အမေဆုံးတာ လေးနှစ်လား၊ငါးနှစ်လားရှိပြီထင်တယ်။
အဲဒီကိစ္စနဲ့စပ်လျဉ်းပြီး အမှတ်တရ အမေ့မွေးနေ့ မေလ ၁၂ ရက်နေ့မှာ အိမ်မှာ ဘုန်းကြီးဆွမ်းကပ်ဖို့လုပ်တယ်။ မင်္ဂလာသက်တမ်း ၂ နှစ်ပြည့်လည်းနီးပြီဆိုတော့ ပေါင်းလုပ်လိုက်တဲ့သဘောပဲ။ မြန်မာပြည်မှာ သံဃာ့ဆေးရုံကို တစ်သိန်းခွဲလှူလိုက်တယ်။ သံဃာတွေကျန်းမာကြပါစေ။
အမေ့မွေးလအနေနဲ့ ရသအလင်းကို ၁၀၀ လှူလိုက်တယ်။ ရသအလင်းအသင်းလည်း ချမ်းသာသွားပြီထင်တာနဲ့ အရင်လက မလှူဖြစ်ဘူး။ နောက်တော့ ဆရာနေမျိုးကို လှူတာတွေ့တာနဲ့ သဒ္ဓါယိုဖိတ်သွားပုံရတယ်။
လွန်ခဲ့တဲ့ လေး၊ငါးနှစ်အတွင်း လှူခဲ့တာတွေပြန်တွက်ရင်း အရပ်ရပ်မှာ လှူတာတွေထည့်ပေါင်းရင် ဇနီးမောင်နှံနှစ်ယောက်ပေါင်း သိန်းငါးဆယ်ကျော်သွားပြီဆိုတာ သိရတယ်။ ဝမ်းသာတယ်။ ဂုဏ်ယူတယ်။ ကွယ်လွန်သွားတဲ့ မိခင်ကြီးလည်း သူ့သားနဲ့ချွေးမ သူ့အတွက် လှူနေတန်းနေတာသိရင် ပျော်မှာပဲ။ တစ်လတစ်လ ပုံမှန်လှူဖြစ်တဲ့အလှူတွေရှိလာတယ်။ လူတစ်ယောက်ရဲ့ဘဝကို အဆင်ပြေဖို့ လှူနိုင်တာ ကျေနပ်ဖို့ကောင်းတယ်။ ကိုယ်တတ်နိုင်သေးတဲ့နေ့အထိတော့ လှူနိုင်သလောက်လှူမယ်စိတ်ကူးထားတယ်။ လူတွေ အဆင်ပြေသွားတာကို ကျေနပ်တယ်။ ကိုယ်လှူနိုင်တယ်ဆိုတာကို ရထားတဲ့ ဥစ္စာဟာ မပျက်ခင်လှူမှဆိုတဲ့ နှလုံးသွင်းမှု၊ မနသီကာရနဲ့ပဲလှူတယ်။ ၂၀၀၁ မှာ မိုးကုတ် ရိပ်သာဝင်ပြီးကတည်းက ငါစွဲနဲ့လှူတာမျိုးမလုပ်တော့ဘူး။ သံသရာကနေ လွတ်ဖို့လှူတယ်။ သံသရာမှာကျင်လည်တုန်း အခက်အခဲရှိသူတွေ ပြေလည်အောင်လှူတယ်။ လိုတဲ့နေရာမှာပဲလှူတယ်။
လောလောဆယ်လှူချင်နေတာ ဘုန်းကြီးကျောင်းလေးထပ်ဆောင်ဆောက်လုပ်ရေးတစ်ခုအတွက်၊ ပိုက်ဆံများများမရှိသေးတော့ လှူချင်သလောက် မလှူနိုင်သေးဘူး။ Kallang ကျောင်းမှာတော့ အကြွေစုဗူးယူထားပြီး နေ့တိုင်းစုတာ ၄လတစ်ခါလောက်ပြန်အပ်ဖြစ်တယ်။ ၁၀၀၊ ၂၀၀ လောက်တော့အကြွေကနေလှူနိုင်သွားတာပဲ။ မေလ ၁၂ ရက်မှာလည်း စုထားတာပြန်သွားအပ်မယ်စိတ်ကူးတယ်။ အကြွေတွေပြန်မသုံးဘဲ လှူပစ်လိုက်တာဟာ အင်မတန်ကောင်းတာပဲ။ ဝန်မပိတော့ဘူး။ အလှူဆိုတာ နိုင်သလောက်ကနေပဲ စရမယ်ထင်တယ်။ ဖြည်းဖြည်းချင်း စုပြီး လှူရမယ်။ အလှူဟာ လောဘကို ပါယ်သတ်ဖို့ ကျင့်ကြံရတဲ့ အကျင့်ကောင်းပဲ။ လှူလေ လှူဖို့ရှိလေပဲ။
အိမ်မှာ ဘုရားစင်ရှိတယ်။ ဘုရားစင်မှာ ဘုန်းကြီးဆွမ်းကျွေးအတွက်တို့၊ သံဃာတွေလှူဖို့အတွက်တို့ကို သပ်သပ်ဖယ်ထားတယ်။ အိမ်မှာ အိမ်ငှားတွေပေးတာကိုလည်း တစ်ခါတစ်လေမှာ လှူဖို့ထဲကို နည်းနည်းထည့်တယ်။ သူတို့လည်းအတူကုသိုလ်ရအောင်။ တစ်နှစ်မှာ လေးငါးကြိမ်ထက်မနည်း၊ သင်္ကန်းလှူဖြစ်တယ်။ ဘာသာရေးအနေနဲ့ ဘာမှ အထွေအထူးမလေးနက်ဘူး။ ကိုယ့်စိတ်ကိုယ်ချမ်းသာအောင်ထားတယ်။ မိဘတွေပေးခဲ့တဲ့ အမွေကတော့ လိုနေတဲ့နေရာတွေ လှူဖို့ပဲ။ ဒါကို ငယ်ကတည်းက သင်ပေးခဲ့တာပဲ။ ဘုန်းကြီး၊သီလရှင်တွေကို လှူဖို့လည်း ငယ်ကတည်းက သင်ပေးခဲ့ကြတာပဲ။ မိဘတွေက တော်တော်စိတ်ထားကောင်းတာပဲလို့တစ်ခါတစ်လေတွေးမိတယ်။ ကိုယ်တိုင်လည်း မိဘတွေဆီက ကောင်းတာလေးတွေ အတုခိုးမှလို့စိတ်ကူးတယ်။
ငယ်တုန်းကတော့ ဘုရားဟောရှိတဲ့ အလှူဒါနရဲ့ အကျိုးကို တကယ်သိမယ်ဆိုရင် နောက်ဆုံးဆွမ်းလုတ်လေးတောင် မလှူဘဲနေမှာမဟုတ်ဘူးဆိုတာကို သဘောကျလို့ အိမ်ကခွေးတွေကို နောက်ဆုံးအလုတ်ကျွေးလိုက်တယ်။ ခွေးတွေဆုံးကုန်တဲ့အထိပဲ။
မြန်မာပြည်မှာ လှူဖို့လိုနေတဲ့နေရာတွေအများကြီးရှိတယ်။ အဆင်ပြေတဲ့သူက အဆင်မပြေတဲ့သူတွေအတွက် စဉ်းစားပြီးလှူရမယ်။ အဖွဲ့အစည်းတွေဘာတွေ လုပ်ကြတာကောင်းတယ်။ ရည်ရွယ်ချက်ပေါ်ကြည့်ပြီး လှူချင်စိတ်ပေါက်တယ်ထင်တယ်။ နိုင်ငံရေးတွေ၊ တစ်ကိုယ်ရည်ကျော်ကြားမှုတွေမပါတဲ့ အလှူသပ်သပ်မျိုးပဲလှူမယ်စိတ်ကူးတယ်။ ကိုယ့်နာမည်ကြီး ပြူးပြူးကြီးပါစေချင်လို့ တခြားလူတွေကို လိုက်အလှူခံတာမျိုးကိုတော့ ငါးပြားမှမလှူဘူးစိတ်ကူးတယ်။
