ကျွန်ုပ်တို့ရွာကလေးသည် အင်မတန်ပူလေပြီ။
မိုးရွာတိမ်ထူသော်လည်း အပူချိန်သည် ၃၃ ဒီဂရီ နှင့် ၂၆ ဒီဂရီ ကြားတွင် လူးလားခေါက်တုံပြေးနေရော့သည်။ အသော့နှင်နေသော အပူရှိန်သည် တစ်ချက်တစ်ချက် ထပြေးသလိုရှိသည်။ ဒီဟိုက်ဒရေးရှင်းဖြစ်ချေတော့သည်။
အပူဒဏ်မခံနိုင်သော အကျွန်ုပ်လည်း ဘေးအိမ်မှ ဘွားတော်ကြီးကို အားကျသဖြင့် အိမ်ရှေ့စိမ်းလန်းသာယာရေးအတွက် တစ်ပတ်လျှင် ပန်းပင်အသေးလေးတစ်ပင်ဝယ်လေသည်။ ရလဒ်အနေဖြင့် ခြင်တစ်ကောင်ရောက်လာလေသည်။ သို့သော် စိတ်ချမ်းသာလေသည်။ ရွာရှေ့ခြမ်းမှ ပန်းဆိုင်တွင် ပန်းပင်ဈေးမှာ အတော်ချိုသာလေသည်။ လိုအပ်သော သဲ၊မြေကြီး၊မြေဆွေး၊ မြေသြဇာ အစုံအလင်ရလေသည်။ စိတ်ချမ်းသာလျှင် ပိုက်ဆံကုန်သည်မှာ တန်သလိုရှိလေသည်။
ပုရွက်ဆိတ်ခေါ် ပွက်ဆိတ်တို့သည်လည်း ပူကြချေပြီ။ ရေကိုရှာ သောက်တော်ရေမှာတွေ့ကြလေသည်။ ထို့ကြောင့် ဘုရားကို မကြည်ညိုသော်လည်း သောက်တော်ရေကို မီခိုကြလေတော့သည်။ သောက်တော်ရေကို အရင်ကထက် နှစ်ဆတိုး လဲပေးရတော့သည်။ ဘုရားရှင်အတွက်မူ အိန္ဒိယ ပြန်ရောက်နေသလို ခံစားရနိုင်သည်။ ဂလိုဘယ် ဝမ်းမင်းကို ဘုရားသော်မှ မလွန်ဆန်နိုင်ဘူးဟုသာ သံဝေဂရမိတော့သည်။
ဘုရားပန်းများသည်လည်း သိသိသာသာညှိုးချုံးလေသည်။ လေးရက်ခံနေကြပန်းများသည် သုံးရက်သာ အထားခံတော့သည်။ ပန်းအိုးရေမှာလည်း တစ်နေကုန်ထားလျှင် ထက်ဝက်ခန့်လျော့သွားသည်။ ပန်းများသည်လည်းရေငတ်ကြလေပြီ။ ကြံဖန်တွေးလျှင် အပူရှိန်သည် ကုသိုလ်ရေးအတွက်တော့ အင်မတန်မှ အထောက်အကူပြုလေသည်။ ဘုရားပန်း ခဏခဏလဲဖြစ်စေပြီး၊ သောက်တော်ရေမကြာမကြာလဲဖြစ်စေသည်မဟုတ်လော။
အဲကွန်းမကြိုက်သော ကျွန်ုပ်သည် အပူအအေးကြောင့် အိပ်ပျက်သူထဲတွင် စာရင်းမပေါက်ပေ။ မျိုးရိုးလိုက်သမျှထဲတွင် မွေးသမိခင်ကြီးနှင့်တူ၍ အစားအသောက်တွင်မွေ့လျော်၍ အအိပ်တွင် စုံမက်လေသည်။ တစ်နာရီကျော်တွင်လာရောက်လေ့ရှိသော လေညင်းများကို စောင့်ရင်း အင်တာနက်သုံးခွင့်ပိုရလေရာ ကျွန်ုပ်အတွက် အပူရှိန်သည် လာခြင်းကောင်းနေသေးသလိုဖြစ်နေသည်။ ပြတင်းပေါက်မှ မြင်နေရသော ကြယ်ကလေးကိုကြည့်ရင်း သဘာဝအလှကို အနည်းငယ်ပို၍ ခံစားနိုင်သေးသည်ဖြစ်ရာ ရာသီဥတုကောင်း၍ စောစောအိပ်သော ညများတွင် မရနိုင်သည့် ရသအချို့ကိုသိမြင်ခံစားခွင့်ရလေသည်။
