သင် ဒုက္ခိတဖြစ်သွားနိုင်သည်။

သင် ဒုက္ခိတဖြစ်သွားနိုင်သည်။

ဒီနေ့ညနေ လမ်းကူးရင်း ကလေးမလေးတစ်ယောက် ကားတိုက်မိမလိုဖြစ်တာတွေ့လိုက်တယ်။ ကားလမ်းကူးရင်း ဖုန်းကိုကြည့်နေတာနဲ့ လာနေတဲ့ကားကို မမြင်တာလို့ထင်တယ်။ အင်မတန် အန္တရာယ်များတာပေါ့။ လူတွေမှာ ခွဲခြားသိမြင်နိုင်စွမ်း အင်မတန် နိမ့်ကျကုန်ကြပြီထင်တယ်။

မကြာမကြာ အသိတွေကိုမှာတယ်။ ကားလမ်းကူးတုန်း၊ ဖုန်းမသုံးနဲ့။ လှေကားဆင်းတုန်းဖုန်းမသုံးနဲ့။ ဘဝမှာ မတော်တဆမှုဆိုတာ ရှိနိုင်တယ်။ သတိထားတာ မမှားဘူးပေါ့။

သတိဆိုတာ နိဗ္ဗာန်ရောက်ကြောင်းအထိ အရေးပါတာပဲ။ ကျန်တာတွေ လွန်တာရှိပေမယ့်၊ သတိကိုတော့ လွန်တယ်မရှိဘူးတောင်ပြောကြတယ်။ ပညာလွန်တဲ့သူက ကောက်ကျစ်တာရှိတယ်။ သတိကတော့ လွန်တယ်မရှိဘူး။ လူတွေမှာ တခြားသူတွေ ဖုန်း message ပို့ရင်း လှေကားဆင်းတာ ပြုတ်ကျပြီး ခြေကျိုးတယ်ဆိုတာ ကြားရင် ငါတော့ဒီလိုမဖြစ်လောက်ဘူးလို့ထင်တတ်တယ်။ လူရဲ့သဘောက အဆိုးဆိုရင် ကိုယ့်မှာ မဖြစ်ဘူးထင်တဲ့သဘောရှိတယ်။ ဆရာအောင်သင်းပြောဖူးတာတစ်ခုရှိတယ်။ ကင်ဆာဖြစ်တတ်တယ်ဆိုတာသိပေမယ့် ငါတော့ မဖြစ်လောက်ဘူးထင်တယ်။ ထီကြတော့ ငါပေါက်မှာလို့ထင်တယ်တဲ့။ မကောင်းတာတွေမဖြစ်ဘူး။ ကောင်းတာပဲဖြစ်မယ်လို့ထင်တဲ့ အခြေခံစိတ်ကြောင့်ဖြစ်မယ်။ ဘာပဲဖြစ်ဖြစ် သတိထားလိုက်ပါ။

သွားတာ၊လာတာ၊ ပြောတာ၊ဆိုတာမှာ အေးအေးသာသာပဲလုပ်ပါ။ နည်းနည်းနှေးရင် နှေးပါစေ။ အန္တရာယ်ဖြစ်အောင်မလုပ်မိစေနဲ့။ လမ်းလျှောက်တာလည်း သတိထားရတာပဲ။ မိုးရွာရင်လည်း သတိထားပြီး သွားရတယ်။ လောလောလောလောနဲ့သွားရင် ချော်လဲနိုင်တယ်။ တစ်ချို့ဖိနပ်တွေက သံပြားပေါ်မှာ မိုးရေတင်နေရင် ချော်လဲတတ်တယ်။ တစ်ချို့ဖိနပ်တွေက သမံတလင်းမှာ ရေတင်နေရင် ချော်လဲတတ်တယ်။ ကိုယ်စီးထားတဲ့ ဖိနပ်ရဲ့ အခြေအနေကို သဘောပေါက်ရင် ချော်မလဲဘူး။

ပြီးခဲ့တဲ့ တစ်ပါတ်က အသိတစ်ယောက် သူ့အိမ်နားမှာ ကလေးတစ်ယောက် ဆော့ရင်း လှေကားနားရောက်သွားလုို့ အပြေးအလွှားသွားဆွဲတာ ကလေးကဘာမှမဖြစ်ဘဲ သူ လှေကားပေါ်က ပြုတ်ကျတယ်။ ရှေ့သွားတစ်ခြမ်းပဲ့ပြီး လူလည်းဖူးယောင်သွားတယ်။ စကားတောင် လေသံလေးနဲ့ပဲပြောနိုင်တယ်။ အခုတော့ သက်သာသွားပြီထင်တယ်။

