ကြောင်သတ်သမား ဂျော်နီဝေါ်ကား အပိုင်း (၂)

ကြောင်သတ်သမား ဂျော်နီဝေါ်ကား အပိုင်း (၂)

ဟုတ်ကဲ့ လို့ နာကာတာပြန်ဖြေလိုက်တယ်။ တကယ်တော့သူနားမလည်ဘူး။

ပုလွေ။ သူပြောနေတာ လူတွေ ဘေးတိုက်ကိုင်ရတဲ့ ပုလွေကိုလား။ ဒါမှမဟုတ် အသံသွင်းစက်ကိုသူပြောနေတာလား။ အဲဒီဟာ က ဘယ်လို အသံထွက်လဲ။ ပြီးတော့ သူပြောတဲ့ ကြောင်ဝိညာဉ်တွေဆိုတာဘာလဲ။ ဒါတွေဟာ နာကာတာအဖို့ နားလည်နိုင်တာထက်ပိုနေပြီ။ ဒါပေမယ့်သူနားလည်တာတစ်ခုရှိတယ်။ သူ ဂိုမာကို ရှာပြီး ဒီကနေထွက်သွားနိုင်ဖို့လုပ်ရမယ်။

မင်းလုပ်ချင်တာက ဂိုမာကိုခေါ်ပြီး အိမ်ပြန်ဖို့မဟုတ်လား။ ဂျော်နီဝါကားက နာကာတာ စိတ်ကို သိနေသလိုပြောသလိုပြောလိုက်တယ်။

ဒါအမှန်ပဲ။ နာကာတာ ဂိုမာကို သူ့အိမ်ပြန်ပို့ပေးချင်တယ်။

ဒါက မင်းရဲ့ ရည်ရွယ်ထားတဲ့အလုပ်ပဲ ။ ငါတို့အားလုံးဟာ ဘ၀မှာ ဦးတည်ထားတဲ့ လုပ်ငန်းတွေကို လုပ်ရတယ်။ အဲဒါသဘာဝပဲ။ အခု ငါတွေးမိတာက ကြောင်တွေရဲ့ ၀ိညာဉ် နဲ့လုပ်ထားတဲ့ ပုလွေတစ်လက်(အကြောင်း/အသံ)ကို မင်းမကြားဘူးဖူးမဟုတ်လား။

အင်း။ မကြားဖူးဘူး။

အေးလေ။ မင်းမကြားဖူးတာ သေချာတာပေါ့။ ဒီပုလွေသံကို မင်း နားတွေနဲ့ မကြားနိုင်ဘူး။

အသံမကြားရတဲ့ပုလွေမျိုးလား။

အမှန်ပဲ။ သေချာတာပေါ့။ ငါကတော့ ကြားရတယ်။ ငါမှ မကြားရရင်လည်း ဘယ်လို အလုပ်ဖြစ်တော့မှာလဲ။

ဒါပေမယ့် သာမန်လူတွေကတော့ ဒါကို မသိနိုင်ဘူး။ သိရင်လည်း နားလည်နိုင်မှာမဟုတ်ဘူး။ သူတို့တွေဟာ ဒီအသံကို အတိတ်မှာကြားခဲ့ဖူးပေမယ့် မမှတ်မိတော့ဘူး။ သိပ်ကိုထူးဆန်းတဲ့ပုလွေပဲ။ ဒါပေမယ့် မစ္စတာ နာကာတာဆိုတဲ့ မင်းကတော့ ကြားချင်လည်း ကြားရနိုင်တယ်။ ကြားရဖို့ကတော့ မဖြစ်နိုင်သလောက်ပဲ။ ငါ့ဆီမှာ အဲဒီပုလွေ အခုရှိရင်တော့ ငါတို့ အခုစမ်းကြည့်လိုက်လို့ရမယ်။ ဒါပေမယ့် ငါ့ဆီမှာ မရှိတာခက်တာပဲ။ ပြီးတော့ ........... တစ်ခုခုပြန်သတိရသလို အမူအယာနဲ့ ဂျော်နီဝါကားဟာ လက်ညှိုးကိုထောင်လိုက်တယ်။

