လှောင်အိမ်မှ၊ လှောင်ခြင်းမှ
စာကလေးလွှတ်ခြင်းဟာ စာကလေးဖမ်းခံရခြင်းကို အားပေးတယ်။
ယာယီဖြေရှင်းနည်းဟာ တာရှည်အောင်ပွဲမခံနိုင်ခြင်းကို ဖြစ်စေတယ်။
စာကလေးဖမ်းဆီးခြင်းအလေ့အထပျောက်ဖို့၊ စာကလေး မလွှတ်ခြင်းအားဖြင့်ဆန့်ကျင်ရမယ်။ ဝယ်လွှတ်တဲ့သူမရှိရင် ဖမ်းတဲ့သူမရှိတော့ဘူး။ ဝယ်လွှတ်တဲ့သူရဲ့ မြင့်မြတ်တဲ့စိတ် (ဒါမှမဟုတ်) ဝယ်လွှတ်နိုင်စွမ်းအားကို သာယာတဲ့လောဘ (ဒါမှမဟုတ်) မိမိအတ္တကို ငှက်ထဲမှာ ထည့်လွှတ်ချင်စိတ်၊ စတာတွေအတွက် စာကလေးဖမ်းတဲ့သူတွေရှိလာကြရတာပဲ။
စာကလေးတွေဟာ လယ်သမားတွေအတွက်တော့ အဖျက်သမားတွေပဲ။ လယ်သမားတွေဘက်ကကြည့်ရင်တော့ စာကလေးတွေ ဖမ်းလိုက်တာဟာ စပါးနှံတွေကာကွယ်ရလွယ်ကူသွားစေတာပဲ။
စာကလေးကြော်ရောင်းတဲ့သူအတွက်တော့ တစ်ကောင်ကို ၅၀ ထက်ပိုမပေးနိုင်တဲ့စာကလေးကို ဘာလို့ ၂၀၀ ပေးပြီးလွှတ်သလဲဆိုတာ စဉ်းစားစရာ။
စာကလေးတွေဟာ ဘယ်ကိုမှန်းမသိပျံသွားပြီး၊ ဘယ်ကမှန်းမသိ ပြန်လာကြဦးမယ်။ ဗိုလ်ချုပ်ဈေး လူကူးဂုံးကျော်တံတားပေါ်မှာ လှောင်အိမ်ထဲပြန်ဝင်လာပြီး ပြန်အလွှတ်ခံကြရဦးမယ်။ စာကလေးတွေကို သနားတဲ့သူတွေရှိရင် ပိုကြီးတဲ့ ဆတ်ရတ်တို့၊ ဗျိုင်းတို့ကိုဆို ပိုက်ဆံ ၅၀၀၊ ၁၀၀၀ ပေးလွှတ်ကြမယ်လို့တွေးတယ်။ အဲဒီတော့ဖမ်းလာကြပြန်ရော။ ဒီအတိုင်းချဲ့တွေးရင် ရှူးပျံသာ ဖမ်းလာနိုင်ရင် ဒေါ်လာ တစ်သိန်းလောက်နဲ့ လွှတ်မယ့်သူရှိမယ်ထင်တယ်။
လွှတ်လိုက်ပေမယ့်လည်း မလွတ်ပါဘူး။ (နိုင်/ကျဉ်းတွေလိုပဲ။)
ဒီလူက လွှတ်လိုက်ပေမယ့်၊ ဟိုလူက ပြန်ဖမ်းနိုင်သေးတယ်။ သံသရာနဲ့တွက်ရင် လွှတ်ခြင်း၊ဖမ်းခြင်းဟာ အဆက်မပြတ်တော့ဘူး။
တစ်ချိန်မှာတော့ ကျွန်တော်တို့ ရပ်တန့်ရမှာပဲ။ ဖမ်းနေတဲ့သူတွေ ရပ်မှာလား။ လွှတ်ချင်တဲ့သူတွေရပ်မှာလား။ လွတ်လပ်ရေးအစစ်အတွက် ယာယီအနစ်နာခံလိုက်ရတော့မယ့် စာကလေးတွေကို ဆာဘွဲ့ပေးရင်ကောင်းမလား။ Knight ဘွဲ့ပေးရင်ကောင်းမလား။ အစာအိမ်ရဲ့ ပူလောင်မှုဟာ အကုသိုလ်စေတသိက်တွေကို လောင်ကျွမ်းစေတာပဲ။ ကံပစ်ချလိုက်တဲ့နေရာကနေ ဘဝကိုဖြတ်သန်းရတာပဲ။ ကိုယ်စားနေတဲ့ငါးအသေဆိုတာ သတ်ပေးတဲ့သူရှိလို့ ပံ့သကူဖြစ်နေတာပဲ။ စားတဲ့သူရှိလို့ သတ်တဲ့သူရှိတာပဲ။ သတ်တဲ့သူရှိလို့ စားနေတာလို့ ဆင်ခြေပေးနိုင်ပေမယ့် ကျွန်တော်တို့လည်း စိတ်မလုံလှဘူး။
