အိုဘားမားလာတယ်၊ပြန်သွားတယ်။
မြန်မာပြည်ဟာ မှောက်ထားတဲ့ဖဲချပ်လေးလိုပဲ။ ဘယ်လိုအပွင့်တွေသိမ်းထားမှန်းမသိပေမယ့် ရင်ခုန်စရာ တွေသိမ်းထားတယ်။ ဒါကို နည်းနည်းလောက်ရေးချင်တယ်။
ကျနော်တို့တွေ ဘာလို့ ကိုယ့်နိုင်ငံမှာ ကိုယ်မနေနိုင်ကြတာလဲ။ ဒီမေးခွန်းလေးကိုလည်း နည်းနည်းလောက်မေးဖို့လိုတယ်။
ဖြစ်တန်စွမ်းဆိုတာကို ကျနော်တို့သင်ဖူးခဲ့တယ်။ အခြေခံသင်္ချာသဘောတရားအရဖြစ်တန်စွမ်းတွေ ဘယ်လောက်ရှိရှိ၊ အားလုံးပေါင်းရင် ၁ ပဲ။ ဒီထက်ပိုချင်လို့မရဘူး။ ၁၂၀ ရာခိုင်နှုန်းဆိုတာ ရယ်စရာဖြစ်သွားခဲ့ဖူးပြီ။ အပြောင်းအလဲကို အပြင်က လူနဲ့မဖြစ်ဘူး။ အထဲကလူတွေနဲ့ အပြင်ကလူတွေပေါင်းပြီး ကြိုးစားခဲ့ကြလို့ တဖြည်းဖြည်း အရာသေးသေးလေးထင်လာခဲ့ပြီ။ အလားအလာကောင်းတာနဲ့ တကယ်ဖြစ်လာတာနဲ့က တခြားစီပဲ။ ဖြစ်နိုင်တယ်ဆိုရင် ကြိုးစားဖို့လိုတယ်။ အခြေအနေကို ပြောင်းနိုင်တဲ့ လူငယ်တွေရဲ့ အခန်းကဏ္ဍက စကားပြောသွားလိမ့်မယ်။ ဖြစ်တန်စွမ်းအရအခြေအနေကောင်းနေတယ်။ အလားအလာရှိနေတယ်။ မျှော်မှန်းထားသလို တကယ်ဖြစ်မှာလားဆိုတာကို အားလုံးက သိချင်နေကြတယ်။
အိမ်နီးချင်းနိုင်ငံတွေကလည်း စောင့်ကြည့်နေတယ်။ စင်ကာပူနိုင်ငံက မနာလိုတဲ့ တရုတ်တစ်ချို့ကတော့ အဖျားရှူးသွားမယ်ဆိုတဲ့အထင်နဲ့စောင့်ကြည့်နေတယ်။ ဒီမိုကရေစီ အစစ်ဆိုတာ ဘယ်လိုလည်းဆိုတာ မသိတဲ့၊ အစဉ်အလာရော၊ သမိုင်းကြောင်းပါ မကောင်းတဲ့ နိုင်ငံနဲ့လူမျိုးတစ်ချို့ကတော့ အရှေ့တောင်အာရှမှာ ဘယ်ကြောင်မှ ကျားမဖြစ်လာစေချင်ဘူး။
တကယ့်အချိန်တွေမှာ အကူအညီမပေးခဲ့တဲ့သူတွေက ဘူးပင်စိုက်တော့မယ်ကြားမှ အရီးခေါ်ဖို့ စကားပြောသင်တန်းတက်နေကြတယ်။ အရီးနဲ့ ရီး မကွဲတဲ့သူတွေကလည်း ဓာတ်ငွေ့ကို အစိုးရပိုင်ထင်နေကြသေးတယ်။ ရသလောက် ပေါင်းစားမယ်ဆိုတဲ့သူတွေလည်းရှိနေသေးတယ်။ ပညာရေးကောင်းဖို့လုပ်တာတောင်မှ ကဖျက်ကယက် လုပ်တဲ့ ပညာရှင်ကြီးများရှိသေးတာ အော့နှလုံးနာစရာတွေ့ရသေးတယ်။