မိဘမဲ့ကျောင်းတွေကိုများများလှူမယ်။ စည်းကမ်းရှိတဲ့စာသင်တိုက်ကိုများများလှူမယ်။ ရည်းစားထားတဲ့ကိုယ်တော်တွေထွက်တဲ့တိုက်ကိုတော့ သဒ္ဓါယိုဖိတ်မိမယ်မထင်ဘူး။ အင်တာနက်ကိုယ်တော်၊ ကင်မရာကိုယ်တော်တွေ၊ဟန်းဖုန်းကိုယ်တော်တွေကိုတော့ အကျင့်သိက္ခာကိုအကဲခတ်ပြီးမှ သုံးပေမယ့် မစွဲတဲ့သူကိုပဲလှူမယ်စိတ်ကူးတယ်။ မဟုတ်ရင် တွက်ခြေမကိုက်ဘူး။
လှူတဲ့တန်းတဲ့နေရာမှာ စည်းစနစ်နဲ့လှူနိုင်ဖို့ကြိုးစားမယ်စိတ်ကူးတယ်။ ကိုယ်လှူလိုက်တဲ့အလှူဟာ အကျိုးရှိရဲ့လားဆိုတဲ့ ပေတံနဲ့တိုင်းမယ်။ တစ်ချို့လည်း အကျင့်လည်းမကောင်း၊ လိုလည်းမလိုတာတွေကို အားအားယားယားသွားလှူကြတာရှိတယ်။ ဒါမျိုးကိုတော့ မလှူနိုင်ဘူး။ အိမ်သာဆောက်တာမျိုး၊ကျောင်းဆောက်တာမျိုးကိုတော့ တတ်နိုင်ရင်ကူလိုက်တယ်။
စင်ကာပူမှာရှိတဲ့ ဖောင်ဒေးရှင်းတွေကိုတော့ တစ်ခုမှမလှူဘူး။ လမ်းမှာ စုဗူးနဲ့အလှူခံတာကလွဲရင် တစ်ခုမှမလှူဘူး။ မြန်မာပြည်မှာ သူတို့ထက် ဆယ်ဆမက လိုနေတဲ့သူတွေရှိတယ်။ စင်ကာပူက ဘုန်းကြီးကို သင်္ကန်းတစ်စုံလှူရင် မြန်မာပြည်မှာ ဆယ်စုံလောက်လှူသင့်တယ်လို့ထင်တယ်။ ဒီမှာ ဘုန်းဘုန်းတွေက ပိုနေလို့ မြန်မာပြည်ကို ပြန်သယ်ပြီး လှူနေကြတာတွေ့တယ်။ ရဟန်းတစ်ပါးနှစ်ပါးလောက် ထူးထူးချွန်ချွန်ကောင်းရင်ကို လူတစ်သန်းလောက် ကုသိုလ်ရတဲ့သဘောရှိတယ်။ ဆရာတော်ဦးဇောတိကဆိုရင် မွတ်ဆလင်မိဘတွေက ပေါက်ဖွားလာတာပဲ။ ကံကောင်းတာကတော့ စောစောစီးစီးလူဖြစ်ပြီး၊ မိတ္ထီလာဘက်မှမနေမိတာပဲ။ မီးရှို့လိုက်လို့ သေကုန်တဲ့ထဲမှာ ဆရာတော်ဦးဇောတိလို ဆရာတော်လောင်းလျာတွေ ပါချင်လည်းပါသွားမယ်လို့တွေးမိတယ်။ ဆရာတော်ဦးဇောတိက စာအုပ်ပူဇော်တာဟာ သူ့သမီး မွတ်ဆလင်မိသားစုရဲ့ စီးပွားရေးကို ကူညီရာရောက်တယ်လို့ တစ်ခါက ပြောကြတယ်။ အဲဒါနဲ့ ဆရာတော်ဦးဇောတိကစာအုပ်များများပူဇော်ပြီး အသိတွေကို လက်ဆောင်ပေးလိုက်တယ်။ လူတစ်ယောက် စိတ်ကောင်းရှိဖို့ဟာ ဘယ်အရာထက်မဆို ပိုအရေးကြီးတယ်။ မွတ်ဆလင်တွေ၊ ခရစ်ယာန်တွေ၊ ဗုဒ္ဓဘာသာတွေဆိုတာ ကိုယ်ပိုင် တန်ဖိုးမရှိတဲ့ဘာသာရေးအရေခြုံတွေလောက်ပဲ အစွန်းရောက်သင့်တဲ့ကိစ္စဖြစ်တယ်။ လူတိုင်းမှာ ဒုက္ခရှိတယ်။ ဒုက္ခသစ္စာကိုလူတိုင်းရထားကြတယ်။ သမုဒယသစ္စာကြောင့် မီးဆက်လောင်နေတယ်။ လူတိုင်းမှာဖြစ်နေတယ်။ လူတိုင်းဟာ အခြေံအားဖြင့် လောကဓံရှစ်ပါးကိုခံကြရတယ်။ ဘာသာရေးတွေကို တကယ်မေ့ထားနိုင်လာတဲ့အချိန်မှာ လူကို လူလို့မြင်လာကြတာပဲ။ အလှူခံ တစ်ကျိပ်လေး ခွေးတောင်မှပါတယ်ဆိုပြီးဆိုကြတယ်။ ခွေးဟာ ဘာ ဘာသာမှ မကိုးကွယ်ဘူး။ အဟိတ်ဖြစ်တယ်။ တိရစ္ဆာန်လည်းဖြစ်တယ်။ ရှေးဟောင်းဘာသာတွေမှာ ခွေးကို နည်းနည်းနှိမ်ပြောကြတာတွေ့တယ်။ တော်တော်လေးတော့ မကျေနပ်လှဘူး။ သို့သော်လည်း လူထက်နိမ့်လို့ တိရစ္ဆာန်ဖြစ်ရတာလို့ ယုံကြည်ကြတာဆိုတော့ မလှူကောင်းတဲ့ပုဂ္ဂိုလ်မရှိဘူးလို့ဆိုလိုတယ်။ အားလုံးအဆင်ပြေနေကြရင် လှူစရာလူတောင်မရှိတော့ဘူး။ ဥပမာ နတ်ပြည် ဆိုပါတော့။ ဘယ်နတ်ကမှ တောင်းစားရတယ်မရှိဘူး။ နတ်တောင်းစားဆိုတာမရှိဘူး။ မြင့်တဲ့ဘုံမှာ အဲဒီလို အဆင့်မြင့် အလုပ်မရှိတော့ဘူး။ လူ့ဘုံမှာပဲ လှူလို့တန်းလို့ရတယ်။ သိကြားမင်း ဘုရားရဲ့ E အိုးလာသယ်တဲ့ဥပမာဟာ ဥပမာကောင်းပဲ။
အလှူဟာ လှူတတ်ဖို့လိုတယ်လို့ပြောကြတယ်။ ဆုတောင်းမှားရင် သံသရာရှည်မယ်လို့ဆိုတယ်။ နိဗ္ဗာန်မရောက်မီစပ်ကြားဆိုပြီး စပ်ကြားကုသိုလ်တွေအတွက်မျှော်နေရင် သံသရာရှည်တာပဲ။ ရလာတာတွေ မလှူလည်းကုန်မယ်ဆိုတာ မသိရင် နှမြောကြတာပဲ။ လှူလိုက်တာကမှ ပီတိလေးရသေးတယ်။ မီးလောင်သွားရင် ဘာပီတိမှမကျန်ဘူး။ ငွေဆိုတာလည်း ရှေ့နှစ်မှာ စီးပွားပျက်၊နောက်သုံးလေးနှစ်လောက်ဆို