အရင်အတုိုင်း/အရင်းအတုိုင်း
တစ်ချိန်က သီချင်းသံများကို ကြားနေသည်။ အာရုံနှင့် ဒွာရ၏ ထိခိုက်မှု တုိုးတိတ် ဖြူဖျော့သော သိစိတ်ဖြင့် ကြားနေသည်။ သတိရခြင်း၏ အဖြူရောင်သည် မိးခိုးရောင်တိမ်တုိုက်များမှ အမည်းရောင်များကို ဆေးကြောပစ်လုိုက်ခြင်းလည်း ဖြစ်ကောင်းဖြစ်နုိုင်သည်။
မီးခုိုးရောင် - အမည်းရောင် = အဖြူရောင်
ထိုသို့ဖြစ်ချင်ဖြစ်မည်။ ညီမျှခြင်း၏ တစ်ဖက်တစ်ချက်မှ အခြားတစ်ဖက်သို့ လျှင်မြန်စွာ ပြောင်းလဲရန် ဓာတ်ကူပစ္စည်းများလိုအပ်ခဲ့သေးလား သေချာမမှတ်မိပါ။ အပူတုိုက်လျှင် ပြောင်းလဲသွားသော မျှခြေအခြေအနေကို ကံဆုိုးခြင်း ကိန်းသေဖြင့်သာ မြှောက်ပါ။ တစ်ချိန်တွင် ဆတိုးပွားများလာသော နောင်တသည် ဥပါဒါန်၏ အမျှင်အတန်း ဖြစ်မည်။ အိပ်ကပ်အလွတ်ထဲ အပြည့်အသိပ်ထည့်လာသော ယုံကြည်ခြင်းသည် ငွေကြေးတန်ဖုိုးအားဖြင့် သုညသာဖြစ်သည်။
လက်ယာဘက် လက်မောင်းမှ ဖရီးမေဆင်တို့၏ သင်္ကေတ တက်တူး အောက်ခြေတွင် သူမ၏ နာမည်အတုိုကောက် ထိုးထားခြင်းမှာ အပျော်သဘော သက်သက်မဟေုတ်ကြောင်း သူလည်း သိပါလိမ့်မည်။ ကောင်းကင်နှင့်မြေကြီးသည် ချစ်ခြင်းတရား၏ ဗျာဒိတ်တော်ကို စောင့်ရှောက်ခြင်း အလုို့ငှာ တုန်ရီနွေးထွေးနေခဲ့ဖူးသည်။ ပုံပြင်များသည် လှပသော အရိပ်နိမိတ်နှင့်အတူ လွယ်ကူစွာ ပြေလျော့ပျောက်ကွယ်သွားတတ်သော သစ်ရွက်ကြွေများထက်တော့ ခိုင်မာခဲ့သည်။
စနစ်တကျ တပ်ဆင်မထားသော ယုတ္တိဗေဒ၏ အပြင်ဘက်တွင် ထွက်ထုိုင်နေသော နှစ်အနည်းငယ်သည် စိတ်ချမ်းမြေ့ဖွယ်သာယာသော ကီတာရိုး၏ ဂီတသံနှင့်တူကောင်းတူခဲ့လိမ့်မည်။ ဝန်ပိုတင်ဆောင်ခြင်းမရှိသော ငှက်ကျေးများ၏ အိပ်တန်းတက်ရာ သစ်ပင်အို၏ အုံ့ဆုိုင်းညို့မှိုင်းမှုကို နာရီပေါင်းများစွာ ထုိုင်ကြည့်ခဲ့ကြဖူးသည်။ အမောက်အနီနှင့် oranda ငါးလေးများ အတူသွားဝယ်ရင်း ဘဝအဓိပ္ဗာယ်သည် အမောက်အနီနှင့် ငါးကလေး၏ စူပွပွ အစာတောင်းသော၊ မျှော်လင့်တတ်သော နှလုံးသားမျှသာဖြစ်ကြောင်း ယုံကြည်လိုက်ရန် အခက်အခဲမရှိခဲ့ကြပါ။
