အိုဘာမားလာတယ်၊ ပြန်သွားတယ်။ အပိုင်း(၃)
စကားပြောတတ်သူများနှင့် စကားမပြောတတ်သူများ။
ပုံမှန်စဉ်းစားကြည့်ရင် စကားပြောတတ်တာကောင်းတယ်လို့ပဲပြောရမယ်ထင်တယ်။ မွေးရာပါ ချို့တဲ့လို့ ဆွံ့အတာကိုပြောတာမဟုတ်ပါဘူး။ အပြောကောင်းတာမျိုး၊ ကျလောက်အောင်ပြောတတ်တာမျိုးနဲ့ စကားကို လည်လည်ဝယ်ဝယ်တောင်မပြောတတ်တာမျိုးကိုဆိုလိုတာပါ။
နိုင်ငံရေးသမားတွေ စကားပြောတတ်လား။ ဒီမေခွန်းကိုသေချာနားလည်ဖို့ကြိုးစားသင့်တယ်။ မလှည့်မလိမ်ဘဲပြောတာမျိုးကတော့ တခြားသူတွေလောက်ပါပဲ။ အဓိပ္ပာယ်နှစ်ခွတွေ၊ ဝေဝါးအောင်ပြောတာမျိုးတွေမှာတော့ လူလိမ်တွေထက်သာအောင်ပြောနိုင်ပါတယ်။ အဲဒါကို သဘောပေါက်ဖို့သိပ်အရေးကြီးတယ်။ နိုင်ငံရေးသမားအန္တရာယ်ဟာ သဘာဝဘေးအန္တရာယ်နဲ့ထပ်တူအရေးကြီးတယ်။
အိုဘားမားတို့နိုင်ငံမှာတော့ စကားစစ်ထိုးပွဲတွေရှိတယ်။ တစ်ချို့ကိစ္စတွေက ဒဲ့ဒိုးကြီးပြောလို့မရဘူး။ ခေါင်းဆောင်တွေပဲသိတဲ့ အတွင်းကြိတ်ကိစ္စတွေကို လျှောက်ဖော်ရင်လည်း အပေါ်ပိုင်းက လူတွေရဲ့ရာဇမာန်ရှခံရမယ်။ လူကြိုက်နည်းသွားမယ်။ ကောင်းသော်လည်း အလုပ်မဖြစ်တာတွေလျှောက်ပြောနေရင် ဘယ်သူမှ မယုံတော့ဘဲဖြစ်မယ်။ အဲဒီလို ဘောင်အတွင်းက အကြောင်းအရာကို ပါးပါးနပ်နပ်လေးပြောကြရတယ်။ ချေပရတယ်။ အဲဒီလိုမှ မပြောမဆိုတတ်သေးရင် ခေါင်းဆောင်မဖြစ်ထိုက်ဘူးလို့ယူဆကြတယ်။ ပင်ကိုယ်အသိဥာဏ်လေးတော့ရှိရမယ်။ စကားပြောကောင်းရမယ်။ အဲဒါဟာ အခြေခံလိုအပ်ချက်ပဲ။
ဗုဒ္ဓဘုရားရှင်မှာရှိတဲ့ သုဂတောဆိုတဲ့ဂုဏ်နဲ့တော့ကွာတယ်။ ဘုရားက ကိုယ်ကျိုးအတွက် ဝေသွားအောင် ဝါးသွားအောင် တစ်ခွန်းမှမပြောဘူး။ နိုင်ငံရေးသမားကတော့ ဘာသာရေးသမားဟုတ်ချင်မှဟုတ်မယ်။ ဟုတ်ချင်ယောင်ဆောင်နေရင်လည်း မကောင်းဘူး။ ပြောတဲ့စကားတွေက တစ်နေ့မှာ သက်သေဖြစ်လာတာပါပဲ။
