အိုဘားမားလာတယ်၊ပြန်သွားတယ်။ အပိုင်း (၂)
မြန်မာလူမျိုးတွေဟာ အင်မတန်မှ သဘောထားကြီးသလို ခွင့်လွှတ်မြန်ကြတယ်။ မဂ်ဖိုလ်နိဗ္ဗာန်ရရာရကြောင်းမှာဆိုရင်တော့ အင်မတန်ကောင်းတယ်။ နိုင်ငံရေးမှာဆိုရင်တော့ နည်းနည်းပြောစရာဖြစ်မယ်။ နိုင်ငံရေးမှာ ဝင်ပါမိလို့ ဘဝဆုံးသွားတဲ့သူ၊ အသက်ဆုံးသွားတဲ့သူ၊ ဘဝပျက်သွားတဲ့ မိသားစု၊ ငတ်သေသွားတဲ့မိသားစု၊ ထောင်ကျတဲ့သားစိတ်နဲ့ဆုံးသွားတဲ့မိခင်၊ ဆယ်တန်းအောင်တဲ့အထိ နိုင်ငံရေးသမား အဖေကို မမြင်ဖူးတဲ့ကလေး၊ သူတို့အတွက်လည်း ကြည့်ရမယ်လို့ထင်တယ်။ ဟိုလူကြီးလုပ်သွားတာပါဆိုပြီး ထားလို့မရဘူး။ ဘယ်သူမှ မထိခိုက်မနစ်နာပါဘူးဆိုပြီး မေ့လိုက်လို့မရဘူး။ စနစ်ဆိုးတစ်ခုဟာ ဘယ်လောက်ကြောက်ဖို့ကောင်းတယ်ဆိုတာကို မေ့ကိုမမေ့အပ်ဘူး။ အဲဒါတွေကို မေ့ပါလို့ပြောတဲ့သူဆိုရင်လည်း ကြပ်မပြည့်ဘူးလို့ပဲထင်တယ်။
အိုဘားမားဟာ စကားပြောကောင်းပေမယ့် အမေရိကန်အထာတွေကို ဆက်ပြီးသယ်ဆောင်ထားတယ်။ ကိုယ့်နိုင်ငံမှာ မက္ကဆီကိုက ကျော်ဝင်တာတွေတောင် မနည်းလုပ်နေရတာကို ရခိုင်ကို ဒီလိုမနေနဲ့ဒီလိုနေလို့ပြောတာဟာ အင်မတန်မှ အမေရိကန်ဆန်တယ်။ နိုင်ငံတစ်နိုင်ငံနဲ့တစ်နိုင်ငံတကယ်လေးစားရင် ကိုယ်သိပ်မသိတာကို သိပ်ပြီး မစွက်ဖက်သင့်ဘူး။ ဒီပြဿနာက အစကတည်းက အခြေတည်နေတာ။ ကင်ဆာလိုပဲ။ အစောပိုင်းအခြေအနေတွေမှာ သတိမထားမိဘူး။ သတိထားမိတော့ သေခါနီးဖြစ်နေတာမျိုးပဲ။ မြန်မာလူမျိုးတွေဟာ ရန်လိုသူတွေမဟုတ်ဘူး။ အမေရိကားမှာ လူမည်းတွေ ဘတ်စ်ကားစီးရင် ထိုင်ခုံမထိုင်ရတဲ့ခေတ်လည်းရှိတယ်။ နောက်ဖေးပေါက်ကဝင်ရတဲ့ခေတ်လည်းရှိတယ်။ ဒါတောင် ခိုးဝင်လာတဲ့လူမည်းမဟုတ်ဘူး။ အမေရိကားမှာမွေး၊ အမေရိကားမှာကြီး၊ အမေရိကားမှာပညာတတ်လာတဲ့ လူမည်းဘိုးတော်ကြီးတွေ၊ ဘွားတော်ကြီးတွေ။ တိုဖယ်လ်တတ်တုန်းက အမေရိကန်သမိုင်း အကျဉ်းဖတ်ဖူးတယ်။ သူတို့မှာလည်း တဖြည်းဖြည်းကြိုးစားယူခဲ့ရတာ။ မြန်မာသမ္မတက အဲဒီသွားပြီး၊ ငမည်းတွေကို နေရာပေးပါ။ မတူညီမှုကို တန်ဖိုးထားပါ။ သွားဖြူရင်လူဖြူလို့သတ်မှတ်ပါလို့ သွားပြောလို့ ပြုပြင်ခဲ့တာမဟုတ်ဘူး။ ကိုယ့်နိုင်ငံကိုယ် တဖြည်းဖြည်းချင်းတည်ဆောက်ခဲ့ကြတာ။ ပြည်တွင်းစစ်ဆိုတာလည်း ရှိခဲ့သေးတာပဲ။ အေဗရာဟင်လင်ကွန်းဆိုရင်လည်း တော်ပေမယ့် သူ့သမ္မတသက်တမ်းမှာ ပြည်တွင်းစစ်အတွက် အတော်လေး အချိန်ကုန်သွားရတာပဲ။
ဟာသတစ်ပုဒ်အကြောင်းတစ်ခါရေးဖူးတယ်။ အမေရိကားဟာ တစ်ချိန်လုံး ရွှေ့ပြောင်းနေထိုင်သူတွေရဲ့ပြဿနာရှိတယ်တဲ့။ ကာတွန်းပုံလေးနဲ့။ ပြောတဲ့သူက ရက်အင်ဒီယန်းကြီး။ ဟုတ်တယ်။ အမေရိကားမှာ မူလလူမျိုးက ရက်အင်ဒီယန်းတွေပဲ။ ကိုလံဘတ်စ်အိန္ဒိယသွားတာ လမ်းမှားပြီး အမေရိကတိုက်ရောက်သွားတာက အစပြုပြီး နောက်ပိုင်းမှာ ပြောင်းရွှေ့နေထိုင်သူများလာတာပဲ။ မူရင်း ဒေသခံကို လေးစားကြသေးရဲ့လားတောင်မသိဘူး။ ဗစ်ဒယိုတွေထဲမှာတော့ werewolf တွေအဖြစ်သရုပ်ဆောင်ကြတာပေါ့။ ယဉ်ကျေးမှုအရ အတူယှဉ်တွဲနေထိုင်လို့ရရင် သင့်တော်တာပါပဲ။ မောင်းထုတ်ရမယ်၊ သတ်ပစ်ရမယ်မဆိုလိုပါဘူး။ နည်းမှန်လမ်းမှန်နဲ့ အဖြေရှာနိုင်ရင်ကောင်းတယ်။ အချိန်ယူမယ့်ကိစ္စကို ပြီးစလွယ်လာပြောရင် အင်မတန်ေ-ာက်ညင်ကတ်တယ်။
စိတ်ထဲမှာပဲထား၊ ဘာမှဟိုဒင်းမဖြစ်နဲ့ဆိုတဲ့သူမျိုးတွေကတော့ ဆန်ကုန်မြေလေးတွေ။ အဲဒီလိုအတွေးအခေါ်ရှိတဲ့သူတွေကို နည်းနည်းမှ နေရာမပေးသင့်ဘူး။ နောက်တစ်ခါ ရွေးကောက်ပွဲကြရင် အမတ်တွေရဲ့ အရည်အသွေးကို အခုထက် အဆ ၁၀၀ ပိုပြီးစီစစ်သင့်တယ်။ နိုင်ငံတိုင်းမှာ ပြဿနာကိုယ်စီရှိတယ်။ ကိုယ့်နိုင်ငံက တခြားနိုင်ငံက အကူအညီ မလိုဘဲ ရပ်တည်နိုင်ရင် ကြီးပွားဖို့လွယ်တယ်။ စီးပွားပျက်ကပ်ဆိုက်ရင် အစားအသောက်ရှိတဲ့နိုင်ငံက ချမ်းသာလာနိုင်တာပဲ။ စစ်ဖြစ်တဲ့အခါလည်း လက်နက်ရောင်းနိုင်ရင် ကြွယ်ဝတာပဲ။ အကျိုးလိုလို့ပူးပေါင်းတဲ့သူတွေ ခွာသွားရင် သာတောင်ကောင်းသေးတယ်။ စိတ်ထားမှန်တဲ့နိုင်ငံတွေနဲ့ အလုပ်များများလုပ်သင့်တယ်။ လူကြီးလူကောင်းတွေနဲ့ပဲအလုပ်လုပ်ပါ။ သူခိုးသူဝှက်တွေနဲ့ အလုပ်လုပ်ရင်တော့ ကိုယ့်ဆီက ပါးပါးလှီးဖို့လောက် ချောင်းနေတဲ့သူတွေနဲ့ပဲကြုံရမှပါပဲ။
ကုန်သွားနိုင်တဲ့ရင်းမြစ်တွေကို သိပ်အားကိုးတာမကောင်းဘူး။ ဘေးနားက နိုင်ငံတွေမှာ တိုးရစ်ဇင်လုပ်ငန်းတွေ ဒီလောက်ဖွင့်ဖြိုးနေတာကိုလည်း အားကျရကောင်းမှန်းမသိဘူး။ လိုက်လုပ်ကြတော့လည်း တလွဲများတယ်။ အင်မတန်ဈေးကြီးတဲ့ package တွေထက် လူလတ်တန်းစားကို ပစ်မှတ်ထားတဲ့ ဈေးကွက်ဖော်ဆောင်မှုမျိုးတွေ ပိုလုပ်သင့်တယ်။ အလွယ်ဆုံးနည်းကတော့ အဲဒီလုပ်ငန်းတွေကို အခွန်လျှော့နိုင်သလောက်လျှော့ပေး။ ဗီဇာလွယ်အောင်လုပ်ပေး၊ ဆိုက်ရောက်ဗီဇာဖြစ်နိုင်ရင်ကောင်းတယ်။ သွားချင်တဲ့ခရီးတွေ တစ်ဆက်တည်းသွားနိုင်အောင်၊ လုံခြုံစိတ်ချရအောင်လုပ်နိုင်ရင်သိပ်ကောင်းမှာပဲ။ မလေးရှားက လက်ဖက်စိုက်ခင်းကို ပိုက်ဆံပေးပြီးသွားကြည့်ဖူးတယ်။ မြန်မာပြည်မှာလည်းရှိတယ်။ သွားရလာရတာ မလွယ်ဘူး။ ပိုက်ဆံရနိုင်တာတွေရှိတယ်။ နိုင်ငံရဲ့ အဓိကလုပ်ငန်းတစ်ခုအနေနဲ့ မလုပ်ကြဘူး။ အဲဒါတွေ နှမြောစရာကောင်းတယ်။ တိုးရစ်ဇင်ဖွံ့ဖြိုးလာရင် ပညာတတ်လေးတွေ အလုပ်ပိုပေါလာနိုင်မယ်ထင်တယ်။
မီးခိုးတိတ်စက်ရုံတွေလိုနေတယ်။ တိုးရစ်ဇင်ဖွံ့ဖြိုးရင် အားလုံး အဆင်ပြေမှာပဲ။ ထိုင်းနိုင်ငံမှာ တိုးရစ်ဇင်က နိုင်ငံရဲ့ အဓိက ငွေရပေါက်ရလမ်းပဲ။ မြန်မာနိုင်ငံရဲ့ ကမ်းခြေတွေဟာ ထိုင်းနိုင်ငံနဲ့ မယှဉ်နိုင်စရာမရှိပါဘူး။ ပိုပြီးတောင် သဘာဝဆန်ပြီး၊ ပိုတောင် သန့်ရှင်းနေသေးတယ်။
