ဒိုင်ယာရီများသည် သင့်ကိုခြောက်လှန့်နေသော horror film တစ်ခုလည်းဖြစ်နေတတ်သည်။ သည်အဆိုကို မည်သူပြောသွားခဲ့မှန်းမသိတော့။ သိနေခြင်း၏ ဒုက္ခများအကြောင်းသိနေခဲ့ပြီးဖြစ်သည်။ ဒိုင်ယာရီစာအုပ် ခုနစ်အုပ်၊ သို့မဟုတ်၊ ၁၇ အုပ်ရေးခဲ့သည်ဟုထင်နေမိသည်။ မသေချာတော့။ မသေချာသောအရာများကို သိနေခြင်းသည် မသိခြင်းထက်မသာပါ။ မသိခြင်းသည်မသာ၊ တစ်နည်းအားဖြင့် မသိမသာဖြစ်နေသော သိနေခြင်းနှင့် မသိခြင်းတို့၏ထောင့်ချိုးမှာ အနားညီရန်၊သို့မဟုတ်၊ အနားပြိုင်ရန်မလိုအပ်တော့ပါ။
resume' မရေးဘဲ ဒေါ်လာငါးထောင်ရသော အလုပ်တစ်ခု မြန်မာပြည်တွင်ရနိုင်မှန်းမသိခဲ့၍ စင်ကာပူသို့ထွက်လာခဲ့မိသည်။ သို့သော် အနည်းဆုံး လိုအပ်ချက်မှာ အကျယ်ချုပ် ရှစ်နှစ်ဆို၍ တော်ပါသေးရဲ့ဟုတွေးမိသည်။ အလုပ်အကိုင်သည် သင့်ကို မည်သို့မျှ ထူးခြားမသွားစေပါ။ မထူးခြားစေပါ။ မထူးမခြား မပြောင်းမလဲစေပါ။ ကျွန်တော်တို့သည် သုံးဆယ့်တစ်ဘုံတွင် stress များသော ဘုံဟုဆိုပါသည်။ ဟုတ်သလားသေချာမသိပါ။ သေချာမသိသောအရာများကို ရေးခြင်းမှာ မြန်မာဆန်လိုခြင်းကြောင့်ဖြစ်ပါသည်။ တခြားရည်ရွယ်ချက် လားလားမျှမပါပါ။
အလွန်လျှင်မြန်သော ကမ္ဘာကြီးပေါ်တွင် ထပ်ပြန်တလဲလဲပြသနေသော ဇာတ်ကားတစ်ကားမှာ နိုင်ငံရေးအနည်းငယ်ပါသော ၀ိုင်းကြီးပတ်ပတ်ဒူဝေေ၀ ဇာတ်ကားဖြစ်သည်။ ဒီလိုပဲ လှည့်ပျော်နေတော့မှာလား။ အနည်းဆုံး သေသည်အထိ။ ဘေးမှနေ၍ လက်ခုပ်တီးနိုင်သလောက်သာတီးပေးပါ။ အချိန်ကုန်မခံပါနှင့်။
လူဆိုသည်မှာ ပင်ကိုအားဖြင့် နိုင်ငံရေးအကောင်တစ်ကောင်ဖြစ်သည်(man is by nature a political animal)ဟု အရစ်တိုတယ်မှ ပြောခဲ့ပါသည်။ လူဆိုသည်မှာ ပင်ကိုအားဖြင့် ပိုက်ဆံချေးသော သတ္တ၀ါလည်းဖြစ်ပါသည်(Zephyr) ။ ပိုက်ဆံချေးသည် ဖြစ်စေ၊ နိုင်ငံရေးလုပ်သည်ဖြစ်စေ ယုံကြည်မှုတော့လိုအပ်ပါလေသည်။ နိုင်ငံရေးဆိုသည်မှာ ရှစ်ဂိုး-ဂိုးမရှိ နိုင်နေသော အသင်းဘက်မှ နောက်ဆုံးမိနစ်အနည်းငယ် လူစားဝင်ကစားခြင်းမျိုးလည်းဖြစ်ပါတယ်။ အခန့်မသင့်လျှင် မိနစ်အနည်းငယ်ကစားရုံမျှဖြင့် ဖလား ရနိုင်ပါသည်။
