားကို အခုအချိန်မှာ ပြန်သုံးသပ်ဖို့လိုလာပါပြီ။ ...

တူမလေး ဆယ်တန်းဖြေပြီးလို့ စင်္ကာပူကို ခေါ်တဲ့အခါကြရင် ကျွန်တော်လည်း သူတို့ဘယ်လောက် သင်ယူလာနိုင်ခဲ့လဲဆိုတာကို ပိုပြီးနားလည်လာမှာပါ။ နောင်ထပ် လေး၊ငါးနှစ်လောက်အတွက် သူတို့ကို လိုအပ်တဲ့ အခြေခံအရည်အချင်းတွေ ရှိစေချင်ပါတယ်။ ၈ တန်းကတည်းက ဆယ်တန်းစာကို စသင်ရင် ဘာသာစုံဂုဏ်ထူးထွက်ဖို့ သိပ်လွယ်တယ်ဆိုတာကို ကျွန်တော်တို့လို ကလေးတွေကို စာသင်ဖူးသူတိုင်းသိပါတယ်။ ဆုတံဆိပ်တွေကို သိပ်တန်ဖိုးထားလာတဲ့အခါ ကလေးတွေကို မနိုင်မနင်း အတင်းခိုင်းတဲ့ စနစ်တစ်ခု ဖြစ်လာတာကို သဘောမကျတဲ့အတွက် ဒီလို ကြိုတင်ပြင်ဆင်မှုမျိုးကို အားမပေးပါဘူး။ ဖြစ်နိုင်ရင် သူငယ်တန်းကတည်းက ဆယ်တန်းစာကို တွဲပြီးသင်ယူခဲ့မယ်ဆိုရင် အဲဒီကလေးက top 1 ဖြစ်ဖို့ ပိုပြီး လွယ်ကူမယ်ဆိုတာ အားလုံးလည်းရိပ်မိမှာပါ။ နောက်ဆုံးတွေ့ရှိချက်အရ ကလေးတွေက ၀မ်းဗိုက်ထဲမှာကတည်းက အပြင်က အသံတွေကိုမှတ်မိတယ်ဆိုတဲ့ အချက်ပါ။ အဲဒီအတိုင်းသာဆိုရင် ကလေးတွေကို သိပ်ထူးချွန်စေချင်တဲ့မိဘတွေဟာ ကိုယ်ဝန်ဆောင်ချိန်ကစပြီး ကျောင်းစာတွေကို ဗိုက်နားမှာ ရွတ်ရွတ်ပြနေဖို့ကောင်းပါတယ်။

ဖြစ်စေချင်တာကတော့ ကလေးတွေရော လူကြီးတွေပါ နိုင်ငံတကာ အဆင့်မီတဲ့ ပညာရေးစနစ်ရစေချင်တာပါပဲ။

ကျောင်းတက်ရတာချည်းပဲ ၁၆ နှစ်လောက် ရင်းထားပြီး ဘွဲ့ရတဲ့အခါမှ တစ်ကနေပြန်စနေရရင်တော့ ဒီပညာရေးစနစ်ကို မေးခွန်းထုတ်ဖို့ကောင်းနေပါပြီ။ ပညာတတ်တွေကို နေရာပေးနိုင်တဲ့ စီးပွားရေးအဆောက်အအုံမရှိဘူးဆိုရင် Brain Drain ပဲ အော်အော် .. နှာရည်ယိုစီးမှုလို့ပဲ ဘာသာပြန်ပြန်၊ ဘာမှမထူးပါဘူး။ India က တစ်ယောက်ပြောသလို Better Brian Drain than Brain in the Drain. (ဦးနှောက်ယိုစီးမှုဟာ ဦးနှောက်တွေ မြောင်းထဲရောက်သွားတာထက်တော့ ပိုကောင်းပါသေးတယ်)။

