မိုးရာသီ သတိပြုဖွယ်များ
စင်ကာပူရဲ့ အူကြောင်ကြားမိုးရာသီမှာ နေရာအနှံ့အပြားမှာ ချော်လဲမှုတွေဖြစ်ပွားနေပါတယ်။
ရှော်လချွတ် ဖိနပ်များဝတ်ဆင်ခြင်း၊ ရေစိုနေသော MRT platform များတွင်ပြေးလွှားခြင်းတို့ကို ရှောင်ကြဉ်ပြီး၊ ကြွေပြားခင်းထားသော ရေဆင်းမကောင်းသည့်နေရာများတွင် ဆင်မယဉ်သာ အပျင်းတစ်နေသလိုသာ လျှောက်လှမ်းပါရန်။
မိုးရေသည် တုပ်ကွေးရောဂါနှင့် တိုက်ရိုက်မသက်ဆိုင်သော်လည်း အအေးမိခြင်းကို အင်မတန်အားပေးတဲ့အတွက် MC ယူမည့်လူများမှအပ မိုးရေမထိစေဖို့ သတိပြုသင့်ပါတယ်။ အထူးသဖြင့် ရုံးမှာ ထီးအပိုတစ်ချောင်းဆောင်ထားပြီး လမ်းမှာ ငွေသားနဲ့ ထီးတစ်ချောင်းဝယ်နိုင်ဖို့ CASH လည်းဆောင်ထားဖို့လိုပါမယ်။ နေရာတကာ NETS နဲ့မရနိုင်ပါဘူး။
ကိုယ်တိုင်လည်း ချော်မလဲအောင်သတိထားသင့်သလို၊ လူကြီးသူမတွေကိုလည်း တခါတည်း မျက်စိနဲ့စောင့်ရှောက်သွားပါ။ ဘောင်းဘီ အရှည်ကို ခေါက်ဝတ်လေ့ရှိသော မပုတိုများအနေနဲ့ ဒေါက်ဖိနပ်ဒါက် ဘောင်းဘီခေါက်ထဲဝင်ပြီး သွားများ အပြင်သို့ ခရီးထွက်သွားနိုင်တဲ့အတွက် ဘောင်းဘီရှည်များကို ကတ်ကြေးနဲ့ကိုက်ပြီး ၀တ်ဆင်ကြပါရန်။
နေကာမျက်မှန်ဖက်ရှင်မောင်များအနေနှင့်လည်း မိုးမှောင်မှောင်တွင် မမြင်မစမ်းဖြင့် ရထားသံလမ်း နှင့်ရထားမှားစီးမိခြင်း၊ အမျိုးသမီး အိမ်သာနှင့် ဓာတ်လှေကားမှားစီးမိခြင်း၊ မီးပွိုင့် အနီကို အစိမ်းထင်မိခြင်း၊ ညဘက် ကားမီးကြီးထိုးမောင်းလာသည်ကို ဆိုင်ကယ်နှစ်စီးထင်မိ၍ ကြားတွင်ရပ်နေမိခြင်းမျိုး မဖြစ်စေရန် နေကာမျက်မှန်ကို မိုးတွင်းတွင် အသက်ပေးဝတ်ဆင်ခြင်းမှ ကင်းဝေးပါစေခြင်းအကျိုးငှာ၊ ပထမ၊ ဒုတိယ၊ တတိယ သတိပြုကြစေလိုကြောင်း။
သတင်းစာဆောင်းသော မစ္စတာအန်မစ္စစ် 9-to-6 များအနေဖြင့် မီးပွိုင့်စိမ်းတုန်း သတင်းစာဆောင်း ပြေးရင်း ဆေးရုံအထိ ရောက်သွားနိုင်ကြောင်း အထူးသတိပြုရန်။ အထူးသဖြင့် ရေဆင်းညံ့သော ဒေသများတွင် ရေစပ်စပ်ဖြစ်နေသော ပလက်ဖောင်းတုံးများကို နောက်ဘ၀၏ ဗီဇာများအဖြစ် နာနာ နှလုံးသွင်းရှူမြင်ရန် သတိပြုတိုက်တွန်း အားပေး အမှာစကားပြောကြားရင်း အလေးအနက် မြွက်ဟလိုက်ရပေသည်။
အထူးသဖြင့် ၀ိကန်း များတွင် အလုပ်လုပ်ရသူများအနေဖြင့် နေ့တစ်ဝက်သာဖွင့်သော ဆေးခန်းများကြောင့် အရေးပေါ်ထိခိုက်ဒဏ်ရာရလျှင် အနီးဆုံး ဆေးရုံများသို့သာ ပြေးတော်မူကြရန်။ MRT များနှင့်ကပ်လျှက် ဆေးရုံဆောက်ထားသော ရာဖဲလ် ဟော်စပီတယ်များမှာ သွားလမ်းလာလမ်းသင့်တတ်ကြောင်းပြောကြားလိုက်ရပေသည်။