ငတ်ပြတ်နေဖို့များတယ်။ မတတ်နိုင်ဘူး။ ကိုယ်စီမံနိုင်တာက ခပ်နည်းနည်းပဲ။ မဖြုန်းသင့်တာ မဖြုန်းမိဖို့လောက်ပဲ သတိထားလို့ရတယ်။ ကံအကြောင်းတရားတွေ ကိုယ်မသိနိုင်ဘူး။ လှူတတ်ရင် အကျိုးပေးကလည်းမှန်တာပါပဲ။ မိုးကုတ်ဆရာတော်ကြီးပြောသလို အခုလို လူဆက်ဖြစ်ပြီး ဒုက္ခတွေခံနေရသေးတာ တစ်ချိန်က ဘုရားစင်ရှေ့မှာ ကုန်းကန်တော့ပြီး လူချမ်းသာ၊နတ်ချမ်းသာ လုပ်ခဲ့ကြလို့ ဆုတောင်းကောင်းခဲ့ကြလွန်းလို့လို့ ဆိုပါတယ်။ ဘုရားရှေ့မှာတင် ဒုက္ခသစ္စာကို သိပ်ကြိုက်လို့ ဆက်ယူပါရစေ၊ နိဗ္ဗာန်ချမ်းသာကို နောက်မှ ယူပါရစေလို့ ကိုယ့်ဟာကိုယ် ကတိပြု၊သစ္စာဆိုခဲ့ကြတာ။ ကိုယ်လုပ်တာ ကိုယ်ရကုန်တာပဲ။ နောက်ဆုံးတော့ သံဝေဂဉာဏ်ကြီးကြီးနဲ့ကြည့်ရင် ကိုယ့်ကိုယ်ကို အင်မတန်မှ စနစ်တကျလုပ်ခဲ့ကြလို့ ဒီလောက်ဒုက္ခရောက်တာဆိုတာ ရေးရေးပေါ်တယ်။ နိဗ္ဗာန်အထိရနိုင်တဲ့ ကုသိုလ်မျိုးကို အဲဒီအထိမယူဘူး၊ လူ့ချမ်းသာမှာပဲ ကျနော့်ကို ချထားပေးပါဆိုပြီး ကိုယ့်ဟာကိုယ် ခုန်ချလိုက်တာပဲ။ မောဟဟာ အင်မတန်မှ သတ္တိကောင်းတယ်ထင်တယ်။ မိုက်ရူးရဲဆန်လွန်းတယ်။
ယာယီဖြစ်တဲ့ နေအိမ်၊ ယာယီဖြစ်တဲ့ မိတ်ဆွေ၊ ယာယီဖြစ်တဲ့ချမ်းသာတွေဟာ ဘယ်ဟာမှမကောင်းဘူး။ ယာယီချမ်းသာတောင်မရရှာတဲ့သူတွေမနည်းဘူး။ တစ်ချို့တွေ တစ်ပတ်မှာ နှစ်ရက်ဇိမ်နဲ့နေနိုင်သေးတယ်။ လူ့ဘုံက အသူရကာယ်တွေထင်တယ်။ ငါးရက်ခံ၊ နှစ်ရက်စံတွေ။ ငါးရက်တောင်မှ တစ်ချို့က အပြည့်မခံရဘူး။ အကျိုးပေးကောင်းနေတော့ အားအားယားယား စာတွေဘာတွေ ရေးနိုင်သေးတယ်။ ယာယီကို တာရှည်မထင်နဲ့လို့ အရှင်ဆေကိန္ဒမဟုတ်ရင် အရှင်ဆန္ဒာဓိကဟောဖူးလိမ့်မယ်။ ခရစ်ယာန်ဓမ္မသီချင်းတွေမှာတော့ ခန္ဓာဟာ ယာယီအိမ်ပဲဆိုတဲ့ သီချင်းလေးတွေရှိတယ်။ ဘာပဲဖြစ်ဖြစ် ယာယီဆိုတာသိရင် နည်းနည်းခံစားရတာသက်သာတယ်။ အခုမကောင်းတာတွေလည်း