အခုလိုရေးနေလို့ စိတ်ဓာတ်ကျနေတယ်လို့ ရေးတယ်ထင်နေပါဦးမယ်။ မကျပါဘူး။ ပကတိတရားကို သုံးသပ်ကြည့်ပြီး အကောင်းဆုံးကို လုပ်ဖို့ စဉ်းစားကြည့်တာပါ။ အခုအထိ အိမ်က ကလေးတွေကို သင်တန်းတက်ခိုင်းဖို့ တစ်ခုကလွဲရင် ဘာကိုမှ မဆုံးဖြတ်ရသေးပါဘူး။ ကလေးတွေနဲ့လည်း စကားတွေအများကြီးပြောကြည့်ဖို့လိုပါသေးတယ်။ သူတို့စိတ်ကို နားလည်မှ သူတို့ကို နားလည်အောင်ပြောနိုင်မယ်လို့ယူဆပါတယ်။ အကြီးတွေ အနိုင်ယူတယ်ဆိုတာက တောရိုင်းဥပဒေသမှာပဲရှိပါတယ်။ ယဉ်ကျေးလာတဲ့ခေတ်မှာတော့ ကလေးတစ်ယောက်ရဲ့ စိတ်ခံစားချက်ကိုတောင်မှ တလေးတစားမေးဖို့လိုပါတယ်။ ငါပိုသိတယ်လို့ ထင်နေတဲ့ လူကြီးတွေကိုတော့ မဖြောင်းဖြတော့ပါဘူး။ လုပ်ချင်တာ လုပ်နေခွင့်ရတဲ့ကလေးတစ်ယောက်ဟာ သူလုပ်နေတဲ့ အလုပ်ကို အကောင်းဆုံးလုပ်နေပါလိမ့်မယ်။ အလွယ်ဆုံး နမူနာပြရရင် TV game ဆော့နေတဲ့ကလေးတစ်ယောက်ဟာ သူနိုင်ဖို့ ဘယ်လောက်ကြိုးစားသလဲဆိုတာမျိုးပါ။ ဘယ်သူမှ ကြိုးစားခိုင်းနေတာမဟုတ်ပါဘူး။ ပညာသင်ယူမှုကို Game တစ်ခုလို့ သူတို့ခံစားရတဲ့အခါ မိဘက ဘာမှမပြောလည်း စိတ်ပါလက်ပါ သူ့ဘာသာ သင်ယူနေမယ်ဆိုတာ တွေးကြည့်လို့ရပါတယ်။ ကလေးတွေကို ကျွန်တော်သင်ပေးချင်တာတစ်ခုက ရိုးရိုးလေးပါ။ တစ်ခုခုကို လိုချင်ရင် တကယ်ကြိုးစားရမယ်ဆိုတာလေးပါပဲ။ တစ်ယောက်ယောက်က ကိုယ့်ကို အစစအရာရာ ကူညီပြီး လုပ်ပေးသွားမယ်လို့ မမျှော်လင့်တတ်အောင်၊ ဘေးက အကူအညီကို တတ်နိုင်သလောက်မယူဘဲ ၊ လိုအပ်ရင်တောင် အနည်းဆုံးအကူအညီကို ယူဖို့ သတိထားမိအောင် သင်ပေးပါမယ်။ သူတို့ကို ခေတ်ကို ဘေးထိုင်ဘုပြောနေတဲ့ အပြောသမားမျိုးမဖြစ်အောင် ပညာတတ်ဖို့က ကိုယ့်တာဝန်လို့သဘောပေါက်အောင် အချိန်တွေအများကြီးယူပြီး ပြောပြပါဦးမယ်။ ဒါကို သူတို့ လက်မခံရင်တောင်မှ လူကြီးတစ်ယောက်အနေနဲ့ သိသင့်တာကို ပြောပြရပါဦးမယ်။

American Centre မှာ library card လေးတွေလုပ်ပေးပြီး သူတို့ကိုစာများများဖတ်ချင်အောင် ဘယ်လိုတိုက်တွန်းရမလဲ ဆိူတာလည်း စဉ်းစား နေပါတယ်။ ကလေးတွေကို သူတို့ကြိုက်လို့ လုပ်ရတာမျိုးပဲဖြစ်စေချင်ပါတယ်။ ခိုင်းထားလို့လုပ်ရတာမျိုး မဖြစ်စေချင်ပါဘူး။ ဘယ်လိုပြောပြောနားမထောင်ဘူးဆိုမှ တစ်နေ့ကိုစာအုပ် အပါးလေးတစ်အုပ်ဖတ်ပါလို့ ခိုင်းမိမယ်ထင်ပါတယ်။ မတွေ့တာ နှစ်နှစ်လောက်အတွင်းမှာ သူတို့ အဲဒီလောက် ဆန့်ကျင်တဲ့ ကလေးတွေဖြစ်သွားမလားဆိုတာကိုလည်း တွေးမိပါတယ်။ နစ်ရှေးရဲ့ အားအကောင်းဆုံးသူပဲ ရှင်ကျန်ရစ်မယ်ဆိုတာကို ကလေးတွေရဲ့ ပညာရေးအတွက် လက်ကိုင်ဆောင်ပုဒ် အဖြစ် လက်ခံလာအောင် စိတ်ရှည်လက်ရှည် ဆုံးမမယ့် ဆရာတွေနဲ့ သူတို့ကိုတွေ့စေချင်ပါသေးတယ်။ ကျွန်တော်တို့ သူတို့တွေအတွက် အကောင်းဆုံးကို မျှော်လင့်ထားတာ အဆိုးဆုံးကို မေ့ထားချင်ရုံသက်သက်မဟုတ်ဘူးဆိုတာ သူတို့ တစ်နေ့နေ့သိလာကြမှာပါ။

ခင်မင်စွာဖြင့်

Zephyr

Notes:

