ပိတ်ထားသောတံခါးမှတစ်ဆင့်ဝင်ရောက်လာသောအတွေးများ။
(ဒီနေ့တော့ ခပ်တိုတိုလေးတစ်ခုပဲရေးလိုက်ပါတယ်။ သိပ်ရှည်နေရင် ရုံးကဖတ်ရတာမလွယ်ဘူးဆိုတာနဲ့တိုလိုက်ရတယ်။ တစ်ခါက အရှင်ဆန္ဒာဓိကပြောဖူးတဲ့တရားပွဲလေးတစ်ခုလို နာမည်ကြီးဆရာတော်ကြီးတွေတရားပွဲဆက်တိုက်ဟောတုန်းက ဆရာတော်တစ်ပါးက တစ်ကြောင်းပဲဟောသွားတယ်။ စိတ်ထားကောင်းအောင်နေဖို့ဆိုတာလေးတစ်ခုကိုပဲတစ်ကြောင်းထဲပြောသွားတယ်။ နောက်ထပ်နှစ်ပေါင်းများစွာကြာတဲ့အခါကြတော့ အဲဒီတစ်ကြောင်းထဲကိုပဲ မှတ်မိတော့တယ်လို့ ဆရာတော်ကပြောတယ်။ အခုလည်း လိုရင်းတိုရှင်းပေါ့။)
စာဖတ်တာကို ဖြစ်နိုင်သမျှ ၊ တတ်နိုင်သမျှ မဖတ်ရပါစေနဲ့လို့ ဗျာဒိတ်ခံထားတဲ့သူငယ်မလေးကိုလည်း ငယ်တုန်းကဖတ်ခဲ့တဲ့ ၀သုံးလုံးတို့ ဘတ်စကာဗီလ်ခွေးကြီး (The Hound of the Baskervilles)စတဲ့ စိတ်ဝင်စားစရာကောင်းတဲ့ ရွှေဥဒေါင်းကြီးရဲ့စာအုပ်တွေ
ဖတ်ခိုင်းထားပါတယ်။ အဲဒီလို ဇာတ်လမ်းမျိုးတွေတော့ သူကြိုက်ပါတယ်။ Library ရောက်တော့လည်း ကလေးတွေဖတ်တဲ့ werewolf အကြောင်းစာအုပ်လေးငှားပေးပါတယ်။ တစ်သက်လုံးအတူနေရမှာဖြစ်တဲ့အတွက် မောင်တစ်ပိုင်း မယ်တစ်ခွက် ဆိုသလို လိုက်ဖက်ညီရမယ်လို့တော့ စိတ်မကူးထားပါဘူး။ ကျွန်တော်တို့ဟာ ၀ါသနာတွေကို ကန်စွန်းရွက်စည်းတွေလို၊ ဘုရားပန်းတွေလို အတိုအရှည်တူအောင်ဖြတ်ထားဖို့မလိုပါဘူး။ စာဖတ်တာ ပျော်ဖို့ကောင်းတဲ့အတွက် သူ့ကိုလည်းပျော်စေချင်လို့ဖတ်ခိုင်းတာပါ။ ထူးခြားလေးနက်တဲ့အသိအမြင်ရပါစေတော့ဆိုတဲ့ မဟာကရုဏာကြီးနဲ့ဖတ်ခိုင်းတာတော့လည်းမဟုတ်ပါဘူး။
ရွှေဥဒေါင်းကြီးရဲ့ လက်ထက်တော်ကြီးကိုဖတ်ရင်း အဆင်မပြေတဲ့တစ်ကွက်တွေ့လို့ပြောဖြစ်ပါတယ်။ ယောကျာ်းသုံးယောက်က တံခါးကိုပခုံးစောင်းနဲ့ပြေးတိုက်တယ်ဆိုတဲ့အကြောင်းပါ။ အဲဒီအခန်းမျိုး ဗီဒီယိုထဲမှာလည်း ခဏခဏ တွေ့ရတတ်ပါတယ်။ ဒါရိုက်တာတွေကိုယ်တိုင်၊ စာရေးတဲ့သူတွေကိုယ်တိုင်က အထင်နဲ့ ရိုက်တာ၊ရေးတာဖြစ်ပါလိမ့်မယ်။ တကယ်က ပခုံးနဲ့တိုက်တာဟာ ခြေထောက်နဲ့ကန်တာလောက်ထိရောက်မှုမရှိဘူးလို့ ငယ်တုန်းကဖတ်ရတဲ့ အရေးပေါ် အခြေအနေမှာ လွတ်မြောက်နည်း ဆိုတဲ့စာအုပ်ထဲမှာပါပါတယ်။ တကယ်တမ်း မင်းတုံးချထားတဲ့တံခါးကို လူသုံးယောက်မပြောနဲ့ ခြောက်ယောက်လောက်ပေးတိုက်ပြီးဖွင့်ခိုင်းချင်ပါတယ်။ ကျွန်တော်က အဲဒီနေရာမှာ တံခါးမပွင့်တော့ဘူးဖြစ်သွားပြီး၊စာရေးဆရာက တံခါးပွင့်ပြီးဝင်သွားတော့ အဲဒီတံခါးရှေ့မှာပဲကျွန်တော်ကျန်နေခဲ့လိုက်တယ်။ အဲဒါဟာ တော်ရုံတန်ရုံပြဿနာမဟုတ်ပါဘူး။ ယုတ္တိဗေဒကို စာဖတ်တိုင်းယူမလာနဲ့ဆိုတဲ့စကားကိုပဲပြန်ကိုးကားရပါတယ်။ အသေးအဖွဲဖြစ်ဖြစ် ကိုယ်လက်မခံနိုင်တာ တစ်ခုက ကသိကအောင့်ဖြစ်စေပါတယ်။
တစ်ခါတစ်လေရယ်စရာတော့ကောင်းပါတယ်။ ဘ၀ကို စာအုပ်တစ်အုပ်လိုဖတ်နေရင်း ပခုံးနဲ့ တံခါးကိုပြေးတိုက်ပြီး ၀င်သွားတယ်ဆိုတဲ့ဇာတ်လမ်းတွေ ကြားရတတ်ပါတယ်။ ၀င်လို့ရတယ်ဆိုတဲ့သူတွေ ၀င်သွားပါစေ။ ကျွန်တော် ရပ်ကျန်နေလိုက်ပါတယ်။ လူတိုင်းမှာ ကျွန်တော်လက်ခံစရာမလိုတဲ့ အမှန်တရားတစ်ခု ရှိနေနိုင်တယ်။ ဘ၀ဟာ စာအုပ်တစ်အုပ်ဖတ်နေတာဟာ ဖြစ်လို့ ဇာတ်လမ်းထဲမှာ ကျွန်တော်မယုံကြည်တာတွေကို လွတ်လပ်စွာမယုံကြည်ဘဲနေလိုက်လို့ရပါတယ်။ တစ်ချို့ဇာတ်လမ်းတွေကို ဇာတ်လမ်းတွေလို့မသိရင်သာ ရသဖြစ်လာကြတယ်။ ရသကို သွားတဲ့လမ်း ကိုးပါးကနေ ရသဆီရောက်ကုန်တယ်။ သိပ်ရသမြောက်ကုန်တဲ့အခါ Depression တွေ နှလုံးရောဂါတွေဖြစ်ကုန်တယ်။ အဲဒါတွေကို ကျွန်တော်တို့မလိုအပ်ဘူးမဟုတ်လား။
ပိတ်ထားတဲ့တံခါးတစ်ချပ်ရှေ့မှာရပ်နေလိုက်တာဟာ ကိုယ့်လွတ်လပ်မှုကို ကိုယ်ရွေးချယ်ပြီး အကောင်းဆုံးအသိအမှတ်ပြုလိုက်တာလို့ခံစားရပါတယ်။ ဘ၀ဆိုတာ တိုတိုလေးဖြစ်တဲ့အတွက် တစ်ခြားသူတစ်ယောက်အတွက် နေသွားဖို့အချိန်သိပ်မရှိပါဘူး။ ကိုယ့်စိတ်ချမ်းသာမှုအတွက် ဘယ်သူမှစိတ်မဆင်းရဲရင် ပြီးတာပါပဲ။ ဘ၀ကို နေလိုက်ရတာ တန်လားမတန်လားဆိုတာ နောက်ဆုံးကြတော့ စိတ်ချမ်းသာမှုနဲ့ပဲပိုင်းဖြတ်ရတာပါပဲ။ စာအုပ်ကိုပိတ်ထားရင်း လူတွေရဲ့ဇာတ်လမ်းတွေကိုဆက်ဖတ်ကြည့်နေဖြစ်ပါတယ်။ ။
Regards,
Zephyr
Peace B with U.
