အောက်ဆီဂျင်ပါသောနေ့များ
သောကြာနေ့မှာ ပေါ့ပေါ့ပါးပါး ပို့စ်တင်တင်လိုက်တယ်။ အခုတလော သစ္စာနီရဲ့ ဗြုတ်စဗျင်းတောင်း ရီးဗျူးဖတ်ရင်း အဲဒါမျိုးတွေရေးရင်ကောင်းမလားစဉ်းစားနေတယ်။
၁။ သာသာယာယာ။
မနေ့ညက Cars 2 သွားကြည့်ဖြစ်တယ်။ Mater က အဓိက ဇာတ်ဆောင်ဖြစ်သွားတယ်။ ပိုလည်းရယ်ရတယ်။ အခုတလော မိန်းမက သဘောကောင်းပြီး ရုပ်ရှင်တွေဘာတွေလိုက်ကြည့်နေတော့ ပျော်စရာပိုကောင်းလာတယ်။ အိမ်မှာတော့ ချစ်စရာ့ ပျိုကညာဆိုလား တရုတ်ကားတစ်ကားကို သူကြည့်နေတာ တစ်နှစ်ပြည့်တော့မယ်။ အခုအထိ မပြီးသေးလို့ ဒီလောက်တောင်ရှည်သလား မေးမေးနေရတယ်။ Cars ကို သူလည်းသဘောကျတာနဲ့ Cars 2 ကို လိုက်ကြည့်တယ်ထင်တယ်။ Animation မို့လို့ကြည့်တာလည်းဖြစ်နိုင်တယ်။ ပျော်စရာ ကာတွန်းကားလေးပါပဲ။ ဒီကားမှာတော့ စပိုင်တွေ ပါလာတော့ ပိုပြီးကြည့်လို့ကောင်းတယ်။ ဟာသတွေကလည်း ပိုရယ်ရတယ်။ Pixar ကထုတ်တဲ့အတွက် အင်မတန်မှ ကြည်လင်ပြတ်သားတယ်။ အသက်ဝင်တယ်။ 3D ကြည့်ရင်ပိုကောင်းနိုင်တယ်။ ကျွန်တော်ကတော့ 3D မကြိုက်တဲ့အတွက် 2D ပဲအားပေးတယ်။
၂။ ပလာတာ၊ ပြည်ကြီးငါး၊ နှင့် ကျားအိမ်ထောင်ရှင်
အခုတလော ဈေးသွားဝယ်ဖြစ်တယ်။ တွန်းလှည်းလေးသယ်သွားတဲ့နေ့ဆို ပြန်လာရင် တွန်းလှည်းအပြည့်ပဲ။ ဘာတွေ ၀ယ်လာမှန်း အိမ်ပြန်ရောက်မှ ထုတ်ကြည့်ရင်းပြန်စဉ်းစားရတယ်။ japan home က ဈေးပေါပြီး ချစ်စရာကောင်းတာတွေ တော်တော်များများလည်း အိမ်ရောက်နေပြီ။ ဟင်းချက်တဲ့နေရာမှာလည်း အခုဆို လက်ထောက် ရာထူးလောက်ရောက်ပြီ။ ပုစွန်ခွာတာတို့ ပြည်ကြီးငါးလှီးတာတို့ ငရုပ်ဆုံထောင်းတာတို့မှာ certified ဖြစ်ပြီ။ ကြက်ဥကြော်နဲ့ ပလာတာကြော်မှာတော့ distinctions ပါထွက်တယ်။ (flying colors နဲ့) ပျံသန်းနေတဲ့အရောင်များစွာနဲ့ တောက်တောက်ပပ အောင်မြင်မယ့်သဘောရှိတယ်။
၃။ နည်းနည်းတော့ရူးနေတယ်။
