လိုရမယ်ရ နိုင်ငံရေးအကြောင်းကို လေ့လာပါတယ်။ အသက်ကြီးလာလို့ တစ်သီးပုဂ္ပလပါတီထောင်တဲ့အခါ ဘာအသီးလို တစ်သီးတည်းသီးရမလဲကိုတွေးနေပါတယ်။ နိုင်ငံရေးသမားတို့တတ်အပ်တဲ့ အဌာရသများရှိမလားဆိုပြီး Xanthos ဆီကို sms ပို့ပြီးမေးကြည့်တယ်။ ရှိတယ်လို့ပြောတယ်။ စာအုပ်တစ်အုပ်ညွှန်းတာနဲ့ဝယ်ဖတ်လိုက်တယ်။ xanthos လိုပဲနောက်ထပ် လေးငါးနှစ်မှာ နိုင်ငံရေးလောကထဲ ခြေစုံပစ်ဝင်မယ့်သူတွေအတွက်လည်း share လိုက်တဲ့သဘောပါ။ (:P)
နိုင်ငံရေးသမားလုပ်တဲ့သူဟာ DOUBLESPEAK ပြောတတ်ရမယ်။ ဒါက ပဏာမလိုအပ်ချက်ပဲ။ လူပြောမသန် လူသန်မပြောဆိုတာ အနေတဲ့ ဟာကြူလီအတွက်ထွင်ထားတာဖြစ်တယ်။ လူသန်တာမသန်တာနောက်မှသိမယ်။ လောလောဆယ်တော့ ပြောရမယ်။ မနက်မနက် ရေချိုးခန်းဝင်ရင်း ပါရမီကို အလကားမထားပါနဲ့ ပြောပါ။ ကလင်တန်ဆို ဇာတ်တိုက်သလို ရှေ့ကို ခြေသုံးလှမ်းတိုးသွားပြီး အားနဲ့မာန်နဲ့ပြောပစ်လိုက်တာပဲ။(ပြောတာကတော့ ဘယ်မှာလဲ မော်နီကာလူဝင်စကီး ဆိုလားပဲ။)
နမူနာ ဟာသလေးတစ်ခုပေးမယ်။ နိုင်ငံရေးသမားဟာ လိုရာဆွဲနိုင်ရမယ်။ (အတော်လေးကြောက်စရာကောင်းတဲ့အချက်ပဲ)။
အတိုက်အခံနဲ့ကျွန်တော်တို့စကားပြောတဲ့အခါ အစလေးတွေ ဆွဲထုတ်ပါမယ်။ အဲဒါကို အကောင်းဆုံးသင်ပေးတဲ့ဟာသတစ်ခုရှိပါတယ်။
နိုင်ငံရေးသမား။ ။ မင်းအိမ်ကို သူခိုးမခိုးအောင်ဘယ်လိုကာကွယ်မလဲ။
အတိုက်အခံ။ ။သံဆူးကြိုးမှာ လျှပ်စစ်လွှတ်ထားမယ်။
နိုင်ငံရေးသမား။ ။ ဒါဆို သူခိုးက ကျော်တက်ရင် သူခိုးသေမှာပေါ့။
အတိုက်အခံ။ ။ အဲဒါ သူခိုးရဲ့ရွေးချယ်မှုပဲ။ ကျော်တတ်တာပဲ သေပါစေပေါ့။
နိုင်ငံရေးသမား။ ။ကလေးအမေတစ်ယောက် ကလေးကို ကျောပိုးပြီး ကျော်တက်ရင် နှစ်ယောက်စလုံးသေမှာပေါ့။
အတိုက်အခံ။ ။ အေးသေမှာပေါ့။
နိုင်ငံရေးသမား။ ။အမေကျော်တက်ရင် ကလေးပါသေမှာနော်။
အတိုက်အခံ။ ။အေးလေ။ ကလေးရဲ့ အသက်ဟာ အမေ့ရဲ့ အဆုံးအဖြတ်ပဲ။
နိုင်ငံရေးသမား။ ။ကလေးရဲ့ အသက်ဟာ အမေ့ရဲ့ အဆုံးအဖြတ်ဆိုရင် မင်းဟာ ကိုယ်ဝန်ဖြတ်ချခြင်းကိုထောက်ခံသူဆိုတာ ထင်ရှားသွားပြီ။ ကျေးဇူတင်ပါတယ်။
အဲဒီဟာသလေးကိုကြည့်ရင် နိုင်ငံရေးသမားဟာ သူလိုချင်တာရဖို့ သူခိုးတစ်ယောက်ကို ဖန်တီးလိုက်ပါတယ်။ နောက်ဆုံးဖမ်းလိုက်တဲ့အကွက်က အတော်လေး ညစ်သလို ပညာလည်းပါပါတယ်။ အဲဒါဟာ နိုင်ငံရေးသမားဥာဉ်လို့ တောင် ပြောနိုင်ပါတယ်။