ကိုယ့်တိုင်းပြည်ကို ကိုယ်ချစ်ကြတာ မင်္ဂလာတစ်ပါးပါ။ ကိုယ့်နိုင်ငံအတွက် လိုတဲ့နေရာတွေမှာ လှူနိုင်တာလှူ၊ကူနိုင်တာကူ နေကြတာဟာလည်း မင်္ဂလာတစ်ပါးပါပဲ။ ပြိုင်တူတွန်းရင် ရွေ့နိုင်ပါတယ်။ တစ်ဦးက ကောင်းတာလုပ်နေတုန်း တစ်ဦးက မဆန့်ကျင်ရင် မင်္ဂလာရှိတာပါပဲ။
ကိုယ်စီးနေတဲ့ယောက်မဟာ အထီးလားအမလား မသိတဲ့ နိုင်ငံရေးသုခမိန်တွေ နည်းလေ၊ကောင်းလေလို့ထင်မိတယ်။ ကိုယ်ယုံတာကို ပြောတာမှာ ဘယ်သူ့ကိုမှမထိခိုက်ဘဲ စေတနာပါပါ ပြောနိုင်ရင် သိပ်ကောင်းတယ်။ ပညာရေးအဆင့်မြင့်ရင် နိုင်ငံအတွက် သိပ်ကောင်းတယ်။ ကမ္ဘာ့ အဆင့်မီ ပညာရေးစနစ်ရှိရင် ခဏလေးနဲ့ တိုးတက်သွားမှာပဲ။ အခြေခံတွေကနေ စသင့်တယ်။ အလှမ်းကျယ်၊ အလယ်လပ်ပီး လေဟပ်သွားမှာကို စိုးရိမ်တယ်။
ကိုယ်လုပ်နိုင်တဲ့ဘက်က နိုင်ရာဝန်ထမ်းတာသိပ်ကို ကျက်သရေရှိတယ်ထင်တယ်။ လူကောင်းတွေကို နေရာများများပေးတာကောင်းတယ်။ အခုအထိ ကိုမင်းကိုနိုင်တို့ကို တွေ့သင့်တွေ့ထိုက်တဲ့ နေရာမှာမတွေ့ရသေးဘူးလို့ထင်တယ်။ စစ်တုရင်ကစားရင် အားကြီးတဲ့ အရုပ်ကို ကျယ်ပြန့်တဲ့ နေရာမှာ လွတ်လွတ်လပ်လပ် လှုပ်ရှားစေရတယ်။ ကွင်းန်ကို ပွန်းတွေနဲ့ ပိတ်ထားရင် အဲဒီကွင်းန်ဟာ အလကားပဲ။ သူ့ရဲ့ စွမ်းရည်ပြုန်းတီးတယ်။ နောက်ဆုံးမှာ တက်ပြီးတိုက်ခိုက်ရပေမယ့် မလိုအပ်တဲ့အချိန်မှာ ဘုရင်ကို လုံလုံခြုံခြုံထားရတယ်။ အဲဒီနှစ်ခုကို ကွဲပြားဖို့လိုတယ်။ အခုလိုအပ်နေတာ ဘယ်လို အနေအထားမျိုးလဲ။ နိုင်ငံကောင်းအောင်လုပ်ဖို့ လူတိုင်းလုပ်နိုင်တယ်ဆိုပေမယ့်၊ သူ့ရဲ့ပါဝါက စကားပြောတယ်။ လုပ်ပိုင်ခွင့်က စကားပြောတယ်။ ပွန်းဟာ ရှေ့ကိုတစ်ကွက်စီတက်နေရတုန်းမှာ ရထားဟာ အဝေးကို တစ်ချက်တည်းပြေးနိုင်တယ်။ လူကောင်းတွေကို နေရာများများပေးပါ။ ဘာနကန်းတစ်လုံးမှ မသိတဲ့သူတွေ နှစ်နှစ်ဆယ် အုပ်ချုပ်ခဲ့တာတောင် လက်ခံခဲ့ရသေးတာ၊ လူကောင်းတွေ၊ ပညာတတ်တွေကို ၁၀ နှစ်လောက်တော့ အချိန်ပေးကြည့်ဖို့ကောင်းတယ်။