မြန်မာနိုင်ငံရဲ့ကောင်းခြင်းတွေထဲမှာ သမိုင်းကြောင်းလည်းရှိတာပါတယ်။ တစ်ချို့နိုင်ငံတွေ စာပေယဉ်ကျေးမှုနည်းတာဟာ သမိုင်းကြောင်းမကောင်းလို့ဖြစ်တယ်။ မြန်မာတွေ စာပေယဉ်ကျေးမှုနဲ့ကြီးပွားနေတဲ့အချိန်၊ အဆင့်အတန်းမြင့်နေချိန်မှာ စင်ကာပူရ တံငါရွာကလူတွေ ငါးဖမ်းနေတုန်းပဲရှိသေးတယ်။ မီဂျီခေတ်တုန်းက မြန်မာက ဂျပန်ထက် နည်းနည်းလေးသာတယ်။ အမျိုးသမီးတွေကို တန်းတူအခွင့်အရေးပေးခဲ့တာမှာ မြန်မာက ကမ္ဘာမှာ တော်တော်လေးစောတယ်။ အမေရိကားမှာ အမျိုးသမီးသမ္မတအခုအထိမရှိသေးဘူး။မြန်မာပြည်မှာတော့ ဘုရင်မကြီး ရှင်စောပုဆိုတာရှိခဲ့တယ်။
ကမ္ဘာမှာ စာပေယဉ်ကျေးမှုအားနည်းတဲ့ အရိုင်းအစိုင်းတွေ ကြီးပွားလာတော့ အရိုင်းအစိုင်းအကျင့်မပျောက်ဘူး။ အဲဒါကို သတိထားကြည့်ပါ။ စိတ်ဓာတ်နိမ့်ကျတဲ့သဘော၊ အချောင်လိုချင်တဲ့သဘော၊ နိုင်ထက်စီးနင်းလုပ်ချင်တဲ့သဘော များများတွေ့ရတဲ့လူမျိုးတွေကို လေ့လာကြည့်တဲ့အခါ အခြေခံယဉ်ကျေးမှု သိပ်နိမ့်တာတွေ့ရလိမ့်မယ်။ စာပေ၊ အနုပညာ အားနည်းပြီး၊ အတွေးအခေါ် နိမ့်ကျတဲ့လူမျိုး ဘယ်လောက်ပဲ ချမ်းသာ ချမ်းသာ၊ အဆင့်နိမ့်တဲ့စိတ်ထား ရင့်ကျက်မလာဘူး။ မြန်မာလူမျိုးတွေ ဆင်းရဲတာများတယ်။ သိပ်ဆင်းရဲတာမကောင်းဘူး။ သိပ်ဆင်းရဲလွန်းရင် စားဝတ်နေရေးအတွက် ရုန်းကန်နေရတာနဲ့ အသိပညာအတွက် အချိန်မရှိတော့ဘူး။ အသိပညာအားနည်းတဲ့ မိဘတွေက ကလေးများများမွေးလိုက်ရင်တော့ အဲဒီနိုင်ငံဒုက္ခရောက်တာပါပဲ။ ထိုနည်းလည်းကောင်းပါပဲ၊ အသိပညာသိပ်ရှိနေတဲ့သူတွေ ကလေးမယူဖို့ စဉ်းစားနေတာကလည်း အလားတူ ပြဿနာကိုဖြစ်စေတာပါပဲ။ လူတော်တစ်ယောက်ရှိရင် လူတစ်သောင်းလောက် အကျိုးရှိတယ်။ လူမိုက်တစ်ယောက်ရှိရင်တော့ တစ်နိုင်ငံလုံး နှစ် ၂၀ လောက် ဒုက္ခရောက်သွားတယ်။ ဦးနှောက်မရှိတဲ့သူကြိုးစားရင် ကမ္ဘာပျက်တယ်ဆိုတာ သိပ်မှန်တယ်။ ခေတ်မီအေးချမ်းသာယာပြီး စည်ပင်ဖွံ့ဖြိုးအောင်စွမ်းစွမ်းတမံလုပ်လိုက်တာ ရှိသမျှကုန်သွားတယ်။ နိုင်ငံလည်းမွဲ၊ လူတွေလည်းငတ်ဖြစ်သွားတယ်။ တလွဲဆံပင်ကောင်းချင်တော့ နေပြည်တော်ကိုတည်ထောင်သော မင်းတြားကြီးအဖြစ် အချိန်အတန်ကြာ စိုးစံတော်မူလိုက်သေးတယ်။ ကြိုးစားတာကို အရင်က သိပ်အကောင်းထင်ခဲ့သေးတယ်။ ဒီလို လူမိုက်ကြီး ကြိုးစားတာကြတော့လည်း သိပ်ကို ကြိုးစားတာပဲလို့ ချီးကျူးဖို့ခက်တယ်ဗျာ။
ရန်ကုန်တက္ကသိုလ်လာတုန်း အိုဘားမားကို မဲဆွယ်စရိတ် ဘယ်လောက်ပေးရလဲမေးကြည့်လိုက်ကြရင် သိပ်ကောင်းမယ်။ ရှေ့နှစ်က အိုဘားမားကို ထောက်ပံ့တဲ့သူကြွယ်ကြီးဟာ အရင် ကလင်တန်တို့ကိုထောက်ပံ့ခဲ့တဲ့သူပဲ။ အိုဘားမားဘက်ရောက်လာတော့ သူက ကလင်တန်နှစ်ယောက်စလုံးကို ဒီလိုပြောတယ်။ နိုင်ငံရေးသမားတွေအားလုံးက လိမ်တာတော့ လိမ်ကြတာပါပဲ။ ဒီကလင်တန်နှစ်ယောက် (Bill နဲ့ Hillary) ကတော့ လိမ်ရတာ သိပ်ကို သွက်လွန်းနေတယ်။ အဲဒါက ပြဿနာပဲလို့ ပြောဖူးတယ်။ အဲဒီတော့ ဟိုဘက်ကလည်းပြန်ပက်တယ်။ အဲဒီလိုပြန်ပက်တော့ နောက်တစ်ယောက်က နောက်တယ်။ အရင်က ဒီသူကြွယ်ကြီး ပိုက်ပိုက်တွေထုတ်ပြီး ကလင်တန်ကိုထောက်ပံ့တုန်းကတော့ အထူး၊ဧည့်သည်အဖြစ် အိမ်ဖြူတော်ကိုတောင် လာလည်ဖို့ဖိတ်ခံရတယ်။ အခု အိုဘားမားကိုထောက်ခံတော့မှ ဒီသူကြွယ်ဟာ ပြဿနာဖြစ်တော့တယ်ဆိုပြီးပြောတယ်။ အမေရိကန်မှာလည်း သူ့သဘောသူဆောင်ရတာတွေရှိတယ်။ romney တစ်ယောက် အမေရိကန်ရဲ့ လက်ရှိ အသုံးကြမ်းတဲ့ အစိုးရအဖွဲ့ကြီးကို အဖွဲ့သေးဖြစ်အောင်လုပ်မယ်ပြောတဲ့အပြောကို အပေါ်ကလူတွေ တစ်ယောက်မှ ကြိုက်ပုံမပေါ်ဘူး။ မြန်မာပြည်မှာလည်း ဒါကိုစဉ်းစားသင့်တယ်။ ညီလာခံမှမလုပ်ရင် ဒီလောက်လူအများကြီး တစ်စုတစ်ဝေးတည်း ဘယ်အိပ်နိုင်ပါ့မလဲ။ အော်ပရေးရှင်းကော့စ်ဆိုတာကတော့ ရှိကိုရှိရမှာပဲ။ အိုဘားမားနိုင်တာကိုက ဒီအချက်ကြောင့်လည်း တော်တော်လေးပါတယ်။ ပညာရေးကိုလည်း romney ကချုံ့ချင်တယ်။ အိုဘာမားက ချဲ့ချင်တယ်။ အဲဒီလိုလေးတွေဖြစ်တယ်။ သူတို့နှစ်ယောက်ပြောတာဆိုတာတွေကိုလည်း အချိန်ရရင် ယူထုဘ်ကနေ နားဆင်ကြည့်သင့်တယ်။
