July တစ္ဆေ သင်္ဘောကြီးပေါ်မှ
အပေါက်အပြဲရွက်ဖျင်တွေနဲ့ အရိုးခေါင်းမဲ့ရွက်လှေကြီး ရွက်လွှင့်နေဆဲ။ လက်ဖျံရိုးကျိုးထားတဲ့လူတစ်ယောက် ပင်လယ်ကိုခြေထောက်တစ်ဖက်တည်းနဲ့ဆက်တိုက်ကန်နေတဲ့ မြင်ကွင်းဆန်ဆန်။ လှေထိုးသားတွေဟာ ပင်လယ်ဓားပြသီချင်းကိုဆိုလို့ ........ရွက်လှေကြီးက နောဧ၊ ကျွန်တွေနဲ့ လွတ်လပ်ခြင်းကိုတင်ဆောင်လို့ မမြင်ရခြင်းဆီကိုပြေးလွှားနေရင်း ရုတ်တရတ် မျက်စိကန်းသွားတဲ့ နေရောင်ခြည်တစ်စလို ကမူးရှူးထိုး တူရူပြေးလွှားလို့ပါပဲ။ ဒါဟာအိမ်မက်လား လို့ မာလိန်မှုးက ခပ်တိုးတိုးညည်းတယ်။ ပါးစပ်ထဲမှာ ရမ်အရက်တွေ ချဉ်သွားတယ်။ စိတ်ထဲမှာစပျစ်သီးတွေချဉ်သွားတယ်။ နွားနို့ရောင်အသားအရေနဲ့ ကုန်သည်လေတွေ ချဉ်သွားတယ်။ သံလိုက်အိမ်မြောင်တွေချဉ်သွားတယ်။ အဝေးကြည့်မှန်ပြောင်းတွေချဉ်သွားတယ်။ မြေပုံနဲ့ ပဲ့တွေချဉ်သွားတယ်။ မချဉ်ခြင်းတရားကို အမတ လို့ခေါ်ရင် ကျန်တာတွေဟာ အချဉ်တွေပဲ။ Otherig theory ကို သူရွတ်ကြည့်တယ်။ ဒဏ်ရာတွေက နာတာလား၊ ချဉ်တာလား၊ ချစ်တာတွေ ချဉ်သွားရင် ဘာအရသာရှိမလဲ၊ ချဉ်ခြင်းတပ်နေတာလား၊ ချဉ်ခြင်းတက်နေတာလား၊ တွေးရင်းခေါ်ရင်း အတွေးအခေါ်တွေက ချဉ်စုတ်စုတ်ဖြစ်လား လေထဲမှာ အောက်ဆီဂျင်ပါသလို၊ သွေးညှီနံ့လည်းပါတယ်။ ဒါဟာ ပင်လယ်။ လှိုင်းတွေကတဲ့ စင်မြင့်၊ လှေပေါင်းများစွာရဲ့သင်္ချိုင်း၊ သတ္တိမရှိသူတွေ မပါရတဲ့ ကစားကွင်းပေါ့။
တစ္ဆေဟာ တစ္ဆေတောမှာတော့ ကြောက်လှန့်ဖွယ်မဟုတ်ဘူး။ သူဟာ သမားရိုးကျ တစ္ဆေတစ်ကောင်ပဲ။ ဒဏ်ရာတွေ၊ ထုံနေအောင်နာတဲ့ ဒဏ်ရာတွေဟာ အလားတူ ဒဏ်ရာတောမှာတော့ သမားရိုးကျဒဏ်ရာပဲ။ တစ္ဆေဟာ သူ့ကိုယ်သူ ပြန်ခြောက်လှန့်ကြည့်ဖို့ကြိုးစားသေးတယ်။ ဒါပေမယ့် ထုံးစအတိုင်း မအောင်မြင်ဘူး။
ငါတို့တွေ လျှော်ခတ်နေတာ သင်္ဘောနစ်ချိန်အထိ။
ငါတို့တွေဖြတ်သန်းနေတာ သောကပင်လယ်။
