ခေါက်မုန့်စားခြင်းအနုပညာ
အခုတလော တရုတ်နှစ်ကူး နီးလာပြီဆိုတော့ ခေါက်မုန့်တွေ ပိုရောင်းလာကြတာတွေ့တယ်။
ကြက်ဥခေါက်မုန့်ကို ပိုက်လုံးလို အလိပ်လေးလုပ်ထားတဲ့ သရေစာ မုန့်လေးပေါ့။ (Love Letters snacks ဆိုပြီးရှာကြည့်လိုက်ရင် ဦးဂူဂယ်လ်က ပုံတွေပြပေးပါလိမ့်မယ်။)
ခေါက်မုန့်စားရင်း၊ ငယ်ငယ်တုန်းက ကျောင်းရှေ့မှာ ခေါက်မုန့်ရောင်းတဲ့ အဘိုးအို တစ်ယောက်ကို သတိရလာတယ်။ အဘိုးက အသက်ကြီးလွန်းပြီ။ ခါးကလည်း ကိုင်းနေပြီ။ မျက်လုံးကလည်း သီရီမှုန်ဝါးနေပြီ။ သံပုံးလေးကို မနိုင့်တနိုင်လွယ်ပြီး မုန့်စားဆင်းချိန်လောက် အမီလာပြီး ဈေးရောင်းတယ်။ လေလုံအောင် ပိတ်ထားတဲ့ လေထောင့်သံပုံးထဲမှာ ခေါက်မုန့်တွေပါတယ်။ ခေါက်မုန့်ကို ဘာလို့ ခေါက်မုန့်လို့ခေါ်လဲဆိုတာကို ကလေးဘဝမှာ မစဉ်းစားကြဘူး။ အပြေးသွားပြီး ဝယ်တာပဲ။ ဘယ်နှစ်ကျပ်လောက် ပေးရသလဲတောင်မသိတော့ဘူး။ တစ်ကျပ်၊ နှစ်ကျပ်လောက်ဖြစ်မယ်ထင်တယ်။
အဘိုးဟာ နေပူပူမှာ လမ်းလျှောက်လာရတာကို မှတ်မိတယ်။ သူဆောင်းတဲ့ မီးခိုးရောင် အုပ်ထုပ်အနွမ်းလေးဟာ ကြေးအထပ်ထပ်နဲ့ညစ်ပတ်နေပြီ။ သူဝတ်တဲ့ ရှပ်အင်္ကျီရဲ့သက်တမ်းဟာ ပြန်ချုပ်ထားတဲ့ အပ်ချုပ်ရာတွေအရ နှစ်ကာလကြာလွန်းနေပြီဆိုတာ သိသာနေပြီ။ သူ့ဘဝကို သူဖြတ်သန်းတယ်။ သူ့ဝမ်းကို သူကျောင်းတယ်။ သူ့လက်မှာ ကြေးခေါင်းလောင်းလေးတစ်လုံးပါတယ်။ အသံသိပ်သာတယ်။ ဒီခေါင်းလောင်းသံနဲ့ ခေါက်မုန့်အရသာကို တွဲဖက်မှတ်မိနေတတ်တယ်။
သံပုံးထဲက ခေါက်မုန့်ကို သူထုတ်ပေးတဲ့အခါ အဘိုးလက်တွေဟာ တုန်နေတာတွေ့တယ်။ အသက်အရွယ်အရ တုန်တယ်ဆိုတာတော့သိတယ်။ ဘေးနားမှာ ကပ်လျက်သားရှိနေတဲ့ ခေါက်မုန့်တွေမထိခိုက်၊ မကျိုးပဲ့အောင် သတိနဲ့ ဖြည်းဖြည်းချင်းထုတ်ယူတာ သတိထားမိတယ်။ ဒီခေါက်မုန့်တွေဟာ သူ့ဘဝရဲ့ အစိတ်အပိုင်းတစ်ခုဖြစ်ပုံရတယ်။
အဘိုးမှာ သား၊သမီးမရှိဘူးလား။ မြေး၊မြစ်မရှိဘူးလား။ ပြန်စောင့်ရှောက်မယ့် ဆွေနီးမျိုးစပ်မရှိဘူးလား။ တစ်ခါတစ်ခါတွေးမိတယ်။ နေ့လည်မုန့်စားဆင်းချိန်တိုင်း ရောက်ရောက်လာတဲ့ အဘိုးအိုတစ်ယောက်၊ သံဖြူပုံးလေးတစ်ပုံး၊ ခေါင်းလောင်းလေးတစ်လုံးဟာ ကျနော့်ငယ်ဘဝမှာတော့ သိပ်ကို အမှတ်တရဖြစ်ခဲ့တာပဲ။
ဒီလိုနဲ့ တစ်ချိန်မှာ သူရောက်မလာတော့ဘူး။
ချိုးကလေး ကဗျာထဲမှာ ပြန်မလာတော့တဲ့ ချိုးကလေးအကြောင်းတွေးပြီး ဝမ်းနည်းမိသလိုပဲ၊ မုန့်စားဆင်းချိန်မှာ အဘိုးကို စောင့်ရင်း ကျနော် ဝမ်းနည်းနေခဲ့ဖူးတယ်။
ဒါဟာ လွတ်လမ်းလား။ လောကဓံတရားရဲ့ အရေးပေါ်ထွက်ပေါက်လား။ ဇရာရဲ့ နောက်တစ်ဘူတာလား။ တစ်ခုခုဖြစ်ကောင်းဖြစ်မယ်။
အခု ခေါက်မုန့်စားရင်း အဘိုးကိုပြန်သတိရတယ်။ သူ့သံပုံးလေး၊ သူ့ခေါင်းလောင်းလေးဟာ အရင်လိုပဲ။ ဘဝထဲက ပျောက်ကွယ်သွားတဲ့သူတွေကို မမေ့မချင်း သူတို့ဟာ ကိုယ့်အတွက် ရှင်သန်နေသေးတယ်ဆိုတာ အဟုတ်ပဲ။ အဘိုးသွားတဲ့ ခရီးကို ကျနော်တို့သွားရဦးမယ်။ တစ်နေ့လည်း ပျောက်သွားရဦးမယ်။ တစ်နေ့လည်း ခေါင်းလောင်းလေးကို လွှတ်ချ၊ သံပုံးလေးကို ထားခဲ့ရဦးမယ်။ လောလောဆယ်တော့ ခေါက်မုန့်ရဲ့အရသာက ငယ်ဘဝကို ပြန်ခေါ်သွားနေတုန်း။ ။
Regards,
Peace B with U.