ဟာသဆိုရင်လူတွေက ခပ်ပေါပေါထင်ပါတယ်။ အဲဒီဟာသကို ရေးတာက Harvard က philosopher ဖြစ်ပါတယ်။ ဟာသတွေကို တကယ်ထွင်နေတာက ပညာတတ်တွေဖြစ်ပါတယ်။ ခပ်ချာချာလူတွေက အဆင်မြင့်တဲ့ဟာသကို မဖန်တီးနိုင်ပါဘူး။
Argument from Ignorance (Agumentum Ad Ignorantiam) ကိုလည်း ဘယ်လိုသုံးလေ့ရှိတယ်ဆိုတာကို ဥပမာတစ်ချို့နဲ့လေ့လာပါမယ်။ ဆီနိတ်တာ Joseph McCarthy က အစိုးရအဖွဲ့မှာ တစ်ယောက်ဟာ ကွန်မြူနစ် ဖြစ်ခဲ့တယ်ဆိုတာကို သိထားပါတယ်။ ကွန်မြူနစ်တစ်ယောက်ရှိနေတယ်ဆိုတာကို ဒဲ့ပြောလိုက်ရင် သိပ်ပြီး မထိရောက်ဘူး။ အဲဒါကိုနည်းနည်းလှည့်ပြောလိုက်တာက .... အစိုးရအဖွဲ့ဟာ ကွန်မြူနစ်တွေနဲ့ လုံးဝပတ်သက်မှုမရှိဘူးလို့ အာမခံနိုင်တဲ့အထောက်အထားမရှိုဘူးဆိုတာကလွဲရင်ကျန်တာတွေကိုတော့ ကျွန်တော်သေချာမသိသေးပါဘူး။
အခြေခံအားဖြင့် အသေးအဖွဲကို ပုံကြီးချဲ့တတ်တာပြောပါတယ်။ ကျန်တာတွေ သူသေချာမသိဘူးလို့ထည့်သုံးလိုက်တာက တခြားအရာတွေကို ပိုပြီး သေချာသွားသယောင်ဖြစ်စေပါတယ်။ နိုင်ငံရေးသမားကောင်းဟာ လိုအပ်ရင်လိုအပ်သလို ပြောင်းလဲတင်ပြနိုင်ရမယ်။
DOUBLESPEAK သုံးတဲ့နေရာမှာပြောင်မြောက်တဲ့ အမေရိကက Secretary of Defense Donald Rumsfeld ပြောတာလေးကို လေ့လာကြရအောင်။ ရေးတဲ့သူက double talkတောင်မဟုတ်ဘူး Triple talk လို့တောင် သတ်မှတ်ပါတယ်။ အဲဒီစကားကတော့
The absence of evidence is not the evidence of absence ...
Simply because you do not have evidence that something does exist does not mean that you have evidence that it doesn't exist.
သိတော်မူတဲ့အတိုင်း အမေရိကားဟာ အီရာ့ခ်မှာ လက်နက်တွေသွားရှာတာ လေးခွတောင်ထွက်မလာဘူး။ (မက်ဒေမွန်တောင်ခဏခဏသွားရှာတယ်။ ဗီဒီယိုတွေတောင် အတော်လေးထွက်လာတယ်။ )။ အဲဒီတော့ အကြောင်းပြချက်ကောင်းကောင်းလိုတယ်။ ဆင်ကို ဆိတ်ဖြစ်အောင်ပြောဖို့လိုတယ်။ အဲဒီတော့ ဒင်းကပြောတယ်။ အထောက်အထားပျောက်ဆုံးနေခြင်းဟာ မရှိဘူးဆိုတဲ့ အချက်ကို ခိုင်မာစေတဲ့အထောက်အထားမဟုတ်ပါဘူး တဲ့ ....