တကယ်တော့ ငါက ဖမ်းထားတဲ့ ကြောင်တွေကို သတ်ခါနီးကွ။ ရိတ်သိမ်းချိန်ပေါ့ကွာ။ (စိုက်ပျိုးထားတာတွေ ရိတ်သိမ်းရတယ်ဆိုတဲ့ အထာနဲ့ပြောချင်တာ။ သူဖမ်းထားတဲ့ကြောင်တွေကို သတ်ရတာဟာ သူ့အတွက်တော့ ရိတ်သိမ်းချိန်ဆန်တယ်ပေါ့။) ငါဒီနားက ကွင်းပြောင်ပြောင်မှာ ဖမ်းလို့မိနိုင်သမျှကြောင်တွေဖမ်းပြီးပြီ။ လုပ်စရာရှိတာ ဆက်လုပ်ရမှာပဲ။ မင်းပြောတဲ့ ဂိုမာလည်း ဖမ်းထားတဲ့ကြောင်တွေထဲမှာပါတယ်။ ငါက အဲဒီကြောင်ရဲ့ ခေါင်းကိုဖြတ်လိုက်ရင် မင်း ကြောင်ကို ကိုအီဇူမိ မိသားစုရဲ့အိမ်ကို ပြန်မပို့နိုင်တော့ဘူး ဆိုတာ သိပ်သေချာတာပေါ့ကွာ။

ဒါအမှန်ပဲ လို့ နာကာတာကပြောလိုက်တယ်။ သူ ဂိုမာခေါင်းပြတ်ကို ကိုအီဇူမိ မိသားစုဆီသယ်သွားဖို့ မဖြစ်နိုင်ဘူး။ တစ်ကယ်လို့ သယ်သွားရင် ကလေးမလေး နှစ်ယောက်ကမြင်ပြီး သူတို့ တစ်သက်လုံး ထမင်းစားနိုင်မှာမဟုတ်တော့ဘူး။

ငါက ဂိုမာရဲ့ ခေါင်းကို ဖြတ်ချင်တယ်။ မင်းက ဒါကို မဖြစ်စေချင်ဘူး။ ငါတို့ရဲ့ ဦးတည်ချက်နှစ်ခု၊ စိတ်ဝင်စားမှုနှစ်ခုဟာ အဲဒီမှာ ပဋိပက္ခဖြစ်တာပဲ။ ကမ္ဘာပေါ်မှာ ဒါမျိုးတွေ အများကြီးဖြစ်တယ်။ ဒီတော့ မင်းကို ငါ ဘယ်လို ညှိနှိုင်းမလဲဆိုတာပြောမယ်။ ညှိနှိုင်းတယ်ဆိုတာကတော့ မင်းငါ့ကို တစ်ခုခု ကူညီရင် ငါကလည်း မင်းအလိုအတိုင်း ဂိုမာကို ချမ်းသာပေးပြီး မင်းနဲ့ထည့်ပေးလိုက်မယ်။

နာကာတာဟာလက်ကို မြှောက်ပြီး အဖြူအမည်းရောနေတဲ့ သူ့ဆံပင်တွေကို လျှင်လျှင်မြန်မြန် တဗျင်းဗျင်းပွတ်သပ်တယ်။ အဲဒါဟာ သူ့ နားမလည်နိုင်တဲ့ ကိစ္စတွေ တွေ့ရတိုင်း လုပ်နေကြပုံစံပဲ။

(မင်းကို ငါကူညီရမှာက) ငါလုပ်ပေးနိုင်တာ တစ်ခုခုလား။

်

ငါတို့ ဒါကို ဖြေရှင်းပြီးသားမဟုတ်လား လို့ ဂျော်နီဝါကားက မဲ့ပြုံးပြုံးရင်းပြောတယ်။

အင်းဟုတ်တယ်။ ငါတို့ရှင်းခဲ့ပြီးပြီ လို့ နာကာတာကပြောတယ်။ (စကားရော ဖောရော လုပ်တာပါ။ အမှန်က သူမသိဘူး။) အဲဒါမှန်တယ်။ ငါတို့တွေ ဒါကို ဖြေရှင်းပြီးခဲ့ပြီ။ နောက်တစ်ခါလောက် ငါ့ကိုထပ်ပြောပါဦး။

ငါတို့မှာ အချိန်အများကြီးမရှိဘူး။ အဲဒီတော့ မင်းစိတ်မရှိရင် တစ်ခါတည်း နိဂုံးချုပ်စကားပဲ ကျော်ပြီးပြောလိုက်မယ်ကွာ။ မင်းဘက်က လုပ်ပေးဖို့လိုတာက ငါ့ကို သတ်ဖို့ပဲ။ နောက်တစ်မျိုးပြောရရင်တော့ ငါ့အသက်ကို နှုတ်ယူဖို့ပဲ။

ခေါင်းပေါ်တင်ထားတဲ့လက်တွေ ငြိမ်သက်သွားပြီး နာကာတာ ဟာ ဂျော်နီဝါကားကို အကြာကြီးငေးကြည့်နေတယ်။ မင်းက နာကာတာကို(ငါ့ကို) (မင်းအသက်ကို) သတ်ခိုင်းချင်တယ် ဟုတ်လား။