MPH မှာ စာအုပ်ဝယ်ရင်း classics တွေကို သုံးအုပ်တစ်ဆယ်ဆိုတော့ ကြိုက်တာ သုံးအုပ်ယူလိုက်တယ်။ နောက်တော့ ငါ ဒါတွေ မဖတ်အားသေးပါဘူး။ ဖတ်မယ့်စာအုပ်ပဲ အရင်ဝယ်မယ်ဆိုပြီး ပြန်ထားခဲ့ဖို့လုပ်တယ်။ နောက်တော့ ငါ့ကလေးတွေကြရင် ဖတ်ချင်ဖတ်လို့ရတာပေါ့ဆိုပြီး ၀ယ်လာလိုက်တယ်။ နောက်တော့မှ မိန်းမရေ ငါတော့ ငါးနှစ်စီမံကိန်းများလုပ်နေမိလားမသိဘူး။ ဒါမှမဟုတ် နည်းနည်းတော့ရူးနေပြီထင်တယ်လို့ပြောဖြစ်တော့ သူက ဒါမှမဟုတ် မှန်တယ်လို့ပြောတယ်။
၎။ကလေးအတွက်
Colgate က အခမဲ့သွားစမ်းသပ်စစ်ဆေးပွဲလေးတစ်ခု Bedok မှာလုပ်တယ်။ အဲဒါကို စိတ်မ၀င်စားဘူး။ စိတ်ဝင်စားတာက ကလေးတွကို ပူဖောင်းလေးတွေပေးတယ်။ မိန်းမကို ပူဖောင်းလေးတစ်ခုပေးချင်တာနဲ့ ကလေးအတွက် တစ်ခုလောက်ဆိုပြီးတောင်းလာခဲ့တယ်။
၅။သံဝေဂ
တနင်္ဂနွေနေ့ညမှာ သူငယ်ချင်းမိသားစုဆီရောက်တယ်။ သူတို့ရဲ့ တစ်နှစ်ကျော် သမီးလေး ဆော့နေတာ၊ ပြေးလွှားနေတာကိုမြင်ပြီး ဘုရားတမိတယ်။ မိန်းမရေ ...၊ ဒါမျိုးမွေးထားရင်တော့ ငါတို့တော့ စောစောစီးစီး ကျွတ်တမ်းဝင်သွားနိုင်တယ်။ (စုတ်သပ်ပြီး တစ်ယောက်နဲ့တစ်ယောက် သနားပါတယ် ကျွတ်ကျွတ်ကျွတ် လုပ်နေရမှာကိုပြောတာပါ။ နိဗ္ဗာန်ရောက်သွားတဲ့ ကျွတ်တမ်းဝင်တာမျိုးမဟုတ်ပါဘူး။)။ အဲဒါနဲ့ ကလေးယူဖို့ကို နှစ်အကန့်အသတ်မရှိ ရွှေ့ဆိုင်းလိုက်တယ်။
၆။ စိတ်နေမြင့်သူ
စိတ်နေမြင့်တယ်ဆိုတာ ဘ၀င်မြင့်တာကို ယဉ်ကျေးအောင်ပြောတာ။ Japan Home မှာ Jigsaw အခု တစ်ထောင်ပါတာ ၀ယ်လိုက်ကြတယ်။ လင်မယားနှစ်ယောက်စလုံးက Jigsaw မာန ကြီးတယ်။ Jigsaw နဲ့ပတ်သက်ရင် အချင်းချင်းတောင်သည်းခံတာမဟုတ်ဘူး။ Laptop နှစ်လုံးနဲ့ online က Jigsaw တွေ ဘယ်သူအရင်ပြီးလဲ အမြဲပြိုင်ဆက်တယ်။ Iphone မှာလည်း App ထည့်ထားပြီးဆော့တယ်။ သိတယ်မလား။ ဒါမျိုးတွေက ကျွမ်းကျင်မှုနဲ့ စိတ်ရှည်မှုလိုတယ်။ မြန်မြန်ပြီးအောင် မဆက်နိုင်လို့ အမြဲရှုံးတယ်။ Jigsaw အခု တစ်ထောင်၊ နှစ်ပေxတစ်ပေခွဲလောက် Jigsaw ကြီးကို ကြမ်းပြင်ပေါ်မှာချပြီးဆက်ကြတာ အခုဆိုရင် ၄၀ ရာခိုင်နှုန်းလောက်ပြီးပြီ။ တကယ်ဝယ်ချင်တဲ့ဟာက Marina Square ဆိုင်က Jigsaw တွေ။ ဆက်ပြီးရင် ဘောင်သွင်းပြီး ကော်ကပ်ထားရတဲ့ဟာတွေ။ ဈေးက ၃၅ SGD လောက်ကစတော့ မ၀ယ်နိုင်သေးဘူး။ Japan Home က Jigsaw ကပုံတွေတော့ သိပ်မလှဘူး။ ဈေးကတော့ သိပ်ပေါတယ်။ 3.5 SGD ပဲရှိတယ်။ အခုတော့လည်း ကိုယ့်ဒေါသနဲ့ကိုယ် အိပ်ရေးပျက်ခံပြီး ညတိုင်း ဆက်နေကြတုန်းပဲ။
