တိလောပ ပြောတာလေး နားထောင်ကြည့်ပါဦး။
ကာယဝိဝေက အမှုကို စိတ်ငြိမ်သက်စွာပြုပါ။ ပါးစပ်ကို တင်းတင်းစေ့ပိတ်ထားလိုက်ရင် တိတ်ဆိတ်မှုသာ ကျန်ရစ်တယ်။ စိတ်ကို ဗလာကျင်းထားပြီး သုညတ တရားကိုဆင်ခြင်။
ကာယဝိဝေကအမှုကို စိတ်ငြိမ်သက်စွာပြုပါ။ ဒါလေးကိုကြည့်ရင် အပန်းဖြေနားနေတဲ့စိတ်ဟာ ဘာဆိုတာ နားလည်နိုင်မယ်။ ဘာမှလုပ်မနေဘူး။ အသေကောင်လို လှဲနေမှ စိတ်ဖြေလျှော့တာမဟုတ်ဘူး။ တကယ်ဆိုရင်လည်း ခင်ဗျား အသေကောင်လို လှဲမနေနိုင်ဘူး။ ဟန်ဆောင်ကြည့်လို့တော့ရမယ်။ အသက်ရှင်နေတဲ့ ခင်ဗျား အသေကောင်လို ဘယ်လှဲနေနိုင်ပါ့မလဲ။ ဘာအပြုအမူမှမလုပ်တော့ရင် စိတ်ဖြေလျှော့ခြင်းဟာ အလိုလိုရောက်လာတာပဲ။ စွမ်းအင်က အိမ်မှာပဲရှိနေတာ။ ဘယ်မှလျှောက်သွားမနေဘူး။ အခြေအနေက တောင်းဆိုလာရင် တစ်ခုခုထလုပ်လိုက်မယ်။ ဒါပေမယ့် တစ်ခုခုလုပ်ဖို့ အကြောင်းရှာမနေဘူး။ ကိုယ့်စိတ်နဲ့ကိုယ့်ကိုယ် အဆင်ပြေသင့်မြတ်နေတယ်။ စိတ်ဖြေလျှော့ခြင်းဟာ အိမ်မှာရှိနေမှဖြစ်မယ်။
လွန်ခဲ့တဲ့နှစ်အနည်းက ကျုပ်စာအုပ်တစ်အုပ်ဖတ်ခဲ့တယ်။ စာအုပ်နာမည်က ခင်ဗျားနားကို နားနေရမယ်တဲ့။ လုပ်ကိုလုပ်ရမယ်ဆိုတာကြီးက မသိသားဆိုးရွားလိုက်တာဗျာ။ လုပ်ကိုလုပ်ရမယ်ဆိုတဲ့ အတင်းအကြပ်သဘောဟာ စိတ်ဖြေလျှော့ခြင်းနဲ့ ပြဒါးတစ်လမ်း၊သံတစ်လမ်းမဟုတ်လား။ ဒါမျိုးစာအုပ်တွေ အမေရိကားမှာပဲ အရောင်းတွင်မယ်။ လုပ်ကိုလုပ်ရမယ်ဆိုရင် ခင်ဗျားရဲ့လုပ်ငန်းဆောင်တာဖြစ်သွားပြီ။ အဲဒါဟာ စွဲငြိမှုတစ်ခုပဲ။ ဥပါဒါန်ပဲ။ လုပ်ကိုလုပ်ရမယ်ဆိုတာရဲ့ နောက်မှာ ဥပါဒါန်က အမြဲရှိနေတယ်။ ပုန်းရှိုးကွယ်ရှိုးလေးရှိနေတယ်။ လုပ်စရာရှိတာတွေ လောကမှာရှိပါတယ်။ ဒါပေမယ့် လုပ်ကိုလုပ်ရမယ်ဆိုပြီး လုပ်စရာတွေကို သြဇာပေးနေတာတော့မရှိဘူး။ မလုပ်မဖြစ်ဆိုတာဟာ ရူးသွပ်မှုကို ဖြစ်စေတာပဲ။ ခင်ဗျား စိတ်ကို ဖြေလျှော့မှကို ဖြစ်မှာဆိုရင် စိတ်ဖြေလျှော့တာကိုက ဥပါ
