The Cathay's customer service
ရုပ်ရှင်ရုံမှာ မြင်ကွင်းကျယ်ကျယ်၊ အသံကောင်းကောင်းနဲ့ ကြည့်ရတာကို သဘောကျတဲ့အတွက် မကြာမကြာ ရုပ်ရှင်သွားကြည့်ဖြစ်တယ်။ Cathay မှာပဲကြည့်ဖြစ်တယ်။ မိန်းမက ရုပ်ရှင်လုံးဝနီးပါး မကြည့်ချင်တဲ့အတွက် အခုနောက်ပိုင်းတော့ အရင်ကလောက် သွားမကြည့်ဖြစ်ဘူး။ တစ်ခါတစ်လေတော့ surprise လုပ်တာဆိုပြီး ticket ကို book လုပ်ထားလိုက်ပြီး ရုပ်ရှင်ရုံခေါ်သွားလိုက်တယ်။
ပြီးခဲ့တဲ့ သောကြာနေ့ကလည်း ရုပ်ရှင်သွားကြည့်ကြမယ်ဆိုပြီး book လုပ်ဖို့ကြည့်တော့ ညပိုင်း ၉ နာရီ ၂၀ အချိန်မှာ ထိုင်ခုံတွေက screen ရှေ့နားပဲကျန်တယ်။ အဲဒါနဲ့ စနေနေ့ ၉ နာရီ ၂၀ ကို book လုပ်ခဲ့တယ်။ ရုံးကနေ မြန်မြန် မြန်မြန် Book လိုက်တာဆိုတော့ နေ့တွေ အချိန်တွေတောင် သေချာမကြည့်လိုက်ဘူး။ Notification email လာမှ Date က Sunday ဆိုတာသိတယ်။
Sunday 7 နာရီ ခွဲလောက်မှာ အိမ်ကနေထွက်သွားလိုက်တယ်။ Dhoby Ghaut မှာ တန်းအရှည်ဆုံး အင်ဒိုဆိုင်က အရမ်ပညက်စားတယ်။ (အင်ဒိုတွေကတော့ အာရမ်ပိညက်ဆိုလားပြောတယ်။ မမှတ်မိတော့ဘူး) အုန်းနို့မဆမ်းဖို့ အတော်လေး သတိပေးထားတာတောင် ဆမ်းလိုက်မလို တစ်ချက်လုပ်လိုက်သေးတယ်။ ဒါပေမယ့် အတိတ်ဘ၀ရဲ့ ကုသိုလ်ကံကြောင့် မှာတဲ့အတိုင်းရလိုက်ပါတယ်။ သတိမေ့သွားပြီး ကော်ပီတီယျံ ကဒ်မသုံးမိတာနဲ့ ၁၀ % နာသွားတယ်။ (Married ဖြစ်ပြီးကတည်းက ပိုပြီးချွေတာနေမိတယ်။ Believe it or not !)
Dhoby Ghaut Kopitiam မှာ ထိုင်ရင်း လက်မှတ်ကို တစ်ခါထုတ်ကြည့်တော့ အချိန်က ၉ နာရီ ၂၀ book လုပ်ထားတာမဟုတ်ဘဲ ၆နာရီ ၄၅ မှာ book လုပ်မိတာ ဖြစ်နေတယ်။ ကာတွန်းကားထဲမှာဆိုရင်တော့ ၂၃ ကျပ် အတောင်ပံလေးနဲ့ပျံသွားတဲ့ ပုံလေးနဲ့ပေါ့။ စနေနဲ့တနင်္ဂနွေ မှားခဲ့ရုံတင် မဟုတ်ဘူး။ book တဲ့အချိန်မှာ မှားပါပကောလား။ ဒီနေရာမှာ ရည်းစားဆိုရင်သာ စိတ်ကောက်တဲ့အခန်းပေါ့။ လင်မယားဆိုတော့ ကောက်မနေတော့ဘူးလို့ ဆုံးဖြတ်ချက်ရော သက်ပြင်းကိုပါ ဒုံးခနဲချလိုက်သံကြားတယ်။ ပါးစပ်ကတော့ အဲလက်စ်ရဲ့ (ငါ မင်းကို သတ်ချင်တယ်) သီချင်းကို တိုးတိုးလေးဆိုနေသံကြားတယ်။) ။ Cathay ကလည်း ဖုန်းဆက်မှာကြောက်လို့ထင်တယ် ဖုန်းနံပါတ်ကို ထင်ထင်ရှားရှားပေးထားတာမတွေ့ဘူး။ Cancel ချင်ရင် နှစ်နာရီကြိုပြီး လူကိုယ်တိုင် လာတွေ့ရမယ်ဆိုတဲ့ စည်းကမ်းချက်ကိုတော့ ရေးထားတယ်။ ရုပ်ရှင်ထဲမှာဆိုရင်တော့ ရုတ်တရုတ် မိုးညို့လာသလို တီးကွက်တွေ ဒီနေရာမှာထည့်မယ်။ saxophone နဲ့ piano နဲ့တွဲပြီး ဖြစ်မှဖြစ်ရလေကွာဆိုတဲ့ ရသထွက်အောင်တီးပေးသင့်တယ်။
အခုဟာက နှစ်နာရီတော့ နှစ်နာရီ၊ ရုပ်ရှင်ပြပြီးလို့ နှစ်နာရီလောက်ဖြစ်နေပြီဆိုတော့ နောက်ကျသွားပြီ။ ဘာပဲဖြစ်ဖြစ် သွားပြီး ပြောကြည့်ကြတာပေါ့ကွာဆိုပြီး အနီးအနားက Cathay ကို သွားတယ်။ ၅ ထပ်မှာ သွားပြောရမယ်လို့ မြေညီထပ်က လက်မှတ်ရောင်းတဲ့သူကပြောတယ်။ ဒီနေရာမှာ ရုပ်ရှင်ထဲမှာတော့ ပီယာနိုကို ဖြည်းဖြည်းချင်းတီးတာပေါ့။ သဘောပေါက်လာတဲ့ အနေအထား၊ ကောက်ရိုးမျှင် ၀ါးဝါးလေးကို လက်ပါးပါးလေးနဲ့ ဆွဲတဲ့ အသံမျိုးပေါ့။
အပေါ်ထပ်ရောက်တော့ ကုလားမလေးနဲ့တွေ့တယ်။ သူက Yes ကို ခေါင်းလေးခါပြီးပြောတော့ မြန်မာပီပီ ကျွန်တော်က နားမလည်ဘုး။ ကျွန်တော်တို့လူမျိုးတွေက No လို့ပြောမှ ခေါင်းခါတာဆိုတော့ ခေါင်းခါပြီး Yes လို့ပြောရင် နားမလည်တော့ဘူး။ ဦးနှောက်ထဲမှာ နည်းနည်းရှုပ်ထွေးသွားတယ်။ ခေါင်းခါတာကို neglect လုပ်ပြီး ပါးစပ်က ထွက်လာတဲ့ အသံကိုပဲ အတည်ပြုဖို့ အချိန် နည်းနည်းယူပြီးကြိုးစားရတယ်။