၇။ မ လွှင့်ပစ်။
အိမ်မှာ အဲဒီလိုသတ္တ၀ါ အမလေးတစ်ယောက်ရှိတယ်။ Earphone ပျောက်နေလို့ လိုက်ရှာတော့။ headphone က foam နည်းနည်းကွာနေတာနဲ့ပစ်လိုက်ပြီတဲ့။ စာရွက်စာတမ်းတွေလည်း တွေ့ကရာနေရာချထားလို့ကတော့ မလွှင့်ပစ် လက်ချက်မိတာပဲ။ Bills တွေကလည်း online ကကြည့်လို့ရတာပဲ။ ဘာလုပ်ဖို့သိမ်းထားမှာလဲလို့ပြောတယ်။။ လွန်ခဲ့တဲ့ ဆယ်နှစ်ကတည်းက တစ်ယောက်နဲ့တစ်ယောက်ခင်လာတာဆိုတော့ သူလွှင့်ပစ်တာကိုလည်း မပစ်ပါနဲ့ပြောရခက်တယ်။ မပစ်နဲ့ဆို မိတ်ပျက်သွားမယ်။ အဟောင်းတွေကို သံယောဇဉ်တွယ်တာတွေကိုလည်း ကိုယ့်ဘာသာကိုယ် သတိထားမိတယ်။ အ၀တ်အစားဆိုလည်း ဒီလိုပဲ။ ဘယ်အ၀တ်က ကိုယ့်ဘာသာဝယ်ထားတာ၊ နည်းနည်းဟောင်းရင် ပစ်လိုက်ရတယ်။ ဒါကတော့ အမှတ်တရ လက်ဆောင်ရထားတာ။ ပစ်လို့မဖြစ်သေးဘူး။ နောက်ဆုံးမ၀တ်တော့ရင် သိမ်းထားဦးမှာ။ ဖုန်းရွှေအရတော့ များများပစ်တာကောင်းတယ်။ အများဆုံးပစ်ဖြစ်တာတော့ T-shirts တွေပဲ။ သုံးလေးလတစ်ခါပစ်တယ်။ စင်ကာပူမှာလည်း အမှိုက်ပုံးကဟာတွေ လာယူတဲ့ဆင်းရဲသားတွေရှိတာပဲ။ သူတို့အတွက် အထုပ်တစ်ထုပ်နဲ့သေချာထုပ်ပြီး အမှိုက်ပုံးဘေးမှာပစ်တဲ့အခါတွေမှာတော့ မ လွှင့်ပစ်ကိုပဲ အားကိုးရတာပဲ။
၈။ကြယ်ပုလင်းရှာပုံတော်။
လွန်ခဲ့တဲ့ ၉ နှစ်လောက်တုန်းက မိန်းမ ခေါက်ပေးထားတဲ့ ကြယ်တွေကို မတ်ခ်ျလ ရန်ကုန်ပြန်တော့ ပြန်ယူလာခဲ့တယ်။ ပုလင်းက သိပ်မလှတာနဲ့ လှတဲ့ကြယ်ပုလင်းလိုက်ရှာတာ လေးလရှိပြီ တစ်ခုမှ စိတ်ကြိုက်မတွေ့သေးဘူး။ စိတ်ကြိုက်တွေ့တာကြတော့ အဖုံးမပါဘူး။ အဲဒါကို ပဲ ၀ယ်လာပြီး အဖုံးကို ကိုယ့်ဘာသာကိုယ် လုပ်ပြီး ပိတ်ထားလိုက်မှပဲ ကိစ္စအေးတော့တယ်။ ငယ်ကတည်းက ကျွန်တော်တို့ရဲ့ဝါသနာက ကြယ်ကြည့်တာပဲ။ ကြယ်တွေကို ကြည့်နေရရင်ကိုပျော်တာ။ မ twinkle ရင်လည်း