ဒါန်နော်။ ဒီလို အနေအထားလေးနေ၊ လှဲထား၊ ခြေဖျားကနေ ခေါင်းအထိ ခင်ဗျား အမိန့်ပေး။ ခြေမကို စပြော ဟေ့ကောင် ဖြေလျှော့လိုက်တော့။ ပြီးရင် အထက်ကို ဖြည်းဖြည်းချင်းတက်သွားပြီး အမိန့်တွေဆက်ပေး။
ဘာကြောင့် မလုပ်မဖြစ်လို့ပြောပါလိမ့်ဗျာ။ စိတ်ဖြေလျှော့မှုဟာ ဘဝမှာ မလုပ်မဖြစ်ဆိုတဲ့ အခြေအနေမျိုးမရှိမှ ရောက်လာမှာ။ ဖြေလျှော့တယ်ဆိုတာ ခန္ဓာကိုယ်သက်သက်မဟုတ်ဘူး။ စိတ်ချည်းသက်သက်လည်းမဟုတ်ဘူး။ စိတ်ရောကိုယ်ပါ ဖြေလျှော့မှဖြစ်နိုင်တာ။
ခင်ဗျားဟာ လုပ်ငန်းဆောင်တာတွေ သိပ်များနေမယ်။ သိပ်ကိုပင်ပန်းမယ်။ တစ်စစီမွစာကြဲသလိုဖြစ်မယ်။ ခြောက်ခမ်းမယ်။ အေးခဲတောင့်တင်းသလိုဖြစ်မယ်။ ဘဝရဲ့စွမ်းအင်ဟာ ဘယ်မှမသွားဘူး။ အထပ်ထပ် တစ်ထပ်ပြီးတစ်ထပ်ကို ဖြစ်နေတာ။ ခင်ဗျားတစ်ခုခုကို လုပ်ရင်လည်း ရူးသွပ်မှုကို အခြေပြုပြီး လုပ်နေတာပဲ။ အဲဒီလို အရူးဖြစ်နေမှ စိတ်ဖြေလျှော့ဖို့လိုကို လိုတယ်ဆိုတာမျိုးဖြစ်လာတာ။ အဲဒီလို လိုအပ်လို့လည်း ဖြေလျှော့ခြင်းနဲ့ပတ်သက်တဲ့ စာအုပ်တွေ တစ်လတစ်အုပ်လောက်ထွက်နေတာ။ ကျုပ်ဘဝမှာ အဲဒီလို စာအုပ်ဖတ်ပြီး ငြိမ်းချမ်းသွားတဲ့သူ၊ စိတ်သက်သာပြေလျော့သွားတဲ့သူ တစ်ယောက်မှ မတွေ့ဘူး။ ပိုပြီးတောင် ဂနာမငြိမ်ဖြစ်လာတာပဲတွေ့တယ်။ တစ်သက်လုံးလုပ်လာတဲ့ လုပ်ငန်းဆောင်တာကြီးကို မတို့မထိဘဲနေတယ်။ ဥပါဒါန်ကြီးက တန်းလန်းပဲ။ လုပ်ငန်းဆောင်တာတွေကို လုပ်ဟဲ့ လုပ်ဟတွေမပြတ်နိုင်ဘူး။ ရောဂါကြီးက အထင်းသားရှိနေတယ်။ စိတ်ပြေလျော့ပါပြီဆိုပြီး ဟန်ဆောင်နေတယ်။ လဲလျောင်းနေမယ်။ စိတ်ထဲက သပွတ်အူကြီးက ဒီအတိုင်းသားကြီး။ ပေါက်ကွဲခါနီး မီးတောင်ကြီးလိုမျိုးပဲ။ ဘယ်လို စိတ်ဖြေလျှော့ကြမလဲ ဆိုတဲ့ စာအုပ်ကြီးဖတ်ပြီး အဲဒီထဲက နည်းတွေနဲ့ သူ့ဟာသူတော့ ဖြေလျှော့နေတာပဲ။