ခြေထောက်များ၏အခက်အခဲမှာ ညီညာသော မြေမျက်နှာပြင်နှင့်သာ သင့်မြတ်ခြင်းဖြစ်သည်။ မျှော်လင့်မထားသော အပြုံးရောင် နံနက်ခင်း၏ ချိုသာသော တေးသည် စံပယ်ရနံ့စိုစွတ်သော ကိုယ်သင်းနံ့ဖျော့ဖျော့လေးတစ်ခုဖြစ်မည်။ အိမ်မက်များ၏အခက်အခဲမှာ အလွယ်တကူမေ့ဖျောက်ရန်မတတ်သာခြင်းဖြစ်၍ ၊ ချစ်ခင်သူ၏ အခက်အခဲမှာ ဝေးကွာနေသော စက္ကန့်များ၏ ကြာညောင်းမှုကို စိတ်ရှည်လက်ရှည် သည်းခံနုိုင်ရန် မစွမ်းသာခြင်းဖြစ်လိမ့်မည်။ တိမ်တိုက်များသည် အနက်ရောင်ကောင်းကင်တွင် မမြင်ရသည့်တုိုင် ထာဝရ လှပနေကြသည်။
ကြယ်များသည် မိမိ၏ စိတ်နှင့် ဆက်သွယ်နေသော အချက်ပြမီးများဖြစ်သည်။ ကောင်းကင်သည် သုံးဘက်တုိုင်း ပိရမစ်တစ်ခုဖြစ်လျှင် သိုဝှက်ထားသော စကြဝဠာတစ်ခုစီ၏ သင်္ကေတကို ကြယ်များက ပြောပြနုိုင်လိမ့်မည်ထင်သည်။ လောကတွင် လေးနက်သော အရာ သုံးခုရှိလျှင် ကတ္တရာပုံး၊ ကျွဲ နှင့် ကျွန်တော်၏ အချစ်တုို့သာဖြစ်လိမ့်မည်ဟု သူက နောက်ပြောင်ခဲ့ဖူးသည်ဟု မှတ်မိနေသေးသည်။
မျက်စိမှိတ်ထားသော်လည်း လက်မတည့်လှသည့် ပေါက်ဓား ဆရာမှာ ကံကြမ္မာသာလျှင်ဖြစ်သည်။ ထိုစာကြောင်းအတွက် ကျွန်တော် အချိန်သုံးနှစ်ကြာသင်ယူခဲ့ရသည်ဆုိုလျှင် ရယ်ပွဲဖွဲ့စရာဖြစ်လိမ့်မည်ထင်သည်။ မိမိလက်ဖဝါးမှ တစ်သက်တာ ကြက်ခြေခတ်များထက် ပို၍ထင်းသော ရှေ့ဖြစ်ဟောဆရာမှာ ကျွန်တော်၏ မတော်လုိုက်ရသော ယောက္ခမလောင်းကြီးသာလျှင် ဖြစ်လိမ့်မည်။ လူတစ်ယောက်၏ အနာဂတ်ကို အလွယ်တကူဆုံးဖြတ်စီမံတတ်ပုံမှာ မှတ်တုိုင်ကျော်သွား၍တစ်ချက် လှမ်းတော့ခိုင်းနေသော စပယ်ယာထက်ပင် လွယ်ကူနေပေသေးသည်။
ရယ်စရာများသည် တစ်ချိန်က ရယ်စရာမကောင်းခဲ့ပါ။ ဆုတောင်းကောင်းခဲ့သော မနက်ခင်း၏ စံပယ်ပန်းများသည် ထာဝရ မွှေးမြနေပါလိမ့်မည်။ ကျွန်တော်ငေးကြည့်နေသော သူ(မ)၏ကြယ်ကလေးသည် လှပသော အနာဂတ်ရှိပါလိမ့်မည်။ somewhere over the rainbow သီချင်းအရ ..... သက်တံများနောက်သို့ လုိုက်ရင်း သူ့အမည်နှင့် အတိုကောက် စာလုံးဆင်သော ချစ်စရာ ကောင်မလေးကို လက်ထပ်၍ ပျော်ရွှင်သော ပစ္စုပ္ဗန်ကိုဖြတ်သန်းနေခြင်းမှာ တက်တူးဖျက်ရန် ပျင်းရိမှုကြောင့်သာဖြစ်ကြောင်း ကျွန်တော်မသေချာလှပါ။
လွန်ခဲ့သော ဆယ်စုနှစ်မှ စံပယ်ပန်းခြောက်များကုို အလွန်လှသော လေလုံဖန်ပုလင်းဖြင့်ပိတ်လှောင်ကာ အင်ဒိုနီးရှားပင်လယ်ကမ်းခြေတွင် မျောခဲ့ပြီဖြစ်ပါသည်။ ထိုနေ့ညတွင် မော့မကြည့်သည့်တုိုင် ကြယ်ကြွေလွန်းသောည ဖြစ်မည်ဟု သေချာနေလုိုက်သည်။ ထိုနေ့မှစ၍ ကောင်းကင်ကို မော့ကြည့်ရန် အလွန်ပျင်းရိသွားခဲ့ပြီဖြစ်သည်။ ။
Regards,
Zephyr
Peace B with U.
