အိုဘာမားလာတယ်၊ ပြန်သွားတယ်။ အပိုင်း (၄)
ကျည်တောက်မှ ပြန်ထွက်လာသည့် နူးညံ့ပျော့ပြောင်း လှပကျော့ရှင်းသော ပရီမီယံ ခွေးမြီးကောက်
တပ်မတော်ဆိုတာ ပစ်ရင် မိုးပေါ်ထောင်မပစ်ဘူးလို့ သွားလေသူ ရွှေစင်ဆုများပိုင်ရှင် ကျောင်းသားသတ်မင်း ကိုကိုနေ (ဦးနေဝင်း) (14 May 1911 or 10 July 1910 – 5 December 2002)
ကပြောသွားခဲ့ဖူးပါတယ်။ ချစ်စရာ ပြုံးအလှပိုင်ရှင်လည်းဖြစ်၊ မြန်မာပြည်ရဲ့ ကျေးဇူးရှင်လည်းဖြစ်တဲ့ သူ့စကားကို ကျောင်းသားများရင်ဝယ်မှာ မြတ်မြတ်နိုးနိုး အော့နှလုံးနာနာနဲ့ မှတ်မိနေတော့တာပါပဲ။ တက္ကသိုလ်စာကြည့်တိုက်ကို ဗုံးခွဲလိုက်တဲ့ဇာတ်ကားနဲ့ သူ ရွှေစင်ရုပ်တုကြီး သိမ်းပိုက်ခဲ့တာပါပဲ။ မွေးရာပါ အရည်အချင်းလည်းရှိသလို ရည်မှန်းချက်ကလည်း ကျောင်းသားတွေ သတ်ဖို့ဆိုပြီး တစိုက်မတ်မတ်ကြိုးစားခဲ့တာဆိုတော့ အကယ်ဒမီပေးပွဲမှာ အမှတ်ပေးဒိုင်လူကြီးတွေရဲ့ အကြိုက်ဖြစ်ခဲ့ပါတယ်။ လက်မရွံ့သတ်ဖြတ်ရဲတဲ့ ရှေးမြန်မာဘုရင်တွေ ဝင်စားတာလို့တောင်ယူဆကြပါတယ်။
သူဟာဆိုရင်ဖြင့် ဒီမိုကရေစီကို အိတ်ထဲက စိုက်ပြီးပေးမယ်လို့တောင် ပြောခဲ့ပါသေးတယ်။ အင်မတန် ကျေးဇူးများတဲ့ ခေါင်းဆောင်ကြီးပါပဲ။ စောစောသေသွားလို့သာ တော်တော့တယ်။ မဟုတ်ရင် ကျေးဇူးကြွေးတွေ ဘယ်နည်းပါ့မလဲ။ သူရှိနေလို့ ဘုန်းကြီးတွေအခုထိ အသက်ရှင်ကျန်နေသေးတာလို့ဆိုရမယ်။
နောက်တော့ ဘုန်းကြီးသတ်မင်း (2 February 1933 - 5 Dec 2012)တက်လာတာပေါ့။ ကြားထဲမှာတော့ စိန်လွင်ခြောက်တန်းတဇောက်ကန်းတို့၊ ဦးမောင်မောင် ရူးကြောင်ကြောင်တို့၊ စောမောင်တောကြောင်တို့ ကြော်ငြာဝင်သလိုလေး တဖျပ်ဖျပ်မျက်နှာပြသွားသေးတယ်။ ဘုန်းကြီးသတ်မင်းလောက်တော့ သြဇာမကြီးပေဘူး။ ဘုန်းကြီးသတ်မင်းကတော့ ရုပ်ခံကအစ တင့်တယ်တယ်။ ဘုရားရှင်ခေတ်က ရဟန်းတွေရဲ့ကုဋီမှာ ဘုန်းကြီးသတ်မင်း အလောင်းတော်ဟာ အိမ်မြှောင်ဖြစ်ခဲ့တယ်လို့ဆိုတယ်။ ရဟန်းတွေ အပေါ့၊အလေးသွားတိုင်း နံခဲ့တာဆိုတော့ ဖြစ်လေရာဘဝမှာ ရဟန်းတွေကို သတ်ရလိုပါ၏လို့ ကုဋီထဲကနေသစ္စာဆိုလိုက်တာ ဟော အခုလို ဘုန်းကြီးသတ်မင်းဖြစ်လာတဲ့ဘဝမှာတော့ ဆန္ဒနဲ့ဘဝထပ်တူကျတော့တာပါပဲ။ ဘုန်းကြီးသတ်မင်းဆိုပြီး တစ်ခါတည်းတန်းဖြစ်လာတာမဟုတ်ဘူး။ ကြားထဲမှာ အရပ်သားလေးတွေ သတ်ခဲ့ရသေးတယ်။