ဒေါ်ပုရဲ့မုန့်ဟင်းခါးဆိုင်ဟာ ရပ်ကွက် ထဲမှာ တစ်ဆိုင်တည်းရှိတုန်းကတော့ အဟုတ်ပဲ။ အရသာညံ့လည်း စားစရာဒါပဲရှိခဲ့တယ်။ ဒေါ်ပုဟာ ဒီအနေအထားကို ရပိုင်ခွင့်လို့ထင်တယ်။ ထာဝရမြဲသော တရားလို့ထင်တယ်။ တစ်ချိန်မှာ မယ်မြရဲ့ ထိပ်တန်းလက်ရာ ငါးခူမုန့်ဟင်းခါးထွက်လာတော့ ဒေါ်ပုဆိုင်မှာ လူမရှိတော့ဘူး။ ဒေါ်ပုက မယ်မြကြောင့် သူဘဝပျက်ရတာလို့ပြောချင်လည်းပြောမယ်။ မယ်မြရဲ့ဆိုင် လူမလာအောင် ယတြာချေရင်လည်းချေမယ်။ မယ်မြဟာ အနောက်ရပ်ကွက်မှာဆိုင်ဖွင့်သင့်တယ်လို့ နှစ်ပြားတန်အကြံတွေပေးချင်လည်းပေးမယ်။ ဒေါ်ပုဟာ သူ့မုန့်ဟင်းခါးကောင်းအောင်ရောင်းဖို့အာရုံမစိုက်ဘူး။ အဲဒါ ဒေါ်ပု ပျက်စီးခန်းပဲ။ အရှေ့တောင်အာရှရဲ့ ဒေါ်ပုတွေ အရင်းပြုတ်ဖို့ အလားအလာရှိတယ်လို့ နာနာကြီးမှတ်ထားကြပါ။
တိုင်းရင်းသားအကျိုးစီးပွားကို ကာကွယ်ဖို့က သိပ်အရေးကြီးတယ်။ နိုင်ငံက တစ်ချိန်လုံးကြီးပွားခဲ့ပါတယ်။ တစ်ချို့နှစ်တွေမှာ အုပ်ချုပ်သူတွေဆီကို နိုင်ငံ့ဘဏ္ဍာတွေ လမ်းကြောင်းမှားစီးဆင်းသွားတယ်။ တစ်ချို့နှစ်တွေမှာ ခရိုနီတွေဆီရောက်တယ်။ နှစ်နှစ်ဆယ်လုံး သစ်တောတွေကုန်သွားတယ်။ တိုင်းပြည်မွဲလေ အုပ်ချုပ်သူချမ်းသာလေပဲ။ စိန်မမတို့ ရွှေအိမ်သာခွက်တို့ဟာ ဆင်းရဲသားလည်ပင်းတွေနဲ့ တံတွေးမြိုချနေတဲ့ ပြိတ္တာတွေလောက်ပဲ။ ဗုဒ္ဓဘုရားဖြစ်တော့ ယောက်ဖတော် အရှင်ဒေဝဒတ်က ခရိုနီပီပီရပိုင်ခွင့်ရမလားရယ်လို့ သင်္ကန်းစီးတယ်။ ဘုရားကမျက်နှာသာမပေးတော့ လုပ်ကြံတဲ့အထိ အမုန်းထားတယ်။ ခရိုနီဟာ ဒီလိုပဲ။ မီဒီယာသမားတွေကို စားပြီနားမလည်လို့ပြောမယ်။ ဝန်းကြီးများရုံးကို ဟိုတယ်ဖွင့်ဖို့ပြောမယ်။ ကန်တော်ကြီးကို မောင်ပိုင်စီးမယ်။ ဒေါ်လာ ၁၅၀၀ တန် အမ်ဘီအေဝယ်မယ်။ လယ်သမားဆီက လယ်လုမယ်။ ဒါတွေကို လုပ်နေတာဟာ ဆင်းရဲသားဖိနှိပ်မှုပဲ။ သမိုင်းမှာ ရုရှမှာ ဒီလိုလုပ်လို့ ဆင်းရဲသားတွေ အုံကြွပြီး အပျက်အပျက်နဲ့ နှာခေါင်းသွေးရော၊ လည်ချောင်းသွေးပါထွက်ခဲ့ပြီးပြီ။ ဒါတွေကို အတုမယူရင် ဒီလိုပဲဖြစ်မယ်။ လောကမှာ ဓမ္မနဲ့အဓမ္မဟာ ဒီလိုပဲ အားပြိုင်နေမယ်။ နိုင်ငံအတွက်၊လူမျိုးအတွက်ကြည့်ပြီး အလုပ်လုပ်တဲ့သူတွေ အောင်မြင်မယ်။ ကန်ချလို့မလဲဘူး။ စေတနာမှန်ရင် ဖြိုလို့ကို မပြိုဘူး။
