ငြိမ်းချမ်းမှု
မနက်မိုးစင်စင်လင်းလာတာနဲ့ သိနေရတဲ့ဝင်သက်ထွက်သက်မှာ ငြိမ်းအေးမှုပါတယ်။ ချစ်ခင်သူတွေရဲ့ အပြုံးရနံ့လည်းပါတယ်။ မနက်ခင်းကို ငြိမ်းချမ်းမှုနဲ့စမယ်။ တစ်နေ့တာ အဆင်မပြေမှု၊ အဆင်ပြေမှုတွေကို တတ်နိုင်သမျှ အေးအေးချမ်းချမ်း ရင်ဆိုင်မယ်။
မနက်စာကို သွက်သွက်လက်လက်စားရင်း ဘ၀ကြီးဟာ ဘာလို့ အလောသုံးဆယ်ဖြစ်နေရတာလဲလို့ ဇနီးသည်ကိုမေးမိတယ်။ သူက အိပ်ရာထနောက်ကျလို့ ဖြစ်မှာပေါ့လို့ မျက်စောင်းတစ်ချက်ထိုးရင်းဖြေတယ်။ ရယ်ပဲရယ်နေမိတယ်။ အေးချမ်းတဲ့နေ့လေးတစ်နေ့အတွက် သဘာဝတရားကို ကျေးဇူးတင်တယ်။ အသက်ရှင်သန်နေသေးတဲ့အတွက်လည်းပျော်တယ်။
အိမ်လွမ်းတဲ့စိတ်ကလေးကိုယ်စီနဲ့ မနက်ခင်းရဲ့ရထားလေးဟာ လူငယ်များစွာကို သယ်ဆောင်လို့ပေါ့။ ရင်ဘတ်ထဲမှာ ထိုးထွင်းထားတဲ့ အက္ခရာဟာ Homesick၊ မမြင်ရတဲ့ကြာပွတ်တွေ။ လူတွေဟာ ငွေနောက်ကိုလိုက်ရင်း ငွေနောက်မှာ ကျန်ခဲ့တာ။ ဝေးသထက်ဝေးလံလာတဲ့ မိသားစုတွေ၊ ဂ ငယ်ကွေ့မပါတဲ့လမ်းမှာ မရှိနိုင်တဲ့ ရောင့်ရဲမှုကို မတွေ့နိုင်တဲ့ လောကမှာရှာဖွေလို့။ ဘယ်လောက်ရရင်တော်ပြီလဲ လို့ မေးနေတဲ့ ဆရာတော်တပါးရဲ့တရားသံဟာ စိတ်ထဲမှာခြောက်နေတဲ့ ပဲ့တင်သံတစ်ခုပေါ့။
တွေ့သမျှလူတွေကို ပြုံးပြုံးရွှင်ရွှင်နဲ့ဆက်ဆံမယ်။ သူတို့လမ်းလိုရင် လမ်းဖယ်ပေးမယ်။ ကိုယ့်ခြေထောက်ကိုနင်းမိရင်စိတ်မဆိုးဘူး။ ရထားပေါ်မတက်ခင်ကတည်းက စိတ်ကို ပြင်ဆင်ထားလိုက်တယ်။ ဒီနေ့ဟာ ပျော်ရွှင်ရေးနေ့ .....။ စိတ်ချမ်းသာအောင်နေမယ်။
အနီးဆုံးကလူတွေကို စိတ်ချမ်းသာအောင်ထားမယ်။ လူ့ဘ၀ဟာ အသိုင်းအ၀ိုင်းမှာတည်ဆောက်ထားတယ်။ ဘေးပတ်ဝန်းကျင်ကလူတွေမပျော်ရင် သူတို့အပူ ကိုယ့်ဆီလာလိမ့်မယ်။ ကိုယ်စိတ်ချမ်းသာချင်သလို သူတို့ကိုလည်းစိတ်ချမ်းသာအောင်ထားမယ်။ ပေါ့ပေါ့ဆဆအပျော်မျိုးထက် ငြိမ်းချမ်းတဲ့ စိတ်ချမ်းသာမှုရရင် လူတွေဟာ ပိုပြီးကျန်းမာတယ်။ ကမ္ဘာကြီးနဲ့ သူ့ရဲ့ဝေနေယျတွေ ငြိမ်းချမ်းပါစေ။ မနက်ခင်းမှာ စိတ်ထဲက ရေရွတ်မှုဟာ မေတ္တာပို့အမျှဝေသံတစ်ခုအဖြစ် ပျံ့လွင့်သွား။ ညှိုးနွမ်းသောစိတ်များသည် အေးချမ်းမှုဖြန်းပက်ခြင်းကို ရရှိပါစေ။ ဆာလောင်သူများ၊ မွတ်သိပ်မှုမှဝေးပါစေ။
ဘ၀ဟာတိုတိုလေး စိတ်ဆင်းရဲဖို့အချိန်မရှိဘူး လို့စိတ်ထဲမှာတွေးမယ်။