သေခြင်းတရားရဲ့အစွန်အဖျားမှာ စွန့်စားဝံ့သူတို့ရဲ့နှင်းဆီ။
လှေထိုးသားတွေရဲ့ ညာသံပေးဟစ်ကြွေးသံကြားမှာ အနက်ရောင်ရွက်လှေတစ်စင်းဟာ မသိခြင်းတရား နှစ်ခုကြားမှာ မြန်နှုန်းမြင့်ပြေးလွှားနေခဲ့တယ်။
ရေချိုတွေဟာ အဆင့်အတန်းမြင့်မား ရှားပါးတဲ့ရေ။ ရေငန်တွေဟာ အောက်တန်းကျ ပေါများတဲ့ရေ။ ရှားပါးမှုကို တန်ဖိုးထားတဲ့လောကမှာ နေရောင်ခြည်၊ လေထုနဲ့ ခင်ဗျားရဲ့အပြုံးတွေဟာ အလကားနဲ့ရတယ်။ ဒဏ်ရာတစ်ခုကို အုပ်ကိုင်ထားတဲ့လက်ဟာ သံချေးတက်နေတယ်။ တဖြေးဖြေး ရိရွဲကျလာတဲ့နေ့ရက်တွေထဲမှာ ဒဏ်ရာတွေဟာ တစ်ခုနဲ့တစ်ခုနဲ့ဆက်သွယ်မိလာကြတယ်။ ဒဏ်ရာတွေဟာ အချင်းချင်း အလွယ်တကူရင်းနှီးသွားတယ်။ ပိုကြီးတဲ့ ဒဏ်ရာ ကွန်မြူးနတီတစ်ခုကို တည်ထောင်ဖို့ ဒဏ်ရာအချင်းချင်း တွယ်ဆက် သဘောတူ အတည်ပြုခဲ့တယ်။ ဒဏ်ရာအချင်းချင်း လေးမြတ်ကြပါစို့ညီနောင်တို့ ..............။ ငါတို့အားလုံး ခွက်ကို မြှောက်လိုက်တယ်။
တကယ်တမ်းပြန်လည်ရေတွက်တော့ ငါတို့ပင်လယ်တစ်ခုလုံးမှာ ငါးခုံးမ ဆယ်ကောင်ပဲရှိတယ်။ ကြောင်လည်ပင်းမှာ ချူဆွဲရေးကိစ္စလို ပင်လယ်ထဲက ငါးခုံးမဆယ်ကောင်ကို ဖယ်မရတဲ့ပြဿနာနဲ့ ငါတို့ဟာ ရွက်လွှင့်နေကြတာပါ။ မာလိန်မှုးရဲ့သက်ပြင်းချသံဟာ မိုးကြိုးထစ်ချုန်းသံလို ကျယ်လောင်စူးရှဝင်ရောက်လာတယ်။ ဒါဟာလည်း နိုးထမရနိုင်သေးတဲ့ အိမ်မက်ချဉ်တစ်ခုရဲ့ရှည်လျားတဲ့နယ်နိမိတ်မျဉ်းတွေပဲလား။
လှော်ရင်းသေသွားတဲ့ လှေထိုးသားတွေကို ပင်လယ်ထဲပစ်ချလိုက်ရင်း ဘယ်သူမှ သံဝေဂမရဘူး။ ပင်လယ်ဟာ ဆာလောင်တယ်။ ပင်လယ်ဟာ ဥပေက္ခာတရားရှိတယ်။ ပင်လယ်ဟာ ခိုလှုံသူကို ငြိမ်းချမ်းစေရမယ်လို့ ကတိက၀တ်မပြုခဲ့ဘူး။ ပင်လယ်ဟာ ရှိုက်သံတွေနဲ့မီးပြတိုက်တွေဖန်ဆင်းခဲ့တယ်။ ပင်လယ်ဟာ မျက်ရည်တွေနဲ့ လိုအပ်တဲ့ရေကိုဖြည့်တယ်။ ပင်လယ်ဟာ သတိရမှုတွေနဲ့ လရောင်ကိုဖမ်းဆုပ်တယ်။ ပင်လယ်ဟာ ကြေကွဲတဲ့ညနေမှာ နေလုံးကို ရေနှစ်သတ်ပစ်လိုက်တယ်။ ပင်လယ်ဟာ ရတနာတွေကို အောက်ဆုံးမှာ ထားတယ်။ ပင်လယ်ဟာ ရေညှိလေးတစ်ပင်ကို ပန်ထားတယ်။ ပင်လယ်မှာ မာယာမရှိဘူး။ ပင်လယ်ရဲ့ယဉ်ကျေးမှုပဲရှိတယ်။ ဒါဟာလည်း ယဉ်ကျေးတဲ့လူ့အဖွဲ့အစည်းမှာတော့ ပင်လယ်ရဲ့ ရက်စက်မှု၊ ဆာလောင်သွေးဆောင်မှုလို့ သတင်းပျံ့နေတတ်တယ်။ ပင်လယ်ဟာ သူ့ရင်ဘတ်ပေါ်ဖြတ်သန်းသွားလာတာကို နှစ်လိုလိမ့်မယ်လို့ ဘာလို့စိတ်ချထားကြတာလဲ။
ယုံကြည်တာတွေဆုံးရှုံးလိုက်ရတဲ့နေ့ဆိုတော့ သေခြင်းတရားက အကောင်းဆုံးကော်ဖီတစ်ခွက်ပေါ့ကွာ ......................ဟားဟားဟား .......... မာလိန်မှုးဟာ လှေထိုးသားတစ်ယောက်နဲ့စကားစမြည်ပြောရင်း ရယ်မောနေတယ်။ ကောင်းကင်ကို ပျံမတက်တဲ့ ကမ်းခြေကြည့်ငှက်တွေဟာ သူတို့ခြေထောက်တွေကို တွင်တွင်ငုံ့ကြည့်နေတယ်။
ရေစိုနေတဲ့ ယမ်းသေနတ်တွေထက်တော့ ဓားတစ်လက်ဟာပိုအသုံးကျတယ်။
ကမ္ဘာမှာ အသုံးအကျဆုံးဆယ်မျိုးမှာ နွားက လူထက်ရှေ့ရောက်တယ်။
မင်းတို့အသုံးကျအောင်နွားဖြစ်ဖို့ကြိုးစား .........................................။ မာလိန်မှုးဟာ ဒီအဘိဓမ္မာကို သုံးသပ်တယ်။ လှိုင်းလေပြင်းထန်မယ့်အရိပ်အယောင်ရှိပေမယ့် ...........ဒါဟာ ပင်လယ်မဟုတ်လား။ သူဟာ ပင်လယ်ရဲ့ယဉ်ကျေးမှုကိုလေးစားတဲ့သူ။ နှစ်သတ်နိုင်တဲ့လှိုင်းတွေကိုမှ နှစ်သက်တဲ့သူမျိုး။ သူ့လေချွန်သံဟာ မုန်တိုင်းရဲ့ရှေ့တော်ပြေးလေတိုက်သံဆန်ဆန် ..............။
ပင်လယ်ဟာ ရှည်ကြာတဲ့သမိုင်းနဲ့ တိကျပြတ်သားတဲ့ဖြတ်သန်းမှုရှိတယ်။
ပင်လယ်ဟာ ပုပ်ဆွေးမှုကို ကြာကြာလက်မခံဘူး။
ပင်လယ်ဟာ အနံ့တွေအားလုံး ဆားနံ့အောက်မှာသိမ်းထားတတ်တယ်။
ပင်လယ်ဟာ တောင်တန်းနဲ့တောအုပ်ကို ထိန်းသိမ်းထားတဲ့ ဘဏ္ဍာထိန်း။
ပင်လယ်ဟာမုန်တိုင်းနဲ့ ငလျင်ကို စောင့်ရှောက်ထားတဲ့ အထိန်းတော်။