အပြောင်းအလဲများသည် ပြင်းထန်ရက်စက်နေသည်။ အပြောင်းအလဲများသည် မတည်ငြိမ်မှုကိုဖြစ်ပေါ်စေပြီး၊ မတည်ငြိမ်မှုများသည် အပြောင်းအလဲများကို ထပ်မံဖြစ်ပေါ်စေသည်။ မြန်မာ ဇာတ်ကားများထဲမှ လူဆိုးဗိုလ် ရဟန်းပြုသွားသော ဇာတ်ကွက်ဖြစ်သည်။ ဓားမများဖြင့် ၀ိုင်းလာသော ရပ်သူရွာသားများ ဦးချပြန်သွားရသော အခန်းဖြစ်သည်။ မြန်မာလူမျိုးများသည် အယုံလွယ်လေသည်ဟု သူ ကြိတ်ပြုံးနေမည်လား။ သံသရာကြွေးဟုသာ ယူလိုက်လျှင်ကိစ္စအေးမည်ဖြစ်ပါသည်။ သံသရာကြွေးဆိုသည်မှာ compounder များ စဉ်းစားရကြပ်လာလျှင် ပေးလိုက်သော ရောင်စုံဆေးလုံးများပမာ နေရာတကာတွင် အသုံးဝင်လှပါသည်။ သူ့အပြုံးမှာလည်း ချိုသာလှပါသည်။
ရွာရိုးသည် ကိုးပေါက်သာရှိသည်။ ကိုးကုန်း၊ ကိုးကျင်း လျှောက်သွားနေသူတစ်ယောက် ကိုးရိုးကားယားဖြစ်နေဟန်တူသည်။ ဒီမိုကရေစီသည် တစ်ဦးချင်းဝင်ငွေများ မြင့်တက်လာရေးအတွက် တစ်ခုခု တော့ လုပ်ပေးမှာပါနော်ဟု မေးနေသော ဇာတ်ရုံနောက်နားမှာ အဘွားအိုကြီးအတွက် ကျွန်တော်တို့တွင် အဖြေရှိနေပြီလား။ ကောင်းလာမှာပါ ဟူသော စကားတစ်ခွန်းသည် ရာစုနှစ်အနည်းငယ်ကို ဖြတ်ကျော်ရဦးမည်ထင်ပါသည်။ အခြေခံအဆောက်အအုံများမရှိလျှင် ပိုးသာကုန်နေဦးမည်ဖြစ်သည်။ တွင်းထွက် သယံဇာတသည် အကန့်အသတ်ဖြင့်သာ ရနိုင်သော အိမ်မက်ချိုမြလေးဖြစ်ပါသည်။ အိပ်ရာမှ နိုးထလာသည့်အခါ၊ သင့်ကို ထပ်ပေးစရာ တွင်းထွက်များမရှိနိုင်တော့ပါ။
ပညာရေးသည်အဓိကပဲဟု မာန်သွင်းအော်ဟစ်ပြီး ခုန်ပျံကန်လိုက်လျှင် 9 mm အုပ်ကြွပ်တစ်ချပ်တစ်လေတော့ ကွဲကောင်းကွဲပါလိမ့်မည်။ သို့သော် ရှည်ကြာစွာ တံတိုင်းဖြစ်နေသော ပညာရေးချွတ်ခြုံကျမှုအတွက်တော့ အားနာစရာကောင်းလောက်အောင် ပျော့သော ကန်ချက်ဖြစ်ပေလိမ့်မည်။ ပညာရေးသည် ထင်တာထက် လေးသော အလေးများဖြစ်ပါသည်။ တော်ရုံတန်ရုံဖြင့်မလိုက်လျှင် ကြွက်သားနာကျင်မှုမှ သေရာပါ ခါးနာရောဂါအထိဖြစ်သွားနိုင်ပါသည်။