ဘုန်းကြီးသတ်မင်းဟာ အင်မတန်ဘုန်းကြီးတယ်။ ဆင်ဖြူရတနာတွေဘာတွေဟာ ဘုန်းကြီးသတ်မင်း လက်ထက်မှာမှ ပေါ်ပေါက်လာတာ။ သဘာဝဓာတ်ငွေ့တွေဘာတွေဆိုတာလည်း စကြာရတနာတွေလိုပေါ်ပေါက်လာတာ။ မယိုင်ကြားကြီးရတနာတို့ မွေးကတည်းက စိန်စီပြီးမွေးလာတဲ့ သမီးတော် မယ်ရုပ်ဆိုးတို့ဟာ ထူးခြား ထင်ရှားတဲ့ ဥပမာတွေပဲ။ ထူးခြား အံ့မခန်းတဲ့ အီလက်ထရောနစ်ဥပဒေတို့ဘာတို့ဆိုတာ မင်းတြားကြီး ထွင်ခဲ့တာပဲ။ မြန်မာပြည်က အတိုက်အခံအမတ်တွေကိုလည်း မင်းတြားကြီး ဖန်ဆင်းတော်မူခဲ့တာ။ ပုံမှန်ဆို ဟစ်ဟော့ပ်ဆိုတဲ့ ကောင်လေးတစ်ယောက် ဘယ်နှယ့် အမတ်ဖြစ်နိုင်မလဲ။ ဘွားတော်ကို စာဖတ်ဖြစ်အောင် အိမ်မှာနားခိုင်းထားတာ နည်းတဲ့စေတနာဒွေလား။ (ကဲကြည့် .. အခုဆို ဘုန်းကြီးသတ်မင်းရဲ့စေတနာမှန်ကို သိလို့ ယူနီဖောင်းကိုလည်းချစ်ပါတယ်လို့ပြောသွားပေတာပဲ။)
ဘုန်းကြီးသတ်မင်းဟာ နေပြည်တော်ကို တည်ထောင်တော်မူခဲ့ပါသေးတယ်။ အင်မတန် လေးစားကြည်ညို ရိုသေထိုက်သူတစ်ဦးပါပဲ။ အသားမည်းသလောက် သဘောဖြူအူစင်းရှာသူလေးပါပဲ။ နာမည်က မိန်းမနာမည်ဖြစ်ပေသော်ငြားလည်း သေခါနီးအထိ မာစေးဒီးစ်တံခါးခြောက်ပေါက်ကို အမိုးဖွင့်ပြီး တယ်ရီယာများ ခေါင်းပြူသလိုမျိုး စန့်စန့်ကြီးနဲ့ ဗိုလ်ရှုသဘင်မှာ လေးစားကော်ရော်မှုကို ခံယူတော်မူခဲ့သူကြီးပါ။ သေမလို သေမလိုနဲ့ ၂၀၁၂ ဒီဇင်ဘာအထိ အသက်ကို ဆွဲဆန့်ခဲ့ရှာသူလေးဆိုလည်း မမှားပါဘူး။ ရွှေဝါရောင်ကို ကိုက်တဲ့ခွေးရူးဆိုတဲ့ ဇာတ်ကားမှာ ဗီလိန်ဆု၊ ဇာတ်ညွှန်းဆု၊ မီးအလင်းအမှောင်ဆု၊ ဓာတ်ပုံပညာဆု၊ ဒါရိုက်တာဆု၊ ထုတ်လုပ်သူဆု စသဖြင့် အကယ်ဒမီတွေကို သိမ်းကြုံးယူငင်သွားသူကြီးလည်းဖြစ်ပါတယ်။ တပ်မတော်ဆိုတာ ပစ်ရင် ဆံပင်ပါတဲ့သူ မပစ်ဘူးဆိုတဲ့ စကားကို ကျည်ဆံတွေနဲ့ပြောသွားခဲ့သူတစ်ဦးပါ။ စွမ်းအားရှင်အသင်း၊ ကြံ့ခိုင်ရေးနဲ့ ဖွံ့ဖြိုးရေးပါတီကို တည်ထောင်၊ ခင်ရီ၊ကျော်ဆန်း၊သိန်းစိန် တြိဂံကိုဖော်ညွှန်း၊ အင်အားကြီးလာတဲ့ မောင်ခင်ညွှန့်ကိုနှိမ်နင်း၊ စီးပွားချမ်းသာလာတဲ့ ဦးအေးကို အရက်သမားအဖြစ်မှာ အခြေချစေ၊ မတဲ့သူတွေ စာအိတ်ဗုံးပို့၊ သေစရာရှိသူတွေကို သေစေခဲ့တဲ့ ဘက်စုံရ မင်းသားကြီးတစ်လက်ပါပဲ။ သေနင်္ဂမှာ ထိပ်တန်းကပါ ဆိုတာလည်း သူ့ကိုဂုဏ်ပြုခဲ့တာပဲ။ ဘုန်းတော်ကြီးမားလွန်းလို့ ဘုန်းတော်ကြီးမား သဗ္ဗေညုမြတ်စွာဘုရားရဲ့ဆင်းတုတော်တွေကိုတောင် ဘုန်းကြီးသတ်မင်းရဲ့ ရွှေမျက်နှာတော်အသွင်ယူ ထုလုပ်ပူဇော်မှုတွေ ပြုတော်မူရတဲ့အထိ ဖြစ်ခဲ့တာပါပဲ။
နောက်ဆုံး ဒီမိုကရေစီ ယုတ်မဂ်အထိကို သူဖော်ဆောင်ထားခဲ့တာပါပဲ။ ယုတ်မဂ်ဆိုတာကတော့ ဗျစ်တသျှလို roadmap ကို မျန်မာမှုပြုတယ်ပြောကြပါတယ်။ ခေါင်းဆောင်ကြီးရဲ့စေတနာတွေပါ။ သူ့မတိုင်ခင်က မြန်မာပြည်မှာ နီယွန်မီးဆိုတာမရှိခဲ့ပါဘူး။ ထရိတ်ဒါးဆိုတာမျိုး၊ မြရိပ်ညို၊ ဆီဒိုးနားဆိုတာမျိုးတွေလည်းမရှိခဲ့ပါဘူး။ ခေါင်းဆောင်ကြီးရဲ့ အကွက်ကျကျစီမံမှုအောက်မှာမှ ဖြစ်ထွန်းလာခဲ့တာတွေပါ။ ဗိုင်အိုဖျူဝယ်အတွက် ကြက်ဆူဆီစိုက်ရမယ်ဆိုတဲ့ အတွေးအခေါ်မျိုးဟာ ကမ္ဘာကပါ အောချလောက်တဲ့ ပညာရှင်အဆင့် ရှေ့ရေးမျှော်မြင်နိုင်မှုတစ်ခုပါပဲ။ အမြော်အမြင်နဲ့ပြည့်စုံတဲ့ခေါင်းဆောင်ကောင်းကြီး ကင်ဂျုံအီတို့လို တစ်တိုင်းပြည်လုံး ငိုကြွေးရတဲ့ မသာချဖို့ကောင်းလောက်အောင်ကြီးမြတ်သူကြီးရယ်ပါ။ တစ်သက်လုံး ဆိုးညစ်ယုတ်ပတ်ခဲ့သမျှကို ခဝါချပြီး တရားဘာဝနာနဲ့ ဆက်လက်ဖြတ်သန်းနေကြပုံကတော့ ကျောင်းသားသတ်မင်းရဲ့ လမ်းစဉ်နဲ့မခြားပါဘဲ။ နိဗ္ဗာန်ကို သူတို့နှစ်ယောက် မြန်မာပြည်သူလူထုထက် အရင်စောရောက်မယ်ဆိုတာ သိပ်ကို သေချာနေတော့တာပါပဲ။
