Blood
မာတာပီတု ဂုဏော အနန္တော ဆိုပြီး အမေ့မွေးနေ့အထိမ်းအမှတ်အဖြစ်သွေးလှူပါတယ်။
ဆရာဝန်မြန်မာ၊ နာ့စ်မြန်မာ၊ သွေးလာလှူတဲ့သူတွေထဲမှာလည်း မြန်မာ ....။
အချိန်စာရင်း အရ ၂ နာရီမှာပိတ်မယ်လို့ရေးထားပေမယ့် လေးနာရီကျော်တဲ့အထိ သွေးလှူဖို့စောင့်နေတဲ့လူအုပ်ကြီးက အများကြီးကျန်ပါသေးတယ်။
Woolands မှာ donation drive ရှိတဲ့အတွက် နာ့စ် ၁၅ ယောက် အဲဒီကို ပါသွားလို့ လက်ကျန် နာ့စ် ၈ ယောက်က ၀ိုင်းကြီးပတ်ပတ်ကစားသလို၊ သွေးဖောက်လိုက်၊ ပတ်တီးစီးလိုက်၊ ဟိုဘက်ပြေးလိုက်၊ ဒီဘက်ပြေးလိုက်ပါပဲ။ ဘတ်စကတ်ဘောပြိုင်ပွဲသာဆိုရင် အတော်လေးကို အကြိတ်အနယ်ရှိတယ်လို့ပြောလို့ရမှာပါ။
ဒီမှာ သွေးလှူတာ ၉ ကြိမ်ပြည့်သွားပါပြီ။ မြန်မာပြည်မှာ နှစ်ကြိမ်လှူတာနဲ့ဆို ၁၁ ကြိမ်ရှိပြီ။ သွေးတစ်ခါလှူရင် လူ သုံးယောက်ကို ကယ်နိုင်တယ်ဆိုရင် လူ ၃၃ ယောက်ကယ်ပြီးပြီလို့ပြောနိုင်တယ်။ သွေးသွင်းခံရတဲ့သူတွေကတော့ စကားပိုများလာ၊ အငြင်းသန်လာ၊ ကော်ဖီကြိုက်လာ၊ စောစောမအိပ်ချင်ဖြစ်လာတာတွေတော့ရှိနိုင်တယ်။
Blood Bank က toilet ကတော့ ပိုညစ်ပတ်လာပြီ။
အမှိုက်ပုံးတွေကလည်း တော်တော်လေး ရွဲနေပြီ။ ခြေထောက်နဲ့နင်းတဲ့အမှိုက်ပုံးက နင်းတာ မပွင့်တာနဲ့ လက်နဲ့ ဖွင့်ပြီးအမှိုက်ပစ်လိုက်ရတယ်။ လက်နဲ့ဖွင့်လိုက်တဲ့အတွက် လက်ကို တစ်ရှူးနဲ့သုတ်ပြီး တစ်ရှူးကို ပြန်ပစ်ဖို့အမှိုက်ပုံးကို တစ်ရှူးနဲ့ အသာထပ်မရရတယ်။ မလွယ်ဘူး။ ဒါပေမယ့် City Hall က အမှိုက်ပုံးလောက်တော့မဆိုးသေးဘူး။ တစ်ခါအမှိုက်ပစ်လိုက်တာ အမှိုက်ပုံးက ကွမ်းတံတွေးတွေပေသွားဖူးတယ်။ ... အဲဒါ တို့မြန်မာ .. တို့မြန်မာ ဆိုပြီး သီချင်းတောင် ထဆိုရမလိုဖြစ်သွားသေးတယ်။
Blog
Blog ကို မပျင်းမရိရေးနေကြတာ စင်ကာပူမှာ မြန်မာ Bloggers အနည်းငယ်ပဲကျန်တော့တယ်။ ၂၀၁၀ အစမှာ ထွက်ခဲ့တဲ့ ကဗျာတွေသေပြီ ဆိုတဲ့ ဆိုရိုးလို Blog တွေ သေပြီ ဆိုပြီး ဆိုရိုးစကားထွက်လာတော့မလားတောင်တွေးမိတယ်။ ဒိုင်နိုဆောလို လူထက်လည်း ကြံ့ခိုင်၊ အကောင်ကလည်းကြီးတဲ့ သတ္တ၀ါတွေ မျိုးတုံးသွားဖူးတဲ့ကမ္ဘာမှာ ဘာမဆိုဖြစ်နိုင်တယ်။ စာရေးတယ်၊ စာဖတ်တယ်ဆိုတာတွေဟာ ၂၁ ရာစုနှောင်းပိုင်းမှာ အတော်လေးကို သံသယရှိစရာကောင်းလာတဲ့ လုပ်ငန်းဖြစ်လာပါပြီ။ ဘ၀မှာ ဘာမှမရှိလည်းနေလို့ရတယ်။ အသိပညာတွေ ဘာမှမရှိလည်းနေလို့ရတယ်။ အချိန်အနည်းငယ်ပိုနေတဲ့ လူလတ်တန်းစားတစ်ရပ်ကသာ အားအားယားယား စာရေးမနေဘူးဆိုရင် ကမ္ဘာပေါ်မှာ စာပေဆိုတာတောင်ဖြစ်လာမှာမဟုတ်ဘူး။ သူဌေးတွေကလည်းမအားဘူး။ ဆင်းရဲသားတွေကြတော့လည်း စားဖို့တောင်အနိုင်နိုင်။ အဲဒီတော့ ချမ်းလည်းမချမ်းသာ၊ ဆင်းလည်းမဆင်းရဲတဲ့ လူလတ်တန်းစားတွေကပဲ စာတွေဘာတွေရေးဖို့စိတ်ကူးချိန်ရတယ်။
Blog တွေမရှိရင် ဘာဖြစ်မလဲဆိုတာ အရင်ကတည်းကပြောဖူးပါတယ်။ ဘာမှမဖြစ်ပါဘူး။
Blog ရှိမှ ဘုရားပွင့်မယ် ဆိုတာမျိုးလည်းမရှိပါဘူး။ ကမ္ဘာကြီးသည် Bloggersများအားဖြင့် ၂၃.၅ ဒီဂရီတိမ်းစောင်းသည်ဆိုတာမျိုးမှမဟုတ်တာပဲလေ။ ဆုကြီးပန် Blogger တွေလည်း မရှိပါဘူး။ အားလုံးက အားတဲ့အခါလောက်ရေးကြတာပါ။ Blog သံန္တိဌာန် ၆ ရပ်နဲ့ရေးနေတဲ့သူမျိုး ရှိရင်တောင်ရှားမှာပါ။
ဟိုတလောက Wiki မှာ မြန်မာပြည်ဟာ ၂၆၁၂၂၇ စတုရန်းမိုင်ဆိုလို့ မျက်လုံးတောင်ပြူးသွားတယ်။ အရင်က ကျက်ခဲ့တာ (အမှတ်မမှားဘူးဆိုရင်) ၂၆၁၂၂၈ စတုရန်းမိုင်ထင်တာပဲ။ တစ်မိုင်ဘယ်ရောက်သွားလည်းမသိဘူးလို့တွေးနေတယ်။ဂြိုဟ်ကြီး ရှစ်လုံးဖြစ်သွားတုန်းကလည်း အဲဒီလိုခံစားရတယ်။ ဘာတွေ ဖြစ်ကုန်တာလဲ ဆိုပြီး အလန့်တကြားဖြစ်ရသလိုမျိုး။ အခုလည်း ၂ နှစ်ကျော်လာတဲ့ Blog တွေ post အသစ်တက်မလာတော့တာဟာ စိတ်ဝင်စားစရာကိစ္စတစ်ခုပါပဲ။ ရောင်းလိုအားကျသွားတာလား။ စိတ်ကုန်တော်မူသွားတာလား။ ဒါမှမဟုတ် သဘောထားမှန်သွားတာလား။ တစ်ချို့လည်း ကိုယ့်အိမ်ကိုယ်ပိတ်တာ မင့်အပူလားဆိုတဲ့အထာနဲ့။ Invited User Only ဆိုလား လုပ်သွားသေးတယ်။
ကိုယ်ကကြီးပဲ သိပ်ရေးနေရင်လည်းမကောင်းဘူး။ ပတ်ဝန်းကျင်ကို ကြည့်ရသေးတယ်။(ဟဲဟဲ)။ ဟာသတစ်ခုထဲကလို အရက်သိပ်မူးပြီး လမ်းပြောင်းပြန်မောင်းလာပြီး .. ငါသိပ်နောက်ကျနေပါလား။ အားလုံးပြန်ကုန်ကြပြီဆိုတာမျိုး ... ဖြစ်နေမှာစိုးလို့ ဘေးဘီကိုကြည့်ရသေးတယ်။ ...၂၀၁၀ ကြီးကုန်ခါနီး Bloggers တွေ ၂၀၁၂ အတွက် ကြိုတင်ကောင်းမှု ကြိုးစားပြုနေရှာတာနေမယ်လို့ ဖြေတွေးမိတယ်။