အေး ဒါအမှန်ပဲ လို့ ဂျော်နီဝါကားကပြောတယ်။ အမှန်ပြောရရင် ငါလည်း ဒီဘ၀ကြီးကို စိတ်ကုန် ငြီးငွေ့နေပြီ။ ငါ အကြာကြီးမှ တကယ့်ကိုအကြာကြီးနေခဲ့ပြီးပြီ။ ငါအသက်ဘယ်လောက်ကြီးပြီလဲဆိုတာတောင် ငါမသိတော့ဘူး။ ဆက်ကိုမနေချင်တော့ဘူး။ ငါ ကြောင်တွေသတ်ရတာကိုလည်း စိတ်ကုန်ပြီ။ ဒါပေမယ့် မသေမချင်း ငါလုပ်ရမှာလည်း ဒီ(ကြောင်သတ်တဲ့) အလုပ်ပဲ။ ကြောင်တစ်ကောင်ပြီး တစ်ကောင်သတ်။ သူတို့ရဲ့ဝိညာဉ်တွေကို သိမ်းဆည်းထား။ အဆင့်တစ်ကနေ တစ်ဆယ်အထိကို သူ့စည်းကမ်း စနစ်တွေအတိုင်း ဖြစ်အောင်လုပ်။ ပြီးရင် တစ်ကနေပြန်စ။ မဆုံးနိုင်တဲ့ ထပ်တလဲလဲဖြစ်စဉ်ကြီးပေါ့။ ငါထပ်ပြီးသည်းမခံနိုင်တော့ဘူး။ ဘယ်သူကမှ ငါ့လုပ်ရပ်ကို မလေးစားကြဘူး။ ဒီအလုပ်ကြောင့်လည်း ဘယ်သူမှ မပျော်ရဘူး။ ဒါပေမယ့် ဒီအလုပ်ကတော့ ပုံသေဖြစ်နေပြီ။ ငါက ရုတ်တရတ်ကြီးထပြီး ငါထွက်ပြီ၊နားပြီ ၊ ငါဆက်မလုပ်တော့ဘူးဆိုပြီး လုပ်လို့မရတော့ဘူး။ နောက်ပြီး ငါ့ဘ၀ကို ငါရွေးချယ်လို့မရဘူး။ ဒါကြီးကလည်း သတ်မှတ်ပြီးသားကြီးပဲ။ အဲဒီ(ဘ၀ကြီး)မှာ စည်းမျဉ်းတွေ အများကြီးရှိပြီးသား။ တကယ်လို့ ငါသေချင်တယ်ဆိုရင် တခြားတစ်ယောက်က ငါ့ကို သတ်ပေးရမယ်။ အဲဒီနေရာမှာ မင်းကို လိုအပ်လာတာပေါ့။ ငါ့ကို မင်းကြောက်စေချင်တယ်။ ခါးခါးသီးသီး မုန်းတီးစေချင်တယ်။ ပြီးတော့ ငါ့ကို သုတ်သင်လိုက်စေချင်တယ်။ ပထမ မင်းငါ့ကို ကြောက်။ ဒုတိယ မင်း ငါ့ကိုမုန်း။ နောက်ဆုံး မင်းငါ့ကို သတ်။

(တတိယပိုင်း မကြာမီဆက်မည်။)

Notes

ဒုတိယပိုင်း ဆက်ရေးလိုက်ပါတယ်။ ငါးပိုင်းလောက်အထိဖြစ်သွားမယ်ထင်တယ်။ နည်းနည်းရှည်လို့ ခွဲပြီးတင်လိုက်ပါတယ်။ အားလုံးပြီးသွားမှ အဲဒါလေးကို စုပြီး pdf လုပ်မယ်လို့စိတ်ကူးတယ်။ ဒီအခန်းကို သဘောကျရတဲ့ အကြောင်းအရင်းကို ဖတ်ရင်းနဲ့ခန့်မှန်းမိကြမှာပါ။

wry smile ကို မဲ့ပြုံးလို့ဘာသာပြန်လိုက်တယ်။ ပိုကောင်းတာ စဉ်းစားမရလို့။

salt-and-pepper hair ကို အဖြူအမည်းရောနေတဲ့ဆံပင်လို့ နီးစပ်အောင်ပြန်လိုက်တယ်။ တစ်ချို့ စကားလုံးတွေကို မြန်မာစကားလုံးတွေနဲ့ဖလှယ်လိုက်တယ်။ ဖတ်ရတာ ထောင့်မနေအောင်လုပ်လိုက်တယ်။