။ ပထမတစ်ကြောင်းက ညာချင်လို့ လှည့်လိုက်တာ။ သက်သေမရှိတာဟာ မရှိတာကို သက်သေမလိုက်နိုင်ဘူး။ သူညာတာကို ခိုင်မာဖို့ လှလှလေးဆက်လိမ်လိုက်တာက ရေလည်မိုက်တယ်။ ရှင်းရရင် ၊ ခင်ဗျားဟာ သေချာပေါက်ရှိနေတာကြီးတစ်ခုခုကို သက်သေမပြနိုင်တာဟာ၊ လုံးဝမရှိတာကြီးကို သက်သေခံအထောက်အထားတွေ့ထားပြီဆိုတာနဲ့တူမှမတူတာ။ အဲဒီအယူအဆကိုရှုပ်ထွေးအောင်လုပ်လိုက်တာက အတော်လေးတာသွားတယ်။ သေချာပေါက်ရှိတာကြီးကို သက်သေမပြနိုင်တာဆိုတာက လက်ရှိအခက်အခဲကို ပေါ်လွင်စေတယ်။ အဲဒါကို သူက အသားမပေးဘူး။ လုံးဝမရှိတာကို သိနေပြီဆိုတာနဲ့မတူဘူးဆိုတာက ကျန်တဲ့စွပ်စွဲသူတွေကို ပြန်တိုက်ခိုက်လိုက်တာ။ လုံးဝမရှိဘူးလို့ ဘယ်သူမှသေချာမသိကြတာကို အခွင့်ကောင်းယူလိုက်တာလို့လည်းပြောနိုင်တယ်။ အဲဒီစကားလေး နှစ်ခွန်းသုံးခွန်းဟာ အမေရိကန် ထောင်နဲ့ချီသေဖို့ပဲ။ နိုင်ငံရေးသမားဟာ အခြေအနေအကြပ်အတည်းကို လွယ်လွယ်နဲ့ရှင်းလိုက်နိုင်ရမယ်။
Rumsfeld ဟာ နောက်ထပ်ပြောင်မြောက်တဲ့ Ignoratio Elenchi (Ignorance of the Issue) ကိုလည်းလုပ်ခဲ့ပါသေးတယ်။ အဲဒီစကားကို Rhichard Clarke က သူ့ရဲ့ All Enemies: Inside America's War on Terror မှာဒီလိုရေးထားပါတယ်။
Rumsfeld complained that there were no decent targets for bombing in Afghanistan and that we should consider bombing Iraq, which , he said , had better targets.
အာဖဂန်မှာ ဗုံးကြဲဖို့နေရာကောင်းမရှိလို့ အီရာ့ခ်ကိုဗုံးကြဲသင့်တယ်။ အင်မတန်မှ ကပေါက်တိကပေါက်ချာလို့ထင်စရာရှိပါတယ်။ဘာနဲ့တူသလဲဆိုရင် ကျွန်တော့်မှာ ခေါင်းကိုက်ပျောက်ဆေးမရှိဘူး။ ၀မ်းနှုတ်ဆေးပဲသောက်လိုက်ကြစို့ ဆိုတာမျိုးဖြစ်နေတယ်။ ဒါပေမယ့် သူအောင်မြင်တယ်။ အဓိက ပြဿနာကို သူသိပ်မပြောဘူး။ ပြောလိုက်ရင်သေချာပေါက် ကန့်ကွက်ခံရမယ်။ အခုက သူပြောသလိုဆိုရင် အမေရိကန်တွေက တစ်နေရာမဟုတ် တစ်နေမှာ ဗုံးချကို ချရမယ့်တာဝန်ရှိနေသလိုဖြစ်နေတယ်။ ဒါပေမယ့် သူ့ကို မငြင်းကြတာက သူပြောတာက Argumentum Ad Odium (Argument from Hatred) ဖြစ်နေလို့ပါ။ လူတွေဟာ ကိုယ်မုန်းတဲ့သူကို ဘာမဆို တုံ့ပြန်ချင်တယ်။ အခုလက်ရှိ နိုင်ငံရေးအနေအထားဟာလည်း ဒီသဘောရှိတယ်။ ဒီမိုကရေစီဆိုတာဘာလဲ .......။သိလို့မဲပေးတာထက် Argumentum Ad Odium ဆန်တဲ့အဆိုတွေကို ထောက်ခံလိုက်တဲ့သဘောကပိုများတယ်။ ဒီလိုပြောလို့ ဒီမိုကရေစီဟာ မကောင်းဘူးလို့မဆိုလိုဘူး။(နောက်တစ်ပတ်မှာတင်မယ့်ပို့စ်မှာ ဒီဘိုနိုးရဲ့ ဒီမိုကရေစီအမြင်ကို တင်တဲ့အခါကြရင်ပိုပြီးပြည့်ပြည့်စုံစုံဖြစ်မယ်လို့မျှော်လင့်ပါတယ်။ ဒီမိုကရေစီဟာ ပြီးပြည့်စုံတဲ့စနစ်မဟုတ်ဘူး။ ဒါပေမယ့်ကျန်တဲ့စနစ်တွေထက်တော့သာတယ် လို့ အဲဒီဆောင်းပါးမှာဖော်ပြထားပါတယ်။)