အပြိုင်အဆိုင်ကတော့ နေရာတိုင်းကောင်းတာပါပဲ။ အမေရိကန်နဲ့အပြိုင်ပိုပြီး သဘောကောင်းနိုင်တဲ့ နိုင်ငံတွေနဲ့လည်း လက်တွဲသွားရင် သင့်တာပါပဲ။ တရုတ်ပြည်ကလည်း နယူးကလီယားရီအက်တာ ၁၅ လုံးကနေ အလုံး ၂၀၊ ၂၀၁၅ အမီပြီးမှာဖြစ်တဲ့အတွက် မြန်မာပြည်က လျှပ်စစ်လိုအပ်တာ နည်းဖို့ရှိပါတယ်။ မြန်မာပြည်မှာလည်း အင်မတန်မှ အဖိုးနှုန်းချိုသာတဲ့ဈေးနဲ့ အားလုံးကို ထုတ်ရောင်းတဲ့အကျင့်ဆိုးကိုပြင်ပြီး၊ တန်ရာတန်ကြေးရမှ ရောင်းတဲ့အကျင့်ကို အထူးသတိပြုမွေးမြူဖို့ကောင်းပါပြီ။ မြန်မာစကားလုံးမှာ ဗိုက်နာလို့ရောင်းတယ်ဆိုတာရှိပါတယ်။ မအောင့်နိုင်တော့ဘူး၊ ငွေပြတ်နေပြီဆိုတဲ့သဘောပါပဲ။ ဗိုက်နာလို့ရောင်းတာတွေများရင် အကုန်ရှုံးကုန်တော့တာပါပဲ။ ကုန်ကြမ်းရောင်းတယ်ဆိုတာ ဗိုက်နာတုန်းကတော့ မသိသာပေမယ့်၊ အခုလိုအချိန်မှာတော့ အင်မတန်ရှုံးတာကို ရိပ်မိဖို့ကောင်းပါပြီ။
မြန်မာပြည်မှာ ငမိုးရိပ် မိချောင်းမွေးမြူရေးကန်ဆိုတာရှိပါတယ်။ မြန်မာပြည်မှာ မိချောင်းသားရေ အိတ်ထုတ်တယ်ဆိုတာကြားတောင်မကြားဖူးဘူး။ ကိုယ်ရောင်းလိုက်တဲ့ မိချောင်းတစ်ကောင်စာတန်ဖိုးဟာ ဟိုဘက်က ပြန်ဝင်လာတဲ့ မိချောင်းသားရေ ပိုက်ဆံအိတ်သေးသေးလေးတစ်အိတ်စာတောင် ရချင်မှရမယ်ထင်တယ်။ ဓာတ်ငွေ့အိုးတွေလည်း ထိုနည်းလည်းကောင်းပဲ။ ကုန်ကြမ်းရောင်းတယ်ဆိုတာ မိအေးတစ်ယောက် လူကုန်ကူးခံရပြီး commercial sex worker ဖြစ်သွားတာနဲ့ မခြားပါဘူး။ (အခါခါနာဖို့ဖြစ်လာတော့တာပဲဟု ဆိုလိုသည်။ ဤကား စကားချပ်တည်း)။