မြန်မာပြည်တွင် လျှပ်စစ်မီးအတွက် ငြိမ်းချမ်းစွာ ဆန္ဒပြကြသည်ဟု ဖေ့စ်ဘွတ်ခ်မှတစ်ဆင့် သိမြင်ရသည်။ ကျွန်ုပ်တို့သည်လည်း ဖယောင်းတိုင်ဖြင့် စာကျက်ခဲ့ရသော လူတန်းစားများဖြစ်လေရာ အင်မတန်မှ စာနာမိလေသည်။ ထို့အပြင် ဖယောင်းတိုင်များလည်း ကိုယ်တိုင် ပြုလုပ်ရောင်းချဖူးသဖြင့် ပိုမို၍ စာနာမိလေသည်။ ဖယောင်းတိုင်မီးစာများသည် ရေထိလျှင် မီးမလောင်ချင့်လောင်ချင်သာ တောက်လောင်လေသည်။ ထိုအခါ အထွန်းခံဖယောင်းတိုင်များဖြစ်လေတော့သည်။ မျက်စိအင်မတန် ထိခိုက်နိုင်သော ဖယောင်းတိုင်ဖြစ်နိုင်သည်။ တစ်ချို့ဖယောင်းတိုင်များကို ဖယောင်းအသန့်ဖြင့်ပြုလုပ်ထားခြင်းမဟုတ်။ အရောအနှောပါသော ဖယောင်းသည် ဈေးချိုလေသည်။ အရောင်သန့်စင်စေရန်ထည့်သော ကြည်ဆေးတစ်မျိုးလည်းရှိသည်။ ထိုအရာများသည်လည်း ကျန်းမာရေးအတွက် ကောင်းမကောင်း မည်သူမှ သုတေသနလုပ်ထားပုံမပေါ်ပါ။ ဖယောင်းအငွေ့များကိုရှူရင်း စာကို အာရုံစိုက်ရသည်မှာ မလွယ်သောအလုပ်ဖြစ်ပါသည်။ မီးပျက်လျှင် လူသားအခက် ခြင်အချက်ဆိုသော တို့ခြင်ကောင် အစည်းအရုံး၏ကြွေးကြော်သံဖြင့် တစ်အုပ်ကြီး ချီတက်လာသော ခြင်များ၏ အကိုက်အခဲမှ ကင်းဝေးစေရန် ခြင်ဆေးနှစ်ဆထွန်းရသည်။ ထို့ကြောင့် အဆုပ်အတွက် ရောဂါဖြစ်နိုင်စေသည်။ ခြင်မဟားတရားသေအောင် အပြင်းစား ကမ်မီကယ်လ်သုံးထားသော ခြင်ဆေးခွေများကို ကိုင်ပြီး လက်မဆေးမိလျှင် ပြဿနာရှိနိုင်သေးသည်။ ထို့ထက်ကြီးမားသော ပြဿနာမှာ မီးလောင်မှုများဖြစ်ပါသည်။ ကျွန်ုပ်နေသောမြို့နယ်နှင့် ထိစပ်နေသော မြို့နယ်သုံးလေးခုသည် အင်မတန် မီးလောင်သော မြို့နယ်များဖြစ်သည်။ အသိပညာ ပြည့်ဝသော လူကြီးမင်းများ၏ လမ်းညွှန်မှုဖြင့် မီးချိတ်မီးကဒ်များ ကြွပ်ကြွပ်အိတ်ရေထုပ်များဖြင့် ငြှိမ်းမရသော မီးများ မကြာမကြာလောင်လေသည်။ လမ်းများမှာ ကျဉ်းလွန်းသဖြင့် မီးသတ်ကားဝင်မရဖြစ်တတ်သည်။ အရေးပေါ် ရေပိုက်ခေါင်းများမှာလည်း တစ်ခါတစ်ခါဖွင့်မရလောက်အောင်ဖြစ်နေတတ်သေးသည်။ လျှပ်စစ်မီး မတည်ငြိမ်မှုကြောင့်လည်း လျှပ်စစ်ပစ္စည်းများပျက်စီးကြလေသည်။ မီးလာသော အခိုက်အတန့်တွင်လည်း Step-up transformer ကိုသာ အားကိုးရလေသည်။ လျှပ်စစ်မီးသည် မြန်မာပြည်ကို ယခုအခြေအနေသို့ရောက်အောင် ပို့ဆောင်လိုက်သည့် အဓိက တရားခံများအနက်မှ တစ်ဦးလည်းဖြစ်ပါသည်။
လျှပ်စစ်မီးရရန် စီမံကိန်းများ တစ်ခုပြီးတစ်ခုသာပြီးသွားသော်လည်း နိုင်ငံအတွက် အမှန်တကယ် လိုအပ်သော မဂ္ဂါဝပ်မထွက်လာသေးပါ။ ထွက်လာသော်လည်း အမေကျော်ဒွေးတော်လွမ်းသော မဂ်ဂါဝပ်တစ်ချို့မှာ အိမ်နီးချင်းနိုင်ငံများ၏ ကလပ်ထဲမှ ဆလိုက်မီးများအဖြစ် အပျော်ကြူးနေလေသည်။ ရေအားလျှပ်စစ်သည် ယခုလို ချောင်းကောမြစ်ကောကာလတွင် အင်မတန် မကိုးစားသင့်သော လျှပ်စစ်ထုတ်လုပ်ရေးဖြစ်ကောင်းဖြစ်လိမ့်မည်။ တခြားတခြားသော သက်သေပြနိုင်ပြီးသားနည်းလမ်းများဖြင့် (proven solutions) ထုတ်လုပ်သော လျှပ်စစ်ဓာတ်အားများ များများရနိုင်လျှင် နိုင်ငံတကာနှင့်ပူးပေါင်း၍ဆောင်ရွက်သင့်ပါသည်။
ရာသီဥတုပူသောကြောင့် ရေကူးကန်သွား၍ ရေစိမ်နေမည်ဟု စိတ်ကူးရသည်။ ခွင့်ရက်ရှည်သည် ထင်တာထက်ရှည်လွန်းသဖြင့် ယခုတောင်မှ အတော်ပျင်းနေလေပြီ။
သောကြာနေ့ရောက်လာတဲ့အတွက် အပူဒဏ်ကို ခုခံနိုင်အောင် ဂျာမန်ဘီယာ အေးအေးလေးတွေ များများသောက်ပေးကြပါ။ ဘီယာလောက်ပဲကောင်းပါတယ်။ ရာသီဥတု မကောင်းတဲ့အတွက် အပူအပြင်းတွေ ဇွတ်မကစ်ဘဲ သာသာယာယာ အေးချမ်းရုံလောက်မီဝဲဖို့လိုပါမယ်။ ဘီယာမသောက်တတ်သူများ ရေများများသောက်ပေးပါ။ ရေခဲရေသောက်ရင် မစို့မပို့မသောက်ပါနဲ့။ ၁လီတာပုလင်း သုံးပုလင်းလောက်သောက်ပေးပါ။ ကိုယ့်ကိုယ်ကို သတိထားပါ။ အပူများနေတယ်ထင်ရင် cooling water သောက်ပါ။ သင်္ဘောသီးစားပါ။ အပူစာတွေကိုရှောင်ထားပါ။ အဆင်ပြေရင် မကျည်းရည်ဖျော်သောက်ပါ။ ထန်းလျက်ဝယ်ပြီး ဖျော်လိုက်ရုံပါပဲ။ အဲဒါကိုမှ ပျင်းရင် အင်းလေး ကစ်ချန်းမှာ နှစ်ကျပ်နဲ့ဝယ်သောက်လည်း သင့်တော်တာပါပဲ။
