facebook ပြဇာတ်
တစ်ခန်းရပ်တာ သိပ်များမြန်လွန်းနေသလား။ ............ သပြေနုချိန် အမေစုအိမ် မှာဓာတ်ပုံရိုက်။ အီလက်ထရောနစ်ဥပဒေ သမ္မတကြီးလက်ထက်မှာ မီးအပျက်နဲ့ကြုံရင်း ခေတ္တပယ်ဖျက်။ ဧရာဝတီကို သေမတတ်ကာကွယ်ကြ၊ ဦးခင်ညွှန့်ပြန်လာပြီ။ ဇာဂနာ ဓာတ်ပုံတွဲရိုက်၊ အခြေအတင်ပြောကြဆိုကြ၊ မဲဆွယ်ပွဲ ဖယောင်းလိုအပ်ချက်၊ နိုင်ငံရေးသုခမိန်များ ဖေ့စ်ဘွတ်ခ်တလွှား လောက်များသဖွယ် တဖွားဖွား ပေါ်ထွန်းလာ။
သင်္ကြန်တွင် အေးချမ်းပေါ်လွင် ဖက်ရှင်များဖြင့် တိုင်ဖက်ဆပ်စလူးများ ပျော်ရွှင်စွာရေကစားလျက်ရှိ။
သင်္ကြန်ဖက်ရှင်နှင့်ပတ်သက်၍ ဖက်ရှင်မကျသော ဝတ်ဆင်မှုဆိုင်ရာ ပြောဆိုသင်ပြခြင်းများထွက်ပေါ်လာ။
စာပေစီစစ်ရေးမရှိတော့ဘူးဆိုသည့်အသံများတိုးတိုးလေးကြားရ။
ကချင်ပြည်နယ်မှစစ်ပွဲများ၊ မဲနိုင်သတင်းများ၊ မီးလောင်မှုများ ... ဖေ့စ်ဘွတ်ခ်ဝေါလမှာ ရာသီဥတု ကူးပြောင်းတာလည်းမြန်၊ နှလုံးသွင်းလည်းမှန်မှ အဆင်ပြေမယ်။ သမ္မတကြီးကို ကြိုဆိုထောက်ခံကြ။ ဦးခင်ညွှန့် ဒီပဲယင်း ပရီဗျူးကြော်ငြာအပြီး ရဟန်းဝတ်။ ဒေါ်လာငါးထောင်တန်အလုပ်ရ။ အမေစုကို ဝန်းရံကြ။ ကားတင်သွင်းမှုသတင်းများ၊ ပေါက်ဈေးများ။ ခရိုနီများ၊ အကြံပေးများ၊ ပညာရှိကြီးများ၊ ကားဘီးအပေါက်မှာစုပြုံတွန်းထွက်လာတဲ့လေတွေလို ဖေ့စ်ဘွတ်ခ်အနှံ့မှာ မြန်မာ့အရေး အချိန်ပေးပြီးပြောဆိုသူများလာ။ ဂျပန်အကြွေးလျှော်၊ သမ္မတကြီး Times ရဲ့ ကျော်စွာ ၁၀၀ စာရင်းတွင်ပါ။
ညီလာခံတက်ရန် ကျမ်းကျိန်ဖို့ လေးစားလိုက်နာကာကွယ်စောင့်ရှောက် ၊ယာယီသဘောတူညီ။ ထို့နောက် ယင်လတ်တို့နိုင်ငံဖိုရမ်။ တစ်ခါတစ်ရံ ၈၈ မျိုးဆက်သတင်းများ၊ ဇာဂနာတစ်ချက်တစ်ချက် ပြက်လုံးထုတ်၊ တစ်ချက်တစ်ချက် ဟောပြော၊ မီးလောင်မှုများထပ်ဖြစ်၊ ဗိုလ်ချုပ်အောင်ဆန်းကား ရိုက်ကူးရန်စတင်ကြိုးပမ်း၊ The lady ကား မီရှဲယိုး မြန်မာလိုပြော၊ အလံကိုပြောင်းပြန်ထောင်၊ ခေတ်နှင့်အညီ ဆန္ဒဖော်ထုတ်၊ သူငယ်တန်းကျောင်းသားလေး မောင်ဘဂျမ်းမှ အိမ်စာမဟားတရားပေးသော ဆရာမ မြသက်ခြယ်အား ကန့်ကွက်ကြောင်း ဆိုင်းဘုတ်ကိုင်၍ အစာငတ်ခံဆန္ဒပြ။ မိုးပြာဂိုဏ်းမှ တာတီးတီးတာ ရဟန်းတာတစ်ပါးအားလူဝတ်လဲ၊ မတာတော့ဘူး လူဝတ်ပြန်ကြောင်လိုက်ပြီဟုထုတ်ပြန်၊သမ္မတကြီး ကျန်းမာရေးသတင်း၊ မြန်မာပြည်တွင် လျှပ်စစ်မီးများ ဦးဇော်မင်းထံတွင်ပိုလျှံ၊ ဦးကိုကိုလှိုင်တွင်မလုံလောက်။ ဦးမြင့် တက္ကသိုလ်များကိုပြန်အသက်သွင်းရန်ဆန္ဒပြု၊ ခရိုနီများကိုကြင်နာပါဟုလည်းဆို၊ ဇေကမ္ဘာ လယ်သိမ်း ချစ်တီး၊ နေရာအနှံ့တွင် ဆန္ဒထုတ်ဖော်၊ ဒီမိုကရေစီမှ ဒီမွန်းစတေးရှင်းကရေစီဘက်သို့ရောက်လာဟန်တူ၊ လစ်ဘရယ်ဒီမိုကရေစီဆိုသော စကားလုံးတစ်လုံးလောက်ပြောမှ လူလူသူသူဖြစ်၊ အစာငတ်ခံဆန္ဒပြသူများ အခြေအနေဆိုး၊ ရေဆိုးများကို အဆင်ပြေသလို စွန့်ပစ်နေ၊ ပရဟိတအသင်းအဖွဲ့များ အစိုးရကိုယ်စားပြည်သူကိုစောင့်ရှောက်၊ မီးပျက်သတင်းများ၊ မြန်မာပြည်တွင် အင်တာနက် အပါယ်လားသွားခြင်း၊ အရှင်လတ်လတ်မြေမြိုသွားသည်ဟုဆို၊ လျှပ်စစ်မီးပါ ကာလဝိပါက်နောက်ပိုးတက်သွား၊ မန္တလေးတွင် ဖယောင်းတိုင်များထွန်း၍ ဖက်ရှင်ကျကျ ဆန္ဒပြ၊ ပါရီးမှ ဒီဇိုင်နာများပင် ပါးစပ်အဟောင်းသားပွင့်၊ငုတ်တုတ်မေ့၊ ဖယောင်းတိုင်အလင်းဖြင့် ခေတ်မီဖွင့်ဖြိုးတိုးတက်သော နိုင်ငံတော်သစ်ကို စီတန်းချီတက်သွားသယောင်၊ ကျန်မြို့များသို့ကူးစက်၊ ဆန္ဒထုတ်ဖော်လို့ရသဟေ့ ... မင်းတို့လက်တွေ လေထဲကိုမြှောက်ထားလိုက် ... ဒီမိုကရေစီ ရို့ရို့ ....။
မန္တလေးသို့မီးစက်များရောက်လာ၊ ပေါ့တေးဘဲလ်များဖြစ်၊ လျှပ်စစ်သုံးစွဲမှုစာရင်းများ ပြည်သူများ သိရှိရန် ထုတ်ပြန်လာ။ .... အစိုးရမှ လျှပ်စစ်ဓာတ်အားဝယ်လိုကြောင်းပြောကြား၊ (ဦးဇော်မင်းဆီကပြန်ဝယ်လိုက်)။ ကချင်ပြည်နယ်တွင် တိုက်ပွဲများဖြစ်၊ လူများသေ၊ ငတ်ပြတ်၊ လှူဒါန်းမှုများပြုလုပ်။
အစာငတ်ခံ ဆန္ဒပြအလုပ်သမား၏ သားလေးမှ ဖေကြီးပြန်လာရင် ကြက်သားစားရမယ် ဟုပြောသွားဟု ဆို။ တစ်ချက်တစ်ချက် ဒေါ်စုရဲ့ကဗျာ၊ တစ်ချက်တစ်ချက် ကိုမင်းကိုနိုင်ရဲ့ကဗျာတွေတက်လာ၊ ဟောပြောမှု ကလစ်အတိုလေးတွေတက်လာ၊ နိုင်ငံရေးလွတ်လပ်စွာပြောဆိုခွင့်များတွေ့ရှိလာ၊ ယခင်ကနှင့်မတူသော အပြုသဘောဆောင်မှုများတွေ့ရှိလာ။ လက်ကျန် ယုံကြည်မှုကြောင့်တော့မဟုတ်ဘူး