တေး

တေး

ရုတ်တရတ်ရွာချလိုက်တဲ့မိုးစက်လေးတွေ စိုစွတ်သွားသလိုမျိုး ....
နူးညံ့တဲ့ ချစ်ခြင်းတရား စိုလက်နေတဲ့တောင်ပံများနဲ့ ပျံထွက်သွားတဲ့ငှက်ကလေးတစ်ကောင်ရဲ့ ပေါ့ပါးမှုမျိုးကို ခံစားနားလည်လာတဲ့တစ်နေ့မှာ .... တိမ်တွေဟာ တကယ်ပြာလဲ့နေခဲ့ပါတယ်။

ကောင်းကင်ကိုမော့ကြည့်ပြီး နွေးထွေးတဲ့ခံစားချက်ကိုပေးတဲ့ကြယ်ကလေး ရှိနေသေးတာ ရခဲသောတရားပဲပေါ့။

ရိုးရှင်းသောစိတ်ရဲ့ ငြိမ်သက်မှုထဲမှာ စကြဝဠာတစ်ခုရှိနေခဲ့တယ်။ သစ်ရွက်ဖျားမှာ တွဲခိုနေတဲ့ မိုးစက်လေး ခုန်ဆင်းလာတဲ့အခိုက်အတန့်ကို ငေးကြည့်နေခဲ့မိတယ်။

ဝင်လုဆဲ နေမင်းရဲ့ ခံစားချက်မျိုးနဲ့ ခုန်ဆင်းလာတာလား၊ တိမ်တွေရဲ့ဖြစ်ထွန်းမှုလို ပဟေဠိဆန်လွန်းနေတယ်။ သိပ်သည်းပြည့်ဝတဲ့ ပီတိရဲ့ပကတိ စုံလင်မှုမှာ ငြိမ်းချမ်းမွေ့လျော်နေခဲ့တယ်။

လူအုပ်ထဲမှာ အထီးကျန်နေသူနဲ့ တစ်ယောက်တည်း ပြည့်စုံသူနှစ်ဦးမှာ ဆုံမှတ်တစ်ခုရှိမနေမှန်း သိသာလွန်းမနေဘူးလား။

အရင်လိုပဲ ဆောင်းနံနက်ခင်းတွေမှာ Beagle ခွေးလေးနဲ့ လမ်းလျှောက်ထွက်နေမိတုန်းပဲ။ သစ်ပင်တွေရဲ့ ဘာသာစကားမှာ ရပ်တန့်ခြင်းဟာ သေဆုံးခြင်းမဟုတ်ခဲ့ပါဘူး။ တိတ်ဆိတ်ခြင်းနဲ့ အသက်ရှူနေခဲ့ရင်၊ တိတ်ဆိတ်ခြင်းနဲ့ ရှင်သန်နေတာပါပဲ။

မှန်ပုံးအသစ်ထဲမှာ ငါးအသစ်တစ်ကောင် ကူးနေပေမယ့် သူ့မျက်လုံးတွေက ကမ္ဘာဦးကအတိုင်း ကျန်ရစ်နေတာ မထူးဆန်းဘူးလား။

ဒါကိုပဲ ငါတို့က နှလုံးသား လောကွတ်ချော်မှုလို့ တရိုတသေသတ်မှတ်ခဲ့ကြတယ်။
ဒါကုိုပဲ ငါတုို့က နှင်းဆီပွင့်ဖတ်လေးရဲ့ဗျာပါဒလို့ တလေးတစား သတ်မှတ်ခဲ့ကြတယ်။

ဒီတေးဟာ မဆုံးသောတေးလို့ပဲ ဆိုကြပါတော့။       ။

With Peace,
Z

Peace B with U.