ဒီနေရာမှာတောု့မုသားဖြူဆိုတာကို နည်းနည်းသုံးလိုက်တယ်။ ငါ အချိန်မှားပြီး Book လုပ်မိလို့ ဆိုပြီးပြောလိုက်ရတယ်။ ။ ပြောပြီးတော့ မုသာဝါဒါ ဝေရာမဏိသိက္ခာပဏံ သမာဓိယာမိ ပြန်လုပ်နေတော့ ကုလားမလေးက သူ့ကို ပါဠိလိုပြောတယ်ထင်သွားတယ်။ အဲဒီတော့ သူလည်း ပါဠိလို နားမလည်ဘူး။ နားလည်တဲ့ အော့ဖ်ဖစ်ဆာကို ခေါ်ပေးမယ်ဆိုပြီး ပိုပြီး အသားမည်းတဲ့ ဟိန္ဒူ အမျိုးသမီးကြီးကို မြန်မာအခေါ် ဝေါ့ကီတော်ကီကြီးနဲ့ လှမ်းခေါ်တယ်။ မကြာခင် အော့ဖ်ဖစ်ဆာ အပြေး တစ်ပိုင်းခွဲခန့်နဲ့ရောက်လာတယ်။ ခေါင်းလေးလှုပ်ပြီး hi လို့ပြောတယ်။ ခေါင်းပြန်လှုပ်ပြဖို့ ကျွန်တော်ကြိုးစားကြည့်တယ်။ ဇက်တောင် မျက်သလိုဖြစ်သွားတယ်။ ဒါနဲ့ပဲ ရိုးရိုးပဲ hi လုပ်လိုက်ရတယ်။ မချိသွားဖြဲဆိုတာမျိုးလည်းမဖြစ်အောင်၊ ၂၃ ကျပ်ကို အင်မတိ အင်မတန် နှမြောတဲ့ရုပ်လည်းမပေါက်အောင်သတိထားပြီး၊ The Cathay ကို စဉ်ဆက်မပြတ်အားပေးလာရာက ဒီတစ်ကြိမ်မှာတော့ booking လုပ်လိုက်တာ လွဲသွားတယ်ဆိုတဲ့အကြောင်း၊ အိန္ဒိယ ချပါတီကို အင်မတန်နှစ်သက်သူဖြစ်ကြောင်း၊ ရှရွတ်ခန်း၏ နှာခေါင်းဖြင့် မိုးပျံပူဖောင်းများ ဖောက်ကြည့်ချင်ခဲ့ကြောင်း၊ အမီတာဘဂျန်း နှင့်တူသော နွားနို့ကုလားထံမှသာ နွားနို့ဝယ်ခဲ့ကြောင်း စတာတွေ အလျဉ်းသင့်သလိုပြောရင်း ဖြစ်နိုင်လျှင် လက်မှတ်ကို နောက်တစ်နေ့လက်မှတ်နဲ့ လဲချင်ကြောင်းပြောတယ်။
အော့ဖ်ဖစ်ဆာကလည်း တိုက်ရိုက်ကြီးတော့ပြန်မပြောဘူး။ သီချင်းနှစ်ပုဒ်ဆိုတယ်။ (ဂီတနက်သန်) ကိုစောညိန်းမရှိလို့တော်သေးတယ်။ ဒီလူက အဲဒီလို မလိုဘဲ သီချင်းထထဆိုတာကို မုန်းတယ်။(ဂီတလုလင်ကြီး ဦးကိုကို) မောင်ကိုကိုကတော့ ဆိုချင်ဆို လိုက်ဖက်တာကို ဆိုလို့ပြောတယ်။ အော့ဖ်ဖစ်ဆာကတော့ ဘာတွေဆိုနေမှန်းမသိတော့ မောင်ကိုကို့ အဆို မှန်လားမှန်လား အကဲမဖြတ်နိုင်ဘူးဖြစ်သွားတယ်။ သီချင်းဆိုအပြီးမှာ အဝေးကို မျှော်ကြည့်တယ်။ စကော လောက်ရှိတဲ့ မျက်လုံးကို ဘယ်ကနေ ညာဘက်ကို တရွေ့ရွေ့ အကြည့် ရွှေ့တယ်။ ဆံပင်ကို ဟန်ပါပါသပ်တင်လိုက်တာ အရှိန်များပြီး ပါးပါ ရွဲ့သလိုဖြစ်သွားတယ်။ အဲဒါကို ကျွန်တော်ရိပ်မိသွားမှန်းသိတော့ ကျန်တဲ့လက်တစ်ဖက်နဲ့ ရွဲ့သွားတဲ့ပါးကို ပြန်တည့်တယ်။