ရွှေဝါရောင်တော်လှန်ရေးမှာ ဘုန်းကြီးတွေ အသက်ဆုံးသွားစေတာလည်း စကားတွေကို ဝေဝါးအောင်လုပ်တတ်သူတွေကြောင့်လို့ဆိုနိုင်တယ်။ ဆန္ဒပြဖို့ လူစုနေတဲ့ ရဟန်းတွေက ဆန္ဒပြဖို့လာ ခေါ်တာမလိုက်တဲ့ ဘုန်းကြီးကျောင်းကို ရေသန့်ဗူးနဲ့ပေါက်လိုက်တာ ပြတင်းပေါက်မှန်ကွဲတယ်။ အဲဒီမှာ သတင်းစာကနေရေးတယ်။ သံဃာ့ပစ္စည်းတစ်မတ်ဖိုးအထက်ဖျက်ဆီးရင် အလိုလို အော်တိုမစ်တစ် ရဟန်းမဟုတ်တော့ပါဘူးဆိုပြီးပါလာတယ်။ ရဟန်းမဟုတ်တော့ဘူးဆိုရင် ဒိုင်းညှောင့်လို့ရပြီလို့ စကားပြောတတ်သူတွေက ဘာသာပြန်ပေးလိုက်တယ်။ အဲဒီလိုမျိုးကိစ္စတွေမှာ စကားပရိယာယ်က သိပ်ကို အန္တရာယ်များစေတယ်။
ကျွန်တော့်အနေနဲ့ နိုင်ငံရေးမှာ သတိကြီးကြီးထားတတ်တဲ့ ပညာတတ် ပြည်သူလူထုကိုပဲမြင်ချင်ပါတယ်။ စကားတစ်ခွန်းကြောင့် နစ်နာမယ့် လူတွေ ဘယ်လောက်ရှိသလဲဆိုတာကို နိုင်ငံရေးသမားဆိုတဲ့သူတွေ စဉ်းစားမယ်လို့ မယုံကြည်နိုင်ပါဘူး။ ဘယ်နိုင်ငံမှာမဆို နိုင်ငံရေးသမားအစစ်ဟာ ထူးမခြားနားပါပဲ။ ပုဂ္ဂိုလ်စွဲနဲ့ဇွတ်မှိတ်ယုံကြည်တာဟာ အင်မတန် မဖြစ်သင့်မဖြစ်ထိုက်တဲ့ ယုံကြည်မှုပုံစံတစ်ရပ်ပါပဲ။ ဗုဒ္ဓက တရားနဲ့ပတ်သက်ပြီး စကားတစ်ခွန်းပြောခဲ့ဖူးပါတယ်။ ဧဟိပဿိကော ၊ လာကြည့်လှည့်၊ စမ်းကြည့်လှည့်ပါဆိုတဲ့စကားပါ။ အဲဒါလေးကို တရားမှာတင်မဟုတ်ဘူး အရာရာမှာ ဆင်ခြင်သင့်တယ်။ အစမ်းသပ်မခံနိုင်တဲ့အရာကို ပယ်ရဲတဲ့သတ္တိရှိဖို့လိုတယ်။ ပြည်သူလူထုဆိုတာ ကိုယ်ဘာခံစားနေရတယ်ဆိုတာ ကိုယ်တိုင်သိနေတဲ့သူတွေ။ နိုင်ငံရေးသမားဟာ တစ်ဆင့်သိနဲ့သူတွေ။ ဘယ်သူက ကိုယ့်အကြောင်းကိုယ် ပိုနားလည်မယ်လို့ထင်လဲ။
ငယ်တုန်းက နောက်ကျရင် အပြောခံရတတ်တဲ့စကားလေးတစ်ခုရှိတယ်။ စားနောက်နောက်၊ သွားနောက်နောက်၊ သေတော့အရင် တဲ့။ လူကြီးတွေကတော့ နောက်ကျလို့ ဆူပူတဲ့သဘောပါ။ မြန်မာပြည်သူလူထုလည်း ဒီလိုဖြစ်နေတယ်။ ရှေ့မှာ လူကြီးတွေစားသွားတော့လည်း နောက်ကျကျန်ခဲ့တယ်။ ဘာမှမစားလိုက်ရဘူး။ ဒို့ပြေဒို့မြေသာဆိုနေတယ်။ ဒို့ပြေကို ဒို့အဖေဆိုသူတွေရောင်းနေတာ ကြည့်နေလိုက်ရတယ်။ ဘာမှဝင်မပါလိုက်ရဘူး။ သစ်တောဆို ထိုင်းကိုပေးခုတ်လိုက်တာ လက်မောင်းလုံးလောက် ကျွန်းပင်တောင်မကျန်ဘူးဖြစ်သွားတယ်။ မိဘသဖွယ်တွေ စီမံလိုက်တာ ဒီလိုဖြစ်သွားခဲ့ပြီးပြီ။ သွားနောက်နောက်ကတော့ ထိပ်ပိုင်းကလူတွေ နိုင်ငံတကာမှာ ခိုးရာပါပစ္စည်းလေးတွေ သွားမြုပ်နှံပြီးတဲ့ အချိန်မှာ ပြည်သူလူထုဟာ ဒုံရင်းပဲ။ အိမ်မပိုင်တဲ့သူက ချွတ်ခြုံကျမြဲ၊ လယ်မပိုင်တဲ့သူက သူရင်းငှားဖြစ်မြဲ၊ ဘတ်စ်ကားမစီးနိုင်တဲ့သူက ရထားတိုးစီးရမြဲ။ ကိုယ့်နိုင်ငံလေး ကိုယ်ကာကွယ်မယ်ဆိုပြိး ထလုပ်တော့ ထောင်ထဲပို့ရတာနဲ့၊ နှိပ်စက်ရတာနဲ့၊ သေတော့ အရင် ဖြစ်ကုန်တယ်။ ခဏလောက် နေပါဦး။ ခဏလောက်စဉ်းစားပါဦး။ ကိုယ့်နိုင်ငံက သဘာဝသယံဇာတကို ကိုယ်မသိဘဲ ရောင်းထားတာကို သိတော့မှ ဆန့်ကျင်တာ အောက်တန်းကျတယ်လို့ထင်စရာလား။ ဒါဟာ မပေးထားတဲ့ကတိကို ဖျက်တာပါလို့ double-talk တွေလာမပြောပါနဲ့တော့။ နိုင်ငံရေးသမားတွေ ကြုံတဲ့ချောင်မှာသာ ကိုယ့်ကိုယ်ကို သတ်သေလိုက်ကြဖို့ကောင်းပါတယ်။ မပေးထားတဲ့ကတိကို ဖျက်တယ်ဆိုတာမရှိဘူး။ ခိုးရောင်းထားတဲ့သူတွေ သိက္ခာကျတာကို ဝင်ဆယ်စရာအကြောင်းလည်းမရှိဘူး။
Transparancy ရှိလိုက်မရှိလိုက်ဖြစ်နေတာဟာ သီလတစ်ပါးကျိုးနေသလိုပါပဲ။ တစ်ပါးကျိုးရင် သီလလုံသူမဖြစ်နိုင်ဘူး။ Transparancy တစ်ချို့နေရာတွေမှာမရှိသေးရင် Transparancy ရှိပါတယ်လို့ မပြောအပ်ဘူး။
အန္တရာယ်ရှိတဲ့အကောင်တစ်ကောင်ကို လူတစ်ယောက်ဟာ တုတ်တစ်ချောင်းကိုင်ပြီး တိုက်ခိုက်တယ်။ အန္တရာယ်ကောင်လည်းသေ၊ တုတ်လည်းကျိုးသွားတဲ့အချိန်မှာ လူတစ်ယောက်ဟာ အောင်ပွဲရတယ်။ ကျိုးကြေသွားမယ့် အသုံးချခံတုတ်မှာတော့ အောင်ပွဲမရှိဘူး။ ဒဏ်ရာပဲရှိတယ်။ အဲဒီတိုက်ပွဲမှာပါဝင်တဲ့ လူတစ်ယောက်ဟာ နိုင်ငံရေးသမားဆိုရင် ပြည်သူလူထုဟာ တုတ်ချောင်းပဲ။ အန္တရာယ်ကောင်နဲ့တိုက်ခိုက်နေတုန်းကလည်း အနာခံရ၊ အောင်ပွဲအချိန်မှာလည်း ကျိုးကြေစွန့်ပစ်ခံရ ဖြစ်ကြရတယ်။
တခါတခါ စကားပြောကောင်းပြီး ပရိယာယ်ဝေ၀ုစ်များတဲ့သူတွေရဲ့ အန္တရာယ်ဟာ သာပြီးကြောက်စရာကောင်းတယ်။
(ဆက်ရန်)
Notes: အလေးအနက်သတိထားစရာ အကြောင်းအရာဖြစ်လို့ သူ့ချည်းပဲ တစ်ပိုင်း လုပ်လိုက်ပါတယ်။ နောက်ပိုင်း ဆက်ရေးတာတွေမှာ အိုဘားမား အပါနည်းသွားပေမယ့် စထားတဲ့ခေါင်းစဉ်အတိုင်း ဆက်သွားလိုက်ပါတယ်။
Peace B with U.