ဂြိုဟ်တွေ ကြယ်တွေ ခွဲမနေဘူး။ ကြည့်လိုက်တာပဲ။ ကြယ်အစုံဆုံးညကတော့ ကျိုက်ထီးရိုးတောင်ပေါ်မှာသူငယ်ချင်းတစ်အုပ်ကြီး လမ်းလျှောက်ရင်းကြည့်ခဲ့ဖူးတဲ့ညပဲ။ ပြန်စဉ်းစားကြည့်လိုက်ရင် ခဏလေးလိုပဲ။ ဒါပေမယ့် အချိန်တွေဟာ မျက်တောင် တစ်ခါခတ် တစ်နှစ် နှုန်းနဲ့ ဖြတ်သန်းခဲ့ရသလိုပဲ။ သိပ်မြန်လွန်းနေတယ်။
၉။ ဘာသာပြန်ဆရာ
ကြောင်သတ်သမားပြီးသွားတော့ xanthos တို့ကနောက်တယ်။ မင်း ကြောင်တွေပါ သတ်ကြည့်နေတာလား၊ကြာလိုက်တာတဲ့။ ဘယ်လောက်ကြာကြာ မင်းရဲ့ အင်တာဗျူးဘာသာပြန်ထက်တော့ မြန်တယ်လို့ပဲပြောလိုက်တယ်။ သူအင်တာဗျူးတစ်ခုကို ဘာသာပြန်မယ်ဆိုပြီးပြောထားတာ နှစ်လကျော်ပြီ၊ ပေါ်မလာတော့ဘူး။ ဘာသာပြန်ရတာပျော်စရာကောင်းပါတယ်။ အချိန်နည်းနည်းပိုပေးရတာတစ်ခုပဲ။ နောက်လည်း အချိန်ရတဲ့အခါ ဘာသာပြန်ထားတာတွေ တင်လိုက်ပါမယ်။ ဘာသာပြန်တယ်ဆိုတာလည်း အတတ်ပညာနဲ့ပြန်တာနဲ့ အနုပညာနဲ့ပြန်တာကွာဦးမယ်ထင်ပါတယ်။ အချိန်ဘယ်လောက်ယူပြီး ဘယ်လောက် analyse လုပ်သလဲဆိုတာပေါ်မူတည်ပြီး အရသာပြင်းအားကွာသွားမယ်ထင်ပါတယ်။ အရင်လည်းပြောဖူးပါတယ်။ မြသန်းတင့်က ကြွေကရားလေးတစ်ခုအကြောင်း မသိလို့ အဲဒီနိုင်ငံသံရုံးမှာ သွားကြည့်ပြီးမှရေးတယ်ဆိုတာ။ အဲဒါကို အပိုလုပ်တယ်လို့ထင်ရင် ဘာသာပြန်တာကို ခံစားချက်မပါဘဲ လုပ်တယ်တောင်ထင်မိကြနိုင်တယ်။ ဘာသာပြန်တဲ့သူတွေဟာ သူတို့ကြိုက်တာကို ဘာသာပြန်ရင် ပိုပြီး အရသာရှိနေတတ်တယ်။
၁၀။ ကျွန်တော်နှင့်ဓားသုံးလက်။
အိမ်မှာ မိန်းမ၀ယ်ပေးထားတဲ့ ဆာမူရိုင်း ဓားသုံးလက်ရှိတယ်။ Display set ပါပဲ။ ခပ်သေးသေးလေးတွေ။ အရှည်ဆုံးကမှ တစ်ပေခွဲလောက်ရှိပါတယ်။ အဲဒီ ဓားတွေကို ခဏခဏ ထုတ်ကြည်ှု ဆော့ကြည့်နဲ့မို့လို့ မိန်းမကလည်းမျက်စိနောက်ပုံရပါတယ်။ စင်ကာပူမှာ Display အတွက် ဓားကိုတောင် လိုင်စင်ရှိရပါတယ်။ အိမ်ကဓားတွေမှာတော့ ၀ယ်ထားတဲ့ company ရဲ့ လိုင်စင်ရှိပါတယ်။ ဒီမှာ ပြဿနာက ဓားပျောက်သွားပြီး၊ အဲဒီဓားနဲ့ မူခင်းကျူးလွန်ရင် ဓားကို လိုင်စင်ယူထားတဲ့ company က ရှင်းရပါတယ်။ လူမြင်ကွင်းမှာ ဓားကို မဆော့ရပါဘူး။ အဲဒါဆိုရင် ရဲရောက်လာပါတယ်။ လိုင်စင်တောင်းပါတယ်။
