ဆပ်ပရိုက်၊ ဆပ်ပရိုက်၊ ဒက်ဘယ် ဆပ်ပရိုက်။
ဇနီးသည်က အဖေများနေ့အတွက် စပရိုက်လုပ်ဖို့ တီရှပ်တစ်ထည် မှာထားတယ်။ မိမိလည်းမသိဘူး။ ဖက်ဒတ်စ်ကနေ လာပို့တော့ ယူထားလိုက်တယ်။ ဒီလောက် အိတ်အပါးလေး သားအတွက်များဝယ်တာလားဆိုပြီးထုတ်ကြည့်လိုက်တော့မှ တီရှပ်မှန်းသိတယ်။ အော် ငါ့ကို စပရိုက်လုပ်ဖို့ကိုးဆိုတာသိတော့ မိမိကလည်း တတ်သည့်ပညာမနေသာဆိုသလို အိတ်ကိုသေချာလေးဖွင့်၊ အိမ်မှာရှိတဲ့ အတွင်းခံအသစ်အပိုတစ်ခုကို သေချာပြန်ထည့်၊ တီရှပ်ကိုတော့ ထုတ်ထားလိုက်တယ်။ ပြီးတော့ ဟန်မပျက်ပြန်ထားလိုက်တယ်။
သူပြန်လာတော့မှ ဘာလဲမသိဘူး ရောက်တယ်ဆိုပြီးပြော။ သူ့ဟာသူဖွင့်ကြည့်။ အတွင်းခံတစ်ထည်ဖြစ်နေ။ သူ့နာမည်ကြီးနဲ့။ အမျိုးသားဝတ်အတွင်းခံကြီးဆိုတော့ ရှုပ်ထွေး။ သူမမှာပါဘူးပြော။ မသိချင်ယောင်ဆောင်နေရင်း ရယ်ချင်။ အထုတ်များမှားသလား။ ဆက်ကြည့်ဦးလေပြော။ ပုံမှန်အားဖြင့် ကျနော်က အထုပ်ဖောက်ရင် အလယ်ကနေ ဆွဲဖြဲလိုက်တာဆိုတော့ အခုလို သေသေသပ်သပ်အထုတ်လေးကို ကျနော် ပြန်ပိတ်ထားတာလို့ နည်းနည်းမှ မရိပ်မိရှာဘူး။ ကျွတ်ကျွတ်ကျွတ်။
ခဏလေးကြာမှ၊ အွန်လိုင်းကမှာထားတာပြစရာရှိသေးတယ်ဆိုပြီး သူဝယ်ထားတဲ့ တီရှပ်နဲ့ တာ့ဒါဆိုပြီးထွက်လာ။ ချိုမြိန်လိုက်တာ။
Z
Peace B with U.