ဘာသာပြန်ရင် တိုက်ရိုက်ပြန်တာဟာ ပျင်းစရာသိပ်ကောင်းတယ်။ ဘာသာစကားကျွမ်းကျင်မှုကို အဆင်ပြေသလို သုံးရမယ်လို့ အမေကပြောဖူးတယ်။

ဒီမှာနည်းနည်း ကွိုင်ရှိတာက နာကာတာက ခပ်တုံးတုံးမလို့ သူက you ကို ညွှန်းရင် လွဲလွဲနေတယ်ထင်တယ်။ အားလုံးဖတ်ပြီးမှ အဲဒီကိစ္စကို နည်းနည်းအကျုယ်ထပ်ချဲ့ မယ်။ တမင်ရေးထားတာလား။ ဂျပန်ကနေ ဘာသာပြန်တဲ့(Philip Gabriel) ကပဲ ရှုပ်အောင်လုပ်သလား မသိဘူး။ သူပြောတဲ့ you ဆိုတာ တခါတခါ ဂျော်နီဝါကားကို မညွှန်းဘူး။ လူတွေအားလုံးကိုပြောသလိုလိုဖြစ်နေတယ်။ ဂျပန်ဘာသာစကားမတတ်တာ ဒီနေရာမှာ တော်တော်လေးနာသွားတယ်ထင်တယ်။ စာရေးသူ ဂျပန်ကြီးကိုယ်တိုင်ကလည်း သူ့ဘော်ဘော် ပညာတတ်ကြီးတွေ ဘာသာပြန်ပေမယ့် တချို့ဟာတွေ နည်းနည်းလွဲနေတယ်ဆိုလား ပြောဖူးတယ်။ လွဲတယ်ဆိုတာက မှားတာကို ပြောတာ ဟုတ်ချင်မှဟုတ်မယ်။ သူဆိုလိုချင်တာကို မရောက်ရင် လွဲတယ်ပြောမှာပဲလို့ ထင်မိတယ်။ ဘာသာစကားတွေက ဖလှယ်လိုက်ရင် လျော့သွားတယ်။ ဂျပန်လိုမတတ်တော့ အင်္ဂလိပ်လို တစ်ဆင့်လွဲပြီးသားဖတ်ရတယ်။ ကြုံလို့ပြောရရင် မြန်မာလို ကြိုက်ပြီးသားကဗျာကို အင်္ဂလိပ်လို ဘာသာပြန်ထားတာဖတ်လိုက်တော့ ဘာမှန်းကို မသိတော့သလိုဖြစ်တာမျိုး။ ကဗျာမှာက Translation ကြောင့် ထိခိုက်တာ ပိုများမယ်ထင်တယ်။

have had it ဆိုတာ တခါတွေ့ဖူးလို့ ပြန်ကြည့်လိုက်တာ Idiom ဖြစ်နေတယ်။ ရခဲ့ပြီးပြီလို့ မပြန်လိုက်မိတာ ကံကောင်း။ သည်းမခံနိုင်လောက်အောင်ဖြစ်သွားပြီလို့ဆိုလိုတာပါ။ အရင်က သည်းခံခဲ့တာတွေ limit ကျော်သွားပြီဆိုတဲ့သဘောပဲ။

Koizumis ကိုတော့ ကိုအီဇူမိလို့ပဲပြန်လိုက်တယ်။ ကိုယ့်ဘာသာထင်တဲ့ အသံထွက်၊ အွန်လိုင်းမှာတွေ့တဲ့အသံထွက်နဲ့ ဂျပန် ရုံးမှာလုပ်ခဲ့တဲ့ yeyene တို့ကိုမေးထားတဲ့အသံထွက် သုံးခုစလုံး အဲဒီလို အသံနဲ့နီးစပ်ပါတယ်။

---------------------------------------Update News

မနေ့ညက ဆရာ နန္ဒာသိန်းဇံ ဆုံးသွားတယ်လို့ သတင်းရပါတယ်။ Aug 14, 7:45 pm မှာဆုံးတယ်လို့သိရပါတယ်။ ကြားရတာ အင်မတန်စိတ်မကောင်းဖြစ်မိပါတယ်။ သူ့စာအုပ်တွေနဲ့ ကြီးလာခဲ့တဲ့အတွက် ကျေးဇူးလည်း အများကြီးရှိတယ်လို့ ခံစားရပါတယ်။ ဆရာ နန္ဒာသိန်းဇံ စိတ်အဆင့်မြင့် ခရီးစဉ်တစ်ခုကို ဆက်လက်ထွက်ခွာသွားတယ်လို့ပဲ ယုံကြည်ပါတယ်။ အမှတ်တရ ပို့စ်တစ်ခုတော့ ရေးဖြစ်အောင် ရေးပါဦးမယ်။

-----------------------------------------

Peace B with U.