မျက်မှန်သမားတွေချော်လဲရင် မျက်လုံးကို မှန်စိုက်နုိုင်တယ်။ ယောက္ခမကြီး ချော်လဲတုန်းက ရှေ့သွားနှစ်ချောင်းလည်းကျိုးတယ်။ နှုတ်ခမ်းလည်း ဟက်တက်ကွဲသွားတယ်ပြောတယ်။ ကမ္ဘာပေါ်မှာ မဖြစ်ဘူးထင်တာတွေပဲ ဖြစ်နေတာ။ လူများမှာဖြစ်နေတယ်ဆိုရင် ကိုယ့်မှာလည်း ဖြစ်နိုင်တယ်။ သတိထားရတယ်။

ကလေးနှစ်ယောက်လောက်ရှိတဲ့သူတွေဆို မီးပူနဲ့ကပ်မိတာ ခဏခဏကြားရတယ်။ ဆော့ရင်းကပ်မိတာဖြစ်တတ်တယ်။ တူမတစ်ယောက်က လက်မှာ ကပ်မိတယ်။ လောကကြီးကိုက မတော်တဆ ဖြစ်စရာတွေ ပိုများလာတာဖြစ်မယ်။ တော်တော် သတိထားကြရမယ်ထင်တယ်။

မလေးအမျိုးသမီးတစ်ယောက် ဂါဝန်ရှည် စက်လှေကားမှာ ညပ်တာလည်းတွေ့ဖူးတယ်။ မနည်းဆွဲထုတ်ရတယ်။ တစ်ကယ်တမ်းကြတော့ အဝတ်စကလည်း လွယ်လွယ်နဲ့ ဆွဲဆုတ်လို့မရဘူး။ တော်တော်လေး အင်အားသုံးရတယ်။

food court မှာဒေါက်ဖိနပ်နဲ့လျှောက်ရင်း လှေကားဆင်းလာတဲ့တစ်ယောက် သံစကာကွက်ထဲ ဒေါက်ဖိနပ်ညပ်ပြီး ချော်လဲတယ်။ ပြန်ထတော့ စကတ်နဲ့ ဒေါက်ဖိနပ်နဲ့ထပ်ညိပြီး နောက်တစ်ခေါက်ပြန်ပြုတ်ကျတယ်။ တော်တော်နာမှာပဲ။ ဂျင်းဘောင်းဘီကို ခေါက်ပြီးဝတ်တဲ့ အမျိုးသမီးတွေဆိုရင်လည်း ဒေါက်ဖိနပ်နဲ့ ငြိတတ်တယ်။ အဲဒါမျိုးလည်း လှေကားမှာ ဟပ်ထိုးလဲမလိုဖြစ်တာတွေ့ဖူးတယ်။

ကိုယ့်ကိုယ်ကို စိတ်ချမ်းသာအောင်မှ မထားတတ်သေးရင် ဘာပညာမှ မတတ်သေးဘူးလို့မဟာဂန္ဓာရုံဆရာတော်ကြီးက မိန့်ဖူးတယ်။ ကိုယ့်ကိုယ်ကို အန္တရာယ်ကင်းအောင်၊ မတော်တဆမဖြစ်အောင်မှ ဂရုမစိုက်တတ်သေးဘူးဆိုရင်တော့ လူမိုက်တွေပဲလို့များ မိန့်မလားမသိဘူး။

ကိုယ့်အသက်အန္တရာယ်ထက်တော့ ဘယ်ဖုန်းမှ အရေးမကြီးပါဘူး။ ဘယ် game၊ ဘယ်video၊ ဘယ် status မှ အရေးမကြီးပါဘူး။ လှေကားဆင်းတာ သုံးမိနစ်လောက်ပဲကြာတယ်။ ကားလမ်းဖြတ်ကူးတာလည်း နှစ်မိနစ်လောက်ပဲ အများဆုံးကြာတာပါ။ ခဏလောက်သတိလေးထားပြီးလုပ်လိုက်ပါ။ အဲဒီလို ပေါ့တီးပေါ့ဆလေးတစ်ခုက တစ်သက်လုံး ဒုက္ခိတ ဖြစ်သွားစေနိုင်တယ်။ သေရင်လည်း သေသွားစေနိုင်တယ်။ အဲဒါကို အလေးအနက်ဆင်ခြင်ကြစေချင်တယ်။