ယာယီပဲ။ အခုအဆင်မပြေတာတွေလည်းယာယီ။ သေရင် နောက်ထပ်အသစ်တစ်ခုဖြစ်တာပဲ။ နိဗ္ဗာန်ရောက်ရင်တော့ ထပ်ဖြစ်စရာလည်းမလိုတော့ဘူးဆိုတော့ သာတောင်မှ ပျော်ရွှင်ဝမ်းမြောက်စရာကောင်းတာပဲ။ နိဗ္ဗာန်မရောက်သေးသော်လည်း နောက်ဘဝ ကောင်းတဲ့ဘဝရောက်မှာ ကျိန်းသေနေရင် သေပျော်တာပါပဲ။ ကိုယ့်စိတ်ကိုယ် စိတ်ချရရင် သေမှာမကြောက်တော့ဘူး။ သေမှာကြောက်နေသေးရင်လည်း ကိုယ့်စိတ်ဟာ အင်အားမပြည့်သေးဘူးလို့ဆိုရမယ်ထင်တယ်။
ယာယီအဖြစ်အပျက်တွေကိုမခံစားနေနဲ့။ သေရင်မပါတာတွေကို ခံစားမနေနဲ့။ ဘဝမှာ လောကဆီက ရလာတာကို လောကကို ပြန်ပေးရမယ်။ လောကရဲ့သဘောကိုကဒီလိုပဲ၊ ဖြစ်ခြင်းဟာ ပျက်ခြင်းမှာအဆုံးသတ်တာပဲ၊ ရခြင်းဟာ ကုန်ခြင်းမှာ အဆုံးသတ်တာပဲ၊ ဆူညံခြင်းဟာ တိတ်ဆိတ်ခြင်းမှာ အဆုံးသတ်တာပဲ၊ မမြဲတာကို မြဲတယ်ထင်တဲ့သူဟာ ပိုခံစားရတာပါပဲ။ အမေဆုံးသွားတော့ တစ်သက်လုံးရှိမနေဘူးဆိုတာသိပေမယ့် ခံစားရတာပဲ။ ယာယီရှင်သန်နေတဲ့ ဆွေမျိုးကို တစ်သက်လုံးအတူရှိနေမယ်ထင်ခဲ့မိတဲ့ မောဟကြောင့်ပိုခံစားရတာပဲ။ ငါစွဲကြောင့် ငါ့အမေဆိုပြီး ဒိဌိဝင်လာတော့ ပိုခံစားရတာပဲ။ အသိမှား၊အယူမှား၊အမှတ်မှားဆိုတာကို တီဗီမှာ ဦးဃောသိတဟောတုန်းကတော့ ရှင်းပါရဲ့၊ ကိုယ့်အမေဆုံးမှ ဒီဟာက ခွက်သုံးခွက်ထက်ပိုတယ်ဆိုတာ ရှင်းလင်းသွားတယ်။ ခန္ဓာထဲ ဉာဏ်ရောက်ဖို့ဟာ ထင်သလောက်မလွယ်ဘူး။ ရေကူးသလိုပဲထင်တယ်။ အပေါ်ကနေကြည့်တော့ လွယ်လိုက်တာ။ မိုးကုတ်ဝိပဿနာမှာ အလွယ်လုပ်ထားတဲ့ ပဋိစ္စသမုပ္ပါဒ်စက်ဝိုင်းဆိုရင် သိပ်လွယ်တယ်ထင်တာ။ အရှင်အာနန္ဒာဆို ကိုယ့်ထက်တောင်ဆိုးသေးတယ်။ ဒါတွေကအချဉ်ပါဆိုပြီး ဘုရားကိုတောင်သွားကြွားလိုက်သေးတယ်။ အပင်မှမျိုး၊မျိုးမှအပင်ဆက်စပ်တာမျိုးကို လွယ်တယ်ထင်တာ။ စိတ်ထဲမှာ လည်တဲ့ ပဋိစ္စသမုပ္ပါဒ်ကြတော့ ခံစားနေရတာနဲ့ ထွက်လမ်းမရောက်တော့။ သောက၊ပရိဒေဝ၊ ဥပါယာသဘက်ရောက်ပြီး မျက်ရည်များတောင်လည်ရှာတယ်။ စာတွေ့ဟာ ကိုယ်တွေ့နဲ့ယှဉ်ရင် သေးသေးလေးမှ တကယ့်သေးသေးလေးပဲ။