ကိုမင်းထင်၏ အင်းသီးသည် စိတ်ထဲ ၀င်ဝင်နေသည်။ ဒီကိစ္စကို သူဖော်ထုတ်ခဲ့သည်။ ပိုးသတ်ဆေး အလွန်အကျွံသုံးထားသည့် ခရမ်းချဉ်သီးလှလှလေးများကို ကျွန်တော်တို့ ပျော်ရွှင်စွာစားသောက်ခဲ့ကြပြီးဖြစ်သည်။ စားသောက်နေကြဆဲလည်းဖြစ်သည်။ ကျန်းမာရေးစောင့်ရှောက်မှုဆိုသော စကားလုံးမှာ အလွန်နားဝင်ချိုသော နားကြပ်တံ တစ်ခု၏ အမည်ဖြစ်ပါသည်။ ခရမ်းချဉ်သီးဆေးဖြန်းနေပုံကိုကြည့်ရင်း ဘုရားတမိသည်။ ဒီကားကို အကြောင်းမဲ့ပိတ်ထားခဲ့သော စေတနာကိုလည်း နာလည်သလိုရှိလာသည်။ စိုက်ပျိုးရေးနည်းပညာဆိုသည်မှာ ရုပ်မြင်သံကြားမှပြသနေသော utopia မှ လယ်သမား၏ ၀င်ငွေများ တရိပ်ရိပ်တိုးတက်နေခြင်းဟုသာ ယုံကြည်စေချင်မိသည်။ ရေခြံများတွင် ခရမ်းချဉ်သီးများ ၀င်းမွတ်သီးပွင့်နေသည်။ ပန်းချီဆွဲရန်၊ ဓာတ်ပုံရိုက်ရန်အတွက် အင်မတန်သင့်တော်သော ခရမ်းချဉ်သီးများဖြစ်ပါသည်။ စားသုံးရန်အတွက် စစ်ဆေးကြည့်ဖို့တော့လိုမည်။ မြန်မာနိုင်ငံသားများ၏ အစာအိမ်သည် ပိုးသတ်ဆေးကို အတန်အသင့်ခံနိုင်ရည်ရှိနေပြီထင်သည်။
မကြာခဏ စိတ်မကောင်းဖြစ်ရသည်။ ထိုအခြေအနေမှ လွန်မြောက်လာသောအခါ စိတ်မကောင်းဖြစ်ရသည်ကိုပင် သိပ်မကြိုက်လှတော့။ ပြောင်းလဲနေသောခေတ်ကြီးတွင် ရပ်တန့်နေသော လူမျိုးစုတစ်စုပမာ။ ခေတ်ပြောင်းချိန်သည် လူသားများအတွက် အန္တရာယ်ရှိတတ်ပါသည်။ ထင်မှတ်မထားသော ဘေးဆိုးများဖြစ်ပါသည်။ လောကကြီးသည် ပြောင်းလဲနေပါသည်။ စိတ်များ၊ ကုသိုလ်များ၊ အကုသိုလ်များအားလုံး evolve ဖြစ်နေပါသည်။ အတွေးများကို နည်းအောင်ထားဖို့ ကြိုးစားလာပါသည်။ သက်တမ်းတစ်ဝက်ခန့်ကုန်သွားပြီဖြစ်သည်။ နောက်ထပ် ခံစားရသော အဖြစ်အပျက်များကို မတုန်မလှုပ်ဖြစ်စေရန် ကိုယ့်ကိုယ်ကို ပြင်ရန်သာရှိပါသည်။ ဒုက္ခတရား၏ အခန်းဆက်ပြကွက်များတွင် မျောပါမသွားချင်တော့ပါ။
မအိုဆေးဟာ သီလ၊
မနာဆေးဟာ သမာဓိ၊
မသေဆေးဟာ ပညာ ဟု အရှင်ဆေကိန္ဒ တရားဟောနေသည်။ ထိုဆေးများဖြင့် allergic ဖြစ်နေသော ခေတ်တစ်ခေတ်၏ သံလှောင်အိမ်အတွင်းမှ စူးစူးဝါးဝါးဟစ်အော်လိုက်သော သားရိုင်းတစ်ကောင်၏ အသံကိုလည်း ကြားနေရသည်။ အကန့်အသတ်ဖြင့်သာရရှိသော ရှင်သန်ခြင်းတရားအတွင်းသို့အဆင်သင့်မဖြစ်မီ ရောက်ရောက်လာတတ်သော သေခြင်းတရား၏ အေးစက်သော လက်တစ်စုံအကြောင်း ပြန်ပြောင်းတွေးတောရင်း၊ ငြိမ်သက်နေမိခဲ့သည်။ ။
Regards,
The Gardener
Notes
Thanks bro, ye ye ne for cute and creative design
Peace B with U.