ဘုန်းကြီးသတ်မင်းဟာ တပည့်တွေကို ကောင်းနိုးရာရာနေရာလေးတွေပေးပြီး၊ ငါ၏ချစ်သား တပည့်များတို့ ... သင်တို့၏ဆရာ ငါအရှင် ဘုန်းကြီးသတ်မင်းသည် ဦးပြေးပြောင်သူတို့အား ရက်စက်ညှာတာမရှိ သတ်သည့်အားလျှော်စွာ၊ သင်တို့သည်လည်း ငါ၏ ကျေးဇူးတော်ကို အောင်းမေ့တော်မူသည့်အခါ မကြာမကြာ ဘုန်းကြီးများကို သတ်ရင်း မင်းစည်းစိမ်ကို ခံစားကြလော့။ ဒီမိုကရေစီတည်းဟူသော စကားလုံးကို မကြာမကြာပြောကြလော့။ သင်တို့သည် နိုင်ငံတကာမှ ဆုများကို ရကြလတ္တံ့။ ဆန်ရှင်များလည်း ရုတ်သိမ်းလတ္တံ့။ နိုင်ငံတကာတွင်လည်း ဝင်ဆန့်လတ္တံ့။ သို့ရာတွင် အသင်ချစ်သား ငါ၏တပည့်များတို့၊ သင်တို့၏ အဖေအရင်းဟု ခေါ်ဆိုအပ်သော ငါအရှင် ဘုန်းကြီးသတ်မင်း၏ မဟာကျေးဇူးတော်ကို ဖောက်ပြန်စော်ကားခြင်း တစ်ရံတစ်ခါမျှမပြုကြလင့်။ ငါ့အား မကောင်းပြောလျှင် သင်တို့၏ ဘုန်းစည်းစိမ် လက်ရုံးများ ပြုတ်ပြုတ်ပြုန်း၍ ပျောက်ပျက်လတ္တံ့။ ဘုန်းကြီးများသည် သတ်ကောင်းသည်ဟု ဂနာဟိ မှတ်ယူကြလော့။ ............ဆိုတဲ့ နောက်ဆုံးတရားလေးဟောကြားရင်း ဇလုံမှာလက်ရေဆေးပြီး သိုင်းလောက ကနေ အနားယူတော်မူသွားတယ်။ သွေးကြွေးဆပ်ချင်သူတွေလည်း အမေစုကို လွှတ်ပေးလိုက်တဲ့ ကျေးဇူးနဲ့ကျေအေးသွားကြတယ်။ တံတွေးနဲ့တောင် မျက်နှာတော်ကို ဘယ်သူမှ ထွေးတော်မမူလိုက်ရဘူး။ တစ်စစီခုတ်ပြီး ခွေးကျွေးလိုက်ဖို့ကောင်းတဲ့ ရာဇဝတ်သားလို့တောင် ဘယ်သူမှ မှတ်မထားတော့ဘူး။ ဘုရားလောင်းနိုင်ငံရေးသမ၊ နိုင်ငံရေး သမားတွေရဲ့ မဟာကရုဏာတော် တရားနဲ့ စိတ်နှလုံးတွေ ပျော့ပြောင်းကုန်တော်မူကြပြီ။ ဘုန်းကြီးသတ်မင်းဟာ သူ့နောက်ဆုံးနေ့ရက်တွေကို သာသာယာယာလေးဖြတ်သန်းရင်း ဝမ်ဦးပိုင်ပေါင် တို့ရဲ့ လုပ်ငန်းခွင်မှာ ဘုန်းကြီးတွေကို အရှင်လတ်လတ် မီးကင်နေတဲ့ ဖေ့စ်ဘွတ်ခ်က ပုံလေးတွေကို လိုက်ခ်လုပ်ရင်း .... ငါ၏ ချစ်သားများသည် ဘုန်းကြီးသတ်မင်းတည်းဟူသော ငါ၏ အမွေကို ဆက်ခံနိုင်ကြပါပေတယ်။ ငါ၏ ဘုန်းကြီးသတ် သာသနာ၊ ဘုန်းကြီးသတ်မင်းဆက်တို့သည် ရှည်လျား ကြာညောင်းစွာ ထာဝစဉ်တည်နေပေလိမ့်မည်ဟု ဥဒါန်းရင့်ကျူး၊ လက်ပမ်းပေါက်ခတ်၊ ဝမ်းမြောက်ဝမ်းသာ သာဓု သာဓု သာဓု ဟူ၍ ရင့်ကျူးခြင်း အမှုကို ပြုတော်မူတော့သည်တကား ..............................။
Regards,
Zephyr
ဘုန်းကြီးသတ်မင်းခေတ်မှရုပ်ရှင်ကြည့်သူတစ်ဦး
Peace B with U.