နိင်ကျဉ်းလည်းမရှိဘူး၊ သူတို့ ဥပဒေတစ်ခုခုချိုးဖောက်လို့ ထိန်းသိမ်းထားရတာဆိုတဲ့လူတွေကို ပြန်လွှတ်မလိုလိုတွေဖြစ်၊ နိုင်ကျဉ်း နဲ့ကျနေတဲ့သားဖြစ်သူအတွက် မိခင်ကြီးတစ်ဦးမှ ဓာတ်ပုံကိုင်ပြီး တောင်းဆို။ လွှတ်ရင်လည်းအကုန်လွှတ်လိုက်ပါတော့လား စိန်စိန်ရယ် .. စသဖြင့်ပြောကြားလာ။
နိုင်ငံတကာမှခေါင်းဆောင်များ အမေစုနှင့်ဓာတ်ပုံတွဲရိုက်တာ ခေတ်စားလာ။ ဆုတစ်ခုခုမပေးရသေးတဲ့တက္ကသိုလ်က ပေါင်မုတ်ခဟာ နူမလိုပဲ ဒေါ်စုကို ဆု တစ်ခုခုပေးချင်လာ။ အင်တာနက်ရှင်းနယ်မဝင်ဆန့်သော အရှေ့တောင်အာရှအနူတောမှ ခရုသင်းနှင့်ခေါင်းဆောင်များ မနာလိုသလိုလိုဖြစ်လာ။ မိတ်ကပ်လိမ်းနေရသောကြောင့် မယင်လတ်ကို ဒေါ်စုကိုယ်တိုင်သွားတွေ့လိုက်ရသည်မှအပ ကျန်ခေါင်းဆောင်များ ပါဝါ ၅၄ ဆီလာကြ။ မိုးပြာဖက်ရှင် ကလင်တန်မကြီးလည်း ခင်ခင်မင်မင်ပြောဆို၊ ပြင်သစ်ကလည်း ဆုတံဆိပ်အချိန်မီလာပေး၊ အင်္ဂလန်ဝန်ဂျီးချုပ်ခမျာလည်း အပြေးတပိုင်းလာတွေ့၊ တောင်ကိုးရီးယားကတစ်ယောက်လည်း မြောက်ကိုးရီးယားက ပါးဖောင်းလေးတို့ဗုံးမထောင်တော့ဘူးသေချာတာနဲ့ရောက်လာ၊ အမေစုကို အားပေးသူများမှလည်း ပျော်ပျော်ကြီး ပုံတွေတင်ကြ။ အားပေးကြ၊ ချီးမွမ်းကြ။
ကြားဖြတ်ပြောရလျှင် အဖြစ်အပျက်တစ်ခုနှင့်တစ်ခုကြားတွင် ခံစားချက်အင်နားရှားဖြစ်မနေရပါ။ ဆက်တိုက်ခံစားရမည်ဖြစ်သည်။ မီးပျက်သည့်အကြောင်းရောက်နေလျှင် ဧရာဝတီကို ကာကွယ်သည့်အကြောင်းပြန်မလှန်ပါနှင့်။ သပ်သပ်စီခံစားပါ။
ပလီစိခုနစ်ချက်ဆန်ဆန်၊ပရောဖတ်ဆန်ဆန်၊ ကြားနေဆန်ဆန်( ကျွန်တော်လည်းပါ)၊ ခါတော်မီ ရေးသားသူတွေများလာ။ ခေါင်းဆောင်များကို လိုအပ်သည်များ မှာစားသူများလည်း တဖြည်းဖြည်းပိုများလာ ( သူတို့မှာလည်း ဒေါ်စု အကျယ်ချုပ်ကလွတ်လာတဲ့အထိ အောင့်ထားရပုံရတယ်)။
ဦးသိန်းစိန်ကို pacemaker မှ peacemaker သို့ဆိုပြီး ချီးကျူးကြောင်းပို့စ်တစ်ခုရေးမလိုလိုဖြစ်ပြီး မရေးဖြစ်လိုက်၊ ပေါ်ပင်လိုက်သော မီဒီယာသမားများ ထက်ထက်မိုးဦး ဘယ်သူ့ကို ပါးထပ်ရိုက်မလဲစောင့်မျှော်။ သိက္ခာရှိရှိရပ်တည်သော ဂျာနယ်မှ အင်တာနက်ဘာသာပြန်အင်တာဗျူးကို သိက္ခာရှိရှိ ပြည်သူများဖတ်စေချင်သော စေတနာ ဖြင့် သိက္ခာရှိရှိ ဖော်ပြ၊ ဆက်လက်ဖော်ပြသွားမည်ဖြစ်ပြီး စာမူခကို ရွှေသားဖြင့်ပေးချေမယောင်ပြု၊ ဥပဒေကြောင်းအရ ဖေ့စ်ဘွတ်ခ်ကွန်မန့်များကို တရားစွဲဆိုမည်ဟု အတည်ကြီးကြိမ်းမောင်း၊ အံ့ဖွယ် အယ်ဒီတာ။
