ကျနော့်မျက်ရည်တွေဟာအစစ်တွေ။
တိမ်တွေကိုမော့ကြည့်ရင်းနဲ့
ဇာတ်သွားရှည်ခဲ့တဲ့ ပြဇာတ်တစ်ခုပေါ့။
သာမန်အဖြစ်အပျက်တွေနဲ့ ပြိုကျသွားတဲ့
မိုးကောင်းကင်တစ်ခုစာ လေးလံခြင်းတွေရဲ့ သက်တမ်းတိုတစ်ခုလို့လည်း ဆိုနိုင်လိမ့်မယ်ထင်တယ်။
ချစ်ခြင်းတရားဟာ ကျနော်ကျပျောက်သွားတဲ့ စံပယ်ပွင့်လေးတစ်ပွင့်ပါပဲ
.....................။ ရနံ့အသေတွေကို လွမ်းနေတတ်အောင် သင်ပေးခဲ့တာတော့ အမှန်ပါ။
Shimano ပြိုင်ဘီးလေးကို
စီးရင်း တိတ်ဆိတ်တဲ့ညတွေကို လှစ်ခနဲဖြတ်သန်းရင်း .........ချွင် နဲ့ တွင် ကြားမှာ
သာသာယာယာမြည်တတ်တဲ့ စက်ဘီးဘဲလ်လေးတစ်ခုရဲ့ ဇာတ်လမ်းလို့ပြောလို့ရမယ်ထင်ပါရဲ့။
သိပ်ချစ်တယ်ဆိုတာကို အကြည့်တစ်ချက်က သက်သေခံလိုက်တာလည်းရှိခဲ့မယ်။
သိပ်ချစ်တယ်ဆိုတာကို စကားလုံးတစ်လုံးမှ သုံးစရာမလိုဘဲ အပြုံးလေးတစ်ဝင့်က
နားလည်မှုမှတ်တမ်းတင်လိုက်တာလည်းရှိခဲ့မယ်
...........။ ဆောင်းရာသီအသစ်တစ်ခုရဲ့ အအေးမြဆုံး နံနက်ခင်းတစ်ခုမှာ
လက်ဖျားလေးတစ်ခုဟာ ဂန္တဝင်ပြည့်စုံမှုတွေကို သယ်ဆောင်လာတဲ့ သဘောကောင်းလွန်းတဲ့
နတ်သမီးလေးရဲ့ ချစ်သက်လက်ဆောင်မွန် ...................................။
ရထားကြီးတစ်စင်းကို ငေးမောကြည့်ရင်း မောသွားခဲ့ဖူးတယ်
.................။ အနာဂတ်မှာ မင်းမပါဘဲ ကိုယ်ဘယ်လိုသွားရမှာလဲ ..........
အဲဒီနေ့တွေမှာ တိမ်တွေပြိုပျက်ကျပြီး အပျက်အစီးပုံတွေကြားမှာ ပိနေသလို
မွန်းကြပ်လွန်းလှတယ်။ အမှန်တရားကို နည်းနည်းချိုစေချင်တယ်။ ရသပျက်တွေမှာ
.......... ကိုယ်နည်းနည်းလောက်ပျော်ကြည့်ချင်တယ်။
.......ကော်ဖီခွက်လေးကို ငေးကြည့်နေချင်သေးတယ်။
ချစ်ခြင်းတရားရဲ့ မြင့်မြတ်ဖြူစင်သော ရနံ့သစ်များ
..........လက်သန်းလေးနှစ်ချောင်းကို ချိတ်ထားလိုက်ရုံနဲ့ ပြီးပြည့်စုံပြီး
လုံခြုံနွေးထွေးနေတဲ့ စိတ်ကို မေ့လိုက်ဖို့မဖြစ်နိုင်ဘူး။ ကောင်းကင်ကိုမော့ကြည့်ရင်း
သူ့ကြယ်လေးကို ငေးကြည့်၊ ကိုယ့်ကြယ်လေးကို ငေးကြည့် ...........