ကျွန်တော်ကတော့ ဂျပန်တွေရဲ့ ယဉ်ကျေးမှုတစ်ချို့ကိုကြိုက်ပါတယ်။ ဂျပန်တွေဟာ တစ်သက်လုံးစုလာသမျှကို ဓားကောင်းကောင်းလေးဝယ်ကြပါတယ်။ သူတို့ဝယ်လိုက်တဲ့ဓားရဲ့တန်ကြေးပေါ်မူတည်ပြီး သူတို့ရဲ့ ကြွယ်ဝမှုကိုဖော်ပြကြတယ်လို့ပြောပါတယ်။ ဈေးကြီးတဲ့ဓားတွေဝယ်တာကိုတော့မကြိုက်ပါဘူး။ ဓားတစ်လက်ကို တန်ဖိုးထားတာကိုတော့ ကြိုက်ပါတယ်။
ငယ်တုန်းက သစ်သားနဲ့လုပ်ထားတဲ့ ကင်ဒိုတွေနဲ့ YMCA မှာဆော့ကြတာကိုလည်း သတိရပါတယ်။ ကင်ဒိုကိုတော့ ပိုကြိုက်ပါတယ်။ ဆာမူရိုင်းဓားတွေက ထိပ်ချွန်နေပါသေးတယ်။ ကင်ဒိုလို ထိပ်ဦးတုံးတုံးလေးမဟုတ်ဘူး။ ကင်ဒိုကတော့ ခုတ်ဓားအမျိုးအစားဖြစ်တဲ့အတွက် ထိပ်ဦးချွန်စရာမလိုပါဘူး။ မိန်းမကတော့ သူ့ဗိုက်ပေါ် သခွားသီး တင်ခုတ်မှာစိုးလို့ မ၀ယ်ပေးသေးဘူးထင်တာပဲ။
၁၁။ ဘာပဲဖြစ်ဖြစ် သောကြာနေ့တွေရှိနေသေးတဲ့ကမ္ဘာဟာ သာယာတာပါပဲ။
TGIF->Thanks God (or Goodness) It's Friday. Katy Perry ရဲ့သီချင်းလေးနဲ့ ရှည်လျားတဲ့ စက်တင်ဘာကို ဆက်လက်ကူးဖြတ်ကြပါစို့ ညီနောင်/မောင်မယ်တို့။
Ref:
Notes.
Still lost in thought. The poem of September-sick will never ends. The best tragedy is the life, it's short but painful. I am quite far away from my soul now. Tomorrow will be a November, at least I wish.... September and me, we both have mutual hatred. This seems to be growing for few years ... from worse to the worst. The only thing suitable for stubborn,indecisive month is just to read old poems again and try to make the memory as blank as possible. Why in September? We don't know, life is not a prescribed text with answers in the last pages. The definition of Life in three words: "Juz an Accident"!!!!!!!!!!
Peace B with U.