တစ်ချို့ကလည်း နိုင်ငံရေးသမားတွေဟာ ခိုတွေလိုပဲ။ အောက်မှာရှိတုန်းက ကိုယ့်ကျွေးတဲ့အစာတွေစားတယ်။ အပေါ်ရောက်တော့ ခေါင်းပေါ်ကို အညစ်အကြေးစွန့်တယ်(စော်ကားတယ်။) လို့ပြောကြတယ်။ နိုင်ငံရေးသမားတွေဟာ မကောင်းတာလား၊ မကောင်းတဲ့သူတွေက နိုင်ငံရေးလောကထဲ ခြေစုံပစ်ဝင်လွန်းလို့ပဲလား။ ဘာလို့ ကမ္ဘာတစ်ဝှမ်းမှာ နိုင်ငံရေးသမားအပေါ် သဘောထားတဲ့ဟာသတွေက လာလာတူနေတာလဲလို့တွေးမိတယ်။
နိုင်ငံရေးသမားတွေအတုယူရမယ့်လေ့ကျင့်ခန်းတစ်ခုကို အာမေးနီးယန်းနဲ့အစိုးရ ဟာသလေးမှာတွေ့နိုင်ပါတယ်။
အာမေးနီးယန်း။ ။ ပြီးခဲ့တဲ့ တနင်္ဂနွေနေ့မှာ Akopian တစ်ယောက် ရူဘယ်ငွေ ၁သိန်း ထီပေါက်ပြီးရသွားတယ်ဆိုတာမှန်လား။
အစိုးရ။ ။ အေးမှန်တယ်။ ဒါပေမယ့် တနင်္ဂနွေတော့မဟုတ်ဘူးကွ၊ တနင်္လာနေ့။ နောက်ပြီး Akopian မဟုတ်ဘူးကွ။ သူက Bagramyan။ နောက်တော့ထီပေါက်တာမဟုတ်ဘူး၊ ကျားထိုးတာ။ တစ်သိန်းလည်းမဟုတ်ဘူး။ တစ်ရာတည်းပါ။ အင်း ...နောက်ပြီး နိုင်တာမဟုတ်ဘူးကွ။ ရှုံးတာ။
.... နိုင်ငံရေးသမားကောင်းဟာ မေးခွန်းကို မငြင်းဘူး။ တခြားသူ လိုချင်တဲ့ yes ကို အရင်ပေးလိုက်တယ်။ ပြီးတာ့မှ သူပြောချင်တာပြောတယ်။ ဘာပဲဖြစ်ဖြစ် ... ဒါလေးက အတော်သပ်ရပ်တဲ့ ဟာသဥပမာလေးတစ်ခုပဲ။ ဒါဟာ doublespeak example ကောင်းလေးတစ်ခုလည်းဖြစ်ပါတယ်။
နိုင်ငံရေးလုပ်ဖို့ဆိုတာ ... မျှခြေအနေအထားမှာပဲ လုပ်သင့်ပါတယ်။
လွတ်လပ်စွာယှဉ်ပြိုင်နိုင်တဲ့၊ မျှတစွာအောင်မြင်နိုင်တဲ့၊ လူတစ်ဦးစီရဲ့ ဂုဏ်သိက္ခာနဲ့ရပိုင်ခွင့်ကို နားလည်တဲ့ နေရာမျိုးမှာ နိုင်ငံရေးလုပ်ရတာ မင်္ဂလာတစ်ပါးပါပဲ။ ဒါမှမဟုတ်ရင်တော့ ဘိုးဘိုးအောင်ရဲ့ဝလုံးတွေလို ပွားပွားလာတာတွေကို အံ့အားသင့်ရင်း Harry FrankFurt ရဲ့ On Bullshit က quotes လေးနဲ့ပဲ ဒေါသတွေမပါလာခင် အဆုံးသတ်ချင်ပါတယ်။
--Harry FrankfurtOne of the most salient features of our culture is that there is so much bullshit.
ပျင်းရိစွာဖြင့်
Zephyr
ref:
၁။ Aristotle and an Aardvark go to washington
၂။ မောင်ကောင်းထိုက် ထွေလီကာလီ ၂
၃။ Notes of Zephyr
Notes:
မိခင်ကြီးစိတ်ချမ်းသာလက်ချမ်းသာရှိစေရန် ... စာများများရေးနေပါသည်။
Peace B with U.