လူဟာ အသိဉာဏ်ကို မသုံးကြတော့ဘူး။ ခံစားချက်တွေ၊စွဲလန်းမှုတွေနဲ့ပဲ ရှင်သန်ကြတော့တာတွေ့တယ်။ ပတ်ဝန်းကျင်မှာ ဘာတွေဖြစ်နေလဲ မေ့ကုန်တယ်။ အဲဒါ လူ့အဖြစ်က လျောကျနေတာပဲ။ လူဟာ သတိမရှိတဲ့အခိုက်မှာ တိရိစ္ဆာန်သဘာဝပဲ။ အဲဒါ သိပ်အန္တရာယ်များတယ်။ မိုးကုတ်ဆရာတော်ကြီး အလိုအရတော့ မောဟနဲ့သေ ပြိတ္တာဖြစ်တာပဲ။ ပြိတ္တာဆိုတာ အရပ်အခေါ် သရဲပဲ။ မောဟဟာ အကုသိုလ်စိတ်ပဲ။ အရက်သောက်ရင် အကုသိုလ်လို့ပြောတာ၊ သောက်ပြီး မကောင်းမှုလုပ်လို့ပြောတာမဟုတ်ဘူး။ သောက်လိုက်တဲ့အခါ သတိကင်းလွတ်ပြီး မောဟထူထပ်လာလို့ အကုသိုလ်ဖြစ်တယ်ပြောတာပဲ။ မောဟဟာ အမှန်ကို မသိမှု အဝိဇ္ဇာဖြစ်စေတယ်။ အဝိဇ္ဇာပစ္စယာ သင်္ခါရ ဖြစ်ပြီး မသိမှုနဲ့ လျှောက်လုပ်ရာက ဘုံဘဝတွေရောက်ကုန်တာပဲ။ အဲဒီပဋိစ္စသမုပ္ဗါဒ်လည်တာလည်းဆိုးသလို ၊မသိမှုမောဟနဲ့ဖုန်းလေးပွတ်ရင်း ကားလမ်းကူးရာက လေထဲမြောက်တက်သွားတဲ့ ဒုက္ခကလည်း သေးမှာမဟုတ်ဘူး။ စင်ကာပူမှာ အသေးစားနဲ့ အလတ်စား အော်ပရေးရှင်းလေးလောက်လုပ်ရရင် ငါးထောင်အထက်လောက်ကုန်မယ်။ အခန့်မသင့်ရင် ဒုက္ခိတဖြစ်မယ်။ မဖြစ်ခင်ဆင်ခြင်ကြပါ။ ဖြစ်သွားမှ နောင်တမရကြပါနဲ့။

ဒါတွေကို ဘယ်သူမှ မပြောကြဘူး။ အရင်တုန်းကဆို ပြောဖုို့ဆန္ဒမရှိဘူး။ အန္ဓတွေလို့ပဲထင်တယ်။ အသက်ကြီးလာတော့ နားထောင်တာ မထောင်တာ သူတုို့အလုပ် ကောင်းတာ၊မှန်တာပြောဖို့ ငါ့အလုပ်လို့တွေးလာတယ်။ အပ္ဗမာဒေါ အမတံ ပဒံဆိုတာရှိတယ်။ မမေ့လျော့ခြင်းသည် မသေခြင်း၏ အကြောင်းတည်းဆုိုတာ။ အဲဒါက လောကုတ္တရာမှာဆိုရင် မသေခြင်းတရား၊ နိဗ္ဗာန်ရောက်ကြောင်းလည်းဖြစ်သလို လောကီမှာတော့ သွားနေ၊လာနေတုန်းသတိထားခြင်းအားဖြင့် မတော်တဆမှုမဖြစ်ကြောင်းတရားလည်းဖြစ်တယ်။

အဲဒီလို သတိမေ့နေတဲ့သူတွေ တွေ့ရင် သတိပေးလိုက်ကြပါ။ တစ်ခါတစ်လေကြရင် မုန်းမှာမကြောက်ပါနဲ့။ မှန်တာ၊ပြောသင့်တာကို အမုန်းခံပြီး ပြောတဲ့ လူကြီးလူကောင်းတွေ များများလိုနေတယ်။ ပြောတဲ့အခါမှာ ကရုဏာလေးနဲ့ပြောဖို့တော့ သတိထားပေါ့။ ကျန်တာတွေတော့ သူ့သဘောနဲ့သူပဲ။ မကြိုက်လည်း မတတ်နိုင်ဘူး။

သတိထားတော်မူနုိုင်ကြပါစေ။

Regards,
Z

Peace B with U.