ကိုယ့်ကဗျာစာအုပ်လေးကို ငေးကြည့် .......အထီးကျန်တိတ်ဆိတ်နေတဲ့
အရိပ်မဲ့သစ်ပင်လေးကို ငေးကြည့် ......................။ မမြင်ရတဲ့ လှိုင်းတွေ၊
မမြင်ရတဲ့ ပျော့ပြောင်းတဲ့လိုင်းတွေ၊ မမြင်ရတဲ့ ရေမွှေးနံ့ချိုအီ
.................လွမ်းနေခြင်းမှာ ဝင်းမှည့်လာတဲ့ ချစ်ခြင်းရဲ့ သစ်သီးတွေ
..........။
ချစ်သူပေးတဲ့ ရေသံလက်စွပ်လေးအတွက်
စိန်လက်စွပ်တစ်ကွင်းကို နေရာဖယ်ပစ်လိုက်တဲ့ ချစ်စရာကောင်မလေးမှာ
အဖြူရောင် နှလုံးသားရှိတယ် ............။
စံပယ်ရနံ့ဟာ
ပန်းခြောက်ကို စွန့်ခွာသွားသလိုကွာဝေးခြင်းဟာ ချစ်ခြင်းတုကို စွန့်ခွာသွားခဲ့တယ်။
။(Zephyr) .... ဒီကဗျာအပိုင်းအစကို သူလက်မခံဘူးလို့ပြောတယ်။ ကံတရားရဲ့
အကျအပေါက်တွေထဲမှာ ချစ်ခြင်းတရားဟာ အကျအပျောက်များလွန်းတယ်တဲ့
.....................။ ကံတရားဆိုတာ ကိုယ့်အနာဂတ်မှာ လက်သီးအပြင်းဆုံးထိုးနိုင်တဲ့ ပြိုင်ဘက် ဖြစ်လာမှာလား
............။ ............................................................။
လဲကျသွားမှာ ကိုယ်မကြောက်ဘူး.. ကိုယ်ပြန်ရပ်တည်နိုင်တဲ့အချိန်မှာ မင်း
အရိပ်လေး ဘေး မှာရှိနေရင်ရပြီလို့ ကျနော်ပြောခဲ့သေးတာပေါ့။
မိုးရွာတဲ့စနေနေ့တစ်နေ့မှာ
သူ့ဒေါ်လေးဆုံးသွားတယ်။ သေခြင်းတရားဟာ ကျနော်တို့နဲ့သိပ်နီးတယ်ဆိုတာ
သိလိုက်ရတဲ့နေ့ပါပဲ။ ဒေါ်လေးးဟာ ဆုံးသွားတုန်းက ၃၈ နှစ်။ ကထိက။
ရုပ်ချောတယ်။ တည်ကြည်တယ်။ သိမ်မွေ့တယ်။ ၃၈ မှာမှ အိမ်ထောင်ပြုတယ်။
လအနည်းငယ်လောက်အကြာမှာ ထူးဆန်းတဲ့ရောဂါဖြစ်တယ်။ သိပ်မကြာခင်မှာဆုံးသွားတယ်။
သူ့ဘဝဟာရှင်းရှင်းလင်းလင်းပဲ၊ သူထွက်သွားပုံကလည်း ရိုးရိုးလေးပါပဲ။
ကျနော်တို့ဟာ ဒေါ်လေးရဲ့ အသုဘကို အတူသွားပို့ဖြစ်တယ်။ ..........သေခြင်းတရားဟာ
ကိုယ်တို့နဲ့ နီးနီးလေးမှာပဲ ........................ မသေခင်မှာ ကိုယ့်ကို
များများချစ်ပါလို့ ကျနော်ပြောခဲ့သေးတယ်။
တစ်ခုသော
ဒီဇင်ဘာမှာတော့ သူ့သူငယ်ချင်းတစ်ယောက်ဆုံးသွားတယ်။
သင်္ဘောလိုက်နေရင်း ခေါက်ဆွဲတစ်မျှင် အသက်ရှူလမ်းကြောင်းထဲဝင်ရာကနေ ဆုံးသွားတယ်
.........။ ကျနော်တို့အသက် ၂၂။ သေခြင်းတရားဟာ မမြင်ရတဲ့ ထောင့်ချိုးကနေ
လက်ပြနှုတ်ဆက်သွားတယ်။ အဲဒီသူငယ်ချင်းဟာ သူ့အမေအတွက် အိမ်လေးတစ်အိမ်ဆောက်ပေးနေတုန်း