ကျောင်း၊ကန် ဘုရား ဒါယကာဖြစ်တာကသက်သက် အပါယ်လားတာက သက်သက်ပဲ။ စိတ်ထဲနောက်ဆုံးဖြစ်တဲ့အပိတ်ဂိုးသွင်းသွားတဲ့ ဇောစိတ်တွေနဲ့ပဲ ပြိတ္တာဖြစ်ကြ၊ ငရဲဘုံရောက်ကျဖြစ်ရတာပဲ။ သောတာပန်လည်း စစ်တိုက်တဲ့ နတ်ဘီလူးဖြစ်တယ်ပြောတယ်။ အဲဒီလိုသာဆိုရင် စစ်ဖြစ်ရင် အတော်ဂွကျကုန်မယ်။ မသေအောင်ထိုး၊ မထိအောင်ခုတ်နေတာနဲ့ နတ်စစ်သည်ကြီး ဂွကျနေမှာပဲ။ ဖမ်းထားတာတွေ ဘယ်တော့ လွှတ်လိုက်ရင်ကောင်းမလဲ။
လူတွေရဲ့စိတ်ဟာ ဒဏ်ရာတွေကို ပိုသိမ်းထားတယ်။
ဖမ်းထားခြင်း ပုံစံတစ်မျိုးထင်တယ်။
ဘယ်လောက်ပေးမှ လွှတ်ကြမယ် စိတ်ကူးလဲ။
ခံစားချက်တွေကို သိုလှောင်နေသေးသ၍တော့ ငြိမ်းချမ်းမှုအစစ်ဟာ ရောက်မလာနိုင်ဘူး။
ဝင်လေထဲမှာ ဘာမှပါမလာဘူး။
ဒါပေမယ့် ဝင်လေမရှိရင် အသက်ရှူကြပ်မှာပဲ။
အသက်ရှင်သန်ခြင်းအတွက် အသုံးပြုရ၊လောင်ကျွမ်းရတဲ့ ဝင်လေကိုလည်း သိမ်းထားလို့မဖြစ်ဘူး။
ပြန်ထုတ်ပစ်လိုက်ရတာပဲ။
ချစ်ခင်သူတွေ၊ ဝင်လေနဲ့ ရောက်လာပြီး
ထွက်လေနဲ့ ထွက်ခွာသွားတာပဲ။
ဖမ်းထားဖို့ မလိုပါဘူး .................။ သဘာဝတရားမှာ ယာယီပိုင်ဆိုင်မှုပဲရှိတယ်မဟုတ်လား။
ယာယီကို အပိုင်လိုချင်လာတဲ့တစ်နေ့ ဒုက္ခရောက်တာပါပဲ။
ဖမ်းထားချင်တဲ့စိတ်နဲ့ နှောင်ဖွဲ့ရင် သောက ရောက်ရတာပါပဲ။
ပိုင်ဆိုင်ခြင်းဟာ ပျောက်ဆုံးသွားနိုင်လို့ ဒုက္ခဖြစ်သလို၊ တကယ်ပျောက်ဆုံးသွားရင်လည်း သောကဖြစ်ရတာပါပဲ။ တန်ဖိုးရှိတဲ့ အခိုက်အတန့်တွေကို အဖိုးမတန်တဲ့ ဖမ်းဆီးခြင်းတွေနဲ့ ကုန်လွန်နေရင် အချိန်တွေကုန်သွားတာပါပဲ။
ပိုင်ဆိုင်ဖို့ ဖမ်းဆီးကြပေမယ့်၊ ပိုင်ဆိုင်ခြင်းနဲ့ ပျော်ရွှင်မှုကို မရကြဘူး။
ပျံသန်းနေတဲ့ ငှက်တွေကို ဖမ်းဆီးဖို့ မလိုတော့ဘူး။
ဖြတ်သန်းသွားနေတဲ့ အာရုံနဲ့ ဒွာရရဲ့ ထိခတ်မိသံတွေကို ဖမ်းဆီးထားဖို့မလိုတော့ဘူး။
လွတ်လပ်တဲ့သူဖြစ်ဖို့ ................ ဖမ်းဆီးချင်တဲ့ စိတ်ကို ဖမ်းဆီးရလိမ့်မယ်။
အေးချမ်းတဲ့သူဖြစ်ဖို့ .................. ဝယ်လွှတ်ချင်စိတ်ကို ဝယ်လွှတ်ရလိမ့်မယ်။
ယောနိသော မနသီကာရ စောင်းကြိုးတို့သည် ကီး C ၌ ညီ၍ နေကြလေသည်။
ဖမ်းဆီးခြင်းမရှိ၊ ဝယ်လွှတ်ခြင်းလည်းမရှိ၊
အေးချမ်းလိုစိတ်လည်းမရှိ၊ ပူလောင်ခြင်းလည်းမရှိ၊
ငြိမ်းအေးလိုစိတ်လည်းမရှိ၊ ရုပ်နာမ်ဓမ္မ သင်္ခါရတို့အပေါ် တွယ်တာလိုစိတ်မရှိ။
ငါလည်းမရှိ၊ မိမိလည်းမရှိ၊ သူတစ်ပါးလည်းမရှိ၊ ယောကျာ်း၊ မိန်းမမရှိ။
တိတ်ဆိတ်သောစိတ်သည် အလင်းတရား၌ အသင့်အတင့် ပျော့ပြောင်းစူးစိုက်စွာ တည်ငြိမ်နေ၏။
ကြည်လင်နေ၏။
လင်းလက်နေ၏။
နူးညံ့ဝင်းပနေ၏။
Regards,
Zephyr
Zephyr
Peace B with U.