ခင်ဗျားကို စိတ်ပြေလျှော့စေတဲ့ စာအုပ်ဆိုတာ မရှိဘူးဗျ။ ခင်ဗျားက ကိုယ့်ရဲ့ အတွင်းစိတ်ကို ဖတ်မှဖြစ်မှာ။ အဲဒီလိုဖတ်မှာ အပန်းဖြေ၊စိတ်ဖြေလျှော့နားနေတယ်ဆိုတာ လုပ်ကို လုပ်ရမယ်ဆိုတာ မဟုတ်မှန်းသိလာမယ်။ စိတ်ပြေလျှော့နေတယ်ဆိုတာ ကင်းဆိတ်မှုပဲ။ ဝိဝေကတရားပဲ။ ဘာကင်းဆိတ်တာလဲဆိုရင်တော့ လုပ်ငန်းဆောင်တာကင်းဆိတ်တာပဲ။ လုပ်စရာရှိတာတွေ ကင်းတာမဟုတ်ဘူးနော်။ ခင်ဗျား ဟိမဝိန္တာအထိ တောထွက်စရာမလိုဘူး။ လူတစ်ချို့တော့ အဲဒီလို တောထွက်သွားတာပဲ။ စိတ်ပြေလျော့စေဖို့ဆိုပြီး ဟိမဝိန္တာဆီထွက်သွားတာပဲ။ လုပ်စရာရှိတာတွေကို လွှတ်ချလိုက်ဖို့မလိုဘူး။ လုပ်စရာရှိတာ မလုပ်တော့ရင် ခင်ဗျား လူသေဖြစ်သွားမယ်။ စိတ်ပြေလျှော့သွားမှာမဟုတ်ဘူး။ သေသွားမှာ။ ဟိမဝန္တာကိုသွားကြည့် ခင်ဗျားသူတော်စင် အသေကောင်တွေ့မယ်။ သူတို့က စိတ်ပြေလျှော့နေတာမဟုတ်ဘူး။ ဘဝကရော၊ လုပ်စရာရှိတဲ့ကိစ္စတွေကပါ ထွက်ပြေးလွတ်မြောက်သွားတဲ့ အသေကောင်တွေ။
ဒါလေးဟာ ဆင်ခြင်တွေးတောစရာကောင်းတဲ့ အချက်ပဲ။ လုပ်ငန်းဆောင်တာတွေကို လျှော့ချလိုက်ရမယ်။ လွှတ်ချလိုက်ရမယ်။ လုပ်ကိုင်ဆောင်ရွက်မှုဆိုတဲ့ (လုပ်သင့်လို့လုပ်ရတာတွေ)ကိုတော့ လွှတ်ချလိုက်လို့မဖြစ်ဘူး။ အဲဒီနှစ်ခုစလုံးကို လွှတ်ချလိုက်ဖို့ကလွယ်တယ်။ အစွန်းနှစ်ပါးပဲ။ ဘာမှမလုပ်တော့တာလည်း လွယ်တယ်။ လုပ်နေကြ လုပ်ငန်းဆောင်တာတွေ ဆက်လုပ်ပြီး နေသွားတာလည်း လွယ်တယ်။ နှစ်ခုလုံးကနေလွတ်ချင်ရင် ခင်ဗျား ဟိမဝိန္တာမှာ သွားနေလိုက်ရုံပဲ။ လုပ်ငန်းဆောင်တာတွေနဲ့ပဲနေချင်ရင်လည်း ခင်ဗျားကို ခင်ဗျား မနက်တိုင်း ခဏလောက်နားနေပါလို့ တွန်းအားပေးနေရုံပဲ။ ခင်ဗျား လူ့စိတ်ရဲ့ ရှုပ်ထွေးပွေလီမှုကို နားမလည်သေးဘူး။ သူ့ရဲ့တည်ဆောက်ထားမှုကိုလည်း နားမလည်သေးဘူး။ စိတ်ပြေလျှော့မှုဟာ စိတ်အခြေအနေလေးတစ်ရပ်ပဲ။ ဒါကို တွန်းအားပေးလို့မရဘူး။ သူနဲ့ဆန့်ကျင်ဘက်တရားတွေကို လွှတ်ချလိုက်မှ၊ အဟန့်အတားအနှောက်အယှက်တွေကို ရိုးရိုးလေးလွှတ်ချလိုက်မှ သူရောက်လာနိုင်မှာ။ စိတ်ပြေလျှော့မှုလေးဟာ ရေမျက်နှာပြင်ကို လေပလုံစီလေး တက်လာသလို သူ့အလိုလိုပေါ်လာမှာ။
ညဘက် အိပ်တော့ ခင်ဗျား ဘာတွေများလုပ်နေရသေးလဲ။ အိပ်ဖို့ တစ်ခုခုလုပ်နေရသေးလား။ အိပ်နေရင်းနဲ့ တစ်ခုခုလုပ်နေရသေးရင်တော့ ခင်ဗျား အိပ်မပျော်တဲ့ရောဂါဖြစ်ဖို့ရှိနေပြီ။ အိပ်မရတဲ့ရောဂါဖြစ်လာမယ်။ အိပ်တယ်ဆိုတာဘာလဲ။ ခင်ဗျားက လှဲချလိုက်တာပဲ။ သူ့အလိုလို အိပ်ပျော်သွားတာ။ အဲဒီမှာ ဘာမှ လုပ်လိုက်တာမဟုတ်ဘူး။ တစ်ခုခုလုပ်နေရင်း အိပ်မယ်ဆိုရင် အိပ်မပျော်ဖို့ဖြစ်လာမှာပဲ။ အိပ်ပျော်ဖို့လုပ်လိုက်ရတာဆိုလို့ လုပ်ငန်းဆောင်တာတွေကို ခဏရပ်လိုက်တာပဲရှိတယ်။ စိတ်ထဲမှာ လုပ်ငန်းဆောင်တာတွေ ကင်းသွားရင် စိတ်ဟာ အနားရသွားတယ်။ အိပ်ပျော်ခြင်းထဲကို တရွေ့ရွေ့တိုးဝင်သွားတော့တာပဲ။ အိပ်ပျော်အောင်ကြိုးစားကြည့်ပါလား။ ခင်ဗျား သဲထဲရေသွန်ဖြစ်မယ်။ အိပ်ပျော်ဖို့လည်းမဖြစ်နိုင်တော့ဘူး။
တစ်ခုခုလုပ်နေစရာကိုမလိုဘူး။ တိလောပ ပြောတဲ့ ကာယဝိဝေကအမှုကို စိတ်ငြိမ်သက်စွာပြုပါ။ ဆိုတာ ဘာကိုမှ မလုပ်ခိုင်းတာပဲ။ ယောဂအထိုင်ပုံစံတောင်မလိုဘူး။ တွန့်လိမ်ကောက်ကွေးနေဖို့လည်းမလိုဘူး။ ဝိဝေကကိုပဲ ကျင့်သုံးရမှာ။ လုပ်ငန်းဆောင်တာတွေ ရှင်းထားလိုက်ရုံပဲ။ စိတ်ပြေလျှော့မှုဟာ ဘယ်လိုလာမှာလဲ။ နားလည်မှုအားဖြင့် လာမယ်။ နားလည်မှုဟာ တစ်ခုတည်းသော စည်းကမ်းပဲ။ လုပ်ငန်းဆောင်တာတွေကို နားလည်အောင် အသေးစိတ်ရှုမှတ်နေရင်၊ လုပ်နေဆဲအခိုက်မှာပဲ လုပ်ငန်းဆောင်တာက ရပ်သွားမယ်။ သိနေရင် လုပ်ငန်းဆောင်တာက ဆက်လုပ်လို့မရတော့ဘူး။ အဲဒီလို ရပ်တန့်သွားခြင်းကိုပဲ တိလောပက ကာယဝိဝေကအမှုကို စိတ်ငြိမ်သက်စွာပြုပါ။ဆိုပြီးပြောချလိုက်တာပဲ။
စိတ်ပြေလျှော့တယ်ဆိုတာဘာလဲ။ ခင်ဗျားရဲ့စွမ်းအင်တွေက ဘယ်ကိုမှ မရွေ့လျားတော့တဲ့ အခြေအနေတစ်ရပ်ပဲ။ အတိတ်ကိုလည်းပြန်မသွားဘူး။ အနာဂတ်ကိုလည်း ပြေးထွက်မသွားဘူး။ ခင်ဗျားနဲ့အတူ စွမ်းအင်က ရှိနေတယ်။ ငြိမ်သက်တိတ်ဆိတ်နေတဲ့ စွမ်းအင်ရေကန်လေးထဲမှာ သူ့ရဲ့အနွေးဓာတ်လေးနဲ့ခင်ဗျားဟာ လွှမ်းခြုံမိနေပြီ။ အဲဒီအခိုက်အတန့်လေးက အစစအရာရာပဲ။ အလုံးစုံသော ကိစ္စပဲ။ တခြားထပ်တွေးနေစရာ ဘာမှမရှိဘူး။ အချိန်တွေရပ်တန့်သွားပြီ။ အဲဒီမှာ စိတ်ပြေလျှော့မှု ဖြစ်လာတာပဲ။ အချိန်ဆိုတာ ရှိနေသေးသ၍ ပြေလျှော့မှုမရှိနိုင်ဘူး။ ခင်ဗျားဘာကိုမှလည်း လိုအပ်တောင့်တ မနေဘူး။ ပစ္စုပ္ပန်တည့်တည့်မှာ ခင်ဗျားကျေနပ်နေတယ်။ ဘာမှမထူးခြားတဲ့ သမားရိုးကျအရာလေးတွေကိုလည်း ခင်ဗျားကျေနပ်ဝမ်းမြောက်လို့ရတယ်။ အဲဒါလေးတွေမှာ အလှတရားရှိတယ်။ တကယ်တော့ မထူးဆန်းတဲ့အရာဆိုတာ မရှိဘူးဗျ။ အရာအားလုံးဟာ အထူးအဆန်း၊အံ့မခန်းတွေချည်းပဲ။
လူတွေလာလာပြီး ကျုပ်ကို ဖန်ဆင်းရှင်ဘုရားဆိုတာ ယုံလားမေးကြတယ်။ ကျုပ်က ယုံတာပေါ့လို့ပဲဖြေတယ်။ ဒီလောက် အံ့မခန်းတာတွေရှိနေတာ အဲဒါတွေထဲမှာ လေးနက်တဲ့ သမ္ပစဉ်တရား ဘယ်နှယ့်မရှိရမှာလဲ။ သေးဖွဲတဲ့အရာလေးတွေကိုပဲကြည့်ပါဦး။ မြက်ခင်းပေါ်လမ်းလျှောက်တော့ အငွေ့ပျံမသွားသေးတဲ့ နှင်းစက်လေးတွေ၊ အဲဒါလေးတွေကိုပဲ ခံစားကြည့်လိုက်။ မြက်ခင်းရဲ့ အရောင်နဲ့ အထိအတွေ့၊ နှင်းစက်လေးတွေရဲ့ အေးမြမှု၊ မနက်ခင်းရဲ့လေပြည်၊ အရုဏ်တက်လာတာ၊ ဒါတွေရှိနေရက်နဲ့ ပျော်ဖို့ ဘာထပ်လိုသေးတုန်း။ ဒီထက်ပိုပြိး ဘယ်အရာက ပျော်စေနိုင်ဦးမှာလဲ။ ညမှာ အေးမြတဲ့ အခင်းခင်းထားတဲ့ ခင်ဗျားရဲ့အိပ်ရာမှာလဲလျောင်းရင်း အိပ်ရာခင်းရဲ့ အပျော့အမာ၊ တဖြည်းဖြည်းနွေးထွေးလာမှုတွေကိုခံစားကြည့်ရင်း ခင်ဗျားဟာ တိတ်ဆိတ်တဲ့ညအမှောင်ထုရဲ့ ခြုံလွှမ်းခြင်းကို ခံလိုက်ရမှာပဲ။ မျက်လုံးလေး အသာလေးမှိတ်ထားပြီး ဒါလေးတွေကို သိနေလို့ရတယ်။ ဘာများထပ်လိုနေသေးလဲ။ လက်ရှိရှိနေတာတွေက လုံလောက်လွန်းနေပါပြီ။ အဲဒါလေးကို ကျေးဇူးတင်တဲ့စိတ်ကလေးဖြစ်လာတာ။ အဲဒါဟာ စိတ်သက်သာရာရမှု၊ အပန်းပြေမှုပဲပေါ့ဗျာ။ ပီတိသောမနသပဲပေါ့။
Regards,
Z
အမှန်တော့ ဒီကိစ္စတွေဟာ လေးနက်ပုံရတယ်။ စကားလုံး အသုံးအနှုန်းတွေကို အဆင်ပြေအောင်သုံးလိုက်ပေမယ့် လွဲနိုင်မှားနိုင်တယ်။ မြန်မာလို ကိုယ်ခံစားရတဲ့ ဝိဝေက ဆိုတဲ့ စကားလုံးကို ဖလှယ်လိုက်တယ်။ ဝိဝေက သုံးမျိုးရှိတယ်။ ကာယ ဝိဝေက၊ စိတ္တဝိဝေကနဲ့ ဥပဓိဝိဝေက။ ကာယဆိုတာ ကိုယ်နဲ့စပ်လျဉ်းပြီး ကင်းဆိတ်အောင်နေလိုက်တာ။ အမှုမများတော့အောင်နေလိုက်တာပဲ။ ယောဂီဟာ လူမမာလို နေရမယ်ဆိုတဲ့စကားက ဝိဝေကတရားအတွက်ပဲ။ စိတ္တဝိဝေကဆိုတာတော့ စိတ်ကို အာရုံတစ်ပါး စိတ်မသွားဘဲ ဖြစ်မြဲတရားတွေမှာ သတိလေးကပ်ပြီး လက္ခဏာရေး ရှုဆင်ခြင်နေတာပဲ။ စိတ်ရဲ့ကိစ္စတွေဖြစ်တဲ့ တောင်တွေးမြောက်တွေး၊ ပြန်လှန်တွေး၊ ပြန်လှန်ဆွေးတွေကို ငြိမ်းစေတာ စိတ္တဝိဝေကပဲ။ အဲဒီလိုစိတ်ကို တစ်ချောင်းတည်းသော စိတ်လို့လည်းခေါ်တယ်။ ကြံ့များဟာ ဂျိုတစ်ချောင်းထဲရှိတော့ ငြိတွယ်ရှုပ်ထွေးမနေတော့ဘူးဆိုပြီး ပြောကြတာလည်းရှိတယ်။ စိတ်ကလည်း အာရုံတွေနောက်ကို မောဟနဲ့မလိုက်ဘဲ သတိကပ်နေရင် ကြည်ကြည်လင်လင်နဲ့ တစ်စိတ်တည်းထားနေတော့ စွမ်းအင်ထက်မြက်လာတယ်။ ကာယဝိဝေက၊ စိတ္တဝိဝေကနဲ့နေရင်း တစ်ချိန်မှာ ဥပဓိဝိဝေက ဆိုက်ရောက်လာတယ်။ အဲဒါ နိဗ္ဗာန်ပေါ့။ တစ်ယောက်တည်းနေ၊ တစ်စိတ်တည်းထားရင် နိဗ္ဗာန်ရောက်ကြောင်းဖြစ်တာပဲ။ တိလောပဟာ ဒီလိုဆိုချင်တာပဲလို့ ထင်မြင်မိတယ်။
Peace B with U.