ဆုံးသွားတာပဲ။ ချွေတာစုဆောင်းထားတဲ့ငွေတွေပို့ပေးရင်း သူ့အမေအတွက်
အိမ်လေးတစ်လုံးဆောက်ပေးခဲ့တယ်။ သူ့အဘိုးနဲ့အဘွားက ဘုရားသခင်ခေါ်သွားတာလို့ပြောတယ်။
Baptist အဖွဲ့တစ်ဖွဲ့က သီချင်းဆိုတယ် .......... ယာယီအိမ်လေး ပျက်သွားပြီတဲ့
.............။ သုဿာန်မှာ ကျနော်စဉ်းစားနေမိတယ် ........။
ချစ်တဲ့သူနဲ့ သေကွဲကွဲရတာလည်း မကောင်းဘူးဆိုတာကို
.......။ သေချာစဉ်းစားနေမိတယ်။ အပြန်လမ်းမှာ နီရဲဖောင်းအစ်နေတဲ့
သူ့မျက်လုံးကိုမြင်ရတာ ကျနော့်ရဲ့ အသုဘလို့ ခံစားလိုက်ရသေးတယ်။
AMGSTHPCT
တဲ့ ..........။ ကျနော့်မွေးနေ့ကဒ်မှာ သူ့လက်ရေးလှလှလေးနဲ့ရေးထားတယ်။
A
= အေး၊ MG=မောင် ST=Street လမ်း HP=handphone လက်ကိုင်ဖုန်း၊ CT=CT Scan
စီတီစကန်း လားဆိုပြီး မေးတော့ မဟုတ်ဘူးလို့ပြောတယ် .......။ အများကြီးဆိုတာထက်
ပိုချစ်တယ်လို့ ရေးထားတာလို့ပြောတယ်။ ဟိုက်ရှားဘားစ်။ မင်းသိင်္ခတွေဖတ်လာရာက
ဝှက်စာပညာရှင်ဖြစ်လာတယ်ထင်ပါရဲ့ ဆိုတော့ မျက်စောင်းကြီးကြီးတစ်ခု သူထိုးခဲ့တယ်
....။ မျက်စောင်းထိုးခံရတယ်ဆိုတာ လက်သီးနဲ့ထိုးခံရတာထက်တော့ တော်သေးတာပါပဲ
ဆိုတော့မှ လက်မောင်းကို လက်သီးနဲ့နှစ်ချက်လောက်ထိုးသွားတယ်။ အသိတွေဖြစ်နေတာနဲ့
ဖခင်နဲ့ လူကြီးစောင့်ရှောက်ရေးမတိုင်ခဲ့ဘူး .................။
အဲဒီတုန်းက
တစ်နှစ်မှာ နှစ်ရက်ပဲရှိခဲ့တယ်။
သူ့ကိုတွေ့ခွင့်ရတဲ့ရက်နဲ့ တွေ့ခွင့်မရတဲ့ရက် ............။
ကျနော့်ပြက္ခဒိန်ဟာ အဲဒီလောက် ရိုးရှင်းခဲ့ပါတယ်။
သူဝယ်ပေးထားတဲ့
စာအုပ်တွေဖတ်ရင်း၊ သူဝယ်ပေးထားတဲ့ Oranda Red cap ငါးလေးတွေကိုကြည့်ရင်း၊
သူပူဇော်ထားတဲ့ တရားခွေတွေနာရင်း
ကျနော့် နွေရာသီတွေကို အေးချမ်းအောင်နေခဲ့ပါတယ်။ ဝင်သက်ကို
ချစ်ခြင်းတရားနဲ့ ရှူသွင်းပြီး၊ ထွက်သက်ကို
လွမ်းဆွတ်ခြင်းနဲ့ ဖြေလျှော့ခဲ့တဲ့ရက်တွေ။ သူဆိုတဲ့ သီချင်းတွေနားထောင်ရင်း
သတိရနေတဲ့စိတ်နောက်ကို လွမ်းဆွတ်ခြင်းတွေဖြည့်နေခဲ့တာ ........ ကျနော်ပျော်ခဲ့ပါတယ်။
သူပျော်နေတာကို စောင့်ကြည့်ဖို့၊
သူငိုနေတာကို နှစ်သိမ့်ဖို့နဲ့တင် လူ့ဘဝကြီးဟာ ဒုလ္လဘ (ရခဲသောတရား) ဆိုတာ
လက်ခံခဲ့မိတာပဲ။
မနက်ခင်းမှာ
ကျနော်စိုက်ထားတဲ့ အိုးပုတ်စံပယ်ပန်းလေးပွင့်နေရင် အဲဒါဟာ သူ့အတွက်
ကျနော်ပေးနိုင်တဲ့ ရှားရှားပါးပါး လက်ဆောင်တစ်ခုပဲ။ ဆင်းရဲတာကို ကျနော်မငြူစူမိဘူး