ကတုံးကြီးတခွဲသားနဲ့ သူငယ်ချင်းတစ်ယောက် (အမည်မဖော်လိုသူ slim, smart and sexy web designer yeyeNe ဆိုပြီး ကိုယ့်ကိုယ်ကို မရမကညွှန်းတဲ့တစ်ယောက်)မကြာမကြာရွတ်ပြတဲ့ "နေရာတစ်ခုကို မရမကမလိုချင်သူအဖို့ နေရာပျောက်တယ်ဆိုတာမရှိပါဘူး" ဆိုတဲ့ ဆရာတော့်စကားကိုလည်းသတိရတယ်။ ဘ၀ကြီးမှာ ကိုယ်ဘာပဲလုပ်နေလုပ်နေ ကိုယ့်နေရာဆိုတာရှိတယ်။ ကိုယ့်နေရာကိုယ်နေရင် စိတ်ချမ်းသာရတယ်။ အပန်းပြေဖို့အတွက်ရေးတယ်ဆိုရင် သိပ်လေးတာတွေမရေးနဲ့။ သိပ်လေးတာတွေရေးမယ်ဆိုရင် ဘယ်သူမှ လာမဖတ်လည်း စိတ်မပျက်နဲ့။ အဓိက ကိုယ်စိတ်ချမ်းသာဖို့ပဲမဟုတ်လား။ ဝေနေယျသတ္တ၀ါခပ်သိမ်း ငြိမ်းချမ်းစေချင်ရင် မေတ္တာပို့၊ အမျှဝေနေမှာပေါ့။ ဘာလို့ စာရေးနေမှာလဲ။ Blog Account create လုပ်တုန်းက Blogspot တွင် ငါးနှစ်တိတိ၊ နေပူပူ၊မိုးရွာရွာ၊ ဆေးရုံရောက်ရောက်၊၀မ်းသွားသွား၊ စိတ်ညစ်ညစ်၊ without ifs and buts ရေးပါ့မယ်ဆိုပြီး Terms and condition ပါတာမှတ်လို့။
Blessings
Blessings ဆိုတာက ဘုရားရဲ့ ကောင်းချီးမင်္ဂလာလို့ပြောပါတယ်။ အဲဒီအဓိပ္ပာယ်ကနေ ရွေ့လျားလာတဲ့အခါ ဘ၀မှာ ကောင်းတာတွေဖြစ်လာတာတွေကို Blessings လို့ပဲသုံးပါတယ်။ ၂၀၁၀ မှာ အားလုံးကောင်းပါတယ်။ စီးပွားရေး၊ လူမှုရေး၊ ပညာရေး၊ ကျန်းမာရေး စသဖြင့် အကုန်ကောင်းပါတယ်။ ဘ၀ကြီးကိုလည်း ကျေနပ်ပါတယ်။ မကျေနပ်လည်း ဒါတွေပဲရမှာပဲမဟုတ်လား။ ရလာတာတွေကို ကျေနပ်ပါတယ်။ ဆုံးရှုံးသွားတာတွေကိုလည်း လက်ခံပါတယ်။ ၂၀၁၁ မှာဖတ်ဖို့ ၀ယ်စုထားတဲ့စာအုပ်တွေလည်း လုံလောက်သွားပါပြီ။ အသက်ကြီးလာလေ ... ပိုက်ဆံပိုလိုလာလေ ဖြစ်တဲ့သဘာဝတရားကြီးရဲ့ အထုအထောင်း အနှိပ်အစက်ကိုလည်း နေသားကျသွားပါပြီ။ (ဆိုလိုတာက အကြွေးတွေနဲ့လည်း သက်တောင့်သက်သာနေနိုင်ပြီ)
Bingo!!!!!!!!!!!!!!
လူတိုင်းဟာ အောင်မြင်ရင် အော်စရာ BINGO ဆိုတဲ့စကားလုံးရှိတယ်။
ဒါပေမယ့်ခက်တာက အဲဒီလိုအော်စရာ အောင်မြင်မှုမရှိတာပဲ။
မရှိသေးတာလို့ပဲ ပြင်ပြောကြရအောင်။ မော်ဒန်ခေတ်ကြီးမှာ လူတိုင်း ၁၅ မိနစ်တော့ ဆယ်လီဘရစ်တီဖြစ်နိုင်တယ်မဟုတ်လား။ အဲဒီအခါကြမှ အော်ကြတာပေါ့လေ။
Notes:
Thanks bro, for your cute design created in office hr.
Hope both of us will be fired from offices :) at the same time .... haha
Notes:
Thanks bro, for your cute design created in office hr.
Hope both of us will be fired from offices :) at the same time .... haha
Peace B with U.