ကျန်းမာရေးကို ဂရုစိုက်ပြီး နေထိုင်ကြပါ။ သောကြာနေ့ကုန်လွန်ခါနီးလာတဲ့ အခုလို အခါသမယမှာ နောက်ထပ် သောကြာနေ့တွေ များစွာကို ဖြတ်သန်းသွားဖို့အတွက် အသက်ရှည်အောင် နေကြပါ။ အသက်တိုနိုင်တာတွေကို လျှော့ပါ။ အသက်ရှည်မယ့် ကိစ္စတွေကို နည်းနည်း အချိန်ပေးပါ။
မနေ့က နာလိုက်တဲ့တရားမှာ အကောင်းနဲ့အဆိုးကို သိပြီး အဆိုးကို ဘရိတ်နင်း၊ အကောင်းဘက်ကို လီဗာနင်းလို့ ဓမ္မဒူတဆရာတော် တစ်ပါးက ဟောပါတယ်။ ဘရိတ်နဲ့ လီဗာနဲ့ မှားနင်းလို့ ကားတိုက်မှုတွေများလာတာဖြစ်မယ်။ ကိုယ်လုပ်နေကြအလုပ်တွေကိုလည်း နည်းနည်းလောက် ပြန်ဆင်ခြင်ကြည့်ပြီး လျော့တန်လျော့ တိုးတန်တိုး ချိန်ညှိကြရမှာပါပဲ။ မဟုတ်ရင်တော့ အပူများတဲ့လောကကို စောစော စွန့်ခွာစရာရှိပါတယ်။ ကလေးရှိတဲ့ မိတ်ဆွေတွေလည်း ကိုယ့်ကလေး အသက်ကြီးလာတဲ့အထိ နေချင်သေးရင် ကိုယ့်ရဲ့ Lifestyle ကို ပြင်ဖို့လိုရင် ပြင်လိုက်ပါ။ မိသားစုရှိတဲ့သူတွေလည်း ထိုနည်းလည်းကောင်းပဲ။ ကိုယ်စောစော ဘဝတစ်ပါး ဗီဇာရသွားရင် ကျန်ခဲ့မယ့်သူတွေရှိတယ်ဆိုတာလေးကို မမေ့ပါနဲ့။ လီဗာနဲ့ဘရိတ်ကို အဆင်ပြေသလိုနင်းပါ။ အကျင့်ဖြစ်အောင်မလုပ်တာကောင်းတယ်။ အကျင့်ဖြစ်သွားရင် ပြန်ဖျက်ရခက်တယ်။ အကျင့်သိပ်ပါနေတာတွေကို နည်းနည်းလောက်ရပ်ကြည့်တာ ကောင်းတယ်။ ကိုယ်ဘယ်လောက် စွဲလန်းလဲသိရတာပေါ့။ ကျန်းမာရေးထိခိုက်မယ့် ဘယ်အရာကိုမှ သိပ်အလွန်အကျွံမလုပ်တာကောင်းတယ်။
သောကြာနေ့မှာတော့ ပေမရှည်ချင်ပါဘူး။ ပျော်ကြပါ။ စိတ်ချမ်းသာအောင်နေကြပါ။ အလုပ်ကများရတဲ့ကြားထဲ စိတ်ကပါ မပျော်ဘူးဆိုရင်လည်း စောစောစီးစီးသေစရာရှိပါတယ်။ စိတ်ချမ်းသာအောင် လုပ်တဲ့ကိစ္စတွေကိုလည်း ကျန်းမာရေးမထိခိုက်အောင်သတိထားပါ။ အပြောင်းအလဲလေးတွေလုပ်ကြည့်ပါ။ ဘဝမှာ ဒီတစ်ပတ်လည်း ဒီလို၊ နောက်တစ်ပတ်လည်း ဒီလို၊ နောက်တစ်နှစ်လည်း ဒီလိုပဲဆိုရင် သိပ်ပျင်းစရာကောင်းမှာပဲ။ နည်းနည်းလေးပြောင်းလိုက်ပါ။ စိတ်ချမ်းသာချင်တဲ့လူတွေချည်းပါပဲ။ ကိုယ်ပျော်မယ်၊ စိတ်ချမ်းသာမယ်ထင်တာတွေပဲ လုပ်နေကြတာပါ။ စိတ်ညစ်စရာကောင်းတာ ရွေးလုပ်နေတဲ့သူတော့ ရှိမယ်မထင်ပါဘူး။
ကိုယ့်ပျော်ရွှင်မှုဟာ ကျန်းမာရေးကို မထိခိုက်စေရဘူး လို့ တတ်နိုင်ရင် သတိထားလိုက်ပါ။ အဲဒါဆိုရင် ပျော်ရွှင်စရာတွေကို ရွေးချယ်တဲ့အခါမှာ အဲဒီပေတံနဲ့တိုင်းလိုက်ရင် လွယ်ကူစေမယ်ထင်ပါတယ်။ ကျန်းမာရေးမထိခိုက်ဘူးဆိုတော့ ဂုဏ်သိက္ခာတော့ ထိခိုက်ရင် ရတယ်လို့လည်းအတွေးပေါက်မှာဆိုးတယ်။ ကိုယ့်ဂုဏ်သိက္ခာ၊ self-respect မထိခိုက်၊ကျန်းမာရေးမထိခိုက်တာဆိုရင် ရမယ်ထင်တယ်။ အဲဒါလေးတစ်ခုလောက် သတိထားပြီး ပျော်ရွှင်ကြပါလို့ တိုက်တွန်းပါတယ်။ ဆရာမလုပ်ပါဘူး။ ကိုယ့်ကိုယ်ကိုယ်လည်း စာဖတ်တဲ့သူတစ်ယောက်ယောက်ထက် ပိုသိတယ်၊ ပိုဆရာကျတယ်၊ အထာရှိတယ် မထင်မိပါဘူး။ အားလုံးကို မိတ်ဆွေတွေလို သဘောထားပြီး ခင်ခင်မင်မင်ပြောတာတွေပဲဖြစ်ပါတယ်။
သတိ ... TGIF, .... ပျော်ရွှင်စရာတွေကို ရွေးချယ်ပြီး ပျော်ရွှင်နိုင်ကြပါစေ။
Regards,
The Gardener
Notes:
တစ်ပတ်လုံး အိမ်မှာ နားနေရင်း နေ့တိုင်းစာရေးဖြစ်တယ်။ အားလုံးကိုလည်း သက်သက်သာသာ အလုပ်တွေရရှိဖို့၊ နားနားနေနေ နေရတဲ့ အလုပ်တွေရရှိဖို့ ဆုမွန်ကောင်းပို့သလိုက်ပါတယ်။ အထူးသဖြင့် တစ်နေ့တစ်နေ့ အလုပ်ကနေပါလာတဲ့ စိတ်ဖိစီးမှုတွေရှိရင် အဲဒီနေ့မှာပဲ လျှော့ချတတ်တဲ့ အကျင့်လေး မွေးမြူဖို့ တိုက်တွန်းချင်ပါတယ်။ ကိုယ်ဝါသနာပါတဲ့ စိတ်အပန်းပြေစေတဲ့ လေ့ကျင့်ခန်းတစ်ခုခု လုပ်ရင်းဖြစ်စေ၊ သီချင်းနားထောင်ရင်း၊ စိတ်ချမ်းသာစေတဲ့ စာဖတ်ရင်း၊ အခွေကြည့်ရင်းဖြစ်စေ၊ စိတ်ဖိစီးမှုတွေကို လျှော့ချပြီး ကိုယ့်ကျန်းမာရေးကို ကိုယ်တန်ဖိုးထားတတ်ဖို့ သတိပေးချင်ပါတယ်။
Peace B with U.