.........၊ ကျနော့်ရဲ့ မပြည့်စုံမှုကို သူ့ရဲ့ပြည့်စုံမှုနဲ့မဖြည့်စွက်ခဲ့ဘူး။
ကျနော့်ရဲ့အလင်းဘက်ခြမ်းဟာ သူနွေးထွေးဖို့သက်သက်ပဲ။ နေရောင်ခြည်တန်းလို
သဘာဝဖြစ်တည်မှုကို သ နေစရာမလိုဘူးထင်တယ်။ ဆင်းရဲတဲ့သူက ဆင်းရဲမှာပဲ။ ချမ်းသာတဲ့သူက
ချမ်းသာမှာပဲ။ ကျနော်ကလည်း မော့မကြည့်ခဲ့သလို သူကလည်း ငုံ့မကြည့်ခဲ့ဘူး
........ချစ်ခြင်းတရားဟာ ငြိမ်းချမ်းရေး ပဋိညာဉ်တွေရဲ့
အထွတ်အထိပ်ဖြစ်ပါလိမ့်မယ်။
....................မိုးလေးဖွဲတုန်း
သီချင်းကို သူဆိုတဲ့အခါ ကျွန်တော်တိတ်ဆိတ်နေမိတယ်။ ..............ဘယ်လောက်ဝေးဝေး
မင်းအနားမှာ ...ထိုင်ကာလေ အမြဲရှိချင်တယ် ........ဆိုတဲ့ စာသားကို
ကျနော်သိပ်ခံစားရတယ် .........။ သီချင်းဆိုနေရင်း တစ်ခါတစ်ခါ သူမျက်ရည်တွေကျတယ်
...............။ မျက်ရည်တွေကျလာတာနဲ့ သူနှာချောင်းပိတ်သွားတတ်တယ်။
အဲဒီနှာခေါင်းပိတ်တဲ့အသံနဲ့စကားပြောရင် ကျနော်ရယ်မိတာပဲ .............။
သူ့အသံရှတတလေးကို ကျနော်ချစ်တယ်။
တိတ်ဆိတ်ခြင်းသင်္ကေတများဖြင့်
စိုစွတ်လှပနေသော မျက်တောင်လေးတစ်ချောင်းကို ကျနော်ချစ်သည် .........။
ချစ်နေခြင်းသည် အကျိုးဆက်တစ်ခုမဟုတ်၍
အကြောင်းခံတရားကို ဖော်ညွှန်းရန်ခက်လွန်းသည်။ ဟဒယဝတ္ထုတည်းဟူသော နှလုံးသွေးစက်ထဲမှ
အလိုလိုဖြစ်ပေါ်လာသော စိတ်၊စေတသိက်အစုအဝေး၏
ရစ်သမ်ကျကျ ဖြစ်၊ပျက်ခြင်းဖြစ်စဉ်ကိုပင် အချစ်ဟုခေါ်သည်ထင်ပါသည်။
မျက်တောင်လေးတစ်ချောင်းကို
ချစ်မိသူသည် မျက်ရည်စက်ကိုလည်း ချစ်ရမည်ထင်ပါသည်။ စောစီးစွာတွန်မြည်တတ်လာသော
ဥသြငှက်ငယ်အတွက်တော့ နွေဦးရာသီသည် ကောင်းကင်ဘုံဆန်လွန်းနေမည်ထင်ပါသည်။
ပန်းပွင့်တွေနဲ့
တိမ်တိုက်တွေပဲရှိနေရင်ကောင်းမှာ။ ............ ဘာလို့လည်းတော့မသိဘူး။ သူက
တိမ်တိုက်တွေကို သိပ်ချစ်တယ်။ ပန်းပွင့်တွေကို သိပ်ချစ်တယ်။ တစ်နေ့နေ့မှာ
တိမ်တိုက်တွေနဲ့ပန်းပွင့်တွေ ဝန်းရံနေတဲ့ ခြံဝင်းလေးမှာ တစ်ထပ်အိမ်လေးဆောက်နေကြမယ်လို့
သူခဏခဏပြောတယ်။ နောက်တော့ အိမ်ပုံလေးတွေ သူဆွဲပြီးယူလာတယ်။ တစ်နေ့တစ်မျိုးနဲ့
အမျိုးမျိုးပဲ။ မမြင်ရတဲ့ အနာဂတ်မှာ ကျနော်တို့ နေမယ်ဆိုတဲ့ အိမ်ကလေးဟာ
သိပ်ချစ်စရာကောင်းလာတယ်။ ခရေပင်ကြီးလည်းပါ၊ ကံ့ကော်ပင်လည်းပါ၊ စံပယ်ရုံလည်းပါ၊