ပြီးမှ လျှာတိုတိုလေးနဲ့ စကားအရှည်ကြီးပြောတယ်။ တကယ်တော့ ဒီထိုင်ခုံနေရာတွေကို reserved လုပ်ထားရတာဖြစ်ကြောင်း၊ သူမတို့ ရုပ်ရှင်ရုံအနေဖြင့် မရောင်းလိုက်ရသလိုဖြစ်ကြောင်း၊ ပြန်လဲပေးလျှင် အရှုံးပေါ်ကြောင်း၊ အီန္ဒိယ ချပါတီကို သူမလည်းနှစ်သက်ကြောင်း၊ ဒီတစ်ကြိမ်တော့ လဲပေးလိုက်မည်ဖြစ်ကြောင်း၊ နောက်တစ်ကြိမ် ထပ်မမှားစေချင်ကြောင်း ပြောရင်း သူမနှင့်အတူ လေးယောက်သား ကလိုက်ကြရအောင်ဟု စကားခေါ်လေသည်။
ဇနီးသည်ကို အကဲခတ်ကြည့်တော့ ကရန် ဟန်ပြင်နေသည်ကို တွေ့ရလေသည်။ လက်မှတ်ရောင်းသော အိန္ဒိယမလေးကလည်း ခေါင်းလေးပင်လှုပ်နေလေပြီ။ ထို့ကြောင့် ကျွန်တော်က မကတော့ပါဟု ငြင်းဆန် ပြောဆိုလိုက်သည်။ Starter ခတ်ပြီးမှ လင်းခွင့်မရသည့် မီးချောင်းများလို ဇနီးသည်နှင့် လက်မှတ်ရောင်းသူတို့၏ သက်ပြင်းချသံကို ကြားလိုက်ရသည်။ အော့ဖ်ဖစ်ဆာဆိုလျှင် ငိုမလိုပင်ဖြစ်သွားသည်။
ဘယ်ဘက်ထောင့်ဆုံးမှကောင်လေးကို လက်ညှိုးထိုးရင်း ဟေ့ကောင် သူတို့ကို လက်မှတ်လေး နှစ်ပေါက်လောက် ထည့်ပေးလိုက်ပါ (အသက်လေးဆယ် mtv မှ ထွန်းထွန်း အထာနှင့်) ပြောရင်း ခေါင်းငိုက်စိုက်နှင့် အတွင်းခန်းသို့ပြန်ဝင်သွားလေသည်။
လက်မှတ်ကို ကိုင်ပြီး The Cathay မှ အူကို လေပင့် မျက်နှာပွင့်ပြီး ပြန်လာကြသော ကျွန်တော်တို့ ဇနီးမောင်နှံ၏ မျက်နှာအပွင့်ကြီးကို တစ်ချို့ကလည်း အံ့အားသင့်နေကြသေးသည်။
စကားချပ်။ ။
တကယ်တမ်း သွားကြည့်တော့လည်း ရုပ်ရှင်ရုံကို နာရီဝက်ခန့် နောက်ကျမှ ရောက်သွားသေးကြောင်းကို ကျွန်တော် တမင် ထိန်ချန်ထားခဲ့လိုက်ပါတော့မည်။
Regards,
The Gardener
Notes: ဒီပို့စ်လေးက အပျော်ပါ။ (ချစ်ကောင်းအသံနဲ့ဆိုရင်တော့ အဖျော်ပါ။)။ အမြဲတမ်းလွဲချော်ခြင်းတွေ နဲ့ အသားကျနေပေမယ့် အဲဒါကို ကျွန်တော် သဘောကျပါတယ်။
Peace B with U.