ထိုမှတစ်ဖန်၊ ရေချိုးခန်းများကို အထူး အထူး အထူး အထူး အထူး သတိပြုပြီး သန့်ရှင်းရေးလုပ်ကြရန် နှိုးဆော်ပါသည်။ ချော်လဲတတ်သူများ ဖိနပ် စီး၍သာ ရေချိုးကြရန်၊ ခေါင်းလျှော်ရည်၊ ဆပ်ပြာရည်အပါအ၀င် ချော်လဲစေတတ်သော အရာများကို ရေချိုးပြီးသည်နှင့် ပြောင်စင်အောင် ဆေးကြောပစ်ရန်၊ ဖြစ်နိုင်လျှင် ရေများကို ခြောက်သွေ့မြန်စေရန် တံမြက်စည်းလှည်းပစ်ရန်၊ ရေချိုးခန်းတံခါးကို ရေချိုးပြီးသည်နှင့် ဖွင့်ထားရန် (ရေချိုးနေစဉ်အတွင်း ဖွင့်ထားရန်မလိုပါ။)။ (အိမ်သာခန်းလည်း ထိုနည်းလည်းကောင်း)
ယမကာလုလင်ကြီးများအနေဖြင့် မြောင်းပေါက်ထဲကျသေသွားသော မလေးရှားလူမျိုးကျောင်းသားလေးအကြောင်းပြန်ရှာဖတ်ကြည့်ရန်။ ရေလွှမ်းနေသော နေရာများတွင် အသက်နှင့်ရင်းပြီး လမ်းလျှောက်ဆော့ကစားခြင်းမပြုကြရန်၊ အထူးသဖြင့် မာရီနာဘေးတွင် သောက်သုံးကုန်သော အမျိုးသားကောင်းတို့သည် မြောင်းထဲဒိုင်ဗင်ပစ်ချင်စိတ်ပေါက်သည်အထိ အလွန်အကျွံမသောက်ကြရန် မှာကြားလိုက်ရပေသည်။
ရေစိုနေသော နေရာတကာမှ သန့်စင်ခန်းကြမ်းပြင်များသည် စကိတ်မစီးတတ်သူများအဖို့ ချော်လဲစေသော အကြောင်းတရား အမှန်ပင်ဖြစ်သောကြောင့် သတိတရား လက်ကိုင်ထားပြီး ဖြည်းဖြည်းသက်သာသွားကြရန်၊ ဘာမဟုတ်သော ချော်လဲမှုတစ်ခုသည် အရိုးကျိုး၊ အရိုးအက်၊ အဆစ်လွဲမှ သေရာပါအထိ ဖြစ်စေနိုင်သည်ကို ပေါ့ဆမနေကြရန်။
လူကြီးမိဘများကို ခေါ်ထားကြကုန်သောသူများသည်လည်း ဖြစ်နိုင်လျှင် မိုးပျံပူဖောင်းများ ၀တ်ဆင်ပေးထားရန်၊ မဖြစ်နိုင်လျှင် ချော်လဲတတ်သော နေရာများသို့ခေါ်မသွားရန်၊ ခေါ်သွားမိလျှင်လည်း သတိထားခေါ်ဆောင်သွားရန် လိုအပ်ကြောင်း အထူးအလေးအနက်ထား၊ မျဉ်းသား၊ စာလုံးကြီးလုပ်၍ဖော်ပြလိုက်ရပေသည်။
သတိမပြုကြကုန်သော သူများအတွက် မိုးရာသီသည် သင်နောက်ဆုံးမြင်လိုက်ရသော မိုးရာသီဖြစ်သွားနိုင်သည်ဟု ခြောက်လှန့်ပြောကြားရင် နိဂုံးချုပ်လိုက်ရပေသည်။
Regards,
The Gardener
Notes:
ဒီနေ့ MRT မှာ ကလေးမလေးတစ်ယောက် ပါရာလေဘာမှာ အမျိုးကောင်းသားကြီးကို ၀င်တိုက်မိမှာစိုးလို့ရပ်လိုက်ရင်း ချော်လဲသွားတယ်။ ဖိနပ်အပါးစီးထားပေမယ့် ချော်နေတဲ့ မိုးရေစိုရွှဲ ပလက်ဖောင်းမှာ Brake အုပ်လို့မရဘူးဖြစ်သွားပုံရတယ်။ ဇာတ်ပေါင်းသော် အမျိုးကောင်းသားကြီးက ကျွန်တော်ဖြစ်ပြီး ကလေးမလေးက တရုတ်မလေးတစ်ယောက်ဖြစ်တယ်။
Prevention is better than DPS. (DPS Policy က သေရင်သေ၊ မသေရင် permanent disability ဖြစ်မှ ရတဲ့ insurance ပါ။ 46,000 SGD ရပါတယ်။ ဘယ်သူမှ မလိုချင်တဲ့ policy ပါ။ အဲဒါကြောင့် ချော်လဲကျ ခြင်း အချင်းချင်း ကင်းရှင်းကြပါစေလို့ ဆန္ဒပြုလိုက်ပါတယ်။)
Peace B with U.