ကောင်းတာတွေလုပ်နေရင်းဆိုးတာတွေကြုံလာရင်လည်း ကောင်းတာတွေပဲဆက်လုပ်မယ်။ ကောင်းတာတွေက ဆိုးတဲ့အကျိုးကိုမပေးနိုင်ဘူးလို့ ခိုင်ခိုင်မာမာလက်ခံတယ်။ အသက်ရှင်သန်မှုဟာ အဖိုးတန်တဲ့ ရှင်သန်မှုဖြစ်အောင်နေမယ်။ ကိုယ့်မှာရှိတဲ့အကောင်းတွေကို ပိုကောင်းလာအောင် ပြုစုပျိုးထောင်မယ်။ ကိုယ့်မှာရှိတဲ့အဆိုးတွေကို လူများကိုမထိခိုက်အောင် တတ်နိုင်သလောက်ပြုပြင်မယ်။
ကိုယ့်ဘ၀မှာ ကိုယ်ဖြစ်ချင်တာတွေကို ဖြစ်အောင်လုပ်ဖို့ တာဝန်ရှိတယ်။ မိသားစုအတွက်လည်းတာဝန်ရှိတယ်။ လူ့အသိုင်းအ၀ိုင်းအတွက်လည်းတာဝန်ရှိတယ်။ တာဝန်မကျေတဲ့သူမဖြစ်ချင်ဘူး။ ကိုယ့်ကိုယ်ကို self-respect ကျမယ့်ကိစ္စဘာဆိုဘာမှမလုပ်နိုင်ဘူး။
တစ်နေ့တစ်နေ့အလုပ်ထဲမှာကုန်သွားတဲ့အချိန်တွေကို ပြန်မရနိုင်တော့လို့ အလုပ်ထဲမှာလည်း စိတ်ချမ်းသာနေအောင်ကြိုးစားမယ်။ တွေ့နေမြင်နေရတဲ့ လုပ်ဖော်ကိုင်ဖက်တွေကို ခင်ခင်မင်မင်ဆက်ဆံမယ်။ တရုတ်ကလေးတစ်ယောက်ကိုမေးကြည့်တော့ သူက နောက်ဆယ်နှစ်ဆို ပြန်မှာလို့ပြောတယ်။ ကျွန်တော်တို့မှာတူညီတဲ့ အိမ်လွမ်းနာတွေနဲ့။ ဘ၀တွေဟာ တစ်ခုနဲ့တစ်ခုဆက်စပ်နေတယ်။ လောကဓံဟာ ဘာသာစကားမလိုတဲ့ ဘာသာစကား။ ကျွန်တော်တို့အားလုံးနားလည်တယ်။
ကွမ်ကျိုးမှာနေတဲ့တစ်ယောက်က ရှေ့လဆို ခဏပြန်မယ်ဆိုတာပြောတယ်။ သူ့ဇနီးလောင်းနဲ့အတူပြန်မယ်။ လူတိုင်းဟာ တူညီတဲ့ခရီးတွေကိုဖြတ်သန်းလို့ပါပဲ။ သူတို့ပိုက်ဆံစုနေတယ်၊ မင်္ဂလာဆောင်ဖို့အတွက် စုရတယ်ပြောရင်း Savings အကောင့်ထ်မှာ အတူစုကြတာမဟုတ်လားဆိုတော့ ဟုတ်တယ် လို့ပြန်ပြောတယ်။ ကျွန်တော်တို့ဟာ တူညီတဲ့ လောကဓံ အသေးစားလေးတွေနဲ့ တူညီတဲ့ ငွေကြေးစီမံခန့်ခွဲမှုနဲ့၊ တူညီတဲ့ သောကတွေနဲ့ကမ္ဘာသားတွေဟာ ကမ္ဘာပေါ်မှာ ကွဲပြားမှုတွေလိုလိုနဲ့ တူညီနေကြတယ်။
ချစ်ခင်သူတွေကိုစိတ်ချမ်းသာစေဖို့ အမှတ်တရ ကဒ်ကလေးတွေပို့မယ်။ ပျော်ရွှင်ဖွယ် sms ပို့မယ်။ ကျွန်တော်တို့ဟာ တစ်ယောက်တည်းမဟုတ်ဘူး။ သူငယ်ချင်းတွေကိုလည်း တစ်ယောက်တည်းမဟုတ်ဘူးဆိုတာ သိစေချင်တယ်။ အထီးကျန်နေတဲ့သူတစ်ယောက်ယောက်ဆီကိုလည်း ဒီစာလေးဟာ ပုလင်းထဲထည့်မျောလိုက်တဲ့ အကြောင်းကြားစာတစ်ခုလို မျောပါသွားပါစေ။
ခေတ်ကြီးရဲ့မွန်းကြပ်မှုကို ကျွန်တော်တို့မရှောင်လွှဲနိုင်ဘူး။