ထို့နောက် မြန်မာပြည်ဖွားမွတ်စလင်လူမျိုး (၀ါ)ကုလား သုံးယောက်နဲ့ မုဒိမ်းဇာတ်ကြမ်းဖြစ်၊ မြန်မာပြည်ဖွား မွတ်စလင်လူမျိုး(၀ါ) ကုလားတစ်ချို့ အသတ်ခံရ၊ အကျယ်အကျယ် မငြိမ်းဖွယ်ဖြစ်။ မငြိမ်းဖွယ်မှာ ဒေါ်ပုကြွယ်ဘက်မှဆင်းသက်၊ တုံးတာအနပုံရ။ တရားဥပဒေမှာ မစိုးမိုးချင်လျှင် အတန်ငယ်ကြာတတ်။ ပုံများကို သေချာမကြည့်ရဲ။ ဖေ့စ်ဘွတ်ခ်သည် နှလုံးအားနည်းသူများ ချောင်းကြည့်ရုံမျှသာကြည့်သင့်သလိုဖြစ်လား။ ဖေ့စ်ဘွတ်ခ်အခြေစိုက် လူရိုင်းများ ဆဲဆိုလာ။ အမှန်တော့အကျင့်ပါနေလို့ ဆဲကြခြင်းမျှသာဖြစ်။ ကုလားဟူသောစကားလုံးကို မြန်မာပြည်ဖွားမွတ်စလင်များမှမကျေနပ်။ နှိမ်သည်ဟုထင်။ ထိုသို့ဆိုလျှင် မြန်မာအဘိဓာန်ကျမ်းတွင်ပါပြင်ဆင်ဖို့လိုလာ။
ကုလား (ပါဠိ ကုလ)
ကုလားကင်ပွန်း
ကုလားရွှေ
ကုလားကာ(ကန့်လန့်ကာ)
ကုလားကျောင်း
ကုလားတက်
ကုလားတည်
ကုလားထိုင်
ကုလားပဲ
ကုလားဖန်ထိုး
ကုလားဖြူ
ကုလားမခြေထောက်
ကုလားမျက်စိ
ကုလားသေကုလားမော
ကုလားအော်
ကုလားဟင်း
ကုလားအုတ်
ကုလားအုံးဆောင်းထပ် ဆိုတဲ့ စကားလုံးတွေကို ပြန်သုံးသပ်ရမလိုဖြစ်လာ။ ဓာတ်ပုံဆရာများ
လူသေပုံများ လက်စွမ်းပြရိုက်ကူးလား၊ ဖေ့စ်ဘွတ်ခ်တက်၍ အသုဘကမ္မဌာန်း စီးဖြန်းသူများ တရားထူးရနိုင်။
နောက်ကွယ်တွင် ဖွသူတစ်ချို့ရှိနိုင်ဟု တစ်ချို့မှထင်မြင်။ ဘာသာရေးတိုက်ခိုက်မှုများရှိလာ။ ထိုသို့ဖြင့် ပြဿနာတွေတက်၊ ပြဿနာတွေတက် သီချင်းသံတိုးတိတ်သွားစဉ် တစ်သောင်းတန်ကြီးခန့်ခန့်ကြီးတက်လာ။ ..... ကျန်ပြဿနာများငြိမ်း။ ငြိမ်ကျသွား။ အပြောင်းအလဲများပက်စက်နေ။ ဖေ့စ်ဘွတ်ခ်သုံးစွဲသူများ .... စိတ်ကျန်းမာရေးထိခိုက်လာ။
ရွှေပြည်ကြီးသည် rhythm ကျကျ chaos ဖြစ်နေ။
All's well.
အားလုံးကောင်းပါသည်....အားလုံးကောင်းကြပါပေသည်။
Regards,
The Gardener
Peace B with U.