တိုင်းရင်းသားအကျိုးစီးပွားဆိုတာကိုပြောဖို့ဆိုရင် လုပ်ထုံးလုပ်နည်းဘက်ကို နည်းနည်းအရင်ပြောရမယ်။ လယ်သမားက ချေးငွေထုတ်ချေးရင် ဆိုင်ကယ်ဝယ်စီးတယ်။ စပါးပိုစိုက်တာမဟုတ်ဘူး။ အပြိုင်မရှိတုန်းတော့ ဟုတ်တယ်။ တချိန်မှာ နိုင်ငံတကာ company တွေဝင်လာပြီး စိုက်ပျိုးရေးကို ဖိဖိစီးစီးလုပ်ရင် ရှိသမျှ ပေါ့ပေါ့လျော့လျော့ လယ်သမားတွေ လယ်ကူလီလောက်ဖြစ်ကုန်မယ်။ အပြောင်းအလဲဆိုတိုင်း ကောင်းတယ်မမှတ်စေချင်ဘူး။ အခန့်မသင့်ရင် အပြောင်းအလဲကြောင့် ထမင်းငတ်သွားနိုင်တယ်။ အပြောင်းအလဲကြောင့် အလုပ်ပြုတ်သွားနိုင်တယ်။ အပြောင်းအလဲကြောင့် ကုန်းကောက်စရာမရှိအောင်ဖြစ်သွားနိုင်တယ်။ အစိုးရက အကျိုးစီးပွားကို ကာကွယ်ဖို့ဆိုတာ အခြေခံစည်းမျဉ်းတွေလောက်ပဲ ချမှတ်နိုင်တယ်။ ကမ္ဘာနဲ့ရင်ဘောင်တန်းပြီး လုပ်နေတဲ့ လုပ်ငန်းတွေမှာ ရှေးရိုးနည်းနဲ့ယှဉ်ပြိုင်ရင် ဦးနာအောက်ရဲ့ ပုဝါတွေကို မျက်ရည်သုတ်ဖို့ များများသာမှာထားစေချင်တယ်။
၁၉၉၄ မှာ အမေ့ကို ရုံးကနေ နယ်သာလန်ကို ကျေးလက်ဖွံ့ဖြိုးရေးအတွက် လွှတ်တယ်။ ဘာတွေ သင်ရသလဲဆိုရင် ကျေးရွာတွေမှာ ဆင်းရဲနေတဲ့သူတွေကို ငွေကြေးနည်းနည်းထောက်ပံ့ပြီး သူ့ခြေထောက်ပေါ်သူရပ်နိုင်ဖို့ ဘယ်လိုလုပ်ရမယ်ဆိုတာတွေကို သင်ရတယ်။ ဥပမာ၊ တစ်ယောက်ကို ပိုက်ဆံ ၁၀၀၀၊ ၂၀၀၀ ပေးတာက အလကားပဲ။ သူတို့ကို ဝက်ပေါက်လေးတွေပေးမယ်။ ဝက်မွေးဖို့သင်ပေးမယ်။ တစ်နှစ်မှာ သူတို့ ဘယ်လောက် အမြတ်ရအောင်လုပ်နိုင်သလဲဆိုတာကိုကြည့်မယ်။ လိုတာတွေဖြည့်ဆည်းမယ်။ အဲဒီလို အကူအညီနည်းနည်းနဲ့ဖွံ့ဖြိုးအောင် လုပ်တာတွေကို သင်ပေးတယ်။ ပြီးတော့ ရန်ကုန်မှာပဲထားတယ်။ ဘာမှမလုပ်ခိုင်းဘူး။ မင်္ဂလာဈေးထဲက တရုတ်တွေလို ဘွဲ့အတွက် ဆရာဝန်၊အင်ဂျင်နီယာဖြစ်အောင်လုပ်တယ်၊ပြီးတော့ ဈေးပဲရောင်းကြတယ်။ ဦးနှောက်ယိုစီးမှုပြဿနာတင်မဟုတ်ဘူး၊ မြန်မာပြည်မှာ ဦးနှောက်ချောင်ထိုးမှုပြဿနာလည်း တော်တော်ကြီးတယ်လို့ ကျနော်ထင်ပါတယ်။ ဒါဟာ ရုံးတိုင်းမှာဖြစ်နေတာ။ နောက်ပိုင်းဆို mix နဲ့ miss တောင် ကွဲအောင်မပြောနိုင်တဲ့ ပညာတော်သင်တွေလွှတ်လာတာကို တွေ့ရတယ်။
NGO တွေမှာ လစာကောင်းတယ်လို့ပြောတိုင်း ကျနော်ဝမ်းနည်းမိတယ်။ လစာကောင်းချင်ရင် တခြားအလုပ်လုပ်သင့်တယ်။ စေတနာ့လုပ်ငန်းတွေလုပ်ပြီး လစာကောင်းတယ်ဆိုတာကိုဂုဏ်မယူစေချင်ဘူး။ ၂၀၀၂-၂၀၀၃ လောက်က ကျနော် ရခိုင်က ရွှေရချိုင်ဆိုတဲ့ရွာလေးကို ခဏသွားတယ်။ အဲဒီမှာ သူငယ်ချင်းရဲ့အဘွားက အုန်းပင်တွေအများကြီးပိုင်တယ်။ အဲဒီမှာ ကောင်လေးနှစ်ယောက် အုန်းသီးခူးပြီးပြန်လာတော့ အဘွားကမေးတယ်။ ဟဲ့ ဘယ်ကအုန်းသီးလဲ။ ကောင်လေးကဖြေတယ်။ သူ ကောက်လာတာတဲ့။ အဘွားက ပြောတယ်။ နင်တို့လည်း အုန်းပင်သာတစ်ပင်မှမရှိတယ် အုန်းသီးတော့ နေ့တိုင်းကောက်ရတယ်တဲ့။ ကျနော်ရယ်မိတယ်။ ခိုးလာတယ်ဆိုတာကို အုန်းသီးကြည့်လိုက်တာနဲ့ အဘွားကသိတာပေါ့။ ဒီလောက် အစိမ်းကြီးကြွေမကျဘူးဆိုတာ သူမပြောနဲ့ ကျနော်တို့တောင်သိတယ်။ အုန်းပင်မစိုက်ဘဲ အုန်းသီးတွေကောက်ရနေတယ်ဆိုတာ NGO မှာလုပ်ပြီး လစာကောင်းနေတယ်ဆိုတာနဲ့ သိပ်မကွာဘူးလို့ ကျနော်ထင်တယ်။ အစိုးရဝန်ထမ်းလုပ်ပြီး သထိန်းဖြစ်တယ်ဆိုတာလည်း ထိုနည်းလည်းကောင်းပေါ့ခင်ဗျာ။
အခုအိုဘားမားလာတယ်။ ဘာပဲဖြစ်ဖြစ် နှစ်နိုင်ငံချစ်ကြည်ရေးအတွက်ကောင်းတယ်။ ပညာရေးကဏ္ဍမှာ အမေရိကားရဲ့ အကူအညီရနိုင်ရင်ကောင်းတာပဲ။ ပညာတော်သင် များများ လွှတ်နိုင်ရင်လည်း သိပ်ကိုကောင်းတာပဲ။ ရှက်စရာကောင်းတာကတော့ အိုဘားမားလာမှ ကိုယ့်နိုင်ငံရဲ့ အထင်ကရ နယ်မြေကြီးကို တက်သုတ်ရိုက်၊ခါတော်မီပြင်ဆင်ကြတဲ့သူတွေပဲ။ သမိုင်းမှာ သိပ်ပြီး ထိပ်ထိပ်ကြဲဖြစ်တဲ့ အထင်ကရ ကျောင်းတော်ကြီးကို မေ့သွားအောင်လုပ်ထားခဲ့ကြတာ အတော့်ကို အောက်တန်းကျပါတယ်။ ပညာရေးစနစ်ကို ဒိုင်ဗင်ထိုးဆင်းသွားအောင်လုပ်ခဲ့တဲ့သူတွေသိပါလိမ့်မယ်။ အခုလည်း ဝန်ကြီးက ဘယ်နှစ်ရာခိုင်နှုန်းအောင်စေချင်လို့ အောင်မှတ်ကို ဘယ်လောက်ထားပေးမယ်ဆိုတဲ့စနစ်ရှိနေတုန်းပါပဲ။ ကျနော်တို့တွေက အဲဒီလို ပညာရေးစနစ်တွေနဲ့ အင်မတန်မှ ရင်းနှီးခဲ့သူများပါပဲ။ အင်မတန်ကို အဆင့်နိမ့်တဲ့ ပညာရေးယန္တရားထဲက ကျွတ်ထွက်လာတဲ့ မူလီတွေဖြစ်မယ်။
စီးပွားရေးကို အိုဘားမားကို အားကိုးရင်တော့ အဆင်ပြေပါ့မလား စိုးရိမ်မိတယ်။ မက်ဒေါ်နယ်၊ ကေအက်ဖ်စီတွေ ရောက်လာရုံနဲ့တော့ ဘာမှမထူးပါဘူး။ သူကိုယ်တိုင် ဘုရ်ှအကြွေးတွေ မကျေသေးလို့ ခက်နေရကြားထဲ ရှေ့နှစ် ရီဆက်ရှင်းပြဿနာ အရိပ်အမြွက်တွေနဲ့ ဆံပင်တွေပိုဖြူလာတဲ့ သမ်မတကို ပညာရေးအတွက်လောက်ပဲ အားကိုးချင်မိတယ်။
မြန်မာပြည်မှာ စိုက်တာပျိုးတာတွေက အရင်လို အထွက်မကောင်းတော့တာတွေ၊ ပိုးသတ်ဆေးကို အရင်က ရုပ်မြင်သံကြားမှာ ပြပြနေတဲ့ တမာပိုးသတ်ဆေးဘယ်သူမှ မသုံးတော့တာတွေ၊ ဆည်ဖောက်လို့ရေလျှံတာတွေကိုလည်း ဖြေရှင်းသင့်တယ်။ အောက်ကလူတွေ အဆင်ပြေဖို့ လိုတဲ့အလုပ်မျိုးတွေ အများကြီးလိုတယ်။ စီးပွားရေးကို စနစ်မဲ့ ပရမ်းပတာဖြစ်လွန်းတာတွေကို ပြင်ဆင်ဖို့လိုတယ်။ လူတိုင်း အခြေခံလိုအပ်ချက်ပြည့်မီအောင်ကြိုးစားသင့်တယ်။ အိန္ဒိယမှာ သရုပ်ဆောင်ဖြစ်ရင် ဆင်းရဲတွင်းကလွတ်နိုင်တယ်။ ကိုးရီးယားမှာ အဆိုတော်၊သရုပ်ဆောင်၊ ဘောလုံးသမား တစ်ခုခုဖြစ်ရင် ဆင်းရဲတွင်းကလွတ်နိုင်တယ်။ ထိုင်းမှာ ကစ်ဘောက်ဆင် ကောင်းကောင်းတတ်ရင် ဆင်းရဲတွင်းကလွတ်နိုင်တယ်။ ဘရာဇီးမှာ ဘောလုံးကျွမ်းရင်ချမ်းသာနိုင်တယ်။ မျှော်လင့်ချက်ရှိတဲ့ ဘဝတွေဖြစ်ဖို့ လိုအပ်တယ်။ ပညာတတ်လို့ ဘာမှမဖြစ်လာဘူးဆိုတဲ့ အတွေးအခေါ်ဟာ အင်မတန်အန္တရာယ်ကြီးပါတယ်။ ဘယ်နိုင်ငံမှာမဆို ပညာတတ်ဖို့ လိုပါတယ်။ ကျကျနန တတ်မြောက်မှုဟာ ဘွဲ့ရဖို့ထက် ပိုအရေးကြီးပါတယ်။
(ဆက်ရန်)
Peace B with U.