ငါတို့မှာ ပင်လယ်မရှိရင် အသက်ရှင်သန်မှုသက်သက်နဲ့ ဘယ်လိုလုပ်အသက်ရှင်မလဲ............. မာလိန်မှုးရဲ့မျက်လုံး မီးဝင်းဝင်းတောက်လောင်လာတယ်။ ပင်လယ်ဟာ သူ့သွေးကြောတွေထဲ ဖြတ်သန်းသွားလာနေတဲ့ ဟေမိုဂလိုဘင်၊ နှလုံးခုန်သံနဲ့အမျှချစ်တယ်။
မုန်တိုင်း ဘယ်နှခုကြုံခဲ့ဖူးမှန်းမသိတဲ့ ရွက်လှေကြီးဟာ မုန်တိုင်းအသစ်နဲ့စီးချင်းထိုးရမှာပျော်ရွှင်နေပုံပဲ။ ကြောက်တတ်တဲ့သူတွေ၊ ရွက်တိုင်မှာ ကိုယ့်ကိုယ်ကို ချည်ထားလိုက်ပါ။ ပင်လယ်နဲ့ ငါတို့ရဲ့ကစားပွဲ ......... လောင်းကြေးက အသက်။ ပျော်စရာအကောင်းဆုံး ကစားပွဲ ........... ပျော်ရွှင်ကြပါစို့ .........။ မာလိန်မှုးရဲ့အသံဝါကြီးနောက်မှာ ဟေးခနဲအော်လိုက်တဲ့ လှေထိုးသားတွေ၊ ပါလာတဲ့ကျွန်တွေ၊ လွတ်လပ်ခြင်းနဲ့ လှိုင်းမှုးလို့အန်နေတဲ့ နောဧတို့ဟာ အသီးသီး ကိုယ်စိတ်သန်ရာ ဆုတောင်းအော်ဟစ်လို့ပါပဲ။ ပင်လယ်ဟာ လက်နက်မဲ့၊ လှိုင်းတွေဟာ လက်နက်မဲ့၊ သင်္ဘောဟာလက်နက်မဲ့၊ စိတ်တွေဟာ လက်နက်မဲ့ .............။ လက်နက်မဲ့တွေဟာ အမြဲတမ်းပျော်ရွှင်တယ်။
ကမ္ဘာပျက်မတတ်၊ နှင်းဆီရောင်ရဲတဲ့သွေးတွေ၊ အော်ဟစ်သံများ၊ ပျော်ရွှင်စွာ .................၊ ရွက်လှေတစ်စင်းအတွက်၊ အရိုးခေါင်းမဲ့ အလံအတွက်၊ လွတ်လပ်မှုအတွက် ..........ပင်လယ်ထဲ မုန်တိုင်းကိုဆန်နေတဲ့ ရွက်လှေ၊ မာလိန်မှုးရဲ့ ဦးထုပ်ဟာ ရေထဲမှာမျောလို့၊ သင်္ဘောရွက်တိုင်ဟာ ချစ်သောပင်လယ်ထဲသို့တရွေ့ရွေ့ တထစ်ချင်းနစ်မြုပ်သွား၊ ကျွန်များသည် လွတ်လပ်မှုကိုဖက်တွယ်ထားကြ၊ နောဧသည် ရေမကူးတတ်၍စောစောစီးစီးသေဆုံး၊
ပျော်စရာဇာတ်သိမ်းလေးပါပဲ၊ ပျော်စရာဇာတ်သိမ်းလေးပါပဲ ..............
ဒါဟာ မုန်တိုင်းနဲ့အတူထွက်ခွာသွားတဲ့ မာလိန်မှုးရဲ့ အော်ဟစ်သံ အစအနလေးတစ်ခုပဲပေါ့။ ။
Regards,
Z
Dedicated to my mom.
Peace B with U.