စံကားပန်းပင်လည်းပါ ... ပန်းရနံ့တွေလည်းမွှေးပျံ့လာတယ်။
ဘုန်းဘုန်းဆေကိန္ဒတရားတွေ
သူသဘောကျတယ်လို့ပြောတယ်။ သူအကြိုက်ဆုံးတရားက ကွဲတတ်တဲ့သဘောရှိလို့ ဖန်ခွက်ကို
မကြိုက်ရဘူးဆိုတာပဲ။ ပျက်တတ်တဲ့သဘောရှိတာကို ချစ်နေရင် ပျက်သွားတဲ့အခါ
ခံစားနေရမှာပဲလို့သူပြောတယ်။
၂၀၀၈
စက်တင်ဘာ .....။ သူ့မှာ အကြိတ်တစ်ခုတွေ့တယ်ပြောတယ်။
ဆရာဝန်နဲ့ပြရတယ်။ နောက်ဆုံးအဆီကြိတ်ဖြစ်တယ်လို့သိရတယ်။
ကင်ဆာမဟုတ်လို့ပျော်လိုက်ရတာ။ ဘာပဲဖြစ်ဖြစ်ခွဲလိုက်ပါလို့ ဆရာဝန်က အကြံပေးတယ်။
ဒါနဲ့ စက်တင်ဘာနှောင်းပိုင်းမှာ ခွဲဖို့ဆုံးဖြတ်လိုက်ကြတယ် ။
ကျနော် ဆေးရုံမှာသွားစောင့်ပေးတယ်။ သူနေကောင်းသွားမှာပါလို့ပြောတယ်။
သိပ်ချစ်စရာကောင်းတဲ့ကောင်မလေးကို ခွဲစိတ်ဖို့ မေ့ဆေးပေးတယ်
.................................................
...................................................................................................................................................
ကမ္ဘာ့လူဦးရေရဲ့ ဘယ်နှရာခိုင်နှုန်းလောက် မေ့ဆေးနဲ့မတဲ့တာဖြစ်ကြသလဲတော့
ကျနော်မသိဘူး။ ကံဆိုးရှာတဲ့ကောင်မလေးကတော့ ကျနော့်ကို
အဲဒီနေ့မှာ နှုတ်ဆက်ထွက်ခွာသွားတာပဲ .................................။
တစ်ခါတစ်လေကြတော့ နိဂုံးဟာ ကြိုတင်ပြင်ဆင်ထားသလိုမဟုတ်ဘူး .............။ ကျနော်
သူဆွဲပေးတဲ့ အိမ်ပုံလေးကို ကြည့်ရင်း ငိုနေမိတုန်းပဲ ..............။
သူဆိုထားတဲ့
အခွေကြမ်းလေးကို နားထောင်နေတတ်တုန်းပဲ။ ချိုရှတဲ့ အသံလေးနဲ့
သီချင်းခွေမထုတ်ခင် လောကထဲကထွက်သွားတဲ့ကောင်မလေး
............ ငြိမ်းချမ်းတိတ်ဆိတ်တဲ့ ပန်းပွင့်နဲ့တိမ်တိုက်တွေရဲ့
ကမ္ဘာမှာ ပျော်ရွှင်ငြိမ်းချမ်းနေမယ်လို့ ကျနော်ထင်ပါတယ်။
အခုအချိန်မှာ
စံပယ်ပန်းတွေ ပွင့်လာရင် ကျနော်ရူးသွားလိမ့်မယ်ထင်တယ်။
အသိတရားနဲ့
ခံစားနာကျင်နေတာနဲ့ ရူးသွပ်ပြီးပျော်ရွှင်နေတာ တစ်ခုခုရွေးပါဆိုရင်
ကျနော်ဘာကိုရွေးလိုက်ရမှာလဲ။
အခုတလော
ဘယ်လောက် ဝေးဝေး မင်း အနားမှာ ထိုင်ကာလေ အမြဲရှိချင်တယ် ......
ဆိုတဲ့သီချင်းသံကို ထပ်ပြန်တလဲလဲကြားနေရတယ် .......။
စံပယ်ပန်းးတွေမပွင့်သေးဘူးလား.....ကျနော်စောင့်နေပါတယ်
....................။
။
Zephyr
Peace B with U.