အခုခေတ်က ပိုပြီး ရုန်းကန်ရတဲ့ခေတ်ဖြစ်လာတဲ့အတွက် အရည်အချင်းမရှိတဲ့သူနဲ့ အရည်အချင်းတကယ်ရှိတဲ့သူကွာခြားမှုဟာ ပိုပြီးသိသာလာပါတယ်။ စင်ကာပူမှာ Foreign Talent တွေကြောင့် အလုပ်မရှိဖြစ်ရတယ်ဆိုတဲ့သူမျိုးဟာ ကိုယ့်အရည်အချင်းကို ကိုယ်စိတ်မချလို့ ထုတ်ပြောတယ်လို့ပဲ တွေးမိပါတယ်။ တကယ်တမ်းမှာ အရည်အချင်းရှိသူတစ်ယောက်ကို မျှမျှတတ ရိုးရိုးသားသား ယှဉ်ပြိုင်ခွင့်ရတာဟာ နှစ်ဦးနှစ်ဖက်တိုးတက်ဖို့ပဲဆိုတာကို နည်းနည်းလေးဆန့်တွေးလိုက်ရုံနဲ့ရောက်နိုင်ပါသေးတယ်။ ကျွန်တော်တို့ထက် နောက်တစ်ဆင့်ပိုမြင့်မယ့် မျိုးဆက်တွေဟာ ... တခြားနိုင်ငံက နိုင်ငံသားတွေနဲ့ ယှဉ်ပြိုင်ရတဲ့အခါ ဘောလုံးပွဲစကားနဲ့ပြောရရင် under-dog (အောက်သင်း) တွေမဟုတ်တော့ဘဲ တန်းတူရည်တူ အသင်းတွေလို ယှဉ်ပြိုင်နိုင်ပါလိမ့်မယ်။ ကျွန်တော်တို့ ဒီမှာ အဆင်ပြေပြေ ရပ်တည်နိုင်ကြတာကလည်း ရှေ့ကလူတွေကြိုးစားသွားလို့ မြန်မာတွေဟာ ကြိုးစားကြတယ်၊ တော်ကြတယ် ဆိုပြီး ယုံကြည်မှုရရှိပြီးသားဖြစ်နေလို့ပါ။ Globalization မှာ တစ်ခြားသူတွေကို လက်ညှိုးမထိုးခင် ကိုယ့်ကိုယ်ကို အရင်လက်ညှိုးထိုးပြီး ပြန်လည်သုံးသပ်ဖို့လိုအပ်တဲ့အကြောင်းကို ငြင်းခုံနေတော့မှာမဟုတ်ပါဘူး။

မဟာမြိုင် ဆရာတော် စာအုပ်တစ်အုပ်မှာ ကိုးကားထားဖူးတဲ့ နစ်ရှေးရဲ့ အဆိုအမိန့်လေးတစ်ခုကို သတိရနေပါတယ်။

What doesn't kill you makes you stronger.

ကိုယ့်ကို သေအောင်မသတ်နိုင်တာတွေက ကိုယ့်ကို ပို သန်မာလာစေတယ်တဲ့ ....။

အခက်အခဲပိုများတဲ့ ရာစုသစ်မှာ ရှင်သန်မယ့်ကလေးတွေအတွက် ကျွန်တော်တို့ အများကြီး ကြိုတွေးထားရပါဦးမယ်။ သူတို့တွေက ကိုယ့်ထက် ပိုပြီ; Flexible ဖြစ်တဲ့အတွက် သူတို့ဆီကလည်း အများကြီး ပြန်လေ့လာရဦးမယ်လို့ စိတ်ကို ပြင်ဆင်ထားပါတယ်။ ငယ်တုန်းက သရက်ပင် စိုက်နေတဲ့ ပုံပြင်ထဲက အဘိုးအိုလို မစားလိုက်ရပေမယ့် သရက်သီးတွေချိုနေမယ်ဆိုတာ တွေးကြည့်ရင်း ကိုယ်ရေးဖြစ်တာအတွက် ကျေနပ်ပါတယ်။

//////////////////////////////////////////////////////////////////////////////////////////

... မနက်ဖြန်ကစပြီး ရုံးပြန်တက်ရတော့မှာမို့လို့ သီချင်းတစ်ပုဒ် ကို အမှတ်တရ တင်ပေးလိုက်ပါတယ်။ သီချင်းနာမည်က I don't like Mondays ဖြစ်ပါတယ်။ Dropbox က link ဖြစ်တဲ့အတွက် download ရတဲ့နိုင်ငံတွေမှာ ရပြီးမရတဲ့နိုင်ငံတွေမှာမရပါဘူး။ Download လုပ်လို့ရတဲ့သူများ Monday ရုံးတက်တဲ့အခါ ရုံးမျာဆိုကြည့်လို့ရပါတယ်။ :P

Peace B with U.