မနေ့ကပဲ ဇနီးသည်ရဲ့ အသိတစ်ယောက်ဆုံးသွားတယ်။ လေဖြတ်တယ်၊ ဆုံးတယ်။ ရက်အနည်းငယ်လေးပဲ။ သူက ပင်စင်ယူပြီးပြီ၊ ကလေးတစ်ယောက်ရှိတယ်။ အနာဂတ်မှာ အစီအမံတွေရှိတယ်။ သေခြင်းကတော့ သူ့ရဲ့ စိတ်ကူးတွေကို စောင့်မသွားဘူး။ တခါတလေ သိပ်ရက်စက်တယ်လို့ထင်စရာရှိတယ်။ အမှန်တော့ သေမှာကို မေ့နေကြတာကြောင့် အံ့အားပိုသင့်ရတာထင်တယ်။ အလှူအကြောင်းကနေ သေခြင်းဘက်ကိုဝေ့လာတာကို သတိထားမိမယ်ထင်တယ်။ သေခြင်းဟာ ကန့်သတ်လိုက်တာပဲ။ အချိန်ဆွဲတတ်တဲ့သူတွေ နောက်အနာဂတ်မှာ မလုပ်ဖြစ်တော့ဘဲ ဖြစ်နိုင်သွားတယ်ဆိုတာကို သင်ခန်းစာပေးနေတာပါပဲ။ သေခြင်းမရှိရင်တော့ အလောတကြီးလုပ်စရာဘာမှမရှိဘူး။ နောက်ဘဝမှာ ဘာယူသွားချင်လဲ။ အဲဒါကိုစဉ်းစားတော့၊ နံပါတ်တစ်က အသိဉာဏ်ပဲ။ အဲဒါမပါသွားရင် နောက်ဘဝမှာ ပိုနိမ့်ကျတဲ့ဘဝသွားဖို့ ကိုယ်ထူးကိုယ်ချွန်လုပ်မိတော့မယ်။ လူ့ချမ်းသာ၊နတ်ချမ်းသာဘက်ကို ပါးစပ်သရမ်းပြီး ဆုတောင်းမိဦးမယ်။ ဒါမှမဟုတ် မိုက်တယ်ဂေါ်တယ်ဆိုပြီး Shoko Asahara လိုလူကို ဘုရားထင်ပြီး ဂတ်စ်နဲ့လူတွေသတ်မိနေနိုင်တယ်။ အဲဒီတော့ ဒါမျိုးတွေမလုပ်မိအောင် အသိဉာဏ်လေးတော့ ပါမှဖြစ်မယ်။ နောက်တစ်ခုက ငွေ၊ပိုက်ဆံ၊ငဝိုင်း၊အာရကေ ဆိုတာလိုတဲ့ဘဝလိုတာပဲ။ အဖေက ဘဏ်ကာ၊ အမေက မီလျံနာ၊ အီတလီမှာ နေ့လည်စာ စပါဂတ်တီစားပြီး၊ပြင်သစ်မှာဝိုင်သောက်၊ ဂျာမနီမှာဘီယာသောက်၊ အင်္ဂလန်မှာဘောလုံးပွဲကြည့်ပြီး၊ဆွစ်ဇလန်မှာဂရိကမှာတဲ့သောက်ရေသောက်ပြီးမှ မြန်မာပြည်မှာ မုန့်ဟင်းခါးစားဖို့ ကိုယ်ပိုင်လေယာဉ်နဲ့ပြန်လာလောက်အောင်ချမ်းသာဖို့တော့ လိုချင်မှလိုမယ်။ သို့သော်လည်း သိပ်နွမ်းပါးရင်တော့မကောင်းဘူးခင်ဗျ။
(ဆက်ရန်)
Regards,
Z
Peace B with U.