ခေတ်ကြီးရဲ့ တောင်းဆိုမှုတွေကို ကျွန်တော်တို့ဘ၀တွေ ထွက်မပြေးနိုင်ဘူး။
သားသတ်ရုံရှေ့မှာငိုနေတဲ့ နွားတွေရဲ့မျက်ရည်စက်တွေလို homesick ဟာ ပူနွေးနာကျင်နေတယ်။ ခင်ဗျားရင်ဘတ်ထဲက လွမ်းဆွတ်မှုဟာ အိမ်ရဲ့အဝေးက တခြားတစ်ယောက်ရင်ဘတ်ထဲက လွမ်းဆွတ်မှုနဲ့ ဖြစ်စဉ်အတူတူပဲ။ အထူးသဖြင့် ချစ်ခြင်းမေတ္တာဆင်းရဲတဲ့ spiritual ယဉ်ကျေးမှု ချို့တဲ့ so-called မြို့ပြ တွေမှာ ကျွန်တော်တို့အားလုံးဟာ သုံ့ပန်းတွေလိုပါပဲ။
မေတ္တာတရားခေါင်းပါးတဲ့အရပ်မှာ ကျွန်တော်တို့အချင်းချင်း ဆက်လက်ချစ်ခင်ကြမယ်။ စိတ်ကောင်း စေတနာကောင်းနဲ့ လုပ်ရပ်ကောင်းတွေ အတူပြုကြမယ်။ တစ်ယောက် စေတနာကို တစ်ယောက်က လှိုက်လှိုက်လှဲလှဲအသိအမှတ်ပြုပြီး တစ်ယောက်ရဲ့ တန်ဖိုးကို တစ်ယောက်က ၀မ်းမြောက်ဝမ်းသာနားလည်ကြမယ်။ ကျွန်တော်တို့ဟာ ကမ္ဘာသားတွေ၊ မွေးရပ်မြေပြင်ပမှာ အသားကျချင်ယောင်ဆောင်ထားတဲ့ အိမ်လွမ်းသူတွေ။
ဒီဒဏ်ရာတွေကို ကျွန်တော်တို့လက်ခံကြမယ်။
တစ်ယောက်ရဲ့မျက်ရည်ကို တစ်ယောက်က နားလည်ကြမယ်။
တစ်ယောက်ရဲ့ အပြုံးကို တစ်ယောက်က နားလည်ကြမယ်။
ခေတ်ကြီးကို ကျွန်တော်တို့မပြောင်းနိုင်ပါဘူး။
ကြုံရမယ့်လောကဓံကိုကျွန်တော်တို့မပြောင်းနိုင်ပါဘူး။
ပြောင်းနိုင်တဲ့ ကျွန်တော်တို့စိတ်ကို ယောနိသောမနသီကာရလေးထားပြီး တည်တည်ငြိမ်ငြိမ်နဲ့ ရင်ဆိုင်ကြမယ်။
ကျွန်တော်တို့အားလုံးဟာ တစ်ယောက်လက်ကိုတစ်ယောက်တွဲပြီး တောင်တက်ခရီးကိုတက်နေတဲ့သူတွေလိုပဲ၊ တစ်ယောက်နဲ့တစ်ယောက်ဟာ ဆက်စပ်နေတယ်။ ကိုယ့်ကို ဆွဲတင်နေတဲ့သူရဲ့ကျေးဇူးရှိသလို၊ ကိုယ်က ဆွဲတင်ရမယ့်သူလည်းရှိတယ်။ မြဲမြံသောလက်တွေနဲ့ ငြိမ်းချမ်းမှုဆီ တရွေ့ရွေ့တက်လှမ်းကြမယ်။
စိတ်မဆင်းရဲအောင်နေဖို့သတိထားကြမယ်။ စိတ်ဆင်းရဲမိသွားရင် စိတ်ချမ်းသာဖို့ချက်ချင်းပြန်ကြိုးစားကြမယ်။ စိတ်ချမ်းသာတဲ့သူကသာ တပါးသူကိုလည်း စိတ်ချမ်းသာစေချင်မယ်။ စိတ်ဆင်းရဲသူတွေဟာ vicious cycle ဖြစ်ပြီး မဆုံးနိုင်တဲ့အဆိုးသံသရာထဲလည်ကြရတယ်။ စိတ်ချမ်းသာဖို့ဟာ ကိုယ့်ရဲ့တာဝန်ပဲ။ ကျွန်တော်တို့ စတင်လျှောက်လှမ်းတဲ့တစ်နေ့တစ်လံ ............. ငြိမ်းချမ်းမှုဟာ ဘယ်မရွေ့ပါဘူး။ ။
With Peace,
The Gardener
Peace B with U.