အိတ်စ်ပို့ထ်လုပ်ငန်းတွေမှာ ပြည်တွင်းမှာပိုလို့ရောင်းတာကို သိပ်ကောင်းတယ်လို့လက်ခံပေမယ့်၊ မပိုပဲရောင်းရင်တော့ ဝုတ်ဝုတ်ဖြစ်ရတာပါပဲ။ ကျန်းမာရေးနဲ့ညီညွတ်တဲ့ ပဲဆီ၊နှမ်းဆီတွေ အိတ်စ်ပို့ထ်လုပ်ပြီး၊ မလေးရှားက စားအုန်းဆီတွေကို ဦးပိုင်စေတနာနဲ့သွင်းလာလိုက်တာ ဆယ်နှစ်အတွင်း၊ ဆီမသန့်လို့ဖြစ်တဲ့ရောဂါတွေ ခုန်ပျံကျော်လွှားတိုးတက်ခဲ့ပြီးပါပြီ။ နောင်တလေးဘာလေးရကြဖို့ အချိန်ကောင်းပါပဲ။ တိုင်းပြည်ကို တစ်ယောက်တစ်လက်နဲ့ ညီညီညာညာလေးဖျက်ခဲ့တာ အခုဆို အတော်လေးကို ပျက်ပြီးသွားပါပြီ။
စစ်ကိုင်းက ပြတ်ရွေ့ကလည်း သဲနဲ့ဆောက်တဲ့ အိမ်တွေအတွက် မျက်စပစ်ပစ်ပြနေတုန်းပါပဲ။ ငါလာရင် မင်းတို့သေမယ်လို့ ပြောနေသလိုပဲ။ ငလျင်ကလူကိုမသတ်ပါဘူး။ အိမ်ပြိုပြီးသေ၊ မီးလောင်ပြီးသေနဲ့ အကုန်သေတာမှာပါပဲ။ ဒီနှုန်းနဲ့သွားရင် သေမယ်လို့ သဘာဝက အသံပြုနေပြီ။ ဒါကို နားမထောင်ဘဲ အဖျင်းစားတိုက်တွေဆောက်ရင် ကိုယ်မသေ၊ ကိုယ့်သားသေမယ်။ ကိုယ့်သားမသေ၊ ကိုယ့်မြေးသေမယ်။ တခြားသူတွေသေမှာမဟုတ်ဘူး။ ကိုယ့်နိုင်ငံသားတွေသေမှာပဲ။ ဒီအသံလေးတွေကိုလည်း နားစွင့်ဖို့လိုတယ်။ သိပ်အတ္တကြီးလွန်းရင် မမြင်နိုင်၊ မကြားနိုင်တော့ဘူး။ ငါဖို့သမားတွေများလာရင် နိုင်ငံမှာ သိပ်ဒုက္ခများတယ်။ နိုင်ငံသားကောင်းစိတ်ဓာတ်ဆိုတာ သိပ်ကို အခြေခံကျတယ်။ ကိုယ့်နိုင်ငံသားတွေထိခိုက်မှာ၊ နစ်နာမှာမလုပ်ဘူးဆိုတာလောက်ပဲ။ ဒါပေမယ့် အဲဒီအခြေခံလေးမရှိရင်အားလုံး ကိုယ်ကျိုးနည်းရမှာပါပဲ။
(ဆက်ရန်)
Notes: အခုတလော စာသိပ်မရေးဖြစ်ပါဘူး။ ဒါကို ရေးနေတာကလည်း ကိုယ်တတ်နိုင်တဲ့ဘက်က မဏ္ဍပ်တိုင်တက်တဲ့သဘောမဟုတ်ပါဘူး။ နှမ်းတစ်လုံးနဲ့ဆီမဖြစ်သော်ငြားလည်း သွားကြားကြပ်နေတဲ့နှမ်းစေ့လေးကို ကိုက်မိတာ သိပ်အရသာရှိဘိသကဲ့သို့ပေါ့ခင်ဗျာ၊ ဥာဏ်ကြီးသူများ ဆင်ခြင်ကြည့်ဖို့မဟုတ်သော်ငြားလည်း ရယ်ရွှန်းပတ်ရွှန်းလောက်ဖြစ်ရင်ကို ဝမ်းသာမဆုံးပါဘူး။
Regards,
Zephyr (1982-2082)
Peace B with U.
